استفسار عن شحن السيارات من دبي إلى الدوحة و العكس

[المحافظ]

السلام عليكم

يا شباب ، عندي بعض الاستفسارات عن شحن السيارات من دبي إلى الدوحة و بالعكس ..

(1) ماهي افضل شركات الشحن في دبي اللي تعاملهم جيد وسريع ورسومهم معتدلة

(2) هل فيه شركات شحن قطرية ممكن ترتب لي موضوع الشحن من دبي إلى الدوحة على أساس اني أدفع لهم في الدوحة ؟

(3) هل فيه شركات شحن قطرية متخصصة في الشحن من الدوحة إلى الإمارات ؟

(4)سألت في السوق عن سعر السيارة على سطحة وعطوني سعر 2500 من الدوحة إلى دبي أو العكس ، هل هذا السعر مناسب أو ممكن أحصل أرخص بشرط يكون تعاملهم دقيق وعلى الوقت

وإذا فيه شي مهم وممكن تفيدونا فيه وماذكرته ياريت أهل الخبرة يفيدونا ..

[عـنيـد قـطـر]

من الدوحه لين دبي ما عني علم

لكن يختلف السعر طبعن اذا في تريلا من 1200 لين 1800 واوراق الجمارك والتحليص والرسوم عليك

اذا في سطحه بروحها من 2500 لين 4500 تقريبن

[المحافظ]

طبعا مشكلة التريلا إنك لازم تنطر لين يحصلون عدد كافي ، وايضا لو اي سيارة عليها مشكلة في الأوراق بتعطل السيارات الثانية لانهم كلهم مع بعض في كشف واحد ، فبالتالي الأفضل على ظهر سطحة لكن طبعا هي أغلي شوي ، بس بصراحة أغلى ب 500 ريال ولا التعطيل ..

ومازال الاستفسار أعلاه قائما ..

[hamad-007]

اخوي اذا سطحه 2500 سعر طيب توكل على الله ,,,,,, اما بخصوص الشركه من دبي لين قطر عندك (الصحراء) عندهم اسطول

[EXOTIC]

انا مجرب الصحراء ممتازين بس شوي غالي مره دفعت 3500 و مره 4000 +الجمارك والتخليص

سمعت عن واحد مادري شركة اسمها القيدومي من البحرين يقولون 1500 + التخليص والجمارك بس ماجربته

و كان في جرناس قطر بس شغل خرطي ومواعيد في عينها و اسعارهم بين ال 2500 وال3000

[اكاديمي]

اخوي اكبر اسطول سطحات في قطر هم شركة الفاخره يتعاملون معاهم الفردان وناصر بن خالد وعندهم اعتقد فوق 40 سطحه كلهاء 2009 - 2010 والسعارهم ممتازه وعندهم تامين على النقل وانا اشحن معاهم من قطر الى الامارات ومن الامارات الى قطر وهاي تلفون المسؤول عندهم 4686666 واسئل مجرب ولك حرية الاختيار

[شقران قطر]

عندك الفاخره للنقل واذا تبي سعر خاص طرشلي على الخاص وابشر

[المحافظ]

الاخوة (أكاديمي ، شقران قطر) شكرا ، أنا بصراحة كلمتهم وعطوني أسعار مقاربة ، طبعا أفضل أتعامل مع الفاخرة لأنها شركة قطرية و محلية.

اللي بين لي بعد السؤال أن مكاتب الشحن الرخاص الله بالخير ، وأنا تعاملت مع مكتب في دبي أول شي أخر لي السيارات في الطلعة ، وبعدين تأخير في الوصول ، وعند الوصول تأخر بعد على الحدود لأنه أوراقهم مب كاملة ، بصراحة لاعت النفس منهم. الظاهر الواحد يضغط على نفسه و يدفع شوي زيادة وياخذ خدمة زينة.

شكرا للأخوان ..