المساعد الشخصي الرقمي

مشاهدة النسخة كاملة : ▓▒▌ دليل التوظيف : السيرة الذاتية /طريقة التقديم /جهات التوظيف/المقابلة الشخصية..الخ▓



BusinessGirl
27-12-2009, 08:12 AM
بسم الله الرحمن الرحيم

قال تعالى :
(( وَمَنْ يَتّقِ اللهَ يَجْعَلْ لَهُ مَخْرَجاً ويَرْزُقْهُ مِنْ حَيْثُ لا يَحْتَسِبْ ومَن يَتَوَكّل على اللهِ فهُوَ حَسْبُهُ اِنّ اللهَ بالِغُ أمرِه قَد جَعَلَ الله لِكُلِّ شَْيءٍ قَدْرا))

.... الّلهمّ اَن كان رِزْقي في السمآءِ فأنزِلْهُ، وان كان في الأرض فأخرِجهُ، واِن كانَ بَعيداً فَقَرِّبهُ, وان كانَ قلِيلاً فَكَثرهُ واِنْ كانَ قَرِيبا فَيَسِّرهُ، وبارِك لنا فِيه بِرَحمَتِك يا أرحمَ الرّاحِمِينَ....السلام عليكم ...

هذا الموضوع
بحاول اجمع فيه اكثر الاشياء اللي استفدت منها في تجربتي في البحث عن وظيفة >> اهم شي تجربتي
واسمحو لي عالقصور
واللي عنده اضافه للموضوع .. يا ليت يضيفها عشان الكل يستفيد

يتبع

BusinessGirl
27-12-2009, 08:14 AM
(( الخـــطــــوة الاولـــــى))

اول خطوه .. في البحث عن وظيفه هي كتابه ( السيره الذاتيه )
او
(Curriculum Vitae ( واللي اختصارها (CV )

يفضل انها تنكتب بالانكليزي ... اغلب الجهات حاليا تطلب انه يكون بالانكليزي
ونصيحتي ان الواحد يسوي له نسختين بالعربي وبالانكليزي لكن يقدم النسخه اللي بالانكليزي
ويخلي النسخه العربيه جاهزة عنده في حال اطلبومنه هالشي

طبعا وايد في طرق واساليب لكتابه السيره الذاتيه
في نقاط معروفه لازم الواحد يمشي عليها ويذكرها

وهذا موقع بالعربي : يشرح اهم النقاط في كتابه السيره الذاتيه
http://dvd4arab.maktoob.com/showthread.php?t=401462

وهذا موقع بالانكليزي : يشرح طريقه كتابه ال (CV) و يوفر نماذج جاهزه بس عليكم تاخذونها واتعبون بياناتكم
http://jobsearch.about.com/od/cvsamples/a/blsamplecv.htm

وطبعا في مواضيع في المنتدى عن السيره الذاتيه بخليها لكم عشان الكل يستفيد

1- طريقه كتابه السيره الذاتيه "بالعربي ولانجليزي
http://www.qatarshares.com/vb/showthread.php?t=153734&highlight=%C7%E1%D3%ED%D1%E5+%C7%E1%D0%C7%CA%ED%E5

2- &&& كيفية كتابة السيرة الذاتية &&&
http://www.qatarshares.com/vb/showthread.php?t=136932&highlight=%C7%E1%D3%ED%D1%E5+%C7%E1%D0%C7%CA%ED%E5

وعموما اتظل لكل واحد لمسته الخاصه .. اللي اتميز سيرته الذاتيه
ويا ليت يكون للسيره الذاتيه نسخه على الجهاز
ونسخه مطبوعه
لان الواحد راح يستفيد من الثنتين
ولان في اماكن تطلب نسخه على الايميل وبعضهم يبون السي مطبوع و مسلم باليد

....... هاذي اول خطوه ....
" واللي يبغي اي استفسار عن كتابه السيره الذاتيه يقولي وانا حاظره "

يتبع

BusinessGirl
27-12-2009, 08:15 AM
(( الخــــــــــطوة الثـــــــــــــانية ))

ثاني خطوه هي خطوه التقديم على اماكن التوظيف

والحين راح اعرض لكم دليل يشمل تقريبا اغلب الاماكن اللي تقدم عليها الوظايف
يا ليت كل واحد يشوف اي مكان يناسب مؤهلاته
ويكون مستوفي شروطهم ويقدم عليهم
مع اني انصح ان الواحد يقدم في كل مكان من يدري سبحان الله يمكن حتى لو ما يكون مستوفي الشروط
لكن يحتاجونه
طريقه التقديم للوظيفة تختلف من مكان لين اخر
ممكن الواحد يقدم الاوراق شخصيا
وممكن عن طريق الايميل او الموقع
نصيحتي ان الواحد يقدم بكل الطرق يكون احسن
مدام الواحد فاضي وما عنده شغل مو مشكله يقدم على النت ويروح بروحه للمكان نفسه يقدم اوراقه يد بيد
بالنسبه للقائمه

"بذكر كل مكان وتحته موقعهم والا رقمهم واللي حاب يقدم يدخل على الموقع في البدايه يتعرف على المكان بعددها يشوف طريقه التواصل معاهم سواء عنوان المكان نفسه ارقامهم فاكساتهم وايميلاتهم ويكلمهم ويقولهم ان يبي يقدر وظيفه ايش الاجراءات اللي لازم يسويها"
يتبع

BusinessGirl
27-12-2009, 08:16 AM
( وزارات الدوله ) :
1- وزارة العمل
http://www.mol.gov.qa/Pages/default.aspx
2- وزاره التجاره واالاعمال
http://www.mec.gov.qa/
موقعهم تحت الانشاء
3- وزاره العدل
http://www.moj.gov.qa/arabic/index.html
الهاتف : 4842222
4- وزاره الاوقاف والشؤون الاسلاميه
http://www.islam.gov.qa/
5-وزارة الداخلية
http://www.moi.gov.qa/site/Arabic/index.html
5- وزاره الماليه والاقتصاد
http://www.mof.gov.qa/intro/index.html
6- وزاره الخارجية
http://www.mofa.gov.qa/
7- وزاره التعليم والتعليم العالي
4941111
8- وزارة الشؤون الاجتماعيه
4841111
9- وزارة الصحة
4473111
10 – وزارة البيئة
4207777
11- وزارة الشؤون البلديه و التخطيط العمراني
4348888
12-وزارة الدفاع
4614111
13 – وزارة الثقافة والفنون والتراث
http://www.nccah.com/

يتبع

BusinessGirl
27-12-2009, 08:18 AM
((هيئات ومؤسسات الدوله)) :
1- كيوتل
http://www.qtel.qa/IndexPage.do
2- مركز نظم المعلومات الجغرافيه
http://www.gisqatar.org.qa/arabic/all.html
3- جامعة قطر
http://www.qu.edu.qa/index.php
4-بورصة قطر
http://www.dsm.com.qa/dsmsite/
5-الخطوط الجويه القطريه
http://www.qatarairways.com/splash.html?arabic
6-شركة قطر الوطنية للفنادق
http://www.qnhc.com/
7-وكالة الاعلام الخارجي
http://www.qnaol.net/QNAAr/Pages/default.aspx
8- النيابه العامة
9-مؤؤسسه حمد الطبيه
http://www.hmc.org.qa/hmcnewsite/
10-لجنة المناقصات المركزيه
http://www.ctc.gov.qa/
11-المجلس الاعلى للتعليم
http://www.education.gov.qa/
12-مركز قطر للمال
http://www.qfc.com.qa/output/
13-المجلس الاعلى للقضاء
http://www.sjc.gov.qa/arabic/intro.html
14-الامانة العامه للتخطيط التنموي
http://www.sjc.gov.qa/arabic/intro.html
15-مؤسسه قطر للتربيه والعلوم وتنمية المجتمع
http://www.qf.org.qa/output/Page3.asp
16-كهرماء
www.kahramaa.com.qa
17-الديوان الاميري
http://www.diwan.gov.qa/english/main_page_english.htm
18- المؤسسة العامة للبريد
http://www.qpost.com.qa/arabic.htm
19-معهد التنمية الادارية
http://www.iad.gov.qa/
20-مركز الاستشارات العائليه
http://www.fcc.gov.qa/ar/news.php
22-غرفة تجارة و صناعة قطر
http://www.qcci.org/Intro/Intro.html
23-اللجنة الالومبية القطرية
http://arabic.qatarolympics.org/topics/index.asp?g=4A93B9D8-1A07-4E02-98E9-C61F0E0FC73C
24- مواصلات
http://www.mowasalat.com/site/topics/index.asp?cu_no=1&temp_type=44
25- جهاز قطر للاستثمار
4995900
26-الحكومة الالكترونية
4657666
27-الهيئة العامة للتقاعد والمعاشات
4242666
28-ديوان المحاسبة
4382382
29-الهيئة العامة للاذاعة والتلفزيون
4894444
30- الهيئة العامة لشؤون القاصرين
4137777
31-المجلس الاعلى لشؤون الاسرة
4628444
32-مركز الشفلح لذوي الاحتياجات الخاصة
4956666
33-المؤسسه القطرية لحمايه الطفل والمراة
4679444
34-المؤسسة القطرية لحماية المسنين
4551777
35-المؤسسة القطرية لرعايه الايتام
4589444
36-المجلس الاعلى للاتصالات وتكنولوجيا المعلومات
4935922
37-الهيئة التنظيمية لمركز قطر للمال
4956785
38-الهيئة العامة للسياحة
4997499
39-سباير
4136556

يتبع

BusinessGirl
27-12-2009, 08:19 AM
((شركات الطاقة )):

1- قطر للبترول
http://www.qp.com.qa/qp.nsf
2- قطر غاز
http://www.qatargas.com/
3-راس لفان
http://www.raslaffan.com.qa/rlc/index.html
4-دولفين للطاقة
http://www.dolphinenergy.com/Public/default/index.htm

وهذا موضوع في المنتدى فيه قائمه بكل شركات الطاقه
http://www.qatarshares.com/vb/showthread.php?t=329115

