احد عنده فكره عن شرو الحصول على فيزا لامريكا

[NASEER]

السلام عليكم ورحمه الله وبركاته


حد عنده فكره عن شرو الحصول على فيزا لامريكا

عندي رحله عمل خاصه وبغيت اعرف شروط الحصول على فيزا

وكم تستغرق استخراج الفيزا وكم الرسوم المقرر وماهي الشروط

وشكرا للجميع

[rakan-qatar]

روح السفاره الامريكيه وشوف المطلوب افضل لك

[GULFSUN]

بحثت لك في النت
وجدت هاذي المشاركة من احد الاخوان يمكن تفيدك
--------------------------------------------------------------------------------
هذا ماحصل معي في سفارة امريكا قطر

بسم الله الرحمن الرحيم

نمسي على الاعضاء بالخير

طبعا ً كنت مجهز اوراقي وماخذ موعد في يوم 7-7 ودشيت السفاره كان فيها كذا شخص قبلي وقت الوصول الساعه 7 ونص صباحا ً اكيد لانه في المساء يسكرون ( )

المهم اخذت رقم وجلست انتظر بعد حوالي 10 دقايق جا دوري اعطيت الزول الموجود ( وكانت نفسه خاااايسه ) وهو سوداني واسمه عربي بعد ويتكلم احسن مني ما ادري ليش نفسه خايسه بس شكله ما تريق وما شرب شاي لا وبعد شكله مضيع فرشاة اسنانه. ( اللي يقهر جاته وحده لبنانيه محترمه وابو الشباب راح خرخر ماعليه يا زول لو تموت ما تعطيك وجه )

المهم بعد ما اخذ الاوراق وكل شي تمام وبصم بيدي على الجهاز قال امشي اجلس وخل الرقم معاك

وجلست انتظر ما ادري شالسالفه بس عرفت ان هذا الشخص الكاونتر من 3 الين 6 هم اللي يستقبلون الطلبات

وكاونتر 1 و 2 هذولا اللي عندهم المقابله

وننتظر والناس معاي ينتظرون كان قبلي تقريبا ً 5 اشخاص ولمن جات الساعه 8 نادوا اول واحد

المهم وكل واحد يجيه قاعد يسئله وانا قاط اذني اخاف يعني شي ولا شي اكون مبرز روحي للنحشه

من الطريف واحد فلبيني و معه خدامه قصدي فلبينيه يبون يروحون امريكا ما طول وياهم تقريبا ً 3 دقايق

ولمن طلعوا يا حبة عيني كل واحد قاعد يمسح دموع الثاني لاني سمعته يقول لهم سو سوري اي كانت قف يو فيزا بكوز يو ار نت كومباتبل ( طبعا اخر خمس كلمات من عندي ) والله كسرو خاطري وقمت اعزيهم وعزمتهم عندي العزبه على لبن عيران احسن من امريكا كلها (:

بعدهم كان فيه واحد قبلي قعد تقريبا ً 10 دقايق

وجا دووووووووووووووووووووووووووووووووووووووووووووووووو وووووووووووري

يالله البلشه شاسوي ياربي اروح لا ما اروح المهم قعدت احوص مكاني بس ربي سهل وجيته واول ما شافني قال سلام عليكم قلت له وعليكم ( الخبيث شكله يهودي بس لو يموت مارديت السلام عليه المهم سئلني وشعندك قلت رايح مؤتمر قال وينه قلت ولايه مدري شسمها بس تشبه كنتاكي (كونتيكتيت )

قال اوووووه كونتيكتيت حتى انا ما اعرف انطقها (هـــع خلي اعرف انك منت بامريكي اصلي )

قال رح امريكا من قبل قلت اي قال وين قلت كولورادو قال وش عندك قلت ادرس انجليزي قال اوووو قووود يو سبيك انجليزي (قلت فيري فيري قود بتر ذان يور فيس ) امزح قلت يس اي كان سبيك انجلش

المهم اسئله عاديه وين تشتغل وش تشتغل بعدها قال لي (((((((((((( رحت الحج او عمره بالعربي قالها طبعها لن مالها عندهم ترجمه لنهم ما يروحون للحج ولا للعمره الا المسلمين بس حبيت ازيد هذي المعلومه للي ما يعرف))))))

