استفسارعاجل عمرة رمضان

[ummalaz]

كنت ناويه اخذ الوالد حج هذا العام بس ربنا مااراد ان شاء الله العام القادم
حابه استفسر اذا ناويين نروح عمره رمضان هل الباب لا زال مفتوحاً
وكم اسعار السفر بالطيران
وماهي احسن حمله من حيث الراحه والخدمات
جزاكم الله خيراً ونفع بكم والديكم

[ummalaz]

اصبحنا واصبح الملك لله

[البدع]

مستغرب ليش الناس تدور حملات للعمرة

ليش ماتجربون تروحون بروحكم بدون حملات

انا رحت السنة الماضية بدون حملة

ورحت بالسيارة

سهاااالاااااااات

والقطري الباب مفتوح له للعمرة دووووووووووووووم

الاجنبي هو الي يعاني من التاشيرة

والله اعلم

[ummalaz]

مشكور اخي على الرد
بس الروحه بالسياره تاخذ كم من الزمن مكه والمدينه وبالنسبه لشخص مايعرف الطريق عادي يعني

[روح الاطلس]

تقريبا يوم بالسيارة

واعتقد الطريق مايضيع

وطبعا ارخص من الحملات واسعار تذاكر للطيارة

[ummalaz]

شكراً على الرد
اسعار الحملات مكه والمدينه وافضلها بارك الله فيكم

[بوعبدالله779]

اختي افضل طريقة للسفر كالتالي :
1-روحي من قطر لدمام واحجزي التذاكر من الدوحة بواسطه اي مكتب سفريات عبر الخطوط السعودية ((الدمام - جدة )) و (( جده - الدمام )) وخلوا السيارة في مطار الدمام ياخذون لليوم الواحد 24 ريال وفي مكان تحت الحراسة بس اهم شي تحفظون مكانها لانه المواقف كثيرة وايد .
2-للفنادق عندي رقم شخص يحجز الفنادق في مكه والمدينه وهو في مكه ولكن انا افضل تروحين لحمله القدس او الفرقان وشوفي عندهم متوفر الحجز او لا وافضل الفنادق كالتالي ((مكه سوفيتل بس غالي وااايد - ابراج مكه افضلها في السعر والمكان والنظافة -ابراج زمزم بعد قريبه ونظيفة -فندق الصفا)) وفي فنادق بعيده من الحرم شوي مثل ايلاف كنده وغيرها بس تحتاج لجهد من المشي وهي ابعد من الفنادق اللي ذكرته من قبل
وفي النهاية اسال الله ان يكتب لكم العمرة ولا تنسونا من دعاءكم الصالح

[حبر سري]

اختي دام هاذي نيتج فالله يوفقج ويتقبل منكم يارب

اختي راجعي هالموضع , وباذن الله تلقين اللي تبينه , تقدرين اتشيكين مع الحملات , وشوفي وشراح يقولون لج , وان شا الله امورج سهالات :
http://qatarshares.com/vb/showthread.php?t=367564

والسموحة

[The Watcher]

اغلب الحملات مستواها متقارب

اهم شي تهتمون فيه السكن .. والوجبات اللي مضافة مع السكن .. والتوصيل من المطار الى السكن والعكس

بعض الحملات يكون عندهم برنامج في رمضان .. مثلاً بعض المحاضرات .. وبعضهم يسوون زيارات لبعض الاماكن في مكة .. مثل غار ثور وغار حراء وبعض المساجد الاثرية .. بس ما انصح فيها لان مافيها اي شي يذكر

بس مثل ماقلت .. اهم شي السكن .. لازم يكون قريب من الحرم ولا بتتعبون وايد
بس ترى السكن غالي بشكل عام في رمضان .. متوسط الاسعار في الليلة بين 1500 الى 2000 ريال .. وفي العشر الاواخر يزيد السعر

[ثاني]

كنت في سفريات الفرقان وسألت عن الليلة ف فنادق زمزم ف مكة (امام الحرم) قالي الليلة ب 1900 ريال تقريبا

وعندهم بكج
من 1 رمضان (11/8) إلى 4 رمضان (14/8)
والسكن في دار الأيمان او موفنبيك هاجر كلهم امام الحرم مع الفطور
+ ليموزين من المطار الى الفندق ومن الفندق إلى المطار
+ على الخطوط الجوية القطرية
ب 5400 ريال للشخص الواحد

واجباري انك تاخذ حق شخصين
يعني الغرفة تكون ل شخصين والمواصلات السيارة لشخصين

واذا شخص واحد اعتقد 7000 وشي ..

وعمرة مقبولة

[الأصيلة]

انصحك بحملة التقوى للسيد ابراهيم الإبراهيم...

[مرتبش]

الاخت غير قطرية على ما اذكر
ولذلك لابد من تأشيرة للسعودية والحصول على التأشيرة يجب ان يكون عن طريق حملة ..والتأشيرات توقف في بعض الاوقات.

الله يوفق الجميع

[ثاني]

انصحك بحملة التقوى للسيد ابراهيم الإبراهيم...

السلام عليكم ورحمة الله
اختي الاصيله هل جربتي حملة التقوى ؟؟
احد الاصدقاء الي جرب هذه الحملة في الحج
ذكر لي انها مب مرتبه وتعبو وخاصه انهم تنقعو في مطار الحجاج ١٢ ساعه
وحتى راوني بعض الصور لحج السنه الماضيه الله لايرويكم
فنصيحه لاخواني و اخواتي شوفو لكم حملة مثل الفرقان وحاتم*

[الشقيان]

انصحك بحملة التقوى للسيد ابراهيم الإبراهيم...

:rolleyes2::rolleyes2:

[ummalaz]

شكراً لكل من رد علي استفساري
الحمد لله رب العالمين الامور اتسهلت وحنسافر عمره يوم 15 رمضان
نسأل الله ان يتقبل منا ومنكم صالح الاعمال انه كريم مجيب الدعاء

[البدع]

تسوين خير لو تدعي لي

وبالسلامة

[ummalaz]

تسوين خير لو تدعي لي

وبالسلامة

بااذن الله الذي لا ينسانا ولا ينساكم

[حـ ن ـيـ ن]

تسوين خير لو تدعي لي

وبالسلامة


وأنا لا تنسيني :shy:

[مرحوم قطر]

اختي مفتوح انا العام رحت في رمضان


بس شوفي انا مابي امنعج من الخير و من اجر عمرة رمضان

لان الرسول صلى الله عليه و سلم قال عمره رمضان كحجه معي ( بمعنى الحديث )


بس اختي لين توصلين و بعد ما تتحلون من احرامكم بتبتدي على ملامحكم علامات الندم لانكم جيتو خخخخخخخخخخ

حنى رحنى مجموعة شباب و تعبنا وايد

اختي زحممممممممممممممممممممممه و طق نعل

بتشوفون كل انواع البدع اشياء ماكنتي تتخيلينها

بتسجدين و العالم تدوس على يدج و رجلج

بتوقفين عوي يعني معطه القبله جنبج و راسج متجه لها لان و انتي تصلين بتجي وحده تدزج عشان تصلي جنبج


البوق حدث ولا حرج

الاكل بتتعبيين بتهلكين بتطلع عينج لين تحصلين لقمه نظيفه تاكلينها او مطعم زين و ان لقيتي نطري دورج بعد ساعه او اكثر

والله ان مطاعم يعني يبلفيت راقيه العالم واقفه عليها طابور كل ما يطلع واحد من المطعم يدخل الثاني

في مطمع معروف نسيت اسمه بوفيه الشخص اخبر على ميتين ريال نطرت في الطابور ساعه و نص لين دخلت لان الجوع كافر


بتشوفين كل انواع البدع بتشوفين الي يتمسح و يتمرغ على الصيراميك الي في الحرم

بتشوفين الي يتمسح على بيبان الحرم الخارجيه

بتشوفين الي يوقفون قدام يسدون عليه الطريق و يبوسون الارض

بتشوفين الي لين يدعون يصارخون باعلى صوتكم و بكل ما اوتيو من قوه عشان

بتشوفين الي ينزلون على الصفا و المروا و يبوسونه


بتشوفين ماسي و الله يجزا الهيئه خير مايقصرون فيهم بس يمسكون من ولا من


الخشوع معدوم 100%

انا رحت من نص رمضان لين ليلة العيد و لول الحجوزات كان طفت الوداع و رجعت

في ليلة القدر كان عندي اسغفر الله في الصلاه اطلع البي بي و اطرش برود كاست

لان مافي خشوع ولا في شي

اصلي و العالم تتمشى قدامي

اقرى الفاتحه و واحد واقف قدامي ماسك تكرمون نعاله و قاعد يتلفت يمين يسار و يسولف بالتلفون يدور ربعه

و لين جيت ابي اركع يطنش ولا كان الامام كبر


و في دعاء ليلة القدر اول ما بدى الامام اللهم اهدنا في من هديت واحد سجد و قام يبوس الارض

( كنا على القار الي محاوط الحرم )

وراي مصريين استغفر الله كنهم يقولون يا رب اسمع حنى نامن

الامام اللهم ارزقنا وهم باعلى صوت كنهم يتهاوشون امييييييييييييين يا رب العالميييييييييييييييييييييييييييييييين


طبعاً الصحن مانزلته الى في طواف الافاضه و ابطلعة روح

و كنت صايم و للاسف البنات الي في الصحن ما يرحمون احد من التحرشات حتى المحرم

و العالم دز و مدازز كنهم جايين حرب مب عمره



ادري كرهتج بالموضوع بس مابي لكم المضره


و نصيحه اخيره لا تودون معاكم لا يهال ولا كبار في السن