الجامعات الأجنبية في المدينة التعليمية اغلقت ابوابها شهر ابريل !!!

[الزاجل]

:shy:
ادري اني مثختها.....>ركزوا على الثاء

بس صدقوني الموضوع هذا راح يحتاجونه
طلاب الثانوية ولازم يحطونه في بالهم ..

على طلاب الثانوية العامة للعام المقبل 2007 و2008

الحصول على شهادة التوفيل او الايلدز
بالإضافة الى شهادة السات قبل شهر 4 /2008
حتى يتمكنوا من حجز كراسي في احدى الجامعات الأجنبية
في المدينة التعليمية ..

فشرط تسجيله في هذه الجامعات التي لا نعرف على اي اساس
تعمل على قبول الطلاب في نصف السنة الدراسية في قطر
قبل انهائه للشهادة العامة بفصل كامل
التي قد يكسبه خبرة اكبر في الرياضيات لاجتياز السات
او اللغة الانجليزية لاجتياز التوفيل او الايلدز ..

والذي اثار حفيظتي
فرحة مدرسة بيان الثانوية بقبول ما يقارب من 10 الى 12 او 15
طالبة في جميع الجامعات التعليمية في المدينة التعليمية
بداية من جامعة كورنيل للطب نهاية بجامعة فرجينيا للازياء والتصميم ..

كم عدد طالبات المدرسة
حتى يتم اعلان في الجرايد عن قبول 20 طالبة عند المبالغة
من مدرسة تفتخر ان نسبة تعدي طالباتها 800 من 990
قد وصل 100%
اي ان ولا طالبة في البيان حصلت على اقل من 800 من 990
عاد شوفوا انتوا كم وحدة فيهم حصلت على 900 الى 990 ..

اللي يفقع مرارة الواحد
ويخليه ينقهر
ان الطالب بعد منتصف شهر ابريل يمكنه تقديم اوراقه للجامعات خارج البلاد
اي ان الطالب اللي يقدم اوراقه الى جامعات
امريكية بعد 15 /4
وكانت اوراقه تستوفي الشروط يتم قبوله بكل رحابة صدر
بينما الجامعات في الدولة تغلق الأبواب في وجهه
من نص شهر 4 من نفس السنة اللي يدرس فيها
الثانوية العامة ؟؟

واللي يخلي الواحد يخاف على كلاويه من عقب
ما انفقعت مرارته :court:
ان مناهج التعليم في قطر
ما اتأهل الطلاب للحصول على السات والتوفيل
من غير دورات خارجية يتكبدها رب الإسرة
حتى يتمكن ابنه من الحصول على مقعد في نفس السنة
او حتى السنة اللي بعدها ..

فالطالب اللي يحصل على السات او التوفيل بعد 15 /4
ويخلص الثانوية في شهر 7

عليه انه يضيع سنة كاملة من عمره من غير شغلة
ولا مشغلة اذا كان حاب يدخل احدى الجامعات في المدينة التعليمية
او انه يدخل الجسر الاكاديمي ويصير راس اللي في ليفل 1 ويدرس لغة
براس اللي يدرس ليفل 4 و5 ويدرس تأسيس مواد جامعية :funny:

مافي شي يضحك :court:

هااا
فهمتوا شنهو الموضوع :o

[مريديان]

بثراحة http://www.cheesebuerger.de/images/midi/frech/a020.gif انا مافهمت...عيزانة افهم....:eek2:

[المخلب]

او الايلدز

الآيلتز يا باشا .. :) ..

[مفلوعه بكرسي]

الله يعين الجميع ,,
انزين حبيت اسئلج االحين لو ابي اسجل حق التوفل في الجسر بعد بينطروني .. مب شرط ادش اي جامعه في المدينه التعليميه بس ابي التوفل حق جامعة قطر يسمحون لي بهالشيء ؟؟

[~¤ العنود ¤~]

كلامك كله صح اخوي الزاجل .. السنه هذي مادري على أي اساس جامعات المدينه التعليمية سكرت ابواب القبول بعد منتصف الفصل الدراسي الأول !!

يقولك .. غطوا احتياجاتهم وقالوا للباقي باي باي !! عندهم عدد معين للمباني الجديده وبس الباقي ماعليهم منهم يضربون راسهم في الطوفه ! أهم شي ان هم يغطون الاعداد اللي يبونها ويعوضون خسايرهم !