قلت اي رحت قال مع منو مع العايله قلت له مع ابوي

قال طيب

((السفره كان مفروض امشي يوم 12-7 ))
قعد شوي يطقطق في كمبيوتره قال عندي خبرين واحد حلو والثاني مش حلو

الاول راح نعطيك فيزه لمدة 10 سنوات

والثاني انها راح تتاخر وما راح تقدر تحضر المؤتمر لانه تحتاج اجراءات اضافيه في واشنطن وما راح تجي قبل 15-7

بس تقدر تدش امريكا اي وقت بعدين حتى للسياحه

قلت في نفسي انت ووجهك انا لولا المؤتمر ما رحت امريكا

سكت ورد الجواز علي وقال انتظر لين نتصل لك وانا لين اليوم انتظر 17-7

طبعا المؤتمر راح وخيرها في غيرها

اللي عنده استفسار للي بيقدم من قطر حاضر

اخوكم ولد البدو Albdo بس لظروف تم تغيير الاسم للبدو لنه ماعادني بولد صرت شيبه

وهذا اللي صار من طقطق لسلام عليكو

[احب قطر]

ولا في اسهل منها.... ادخل على هالموقع http://arabic.qatar.usembassy.gov/consular.html

بتحصل كل المعلمات ... تعبي الطلب من الانترنت وتطبعة ... تروح البنك تدفع الفلوس... تحدد لك موعد عالنت... تروح المقابلة... ثاني يوم تستلم الفيزا حق 10 سنوات

[وطن]

بحثت لك في النت
وجدت هاذي المشاركة من احد الاخوان يمكن تفيدك
--------------------------------------------------------------------------------
هذا ماحصل معي في سفارة امريكا قطر

بسم الله الرحمن الرحيم

نمسي على الاعضاء بالخير

طبعا ً كنت مجهز اوراقي وماخذ موعد في يوم 7-7 ودشيت السفاره كان فيها كذا شخص قبلي وقت الوصول الساعه 7 ونص صباحا ً اكيد لانه في المساء يسكرون ( )

المهم اخذت رقم وجلست انتظر بعد حوالي 10 دقايق جا دوري اعطيت الزول الموجود ( وكانت نفسه خاااايسه ) وهو سوداني واسمه عربي بعد ويتكلم احسن مني ما ادري ليش نفسه خايسه بس شكله ما تريق وما شرب شاي لا وبعد شكله مضيع فرشاة اسنانه. ( اللي يقهر جاته وحده لبنانيه محترمه وابو الشباب راح خرخر ماعليه يا زول لو تموت ما تعطيك وجه )

المهم بعد ما اخذ الاوراق وكل شي تمام وبصم بيدي على الجهاز قال امشي اجلس وخل الرقم معاك

وجلست انتظر ما ادري شالسالفه بس عرفت ان هذا الشخص الكاونتر من 3 الين 6 هم اللي يستقبلون الطلبات

وكاونتر 1 و 2 هذولا اللي عندهم المقابله

وننتظر والناس معاي ينتظرون كان قبلي تقريبا ً 5 اشخاص ولمن جات الساعه 8 نادوا اول واحد

المهم وكل واحد يجيه قاعد يسئله وانا قاط اذني اخاف يعني شي ولا شي اكون مبرز روحي للنحشه

من الطريف واحد فلبيني و معه خدامه قصدي فلبينيه يبون يروحون امريكا ما طول وياهم تقريبا ً 3 دقايق

ولمن طلعوا يا حبة عيني كل واحد قاعد يمسح دموع الثاني لاني سمعته يقول لهم سو سوري اي كانت قف يو فيزا بكوز يو ار نت كومباتبل ( طبعا اخر خمس كلمات من عندي ) والله كسرو خاطري وقمت اعزيهم وعزمتهم عندي العزبه على لبن عيران احسن من امريكا كلها (:

بعدهم كان فيه واحد قبلي قعد تقريبا ً 10 دقايق

وجا دووووووووووووووووووووووووووووووووووووووووووووووووو وووووووووووري

يالله البلشه شاسوي ياربي اروح لا ما اروح المهم قعدت احوص مكاني بس ربي سهل وجيته واول ما شافني قال سلام عليكم قلت له وعليكم ( الخبيث شكله يهودي بس لو يموت مارديت السلام عليه المهم سئلني وشعندك قلت رايح مؤتمر قال وينه قلت ولايه مدري شسمها بس تشبه كنتاكي (كونتيكتيت )

قال اوووووه كونتيكتيت حتى انا ما اعرف انطقها (هـــع خلي اعرف انك منت بامريكي اصلي )

قال رح امريكا من قبل قلت اي قال وين قلت كولورادو قال وش عندك قلت ادرس انجليزي قال اوووو قووود يو سبيك انجليزي (قلت فيري فيري قود بتر ذان يور فيس ) امزح قلت يس اي كان سبيك انجلش

المهم اسئله عاديه وين تشتغل وش تشتغل بعدها قال لي (((((((((((( رحت الحج او عمره بالعربي قالها طبعها لن مالها عندهم ترجمه لنهم ما يروحون للحج ولا للعمره الا المسلمين بس حبيت ازيد هذي المعلومه للي ما يعرف))))))

قلت اي رحت قال مع منو مع العايله قلت له مع ابوي

قال طيب

((السفره كان مفروض امشي يوم 12-7 ))
قعد شوي يطقطق في كمبيوتره قال عندي خبرين واحد حلو والثاني مش حلو

الاول راح نعطيك فيزه لمدة 10 سنوات

والثاني انها راح تتاخر وما راح تقدر تحضر المؤتمر لانه تحتاج اجراءات اضافيه في واشنطن وما راح تجي قبل 15-7

بس تقدر تدش امريكا اي وقت بعدين حتى للسياحه

قلت في نفسي انت ووجهك انا لولا المؤتمر ما رحت امريكا

سكت ورد الجواز علي وقال انتظر لين نتصل لك وانا لين اليوم انتظر 17-7

طبعا المؤتمر راح وخيرها في غيرها

اللي عنده استفسار للي بيقدم من قطر حاضر

اخوكم ولد البدو Albdo بس لظروف تم تغيير الاسم للبدو لنه ماعادني بولد صرت شيبه

وهذا اللي صار من طقطق لسلام عليكو


يعني في الأخير أخذت الفيزا أو لا

:eek5:

[NASEER]

Gulfsun : بيض الله وجهك

احب قطر : شكرا للمعلومه المهمه

وشكرا للجميع

[GULFSUN]

يعني في الأخير أخذت الفيزا أو لا

:eek5:

نعم اخذ الفيزا بس تاخر وما قدر يحضر المؤتمر :weeping:

[مستثمر 999]

اخوي الكريم انا توني راجع من امريكا

واذا كنت قطري الاجراءات سهله

وثاني يوم تاخذ الفيزا وصلاحيتها 10 سنوات

وكل شي بالانترنت

1 - تحدد موعد للمقابله
2- تصور صوره شخصيه وانت حاسر والخلفيه بيضاء وانصح تروح الوان الخليج
3- تدفع الرسوم واعتقد انها 470 ريال في اي بنك ويستحسن التجاري

وبس يوم المقابله تكون انت جاهز يسألونك عن اصلك وفصلك وسبب الزياره وعندهم بيانات سريه خاصه بك

واي استفسار ارجوا الرد على الخاص

[Marriott]

اخوي الكريم انا توني راجع من امريكا

واذا كنت قطري الاجراءات سهله

وثاني يوم تاخذ الفيزا وصلاحيتها 10 سنوات

وكل شي بالانترنت

1 - تحدد موعد للمقابله
2- تصور صوره شخصيه وانت حاسر والخلفيه بيضاء وانصح تروح الوان الخليج
3- تدفع الرسوم واعتقد انها 470 ريال في اي بنك ويستحسن التجاري

وبس يوم المقابله تكون انت جاهز يسألونك عن اصلك وفصلك وسبب الزياره وعندهم بيانات سريه خاصه بك

واي استفسار ارجوا الرد على الخاص

الحمدلله على السلامه ،،

اخوي ممكن تعطينا فكرة عن الاجراءات في المطارات بامريكا؟

انا رايح على الشهر 11 والنزول في مطار واشنطن دي سي

سمعنا ان اللي يروح بنفسه واول مره يطبقون عليه ( الاكسترا سيكوريتي ) SSSS

في انتظار المعلومات عن تجربتك ، :)