يتبع

BusinessGirl
27-12-2009, 08:20 AM
(البنوك و المصارف الماليه ):
1 – البنك التجاري
http://www.cbq.com.qa/
2-المجموعة
http://www.thegroup.com.qa/
3-مصرف الريان
http://www.alrayan.com/arabic/
4-مصرف قطر الاسلامي
http://www.qib.com.qa/
5-بنك المشرق
http://www.mashreqbank.com.qa/
6-اموال
http://www.amwal.com.qa/cms/
7-الشركة الاسلامية القطرية للتامين
http://www.qiic.com.qa/Arabic/index.html
8-بنك قطر الوطني
http://www.qiic.com.qa/Arabic/index.html
9-البنك البريطاني
http://www.hsbc.com.lb/1/2/home
10-بنك قطر للتنمية الصناعية
http://www.qidb.com/
11-بنك ستاندرد اتشاردتد
http://www.standardchartered.com/qa/en/
12-شركة الجزيره الاسلامية
http://www.aljazeera.com.qa/
13- بنك قطر الدولي الاسلامي
http://www.qiib.com.qa/
يتبع

الصريحه
27-12-2009, 08:21 AM
موضوع مهم ماقصرتي اختي واسفه على المقاطعه:victory:

BusinessGirl
27-12-2009, 08:21 AM
(المدارس المستقلة): للي حاب يقدم على المدارس المستقلة
هذا الرابط ادخلوه
بتلاقون على الجنب اليمين
"قائمه المدارس المستقله "
هو ملف PDF..
يحتوي على كل المدارس المستقلة
وكل مدرسه وين موقعها بالضبط
واسم المدير
وارقام التواصل معاهم سواء تلفونات
والا فاكسات
واللي يشوف ان في مدرسه اتناسبه يتصلهم ويسال عن طريقه التقديم لوظيفة ولا يروح لم على طول
وهذا الرابط
http://www.education.gov.qa/schools/ISsearch.htm

يتبع

BusinessGirl
27-12-2009, 08:22 AM
وهاذي قائمة بكل الاماكن اللي الواحد ممكن يقدم عليهم عن طريق الايميل
ما عليكم الا اتحطون عنوان البريد الالكتروني واتطرشون عليه سيفياتكم
1- مجموعة تعليمية كبرى
CAREERS@TDUGROUP.COM
2- مركز التأهيل الاجتماعي
SRC_QA@HOTMAIL.COM
3- وزارة البلدية والتخطيط العمراني
INFO@MMAA.GOV.QA
4- مركز تنظيم المعارض
ENQUIRIES@QMDI.QF.ORG.QA
5- كلية شمال الاطلنطي
JOBS@CNA-QATAR.EDU.QA
6- المجلس الاعلى للتعليم
RPSD@SEC.GOV.QA
ITOPERATION@SEE.GOV.QA
8- المجلس الاعلى لشؤون الاسرة
INFO@SCFA.GOV.QA
9-جامعة قطر
RECRUITING@QU.EDU.QA
10-مركز الدوحة لحرية الاعلام
ADMINISTRATION@DOHACENER.ORG
11- مؤسسة حكومية
CVCRERUITMENT@GMAIL.COM
12-مؤسسة تربوية
MAW_ISS@YAHOO.COM
13- مدرسة النهضة للبنات
nahdah_school@hotmail.com
14- واحة العلوم والتكنولوجيا
jobs@qstp.org.qa
15- دلالة القابضة
carreer@dlalaholding.com
16- شركة الخليج العالمية للحفر
jobs@gdi.com.qa
17- بروة العقارية
career@barwa.com.qa
18- اكاديمية التفوق الرياضي اسباير
hradmin@aspire.qa
19- اللجنة الاولمبية القطرية
recruitment@olympic.qa
20- الجزيرة الاخبارية
newsroom@aljazeera.net
21- مؤسسة حكومية
cvc@qatar.qa
22- الخطوط الجوية القطرية
almaharecruitment@qatarairways.com.qa
23- مؤسسة اجتماعية شبة حكومية
hr@qfew.org.qa
24-هيئة حكومية
Staff.gov@hotmail.com
25- بنك اتش اس بي سي
recuitqatar@hsbc.com

26- مؤسسة حكومية
cvc@qatar.net.qa
27- مؤسسة تعليمية كبرى
cvsandhr@gmail.com
28- قناة الجزيرة
recruitment@jcctv.net
29-جريدة الراية
Local@raya.com
30 – المجلس الاعلى للاتصالات
careers@ict.gov.qa
31- مواصلات
aaalansari@mowasalat.com
32- مؤسسة قطرية كبرى
careers@qatar.net.qa
33- مؤسسة حكومية
cvcrecruitment@gmail.com
34- مؤسسة قطرية حكومية
cvc@qatar.ia




... هاذي تقريبا الاماكن ويا ليت اللي عنده اضافه يضيفها ويفيد الكل ...

" و اللي عنده اي استفسار انا حاظرة "


يتبع

BusinessGirl
27-12-2009, 08:23 AM
(الخـــــطــــوة الثــــــالثــــــــه)
( الاستعداد للمقابله الشخصية )

بعد تقديم الاوراق نصيحة الواحد لازم يرقد ويقوم ويطلع وياكل والتلفون عنده خاصة الفترة الصباحيه و يرد على كل رقم
"وما انصح السفر في هالفترة"
اعرف وحده تشتغل في قسم التوظيف في هيئة من الهيئات اتقول اتصدقين يا بيزنس جيرل
"اوقات نتصل في ناس مقدمين على وظايف عندنا و الا على طلاب عشان ابتعاث انلاقي رناتهم خاريجة على طول ناخذ عنهم فكرة الاستهتار او انهم مو محتاجين هالوظيفه لانهم اصلا ما ينتظرونها وندور غيرهم على طول و نادرا ما نرجع نتصلهم "

يعني نصيحة اللي بيقدم على وظيفة
المفروض يكون مستعد لاي شي في اي وقت
وطبعا محد راح يقوله تعال مبروك وظفناك
لا اللي بيصير ان بيسون موعد حق مقابله شخصية
عادة و اغلب الاماكن .. يطلبون اكثر من مقابله
يعني مثلا
اول مره اتكون مقابله مع رئيس القسم اللي بيتوظف عندهم الموظف
ثاني مره بتكون مع رئيس التوظيف
واوقات مقابله مع رئيس التقطير
وفي ممكن اماكن مقابله وحده وخلاص
بس حبيت اذكر هالنقطة عشان الواحد يكون متهيأ نفسيا لهالشي
مو من اول مقابله خلاص يفرح ولما يجي له ثاني تلفون ينصدم ان في مقابله ثانيه
وترى شي طبيعي وعادي
بالعكس فرصة الواحد يتعود على المكان ويتشجع انه يتواصل مع الناس
طبعا للمقابله الشخصية نقاااااااط وايد مهم ان الواحد يركز عليها
والنت مليان
والمكاتب مليانة
اللي حاب فعلا يزود نفسه من هالناحيه .. يدور في النت
والا يشتري كتاب بيفيده
لكن عن نفسي بقولكم عن تجربتي في مقاااااااااابلاااااااتي
اول شي
لما يتحدد موعد لمقابله شخصية
في مكان معين ..
ضروري الواحد يدخل على موقع هالمكان ويتعرف على المكان قبل لا يروح لهم
ويعرف ايش شغلتهم بالضبط
واذا ما لقى شي مفيد في الموقع مو مشكلة يسأل الناس اللي يعرفهم وياخذ على الاقل فكرة بسيطة عن المكان اللي هو رايح له
بعدها اذا كان له علم المقابله راح تكون مع رئيس اي قسم
وقتها خل اشوي يلم نفسه بمعلومات عن هالقسم
يعني مثلا لو اطلبوا احد لمقابله في قسم التدقيق .. حلو الواحد يراجع اهم الافكار الاساسية في التدقيق
وانا قلت افكار اساسية مو تفاصيل دقيقة
لان اصلا مستحيل في المقابلات تنسئل اسئله دقيقة متعمقه في التخصص
يكفي انه ينسئل سؤال
بشكل عام
مهم ان الواحد يوصل قبل الموعد بنص ساعه تقريبا
ويكون مرتاح
ولا يبين اي نوع من الارتباك كثر ما يقدر
و يتهيأ ان ممكن المقابله احيانا اتكون بالانكليزي

عادة في اسئلة تتكرر في اغلب المقابلات راح اذكرها لكم :
- تكلم عن نفسك ؟
- تكلم عن حياتك الجامعية ؟
- تكلم عن طموحاتك لهالفتره ؟
- ليش فكرت تتوظف عندنا؟
- ايش اتعرف عنا ؟
- ايش الانجازات اللي ناوي اتحققها اذا توظفت ؟
- ايش هي نقاط القوه في شخصيتك ؟
- ايش هي نقاط الضعف في شخصيتك ؟
- ليش تعتقد انك تستحق الوظيفة؟
- هل تحب انك تتعامل مع اشخاص او تفضل الشغل الفردي؟
- هل كانت عندك خبره من قبل في مجال معين ؟
... الخ

وفي الاخير بيطلبون من الشخص نفسه انه يسأل
واذا كانت في نقطه انذكرت فوق مب واضحه هاذي فرصه ان الواحد يسأل واذا كان كل شي واضح
وقتها الواحد حلو يسأل
- هل في مجال للتطوير يعني في مجال اخذ دورات واتعلم بين كل فترة والثانيه ؟
- ايش هو المسمى الوظيفي ؟
وعادة ما ينصح ان الواحد يسأل عن الامتيازات الوظيفية لعدة اسباب :
ممكن يكون اللي يسوي المقابله مو هو الشخص المسؤول عن تحديد هاذي الاشياء
وممكن ان الامتيازات اتصير بقرار جماعي فما يقدر وقتها يرد عليك موظف واحد
وعادة يتم مناقشه هالمواضيع في مرحله ثانية
واللي هي عرض العمل

... هاذي الخطوة الثالثه ...
"واللي عنده اي استفسار انا حاظره"
يتبع

BusinessGirl
27-12-2009, 08:25 AM
( الخـــطــــوة الـــرابعـــــه)

هي مو شرط اتكون في كل الاماكن
واللي هي تقديم امتحانات تحديد المستوى
اغلب الاماكن تطلب امتحان تحديد مستوى انكليزي
او اي تي
او رياضيات
نصيحة
يا ليت كل واحد يحرص ان يكون عنده شهادة icdl
لان وقتها محد راح يقدم له امتحان اي تي
وشهاده توفل فوق ال500
او ايلتز فوق 5
عشان ما يقدم على امتحان الانكليزي
لكن عموما اذا كان الواحد مثل حالتي وكان لا بد انه يقدم
ترى ان شاء الله بتتسهل
واذا قدر الواحد يراجع اهم الاشياء الرئيسية ا
ويروح يكون افضل
وعادة هالامتحانات ما فيها نجاح ورسوب
احس انها مجرد اجراءات عاديه
لكن لازم انمر عليها وانعديها
يتبع

BusinessGirl
27-12-2009, 08:26 AM
(الــــخطــــوه الخــــامســـه)
" وهي اهم خطوه من كل اللي راح "
وكان ودي اخليها اول خطوة لكن حبيت انها اتكون في النهاية عشان يكون هذا اخر شي يبقى في بالكم

طبعا بعد كل الخطوات اللي راحت .. يكون الواحد سوى اللي عليه
وخلاص مو مطلوب منه يسوي شي اكثر
من ناحية الشغل

لكن من نواحي ثانيه
الواحد لازم يفهم شي ..
كل مكان في العالم فيه قوانين ونظام وفي ميزانيات تتسكر وفي شهور في السنه يتوقف فيها كل شي
ما يصير الواحد يقدم اوراقه اليوم وينتظر انه يباشر عمل ثاني شهر على طول
اللي يصير اللي فعلا مستعجل خلي يقدم وهو يدرس قبل لا يتخرج حتى وطول ما هو يدرس الاجراءات اتصير ولذا تخرج يصير خير
مو سهل على مكان انه يضيفون له موظف كل يوم
لان التوظيف يبي له ميزانيه
وغير الميزانيه
كل الخطوات اللي ذكرناها فوق يبي لها وقت
يعني على بال ما اي مؤسسة تستقبل الطلبات راح ياخذ منها وقت
وعلى بال ما تدرسهم وتسوي لجنة واتشوف من يناسب ومن ما يناسب يبي له وقت
والمقابلات الشخصيه
والامتحانات التقييميه
واعداد عرض العمل لكل موظف
هاذي تاخذ شهوووووووووور
يعني الواحد اذا قدم اليوم ومحد كلمه
لا يزعل
ويفقد الثقه في نفسه والا في شهادته
ويحس ان الموضوع فيه ان
حتى لو صادف ان الواحد كل اللي حوله توظفوا
بعد معليه
من يدري يمكن هم كانوا مقدمين قبل ب6 شهور لكن ما قالوا الا الحين
يعني الواحد خلاص لا يقارن نفسه مع احد لانه بيتعب
ومو عيب
الواحد يراجع اوراقه عشان يرتاح
يعني يتصل على المكان .. بيقولون له مثلا والله الشهر الجاي راح انشوف الطلبات
وقتها الواحد يرتاح
وما بيقعد طول الشهر على اعصابه
بعدين اصلا في اوقات الواحد من نفسه لازم يعرف ان محد راح يتصل له
مثلا في رمضان معروف ان كل مكان يكون الشغل فيه خفيف
فتره الاعياد والاجازات
يعني التاخير له عدة اسباب اهمها الاجراءات

ولا احد يرجع ويقول واسطه
وانا ما انكر ان ما في واسطه
لا في
ولو كان كل واحد عنده واسطه ما كان بيقصر على نفسه
لكن خلاص ليش الواحد يصير سلبي
صح الدنيا ماشيه بالواسطه
لكن انا لازم اسعى واسوي اللي علي
وان شاء الله الله بيرزقني من فضله
صح فيها اشويه تعب وانتظار ووقت
لكن الله بيطرح فيها البركه
وكل واحد خل يقول من نفسه
يارب هالناس راحوا لناس في مستواهم واقل منهم ذلوا نفسهم
لكن يارب انا ما ارضى اذل نفسي لعبد من عبادك
انا توكلت عليك
وما خاب من توكل عليك
واهم شي الثقه بالله
لازم الواحد داخليا يكون مقتنع ان الله قادر على كل شي
خلااااااااااااص يا ليت الواحد ينسى موضوع الواسطه
ويبدى يشتغل بنفسه ويسوي حق نفسه شي

هذا شي
وثاني شي طول فترة الانتظار
ياليت الواحد يشغل نفسه في شي
دورات اي تي
انكليزي
دورات اداره
تصميم جرافيك
شي ممكن يضيف على سيرته الذاتيه

او يتطوع في عمل معين هو حابه
يروح مركز قطر للعمل التطوعي
ويشوف ايش هي المجالات الموجوده
فرصه الواحد يتعامل مع الناس ويشوف ويتعلم
ووايد ناس ترى بدوا في اشغالهم كمتطوعين وبعدها تثبتوا
ووايد ناااس خذوهم جهات توظيف لانهم يوم من الايام كانوا متطوعين

واللي ماله في هالسوالف
ومل وما يبي يدرس وما عمره جرب يشتغل شغل تطوعي
خلاص
يسجل في نادي
يعطي نفسه هالفترة استرخاء
يقرى كتاب
يدخل منتديات شبكة الاسهم القطرية << نوع من انواع الدعايه

المهم الفكرة
ان الواحد لا يقعد بس حاط ايده على خده وينتظر
بيمر عليه اليوم عن سنه

واهم شي ان الواحد يدعي ان الله يوفقه ويرزقه من فضله
ويتصدق ويسوي الخير ...

ومعليه كل ما الواحد صبر كل ما زاد ثوابه

... اسمحو لي على القصور .. وادعو لي ...
واذا في اضافه للموضوع .. شي جيد عشان الكل يسفيد
واذا في نقطة معينة والا تعليق على شي معين .. بعد انا حاظره
واسمحو لي مره ثانيه


ومثل ما بديت باغلى كلام .. بختم باغلى كلام
قال تعالى :
(ولنبلوكم بشي من الخوف والجوع ونقص من الاموال والانفس والثمرات وبشر الصابرين الذين اذا أصبتهم مصيبة قالوا انا لله وانا اليه رجعون, اولئك عليهم صلوات من ربهم ورحمة وأولئك هم المهتدون)
-
صدق الله العظيم

sad-o-bas
27-12-2009, 08:32 AM
إبداع والله..
فيه عتب بسيط، بس مافي داعي ينذكر ^_^..
الله يوفقج وينولج الوظيفة إلي تناسبج..

ROSE
27-12-2009, 08:36 AM
موضوع رائع ومهم الله يجزيج الخير ان شاء الله وفي ميزان حسناتج

فيه موضوع كتبته قبل فتره ان شاء الله يفيد الموضوع ويضيف له شي

http://www.qatarshares.com/vb/showthread.php?t=250210&highlight=interview


السلام عليكم ورحمة الله وبركاته


بما انه لدي خبره في شؤون الموظفين :p

سأقدم لكم بعض النصائح لمن تم اختياره لعمل مقابلة شخصية

واتمنى لكم الاستفاده

المقـــدمـــه :

بما انه تم الاتصال بك لعمل مقابلة شخصية فضع في اعتبارك بان سيرتك الذاتيه التي

تقدمت بها هي الافضل من بين مئات المتقدمين للوظيفه المعلن عنها ولكن نضع في

اعتبارنا بان هناك ايضا من ينافسك على هذا المنصبب او من تم اختياره معك

فكن الافضل :nice: وثق بقدراتك


وهذه فرصة لتثبت قدراتك امام من سيقابلك وتظهر بأنك افضل المتقدمين لهذه الوظيفه



البحـــــــــث :

هذا هو الجزء المهم بعد ان تم الاتصال بك ،، فبالحال ودون تردد تأكد بانك قد

اجريت البحوث التاليــــــه :


1- (( الشركـــــــــه )) يتم سؤالك ماتعرفه عن الشركة فقم بالبحث قبلا عن اي مقال او ادخل موقع الشركة ان كانوا يملكون موقعا على الانترنت وادرس دورها وماهي تخصص عملها او اسأل اي شخص قريب منك فلا تخجل من السؤال فهذه النقطه مهمه.

2- (( الوظيفـــــــــه )) تأكد من انك ملم بجميع تفاصيل الوظيفه التي تقدمت بها وان كان لديك شك بسيط ادخل موقع الانترنت واكتب الوصف الوظيفي لهذه الوظيفه وانظر النتائج والمهام الموكله بها والتي يجب ان تتوفر بك حتى تفوز بها

3- المقابلة مع من ؟ وكيف ستكون ؟ واين ؟ الموقع حتى لا تتاخر ؟ كل هذه الاسئلة يجب ان تسألها لمن اتصل بك لهذه المقابلة حتى لا تقع في حيرة وتتاخر

4- الذهاب باكرا بنصف او ربع ساعة على الاقل للمقابلة حتى لا تؤخذ عنك فكرة سيئة بالاهمال كبداية



أسئلة المقابلة :

1- تحدث عن خبراتك السابقة ؟

2- ماهي الخبرات التي اكتسبتها من خلال عملك السابق ؟

3- ماهي الايجابيات التي اكتسبتها من خلال وظيفتك السابقة ؟

4- لماذا تبحث عن وظيفة اخرى او لماذا تريد ترك عملك الحالي ؟

5- ماالذي تبحث عنه خلال هذه الوظيفة التي تقدمت لها ؟

6- ماالذي تعرفه عن الوظيفة المتقدم لها ؟

7- لماذا انت مهتم بالعمل في هذه المؤسسه ؟

8- كيف تستطيع ان تدمج عملك السابق وخبراتك السابقة بهذه الوظيفة ؟

9- مارأيك او ماامدى اهتمامك بالوظيفة الحالية (( المتقدم لها )) ؟

10- اين كنت تستخدم مهاراتك سابقا او من اين اكتسبت مهاراتك ؟

11- هل من الممكن ان تعطينا امثله للتالي :

* استكملت عمل على اكمل وجه
* العمل تحت الضغط
* جيد في خدمة العملاء
* حل المشاكل


12- ماهي نقاط قوتك وماهي نقاط ضعفك ؟ (( امثله على ذلك ))

