البنوك تحجر على الرواتب لأسباب تافهه

[سوق واقف]

السلام عليكم ورحمة الله وبركاته

أخواني أخواتي الأعزاء لقد أكتشفت شيء غريب أمس نزلت الرواتب من الدولة ووصلني مسج بأن الراتب نزل ولكن لا تستطيع سحبه أتصلت بالبنك قالي الرواتب كلها محجوزه لأنه الرواتب نزلت بدري قلت شدخل قالي هذي الي صاير مع كل البنوك ....

أنا أتكلم عن الدوحة الإسلامي رغم انهم ما يطالبوني بشيء .....

هل هذي الحركة صارت وياكم أو لا والى اليوم الراتب محجوز شيء غريب أتمنى من مصرف قطر المركزي تغريم هذه البنوك .........

[um abdulla]

ما اعتقد المركزي بيغرم البنوك او حتى بيوجه لهم لفت نظر !
اعتقد ان هذا امر متعارف عليه ومتفق عليه ضمنيا اذا لم يكن منصوصا عليه
اشلون تبون البنوك تستفيد ؟؟ ليش البنوك تجتذب الزبائن وتشجع على تحويل الراتب ؟

[سوق واقف]

ما اعتقد المركزي بيغرم البنوك او حتى بيوجه لهم لفت نظر !
اعتقد ان هذا امر متعارف عليه ومتفق عليه ضمنيا اذا لم يكن منصوصا عليه
اشلون تبون البنوك تستفيد ؟؟ ليش البنوك تجتذب الزبائن وتشجع على تحويل الراتب ؟

اختي أم عبد الله بس الحركة غريبة ما دام وصل مسج بنزول الراتب يعني تقدر تسحب الرقم موجود في الشاشه بس السحب ممنوع قالي بعد يومين من اليوم ليش على كيفهم يشتغلون ... أتمنى المسئولين يشوفون حل مع هل البنوك

مب حسابي حساب أم العيال ...

[حبر سري]

يااخوان اسمحوا لي اقول انكم غلطانين

اولا سالفة الحجز , مااعتقد ان البنك كفو يحجز على ريال اذا كانت الدولة هي التي امرت بصرف الرواتب قبل الموعد لقدوم العيد , الا اذا العميل كانت عليه التزامات اكثر من رابته مثلا او عليه متأخرات , في هالحالة يحق للبنك يحجز اي مبلغ يدخل في حساب العميل مهما كان مصدره , وتدري وشراح يصير في البنك اذا حجز والرواتب نازلة بامر الدولة؟؟ بيروح في ستين الف داهية بصراحة

ثاني شي , نقطة وشلون تبون البنوك تستفيد اللي اثارتها اختي اللي اقدرها ام عبد الله : البنك مستفيد في كل شي , منشار ولا حد يقدر له , ومب ابهالطريقة البنك يستفيد
يعني لو يبي يستفيد , وشلون بينزلها في حساب العميل؟ اذا نزلها في حساب العميل حتى لو كان حاجز عليها مب قادر يستفيد منها , وهالكلام اكيد 100%

الخلاصة : الموضوع فيه لبس وانا متأكد من هالشي , لان البنك اذا يبي يستفيد ماراح ينزلهم اصلا في حسابات العملا , بيخليهم عنده قبل ماينزلهم وبيستفيد منهم , وعقبها بينزلها بدون حجز ولا شي

[um abdulla]

اخي حبر سري
اعتقد ان اخونا سوق واقف ما يقصد حجز متعمد لسبب . لان حرمته ما عليها التزامات كما اوضح
ولكن اظن ان الموضوع اننا توصلنا مسجات من جهات اعمالنا باشعار الراتب . ولما نروح نسحبه من البنوك يقولون لا ما ينسحب الان . ليس بعد . يمكن يقولون ما نزل بالحساب
صح يا سوق واقف ؟

[حبر سري]

اخي حبر سري
اعتقد ان اخونا سوق واقف ما يقصد حجز متعمد لسبب . لان حرمته ما عليها التزامات كما اوضح
ولكن اظن ان الموضوع اننا توصلنا مسجات من جهات اعمالنا باشعار الراتب . ولما نروح نسحبه من البنوك يقولون لا ما ينسحب الان . ليس بعد . يمكن يقولون ما نزل بالحساب
صح يا سوق واقف ؟

اذا كان مسج الراتب واصل من الدوام , فالبنك ماله علاقة فيه
الدوام يطرش اي شي
لكن هل البنك استلم؟؟ لان كل الرواتب اللي توصل البنوك يكون عليها شي اسمه value date يعني تاريخ القيمة
وهالتاريخ وخصوصا اذا كان من الدولة , مب كفو بنك واحد في قطر اياخره الا اذا صارت اخطاء عنده , يعني الكشوفات اتروح من الدوام يمكن يوم عشرين او قبل بعد , تنزل اخر الشهر بامر من جهة العمل نفسها

اما مسجات الدوام فهذا شي البنك ماله علاقة فيه , لان مسج الدوام مايعني ان الراتب نزل , وانما يعني ان اللي بينزل راح يكون هالكثر

اتمنى الفكرة تكون وضحت

[ابوالجازي]

لان كل الرواتب اللي توصل البنوك يكون عليها شي اسمه value date يعني تاريخ القيمة
وهالتاريخ وخصوصا اذا كان من الدولة

فعلا هذي اللى يصير

بالنسبه لي لما ابعث الكشوف للبنك ماطرش هالورقه :secret:

طبعا بعلم الاداره لان ياخر الرواتب

[hamoor4ever]

مازيد على كلام الاخ حبر سري ، اخوي فيه شي اسمه تاريخ استحقاق الراتب واللي يجي من جهه العمل يعني اذا جهه العمل اخبر البنك ان الراتب ينزل تاريخ 25 فماراح ينزل قبل لان حساب المؤسسه ماينخصم منه ريال لصالح الموظفين الا بتاريخ 25 فحتى لو لقيت المبلغ نازل في حسابك مش معناه انك تقدر تسحبه لازم يستحق تاريخه اللي هو 25 علشان تقدر تسحبه وعلشان اتم عمليه الخصم الحقيقي بالتاريخ المحدد من قبل المؤسسه

[حبر سري]

مازيد على كلام الاخ حبر سري ، اخوي فيه شي اسمه تاريخ استحقاق الراتب واللي يجي من جهه العمل يعني اذا جهه العمل اخبر البنك ان الراتب ينزل تاريخ 25 فماراح ينزل قبل لان حساب المؤسسه ماينخصم منه ريال لصالح الموظفين الا بتاريخ 25 فحتى لو لقيت المبلغ نازل في حسابك مش معناه انك تقدر تسحبه لازم يستحق تاريخه اللي هو 25 علشان تقدر تسحبه وعلشان اتم عمليه الخصم الحقيقي بالتاريخ المحدد من قبل المؤسسه

والله ياخوي ياهامور المفروض اني انا اللي ماازيد على كلامك
كفيت ووفيت

[بو تميم]

صحيح ياسوق وقف انا حصل معى نفس الشى وكلامت البنك وقالوا ان الستم جربان

[الوعد2016]

الحمدالله راتبي من يومين نازل ولاول مره لم يتم التاخير او الحجز وابشرك سحبت كامل الرصيد من الحساب وبعد مسوي تاجيل اقساط واول مره البنك الى اتعامل معه ينزل الراتب قبل التاريخ وبالعاده ينزل اخر يوم والساعه 12 الظهر او 8 في اليل

[swedan_qatar]

الحمدالله راتبي من يومين نازل ولاول مره لم يتم التاخير او الحجز وابشرك سحبت كامل الرصيد من الحساب وبعد مسوي تاجيل اقساط واول مره البنك الى اتعامل معه ينزل الراتب قبل التاريخ وبالعاده ينزل اخر يوم والساعه 12 الظهر او 8 في اليل


الفال لنا

[مليت]

راتبي نزل تاريخ 14 وانا رياح اسحب مبلغ انصدمت ان راتبي نازل سحبته قبل لا يسون عليه استحقاق

[um abdulla]

اذا كان مسج الراتب واصل من الدوام , فالبنك ماله علاقة فيه
الدوام يطرش اي شي
لكن هل البنك استلم؟؟ لان كل الرواتب اللي توصل البنوك يكون عليها شي اسمه value date يعني تاريخ القيمة
وهالتاريخ وخصوصا اذا كان من الدولة , مب كفو بنك واحد في قطر اياخره الا اذا صارت اخطاء عنده , يعني الكشوفات اتروح من الدوام يمكن يوم عشرين او قبل بعد , تنزل اخر الشهر بامر من جهة العمل نفسها

اما مسجات الدوام فهذا شي البنك ماله علاقة فيه , لان مسج الدوام مايعني ان الراتب نزل , وانما يعني ان اللي بينزل راح يكون هالكثر

اتمنى الفكرة تكون وضحت

وصلت الفكرة . شكرا على التوضيح:)
الحين جاوبني
ليش ناس جهات عملهم عندها اريحية ونزلت رواتبهم بتاريخ قيمة مبكرة وجهات نحيسة ومقرودة لم تفعل ؟؟

[حبر سري]

وصلت الفكرة . شكرا على التوضيح:)
الحين جاوبني
ليش ناس جهات عملهم عندها اريحية ونزلت رواتبهم بتاريخ قيمة مبكرة وجهات نحيسة ومقرودة لم تفعل ؟؟

والله يااختي ام عبد الله هالسؤال يوجه لجهات العمل

لكن على حسب ماعرفت ان في اوامر من الدولة بصرف الرواتب مبكرا
فراح تنصرف يعني راح تنصرف
واعتقد ان اخر يوم هو 25
ومااظن في بنك بيتاخر اكثر من هالتاريخ, هذا اذا تأخر لي ذاك التاريخ اصلا:nice:

والله ولي التوفيق

[um abdulla]

زين
بس لا تلومون الناس على زحمة العيد في الايام الاخيرة من رمضان لانهم توهم قابضين رواتبهم
اقول ذلك للي ينتقدون كل سنة ويقولون : ليش تاخروا ؟ وليش ما تبضعوا ؟؟ هل فاجأهم العيد ؟

[الواعد]

أنا في الدوحة الإسلامي

والراتب نزل في 18/9 بس الأستحقاق 21/9 كما هو مبين في الصورة

http://www.qatarshares.com.qa/data/469/472/storm_1368078777_1561137491.jpg

يعني تاريخ 18 و 19 و 20 مااقدر اسحب منه شيء

بس في 21/9 قدرت اسحب منه

[سوق واقف]

حتى اليوم ما قدرت تسحب رغم ان الموظف قال والله غريب ما أعرف السبب قالو راجعوا البنك الفرع الرئيسي بكره

الدوحة الإسلامي

[غناتي1]

والله يا اخوك انا لين الحين ما ادري

ما جربت اسحب للحين واتمنى انهم مايحجزون

على الراتب ما علي اي التزامات

[وثيقة قطرية]

شرعا البنك هل له الحق انه يستفيد من المال قبل دخوله حساب العميل

طبعا الربوي اكيد حرام لانه يستخدم مالك في الربا
لكن الاسلامي هل شرعا له الحق انه يحجز على المبلغ ولماذا

[شويهينــه]

واللي لحين مانزل راتبهم

:weeping::weeping::weeping: