اليوم 22 فبراير ... من يتذكر هذا التاريخ من كل سنة !!!! [الأرشيف]

تحداني

22-02-2010, 12:55 PM

.. اتذكره بحزن وألم كبير ..

ومن ينسى هذا التاريج الجميل في مسيره قطر الحبيبه ..
تاريخ ملازم دائما لصوت " ذهبيه جابي " ...
في البرنامج الذي كان يستمر حوالي 10 ساعات بث الى منتصف الليل ..

وكانت تهنأ حتى مواليد هذا اليوم الجميل ..
بالكلمات والهدايا والاتصالات ..

كانت تنتابني الغيره .. واحاول ان اقنع نفسي .. انني ولدت في ..
22 - 02 - 19 وليس في 28 - 02 - 19 .. :(

سبحان مغير الحال والاحوال

ام السعف

22-02-2010, 12:57 PM

تولي الشيخ حمد بن خليفه مقاليد الحكم في البلاد ..

:omg:

ماسة قطر

22-02-2010, 12:59 PM

تولي الشيخ حمد بن خليفه مقاليد الحكم في البلاد ..

تولي الشيخ الوالد خليفة بن حمد آل ثاني الله يطول بعمره مقاليد الحكم في البلاد
والله يحفظ صاحب السمو الشيخ حمد بن خليفة آل ثاني أمير البلاد المفدى وجعله ذخر لنا

موضي قطر

22-02-2010, 01:02 PM

تولي الشيخ حمد بن خليفه مقاليد الحكم في البلاد ..

تصدقين توني انتبهت انك قلتي تولي الشيخ حمد يالغالية الشيخ خليفة بن حمد

الســـهم

22-02-2010, 01:03 PM

تولي الشيخ حمد بن خليفه مقاليد الحكم في البلاد ..

تولي سمو الشيخ الوالد خليـــفه بـن حمــد بن آل ثـانـي مقاليد الحكم في البلاد , الله يعطيه طولة العمر ويواليه الصحه والعافيه ..

مايمر هاليوم بكل سنة دراسية الا ويكون موضوع حصة الرسم , الله عالايام الحلوة اللي كنا نحس فيها بطعم يوم 22 فبراير ..

الله يحفظ آل ثاني من سمو الأمير الوالد وسمو الشيخ حمد بن خليفه آل ثاني إلى أصغر ابن في آل ثاني , والله يديم عزهم ويجعلهم ذخر لهذا البلد وعلى روسنا يا شيوخنا ..

بومتعب

22-02-2010, 01:07 PM

ايام حلوة
ايام ماكانوا يسون احتفالات في المدارس ودايما يحطون اغنية الساعي

الله ياعمري قطر

ودي أكون

22-02-2010, 01:15 PM

تصدقين توني انتبهت انك قلتي تولي الشيخ حمد يالغالية الشيخ خليفة بن حمد

والله من السرعه :weeping:

تمت التعديل :)

موضي قطر

22-02-2010, 01:18 PM

والله من السرعه :weeping:

تمت التعديل :)

تمت التعديل يبيلها تعديل ههههه :victory:

حمد بن خالد

22-02-2010, 01:18 PM

من فيكم كان يطلع عالكورنيش ويشوف الألعاب النارية

:)

ودي أكون

22-02-2010, 01:20 PM

تمت التعديل يبيلها تعديل ههههه :victory:

هههه وبعدين معاج يعني crazy

الدستور

22-02-2010, 02:02 PM

واذكر من صار موكب الزهــور في الكورنـيــش

وذلك اليوم تشاهد فندق الشارتون عليه 22. .

abdulla999

22-02-2010, 02:10 PM

ياسلام كانت ايام حلوة
الاحتفالات والعرضات الي في الكورنيش كانت حق اهل قطر
مش الحين الهنود والبنانيين والسوريين هم الي يحتفلون والشعب قاعد في البيت الله يرحم ايام زمان من يوم دخل شهر فبراير وان اتذكر الايام الحلوة

OTOsan

22-02-2010, 02:23 PM

لاتنسون حصة الرسم في المدرسة وموضوع الرسم في التعبير عن هالمناسبة :)

سهم بن سهم

22-02-2010, 02:36 PM

نسأل الله العلي القدير جلت قدرته أن يلبس ثوب الصحة والعافية على سمو الأب الشيخ خليفة بن حمد آل ثاني ويحفظ لنا سمو الأمير المفدى الشيخ حمد بن خليفة آل ثاني وولي عهده الأمين سمو الشيخ تميم بن حمد آل ثاني ويحفظ الشعب القطري إنه سميع مجيب :victory:

نورالهدى

22-02-2010, 02:38 PM

محفور في الأعماق

صوت الضمير

22-02-2010, 02:44 PM

اللهم أحفظ هذا البلد .. وأحفظ ولاة أمورنا

مساهم عادي

22-02-2010, 04:04 PM

تم اعتماد تاريخ "22 فبراير" كاسم رسمي لأكبر تقاطع مروري بالدولة ... وهو تقاطع محطة بترول الجيدة سابقا ....

فالحمدلله الأمور طيبة والنفوس صافية والقلوب مؤلفة ....

اما بالنسبة لذكرياتي لهذا اليوم ... اتذكر ان ماكانوا يعطوننا اجازة بالمدارس ... .....:(

الطيبة كلها

22-02-2010, 04:48 PM

مانسياه ابدا دايما نتذكره وخاصه ان الكويت تحتفل بهاي الشهر كل سنه

الوسط

22-02-2010, 05:10 PM

اكيد نتذكرة ونتعلم منة كما تدين تدان
والحمدلله على الفجر الجديد 27-6

رمــش الغلا

22-02-2010, 05:45 PM

احب هالتاريخ وخصوصا انه يصادف يوم ميلادي

الله ايطول بعمر اشيوخنا ان شاء الله

بيّز

22-02-2010, 06:22 PM

صراحه بدون زعل ولا انه حد يشيل في خاطرة على انا اشوف احلى مناسبه عشناها احنا صغار هي 22 فبراير
لحد يقولي 24-6 ولا حتى 3 سبتمبر ولا 18 ديسمبر اليديد
الله يطول في عمر الشيخ خليفه ويخلي لنا الشيخ حمد وكلهم امراء قطر بصراحه
بس 22 فبراير ذكرى حلوه بصراحه والواحد يحبها وياد

كـاسـر الـصـنـم

22-02-2010, 06:25 PM

اييييييييييييييييه يا 22 فبراير أيام

ســـهم

22-02-2010, 07:05 PM

شيبان ...:(

ريم المدينة

22-02-2010, 07:27 PM

ايام حلوة

khaleeji

22-02-2010, 08:25 PM

في الحقيقه هذا التاريخ من المستحيل نسيانه
ربينا واحنا نشوف عيد الجلوس كل سنه في 22 فبراير الله يذكر ذيك الايام بالخير

بس اتضح لي اليوم ان الشيبان الي في المنتدى واجد :)

s4qatar

22-02-2010, 08:43 PM

أعتقد تاريخ إفتتاح إذاعة صوت الخليج أيضاً في هذا التاريخ

كازانوفا

22-02-2010, 08:55 PM

سبحان الله اشوف ماشا لله الكل ذاكر التاريخ ايش يعني؟؟؟
ربي يذكرنا بالشهاده

إينشتاين

22-02-2010, 09:09 PM

ايش يعني هالتاريخ ؟؟
كنت صغير :tease:

الموضوعي

22-02-2010, 09:59 PM

تاريخ يذكرنا بطفولتنا الجميلة وكنا نطلع نشوف الاحتفالات لازحمة ولا اجانب ولا مناظر تخدش الحياء وعسى الله يحفظ لنا ابو الجميع الشيخ خليفة ويحفظ لنا سمو الأمير ويبارك فيه

