تلفزيون قطر ومدفع رمضان

[كلاسيك قطر]

السلام عليكم ورحمه الله وبركاته

شباب وبنات

انتو ماتلحضون كل سنه في رمضان في المدفع كله نفس الفيديو


وياريت لو تلفزيون قطر كل سنه يحطون شي جديد مو نفس الفيديو

بس مادري اشلون وانا تمللت انه اشوف الفيديو

نبي رد من تلفزيون قطر

[فرحة الكواري]

نادر اشوفه

انطر بس اليهال يصرخون اذن اذن ههههههه

ونفطر بعيد عن التلفزيون

[بايع بايع]

على ما اظن انه صار عاده رمضانية محبوبه

وبالنسبة لي ما اشوف فيها شي

[sara jsm]

وعليكم السلام ,,
انا مااشوف التلفزيون اصلا ,, بس ليش يغيرونه ,,
خلووه مب كفايه الاذان غيروه ,, قبل من ياذن نزيد الصوت عشان اليهال يسمعون ,,,
احين نسوي العكس لانهم يتخرعون ,,,, كل شي مال اول احسن وافضل ,,

[Chambray]

على ما اظن انه صار عاده رمضانية محبوبه

وبالنسبة لي ما اشوف فيها شي

الاخ كلاسيك قطر مش قصده على المدفع او هذه العادة

القصد من الفيديو .. يعني لو كان اخراج بشكل افضل او بشكل جديد يواكب 2011 على سبيل المثال بكاميرات HD ياسلااااااام :nice:

[هجمة مرتدة]

الصراحة أذان تلفزيون قطر مزعج جداً، يجبرنا نقصّر على صوت التلفزيون . .

يا زين أذان تلفزيون دبي وأبوظبي، أصوات تشرح القلوب وتخشع لها الصدور . .

[سعود العمادي]

الصراحة أذان تلفزيون قطر مزعج جداً، يجبرنا نقصّر على صوت التلفزيون . .

يا زين أذان تلفزيون دبي وأبوظبي، أصوات تشرح القلوب وتخشع لها الصدور . .

راي من راي العضو

وقبل حطيت موضوع عن اذان تلفزيون قطر

والمفروض يكون الاذان بصوت عذب مثل قناة الدوري والكاس والقنوات الثانية

ويعطيكم العافيه

[مهل]

نادر اشوفه

انطر بس اليهال يصرخون اذن اذن ههههههه

ونفطر بعيد عن التلفزيون

يعني لو واحد يحذف شراخيه عند بيتكم يمكن بتفطرون :)

ههههههههه تاكدي ولاتمشين على البزران يمكن يوم يتغشمرون و بتفطرون كلكم قبل الوقت .

[The_Be$t]

حلو لو يسوون بث مباشر حق المدفع يوميا ويكون في لقاءات مع الناس وعالكورنيش

[faisalqatar]

والله يالربع تلفزيون قطر على قولة محمود بوشهري متوفي ههههههههههه

كل شي فيه مكرر و ميت .. مافي اهتمام مع انه (تلفزيون قطر)

خاطري اعرف الفلوس وين اتروح .. اكيد عندهم ميزانيه سنعه .. ما انشوف شي يميزه مع انه التلفزيون الوحيد يعني غير الجزيرة

صار لدرجة ان الواحد ما يفكر يشوف شنو حاطين فيه ..

الله يرحمه هههه

و بخصوص الاذان .. استغفر الله فعلا يخرع و الصوت مب حلو .. انا اخبر المؤذن يكون صوته حلو عشان الواحد يسمعه بخشوع مب جي .. بلفيت حاطين لنا شي من التراث .. صراخ و مزاعق !!

[ALRAYYAN]

والله من كم يوم كنت أتكلم مع الأهل عن أذان تلفزيون قطر

استغفر الله إزعاج

الأذان يخشع له قلب الانسان ومع عذوبة الصوت وتقسيم الأذان يحس الانسان بشعور روحاني سبحان الله

وتلفزيون قطر حاطين مؤذن يطير لك كل ماذكر اعلاه :rolleyes2:

كل شي في قطر بيتطور الا تلفزيونها :omen2:*

[Qtr95]

انا اشوفه بالعكس ..
على ايام اول ...
والله انا يدتي تسانس على أذان العصر ..
لأنها اتعرف الشياب اللي فالأذان كلهم, متوفيين ..
وكل ما تشوف الاذان اتغمد لهم..
قاعد اقولها شلون وهالتصوير يديد ؟
تحلفلي انها تعرفهم وتقولي اساميهم ..
وما صدقت الا لما ورتني صورهم ابيض واسود فيهم نفس
الناس اللي فالاذان ..

