تحذير للاخوة والاخوات المسافرين الى الاحساء ...لا ..لمن يعتبرنا مغفلين

[الراقية]

السلام عليكم ورحمة الله

اكتب من حرقة ...نعم فا الكل يرانا مغفلين ................لماذا ؟:anger1:

هل لاننا نستحي او لان ثقتنا بالناس كبيرة :waiting:

في نهاية هذا الاسبوع قررنا الذهاب الى الاحساء للتسوق ولتغيير الجو ولان الاحساء رائعة لمستلزمات التخييم فهي خير وجهة لمن يريد ذلك

عموما ما اطول عليكم ...في طريق العودة من الاحساء قررنا الغداء في مطعم ( توباز ) وانا اذكر الاسم وعندي الاستعداد لمقابلة اكبرهم مدير وعلى مسئوليتي الشخصية

كان عددنا الصلاة على النبي 19 تقريبا شخص مابين طفل وشاب وشابة وشايب وعجوز

المهم طلبنا الغداء والبعض اكتفى بطلب شوربة لان كنا يادوب متفطرين والبعض اكتفى بالمقبلات والاخرين طبعا اكليين اللحوم والمشويات والاطباق الايطالية

عموما ..للامانة كان التقديم والاكل رائع وكذلك الخدمة

طلبت الفاتورة باعتبار اني اللي عازمة المجموعة

جأت الفاتورة مطبوعة بالكمبيوتر ولكن بقلم اليد مكتوب السعر (1391ريال سعودي )
وطبعا بابتسامة من اخونا للاسف العربي لاني ما اعرف جنسيتة بس هو من بلاد الشام

قال لي تفضلي الشيخة
طبعا وضعت (1500ريال) مع اني اخذت نظرة سريعة على الاسعار فوجدت ان اغلى طبق كان ب ( 75ريال )

قلت له تفضل الشيخ بس لو سمحت وتكرمت مع الباقي ابغي الفاتورة :rolleyes2:لان الفار لعب في عبي

المهم رجع اخونا مرجع الباقي بدون الفاتورة
قلت للجيش اللي معاي الاخ يستغفلنا
قال له الاخ الاكبر لو سمحت وين الفاتورة رد بعصبية عطيتكم اياها شيخة قلت لا

قال لحظة راح وجاب لي فواتير يمكن 6-7 فواتير قلت شنو ذية هذي مب الفاتورة قال طيب انتي طلبتي شيخة وقعد يعدد يالله اكتبي وبعدين في خدمة 12% يعني 166 ريال ضيفي على الفاتورة

قلت اخوي :anger1:ابغي الفاتورة قال لحظة

كان:anger1: يتحرك الجيش ( ما شاء الله الى الكاشير ) كان ينقلب وجهة( تعالوا شوي بدي كلموكن ..هون ) قلنا مافية نبغي فاتورتنا اللي مكتوب في نهايتها باليد المهم

راح ورجع وراح ورجع وجاب الفاتورة
قلت
شكرا

قلت حق اخواني ما اتحرك لين احسب الفاتورة بنفسي (:anger1:خلاص قفلت وحسيت انه يستعبطنا )

قلت عن اذنك وجلسنا على جنب واخواني وعيال اخوي شغلوا الالات الحاسبة في الجوالات
الكل يحسب يطلع الناتج 775ريال ونزيد عليهم الخدمة يطلع يعني قلنا على الاقل 900يالله ان شاء الله محدش حوش


وعندي اخو ينحط على يمناكم كان يروح للكاشير ويكلم جرسون عربي ثاني وين صديقك اللي يشتغل هنا
رد عليه شو فيه يالشيخ
قال اخوي ابغاك تحسب الفاتورة حسبها طلعت مع الضريبة 991 ريال

يعني لنا باقي 400 ريال( من حساب الفاتورة ) نوط ينطح نوط المهم رجع لنا الباقي وهو يا بالفيت مفتشل ومين هذا الجرسون وايش اسمة تمثيل

المهم تسلمنا 400 ريال :anger1: مش 40

يعني مشتغل بالمثل القائل ( ان سرقت اسرق جمل )

اخوي عصب وين المدير وين المسئول طبعا

المدير اسمة جورج في جدة والكفيل في جدة


بعد ما رجعت الدوحة وسولفت عن القصة وايش صار طلع ان نص المسافرين الى الاحساء تمت سرقتهم بمزاج او باستعباط من نفس المطعم

