سؤال عن ضرس العقل ..:(

[bshayer]

السلام عليكم ورحمة الله وبركاته ...

مساء الخير ..

عندي سؤال بالنسبة لضرس العقل اذا تسوس هل ينشال ..وله اعمله حشوة ....وايش احسن حشوةالبيضاء او رصاص ...اهم شي مايكون في:weeping: الم وجع ...:(...
واذا كانوا كل الضروس (العقل) مسوسه ) اروح لمركز صحي او عيادة خاصه او في الرميلة واذا ..ممكن من افضل وامهر دكتور ..للاسنان ......

[بو راشد 1]

اهم شيء اذا ضرس العقل يلزمة ان ينخلع، لازم طبيب اسنان جراح يشيلة ومش طبيب اسنان عادي. والله يشفيك.

[غزلان]

الدكتور يقرر اذا حشو ولا لازم ينشال حسب حالة الضرس

اشوف رميله احسن بس تأكدي من الجراح اكثر من مره اذا قرر ينشال

ماتشوفين شر

[إينشتاين]

انا شلت ضروس العقل الأربع كلهم على فترات متباعدة ،، بصراحة كل ماروح لدكتور وفيه تسوس في ضرس العقل يقول لازم تشيلها عكس الضروس الثانية ينظفها ويسوي حشوة بس....

غالباً بيكون فيه ألم والتهاب بعد ماتشيلهم ويكتب لك مضاد حيوي،،

انا شلت ثلاث في عيادة خاصة والرابع في الرميلة عند استشاري ناسي اسمه ،، بصراحة احسن مكان شلته فيه الرميلة لأنه شاله وانا ماحسيت بشي لدرجة اني قعدت انتظر بعد ماشاله يمكن خمس دقايق وقالي الكتور شتنتظر قلت انتظرك تشيل الضرس،، ضحك وقالي انا شلته من زمان........

[ام الجوري]

اختي بشاير انا كان عندي ضرس العقل مسوس الدكتور لمل شافه قرر يشيله يعني الدكتور يقرر ينشال والا لا
ونصيحه شيليه في رميله احسن انا بغيت اشيله في عياده خاصه والله الدكتور نفسه نصحني اشيله في رميله احسن واضمن
وارشح لج دكتور عبدالهادي قطري يده خفيفه ولاتحسين في شي
على فكره ترى انا وايد اخاف من الابره بس والله ماحسيت بشي كلش
والله يشفيج يارب

[قطرية فذة]

هذا السن سبحان الله لايدوم طويلاً
وخلعه موجع
جربت في رميله عند دكتوره لمياء وكأن الله سبحانه اعطها من النعيم ما تلمس مكان الوجع لتحوله الى واحه من الراحه

حالياً ليست موجوده بالمشفى انتقلت الى وضيفه اخرى

جربت في عياده خاصه حقيقه وبات الالم لمده اسبوعين بشكل موجع

بالنسبه للحشوات عن نفسي استخدم حشوات تجميليه بنفس لون الأسنان

ماتشوفون شر ان شاء الله

[لينا]

الالم لابد منه حتى مع الابرة يعني اكيد يوم يروح مفعولها

ولازم مضاد عشان ما يلتهب عليك

واذا عندك شغل احسن لك تاخذين اجازه 3 ايام تقريبا

[hasss1969]

انصحك لو التسوس مو عميق والضرس بروزه طبيعي انصحك تحشيه خصوصا لو السن المقابل له في الاعلى موجود...ونوع الحشوة يفضل ما تكون رصاص ....

[صفقه]

والله يا اختي شيلته مثل شيلة اي ضرس ثاني اذا كان طالع صح .. اما اذا كان طالع غلط فا اعتقد انه يحتاج تدخل جراحي .

والله اذا يتصلح فا صلحيه .. لاتشيلينه مني والدرب .. ماطلعه رب العالمين الا وله فايده .

[سهم سهم]

توكلي على الله وشيلية


:)

[halcrow]

انا يوم الخميس شلته

وكان مسوس ومنكسر نصه ومالك في الطويله

رحلت لمجمع اللؤلؤه الطبي خلف مسجد عمر بن الخطاب والدكتور كان متمكن ( بنج موضعي ) وامورك عال العال

واي استفسار انا حاضر

[أوراق]

ضرس العقل دائما ينصح بخلعه
حتى لو مسوس شوي هو اصلا لازم ينشال حتى لو طالع عدل ومافيه مشاكل
لان عادة يكون صعب التنظيف وما ينكل عليه

فافضل شي الخلع