الـــفـــزعــــه

[موادع قطر]

الكل اطلع على وضع السوق وبعد اعلان الصناعات عن ارباحها في الربع الاول 790مليون

خلال الاسبوع الجاي

تستاهل ان توصل لسعر 250

اذا تستاهل اوكي شركه قويه معروفه

واذا ما تستاهل ليش؟؟؟

ومتى راح توصل لهذا السعر اوي في اي شهر والعلم عند الله بس رايكم ومشورتكم مالي غنى عنها

انا عندي كميه كبيره شاريهم 225 و 236 وبغي اصرف

رايكم

[الزقروطي]

السلام عليكم
والله ياخوي من وجهة نضري ان سهم الصناعات يستحق
الصناعات شركه قويه وارباحها مثل ما انت شايف رهيبه

وانا سمعت في الراديو واحد من المستثمرين الكبار اعتقد انه المحامي والله نسيت اسمه
المهم انه هاجري

يقول الصناعات لو وصلت 300 او 400 مو اعجوبه هذا سعر طبيعي وتستحقه هذه الشركه

هذا ماسمعته
وهذا رأيي الشخصي تقبل تحياتي

[موادع قطر]

نسلم الغالي.........................انا ابغي استريح اشوي تعبت كل يوم مشاهد الجهاز والا طايح في البورصه

[الزقروطي]

يا موادع قطر
حبيبي ودع الهم والتفكير
الصناعات سهم خطير وناجح
وقوي
والشركه كل الناس عيونهم عليها
لاتخاف منها ابدا

ريح بالك وانا اخوك

[موادع قطر]

البال وسيع بس تدري الحلال عديل الروح
والطمع شين انا مضارب على فكره مش مستثمر
وعمريما توهقت والحمد لله الا هاذي المره صارلي في السوق اكثر من سنتيين
بس طيحتن شينه تبي اصج
وربك كريم انشالله

[اللورد]

السوق ياخوي عرض وطلب
ان زاد الطلب قل العرض وارتفع السعر والعكس صحيح
وبالنسبة للصناعات وبخصوص السعر اللي شريته هناك كذا حل ومن هذه الحلول (تعديل الأفرج) وان تشتري بسعر بكره ان كانت السيوله موجوده.
والمتوقع للصناعات من خلال ارباح الربع الأول ان يكون السعر تقريباً مابين 200الى 220 ولكن ياخوي أحنا في السوق نجد الكثير من اللعبات والتكتيكات والطرق لتنزيل الأسعار أو رفعها وهذا يعتمد على مايريده صناع السوق
وهنا أقصد بكلامي ان تكون دائماً تراقب حركة التداول العرض والطلب وإجمالي الكميات المنفذه . وبناء عليه تتخذ القرار المناسب للبيع أو الإحتفاظ بالأسهم وهو الأفضل دائماً .

[الوجيه]

سهم الصناعات سهم قوووي جدا ولا داعي التفكير و القلق المضمون انك راح تطلع بربح خيالي جدا

[صراف]

الصناعات من الشركات القياديه للسوق وارباحها بالربع الاول قياسيه وفاقت جميع التوقعات ..فليس هناك قرابه ان تصل الى هذا السعر ...

وتذكر انها وصلت من قبل من 250 وكان متوقع اكثر لولا تأثير نزول نقل الغاز والتلاعب الي حصل بالسوق

ا


والله اعلم

[موادع قطر]

كلامك عدل عرض وطلب وانشاء الله العرض يخف بكره

[موادع قطر]

واضيف شي بعد السوق مفتوح للجميع الحين

[الزقروطي]

العرض صفر ياخوي من امس
وان شاء الله اليوم صفر بعد
والطلب اكثر من مليون
لاتشيل هم

ولا تعتبرها طيحه ولا شي واذا عندك سيوله حاول تعدل الافرج

بالتوفيق ان شاء الله

[الغشيم]

يقول المثل( ماعينك به عين رجال به) يعني الصناعات ماضن الهوامير يخلونها تعدي سعر 200 الا هم محولين بها في الارض لانها شارينهابسعر 155 ريال وانت حاول تبيعها من دون ال200 وبعدين حاول تلقطها من تحت