الهدف من سرد ماصار :telephone::telephone:تبليغ رسالة لجميع المسافرين

سواء للاحساء او غيرها

ارجوكم حاسبوا هم يشوفونا ناس مغفلين مرفهين ناخذ الفكة ونمشي


ارجوكم احنا شعوب طيبة عندنا ثقة في كل الناس

في اللي يصب بانزين
وفي كاشير الجمعيات والمجمعات


ارجوكم كلمة اخير


:telephone::telephone::telephone::telephone:


فهموهم احنا شعب.....قد نكون طيبين ونثق بالاخرين ونخاف الله وننتظر من الاطراف الاخرى تعاملنا بنفس الشي
ولكن نحن لسنا شعوب مغفلة :anger1:

وعموما المطعم يستحق الزيارة للامانة اكل طيب ونظيف

اللهم بلغت .. اللهم فاشهدomen

[بوخالد2]

يسلمو اختى الراقيه على التحذير

مثل ماقال راعي المحل للبنت اللى كانت قدام الوالده اذا غالي ومب شارينه اهل قطر بيشترونه :eek5:

ولكن انا عن نفسي تعودت اذا اعود من الاحساء

اروح اتغدى يامندي او بوفيه فندق الانتر للنظافه فقط لاغير

[بوخالد911]

هلا الراقية


بالعكس تصرفكم ممتاز للغاية

وهذا حقكم

ولا تستحوون كللش

أخ بس لو أطيح بهالموقف !!!

مب أحسن له هالمطعم التعباان

و1000 شكر للموضوع الممتاز


مسيوو/ بوخالد911

[الجوري]

كفوووووووووو عليك يابنت

[بوخالد911]

عفوا !!!


وووين موقع توباز بالضبط ؟؟

[بنت المنتدى]

امبيه والله خفت على بالي كلتوا مندي حمار الله يعزكم .. من كم يوم شفت الصور بغيت اموت حرمت اني اكل منهم اي شي والحمدلله ما اكل اللحم اصلن:(


يلااا زين سويتي فيه الهيس الاربد :anger1:

والف الحمدلله ع السلامه :victory:

و وين صوغتي :shy:

[biz-qtr]

اجديتي والله

[KhalidQ]

حسبي الله ونعم والكيل

اذا شافو واحد الله منعم عليه قالو حلال نسرقه

الله يهديهم

[السيف5]

الراقية كفو والله يعطيك العافية وياريت الجميع تدقيق الفواتير بدون خجل

بوخالد111
أول ماتدخل الحسا بعد الدوار الكبير شوف يسارك بعد شقق بيسان وانت

رايح الى اخوان البخاري بتشوفه في صفتهم

[لاداعي]

:anger1:

[ANONYMOUS]

امبيه والله خفت على بالي كلتوا مندي حمار الله يعزكم .. من كم يوم شفت الصور بغيت اموت حرمت اني اكل منهم اي شي والحمدلله ما اكل اللحم اصلن:(


و وين صوغتي :shy:

ههههههههههههههههههههه

يالله صباح خير

بعدين اي صور .. الموضوع بدون صور


وشكرا للتحذير ياراقيه

[ROSE]

ياجماعه هل اللي اشوفه صج ولا خيال :eek5:


كاني اشوف الراقية كاتبه الموضوع :eek5:


فديتها من كثر ماهي واحشتني قمت اتهئ :(






:anger1::anger1::anger1::anger1::anger1:



اشكرج على التنبيه يالغالية وفعلا الاستغفال ترى في كل مكان موجود

والانسان لازم يكون حريص في كل مكان مش بخل

ولكن عدم استغفال يزاج الله الف خير على التنبيه :waiting:

[سوق واقف]

يسلمو اختى الراقيه على التحذير

مثل ماقال راعي المحل للبنت اللى كانت قدام الوالده اذا غالي ومب شارينه اهل قطر بيشترونه :eek5:

ولكن انا عن نفسي تعودت اذا اعود من الاحساء

اروح اتغدى يامندي او بوفيه فندق الانتر للنظافه فقط لاغير

خوفي حتى المندى لحم حمير هههههههههههههههههههه:tease:

[&بوشهد&]

تصرفج عدل بس الافضل انكم ماتدفعون الا قبل ماتشوفون الفاتورة
وانا ماحب اروح مطعم سرقني من قبل حتى لو اكله نظيف ( مافي ثقة )

[ضوى]

:con2::con2::con2::con2:

الراقية :eek5:

وينج مختفية :eek5: كل هاي تخييم وغيبة ؟؟ قاطعة واحدة شريرة :(

المهم

اللي سويته يثبت انج كفو :victory: وتعجبيني ولو انا مكانج ازلزلهم عشان 5 ريال مب 400 ريال ، اعطي بمزاجي مب استغفال واستعباط :anger1:

تعجبيني والله :nice:

[nor85]

اي والله كل شيء ولا الاستعباط خلاص الواحد تعب منهم صراحه انا قلت من قبل حتى نص ريال اخذوها بدل الحلاوه او العلوج اللي يعطونا اياه

[tawareq]

كفوا والله زين ما سويتي:nice:

هل الايام اللي يستحس مايعيش للاسف :weeping:

[بو الجوري]

زين سويتي فيهم :nice:

أكره شي عندي الاستغفال .. ومثل ماقالت ضوى ( أعطي بمزاجي ....)

تقبلي مروري

[الفيصلي]

صار معاي نفس الموقف ومن نفس المطعم ....
شيسوي الاخ يكتب رقم اكبر من الحساب بخط اليد مثل ماتفضلتي والحساب الصحيح يكون مكتوب بالخلف ....
عاد اللي يغفل تروح عليه...
نفوس دنية الله لايبلانا...
على فكرة في موضوع تحذير من نفس المطعم وتم طرحه من قبل...
شاكر غيرتك على اخوانك

[Only Me]

الحمدالله انا دوم احسب فاتورتي سواء بقطر او غير قطر
مره وحده نقص علي بأحد المطاعم القطرية ( يعني بديرتي نقص علي شلون اذا خارج ديرتي ) وصرت احسب كل الي اطلبه ( لضمان الجوده )

[غزلان]

مره صار لي نفس الشي وفي الحسا لكن خلاص صرت ما استحي احسب الباقي قدامهم

[العمـادي]

لانهم يعرفون انه القطريين بيدفعون بيدفعون وبيقولون انه ارخص من قطر بعد

[بوخالد911]

بوخالد111
أول ماتدخل الحسا بعد الدوار الكبير شوف يسارك بعد شقق بيسان وانت

رايح الى اخوان البخاري بتشوفه في صفتهم



تسلم اخووي

ويواليك 1000 عااافية


بوخالد911

:nice::victory::nice:

[hemoud123]

مشكوره اختي الراقيه على التحذير
بس انا لي ملاحظه
حلو الناس تروح الحسا تتسوق وتغير جو , بس الحسا معروف عنها الغش اللي على ودنه , حتى السعوديين ما يثقون فيهم وفي تعاملهم ,ما دام وصلت الحسا الله يعينك بعد على ساعه زياده الا وانت في الدمام وشوف الفرق في التعامل والناس والاسعار , واذا بعد عندك وقت ثلاث ساعات الا انت في ام الدنيا الرياض

[hxamad]

تسلمين الغالية على التنبية

[الفـ@ــــد]

امبيه والله خفت على بالي كلتوا مندي حمار الله يعزكم .. من كم يوم شفت الصور بغيت اموت حرمت اني اكل منهم اي شي والحمدلله ما اكل اللحم اصلن:(


يلااا زين سويتي فيه الهيس الاربد :anger1:

والف الحمدلله ع السلامه :victory:

و وين صوغتي :shy:

هههههههههههههههههه

************************
زين سويتي فيه يالراقيه@

[إعلامي قطر]

..

عشان جيه ينصح الخبراء بالأكل بمطعم الأخوان لاغير.. :nice:

والله تمنيت نهاية قصتج إن أخوج لتّه بطراق عشان يتأدب..

شكراً على التحذير وكفو عليج..

..

[ناصر العمادي]

وعليكم السلام ورحمة الله وبركاته

الحمدلله على السلامه أختي الراقيه ...

أنتي كل شهر تحذفين موضوع وتختفين ...:anger1::anger1:

المطعم هذا قبل كم شهر أحد الأعضاء نزل موضوع عنه ونفس الطريقه السوري ضاف مبلغ كبير عليهم وفي النهايه قالهم أنه غلطان ..<<< يعني الأخ متعود :anger1::anger1:

أذا رحت المره الجايه بتعمد أني اروح عنده وياويله وياسواد ليله أذا سوا هالحركه معاي ..:nice::nice::nice:

بس عجبتيني والله كفو لكن لو كاسره راسه كان أحسن ..:tease::tease:

يعطيك الصحه والعافيه على التنبيه والتحذير

الله يوفقك ويسعد قلبك وينور دربك وييسر أمرك يارب

كل الشكر والتحيه والتقدير لك

[بوعلي2]

زين سويتوا فيهم

عفيه عليج

[ورقــة أمــل]

زين سويتوا فيهم كفووو

وترى يقصون علينا مب بس في المطاعم حتى المحلات اللي بررى

انا اخر مرة شريت من احد المحلات المعروفة هناك فستان

حسبالي الفستان جاهز لانهم مدبسينه بطريقة تحسبينه جاهز

انزين كتبنا الفاتورة وخلصنا الا الاخ قام يشيل الدبابيس من الفستان

شوي الا يحطه بالكيس،، قلت له انا قلت لك اببي فستان جاهز شنو هذي

يقوللي لا احنا محلاتنا مانبيع الا جي وبعدين نخيطه في نفس اليوم

خلي الخياط يشوف التفصيل اللي يعجبج واخذي المقاسات من البنت اللي في الصالون اللي جنبنا

قلنا يلا مب مشكلة اهم شي يخلصه نفس اليوم

شوي الا مطلع فاتورة ثانيه حق تخييط الفستان يعني الخلق بسعر والفستان بسعرر :anger1:

قلت له ليش ما قلت لنا كل هالاشياء من قبل انا قلت ابي جاهز ماقلت ابي تفصييل :anger1: :anger1:

قال خلاص انا الحين كتبت الفاتورة والمعزب بيسوي لي سالفة وهذا رزقي ومادري وشو

سكت عنه لان سعر التفصيل كان بسيط ،،

انزين شوي والاخ يقول الاكسسوارات اللي على الفستان سعرها غيرر :anger1::omg::anger1:

وقمت عليه غسلت شراعه والله مادفع ريال واحد استغفلتوني و خليتوني ادفع سعر خياط وبعد ادفع سعر اللاكسسوارات
الا يقول حرام انا بدفع سعر الاكسسوارات من جيبي الخاص
قلت له والله كيفك من جيبك من جيب جيرانكم مب شغلي وابي الفسان يخلص بكرة الصبح :anger1:

تحملوا تدفعون من غير مكاسر يحسبون القطري غبي وعنده همجة فلووس مب هامه يدفع بدال المية الف

[قطريه ماركه]

بل .. صج حراميه ..


لكن زين سويتو فيهم ..

[GAS]

امبيه والله خفت على بالي كلتوا مندي حمار الله يعزكم .. من كم يوم شفت الصور بغيت اموت حرمت اني اكل منهم اي شي والحمدلله ما اكل اللحم اصلن:(


يلااا زين سويتي فيه الهيس الاربد :anger1:

والف الحمدلله ع السلامه :victory:

و وين صوغتي :shy:




اختي بنت المنتدى

ثرى الهيس الاربد ماهي بمسبه

الهيس الاربد

ارنب تعيش في البرية

.. كثيرة الحركه والمناوره ويصعب اصطيادها

ولذلك نجد الكبار في السن ينادون الاطفال بهذا اللقب

وهو كنيه للطفل كثير المشاغبة والحركة والذي يصعب السيطره عليه .

[الراقية]

يسلمو اختى الراقيه على التحذير

مثل ماقال راعي المحل للبنت اللى كانت قدام الوالده اذا غالي ومب شارينه اهل قطر بيشترونه :eek5:

ولكن انا عن نفسي تعودت اذا اعود من الاحساء

اروح اتغدى يامندي او بوفيه فندق الانتر للنظافه فقط لاغير

الله يسلمك يا بو خالد

للامانه محل راقي واكله حلو ....بس صراحة الموقف خلاني انسى حتى الغداء نحرق في دقيقة :anger1:



هلا الراقية


بالعكس تصرفكم ممتاز للغاية

وهذا حقكم

ولا تستحوون كللش

أخ بس لو أطيح بهالموقف !!!

مب أحسن له هالمطعم التعباان

و1000 شكر للموضوع الممتاز


مسيوو/ بوخالد911




لا تخاف يا بو خالد سوينا لهم حفلة ...معتبرة لانا بس طفح فينا الكيل على قولة أهلنا





كفوووووووووو عليك يابنت

يا مرحبتين يا الجوري تعبنا من هاللي يستغفلونا :rolleyes2:




عفوا !!!


وووين موقع توباز بالضبط ؟؟



وانت راجع من طريق الاحساء راجع للدوحة جنب مطعم اخوان وعموما في اخ رد على العنوان بطريقة احسن مني لاني ماعندي علم بالاحداثيات :looking:ايشدعوه البحث عن الكنز



امبيه والله خفت على بالي كلتوا مندي حمار الله يعزكم .. من كم يوم شفت الصور بغيت اموت حرمت اني اكل منهم اي شي والحمدلله ما اكل اللحم اصلن:(


يلااا زين سويتي فيه الهيس الاربد :anger1:

والف الحمدلله ع السلامه :victory:

و وين صوغتي :shy:

حمااااااااااااااااار لحم حماررررررررررررررر ( الله يعزكم )

لا الحمد لله جات على الفاتورة خل ياخذ 1000 ولا لحم الحمير :rolleyes2:

وعجبتني الهيس الاربد ذكرتيني بجدتي الله يرحمها لين قهرها حد

بعدين الصوغة في الشحن escape



اجديتي والله

يا مرحبتين كبار تعبنا من هالاشكال ومرور رائع



حسبي الله ونعم والكيل

اذا شافو واحد الله منعم عليه قالو حلال نسرقه

الله يهديهم

وينهم ووين الهداية 400 ريال لو من كل عائلة 400 وهذا 300 اعتقد بيقعد في الاحساء شهرين وبعدها باني عمارة في بلاده

شاكرة مرورك



الراقية كفو والله يعطيك العافية وياريت الجميع تدقيق الفواتير بدون خجل

بوخالد111
أول ماتدخل الحسا بعد الدوار الكبير شوف يسارك بعد شقق بيسان وانت

رايح الى اخوان البخاري بتشوفه في صفتهم


خلاص بالنسبة لي انا من زمان ادقق بس تعبنا تدقق في محطة البترول وفي الجمعية وفي ....يعني شنو امشي بآله حاسبة ذي شغلة جديدة بعد
شاكرة مرورك يالسيف



:anger1:

:anger1::anger1::anger1:

[ذيبه مزاجيه]

يستاهل الزف هو ورفيجه حسبي الله عليهم الحراميه !!

وتسلمين على التحذير

[المهلهل]

مشكورة اختي نبهتينا ..انا رايح لسبوع الجاي ويلت تعطوني اسم المطعم
رحلتنا كلها شباب..بنخليه يشوف لستعباط اشلون

[الراقية]

ههههههههههههههههههههه

يالله صباح خير

بعدين اي صور .. الموضوع بدون صور


وشكرا للتحذير ياراقيه

صج راقد يالله صباحك نور
يبه تقصد موضوع المندي بو حمار الله يعزك

:telephone::telephone:

والله يحييك في موضوعي




ياجماعه هل اللي اشوفه صج ولا خيال :eek5:

كاني اشوف الراقية كاتبه الموضوع :eek5:

فديتها من كثر ماهي واحشتني قمت اتهئ :(

:anger1::anger1::anger1::anger1::anger1:


اشكرج على التنبيه يالغالية وفعلا الاستغفال ترى في كل مكان موجود

والانسان لازم يكون حريص في كل مكان مش بخل

ولكن عدم استغفال يزاج الله الف خير على التنبيه :waiting:


فديتج وفديت روحج وطلتج يالغالية

لا مب خيال

تعرفيني حق هالمواضيع في الشوفة :pioneer:

وجيت ادور الفزعة في المنتدى خبرج منتدانا حق هالسوالف على يمناج يعجبونج :strong3:

وبعدين خير من يوصل رسالة التنبية هو منتدانا منتدى الاسهم القطرية

نعم يالغالية مش بخل بس حرص
لان صرت اكره نظرة الاستعباط والاستغفال والنصر في عيون من يسرقنا :anger1:

والله لا يحرمني من هالطله



خوفي حتى المندى لحم حمير هههههههههههههههههههه:tease:

سوق واقف تقول لك البنت شافت الموضوع بالصور وللحين ترجع ...شو بلاك انته ابوية ركز



تصرفج عدل بس الافضل انكم ماتدفعون الا قبل ماتشوفون الفاتورة
وانا ماحب اروح مطعم سرقني من قبل حتى لو اكله نظيف ( مافي ثقة )

ماعليه بس احنا ثقتنا بلاحدود

بس الحين ارويك

وبعد باروح المطعم عشان بس ابط جبده واني جلعت ال 400 من جبده :tease:



:con2::con2::con2::con2:

الراقية :eek5:

وينج مختفية :eek5: كل هاي تخييم وغيبة ؟؟ قاطعة واحدة شريرة :(

المهم

اللي سويته يثبت انج كفو :victory: وتعجبيني ولو انا مكانج ازلزلهم عشان 5 ريال مب 400 ريال ، اعطي بمزاجي مب استغفال واستعباط :anger1:

تعجبيني والله :nice:

ضوى يا مرحبا بام عبدالرحمن خشمج طال عمرج
وحشتيني مووووووووت ووحشتني سواليفج

تدرين الجو عجايب والتخييم ضروري

وبعدين والله انشغلت بالدراسة والعمل خبرج الحين تطوير الذات ضروري
وبعدين مب 5 ريال

والله امس عشان نص ريال طلعت عين الكاشير اللي في الجمعية

خبرج توني صايدني موقف ومشحونة من قلب:victory:




اي والله كل شيء ولا الاستعباط خلاص الواحد تعب منهم صراحه انا قلت من قبل حتى نص ريال اخذوها بدل الحلاوه او العلوج اللي يعطونا اياه

يا مرحبتين امس رجعت العلوج الخايس حتى لين يعطونج علج يعطونج اسواء انواع العلوج

وبسنا استغفال ...وانا ارفع تحية للاجانب في اوروبا صراحة من 99 حتى يومنا هذا ما عمري انسرقت او استغفلت في اوروبا يعطوني اياها كان يحاسبون جاهل مب وحدة كبيرة


كفوا والله زين ما سويتي:nice:

هل الايام اللي يستحس مايعيش للاسف :weeping:

ماعاد فيه مستحى راعي الحق قلبه قوي
شاكرة هالمرور الرائع




زين سويتي فيهم :nice:

أكره شي عندي الاستغفال .. ومثل ماقالت ضوى ( أعطي بمزاجي ....)

تقبلي مروري

ابو الجوري ......والله باموت من الاستغفال :anger1:



صار معاي نفس الموقف ومن نفس المطعم ....
شيسوي الاخ يكتب رقم اكبر من الحساب بخط اليد مثل ماتفضلتي والحساب الصحيح يكون مكتوب بالخلف ....
عاد اللي يغفل تروح عليه...
نفوس دنية الله لايبلانا...
على فكرة في موضوع تحذير من نفس المطعم وتم طرحه من قبل...
شاكر غيرتك على اخوانك

الفيصلي
التكرار يعلم الشطار
وفعلا هو كاتبة بالكبير بالقلم ووراء الفاتورة بالكمبيوتر ..وامس بنت خالتي تقول مرة طلبت من فترة غداء طلع لهم ب 300 ومن فترة نفس الطلبات طلع ب 700

يعني لازم يكون في صدى
والله يالفيصلي خذت الفواتير وكل ورقة حتى الخرابيط اللي عطاني اياها
وكنت حابه اوصله بس للاسف كان الوقت ضيق

مرور رائع



الحمدالله انا دوم احسب فاتورتي سواء بقطر او غير قطر
مره وحده نقص علي بأحد المطاعم القطرية ( يعني بديرتي نقص علي شلون اذا خارج ديرتي ) وصرت احسب كل الي اطلبه ( لضمان الجوده )

عفية عليك والله لا اقعد لهم عظم بالبلعوم :shy:

[الراقية]

مره صار لي نفس الشي وفي الحسا لكن خلاص صرت ما استحي احسب الباقي قدامهم

تدرين يا غزلان خذت وعد اللي يسوي لي جذية راح اكون له عظم بالبلعوم


لانهم يعرفون انه القطريين بيدفعون بيدفعون وبيقولون انه ارخص من قطر بعد

ماعليه يالعمادي في البضايع نقول يالله التجارة شطارة

بس مطعم واكل وفاتورة

لا عاد مصخت وانا اختك


مشكوره اختي الراقيه على التحذير
بس انا لي ملاحظه
حلو الناس تروح الحسا تتسوق وتغير جو , بس الحسا معروف عنها الغش اللي على ودنه , حتى السعوديين ما يثقون فيهم وفي تعاملهم ,ما دام وصلت الحسا الله يعينك بعد على ساعه زياده الا وانت في الدمام وشوف الفرق في التعامل والناس والاسعار , واذا بعد عندك وقت ثلاث ساعات الا انت في ام الدنيا الرياض
يعني اذا وصلنا خميس مشيط بيكون بو 100 بيصير بريال

والله ان الذمة اذا كانت غائبة والله لو تروح المريخ بعد بيغشونك




تسلمين الغالية على التنبية

الله يسلمك وتحملوا حد يستغفلكم خارج او داخل قطر




هههههههههههههههههه

************************
زين سويتي فيه يالراقيه@


افا عليك .. خليته بيزة مايسوى ..ولا ..بعد اخواني معاي وفزعة صرت عنتر بن شداد




..

عشان جيه ينصح الخبراء بالأكل بمطعم الأخوان لاغير.. :nice:

والله تمنيت نهاية قصتج إن أخوج لتّه بطراق عشان يتأدب..

شكراً على التحذير وكفو عليج..

..

والله كنت اتمنى انا اللي اللته بطراق ...خلى الدم يغلي براسي حسبي الله عليه




وعليكم السلام ورحمة الله وبركاته

الحمدلله على السلامه أختي الراقيه ...