فالطالب اللي يحصل على السات او التوفيل بعد 15 /4
ويخلص الثانوية في شهر 7

عليه انه يضيع سنة كاملة من عمره من غير شغلة
ولا مشغلة اذا كان حاب يدخل احدى الجامعات في المدينة التعليمية
او انه يدخل الجسر الاكاديمي ويصير راس اللي في ليفل 1 ويدرس لغة
براس اللي يدرس ليفل 4 و5 ويدرس تأسيس مواد جامعية

لا والقهر يقولك الجسر الاكاديمي فيه امتحان قبول !!! لا وبعد اذا ما نحج طالب الثانويه المتفوق يقولون له باي باي !! قبل كانوا يترجووون الشركات والتربيه انهم يسجلون القطريين ! ووصلت للاجبار .. الحين يقولون لعيالنا باي باي !

الله يرحم أيام جامعه قطر .. اشوف كل ما كثرت الجامعات ساء حاااالنا

والله يعين اللي يبي يقدم التوفل او الIELTS .. اصلا خلاص مافي seats .. يعني مافي مقاعد .. خل عاد يسافرون ويتلتهون في البحرين .. دبي او الكويت !!

الله يكون في عون الجميع واسمحولي على الاطاله .. بس من القهر اللي عايشين فيه واللي يواجهوونه خريجين الثانويه هالايام

[الزاجل]

الآيلتز يا باشا .. :) ..
:D
الايلتز
ولا يهمك يا سعادة البيه

واحنا اشعرفنا فيها
كل اللي انعرفه
مطوع وخيزرانة واي بي سي دي :D

[الزاجل]

بثراحة http://www.cheesebuerger.de/images/midi/frech/a020.gif انا مافهمت...عيزانة افهم....:eek2:
بثراحة اكثر
يحق لج ما تفهمين
تقرين على الساعة سلاس الفجر....> ركزي على السين:D

بحيل الله وقوته لقعدت من النوم
وصحصتي بتفهمين شسالفة :dance

[الزاجل]

الله يعين الجميع ,,
انزين حبيت اسئلج االحين لو ابي اسجل حق التوفل في الجسر بعد بينطروني .. مب شرط ادش اي جامعه في المدينه التعليميه بس ابي التوفل حق جامعة قطر يسمحون لي بهالشيء ؟؟
:eek2: :eek2: :eek2:

[jajassim]

:D
الايلتز
ولا يهمك يا سعادة البيه

واحنا اشعرفنا فيها
كل اللي انعرفه
مطوع وخيزرانة واي بي سي دي :D


ايييييييييييييييه راحت أيامنا ،، صحصح جميلة crazy

[الزاجل]

كلامك كله صح اخوي الزاجل .. السنه هذي مادري على أي اساس جامعات المدينه التعليمية سكرت ابواب القبول بعد منتصف الفصل الدراسي الأول !!

يقولك .. غطوا احتياجاتهم وقالوا للباقي باي باي !! عندهم عدد معين للمباني الجديده وبس الباقي ماعليهم منهم يضربون راسهم في الطوفه ! أهم شي ان هم يغطون الاعداد اللي يبونها ويعوضون خسايرهم !



لا والقهر يقولك الجسر الاكاديمي فيه امتحان قبول !!! لا وبعد اذا ما نحج طالب الثانويه المتفوق يقولون له باي باي !! قبل كانوا يترجووون الشركات والتربيه انهم يسجلون القطريين ! ووصلت للاجبار .. الحين يقولون لعيالنا باي باي !

الله يرحم أيام جامعه قطر .. اشوف كل ما كثرت الجامعات ساء حاااالنا

والله يعين اللي يبي يقدم التوفل او الIELTS .. اصلا خلاص مافي seats .. يعني مافي مقاعد .. خل عاد يسافرون ويتلتهون في البحرين .. دبي او الكويت !!

الله يكون في عون الجميع واسمحولي على الاطاله .. بس من القهر اللي عايشين فيه واللي يواجهوونه خريجين الثانويه هالايام

اي والله قهر يا العنود ..
العام طالب نسبته 98 بس مشكلته ما عنده توفل
ولا ايلتز ( صح يا المخلب ؟ ):D
قدم امتحان ودخل الجسر في اعلى ليفل عندهم
واعتقد صعب عليه التوفل بعد حصل عراقيل ..

الأول الواحد كان يروح يدرس لغة ستة شهور
ويتخصص في الدول الغربية وعلى حساب الحكومة
اللحين مسوين لنا مشاكل ومسين لنا بلاوي
ولازم اتييب الشهادة قبل ما اتسافر

ما يندرى اللي درسوا قبل دراستهم اطلعت غلط والا شسالفة ..