[al-fahad]

الحمدلله على السلامه ،،

اخوي ممكن تعطينا فكرة عن الاجراءات في المطارات بامريكا؟

انا رايح على الشهر 11 والنزول في مطار واشنطن دي سي

سمعنا ان اللي يروح بنفسه واول مره يطبقون عليه ( الاكسترا سيكوريتي ) SSSS

في انتظار المعلومات عن تجربتك ، :)

أخي الكريم الأكسترا سيكوريتي حاصل حاصل سواء كانت أول مره ولا المره العشرين ويرجع الفضل للملامح الشرق أوسطية بلا غرار
عموما أعتقد الفتره الي انت رايح فيها بتكون حرجه شوي لأنك رايح في فتره أنتخابات
ولكن ماعليك ماراح يحصل الا الي الله كاتبه لك
انا بعد تقريبا رايح بنفس الفتره ومافكرت في أي شي من هالأمور ..
دائما نقول
أعقلها وتوكل ..

[ماتركس]

يعني في الأخير أخذت الفيزا أو لا

:eek5:

معليك من الزول اذا خيس نفسه صدقني خيس نفسه وللعلم خيست نفسي معه ويكون بعلمك اول طلب
هو الي عباله لي وكان يعلمني وهو في البدايه قال لي روح عبه قلت انا مو رايح من الكونتر الا مخلص بس صراحه سببت لهم شويه زحمه واي مشكله عندك اطلب رقم القنصل وحط له مسج بسمك ورقمك وهو بيكلمك وبتنحل مشكلتك للعلم الصغار على خمس سنوات الفيزه الكبار عشر سنوات ملاحظه يرجى من التشيك على تاريخ بدء الفيزه لاحد يدش بطوفه بس
ترى ماتركب الطياره الا والفيز شغاله

[ماتركس]

يعني في الأخير أخذت الفيزا أو لا

:eek5:

معليك من الزول اذا خيس نفسه صدقني خيس نفسه وللعلم خيست نفسي معه ويكون بعلمك اول طلب
هو الي عباله لي وكان يعلمني وهو في البدايه قال لي روح عبه قلت انا مو رايح من الكونتر الا مخلص بس صراحه سببت لهم شويه زحمه واي مشكله عندك اطلب رقم القنصل وحط له مسج بسمك ورقمك وهو بيكلمك وبتنحل مشكلتك للعلم الصغار على خمس سنوات الفيزه الكبار عشر سنوات ملاحظه يرجى من التشيك على تاريخ بدء الفيزه لاحد يدش بطوفه بس
ترى ماتركب الطياره الا والفيز شغاله
احس اني داش بطوفه اقنبست مشاركه وطن بالخطا وايد اخطأي

[QATAR 11]

الحمدلله على السلامه ،،

اخوي ممكن تعطينا فكرة عن الاجراءات في المطارات بامريكا؟

انا رايح على الشهر 11 والنزول في مطار واشنطن دي سي

سمعنا ان اللي يروح بنفسه واول مره يطبقون عليه ( الاكسترا سيكوريتي ) SSSS

في انتظار المعلومات عن تجربتك ، :)

اخوووي انا توني جاي من امريكا والله من اول ماوصلت مطارهم الي في واشنطن دي سي

محد مسك شي فيني والحمدالله مريت بكل سهوله لاتفتيش ولاهم يحزنون لكن ثاني يوم

وانا طالع من المطار نفسه رايح لولايه ثانيه قالو لي معاك لوب توب قلت يس قالو طلعه

وحطه في الجهاز مال التفتيش وافصخ الله يعزكم الجوتي وحطه بعد والجوال ومريت على

الجهاز والحمدالله ماصاح ياخذك واحد على جنب شوي ويقولك ارفع يدك ويفتش جسمك

وبعدها يفحص الاب توب يقعد يمسح عليه بورقه ويحطها في جهاز وعقبها يختم ويقولك

تووكل ترى تفتيشهم بسيط وانا توني راجع قبل رمضان بالضبط في بعض المطارات العربيه

اجرائاتهم اصعب هذا للعلم ولانك قطري الامووور بتكون اسهل واسهل

[Marriott]

أخي الكريم الأكسترا سيكوريتي حاصل حاصل سواء كانت أول مره ولا المره العشرين ويرجع الفضل للملامح الشرق أوسطية بلا غرار
عموما أعتقد الفتره الي انت رايح فيها بتكون حرجه شوي لأنك رايح في فتره أنتخابات
ولكن ماعليك ماراح يحصل الا الي الله كاتبه لك
انا بعد تقريبا رايح بنفس الفتره ومافكرت في أي شي من هالأمور ..
دائما نقول
أعقلها وتوكل ..

حيالله الفهد ،،

والله ياخوك متردد وهذي ثاني مره أأجل السفر بسبب اني مسافر بروحي ، والشباب ماتتناسب اجازتهم معاي ،..

توكلنا على الله الواحد الأحد .

وتسلم على المداخلة.

[Marriott]

اخوووي انا توني جاي من امريكا والله من اول ماوصلت مطارهم الي في واشنطن دي سي

محد مسك شي فيني والحمدالله مريت بكل سهوله لاتفتيش ولاهم يحزنون لكن ثاني يوم

وانا طالع من المطار نفسه رايح لولايه ثانيه قالو لي معاك لوب توب قلت يس قالو طلعه

وحطه في الجهاز مال التفتيش وافصخ الله يعزكم الجوتي وحطه بعد والجوال ومريت على

الجهاز والحمدالله ماصاح ياخذك واحد على جنب شوي ويقولك ارفع يدك ويفتش جسمك

وبعدها يفحص الاب توب يقعد يمسح عليه بورقه ويحطها في جهاز وعقبها يختم ويقولك

تووكل ترى تفتيشهم بسيط وانا توني راجع قبل رمضان بالضبط في بعض المطارات العربيه

اجرائاتهم اصعب هذا للعلم ولانك قطري الامووور بتكون اسهل واسهل

الحمدلله على سلامتك ،
يعني يالغالي الموضوع يعتمد على موظف الجمارك هناك :(
ياخوك هي سياحة وفي نفس الوقت رايح لمقابلة في جامعة سانت لويس بإلينوي ، وراح اقدم امتحان بسيط ، والدراسه راح تكون على حسابي ، بس المشكلة موضوع الاجراءات الامنية المتشددة ، وتأثيرها النفسي عليك خصوصا بعد ماقريت التجارب المريرة لبعض الخليجيين في احد المنتديات السياحية ، وفي موضوع لاخت قطرية كاتبته عن الاجراءات الي صادفتهم في بعض مطارات امريكا وكان معاها زوجها لحضور دورة هناك ، وشلون تأخروا في مغادرة المطار ونفسيتهم تعبانه :(

الشي اللي متعجب منه وابي اسالك عنه بما انك توك جاي ، الاخت ذكرت في تقريرها في سفرتها لأمريكا ، ان صار لها موقف سئ في مطار الدوحة من قبل موظفة أمريكية ، ماني عارف هي تابعه لمن؟ ماعتقد الخطوط القطرية ، ولعوزتها على موضوع تفتيش (الجوتي ) أعزك الله والقارئين ، شلون هالشي يصير وفي مطار بلادنا ؟!