[تاجر كشخة]

وعليكم السلام ,,
انا مااشوف التلفزيون اصلا ,, بس ليش يغيرونه ,,
خلووه مب كفايه الاذان غيروه ,, قبل من ياذن نزيد الصوت عشان اليهال يسمعون ,,,
احين نسوي العكس لانهم يتخرعون ,,,, كل شي مال اول احسن وافضل ,,

خخخ صدقتي المؤذن عليه صوت يبط الراس على طول اغير القناة او احطه صامت وووين اذان القديم كان مره حلو

[halcrow]

المدفع مافيه اي شي من الدين

يمكن في وقت من الاوقات كان مهم لاشعار الجميع ب صيام رمضان

لكن الحين ماله اي دلاله او فايده .... على اساس نستمر فيه .... حاليا احنا في 2011...غير انه ممكن يكون بهجه للطفل ولي انا اشوفها غير مقنعه للاستمرار فيه ...

[MAZEN37]

الصراحة أذان تلفزيون قطر مزعج جداً، يجبرنا نقصّر على صوت التلفزيون . .

يا زين أذان تلفزيون دبي وأبوظبي، أصوات تشرح القلوب وتخشع لها الصدور . .
صحيح
وممكن ينقلون مدفع الافطار على الهواء مباشره عادي بالعكس حلو ويكون نقل حي مباشر قبل 10 دقايق علشان اروح اطلع بالكاميرا ههههه

[MAZEN37]

خخخ صدقتي المؤذن عليه صوت يبط الراس على طول اغير القناة او احطه صامت وووين اذان القديم كان مره حلو
سبحان الله اللهم لا تحاسبني بس والله يناقز الواحد ويتخرع اول ما يأذن

[ALHAJAJI]

يمكن اللي يناقز من صوت الاذان لابسة جن في راسه , وابرك له يروح يسوي رقية شرعية عند اي شيخ , لعل وعسى ان الله يشافية ويرق قلبة عند سماعة صوت الاذان .


اللهم اني صائم

رمضان كريم للجيمع

[ms-qtr]

ما اجوف لزمه من تغيير المدفع بس الاذان فعلا الصوت تعبان مع ان الاخراج حلو

[توشيبا]

سبحان الله للحين عايش تلفزيون قطر @@

[alwahesh]

الفيديو ممكن يتغير وصوت المؤذن يكفينا فخرا انه صوت مواطن قطري

كبيسي او سبيعي ابونا ونفتخر فيه


ولكن العتب على التأخير وهذا مخالف للسنه

واحنا نحتار بين اذان المسجد ولا اذان التلفزيون لان بينهم دقيقتين تأخير لاذان التلفزيون

ما اعرف هل هو تأخير لسبب ما او بالصدفه

[بومحمد911]

تبون الصج لازم الاذان يتغير والمدفع يتغير

نعم للتغير الايجابي

[كلاسيك قطر]

يعطيكم الف الف عافيه يا شباب وبنات

شباب وبنات انا اتكلم عن الفيديو الي يتكرر كل سنه ع المدفع مو الاذان

الان العسكري معاي في الدوام والحين هو وكيل مو رقيب

وياريت لو احد يشتغل في تلفزيون قطر يوصل هذي الرساله

وشكركم

[رجل مثالي]

الصراحة أذان تلفزيون قطر مزعج جداً، يجبرنا نقصّر على صوت التلفزيون . .

يا زين أذان تلفزيون دبي وأبوظبي، أصوات تشرح القلوب وتخشع لها الصدور . .


ملاحظة - وأذا كان المدفع مباشر وفيه لقاءات مع الجمهور لكان أفضل وجميل

[كلاسيك قطر]

ملاحظة - وأذا كان المدفع مباشر وفيه لقاءات مع الجمهور لكان أفضل وجميل



انا معاكم يعني لو نقل مباشر للمدفع احسن يعني انشوف حركه في التلفزيون في شي تطور في التلفزيون

[ام علي حسين]

اي والله لو كان مباشر صج شي روعه

[كلاسيك قطر]

وانا اليوم مستغرب رحت عند المدفع اله اوف تلفزيون قطر برنامج رمضانيات


يصور مع المدفع وجذي

[Born.To.Kill]

والله يالربع تلفزيون قطر على قولة محمود بوشهري متوفي ههههههههههه

كل شي فيه مكرر و ميت .. مافي اهتمام مع انه (تلفزيون قطر)

خاطري اعرف الفلوس وين اتروح .. اكيد عندهم ميزانيه سنعه .. ما انشوف شي يميزه مع انه التلفزيون الوحيد يعني غير الجزيرة

صار لدرجة ان الواحد ما يفكر يشوف شنو حاطين فيه ..

الله يرحمه هههه

المفروض نسوي لجنة نسميها ( الدهماء على الكراسي ) -- أصل كلمة الديمقراطية في اللغة العربية --

و يصدر قرار يحدد مهامها و أختصاصاتها ..

[سهم قطري]

المفروض اول يوم في رمضان يصورون المدفع وعقب كل يوم يبثونه ومثل ماتفضل اخوي كلاسيك قطر العسكري اللي يطلع ترقى وفي الفيديو لحد الحين على الرتبه القديمة واعتقد وصلت الفكرة اخوي كلاسيك المفروض من البداية توضح وتسلم وعساك على القوة

[الـراسي]

يا زين صوت الشيبان اذا اذنو

والله اني استانس لا سمعت اذان الشيبان يحسسك بالماضي

وجة نظر

[مطراش]

ياريت لو يغيرون صوت المؤذن
والله اول صوته روعه نفس الحرم

[بوسلمان 2010]

الله المستعان

[كلاسيك قطر]

تسلملي حبيبي

[فارس قطر]

كل شي في قطر بيتطور الا تلفزيونها :omen2:*

:nice:

[أنين]

الفيديو ممكن يتغير وصوت المؤذن يكفينا فخرا انه صوت مواطن قطري

كبيسي او سبيعي ابونا ونفتخر فيه


ولكن العتب على التأخير وهذا مخالف للسنه

واحنا نحتار بين اذان المسجد ولا اذان التلفزيون لان بينهم دقيقتين تأخير لاذان التلفزيون

ما اعرف هل هو تأخير لسبب ما او بالصدفه






اولا احب اعلق فالبدايه بخصوص المدفع ممممم مو ضروري يتغير اما صوت المؤذن حفظه الله كلنا نعرف ان صوته مزعج وماله اي دخل قطري او غير قطري حتى فالاذان بتحطون فيها تفرغه عنصريه ولو قطري وصوته مو حلو نكذب ونقول حلو بس كونه قطري بسكم خرابيط يعني المطلوب صوت عذب

[al-buainain]

السلام عليكم ورحمه الله وبركاته

شباب وبنات

انتو ماتلحضون كل سنه في رمضان في المدفع كله نفس الفيديو


وياريت لو تلفزيون قطر كل سنه يحطون شي جديد مو نفس الفيديو

بس مادري اشلون وانا تمللت انه اشوف الفيديو

نبي رد من تلفزيون قطر

مسكين الي يرمي بالمدفع له سنين وهو رقيب ما ادري ليش ما ترفع ؟؟؟؟؟؟

[دلة الرسلان]

خلاص تفشل تلفزيون قطر ويطلبكم السموحة وهاذا هم يعضون شريط الفيديو من الفشيلة:(

سؤال لمن يعلم هل فيه الحين مدفع أفطار يشتغل علشان الجماعة يحركون رجيلاتهم

ويصورونه ؟!

[falsaadi]

الفيديو مسجل صحيح
بس مش نفس الفيديو

لان الفيديو القديم كان في اثنين, واحد يحط القذيفه وواحد يطلقها
واذا تذكرون كنا نقول واحنا صغار..بيسكر على يده !!

الا في حالة انهم مسويين اديتينق للفيديو وشالوا منه الشخص الاول

ومع ذلك الفيديو ايضا قديم قليلا


قبل رمضان بيومين كانوا يجربون مدفع بالساحه اللي عند البريد المركزي..اشارات برزان
وكان في من 4 الى 7 عوايل بمواترهم يطالعون وهم يجربون القذايف
وتم اطلاق 5 قذايف بنجاح على ما اذكر..وكنت موجود انا باطلاق اخر قذيفتين من بعد ما اطلقوا 3 وانا بالبريد بس خلصت ورحت اشوف شسالفه .. وكان الصوت يهز مبنى البريد هز

تلفزيون الشارقه يبث اطلاق مدفع رمضان مباشر..اعتقد هو الوحيد بالخليج مباشر الى الان

وشكرا

[ام ناصر1]

مع احترامي الي يجب تغيره هو الآذان .....ماينفع يستمر بالمغرب وقت فطور الناس

[كلاسيك قطر]

مسكين الي يرمي بالمدفع له سنين وهو رقيب ما ادري ليش ما ترفع ؟؟؟؟؟؟



الحين المشكله الرقيب صار وكيل

[كلاسيك قطر]

الفيديو مسجل صحيح
بس مش نفس الفيديو

لان الفيديو القديم كان في اثنين, واحد يحط القذيفه وواحد يطلقها
واذا تذكرون كنا نقول واحنا صغار..بيسكر على يده !!

الا في حالة انهم مسويين اديتينق للفيديو وشالوا منه الشخص الاول

ومع ذلك الفيديو ايضا قديم قليلا


قبل رمضان بيومين كانوا يجربون مدفع بالساحه اللي عند البريد المركزي..اشارات برزان
وكان في من 4 الى 7 عوايل بمواترهم يطالعون وهم يجربون القذايف
وتم اطلاق 5 قذايف بنجاح على ما اذكر..وكنت موجود انا باطلاق اخر قذيفتين من بعد ما اطلقوا 3 وانا بالبريد بس خلصت ورحت اشوف شسالفه .. وكان الصوت يهز مبنى البريد هز

تلفزيون الشارقه يبث اطلاق مدفع رمضان مباشر..اعتقد هو الوحيد بالخليج مباشر الى الان

وشكرا


واتمنى ذالك يسون نفس قناة الشارقه