اما بخصوص امتحان القبول في الجسر
مطلوب 420
تخيلي انت بس
المجلس الاعلى يطلب اعتقد ال جي بي ايه
3 والبترول 2.5
تخيلي وركزي معاي
على حسب نتيجتج في امتحان قبول الجسر
راح تنحطين في الليفل المناسب..
فالطلاب من
420 الى 470 اعتقد
راح يكونون في ليفل 1 و2
والليفلين يدرسون فيهم انجليزي وحاسب على اكبر تقدير
لكن من ليفل 3 وطالع
تصعب نوعية الدراسة.
وفي الأخير
كل الطلاب في الجسر مطالبين بنسبة 2.5
اللي يدرس انجليزي
اواللي يدرس فاونديشن
من مراعاة لصعوبة المنهج ..

وفي الأخير يا العنود
اذا لج واسطة محترمة في احدى شركات الدولة
او الطالب ابوه يشتغل في هالشركات
مثل البترول او راس غاز
راح يتسفر قريبج ويختار التخصص اللي يبيه
مع انه ما تعدى امتحان البترول
وامتحان المجلس الأعلى
ودرس له في البترول دراسة اي كلام
وصار راسه براس اللي حك في الجسر
مع منهج صعب وتأسيسي مب دراسة لغة وبس ..

الله يكون في عون الطلاب:funny:

اشبلاك تضحك انت :court:

[الزاجل]

ايييييييييييييييه راحت أيامنا ،، صحصح جميلة crazy
هااااااااااااااااااا
هااااااااااااااااااااااااا
هااااااااااااااااااااااااااااااا

اعجبتك سالفة الخيزرانة :strong

[PoBox]

:shy:
ادري اني مثختها.....>ركزوا على الثاء


واللي يخلي الواحد يخاف على كلاويه من عقب
ما انفقعت مرارته :court:
ان مناهج التعليم في قطر
ما اتأهل الطلاب للحصول على السات والتوفيل
من غير دورات خارجية يتكبدها رب الإسرة
حتى يتمكن ابنه من الحصول على مقعد في نفس السنة
او حتى السنة اللي بعدها ..


:o


الطالب اللي يطلع من مدرسة حكومية مثلا
تساله عندك توفل ،،
يعتقد ان واحد يقوله لاتتفل او تعال تفول ( كل فاكهة) او فوول

مساكين هالطلاب ،، مايدرون عن اللومي
مشكلة لما يبدا الاصلاح من فوق !!

والقاعدة معفنة ،
مااتكلم عن القاعدة الجديدة بل اللذين
عدوا سن القاعدة الجديدة وجاء التغيير وهم في منتصف المطاف
لااخذوا تاسيس محترم
وجاهم رفع المعايير وهم قد طافهم التاسيس على هذه المعايير


الطالب في حياته ماشاف شي اسمه توفل
وفجاة تقوله تعال وقدم وهذا مستواك بالانجليزي في امتحان غالبه حظ
ومايعكس قوة الطالب في الانجليزي بذيك الدرجة

كما ان جامعات المدينة التعليمية بالقوانين الحالية ليست للقطريين
او بالاحرى ليست لاي قطري

ادخل وشوف عدد الخريجين من اي جامعة وشوف صورهم
وحاول تبحث عن ( فضولي) = القطري من بينهم

اللي يقدر يرسل ولده برع او عن طريق بعثة خارجية
احسن له الف مرة من الدراسة في قطر في المدينة التعليمية
وحتى كراحة وسهالة دراسة راح تكون بالخارج احسن
لان البيئة كاملة امريكية مثلا

اما في قطر يصير الولد مجنون مع دراسه بقواعد امريكية وحياة بنظام قطري !!
( مااتكلم عن الدين والاختلاط وهالسوالف )
بل عن نظام الدراسة
فعلا لم اشاهد شخص في المدينة التعليمية يقول انا فرحان بدخولي

مشكلة لما يكون التعليم اجنبي ومقاييس الدخول امريكية
لكن الخروج يكون من مدارس قطرية غير مؤهلة في الوقت الحالي
لتوريد طلاب لهذه المدارس ..

ومافي الا الواحد يشتغل على ولدة من ثالث اعدادي بالدورات
لين يجيبله التوفل والسات ويريح عمره
مع العلم ان بالوقت الحالي
لو كان مجموعك
99.9992%
ماراح تدخل كلية الادارة بجامعة قطر اللي دخولها 75% فقط
الا لو عديت التوفل !!

فما بالك بالمدينة التعليمية

ايس في سنو هادا بوووت مشكل :anger2: :anger2:

والله ان الخريجين القطريين من امريكا لو يقدمون التوفل والسات بعد انتهاء دراستهم
يمكن ماينجحون فيهم ويسحبون منهم الشهادة الجامعية خخخخخخخخ

اطالب بتطبيق التوفل والسات على الخريجين من الجامعة (( لحد يطق هههههههههه ))
نشوف هل الخريج حقا يحتاج لهذه المعايير التعجيزية في الدخول -- كيف انهى دراسته اذا من جامعات اعلى من العلو في مكانتها

مالهدف من اختبار القبول التعجيزي ؟؟

هل هو ضمان نجاح الطالب ؟؟
او ماهو بالضبط ؟؟

يمكن ينجح في الرياضيات والانجليزي
ويتخصص جيولوجيا ويرجع ومايقدر يمشي ويفشل ؟؟

مع انه عدى القبول .