13- ماهي نوع الوظيفه التي تبحث عنها ؟

14- كيف ترى نفسك بعد 5 سنوات من الان ؟ القصد بعد شغل الوظيفه

15- ماهي مهارات الكمبيوتر او الحاسوب لديكم ومامدى معرفتكم باستخدامه ؟

16- مامدى معرفتكم عن شركتنا ؟

17- لماذا تريد العمل في مؤسستنا؟

18- لماذا تعتقد بانك مناسب لشغل هذه الوظيفه ؟ او ما الذي يجعلنا نختارك لشغل هذه الوظيفة؟

19- كيف يصفك اصدقاؤك ؟


ملاحظة : لن تسأل كل هذه الاسئلة لكل الاشخاص او دفعة واحده وانما يعتمد على مدى الخبرة
ان كان المتقدم ذو خبره او حديث التخرج يعتمد على نوع الوظيفة والمتقدم لها



يجب دائما ان تثبت قدراتك وثقتك بنفسك من خلال طرح بعض
الاسئلة على الاشخاص المتقابلين معك بعد المقابلة وقبل خروجك كسبيل المثال :

1- ماهي العقبات التي ستواجهني في هذه الوظيفة ؟

2- هل من الممكن ان تصف المتقدم المثالي لهذه الوظيفة وكيف يتم اختياره ؟

3- ماهي الخطط المستقبلية للشركة للتوسع ؟

4- ماهي الفرص المتاحه لي لشغل هذه الوظيفة ؟

5- متى سيتم الاختيار لشغل هذه الوظيفة ؟

6- كم عدد الموظفين الذين يعملون في هذه الشركة وكم عدد الموظفين في الادارة التي ساعمل بها

7-هل توفر المؤسسة التدريب المناسب لكل وظيفة ؟



الشكل الشخصي :

يجب ان تترك انطباعا جيدا بشكلك من اول نظره

بارتداء الزي المناسب واللائق

النظافة الشخصية مهمه

المصافحة وبثقة وبابتسامه

عدم التردد او اظهار القلق ان كنت قلقاً


نهايـــــة المقابلــــــه

يجب ان تنتهي المقابلة باظهار اهتمامك بشغل هذا المنصب وهذه الوظيفة بالسؤال

عن (( متى سيتم الاتصال بك لاعلامك بان المقابلة تمت بنجاح ))

اظهار اهتمامك بأنك تود شغل هذا المنصب



تأكـــــــــــد :

ان تكون طبيعيا غير متكلف وتكون على طبيعتك مع ثقتك بنفسك

لا تظهر الثقة الزائده فانها تزعج ولا تظهر التردد فأنها تظهرك بانك محتاج جدا لهذه الوظيفة

بحيث انك لم تحصل على فرص اخرى


وبالتوفيق للجميع

شيط ويط
27-12-2009, 08:40 AM
نسيتي اهم شي في هالموضوع كله .. ويمكن يخلينا نختصر هالسوالف والعباله كلها .. الا وهي


" الواســــطه "


يعني انا كنت افضل يكون الموضوع " دليل الحصول على الواسطة " :secret:

يعطيج العافيه على المجهود

:nice:

BusinessGirl
27-12-2009, 08:54 AM
موضوع مهم ماقصرتي اختي واسفه على المقاطعه:victory:

العفووو اختي
وحياج في اي وقت
بالعكس نورتي الموضوع

BusinessGirl
27-12-2009, 08:56 AM
إبداع والله..
فيه عتب بسيط، بس مافي داعي ينذكر ^_^..
الله يوفقج وينولج الوظيفة إلي تناسبج..

هلا اخوي
اممممممممم
ممكن اعرف العتب على ايش
يمكن عشان كل نقطة في رد
؟!؟!؟!
اممممممممم ما ادري يا ليت اتقولي عشان اصلحه
شكرا على المرور

cristal
27-12-2009, 08:56 AM
موضوعج مفيد جداً

ويعطيج العافيه

ريــــــــان
27-12-2009, 08:57 AM
والله جيت ابي اكتب نفس تعليق شيط :nice:


عن تجربه حيه انا سويت نفسسسسسسسس الخطوات

ولاحصلت وظيفه مع ان شهاداتي تثبت تفوقي وقدراتي

لكن ماعندي (( واو )) :telephone:

BusinessGirl
27-12-2009, 09:00 AM
موضوع رائع ومهم الله يجزيج الخير ان شاء الله وفي ميزان حسناتج

فيه موضوع كتبته قبل فتره ان شاء الله يفيد الموضوع ويضيف له شي

http://www.qatarshares.com/vb/showthread.php?t=250210&highlight=interview


السلام عليكم ورحمة الله وبركاته


بما انه لدي خبره في شؤون الموظفين :p

سأقدم لكم بعض النصائح لمن تم اختياره لعمل مقابلة شخصية

واتمنى لكم الاستفاده

المقـــدمـــه :

بما انه تم الاتصال بك لعمل مقابلة شخصية فضع في اعتبارك بان سيرتك الذاتيه التي

تقدمت بها هي الافضل من بين مئات المتقدمين للوظيفه المعلن عنها ولكن نضع في

اعتبارنا بان هناك ايضا من ينافسك على هذا المنصبب او من تم اختياره معك

فكن الافضل :nice: وثق بقدراتك


وهذه فرصة لتثبت قدراتك امام من سيقابلك وتظهر بأنك افضل المتقدمين لهذه الوظيفه



البحـــــــــث :

هذا هو الجزء المهم بعد ان تم الاتصال بك ،، فبالحال ودون تردد تأكد بانك قد

اجريت البحوث التاليــــــه :


1- (( الشركـــــــــه )) يتم سؤالك ماتعرفه عن الشركة فقم بالبحث قبلا عن اي مقال او ادخل موقع الشركة ان كانوا يملكون موقعا على الانترنت وادرس دورها وماهي تخصص عملها او اسأل اي شخص قريب منك فلا تخجل من السؤال فهذه النقطه مهمه.

2- (( الوظيفـــــــــه )) تأكد من انك ملم بجميع تفاصيل الوظيفه التي تقدمت بها وان كان لديك شك بسيط ادخل موقع الانترنت واكتب الوصف الوظيفي لهذه الوظيفه وانظر النتائج والمهام الموكله بها والتي يجب ان تتوفر بك حتى تفوز بها

3- المقابلة مع من ؟ وكيف ستكون ؟ واين ؟ الموقع حتى لا تتاخر ؟ كل هذه الاسئلة يجب ان تسألها لمن اتصل بك لهذه المقابلة حتى لا تقع في حيرة وتتاخر

4- الذهاب باكرا بنصف او ربع ساعة على الاقل للمقابلة حتى لا تؤخذ عنك فكرة سيئة بالاهمال كبداية



أسئلة المقابلة :

1- تحدث عن خبراتك السابقة ؟

2- ماهي الخبرات التي اكتسبتها من خلال عملك السابق ؟

3- ماهي الايجابيات التي اكتسبتها من خلال وظيفتك السابقة ؟

4- لماذا تبحث عن وظيفة اخرى او لماذا تريد ترك عملك الحالي ؟

5- ماالذي تبحث عنه خلال هذه الوظيفة التي تقدمت لها ؟

6- ماالذي تعرفه عن الوظيفة المتقدم لها ؟

7- لماذا انت مهتم بالعمل في هذه المؤسسه ؟

8- كيف تستطيع ان تدمج عملك السابق وخبراتك السابقة بهذه الوظيفة ؟

9- مارأيك او ماامدى اهتمامك بالوظيفة الحالية (( المتقدم لها )) ؟

10- اين كنت تستخدم مهاراتك سابقا او من اين اكتسبت مهاراتك ؟

11- هل من الممكن ان تعطينا امثله للتالي :

* استكملت عمل على اكمل وجه
* العمل تحت الضغط
* جيد في خدمة العملاء
* حل المشاكل


12- ماهي نقاط قوتك وماهي نقاط ضعفك ؟ (( امثله على ذلك ))

13- ماهي نوع الوظيفه التي تبحث عنها ؟

14- كيف ترى نفسك بعد 5 سنوات من الان ؟ القصد بعد شغل الوظيفه

15- ماهي مهارات الكمبيوتر او الحاسوب لديكم ومامدى معرفتكم باستخدامه ؟

16- مامدى معرفتكم عن شركتنا ؟

17- لماذا تريد العمل في مؤسستنا؟

18- لماذا تعتقد بانك مناسب لشغل هذه الوظيفه ؟ او ما الذي يجعلنا نختارك لشغل هذه الوظيفة؟

19- كيف يصفك اصدقاؤك ؟


ملاحظة : لن تسأل كل هذه الاسئلة لكل الاشخاص او دفعة واحده وانما يعتمد على مدى الخبرة
ان كان المتقدم ذو خبره او حديث التخرج يعتمد على نوع الوظيفة والمتقدم لها



يجب دائما ان تثبت قدراتك وثقتك بنفسك من خلال طرح بعض
الاسئلة على الاشخاص المتقابلين معك بعد المقابلة وقبل خروجك كسبيل المثال :

1- ماهي العقبات التي ستواجهني في هذه الوظيفة ؟

2- هل من الممكن ان تصف المتقدم المثالي لهذه الوظيفة وكيف يتم اختياره ؟

3- ماهي الخطط المستقبلية للشركة للتوسع ؟

4- ماهي الفرص المتاحه لي لشغل هذه الوظيفة ؟

5- متى سيتم الاختيار لشغل هذه الوظيفة ؟

6- كم عدد الموظفين الذين يعملون في هذه الشركة وكم عدد الموظفين في الادارة التي ساعمل بها

7-هل توفر المؤسسة التدريب المناسب لكل وظيفة ؟



الشكل الشخصي :

يجب ان تترك انطباعا جيدا بشكلك من اول نظره

بارتداء الزي المناسب واللائق

النظافة الشخصية مهمه

المصافحة وبثقة وبابتسامه

عدم التردد او اظهار القلق ان كنت قلقاً


نهايـــــة المقابلــــــه

يجب ان تنتهي المقابلة باظهار اهتمامك بشغل هذا المنصب وهذه الوظيفة بالسؤال

عن (( متى سيتم الاتصال بك لاعلامك بان المقابلة تمت بنجاح ))