وهذا إقتباس من تقرير الأخت القطرية في سفرتها لأمريكا عند خروجها من مطار الدوحة /



طبعاً ماصمنا ذاك اليوم ونزلنا في صالة الدرجة الأولى ودرجة رجال الأعمال المخصصة للخطوط القطرية ذلك المجهود الرائع اللي أشكر الخطوط القطرية عليه .. مافي زحمة ولاشي .. هدوء يأخذون منك الشنط ويوصلونك لما الكاونتر وبعدها يردون لك جوازك .. بعدين تروح فوق وتقعد في الصالة وتآكل من البوفيه المفتوح .. بعدها نزلنا في السوق الحرة واحنا طالعين للطيارة .. جينا وقفنا عند الكاونتر اللي يعطيك تذكرة ركوب الطيارة Boarding card .. عطوني كرتي وعطوا زوجي بعد بس قالوا لزوجي بس أنت أطلع من هالباب "الباب اللي المفروض يوديك على باص الطيارة "..أنا هني خفت وقعدت أوسوس ليش ماودوني أنا معاه وشصاير !! .. لما جا دوري شفت شنو كان يصير .. دخلت باص مخصص للتفتيش فيه أجهزة غير عن الباص اللي يأخذك للطيارة.. قالوا لي شيلي الجوتي "تكرمون " وحطيه في صندوق وبقية أغراضج بعد ومري من خلال الباب الإلكتروني الرنان .. سمعت الكلام ولما خلصت ومريت أخذت الجوتي ولبسته!! "شي طبيعي صح ؟! " .. كانت في وحدة عجوز أمريكية مسؤولة هناك شكلها يخرع شوي ويوحي بالجدية أشرت لي أن ادخلي للتفتيش الشخصي .. قالت لي البنت اللي تفتش بالعربي عشان الأمريكية ماتفهم " آسفة بس خليني أفتشج عدل لأن هذي واقفة تراقب على راسي " قلت لها أوكي أخذي راحتج .. لما خلصت وطلعت من الغرفة نادتني الأمريكية ووقفتني على جنب وراحت تكلم الضابط وماخلت حد ما كلمته عني بعدها جابت واحد جدامي وكلمته وقالت بالأنجليزي تحسبني مافهم " هي لما طلعت من الباب ليش خذت جوتيها ولبسته وبعدها دخلت التفتيش أكيد في شي !! خلوها ترجع مرة ثانية " جاني الرجال وقالي أنتي فهمتي وشقالت صح ؟! رجعي من الباب مرة ثانية ومرري الجوتي في الجهاز مرة ثانية .. ضحكت باستهزاء وطالعتها ورجعت وسويت اللي قالوه وخليت الجوتي ومالبسته ورحت دخلت التفتيش مرة ثانية وطلعت وجلست أطالعها باحتقار وتكتفت ولا تحركت لما قالت للرجال أوكي عطها جوتيها .. والله أقهرتني بلادنا وتسوي فينا جذيه




الله المستعان!!

[بــو فهــد]

اخوي ماريوت
لا تخاف ولا تحاتي من ناحية التفتيش
انا بالعكس افضل تفتيش الـ Ssss
وتقرريبا دوم يجيني هالتفتيش واافضله لانه اسرع ... خصوصا في مطار واشنطن
ومن ناحية انه مخصص بس للشرق اوسطيين .. اقولك ماعليك من هالكلام هو عشوائي .. وغالبا اشوف امريكان وياي في هالقسم
انت ما عليك الا انك تكون نظامي في كل شي .. وتبتسم في ويووهم دووم ..

الله يوفقك ان شالله ;)

[العمـادي]

نعم اخذ الفيزا بس تاخر وما قدر يحضر المؤتمر
ما اتوقع خذ الفيزا
لاني كنت مسافر معاه وللاسف ما جاء معانا المؤتمر

يعني ما اعرف وشفيهم على اسمه ما عطوه فيزا ليش ؟؟

[Marriott]

اخوي ماريوت
لا تخاف ولا تحاتي من ناحية التفتيش
انا بالعكس افضل تفتيش الـ Ssss
وتقرريبا دوم يجيني هالتفتيش واافضله لانه اسرع ... خصوصا في مطار واشنطن
ومن ناحية انه مخصص بس للشرق اوسطيين .. اقولك ماعليك من هالكلام هو عشوائي .. وغالبا اشوف امريكان وياي في هالقسم
انت ما عليك الا انك تكون نظامي في كل شي .. وتبتسم في ويووهم دووم ..

الله يوفقك ان شالله ;)

حيالله بوفهد :)

ياخوك التفتيش الاضافي شلون يكون أسرع ؟ :rolleyes2:

بالعكس تأخير زيادة ، والعالم اللي معاك في الطيارة توكلوا على الله وريحوا في الفندق وانت لين احين :(

أتمنى ان مطار واشنطن يكون اسهل واسرع ،، بس تعال ياخوك بسألك بخصوص الأكل ؟ شلون عليه محظورات ؟ يعني مثل القهوة ولوازمها و التمر ..

وتسلم على المداخله يابوفهد :nice: