ممكن معلومات عن الكورفيت ..؟؟ ( لاخوكم فلفل حار )

[فلفل حار]

السلام عليكم ورحمة الله وبركاته:)



اخوكم فلفل حار داخل بخاطره الكورفيت من سنين :telephone:

بس القهر في شوارع الدوحه المكسره :weeping:

حرام ترضخ الموتر في هالشوارع التعبانه :anger1:

وفوق هذا يقولون لي الكورفيت خطره ،،، بس تبون الصج خلاص الموتر شاق الخاطر مليوووون :(

ياريت تعطوني أي معلومه تعرفونها عن الكورفيت من ناحية :telephone:

الاسعار في الوكاله والسيرفز عند الوكيل ويتأخر ولا لا ؟؟ لأنه ألي أعرفه انه وكيل الشفروليه عندنا تعيس جدا :weeping:

وشلون عن اسعار قطع الغيار والبريكات ؟؟؟ والانواع بشكل عام:victory:

تراني عليمي من قلب في مواتر السبورت ،،، بس الخاطر لهف قلبي في هالموتر:discuss:



وان شاء الله ان الله راد باخذه هالصيف ،،، :)



عموماً :tease:

وهل ينفع للأستخدام اليومي ؟ أو يحرق آيل مع الاستخدام اليومي ؟؟

وللعلم ماتهمني المكينه ولا قوتها لأنه أبغيه للشكل فقط لا أكثر :)

وياريت لو كانت المعلومات من اصحاب هالسياره

ولكم جزيل الشكر ....:nice:

[بوسعود180]

فلفل اخبارك

من زمان وانت خاطرك في هالموتر

انا اشوف انك تاخذ لك مستعمل نظيف علشان اذا زهقت منه تبيعه وماتخسر واجد فيه

والله يوفقك

[فلفل حار]

فلفل اخبارك

من زمان وانت خاطرك في هالموتر

انا اشوف انك تاخذ لك مستعمل نظيف علشان اذا زهقت منه تبيعه وماتخسر واجد فيه

والله يوفقك

هلا والله بشيوخ السعوديه :victory:

اي والله انت عارفني شكثر مسندرك على هالموتر ههههه:rolleyes2:


ومثل ماقلت المستعمل ابرك من ناحية السعر بس ماتضمن النظافه:secret:


ان لقيت واحد نظيف وسعره حلو ،،، ان شاء الله بتوكل على الله وبشيله:telephone:



والله يوفق الجميع وتسلم يالغالي....:nice:

[الدوحي7]

السلام عليكم،

فلفل وشلك بلكورفت وبلاويها،مانصحك وخصوا اذا كان عند موتر واحد، لان صعبه تستخدمه وخبرك كرسين بس،وانت ذكرت شوارعنا، واذا تبقيها حق الدز عندي لك شور غير عن الكورفت وانت ورايك،،

[فلفل حار]

السلام عليكم،

فلفل وشلك بلكورفت وبلاويها،مانصحك وخصوا اذا كان عند موتر واحد، لان صعبه تستخدمه وخبرك كرسين بس،وانت ذكرت شوارعنا، واذا تبقيها حق الدز عندي لك شور غير عن الكورفت وانت ورايك،،

well come back للمنتدي يالغالي ,,,, :)


ادري انه الشوارع ماصخه ومرضخه مواترنا .... بس شسوي ياخوووي :secret:

هالموتر داخل خاطري من سنين :telephone: محد مضيعنا غير هالخاطر .... :(


ومابغيه للدز ولا المداعس ،،،، بس حق الـ show :)



ولا تبخل علينا من نصايحك .... وتسلم يالشيـخ :victory:

[بـن عدوان]

همممممممم

اول شي صبحك الله بالخير وجعله زواج مبارك وامطار خير >> محشش خخخخ

المهم ياطويل العمر

شوف الكورفيت في نوعين

في C6 وفي الـ ZO6 وفي نوع أقوى وجديد ZR1


كبداية انصحك بالــ C6 لانه قوة المكينه مب ذاك الزود وتنفع حق الاستعمال اليومي والكشخه

الــ Zo6 مكينتها قوية وصعب في البداية تسوقها لانه ماتكون ثابته اول ماتدعس

واممممم

سعر الــ C6 تقريبا في حدود الــ 250 ألف ^_^

ووووبعد

امممممم

بخصوص الشوارع صح كلامك ترى وبسبة هالشي مواترنا تستهلك بسرعه وتخترب فيها اشياء

بس نصيحه اذا بتاخذها لازم يكون عندك موتر غيره حق الاماكن الصعبه ^_*

وووووبس

اي استفسار انا حاضر

[م الكواري]