أنتي كل شهر تحذفين موضوع وتختفين ...:anger1::anger1:

المطعم هذا قبل كم شهر أحد الأعضاء نزل موضوع عنه ونفس الطريقه السوري ضاف مبلغ كبير عليهم وفي النهايه قالهم أنه غلطان ..<<< يعني الأخ متعود :anger1::anger1:

أذا رحت المره الجايه بتعمد أني اروح عنده وياويله وياسواد ليله أذا سوا هالحركه معاي ..:nice::nice::nice:

بس عجبتيني والله كفو لكن لو كاسره راسه كان أحسن ..:tease::tease:

يعطيك الصحه والعافيه على التنبيه والتحذير

الله يوفقك ويسعد قلبك وينور دربك وييسر أمرك يارب

كل الشكر والتحيه والتقدير لك

هلا والله بهالطلة

شاسوي يا ناصر ( ملتهية دراسة وعمل ) توووووووو....ماج :rolleyes2:

بس والله يا ناصر لولا الحياء والعيب والناس والمنقود كان سويناه شوارما

ياليت كل واحد ينبهنا وانا اعجبتني وحدة مرة من الاخوات كانت كاتبة عن شيشة بترول وعن استغفال الاخ الهندي لها

تدري يا ناصر على الاقل تتفتح عيونا ومخوخنا بدل هالثقة العمياء


زين سويتوا فيهم

عفيه عليج


يعافيك ...بس بعد للحين مابرد قلبي :anger1:


زين سويتوا فيهم كفووو

وترى يقصون علينا مب بس في المطاعم حتى المحلات اللي بررى

انا اخر مرة شريت من احد المحلات المعروفة هناك فستان

حسبالي الفستان جاهز لانهم مدبسينه بطريقة تحسبينه جاهز

انزين كتبنا الفاتورة وخلصنا الا الاخ قام يشيل الدبابيس من الفستان

شوي الا يحطه بالكيس،، قلت له انا قلت لك اببي فستان جاهز شنو هذي

يقوللي لا احنا محلاتنا مانبيع الا جي وبعدين نخيطه في نفس اليوم

خلي الخياط يشوف التفصيل اللي يعجبج واخذي المقاسات من البنت اللي في الصالون اللي جنبنا

قلنا يلا مب مشكلة اهم شي يخلصه نفس اليوم

شوي الا مطلع فاتورة ثانيه حق تخييط الفستان يعني الخلق بسعر والفستان بسعرر :anger1:

قلت له ليش ما قلت لنا كل هالاشياء من قبل انا قلت ابي جاهز ماقلت ابي تفصييل :anger1: :anger1:

قال خلاص انا الحين كتبت الفاتورة والمعزب بيسوي لي سالفة وهذا رزقي ومادري وشو

سكت عنه لان سعر التفصيل كان بسيط ،،

انزين شوي والاخ يقول الاكسسوارات اللي على الفستان سعرها غيرر :anger1::omg::anger1:

وقمت عليه غسلت شراعه والله مادفع ريال واحد استغفلتوني و خليتوني ادفع سعر خياط وبعد ادفع سعر اللاكسسوارات
الا يقول حرام انا بدفع سعر الاكسسوارات من جيبي الخاص
قلت له والله كيفك من جيبك من جيب جيرانكم مب شغلي وابي الفسان يخلص بكرة الصبح :anger1:

تحملوا تدفعون من غير مكاسر يحسبون القطري غبي وعنده همجة فلووس مب هامه يدفع بدال المية الف



:anger1::anger1::anger1::anger1::anger1:

زين ما بيعج قيمة المكينة مالت الخياطة وراتب الخياط واجار المحل

ما قول الا حسبي الله ونعم الوكيل فيهم

[بنت المنتدى]

ههههههههههههههههههههه

يالله صباح خير

بعدين اي صور .. الموضوع بدون صور


وشكرا للتحذير ياراقيه




امبله في صور والله :weeping:

[الراقية]

بل .. صج حراميه ..


لكن زين سويتو فيهم ..

قطرية للحين ما برد قلبي بس تدرين .. متحبله له :omen2:




اختي بنت المنتدى

ثرى الهيس الاربد ماهي بمسبه

الهيس الاربد

ارنب تعيش في البرية

.. كثيرة الحركه والمناوره ويصعب اصطيادها

ولذلك نجد الكبار في السن ينادون الاطفال بهذا اللقب

وهو كنيه للطفل كثير المشاغبة والحركة والذي يصعب السيطره عليه .

الله يعطيك العافية

وندري انها مب مسبة لان جدتي تقولها

بس هو هيس اربد صج مناورة ما شفته وهو يتحرك في المحل تقول قاعد على جمرة من عقب ما كلمته
يصعب اصطياده لا راحت علية

كل صيده ولها صياد

تقبل مني كل التحية




يستاهل الزف هو ورفيجه حسبي الله عليهم الحراميه !!

وتسلمين على التحذير

هلا بج يالذيبة وبس يستاهل الزف يستاهل نقص يده


مشكورة اختي نبهتينا ..انا رايح لسبوع الجاي ويلت تعطوني اسم المطعم
رحلتنا كلها شباب..بنخليه يشوف لستعباط اشلون

مطعم توباز على خط الاحساء
وعندكم اياه هو عربي طويل وياخذ الطلبات وكلامه يا شيخ ويا شيخ

تحملوا بنفسكم على الطريق اهم من المطعم

[الراقية]

امبله في صور والله :weeping:

ولا تصيحين ولا شي

في صور خلاص في صور كله ولا هالدموع

[الخارجية]

يسلمو اختى الراقيه على التحذير

[سهم طويل الأجل]

ماعليه بس احنا ثقتنا بلاحدود

بس الحين ارويك

وبعد باروح المطعم عشان بس ابط جبده واني جلعت ال 400 من جبده :tease:









[SIZE="5"][COLOR="RoyalBlue"]أنصحج ماتروحين مرة ثانية وإذا رحتي لاتخلينه يعرف أن أنتي اللي حاسبتيه وصدتيه لأن ماتدرين يمكن يغشكم في الأكل هالمرة مب في الفاتورة :rolleyes2::rolleyes2:

[اعالي الجنان]

حسبي الله ونعم الوكيل معقوله استغفال بالطريقه ذيه!!

زين سويتي فيه يستاهل اللي جاه وازيد...ومشكوره عالتنبيه وزين قريت موضوعج لاني رايحه بعد يومين وان شاءالله ابطل لهم عيوني الثنتين

اله انتي وينج مختفيه :( عودا حميدا يالغاليه:)

[383 STROKER]

الله يجزاك خير اختي ع التنبيه ما بغى راعي الزيتونات يقص علينا. مشكوره اختي

[لاداعي]

جزاااااك الله خير

[الراقية]

يسلمو اختى الراقيه على التحذير

الله يسلمك يالخارجية وكان الهدف هو التنبية والتحذير من هالاشكال




أنصحج ماتروحين مرة ثانية وإذا رحتي لاتخلينه يعرف أن أنتي اللي حاسبتيه وصدتيه لأن ماتدرين يمكن يغشكم في الأكل هالمرة مب في الفاتورة :rolleyes2::rolleyes2:

والله انك ذيب فاتتني ذي لا هونت مب رايحة واذا باروح باتنكر :rolleyes2:



حسبي الله ونعم الوكيل معقوله استغفال بالطريقه ذيه!!

زين سويتي فيه يستاهل اللي جاه وازيد...ومشكوره عالتنبيه وزين قريت موضوعج لاني رايحه بعد يومين وان شاءالله ابطل لهم عيوني الثنتين

اله انتي وينج مختفيه :( عودا حميدا يالغاليه:)

يا مرحبتين كبار يالغلا
اي والله حسبي الله ونعم الوكيل
تصدقين يا اعالي الجنان صرت اقرف من جذية اشكال

واذا رايحة فتحي عيونج تاكلين ملبن :victory:

كنت غايبة ما بين دراسة وعمل



الله يجزاك خير اختي ع التنبيه ما بغى راعي الزيتونات يقص علينا. مشكوره اختي

يا هلا بك اخوي

الحين مب بس الزيتونات صار كلن
الدهنيات بكل اشكالها
والعوينات الصغار بكل اشكالها :anger1:



جزاااااك الله خير
يا مرحبا بك اخوي ويجزيك بمثل ما جزيت

[mirage]

حي الله الراقيه

والله لولا الحيا والعيب والسمعه

اني لااروحله وابصطه بالعقال

بس زين سويتي فيه :victory:

[الراقية]

حي الله الراقيه

والله لولا الحيا والعيب والسمعه

اني لااروحله وابصطه بالعقال

بس زين سويتي فيه :victory:

ميرررررررررررررررررررررررررررراج

يا مرررررررررررررررحبا


دورتك للفزعة قالوا لي في مخيم التواصل اعترف هااااااااااااااا:omg:

[عليان قطر]

شكرا ع التحذير

وواوجه كلامي لربعنا بالرياض حي البارود شارع العشرين
مطرود السامي
غالي المحزن
بطال الفهمان
عاصي الرامي
موزان البلقان
ططبطاب السيم
شباح المضليم

ممكن فزعتكم
وتشفون وش حكاية المطعم

انا في قطر وانتظر ردكم
على الجوال المعروف
3 اصفار صفرين صفر