ايش يعني معلمة صف ؟؟؟ [الأرشيف] - منتديات شبكة الأسهم القطرية

مشاهدة النسخة كاملة : ايش يعني معلمة صف ؟؟؟

bshayer

02-08-2009, 10:23 PM

السلام عليكم .

صديقتي تفكر تشغل مدرسة وبتكون مدرسة صف ..ومع انها مو رغبتها ولاتخصص من اساس لكن المثل يقول >> ايش حادك ع المر الي امر منه ...

شلون بيكون شغلها وكيف تحضر المواد ..وايش المواقع الي ممكن تفيدها على اساس انها تجهز نفسها للسنه الجديده مع العلم انها اول مره تشتغل وتمارس هالمهنة التدريس على الاقل لفضل مني """عاطله عن العمل لكن مشكلتها متخوفه من هالشغله ..؟؟

يعني ياليت تقول لنا شلون طبيعة العمل والحصص وغيره ..
وهل ممكن تلغي العقد الابتدائي .؟؟

بوعامر

02-08-2009, 11:06 PM

مووووضووع غامض
ولكن لا يوجد لدي فكره

غناتي1

03-08-2009, 12:17 AM

معلمة الصف هي اللي تدرس المواد الاساسية وعادة تكون مادتين او اكثر

يا اما انجليزي وعلوم ورياضيات -- او عربي وشرعية واجتماعيات

وكلامي هذا بالنسبة للمدارس المستقلة

وبتلقين في النت كل شئ تحتاجينه من برامج ووسائل مساعدة

بس الاول لازم اتعرفين ايش المواد اللي بتدرسينها واي صف ؟؟

والله يوفقها -- السالفة ما تحتاج خوف -- بس اشوي تشجيع وبتتعود -- وبتبدع

بوعلى 1

03-08-2009, 12:20 AM

واقعية

03-08-2009, 12:29 AM

معلمة الصف حسب ما اعرف تدرس اما :
رياضيات و علوم و لغة انجليزية
او
شرعية و عربي
بحسب تخصص المعلمة (( يعني اقرب لأي واحد فيهم ))
و هو نظام يختلف تطبيقه من مدرسة لآخرى
و لكن عموما ما يطلع عن رابع ابتدائي

التحضير يكون جماعي .. و بحسب المصادر الموجودة في المدرسة و الكتب المستخدمة
الحصص بحسب توزيع الادارة

شغله حلوه لان الصفوف تكون اما واحد او 2

بتقدر تبدع اذا حبت الوظيفة

بالنسبة للعقد الابتدائي .. ممكن الغاؤه

المواقع :
شبكة المعلمين التابع لهيئة التعليم فيه كثير من المواقع بحسب المواد و اشياء ثانية كثيره
www.teachers.net.qa

مع تمنياتي بالتوفيق
واقعية

عديـل الـروح

03-08-2009, 08:22 AM

معلمة الصف هي اللي تدرس المواد الاساسية وعادة تكون مادتين او اكثر

يا اما انجليزي وعلوم ورياضيات -- او عربي وشرعية واجتماعيات

وكلامي هذا بالنسبة للمدارس المستقلة

معلمة الصف حسب ما اعرف تدرس اما :
رياضيات و علوم و لغة انجليزية
او
شرعية و عربي
بحسب تخصص المعلمة (( يعني اقرب لأي واحد فيهم ))
و هو نظام يختلف تطبيقه من مدرسة لآخرى
و لكن عموما ما يطلع عن رابع ابتدائي

بالنسبة للعقد الابتدائي .. ممكن الغاؤه

:nice::nice::nice:

doha70999

03-08-2009, 12:21 PM

بالنسبة للعقد الابتدائي .. ممكن الغاؤه خلال اول 3 شهور ولو حاولت تلغية بعد 3 شهور لازم تكمل السنة كاملة :) بالتوفيق

ام عبداللة

03-08-2009, 03:24 PM

مدرسة الصف تدرس المواد : رياضيات وعلوم وانجليزي وكلها باللغة الأنجليزية
يعني تمسك ثلاث حصص باليوم ويمكن اكثر .. ومدرسة الصف تدرس الصف الأول او الثاني او الثالث أما الصفوف الرابع والخامس والسادس فلا يوجد لها مدرسة صف .

السنافية

03-08-2009, 04:35 PM

مدرسة صف هي اللي تدرس من صف الاول الى الرابع
كل المواد بدون تخصص وممكن يكون عندها دورة تأهيلية
في المسار العلمي (الرياضيات والعلوم ) او المسار الادبي (الشرعية واللغة العربية)
ولا تدرس مادة اللغة الانجليزية لانه يبيلها تخصص

ali-alhamadi

03-08-2009, 06:10 PM

معلمة صف أو يسمونها مرحلية تدرس الصفوف من أول لين الصف الرابع طبعا تدرس مادة وحدة أساسية سواء عربي أو رياضيات أوشرعية هاي النظام الحكومي وتكون المدرسة خريجة جامعة وبالنسبة للتحضير تكون الاستفادة من مدرسات سابقات خبرة ويسونلج دورات وماتتصورين اذا حبيتي الشغلة بتبدعين.

الوجبه

03-08-2009, 07:47 PM

طلعو المدرسيين :)

ali-alhamadi

03-08-2009, 08:09 PM

طلعو المدرسيين
وش فيهم المدرسين والا المدرسسات أجدع ناس يالوجبة.......هههههههههههههههههههههههههههههههه

واقعية

03-08-2009, 10:52 PM

طلعو المدرسيين :)

التدريس متعة

كفاية لما الوحدة تقارن بين مستوي الطلاب أول السنة و مستواهم اخرالسنة
تشعر بالانجاز

تحياتي
واقعية

الوجبه

03-08-2009, 11:13 PM

معصبين على الله يهديكم .. شنو ما حليت الواجب

bshayer

03-08-2009, 11:18 PM

تسلمون على إفاده ..

^^^^^

الله يعينها ويوفقها مع ان نصحتها بعدم التسرع لكن تعبت وهي تدور ع البديل غير التدريس ..
هي الاخت ماتصلح لتدريس اذكر ايام الجامعة ماتعرف تشرح لنا كانت كله تأت فكيف للطلاب .
وطبعآ نفسيتها رايحه فيها .للاسواء كلما تفكر شلون تدرس السنه الجايه ..؟؟؟

اختي وااقعيه التدريس صج متعه لكن للناس الي تحب شغلها ..
مو علشان حيالله وظيفه ؟!!!