اظهار اهتمامك بأنك تود شغل هذا المنصب



تأكـــــــــــد :

ان تكون طبيعيا غير متكلف وتكون على طبيعتك مع ثقتك بنفسك

لا تظهر الثقة الزائده فانها تزعج ولا تظهر التردد فأنها تظهرك بانك محتاج جدا لهذه الوظيفة

بحيث انك لم تحصل على فرص اخرى


وبالتوفيق للجميع








هلا اختي الغاليه
تسلمين واضافتج اضافت للموضوع وااااااااااااااااايد
ما قصرتي :)
ويا ليت يتم التواصل .. عشان الكل يستفيد
مشكوره الف مره

BusinessGirl
27-12-2009, 09:04 AM
نسيتي اهم شي في هالموضوع كله .. ويمكن يخلينا نختصر هالسوالف والعباله كلها .. الا وهي


" الواســــطه "


يعني انا كنت افضل يكون الموضوع " دليل الحصول على الواسطة " :secret:

يعطيج العافيه على المجهود

:nice:

اذا الواحد بيقول واسطه وواسطه
ولا عمره بيسوي شي في حياته

الله يعافيك وما قصرت على المرور

العلم الوكاد
27-12-2009, 09:04 AM
صج بزنس قيرل

ما قصرتي جهد جبار تشكرين عليه

الله يوفق الكل ويتوظفون بعد موضوعك

ويدعون لك

مشكوررررررررررة مرة ثانية

بوطويشم
27-12-2009, 09:08 AM
السلام عليكم

الرابط غلط

8-النيابة العامة
http://www.qnaol.net/QNAAr/Pages/default.aspx

ومشكورة على المجهود

والله يوفقج

nym
27-12-2009, 09:11 AM
الصراحه جهد ممتاز ويعطيك العافيه

ضناني الشوق
27-12-2009, 09:42 AM
BusinessGirl & Rose

Thanks for your efforts
Hope these help someone find a job
All the best

BusinessGirl
27-12-2009, 10:15 AM
موضوعج مفيد جداً

ويعطيج العافيه

العفووووووووو
والف شكر على المرور والرد

BusinessGirl
27-12-2009, 10:18 AM
والله جيت ابي اكتب نفس تعليق شيط :nice:


عن تجربه حيه انا سويت نفسسسسسسسس الخطوات

ولاحصلت وظيفه مع ان شهاداتي تثبت تفوقي وقدراتي

لكن ماعندي (( واو )) :telephone:

الله كريم
حتى انا كنت اقول نفس الكلام
بس الواحد
لازم يسعى ويسوي كل اللي يقدر عليه
وان شاء الله
الله يرزقه ويعطيه
الله يعطيك ان شاء الله ويرزقك بالوظيفه السنعه

BusinessGirl
27-12-2009, 10:22 AM
صج بزنس قيرل

ما قصرتي جهد جبار تشكرين عليه

الله يوفق الكل ويتوظفون بعد موضوعك

ويدعون لك

مشكوررررررررررة مرة ثانية

العفووووووووو اخوي .. وما قصرت
وما سويت شي .. اغلب الاشياء استفدت منها من مواضيع في المنتدى
والله يسمع منك ان شاء الله
ويرزق الكل
والعفوووووو مره ثانيه

BusinessGirl
27-12-2009, 10:24 AM
السلام عليكم

الرابط غلط

8-النيابة العامة
http://www.qnaol.net/qnaar/pages/default.aspx

ومشكورة على المجهود

والله يوفقج

شكرا اخوي على المرور
والتصحيح
الحين بصلح الغلط
وما قصرت
العفووووووو ولو

BusinessGirl
27-12-2009, 10:28 AM
الصراحه جهد ممتاز ويعطيك العافيه

الف شكر على المرور والرد
:)

BusinessGirl
27-12-2009, 10:30 AM
businessgirl & rose

thanks for your efforts
hope these help someone find a job
all the best

احلى يا انكليزي
العفووووووو
وان شاء الله الكل يستفيد
ومشكوره على المرور والرد

KING OF FISH
27-12-2009, 10:43 AM
الحقيقة اختي بزنس جيرل كلمة شكر أشوي عليج وشهادة تقدير قليلة في حقج انا اقول الله ايكثر من امثالج.

BusinessGirl
27-12-2009, 10:49 AM
الحقيقة اختي بزنس جيرل كلمة شكر أشوي عليج وشهادة تقدير قليلة في حقج انا اقول الله ايكثر من امثالج.

مشكوور الف شكر على المرور
لا والله ما سويت شي
تواصلكم هي شهادة التقدير للموضوع
والعفوووو ..
:shy:

HEART_LION
27-12-2009, 11:32 AM
ماحد يحط هالمواضيع الا اللي تعبان ومب لاقي وظيفه

بصراحه موضوع متعوب عليه والله يعطيج العافيه ويوفقج

بويوسف
27-12-2009, 11:42 AM
سهل ان كل واحد منا يعتبر نفسه ضحية وانه ماعنده واسطة وعشان جذيه مب لاقي له وظيفة .. نعم الواسطة موجودة بس الحمدلله حمدا كثيرا طيبا احنا في قطر ما وصلنا الى درجة عدم تعيين القطري الا بواسطة ..

لو كل واحد توكل على الله وحاول وبذل كل جهد اكيد بيلقى له فرصة ..

شكرا لج بزنس جيرل ماشاءالله عليج موضوع متميز وعمل متعوب عليه .. الله يوفقج وتحصلين الشغل اللي تطمحين له اختي .

الدكتور عزوز
27-12-2009, 12:12 PM
الله يعطيج العافيه اختي موضوع كامل متكامل واتمنى الكل يستفيد منه

مبين انج تعبتي على الموضوع ربي يعطيج الصحه والعافيه

وانا مع كلام الاخ ابو يوسف



سهل ان كل واحد منا يعتبر نفسه ضحية وانه ماعنده واسطة وعشان جذيه مب لاقي له وظيفة .. نعم الواسطة موجودة بس الحمدلله حمدا كثيرا طيبا احنا في قطر ما وصلنا الى درجة عدم تعيين القطري الا بواسطة ..

لو كل واحد توكل على الله وحاول وبذل كل جهد اكيد بيلقى له فرصة ..

شكرا لج بزنس جيرل ماشاءالله عليج موضوع متميز وعمل متعوب عليه .. الله يوفقج وتحصلين الشغل اللي تطمحين له اختي .

كلامك صحيح اخوي الواسطه موجوده وما ننكر وجودها

لك الواحد يخلي واسطته رب العالمين ويتوكل على الله

ولازم اهم شي يصفي النيه

وان شاء الله ربي ما بيقصر معانا

الموضوع يبيله شوية صبر ويبيله حركه ما يبيله الواحد يقدم اوراقه وينطرهم لين ما يردون عليه لا الواحد لازم يقدم اوراقه مره كل شهر او كل شهرين

وخصوصا الفتره هذي اللي هي نهاية السنه وبداية السنه الجديده

لآن اغلب الاماكن يبتدون التوظيف في هذي الفتره

يعني انصح كل واحد ووحده يبتدون من بكره يقدمون اوراقهم في كل مكان باليد ويطرشونهم عالايميل

ومثل ما قالت الاخت بزنس قيرل لازم لا كل واحد يكتب نسخه بالعربي ونسخه بالانجليزي

ويفضل تقديم النسخه الانجليزيه


كل الشكر

بسبس
27-12-2009, 02:34 PM
الله يعطيج العافيه اختي موضوع كامل متكامل واتمنى الكل يستفيد منه

مبين انج تعبتي على الموضوع ربي يعطيج الصحه والعافيه

وانا مع كلام الاخ ابو يوسف




كلامك صحيح اخوي الواسطه موجوده وما ننكر وجودها

لك الواحد يخلي واسطته رب العالمين ويتوكل على الله

ولازم اهم شي يصفي النيه

وان شاء الله ربي ما بيقصر معانا

الموضوع يبيله شوية صبر ويبيله حركه ما يبيله الواحد يقدم اوراقه وينطرهم لين ما يردون عليه لا الواحد لازم يقدم اوراقه مره كل شهر او كل شهرين

وخصوصا الفتره هذي اللي هي نهاية السنه وبداية السنه الجديده

لآن اغلب الاماكن يبتدون التوظيف في هذي الفتره

يعني انصح كل واحد ووحده يبتدون من بكره يقدمون اوراقهم في كل مكان باليد ويطرشونهم عالايميل

ومثل ما قالت الاخت بزنس قيرل لازم لا كل واحد يكتب نسخه بالعربي ونسخه بالانجليزي

ويفضل تقديم النسخه الانجليزيه


كل الشكر


وانا مع كلام الاخ ابو يوسف ، أنا توظفت بدون واسطه بس في المقابله وافقتهم الراي في كل شي وخذتهم بالكلام شوي تم تعيني بعد طلبي 11شهر وعملت 5 مقابلات في نفس لـ أدارة لي توظفت فيها ماعرف السبب بس اتوقع في خطأ و ما كنت ارد وكانوا يتصلون فيني طول المدة بس بعدها جاني مسج ظروري مراجعه الجهة.............. وباشرت عملي على طول أول 12
ارزق عندالله ما توقعه اتوظف بعد 5 مقابلات متكررة .
:) الله يوفق الجميع

دلوليانوز
27-12-2009, 03:03 PM
ماحد يحط هالمواضيع الا اللي تعبان ومب لاقي وظيفه

بصراحه موضوع متعوب عليه والله يعطيج العافيه ويوفقج

وانت مبسوط:anger1:

BusinessGirl
27-12-2009, 05:10 PM
ماحد يحط هالمواضيع الا اللي تعبان ومب لاقي وظيفه

بصراحه موضوع متعوب عليه والله يعطيج العافيه ويوفقج

الله يعافيك وما قصرت على المرور .. :)

BusinessGirl
27-12-2009, 05:12 PM
سهل ان كل واحد منا يعتبر نفسه ضحية وانه ماعنده واسطة وعشان جذيه مب لاقي له وظيفة .. نعم الواسطة موجودة بس الحمدلله حمدا كثيرا طيبا احنا في قطر ما وصلنا الى درجة عدم تعيين القطري الا بواسطة ..

لو كل واحد توكل على الله وحاول وبذل كل جهد اكيد بيلقى له فرصة ..

شكرا لج بزنس جيرل ماشاءالله عليج موضوع متميز وعمل متعوب عليه .. الله يوفقج وتحصلين الشغل اللي تطمحين له اختي .

صح كلامك .. وما قصرت على الاضافه
العفووو ما سويت شي
ومشكور على الدعوة الحلوة
والله يوفق الجميع ان شاء الله

BusinessGirl
27-12-2009, 05:13 PM
الله يعطيج العافيه اختي موضوع كامل متكامل واتمنى الكل يستفيد منه

مبين انج تعبتي على الموضوع ربي يعطيج الصحه والعافيه

وانا مع كلام الاخ ابو يوسف




كلامك صحيح اخوي الواسطه موجوده وما ننكر وجودها

لك الواحد يخلي واسطته رب العالمين ويتوكل على الله

ولازم اهم شي يصفي النيه

وان شاء الله ربي ما بيقصر معانا

الموضوع يبيله شوية صبر ويبيله حركه ما يبيله الواحد يقدم اوراقه وينطرهم لين ما يردون عليه لا الواحد لازم يقدم اوراقه مره كل شهر او كل شهرين

وخصوصا الفتره هذي اللي هي نهاية السنه وبداية السنه الجديده

لآن اغلب الاماكن يبتدون التوظيف في هذي الفتره

يعني انصح كل واحد ووحده يبتدون من بكره يقدمون اوراقهم في كل مكان باليد ويطرشونهم عالايميل

ومثل ما قالت الاخت بزنس قيرل لازم لا كل واحد يكتب نسخه بالعربي ونسخه بالانجليزي

ويفضل تقديم النسخه الانجليزيه


كل الشكر


العفوووو اخوي وما قصرت على الاضافه
ومشكورعلى المرور ...
:)

BusinessGirl
27-12-2009, 05:17 PM
وانا مع كلام الاخ ابو يوسف ، أنا توظفت بدون واسطه بس في المقابله وافقتهم الراي في كل شي وخذتهم بالكلام شوي تم تعيني بعد طلبي 11شهر وعملت 5 مقابلات في نفس لـ أدارة لي توظفت فيها ماعرف السبب بس اتوقع في خطأ و ما كنت ارد وكانوا يتصلون فيني طول المدة بس بعدها جاني مسج ظروري مراجعه الجهة.............. وباشرت عملي على طول أول 12
ارزق عندالله ما توقعه اتوظف بعد 5 مقابلات متكررة .
:) الله يوفق الجميع

الحمدالله .. والله يبارك لك في الوظيفه
فعلا هذا الكلام اللي نبي انقوله من الاخير
التوفيق اولا واخيرا من الله
والواحد يتوظف بجهده وتعبه
وحتى لو يروح 5 مقابلات
واحسن من انه يتوظف بواسطه ويتم طول حياته شايل جميل اللي وظفوه
الله لا يحوج احد لاحد
والله يوفق الجميع ان شاء الله

BusinessGirl
27-12-2009, 05:19 PM
وانت مبسوط:anger1:

والله انا مثلك يا اخوي
ما اعرف شنو تفسير الجملة الاولى
بس مهما كان
الواجب ان نشكر الكل على المرور

والف شكر على المرور
وما قصرت

امل الحب
27-12-2009, 05:31 PM
موضوع جميل متعوب عليه..

الله ينولج الي في بالج ان شاء الله :)

انا قدمت اوراقي قبل لااتخرج بسنة .. :) وتميت بعد التخرج 6 شهور فالبيت ..

كنت اقدم كل اسبوعين مرة على كل الشركات الي اغلبها ذكرتيها فوق وفي شركاات مانذكرت .. سويت فوق ال 30 مقابلة وكلها مالقى رد منها او اتصل ويقولون مافي خبرة :rolleyes2: وين الخبرة وانا خريجة جديدة ..؟

دايما كنت اقول مابي الواسطة لان واسطتي رب العالمين ولا احتاج منة حد علي عقب التوظيف مع ان وايد ناس تدخلو بموضوعي بس سبحان الله توظفت بمكان ماحطيته ببالي وعقب 4 مقابلات ويااهم توظفت ومافي شي جاهز لي بس يحاولون يعودوني عالجو :omen2:.. والحمدلله

BusinessGirl
27-12-2009, 05:36 PM
موضوع جميل متعوب عليه..

الله ينولج الي في بالج ان شاء الله :)

انا قدمت اوراقي قبل لااتخرج بسنة .. :) وتميت بعد التخرج 6 شهور فالبيت ..

كنت اقدم كل اسبوعين مرة على كل الشركات الي اغلبها ذكرتيها فوق وفي شركاات مانذكرت .. سويت فوق ال 30 مقابلة وكلها مالقى رد منها او اتصل ويقولون مافي خبرة :rolleyes2: وين الخبرة وانا خريجة جديدة ..؟

دايما كنت اقول مابي الواسطة لان واسطتي رب العالمين ولا احتاج منة حد علي عقب التوظيف مع ان وايد ناس تدخلو بموضوعي بس سبحان الله توظفت بمكان ماحطيته ببالي وعقب 4 مقابلات ويااهم توظفت ومافي شي جاهز لي بس يحاولون يعودوني عالجو :omen2:.. والحمدلله

هلا اختي
شفتي اختي هذا رزق ومكتوب للانسان من يوم هو في بطن امه
وكل اللي يصير لنا مجرد اسباب
والحمدالله حتى لو الواحد ينتظر و يروح ويدور
ترى يتعلم وايد اشياء
منها الجراة في هالمواضيع والصبر
وسبحان الله
عاده ما يكون التوظيف في مكان مو على البال
ودايما يكون الخير في هالمكان
الله يكتب لج الخير وين ما اتروحين
ومشكوره على الاضافه والرد وما قصرتي

ساحل الشمال
27-12-2009, 05:47 PM
مشكورة الاخت الكريمة بزنس قيرل ، الموضوع مفيد جدا وثري بمعلومات نادر انك تجدها في صفحةاو صفحتين ، والله يعطيج الف عافية على ما بذلت لاهلج واعيال ابلادج .

BusinessGirl
27-12-2009, 05:49 PM
مشكورة الاخت الكريمة بزنس قيرل ، الموضوع مفيد جدا وثري بمعلومات نادر انك تجدها في صفحةاو صفحتين ، والله يعطيج الف عافية على ما بذلت لاهلج واعيال ابلادج .

العفوووو اخو الكريم ..
الموضوع ثري بتواجدكم ...
والله يعطي العافيه لكل من مره على المرور وضاف عليه من خبرته
والله يوفق الكل ان شاء الله

غير البشر
27-12-2009, 07:10 PM
اختي بزنس غيرل بصراحه مجهود متعوب عليه

ورائع ويفيد ناس كثير ماقصرتي وبيض الله وجهج

صدق لقالو ( اسأل مجرب ولاتسأل طبيب ) :nice:

من كثر المقابلات كونتي لج معلومات كبيره وضخمه

والحمدلله سخرتيها لفائده الاعضاء :nice:

جزاج الله خير وفي ميزان حسناتج يارب

عساج على القوه يارب :victory:

BusinessGirl
27-12-2009, 07:30 PM
اختي بزنس غيرل بصراحه مجهود متعوب عليه

ورائع ويفيد ناس كثير ماقصرتي وبيض الله وجهج

صدق لقالو ( اسأل مجرب ولاتسأل طبيب ) :nice:

من كثر المقابلات كونتي لج معلومات كبيره وضخمه

والحمدلله سخرتيها لفائده الاعضاء :nice:

جزاج الله خير وفي ميزان حسناتج يارب

عساج على القوه يارب :victory:

هلا اخوي غير البشر :)
اي والله اسأل مجرب :) ...
والحمدلله على كل شي
وانتو ما قصرتوا .. مروركم ضاف للموضوع واااايد
وما قصرت على الشكر والمرور
:)

BusinessGirl
27-12-2009, 07:32 PM
الف شكر على التثبيت
وما قصرتوا ...
لين الحين ما خلص الموضوع
..وان شاء الله في جزء بضيفه اول ما اخلص منه

وشكرا لكل واحد دخل وترك لي دعوه حلوه

Riku3
27-12-2009, 08:03 PM
الله يوفقج وييسرلج مثل ماتحاولين تيسرين لاخوانج ..

شكراً على الموضوع الطيب :) .

السهم الملتهب
27-12-2009, 10:40 PM
شكرا جزيلاً معلومات قيمة جدا

%حورية قطر%
27-12-2009, 10:56 PM
يعطيج العافيه

BusinessGirl
27-12-2009, 11:32 PM
الله يوفقج وييسرلج مثل ماتحاولين تيسرين لاخوانج ..

شكراً على الموضوع الطيب :) .

الف شكر على المرور وعلى الدعوه الطيبه
وما قصررتوا

BusinessGirl
27-12-2009, 11:33 PM
شكرا جزيلاً معلومات قيمة جدا

العفوووووو .. وتواصلكم وردودكم هي القيمه
وما قصرت على المرور والرد

OM_almayasa
28-12-2009, 12:55 AM
الله يجزيك الف خير ويعطيك العافيه

ولد النواخذه
28-12-2009, 01:05 AM
جهد كبير تنشكرين عليه عزيزتي الله يوفقج

BusinessGirl
28-12-2009, 01:16 AM
الله يجزيك الف خير ويعطيك العافيه

ما قصرتي يالغاليه على المرور
والعفوووو
ومشكوره على الدعوه الحلوة

BusinessGirl
28-12-2009, 01:19 AM
جهد كبير تنشكرين عليه عزيزتي الله يوفقج

الله يوفق الجميع ان شاء الله
والشكر الكبير لكل واحد دخل الموضوع وترك
كلمه ودعوه حلوه

تـاجر الـذهب
28-12-2009, 06:08 AM
جهوووووود جبارة وعمل كبير وأجرة عظيم عند الله

جزاج الله خير

والله يوفقج ويوفق بنات قطر والمسلمين

HEART_LION
28-12-2009, 07:25 AM
وانت مبسوط:anger1:

:eek5: مبسوط على وشو وكاتب شكر ودعوة بالتوفيق

الله يسامحج :rolleyes2:

ركازي
28-12-2009, 09:44 AM
سؤال الى الأخت الخبيرة بيزنيس جيرل دام انها دارت على أغلب الجهات

هل يوم نروح نقدم أوراقنا نعطيهم كل الأوراق الخاصة بنا كل الشهادات والبطاقة الشخصية وصورة من

الجواز وله بس نجيب السي في بروحه وعقب هم يتصلون فينا ونجيب الأوراق كلها لهم ..


يرجى الإجابة من واقع خبرتج وشكرا

بنت العلي
28-12-2009, 11:34 AM
اليوم الوطني حاط فرص عمل مميزة في الجريدة الاولوية للقطريين طبعا محتاجين :
مدير فرع
رئيس الصرافين
صراف
ممثل رعاية عملاء
رئيس خدمة عملاء
مسؤول خدمة عملاء

وهاي الايميل ...
jobs@qnb.com.qa

وبالتوفيق للجميع

BusinessGirl
28-12-2009, 12:48 PM
:shy:
جهوووووود جبارة وعمل كبير وأجرة عظيم عند الله

جزاج الله خير

والله يوفقج ويوفق بنات قطر والمسلمين

:shy: شكرا ..
وما قصرت .. على المرور والدعوه الطيبه
والله يوفق الجميع ان شاء الله

BusinessGirl
28-12-2009, 12:53 PM
سؤال الى الأخت الخبيرة بيزنيس جيرل دام انها دارت على أغلب الجهات

هل يوم نروح نقدم أوراقنا نعطيهم كل الأوراق الخاصة بنا كل الشهادات والبطاقة الشخصية وصورة من

الجواز وله بس نجيب السي في بروحه وعقب هم يتصلون فينا ونجيب الأوراق كلها لهم ..


يرجى الإجابة من واقع خبرتج وشكرا

هلا ..
:shy: اول شي شكرا لان قلت عني خبيره :)
بعدين لا والله لا خبيره ولا شي ..
بس هي تجربه حبيت افيد فيها الكل <<طولتها

المهم بالنسبه للسؤال
توقعك صح
في البدايه وعند التقديم اول مره
يكون بس بالسي في بدون مرفقات ...
وعموما اذا كانت في نسخ من المفرقات مو مشكله
بس مو مهم

وبعدين في حال القبول ..
او في حاله ان جهة التوظيف احتاجو شي معين
اكيد راح يطلبونه بالاسم

وهالشي يفيد اللي لين الحين ما تخرجوا وحابين يقدمون على الوظايف
انهم يقدمون السي في
مو شرط تكون مرفقه مع افاده تخرج

يعني من الاخير في البدايه يكون التقديم بالسي في بس

والله يوفق الجميع ان شاء الله

BusinessGirl
28-12-2009, 12:55 PM
اليوم الوطني حاط فرص عمل مميزة في الجريدة الاولوية للقطريين طبعا محتاجين :
مدير فرع
رئيس الصرافين
صراف
ممثل رعاية عملاء
رئيس خدمة عملاء
مسؤول خدمة عملاء

وهاي الايميل ...
jobs@qnb.com.qa

وبالتوفيق للجميع

الف شكر بنت العلي على الاضافه
وما قصرتي يالغاليه
جعله في ميزان حسناتج ان شاء الله

بوحارب
28-12-2009, 02:35 PM
بارك الله فيج اختي على الطرح الطيب

BusinessGirl
28-12-2009, 04:38 PM
بارك الله فيج اختي على الطرح الطيب
مشكور على المرور والاضافه وما قصرت

ام خليفة
28-12-2009, 11:47 PM
جزاك الله خير اختي الغاليه


وانا سويت كل اللي كتبتيه وصار لي تقريبا 3 سنين وانا ادورو ظيفه ..

وقدمت على اغلب الوزارات والهيئات ( الاماكن اللي مافيها اختلاط ) لكن للاسف محد رد علي .. وراجعتهم كم مره بس بدون نتيجه ،، ماعمري حد اتصل فيني وقال عندج مقابله

شهادتي ثانويه و بامتياز ، وعندي دبلوم سكرتاريه ومن ضمنه الاي سي دي ال ، وجايبه 5 في الايلز ،
والله العظيم انا من النوع اللي احب اشتغل بس يله هم الخسرانين << تهون على نفسها :)

حتى وزاره العمل صار لي سنه وشهرين من قدمت عليهم :(

وتقولين لي الواسطه مب كل شي

(على فكره انا قطريه )

بالتوفـــيق للكل :)

BusinessGirl
28-12-2009, 11:59 PM
جزاك الله خير اختي الغاليه


وانا سويت كل اللي كتبتيه وصار لي تقريبا 3 سنين وانا ادورو ظيفه ..

وقدمت على اغلب الوزارات والهيئات ( الاماكن اللي مافيها اختلاط ) لكن للاسف محد رد علي .. وراجعتهم كم مره بس بدون نتيجه ،، ماعمري حد اتصل فيني وقال عندج مقابله

شهادتي ثانويه و بامتياز ، وعندي دبلوم سكرتاريه ومن ضمنه الاي سي دي ال ، وجايبه 5 في الايلز ،
والله العظيم انا من النوع اللي احب اشتغل بس يله هم الخسرانين << تهون على نفسها :)

حتى وزاره العمل صار لي سنه وشهرين من قدمت عليهم :(

وتقولين لي الواسطه مب كل شي

(على فكره انا قطريه )

بالتوفـــيق للكل :)


هلا اختي ..
العفوووو ..
والله كريم
ان شاء الله الله يرزقج بالوظيفه السنعه
اسعي ولا تياسين
والله يعطيج على قد نيتج يارب

فرفوش
29-12-2009, 02:42 AM
حبيت اسأل ايش الوظايف المتوفره ببرج برزان بالنسبه للبنات

او اذا في وظايف شاغره

الشهاااده ثانوي مع شهاده icdl ودوره سكرتاريه

ممكن تفيدوني

BusinessGirl
29-12-2009, 03:27 AM
حبيت اسأل ايش الوظايف المتوفره ببرج برزان بالنسبه للبنات

او اذا في وظايف شاغره

الشهاااده ثانوي مع شهاده icdl ودوره سكرتاريه

ممكن تفيدوني

هلا ...
اللي حاب يعرف الوظايف الشاغره
يروح برج برزان
الطابق الثاني وفي قسم خاص للنساء
اتقدم اوراقها
بعدين هم راح يشوفون الشواغر عن طريق تواصلهم
مع وزارات ومؤسسات الدوله
وممكن اللي بتقدم عندهم
اتقولهم شروطها
اذا هي حابه في اماكن ما في خلط
ولا في وزارات بس هيئات

والله الموفق ان شاء الله

فرفوش
29-12-2009, 04:01 AM
اهاااااا حلووووووو ماقصرررررتي مشكوره

جرير
29-12-2009, 04:02 AM
ما شالله عليج اختي صج موضوع مفيد وراح يستفيد منه شريحه كبيره من الشباب

وان شالله في ميزان حسناتج . . .

وان شالله عن قريب راح نشوف موضوعج الجديد

( باركولي توظفت )

BusinessGirl
29-12-2009, 10:42 AM
اهاااااا حلووووووو ماقصرررررتي مشكوره

العفووووو
حاظرين " اني تايم "

BusinessGirl
29-12-2009, 10:43 AM
ما شالله عليج اختي صج موضوع مفيد وراح يستفيد منه شريحه كبيره من الشباب

وان شالله في ميزان حسناتج . . .

وان شالله عن قريب راح نشوف موضوعج الجديد

( باركولي توظفت )

العفووووو ما سويت شي
ومشكور على المرور وما قصرت

sara_qatar
29-12-2009, 10:48 AM
الله يوفقكم ياارب

BusinessGirl
29-12-2009, 10:53 AM
الله يوفقكم ياارب

يوفق الجميع ان شاء الله

ام وليد
29-12-2009, 10:47 PM
(( الخـــطــــوة الاولـــــى))

اول خطوه .. في البحث عن وظيفه هي كتابه ( السيره الذاتيه )
او
(curriculum vitae ( واللي اختصارها (cv )

يفضل انها تنكتب بالانكليزي ... اغلب الجهات حاليا تطلب انه يكون بالانكليزي
ونصيحتي ان الواحد يسوي له نسختين بالعربي وبالانكليزي لكن يقدم النسخه اللي بالانكليزي
ويخلي النسخه العربيه جاهزة عنده في حال اطلبومنه هالشي

طبعا وايد في طرق واساليب لكتابه السيره الذاتيه
في نقاط معروفه لازم الواحد يمشي عليها ويذكرها

وهذا موقع بالعربي : يشرح اهم النقاط في كتابه السيره الذاتيه
http://dvd4arab.maktoob.com/showthread.php?t=401462

وهذا موقع بالانكليزي : يشرح طريقه كتابه ال (cv) و يوفر نماذج جاهزه بس عليكم تاخذونها واتعبون بياناتكم
http://jobsearch.about.com/od/cvsamples/a/blsamplecv.htm

وطبعا في مواضيع في المنتدى عن السيره الذاتيه بخليها لكم عشان الكل يستفيد

1- طريقه كتابه السيره الذاتيه "بالعربي ولانجليزي
http://www.qatarshares.com/vb/showthread.php?t=153734&highlight=%c7%e1%d3%ed%d1%e5+%c7%e1%d0%c7%ca%ed%e5

2- &&& كيفية كتابة السيرة الذاتية &&&
http://www.qatarshares.com/vb/showthread.php?t=136932&highlight=%c7%e1%d3%ed%d1%e5+%c7%e1%d0%c7%ca%ed%e5

وعموما اتظل لكل واحد لمسته الخاصه .. اللي اتميز سيرته الذاتيه
ويا ليت يكون للسيره الذاتيه نسخه على الجهاز
ونسخه مطبوعه
لان الواحد راح يستفيد من الثنتين
ولان في اماكن تطلب نسخه على الايميل وبعضهم يبون السي مطبوع و مسلم باليد

