ღஐღ::..شصار في شبابنا...وين حيا بناتنا...تبي الحل ابدا بنفسك واللي حولك..::ღஐღ

[sweet qatar]

السلام عليكم ورحمة الله وبركاته...



في اليومين الي طافوا خذت لفة على المواضيع المطروحة في المنتدى العام...

اغلب المواضيع ... انتقادات لسلوكيات في المجتمع... سواء للبنات... للشباب... للموظفين ... للموظفات ... في الشارع... في الجامعة ... في المدرسة...

وجود الغيرة عند اغلب المشاركين شي طيب <<< ولو ان المفروض الكل...

والشكاوي على مختلف الجهات العاملة في الدولة ماتنعد...

مانبي دوم نتكلم... طرحنا الموضوع...ناقشناه... تعالوا ندور له حل ...



ابدا بنفسك.. بربعك ... باخوانك ...



قال نبينا محمد عليه أفضل الصلاة والسلام :


http://www.taimiah.org/MEDIA/H2.GIF من رأى منكم منكرا فليغيره بيده، فإن لم يستطع فبلسانه، فإن لم يستطع فبقلبه وذلك أضعف الإيمانhttp://www.taimiah.org/MEDIA/H1.GIF




مثلا في الشغل :

لاني انزعج لما اتصل باي جهة حكومية وادعي ترد علي بنت وتجاوبني او تساعدني ...القاها تحولني لموظف والموظف يحولني لثاني ... << مب بس انزعج الا اتعب نفسيا وتوصل بعض الاحيان اني اتعب جسديا واصخن مع دفاشة الاسلوب وانعدام الذوق...


النتيجة:

لما اشتغلت في قسم مهم في وزارة صرت احط نفسي مكان المتصل او المتصلة (مع العلم اني اشترطت مايكون لي اي اتصال مباشر مع الموظفين او المراجعين) ...لكن تجيني مكالمات احيانا من موظفينا او من مراجعينا..
اذا الشغلة عندي رديت عليهم وافدتهم واذا مب عندي ادور التحويلة او الشخص او القسم و احاول افهمهم الموضوع باسلوب اتمنى يكون راقي...يعني ما قلت مب شغلي



ونفس الشي ينطبق على اخلاقيات المجتمع...

لما سمعت عن التجاوزات الي تصير في دحل الحمام ... و اغلب البنات قرروا انهم مايروحون حديقة الدحل ابد... خالفتهم الراي... الحديقة حطوها للعوائل ... احنا لازم ندخلها رافعين راسنا والي يسوون الغلط هم الي ينكسون روسهم ...ويتخششون في جحورهم بعيد عنا...


ولا شرايكم...؟؟!!

[روح-قطر]

بقولك شغله يمكن صج مابيدها شي او مو مخوله ترد،، مثلا تجيني اتصالات انا المفروض م ارد لانه هالتلفون خاص بينا وبين مسؤولنا بس اتفاجا اتصلات تسال يعني بشوف شغلي والا برد عليهم وخصوصا اذا المكان حيوي فاضطر احولهم داخل عند الشباب يشوفون موضوعه..

والشغله الثانيه اللي يتصل باليوم 15000الف مره وتقوله موضوعك عند المدير ويحن وانا بنت شنو بسوي اكيد بحوله على المشرف او اي واحد يقدر يتفاهم معاه..

اما اللي من باب الاستهتار ومالها باااااااااااااااارض خلها تفرش في المكتب احسن لها والا ليش ترد من الاساس،، وتبط جبدي اللي ترد ومليون وحده تتكلم عندها ياختي دوام سكتيهم لا عادي سهلات عندهم او تحولك وتقطع الاتصال بويهك عقب ماترد هالنوعيه ما يسلمونهم تلفون احسن..

وعلى طاري دحل الحمام بالرغم اني ما دخلتها الا اول ما صارت بس دايما اسمع عن التحرشات والمشكله شباب صغار،، وغصب عن الوحده ما تروح لان الله يهديهم مافي شي يردعهم لدرجه يقطون الفاظ سوقيه،، مثلا لو قلت حق اخوي او زوجي اكيد بيقولي لا تروحين في اسباب يخلي الواحد يجز من المكان والاهم مو مرتاح فيه..

يسلمو اخوي في اشياء احنا الافراد ما نقدر نغيرها:(

[sweet qatar]

هلا اختي... شاكرة لج ردج... وحاسة فيج ...

انا جبت هالامثلة عشان اوضح الصورة لا اكثر و لا اقل

كل الي ابي اقوله احنا بيدنا نصلح مجتمعنا... و ياليت في مواضيع تبرز المواقف الحلوة كثر المواضيع الي تغث...

[اميرةالصحراء]

بالتوفيق ان شاء الله

[sweet qatar]

الله يوفق الجميـــع


جزاج الله خير اختي...


كنت اتمنى تعطوني امثلة حلوة من حياتكم اليومية...


تغيير بعد كل هالمشاكل والبلاوي الي نقراها في المنتدى..