ام السعف

22-02-2010, 10:49 PM

سبحان الله اشوف ماشا لله الكل ذاكر التاريخ ايش يعني؟؟؟
ربي يذكرنا بالشهاده

يعني نتذكر زمن الصفاء و البراءة و البساطة و النفوس الطيبة بعيد عن إعلام
كاذب خادع ،،

alanood

22-02-2010, 11:09 PM

الله 22 2 رقم مميز ليوم مميز
ذكرى تولي اميرنا السابق مقاليد الحكم في البلاد

المتألق

22-02-2010, 11:22 PM

اكيد نتذكرة ونتعلم منة كما تدين تدان
والحمدلله على الفجر الجديد 27-6

كلام خطير

ياليت توضح اخوي

ام السعف

22-02-2010, 11:25 PM

كلام خطير

ياليت توضح اخوي

خلاص سكروا على الموضوع لو سمحتوا ،، عاجبتني ذكريات 22 فبراير
لا اتسببون في مسحها من هالموضوع ،،

مستجدة

22-02-2010, 11:47 PM

ايه اتذكره سبحان الله صاحب الموضوع كانه يقراء افكارنا والله العظيم من شفت التاريخ
تذكرت هالمناسبه واحتفلاتنا بالمدرسه وحصة الرسم اللي كل سنه ارسم فيها نخل الكرنيش والشرتون
واكتب فوقها 22 فبراير كاااااااااااااااااااانت ايام حلوه

الوعد2016

23-02-2010, 12:47 AM

نعم والد الجميع الله يحفظه ويطول بعمره

تغلبية

23-02-2010, 12:56 AM

22 فبراير ...
محفور في الذاكرة .. وكان يسمى عيد الجلوس

فلفل حار

23-02-2010, 01:51 AM

ذكــرى طيبــه آيـام المدارس وحصص الرسم ههههه
والله يطوول بعمـر بوحمـد ... ^-^

تمت التعديل يبيلها تعديل ههههه :victory:

ماعليج منهـا خرفت هالطيبه ...:anger1:

اكيد نتذكرة ونتعلم منة كما تدين تدان
والحمدلله على الفجر الجديد 27-6

عســى ماشــر الشيــخ ..؟؟

لاتغــاوص وايـد ترا تغـرق ...
:)

بوخالد911

23-02-2010, 02:00 AM

يس

تذكرررته

الـقـاسـي

23-02-2010, 02:47 AM

الله يطول بعمر شيخنا ووالدنا خليفة بن حمد ال ثاني
ويخلي شيخنا وذرانا حمد بن خليفة ال ثاني ..

*فارس قطر*

23-02-2010, 02:49 AM

تاريخ 22 فبراير ،،،يذكرني بحصة الرسم وذكرى جلوس سمو الوالدالشيخ/خليفه بن حمد أل ثاني ،،،

ويذكرني بالاحتفالات اللى كانت تصير ،وأن كانت بسيطه ،بس كنا نستانس عليها ،

ومثل ماقالوا الاخوان والخوات قبلي ،نتذكر المذيعه القديره/ ذهبية جابي وبرنامجها لهذا اليوم ،

أيام حلوه ،،،وعسى الله يديم الايام الحلوه على قطر ،وتنعم بنعمة ألامن وألامان .

Arab!an

23-02-2010, 03:10 AM

عيد الجلوس كان يمر علي كئيب خصوصا موكب الزهور .. تخيلوا القعده قدام التلفزيون لمده 5 ساعات نسمع صوت عبدالعزيز السيد او طلعت موسى :s :cry2:

امـ حمد

23-02-2010, 03:15 AM

تسلم اخوي على التذكير

fa6ma

23-02-2010, 03:20 AM

تاريخ يذكرنا بطفولتنا الجميلة وكنا نطلع نشوف الاحتفالات لازحمة ولا اجانب ولا مناظر تخدش الحياء وعسى الله يحفظ لنا ابو الجميع الشيخ خليفة ويحفظ لنا سمو الأمير ويبارك فيه

.
.
.
.

PrivateHeart

23-02-2010, 03:33 AM

انا بعد اذكرته

ام السعف

23-02-2010, 01:37 PM

عيد الجلوس كان يمر علي كئيب خصوصا موكب الزهور .. تخيلوا القعده قدام التلفزيون لمده 5 ساعات نسمع صوت عبدالعزيز السيد او طلعت موسى :s :cry2:

اعتقد ان ما خانتني الذاكرة موكب الزهور كان لمرة وحدة بس في عام 80

بينما بشكل عام كان الازهيج عامرة على الكورنيش والشارع المقابل له

تلقى العرضة ، الهبان ،، الليوة ،،، الطمبورة ،، و البتان ،،

كل يشارك في مكان و احد باسم قطر و أمير قطر ،،

بينما الحين كل يشارك باسم قبيلته :(

بوحسين08

23-02-2010, 01:55 PM

يا الله على ذيك الايام ... والله العظيم اخنكتني العبرة .... من الموضوع وردود المشاركين ... تذكرت الطفولة والوناسه والفرحة الحقيقية الكبيرة ... حاولت أخلي أعيالي يعيشون هالفرحة في 18 ديسمبر ما قدرت .... في فرق كبير.....
والله يحفظ الامير الوالد السيخ خليفة بن حمد ال ثاني .. وسمو الامير الشيخ حمد بن خليفة ال ثاني ويخليهم ذخر لنا أن شاء الله.

restricted_1

23-02-2010, 02:50 PM

هند88

23-02-2010, 03:04 PM

الله يحفظه ويطول في عمرة انشالله

هند88

23-02-2010, 03:04 PM

احلى شي قبل لما كنا نسوي بطايق تهنئة بهاليوم باااااااااااااااااااال وناااااااسه

ام السعف

23-02-2010, 03:38 PM

الله يحفظ سمو الشيخ خليفه بن حمد

وسمو الأمير الشيخ حمد بن خليفه ويعطيهم الصحه والعافيه وطولة العمر

وعلى هالطاري ,,,,

في اغنيه وطنيه قديمه دورتها لين عيزت وماحصلتها

الي هي : حيــــــــــاك الله يابوحمــــــــد,,في دارنــــــا وانت السنـــــد<<< لها ذكريات عجيبه

حد يخبر وين احصلها

الأغنية كانت تقول

حياك الله يا بو حمد أميرنا و انت السند
ندعي لك بطول العمر و يدوم عهدك للأبد

يدخلون الكورال بصوت اعلى و يرددون
حيااااااااااااك الله يا بو حمد
أميرنا و انت السند ،،

الله على ذيك الأيام ،، يوم احنا صغار كلش ،، كانت السيارات المكشوفة
نفس اللي يسمونها الوحش الأمريكي الحين يحطون فيها سماعات و ييشغلون
اغاني وطنية و يدورون في الفرجان ،،

شموووعة

23-02-2010, 03:53 PM

الاحتفالات والعرضات الي في الكورنيش كانت حق اهل قطر والالعاب النارية والمسيرات

برزان1

23-02-2010, 04:06 PM

اعتقد ان ما خانتني الذاكرة موكب الزهور كان لمرة وحدة بس في عام 80

بينما بشكل عام كان الازهيج عامرة على الكورنيش والشارع المقابل له

تلقى العرضة ، الهبان ،، الليوة ،،، الطمبورة ،، و البتان ،،

كل يشارك في مكان و احد باسم قطر و أمير قطر ،،

بينما الحين كل يشارك باسم قبيلته :(

موكب الزهور كان في عام 1982 و 1992م

ام السعف

23-02-2010, 08:11 PM

موكب الزهور كان في عام 1982 و 1992م

الله يعطيه الصحة والعافية ،، احتفل اول مرة عند مرور عشر سنين على الحكم
و اعتقد انه مع مرور عشر سنوات اسقط المتبقي من ديون البيوت الحكومية ،،
و افتتح مستشفى حمد و افتُتِح اول فندق شكله غريب و كان كبييييييييييييييييير وضخم
واللي هو فندق الشيراتون ،، و اليوم شكله قزم صغير مع وجود الأبراج ،،

مب عارفة ليش اتذكر احتفالات 82 و مب قادرة استرجع ذكريات 92 :eek5:
ذاكرتي وانا مراهقة اكبر من فترة اليفعان :( ومن اليوم حتى ،،

بس تنشيطا للذاكرة الديون اسقطت في عام 92 او 82 :secret:

لولوتي

23-02-2010, 08:32 PM

من فيكم كان يطلع عالكورنيش ويشوف الألعاب النارية

:)

واذكر من صار موكب الزهــور في الكورنـيــش

وذلك اليوم تشاهد فندق الشارتون عليه 22. .

يوم جميل له مكانته في نفسي
وبنفس التاريخ انولدت وحده من بنات اختي :)

حليتان*

23-02-2010, 08:36 PM

الله يطول بعمر الوالد خليفه بن حمد ... ياااارب

وتسلم للتذكير

بو شاهين

23-02-2010, 08:43 PM

حسستوني اني شيبة
هههههههههه
والله زمن

ســـهم

23-02-2010, 08:47 PM

دائما البساطه تكون حلوه في كل شي ..

Chanel

23-02-2010, 09:08 PM

كانت ايام حلوه

حمد

23-02-2010, 09:58 PM

اسقطت الديون في عام 92 بمناسبة مرور 20 عاما على تولي سموه مقاليد الحكم في البلاد

اللهم احفظهم جميعا ... واحفظ قطر وجميع هل قطر

Doha Land

23-02-2010, 10:18 PM

الله على ذيك الأيام
البساطــة و الفرجان و الحياة الإجتماعية كانت في اوجها

مشكور على التذكير

بيّز

23-02-2010, 10:32 PM

ايام البساطة والخير وحتى الفلوس كانت مبروكة على قلتها

نااااني

24-02-2010, 01:52 AM

تولي سمو الشيخ الوالد خليـــفه بـن حمــد بن آل ثـانـي مقاليد الحكم في البلاد , الله يعطيه طولة العمر ويواليه الصحه والعافيه ..

مايمر هاليوم بكل سنة دراسية الا ويكون موضوع حصة الرسم , الله عالايام الحلوة اللي كنا نحس فيها بطعم يوم 22 فبراير ..

الله يحفظ آل ثاني من سمو الأمير الوالد وسمو الشيخ حمد بن خليفه آل ثاني إلى أصغر ابن في آل ثاني , والله يديم عزهم ويجعلهم ذخر لهذا البلد وعلى روسنا يا شيوخنا ..

سبحان الله كنت اطوي هالتاريخ من الرزنامه قبل امس وتذكرت شلون كنا نرسم الكورنيش ونحط 22 فبراير
الله ذكرتوني بالطفوله:weeping::weeping::weeping:

ALQATARI-111

24-02-2010, 02:19 AM

قولوا آمين،،،مايخلص الشهر الا وتنزل مكرمه اميريه باسقاط الديون
آآآميييييييييييييييييييييييييييييييييييييييييييييي ييييييييييييييييييييييييييييييييين

نااااني

24-02-2010, 02:25 AM

قولوا آمين،،،مايخلص الشهر الا وتنزل مكرمه اميريه باسقاط الديون
آآآميييييييييييييييييييييييييييييييييييييييييييييي ييييييييييييييييييييييييييييييييين

اي والله هذا احلى شي وهذا المطلوب:)

مشاغب

25-02-2010, 01:32 AM

الله يهدي الي حط الموضوع طلعت شياب على المنتدى اكثر الردود كلهم شياب وانا اولهم طبعن من غير منافس لي هههههههههه تسلمون على الموضوع الجميل