:court: :court: :court: :court:
:anger2: :anger2: :anger2: :anger2:
:anger1: :anger1: :anger1:
:mad: :mad: :mad: :mad:

[حيهور]

اعرف واحد مجموعة 92 وله بعثة من المجلس الاعلى
بس ماقدر يجيب التوفل لا في الجسر ولا في جامعة قطر
راح اشتغل في البترول بعد ماضاع من عمرة سنتين عشان التوفل
وبعد اربع اسنين في البترول طرشوه الاطلنطي طبعا بدون توفل ولا خرابيط
ومعدله الحين 4/4 ودرجاته عاليه بدون توفل

مادري شنو الفايده من التوفل؟

[الزاجل]

اعرف واحد مجموعة 92 وله بعثة من المجلس الاعلى
بس ماقدر يجيب التوفل لا في الجسر ولا في جامعة قطر
راح اشتغل في البترول بعد ماضاع من عمرة سنتين عشان التوفل
وبعد اربع اسنين في البترول طرشوه الاطلنطي طبعا بدون توفل ولا خرابيط
ومعدله الحين 4/4 ودرجاته عاليه بدون توفل

مادري شنو الفايده من التوفل؟
تدري شنهي فايدة التوفل
؟
الشخص اللي تعرفه عنده دبلوم اللحين لكن ما عنده بكالوريوس
ما بيشتغل بدرجة سنير crazy
راح يتوظف بدرجة جنيير ..

جنيير والأطلنطي اللي يابو 70 طرشوهم
من بترول حق الاطلنطي .. من غير توفل ..

.................................................. ...................

[الزاجل]

الله يعين الجميع ,,
انزين حبيت اسئلج االحين لو ابي اسجل حق التوفل في الجسر بعد بينطروني .. مب شرط ادش اي جامعه في المدينه التعليميه بس ابي التوفل حق جامعة قطر يسمحون لي بهالشيء ؟؟

تعالي
توني منتبه انج مفلوعة بكرسي :eek2:
ومنهو البطل اللي قدر عليج :dance


شوفي
المدينة التعليمية اتسجلين فيها حق التوفل
واتقديمن الامتحان وتاخذين النتيجة واتروحين جامعة قطر ..

الجسر ما يقدم لج امتحان توفل
الجسر يهيئ الطلاب للحصول على التوفل ( المفروض ):D
ولازم اتعدين نسبة 420 وبمعدل 80% في الثانوية العامة ...

[الزاجل]

بو البكاسينج
10 مدارس مستقلة قدمت الامتحانات هالسنة
التركيز في الجرايد كان على
عمر والبينا وامنة بنت وهب
وامنة التركيز كان عليها لأن
الأولى والثانية والخامسة منهم ..

اما المدارس الثانية روح شوف نتايجهم اشلون
مب عارف اي جامعة ممكن تقبلهم
بعد هالنسب الحلوة اللي يابوها ..

[~¤ العنود ¤~]

اي والله قهر يا العنود ..

ودرس له في البترول دراسة اي كلام
وصار راسه براس اللي حك في الجسر
مع منهج صعب وتأسيسي مب دراسة لغة وبس ..

الله يكون في عون الطلاب:

اشبلاك تضحك انت

اوافقك في كل اللي قلته اخوي الزاجل .. يحطون الطلاب على مستويات .. الانجليزي والفاونديشن .. وفي الاخير كلهم يتخرجون مع بعض :court:

اما اخر شي قلتله ان الطالب اللي درس في البترول دراسه اي كلام !! هالشي اللي ماوافقك فيه .. البترول اثبتت انها افضل شركه في قطر تعطي برامج تأسيسيه .. واذكرك ان برنامج الجسر الاكاديمي انباق من البترول اللي كان عندهم من انجح البرنامج ل25 سنه !! وبعد ماباقوه الجسر واجبروا البترول يكنسلون برنامجهم ويحولون كل طلبتهم عندهم صار من اتعس البرامج اللي طلبه الادبي كانوا يحضورون مع العلمي في اول سنتين !! لحد ما وصهم التطور شوي .. وبعد مستواهم وايد ضعيف ! بس جيبوا فلوس وبس .. هذا اهم شي عندهم

اشفيني دخلت في السياسه :con2:

الله يستر بس omen