....... هاذي اول خطوه ....
" واللي يبغي اي استفسار عن كتابه السيره الذاتيه يقولي وانا حاظره "

يتبع

جزاك الله كل خير على المعلومات الثمينة

BusinessGirl
30-12-2009, 12:44 AM
جزاك الله كل خير على المعلومات الثمينة

:):):):):)
الاثمن هو تواصلكم ودعواتكم الحلوة
ما قصرت على المرور

~ نســـايم ~
30-12-2009, 04:58 AM
ماشاء الله تبارك الرحمن


جهد مميز و رائع من فتاة ذات قلبٍ طيب تسعى لخدمة ابناء الوطن


سلمت يداكِ اختي الغالية بزنس قيرل و بارك الله فيكِ و انالك ما تتمنينه اللهم امين

BusinessGirl
30-12-2009, 11:15 AM
ماشاء الله تبارك الرحمن


جهد مميز و رائع من فتاة ذات قلبٍ طيب تسعى لخدمة ابناء الوطن


سلمت يداكِ اختي الغالية بزنس قيرل و بارك الله فيكِ و انالك ما تتمنينه اللهم امين

:)
الف شكر اختي نسايم على المرور
وما قصرتي على الكلام الحلو .. :)
والدعوه الحلوة ..
الله يسمع منج ان شاء الله
ويبارك فيج و يعطيج من فضله يارب

فرحة الكواري
02-01-2010, 02:12 AM
ماشاءالله عليج

ربي يوفقج

BusinessGirl
02-01-2010, 02:38 AM
ماشاءالله عليج

ربي يوفقج

يوفق الجميع ان شاء الله
وما قصرتي على المرور يالغاليه

BURBERRY
03-01-2010, 12:37 AM
الف الف الف شكر اختي بزنس على الموضوع المفيده

جزاج الله كل الخير

BusinessGirl
03-01-2010, 01:45 AM
الف الف الف شكر اختي بزنس على الموضوع المفيده

جزاج الله كل الخير

العفووووووو ما سويت شي ...
والله يجزيك خير على المرور والرد

المتأمل خيرا
04-01-2010, 08:19 AM
جهد ممـيـّـز..


"حبيت آذكر هاتين الكلمتين المتواضعتين.. مقابل هذ العمل المتعوب عليه حقاً.."

وإن كان لي من كلمات إضافيـّـة.. فهي.. أن كثيرين - و أكرر كثيرين.. وآمل ألا يكونوا الأغلبية الساحقة - من المسؤولين القطريين هم العقبة الأساسيـّـة لهذا الوضع الغير طبيعي المتمثّـل من صدّ الأبواب في وجه.. بل والتخلـّص من كثير من العقول المواطنة القادرة والمعطاءة.. وهذه كلمات أذكرها من خلال ملاحظة وتجربية سنيييييييين...

تحياتي لك ِ مرة أخرى "BusinessGirl" ، وإن شاء الله يجد القطري والقطرية الصدر الحنون الذي يأخذ بيد كل مواطن محتاج للعمل ولديه النيـّـة لبذل الجهد..

المتأمل خيرا
04-01-2010, 02:45 PM
جهد ممـيـّـز..


"حبيت آذكر هاتين الكلمتين المتواضعتين.. مقابل هذ العمل المتعوب عليه حقاً.."

وإن كان لي من كلمات إضافيـّـة.. فهي.. أن كثيرين - و أكرر كثيرين.. وآمل ألا يكونوا الأغلبية الساحقة - من المسؤولين القطريين هم العقبة الأساسيـّـة لهذا الوضع الغير طبيعي المتمثّـل من صدّ الأبواب في وجه.. بل والتخلـّص من كثير من العقول المواطنة القادرة والمعطاءة.. وهذه كلمات أذكرها من خلال ملاحظة وتجربة سنيييييييين...

تحياتي لك ِ مرة أخرى "businessgirl" ، وإن شاء الله يجد القطري والقطرية الصدر الحنون الذي يأخذ بيد كل مواطن محتاج للعمل ولديه النيـّـة لبذل الجهد..



.. واليوم صباحاً - بعد كتابة المشاركة أعلاه - تجربة جديدة أخرى.. تصب في نفس المسار.. لكن "المسعول" كان من الوزن الثقيل.. :)


ملاحظة: تم تصحيح كلمة "تجربة" في الإقتباس..

BusinessGirl
04-01-2010, 10:56 PM
جهد ممـيـّـز..


"حبيت آذكر هاتين الكلمتين المتواضعتين.. مقابل هذ العمل المتعوب عليه حقاً.."

وإن كان لي من كلمات إضافيـّـة.. فهي.. أن كثيرين - و أكرر كثيرين.. وآمل ألا يكونوا الأغلبية الساحقة - من المسؤولين القطريين هم العقبة الأساسيـّـة لهذا الوضع الغير طبيعي المتمثّـل من صدّ الأبواب في وجه.. بل والتخلـّص من كثير من العقول المواطنة القادرة والمعطاءة.. وهذه كلمات أذكرها من خلال ملاحظة وتجربية سنيييييييين...

تحياتي لك ِ مرة أخرى "businessgirl" ، وإن شاء الله يجد القطري والقطرية الصدر الحنون الذي يأخذ بيد كل مواطن محتاج للعمل ولديه النيـّـة لبذل الجهد..

ان شاء الله
الف شكر على المرور والرد
وما قصرت

khaldoon
10-01-2010, 11:35 PM
ما شاء الله

جهد جبار و موضوع اكثر من رائع و قيم يثري المنتدى

احييكي اختي الفاضله على الموضوع و الله يجزيكي الخير و يكون في ميزان حسناتك انت و كل من قدم مساهمه فعاله تثري هذا الموضوع

تحياتي

براتزية برازيلية
11-01-2010, 11:04 AM
في ميزان حساناتج أختي

خيريه
13-01-2010, 03:57 AM
تسلمين اختي ومشكوره على الموضوع وايد حلو ومتعوب عليه
الله يعطيج العافيه

anything99
13-01-2010, 12:53 PM
موضوع يستحق التثبيت .. معلومات مرتبة وجهد يستحق الشكر والاجمل معنويات عالية وشخصية غاية في الايجابية .. اتمنى ان يرزقك الله من حيث لا تحتسبين وان يوفقك لما يحبه ويرضاه ..

جبل شامخ
13-01-2010, 04:14 PM
بارك الله فيكم

BusinessGirl
13-01-2010, 09:07 PM
ما شاء الله

جهد جبار و موضوع اكثر من رائع و قيم يثري المنتدى

احييكي اختي الفاضله على الموضوع و الله يجزيكي الخير و يكون في ميزان حسناتك انت و كل من قدم مساهمه فعاله تثري هذا الموضوع

تحياتي

الاكثر من رائع هو تواصلك و اشادتك للموضوع
والف شكر على التقدير
والدعوات الحلوة

وما قصرت

BusinessGirl
13-01-2010, 09:09 PM
في ميزان حساناتج أختي

مشكوووره اختي الغاليه وما قصرتي
على المرور والرد
نورتي الموضوع

BusinessGirl
13-01-2010, 09:13 PM
تسلمين اختي ومشكوره على الموضوع وايد حلو ومتعوب عليه
الله يعطيج العافيه

يسلم غاليج ومغليج والاحلى تواصلكم وتواجدكم
والله يعافيج يا الغاليه

BusinessGirl
13-01-2010, 09:15 PM
موضوع يستحق التثبيت .. معلومات مرتبة وجهد يستحق الشكر والاجمل معنويات عالية وشخصية غاية في الايجابية .. اتمنى ان يرزقك الله من حيث لا تحتسبين وان يوفقك لما يحبه ويرضاه ..

ردودكم هي اللي تستحق التثبيت :)
والف شكر على الاطراء وما قصرت
:shy:
والف شكر على الدعوات الطيبه
وما قصرت على المرور والرد

BusinessGirl
13-01-2010, 09:17 PM
بارك الله فيكم

:)
بارك الله في الجميع
والف شكر على المرور والرد
وما قصرت

BusinessGirl
24-01-2010, 10:01 AM
up
up
up

Q N B
27-01-2010, 04:16 AM
http://www.tawdef.com/tahmel/uploads/a3f0b3cebf.jpg

ذيبه مزاجيه
27-01-2010, 07:55 AM
كنت ادور هالموضوع
جزاج الله خير
اول ما ارد البيت بقدم الكترونيا ^_^

Q N B
27-01-2010, 08:16 AM
كنت ادور هالموضوع
جزاج الله خير
اول ما ارد البيت بقدم الكترونيا ^_^



الوطني يرحب بإنضمام الشباب القطري أمثالك

أتمنى لك التوفيق في حياتك العمليه

لأي إقتراح أو شكوى يرجى المراسله على الخاص

BusinessGirl
29-01-2010, 12:58 PM
[QUOTE=Q N B;5409942]http://www.tawdef.com/tahmel/uploads/a3f0b3cebf.jpg[/

مشكووور وما قصرت على الاضافه
ويارب الكل يستفيد منك
وما قصرت

BusinessGirl
29-01-2010, 12:59 PM
كنت ادور هالموضوع
جزاج الله خير
اول ما ارد البيت بقدم الكترونيا ^_^

ما قصرتي يالغاليه
ويلا قدمي وان شاء الله خير

الشقيان
03-02-2010, 08:57 PM
تعجبيني اختي وماقصرتي على الموضوع :nice::nice:

الله يوفق شبابنا وبناتنا يارب:):)

قانوني
04-02-2010, 06:08 AM
موضوع يستحق التثبيت .. معلومات مرتبة وجهد يستحق الشكر والاجمل معنويات عالية وشخصية غاية في الايجابية .. اتمنى ان يرزقك الله من حيث لا تحتسبين وان يوفقك لما يحبه ويرضاه ..


عجبني هذا الرد في (مدحك) فلذلك أقتبسته الله يجعل هذا العمل في ميزان حسناتك

jm01
04-02-2010, 08:27 AM
يعطيك العافيه على الجهد اللي قدمته
وربي يوفقك انشالله :victory:

بوخالد911
03-04-2010, 11:45 PM
l,

موضووع ممتاز جدا


لا هنتي

والله يبارك فييج