شفيها الناس شللي صار؟

[swedan_qatar]

تصدقون بالله يا جماعه احس نفسي مب في قطر ابدا معقوله شللي صار بالناس وهالأسعار معقوله اللي قاعد يصير بديرتي؟؟ وين ايام قبل يا حليل الناس القلوب على بعض والجار للجار واللي اول الفريج يعرف اللي في اخر الفريج؟ الدنيا طيبه الناس يا حليلهم شحلاتهم .. اول تدش الجمعيه بالقاري وتترسه تراس اللي تبيه واللي ما تبيه بـ500 ريال والحين 5000 ريال وزين انك شريت شي بعد .. شللي صار يا ربي انا بقطر ولا ببريطانيا غلاء فاحش فوق التصور والناس ما عادت تهتم غير بالماده فقط ، ما عليها من شي ثاني هذا زين ولا شين كله واحد .. يالربع والله فيني غصه ومقهور الله يردك يا زمن اول ..

[BURBERRY]

صدقت يالطيب

[ANONYMOUS]

انتظر الساعه

[حبر سري]

تبي الصراحة اخوي
مااظن زمان اول بيرجع
للاسف احنا اللي تغيرنا مب الزمن علشان يرجع
النفوس تغيرت صدقني
والله يستر من اللي جاي
عزانا الوحيد حديث الرسول عليه السلام لما قال(بما معنى الحديث)
امتي كالغيث لايعرف اوله خير ام اخره خير

فالطيبين بيتمون ان شا الله , ولو انهم اقل البشر , لكن الخير موجود باذن الله

[مافيا قطر]

صدقت وانا اخوك ومحد راح ياكلها الا ذوى الدخل المحدود من اهل قطر اللى قاعدين ينطرون الزياده فى الرواتب وحسبى الله فى هذا الشهر الفضيل على اللى زاد على الناس حاجتهم وخاصه التجار وين حمايه المستهلك ولا دمار المستهلك لجنه ايش وظيفتها والله اللىراتبه 20 ما يكفيه وسط الغلاء اللى صاير فى كل
والناس تغيرت اخوى تعرف ليش الحسد والغل والبعد عن الدين وحبهم للدنيا وجمع الفلوس هى جاه على الناس خلها على ربك والله كريم

[بنQATARت]

مابليد حيله

[swedan_qatar]

صدقت يالطيب


كلمتك زادتني بكاء وتحسر .. لاحول ولا قوة إلا بالله

[swedan_qatar]

انتظر الساعه


اي والله انها الساعه ولا مفر

[سهم بن سهم]

الله المستعان

[swedan_qatar]

تبي الصراحة اخوي
مااظن زمان اول بيرجع
للاسف احنا اللي تغيرنا مب الزمن علشان يرجع
النفوس تغيرت صدقني
والله يستر من اللي جاي
عزانا الوحيد حديث الرسول عليه السلام لما قال(بما معنى الحديث)
امتي كالغيث لايعرف اوله خير ام اخره خير

فالطيبين بيتمون ان شا الله , ولو انهم اقل البشر , لكن الخير موجود باذن الله


الا قول الله يهدينا ويصلح شأننا .. اللهم لا تجعل الدنيا اكبر همنا يا رب العالمين .. بارك الله بك اخوي حبر سري على كلماتك الصريحه الصحيحه لكن كلنا امل ان الناس ترد مثل قبل بطيبتها وسجيتها الله كريم

[swedan_qatar]

صدقت وانا اخوك ومحد راح ياكلها الا ذوى الدخل المحدود من اهل قطر اللى قاعدين ينطرون الزياده فى الرواتب وحسبى الله فى هذا الشهر الفضيل على اللى زاد على الناس حاجتهم وخاصه التجار وين حمايه المستهلك ولا دمار المستهلك لجنه ايش وظيفتها والله اللىراتبه 20 ما يكفيه وسط الغلاء اللى صاير فى كل
والناس تغيرت اخوى تعرف ليش الحسد والغل والبعد عن الدين وحبهم للدنيا وجمع الفلوس هى جاه على الناس خلها على ربك والله كريم


اي حماية مستهلك .. الضرب في الميت حرام .. زيادة الرواتب سراب في سراب

[swedan_qatar]

مابليد حيله


صدقيني باليد حيله .. افشوا السلام واطعموا الطعام والنفوس تكون طيبه والجار للجار وكل واحد يبدأ بنفسه ان شاء الله كل شي يتغير بس تصدقين اختي هالشي صعب لان السلام صار هالايام فقط للي نعرفه اللي ما نعرفه ما نسلم عليه وهذه اكبر مصيبه ..

[السيف5]

الفلوس تغير النفوس الا من رحم ربي -----الغلاء اصبح آفة تأكل الخضر واليابس وجشع التجار أصبح بدون حدود في ظل غياب رقابة الدولة المتمثل في لجنة حماية المستهلك التي وجودها كعدمها والغلاء في قطر اصبح لايطاق على الطبقة الوسطى فما بالك بذوي الدخل المحدود-----الله يعين على الايام الجاية

[swedan_qatar]

الفلوس تغير النفوس الا من رحم ربي -----الغلاء اصبح آفة تأكل الخضر واليابس وجشع التجار أصبح بدون حدود في ظل غياب رقابة الدولة المتمثل في لجنة حماية المستهلك التي وجودها كعدمها والغلاء في قطر اصبح لايطاق على الطبقة الوسطى فما بالك بذوي الدخل المحدود-----الله يعين على الايام الجاية


شر البلية ما يضحك اخوي السيف .. بمناسبة دوي الدخل المحدود تصدق في بروه ان دوي الدخل المحدود من 6000 ريال الى 16000 ريال حاولت اقلبها يمين يسار اشوف وين الشبه بين الراتبين ما قدرت .. زين شي طيب واللي راتبه تحت 6000 ريال قطري بأي بند او مسمى سوف يكون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الخفي]

((( محق البركه )))

[Arab!an]

بغض النضر عن غلاء الاسعار والماديات ..


صار معروف عندنا في قطر الى درجه القناعه .. ان القطريين مايمكن يبدعون شي .. هم بروحهم


لازم الحكومه تقولهم سووا يسوون ..


فأحنا ننتظر الحكومه تقول لنا .. ياجماعه هالله الله في التواصل .. والتزاور .. ومد يد العون وزياره المرضى ومساعدة بعضكم ..



هذا اللي قاصر



يعني معقوله الحين الكل انكوى بنار الاسعار .. والكل متأذي .. والكل مب راضي ..


ولاحد درى عنهم ؟!


ويقولون اصواتنا ماتوصل..!!


انتوا تكلمتوا أصلا ؟؟




يجيب الله مطر

[!قطريـة بنت القمـر!]

والله ساعات اقول هالغلاء غضب من الله وحسبي الله عليهم اللي كانو السبب في غضب الله علينا مما يفعلونه من معاصي كبيره بحيث ان الخير يخص لكن الشر يعم ويناخذون الجميع بذنب البعض ونفوسهم مريضه فوق اللي يسونه ينهبون العالم ويضيقون عليهم عيشتهم ما نقول بهالايام الفضيله الا حسبنا الله ونعم الوكيل فيهم وسوف ياتيهم من الله ما لا يرضونه لكن الصبر مفتاح الفرج ....

[ذيبه مزاجيه]

انا الصراحه اللي علي اقول حسبي الله و نعم الوكيل و رب العالمين ياخذ الحق كله من الظالم عاجلا او اجلا ..

والا الشكوه لغير الله مذله ترا !! على كثر ما تكلمنا و الاغلبيه قالوا ما اشوف شي و لا اشوف حد تحرك .. كلامنا كله في السراب !!

لو اشاعه و الا سالفه فيها فضيحه كان وصلت كل مكان و لكن شي يهم الكل ما يوصل شلون جذي !!! مادري ؟!

الله يستر بس من تاليتها ..

[لاداعي]

ربك كريم

[al7oooot]

بغض النضر عن غلاء الاسعار والماديات ..


صار معروف عندنا في قطر الى درجه القناعه .. ان القطريين مايمكن يبدعون شي .. هم بروحهم


لازم الحكومه تقولهم سووا يسوون ..


فأحنا ننتظر الحكومه تقول لنا .. ياجماعه هالله الله في التواصل .. والتزاور .. ومد يد العون وزياره المرضى ومساعدة بعضكم ..



هذا اللي قاصر



يعني معقوله الحين الكل انكوى بنار الاسعار .. والكل متأذي .. والكل مب راضي ..


ولاحد درى عنهم ؟!


ويقولون اصواتنا ماتوصل..!!


انتوا تكلمتوا أصلا ؟؟




يجيب الله مطر

البركه فيك !

[hamoor4ever]

هاذي من علامات الساعه اخوي الناس تشوف بعض ومايسلمون على بعض

[هدهد سليمان]

اخوي سويدان الكلام اللي قلته للأسف صحيح لكن استدراكا لا زال في الدنيا خير وانا اخوك وان خليت بليت على ما قالوا.. المشكله ان الناس ما عاد همهم غير الماده يعني الحياه بس بيزات لا اهتمام بجار ولا ساكن ولا مسكون المهم ياخذ بيزات وأنا وما بعدي الطوفان .. وعلى ذكر السلام اوفقك الرأي 1000% لان الموقف تعرضت له واستغربت واقف مع بعض الاصدقاء الا جاك واحد من ربعهم وسلم عليهم وما سلم علي فطالعت حول نفسي قلت لا يكون مركب مخفي .. تدري شسويت كلمه بس قلت وعليكم السلام ورحمة الله وبركاته طالعني وقال السموحه الشيخ قلت لا عادي بس اهم شي انك شفتي صح فتغير لونه شوي واستأذنت من الربع وتحركت شوي الا متصلي واحد من الربع يعتذر قلتله يا خوي الدنيا سهلات امورك طيبه لكن حركة السلام ماهي بعدله .. ما اطول عليك مثل ما قالوا الاخوان من علامات الساعه وصدق رسول الله ( افضل القرون قرني ثم الذي يليه ) نسأل الله العفوا والعافيه

[صمت القلوب]

اخوي الطيب swedan_qatar ... انتشار الغلاء علامه من علامات الساعه ...
والله ... صار اللي راتبه 15 و 20 الف ... يشتكون من غلاء الاسعار .... عيل شنقوول للي رواتبهم 5 او 6 الالاف .... ولذوي الدخل المحدود .... انا مااقووول ... الا الله يعينا من هالبلاء المنتشر ... ويقينا العاقبه ....

تقبل مروري ..

اختكــ

صمت القلوب