شوف اخوي الكورفت نوعين


zo6 تجي من الشركه قير عادي ماتجي توماتيك ومانصحك فيها لأنها قويه وتطرب وايد لاتقول حق تمشايه
وترى اعرف ناس تستعملها استعمال يومي عادي ترى لاتاخذ فكره انه الاسبورت ماينفع استعمال يومي
وان تقوم الحراره وجي لا عادي يالغالي

وفي

C6 بصراحه انا خاطري في وحده وهي تجي تماتيك ونفس الديزان من داخل اما من برع الي يختلف التشقق
فالرفارف وفتحه فالبانه والرنجات غير وطبعآ الZO6 اقوى بوايد
وانا اصحك بالC6 اكثر لأنها توماتيك واريح وتستعمل في اي وقت وماتمل منها كلش

والمواتر السبورت وايد حلوه وتستانس فيها وخاصتن الكورفت

وبحكم انك تبي ZO6 اسعارهم المستعمله تبتدي من 185 لين 230 الف اذا كانت نضيفه حدها

وال C6 تبتدي من 100 لين 160 لأنه من 2008 زادو الحصن فالسياره فرتفع سعرها ولي من 2007 وتحت
ارخص وكلهم نفس الشكل لا تحاتي


وعليك ب C6 سوده رنجات سود =)

[H A S S A N]

والله اذا الموتر اذا خاطرك فيه توكل على الله

بس اهم الشي الركاده لانه اخس شي في الكورفت السيفتي زيرو يعني مافيها سيفتي

واهم لاتاخذ جديد لانه سعرها يطيح من قلب وخذلك سي 6

[الـخـور]

اخوي خذ مني نصيحة
ابتعد عن هالموتر

ماينفع للاستخدام اليومي .. وعر ويكسر الضهر
وغير جذيه ماينفع لشوارع الدوحة كلش

[Redvette]

السلام عليكم اخوي العزيز
انصحك فيها بشده
موتر حلو وفيه مواصفات مش موجوده في اغلى السيارات
ومن ناحية السفايف اذا انت تسرع وايد وريلك ثقيله على الموتر كل 25 الف كيلو اتبدل السفايف وقيمتهم 1200 ريال
والايل كل عشرة الاف ب500 ريال
والموتر على استخدامي سنه كامله مرة بدلتله سفايف
ومرة بدلتله برغي فالكارونه ب45 ريال
وكالتهم فوق المحترمه لان صاحب الوكاله دوم بتلقاه موجود فالسيرفس
اسمه عبدالرحمن الجيده
والله والنعم انا تعاملت وياه
وموتر بيلعوزك شوي فالمطبات لكن ماعليه كلام
والحلو فيه ان الكشف يجي نوعين طربال
والمصندق بعد تقدر تفتحه وفتحه سهل ما يا خذ اقل من دقيقه
ونصيحتي لك خد c6
وعلى فكرة 2005 نزل التماتيك 4 سرعات
وال2006 التماتيك 6 سرعات
وال2008 تغيرت المكينه واسمها ls3
ومن 2005 الى 2007 اسمها ls2
والموتر صرفيته قليله
واذا انت راعي خطوط وما تدعس ايمشيك 500 كيلو ب40 ريال
يعني اقل من التيوتا بالنص

واسف على الاطاله

[Bin Hood]

الله يوفقك يا اخوي

[QatarProv]

بالتوفيق والله يستر عليك ,,
طبعاً العبري انا ,, :$ ,,
شرايك اتخليني اسوق لفة بس :p

الله يوفقك يارب وتستاهل الخير

[الخارجية]

لا تخلي شي في خاطرك بس السوده ماله حل

[بن درويش]

اخوى عندى كورفت zo6 موديل 2003 اللون احمر جير عادى وارد امريكا
السعر 55 الف ريال قابل

[المخفي]

خذ الفضي عجيـــــــــــــــــــــب

[simota uae]

هذي السياره ألها نظره حلوه بالشارع لكن عقب ما تشتري وتستعملها تملها بسرعه ..........ويوم بتبيع يالله يجيك شراي........... لان الموتر له ناسه

[وحيد-الشوق]

هلا بالغالي :nice:

موضوعك هذا ذكرني بنفسي :weeping: <<< خاطره في الجيب SRT8

شوف انا مالي خبره في الكورفيت بس صج صج موتر شكل وقوة

اولا اذا بتاخذه كموتر ثاني اوكي بس موتر حق استخدام يومي وماعندك موتر غيره ماانصحك صراحه

نجي للعيوب الموتر ضيق من داخل وايد وثاني شيء الموتر نازل من قلب يعني لازم تحاسب من المطبات وحط في بالك ان في شوراع او فرجان لازم ماتدخلها ههههه

واذا بتاخذ خذ مستعمل يكون نظيف افضل لك وانصحك بال c6

واخر شيء لاتنسى ان شركة جنرال موترز اعلنت افلاسها :telephone:

فكر اكثر من مره ولاتنسى الاستخارة

والله يحفظك ويرزقك الي في خاطرك

[الأمبراطور]

اخوي انا مره اجرت الموتر c6......بصراحه سواقه ماعليها كلام....ريس سكان بريك ريافه كل شي فيها محترم وحلو.....بس من الحين قرر ياتكون شرير وتاخذ zo6قير عادي ومحد يقبظك في الشارع
او تكون شوي طيب وتاخذ السي6
على العموم موفق......وحبيت اقلك ان الموتر روعه من ناحية السواقه والاستعمال
اما الباقي الاعضاء مايصرون

[بـن عدوان]

مافكرت بالكمارو 2010 ؟

[kakashi]

الشباب ماقصروا بس عندي اضافه بسيطه

ليش ماتنطر لين اخر السنه وتاخذ لك


corvette grand sport 2010


http://www.thesupercars.org/wp-content/uploads/2009/05/2010-chevrolet-corvette-grand-sport-back-view-thumbnail.jpg


http://www.thesupercars.org/wp-content/uploads/2009/05/2010-chevrolet-corvette-grand-sport-front-view-thumbnail.jpg



ميزتها ان الشكل الخارجي نفس الــ zo6 لكن القير اتوماتيك

اكثرهم ياخذون الــ zo6 لان شكلها احلآ من الــ c6 لكن عقب فتره بسيطه يبيعها والسبب قير عادي

فاذا انت اتحب الراحه والكشخه في نفس الوقت انصحك بالانتظار

والله يوفقك

[X 4 X]

السلام عليكم ورحمة الله وبركاته:)



اخوكم فلفل حار داخل بخاطره الكورفيت من سنين :telephone:

بس القهر في شوارع الدوحه المكسره :weeping:

حرام ترضخ الموتر في هالشوارع التعبانه :anger1:

وفوق هذا يقولون لي الكورفيت خطره ،،، بس تبون الصج خلاص الموتر شاق الخاطر مليوووون :(

ياريت تعطوني أي معلومه تعرفونها عن الكورفيت من ناحية :telephone:

الاسعار في الوكاله والسيرفز عند الوكيل ويتأخر ولا لا ؟؟ لأنه ألي أعرفه انه وكيل الشفروليه عندنا تعيس جدا :weeping:

وشلون عن اسعار قطع الغيار والبريكات ؟؟؟ والانواع بشكل عام:victory:

تراني عليمي من قلب في مواتر السبورت ،،، بس الخاطر لهف قلبي في هالموتر:discuss:



وان شاء الله ان الله راد باخذه هالصيف ،،، :)



عموماً :tease:

وهل ينفع للأستخدام اليومي ؟ أو يحرق آيل مع الاستخدام اليومي ؟؟

وللعلم ماتهمني المكينه ولا قوتها لأنه أبغيه للشكل فقط لا أكثر :)

وياريت لو كانت المعلومات من اصحاب هالسياره

ولكم جزيل الشكر ....:nice:

خذلك C6 و توكل على الله:victory:

هذا الموتر صار له عندي سنتين وما اشتكيت منه بشي...لا وابشرك مزود واستعمله شبه ديلي يوز:nice:

بس ابعد عن ال2005 لان 4 سبيد ترانسميشن 4L80E

خذلك من 2006 وطالع وحبذا لو كانت 2008 لان مكينتها تغيرت LS3 ثلاثين هورس باور زياده عن الموديلات السابقة

والحلو في الC6 أن الكمبرشن مال المكينة فيها اقل من الZO6 يعني انسى الحرارة

يعني تاخذها بس بدل فيها الثرموستات وخلها 160 دقري وعل ع المراوح والسلام عليكم:victory:

واي شي تبيه عن الكورفت من تزويد او مشاكل ترانا حاظرين يا الحبيب:nice:

موفق ان شاءالله اخوي العزيز

X 4 X

[_QTR_]

والله الكورفت بصفة عامة سيارة ما عليها كلام بس مشكلتها ان مافيها سيفتي

وانا عندي كورفت ستانغري موديل 1976 وموتر ماعليه كلام ومافي احلى منه في الشارع (حق رزة)

[فلفل حار]

همممممممم

اول شي صبحك الله بالخير وجعله زواج مبارك وامطار خير >> محشش خخخخ

المهم ياطويل العمر

شوف الكورفيت في نوعين

في C6 وفي الـ ZO6 وفي نوع أقوى وجديد ZR1


كبداية انصحك بالــ C6 لانه قوة المكينه مب ذاك الزود وتنفع حق الاستعمال اليومي والكشخه

الــ Zo6 مكينتها قوية وصعب في البداية تسوقها لانه ماتكون ثابته اول ماتدعس

واممممم

سعر الــ C6 تقريبا في حدود الــ 250 ألف ^_^

ووووبعد

امممممم

بخصوص الشوارع صح كلامك ترى وبسبة هالشي مواترنا تستهلك بسرعه وتخترب فيها اشياء

بس نصيحه اذا بتاخذها لازم يكون عندك موتر غيره حق الاماكن الصعبه ^_*

وووووبس

اي استفسار انا حاضر

ماقصرت يالغالي

وتقريبا تقريبا لقيت لي ألي أبيه :victory:

يسلم لي راسك يالغالي :nice:

[فلفل حار]

شوف اخوي الكورفت نوعين


zo6 تجي من الشركه قير عادي ماتجي توماتيك ومانصحك فيها لأنها قويه وتطرب وايد لاتقول حق تمشايه
وترى اعرف ناس تستعملها استعمال يومي عادي ترى لاتاخذ فكره انه الاسبورت ماينفع استعمال يومي
وان تقوم الحراره وجي لا عادي يالغالي

وفي

C6 بصراحه انا خاطري في وحده وهي تجي تماتيك ونفس الديزان من داخل اما من برع الي يختلف التشقق
فالرفارف وفتحه فالبانه والرنجات غير وطبعآ الZO6 اقوى بوايد
وانا اصحك بالC6 اكثر لأنها توماتيك واريح وتستعمل في اي وقت وماتمل منها كلش

والمواتر السبورت وايد حلوه وتستانس فيها وخاصتن الكورفت

وبحكم انك تبي ZO6 اسعارهم المستعمله تبتدي من 185 لين 230 الف اذا كانت نضيفه حدها

وال C6 تبتدي من 100 لين 160 لأنه من 2008 زادو الحصن فالسياره فرتفع سعرها ولي من 2007 وتحت
ارخص وكلهم نفس الشكل لا تحاتي


وعليك ب C6 سوده رنجات سود =)

لقيت وحده مستعمله موديل 2008 ونظيييييييييفه ما شاء الله

وان شاء الله ان الله راد بتكون من نصيبي :victory:

تسلم على النصايح يالغالي :)

[فلفل حار]

والله اذا الموتر اذا خاطرك فيه توكل على الله

بس اهم الشي الركاده لانه اخس شي في الكورفت السيفتي زيرو يعني مافيها سيفتي

واهم لاتاخذ جديد لانه سعرها يطيح من قلب وخذلك سي 6

بأذن الله ،،،،:)

والله يالغالي ترددت وايد ومن سنين خاطري في الموتر بس الشوارع هي ألي متعبتنا هههههه:secret:

الفور ويل يترضخ :rolleyes2:

بس مثل ماقلتي الركاده والخاطر وتسلم يالغالي :victory:

[فلفل حار]

اخوي خذ مني نصيحة
ابتعد عن هالموتر

ماينفع للاستخدام اليومي .. وعر ويكسر الضهر
وغير جذيه ماينفع لشوارع الدوحة كلش

من ناحية وعر لا والله بالعكس انا جربت الموتر ألي لقيته وماعليه كلااااااام....:)

وما شاء الله عليه توه مطلعه من السيرفز ونظيف وااااايد ما شاء الله

بس من ناحية انه ماينفع لشوارع الدوحه خلها على ربك ههههههه:omen2:


تسلم يالغالي :nice:

[فلفل حار]

السلام عليكم اخوي العزيز
انصحك فيها بشده
موتر حلو وفيه مواصفات مش موجوده في اغلى السيارات
ومن ناحية السفايف اذا انت تسرع وايد وريلك ثقيله على الموتر كل 25 الف كيلو اتبدل السفايف وقيمتهم 1200 ريال
والايل كل عشرة الاف ب500 ريال
والموتر على استخدامي سنه كامله مرة بدلتله سفايف
ومرة بدلتله برغي فالكارونه ب45 ريال
وكالتهم فوق المحترمه لان صاحب الوكاله دوم بتلقاه موجود فالسيرفس
اسمه عبدالرحمن الجيده
والله والنعم انا تعاملت وياه
وموتر بيلعوزك شوي فالمطبات لكن ماعليه كلام
والحلو فيه ان الكشف يجي نوعين طربال
والمصندق بعد تقدر تفتحه وفتحه سهل ما يا خذ اقل من دقيقه
ونصيحتي لك خد c6
وعلى فكرة 2005 نزل التماتيك 4 سرعات
وال2006 التماتيك 6 سرعات
وال2008 تغيرت المكينه واسمها ls3
ومن 2005 الى 2007 اسمها ls2
والموتر صرفيته قليله
واذا انت راعي خطوط وما تدعس ايمشيك 500 كيلو ب40 ريال
يعني اقل من التيوتا بالنص

واسف على الاطاله

ألف شكر وتسلم يالغالي على نصايحك استفدت منها وايد :victory:

واي نصايح ثانيه تسوي خير

ومشكور مره ثانيه يالغالي :)

[فلفل حار]

الله يوفقك يا اخوي

وياك يالشيــخ:victory:

وينك مختفي :anger1:

[فلفل حار]

بالتوفيق والله يستر عليك ,,
طبعاً العبري انا ,, :$ ,,
شرايك اتخليني اسوق لفة بس :p

الله يوفقك يارب وتستاهل الخير

افاااااا عليك والله <--- دورني بس :eek5:

اتغشمر معاك ههههههه :D

والله ابشر من عيووني يالغالي:victory:

بس العشى عليكم انت وبو حرووب :tease:


تسلم فديت خشمك :nice:

[فلفل حار]

لا تخلي شي في خاطرك بس السوده ماله حل

من قلب مالها حل بس يملل في الغسيل:weeping:

موتري ألحين أسود ولاعن خيري في الغسيل :rolleyes2:

بس الاحمر بعد ررررررررررهيب:nice:

[فلفل حار]

اخوى عندى كورفت zo6 موديل 2003 اللون احمر جير عادى وارد امريكا
السعر 55 الف ريال قابل

لا والله يالغالي انا ابغي الشكل الجديد:nice:

ولقيت موديل 2008 :)

جان عندك نفس الموديل ونوع c6 عطني خبر ولا عليك امر :telephone:

[فلفل حار]

خذ الفضي عجيـــــــــــــــــــــب

مايعجبني هاللون بصراحه <-- الناس اذواق :secret:

الكورفيت ثلاث ألوان لاغير

اسود

أحمر

أصفر

وألي لقيته واحد من هالثلاث ألوان بس اتأكد من نظافته وان شاء الله شايله:nice:

[فلفل حار]

هذي السياره ألها نظره حلوه بالشارع لكن عقب ما تشتري وتستعملها تملها بسرعه ..........ويوم بتبيع يالله يجيك شراي........... لان الموتر له ناسه

صادق يالغالي :)

ماحولك موديل 2008 وطالع في الامارات ..؟! :nice:

[فلفل حار]

هلا بالغالي :nice:

موضوعك هذا ذكرني بنفسي :weeping: <<< خاطره في الجيب SRT8

شوف انا مالي خبره في الكورفيت بس صج صج موتر شكل وقوة

اولا اذا بتاخذه كموتر ثاني اوكي بس موتر حق استخدام يومي وماعندك موتر غيره ماانصحك صراحه

نجي للعيوب الموتر ضيق من داخل وايد وثاني شيء الموتر نازل من قلب يعني لازم تحاسب من المطبات وحط في بالك ان في شوراع او فرجان لازم ماتدخلها ههههه

واذا بتاخذ خذ مستعمل يكون نظيف افضل لك وانصحك بال c6

واخر شيء لاتنسى ان شركة جنرال موترز اعلنت افلاسها :telephone:

فكر اكثر من مره ولاتنسى الاستخارة

والله يحفظك ويرزقك الي في خاطرك

هلا والله بالغالي :)

شحالك عساك مرتاح يالغالي:victory:

ياريت جنرال موترز تعلن افلاسها وأحصل لي كورفيت اصفااااار جديد بـ40 ألف ههههه :eek5:

(( مصلحتي أولى من مصلحتهم :tease:))

والله الخاطر ذي مصيبه وانا حطيته في خاطري وايد

وبيني وبينك الدنيا فانيه واخرتنا كلنا في 2×3 امتار في كفن أبيض :)

مصيبه هالخاطر والله

وتسلم على الشووور ماقصرت فديت خشمك:)



بامركم فريجكم أول ماخذه الوعد عند دوار الصــ ..... :tease:

بشرني شسويت بالامتحانات..؟؟ :nice:

[السد]

الكورفيت ماعليها كلام
شوف المنتديات الكورفيت
وان شاء الله يفيدك الرابط
http://www.alriadhi.com/vb/showthread.php?t=11225

[Sharshooooor]

هلا فلفل حار
وينك ماتجينا ولا شي

كلم العضو شبربوش بيعديك الزبدة عن الكورفيتات
يقولك واحد من ربعة سارع بالموتر وتبطل علية الفيبر الكشف مرتين
السيفتي تعبان كلش

في زد 2008 حمرا تبيها؟

[فلفل حار]

السلام عليكم ورحمة الله وبركاته ... :)

صج الموضوع قديم ...

بس حبيت أرفعه واشكر كل من شارك ورد علي ...

لحد يقول تو الناس ...:weeping:


لأني صج غسلت يدي من هالموتر على هالشوارع ...



ادور لي سمارت حق رمضان (( خل بعض الناس يحتروون:tease: )) ههههه أتكلم جد وألي عنده يخبرني ولا عليكم أمر ...:nice:



وبالتوفيق للجميع ان شاء الله ... ^-^

[قطراوي للأبد]

يعني الحين خذته ولا لأ خخخخخخخخخخخخ ؟

والله انا اجووف .. تاخذ ذاك السزوكي p= .. ابرك لك من السمارت

ولا سيكل 28 .. وفالك طيب هههههههههههههههههههه

[الكنج]

فلفولي شرايك تفك عمرك وتاخذ الجمس حق بوصالح ....تفريج كربة حق بوفلان هههههه

موفق يالغالي ويبه خذ اللي في خاطري والافضل مثل ماقالوا الشباب مستعمل ...
(((أهم شي الاسود ماينبــــــــــــــــــــــــــــــــــــــــاع ))....

[kakashi]

لا والله يالغالي انا ابغي الشكل الجديد:nice:

ولقيت موديل 2008 :)

جان عندك نفس الموديل ونوع c6 عطني خبر ولا عليك امر :telephone:

قصدك بــ ٢٠٠٨ الــ zo6 !!

اذا الموتر موجود عطني خبر الشيخ

[بـن عدوان]

{{{ فلفل حار }}}

بلا سمارت وبلا كورفيت

شوف هالموتر ولا بلاش

http://wikicars.org/images/en/6/64/800px-Mazda_323_Turbo.jpg

المواصفات:

ماشي 3,000 كيلو بس

مافيه دعمات

جير تيب ترونيك وع السكان " سبورت "

تيربو

رنجات

فتحة

شد شركة

هااا شرايك :tease:

[بنت سعادة السفير]

اخووي فلفل راجع الخاااص

[سلمان]

يعني الحين خذته ولا لأ خخخخخخخخخخخخ ؟

والله انا اجووف .. تاخذ ذاك السزوكي p= .. ابرك لك من السمارت

ولا سيكل 28 .. وفالك طيب هههههههههههههههههههه




حق رمضان :nice:

[qatari-vip]

الله يعينك على وكاله الجييده

انشدني انا عنييت الامرين من نصب الوكاله في السيرفس نصاااااااااااااااااااااابيييييييييييييييين

والله بجبون للك الضغط

وانا اشك انهم سببب انفلونز الخاازيير الله يعزكم يرفعوون الضغظ

انا اول مااخلص ضماان موتري استانس لاني افتكيت منهم

لا هنت