???? International School of London

[um-bader]

السلام عليكم ورحمة الله وبركاته
ياريت حد يقدر يساعدني من الأخوة والأخوات اللي يعرفون عن مدرسة لندن الدولية اللي في الخيسة..
لاني حابة أسجل ولدي عندهم من الروضة وان شاءالله اذا هي زينة يكمل فيها لاني ما أبي اشتت ولدي كل سنة اوديه مدرسة..وانا اخترتها لاني قريت في موقع المجلس الأعلى للتعليم انها وحده من أفضل ثلاث مدارس في قطر ومعاها مدرسة شيربرون بس هذي الأخيرة بعيدة من البيت أما مدرسة لندن قريبة ..

أنتظر رايكم ..

[بو خليفه 123]

بالتوفيق لأبنك ان شاء الله و اسأله له الصلاح و النجاح ..

اتفق معك من ناحية مدرسة شيربورن فهي اقوى مدرسه داخليه على العالم فـ بناءً عليه تم فتح فرع لها في دولة قطر في منطقة الريان ..

اما انترناشونل سكول اوف لندن اول مره اسمع بها بصراحه . و ما ادري اذا نعتمد على تصنيف المجلس الاعلى للتعليم ام لأ .

[ummalaz]

ماهي المدرسه الثالثه الافضل

[um-bader]

مايكل ديبيكاي للمهن الصحية هي ثالث مدرسة مفضلة من قبل المجلس الأعلى للتعليم

[بوعمير]

أبان تسجيلي لأبنائي في المدارس توجهت إلى مدرسة الشيربورن في المدينة التعليمية وذلك للوقوف على منهجها الدراسي وأنشطتها المختلفة .. وفي النهاية أيقنت أن هذه المدرسة ذات عراقة دراسية قديمة وذات منهج قوي، ولكنها أضعف بل أفقر ما تكون من ناحية تعلم الدين الاسلامي واللغة العربية.

موفقة خير أم بدر.

[هدهد سليمان]

موفقة اختي ..
الله على مدرسة مشيرب .. وطارق بن زياد .. :)

[abu abdulla]

الاخت ام بدر ،،،، اجتهدي على ابنك بتحفيظ القران والاحاديث والتربيه الاسلاميه لان هذا اللي بينفعك وبينفعه بعدين.
مدرسة لندن موجود بشمال الدحيل وبها خليط من الطلبه ،،،، وكل يوم بيتصلون عليك ولدك يتحرك الاا ما يركز الا يحب اللعب وبعدين بيطلبون منك رسوم زياده وتزيد عن 50 الف ريال سنويا ابحثي لك عن شي من المدارس او رياض الاطفال المعروفه .
تدريس الغه الانلجيزيه سهل حتى في البيت تجيبين لك مدرسه في العطله الاسبوعيه او يومين في الاسبوع
وبتمشي الامور ان شاءالله.
نعم الاستثمار في الابناء ولاتتهاونين في تحفيظه للقران بيخلي كل شي سهل عنده من قراءه وكتابه وحفظ وبيعرف امور الدين.
اسال الله لنا وله الهدايه والتوفيق وان يبارك لك فيه وان يجعله من عباده الصالحين

[Just Smile]

بالنسبه لتصنيف المجلس الاعلى ماعليج منه ... اذا عرف السبب بطل العجب :eek5:

لندن سكول وشيربورن وديبكاي جايبهم المجلس الاعلى يفتحونلهم فروع في قطر فشي طبيعي يصنفهم الافضل

بالنسبه للمدرسه الي تسألين عنها سمعت انها مش ذاك الزود مافيها تدريس عدل ولخبطه .. تجاريه بحته


عندج مدارس زينه في الدفنه و الغرافه ومدينة خليفه

[um-bader]

فيدوني.. شنهي هالمدارس الزينة علشان أسجل ولدي
وانا ادور مدارس تهتم بالطفل بنفسيته بنشاطاته قبل الدراسة ما ابي هالمدارس اللي يصارخون عاليهال ويخوفونهم ولا يدرون شاللي محتاجه الطفل من معامله خاااصة؟؟
انزين اشرايكم في مدرسة الخليج الانجليزية اللي في الغرافة؟؟؟؟؟؟؟