تجهيزات الحج ساعدوني تكفون ؟؟؟

[الماريّة]

السلام عليكم ورحمه الله وبركاته


اولا اعذروني مادري مكان الموضوع هني صحيح والا وين احطه

عموما انا ربي كتب لي ولله الحمد حج هالسنة وادعو لي ان الله يتمم لي

ويتمم لكل حاج ناوي

وتكفوووووووووون اول مره احج ومب عارفه شنهي تجهيزات الحج
طبعا اقصد للبنات


ارجووووووووووكم يا بنات ساعدوني الي حجت من قبل او عندها فكره

شنهي التجهيزات الي لازم اجهزها حق نفسي ؟؟

سمعت فيه مجموعه شامو وكريمات وديتوريت بدون ريحه معطره وين احصلها؟؟؟
ايش احسن نوع قماش لشيلة والخمار حق الحج الي مايطيح

واشياء كثيرة










ارجوكم ادعوا لي بالتوفيق وان الله يثبت لي نيتي للحج :)

واشكركم


اختكم
لافام فاتال

[الخفي]

(( بتحصلين في الصيدليات شنطه صغيره فيها مجموعه كريمات وصابون وشامبو

وبعض الادوات اللي بتحتاجينها في الحج واعتقد ان الشنطه اللي تنباع للجنسين ))

[اليافعي 1]

أسال الله الكريم رب العرش العظيم أن ييسر أموركِ

بالنسبة للتجهيزات أختي الكريمة :
إبدئي بالتجهيزات الخاصة بالعبادة والقرأئة عن الحج كثير وتستوعبين كل نقطة من أمور الحج حتى لا تضيع أوقات الحج بأمور أخرى ,,,
أما بخصوص الأمور الخاصة بالنساء فخذي كل الإحياطات من كل شي ,,
وفقكِ الله ولا تنسينا من صالح دعائكِ

[الماريّة]

الله يجزاكم كل خير :)

والحمدالله عندي كتبيبات للحج وقريت عنه
واكيد الحمله بعد مهب مقصرين بعلمونا زياده

[سفير الدوحة]

حتى انا بسافر 29 الشهر
مادري شبجهز؟ اصلا مادري اذا عندي اجازة من الجامعة ولا لا؟؟

[الماريّة]

اخوي سفير ان شاء الله يعطونك اجازة

والله يثبت لك نية الحج يارب ويوفقنا كلنا

:)

[معلم فكري]

الله يوفقكم وتحجون وترجعون سالمين غانمين لاهلكم وربعكم وناسكم

[الماريّة]

للرفع

[الماريّة]

بنات شلووووووووووووون بكون لبس الحج

شلون الشيلة ماتلمس الوجه شلون الطريقة ؟؟؟

من تقدر تشرح لي الله يخليكم

[ضوى]

الله يوفقج يارب ويكتبها لج ان شاء الله

انا اخذت صابون وشامبو بزيت الزيتون من الجمعيات ، ومزيل العرق اخذت من الشايع مش معطر ، واخذت جلابيب وشيل خفيفة بدون اي نوعمن التطريز لا خفيف ولا ثقيل ، واخذ القبعات اللي تحت الشيلة حتى تثبت الشيلة ، واهم شي اخذي لج صراويل قطن تنفعج وايد . واخذت لي لحاف لانه في منى كان وايد برد على وقتنا بشهر واحد كان الحج.، بالنسبة للخمار لاني ماكنت منقبة ولا متغشية فكنت اشوف الناس تسدل يعني تقط الخمار من راسها لين صدرها وقالوا المشايخ مافيها شي لو صاد الويه ، وكنت اشوف بعد ناس تحط كبوس بارز وتقط الشيلة وبالتالي ماكان يصيد الويه ، ووديت معاي جلابيات خفيفة مع ايلال الصلاة عشان صلاتنا في السكن ؛ووديت ملافع ملونة لقعدتنا في السكن للغدا او العشا او الفطور عشان مالبس العباية، ووديت شامبو وصابون معطر وعطر خفيف عشان السبوح بعد طواف الافاضة ومقص عشان نتحلل التحلل الاصغر وجلابية عيد حليوة عشان قعدتنا ويا خواتنا في السكن ظهرية العيد والحمد لله الامور سهالات ،تذكرتودي معاج هاند باج صغيرة تحطين فيها اغراض منى وعرفة ومزدلفة اللي تحتاجينه من فرشاة ومعجون وصابون وديتول وخلافه

وياربي يكتب لج ويتقبل منج يارب*

[تحداني]

صيدليه Boots
فيلاجيو .. احذى كارفور
واللاند مارك احذى .. بنك بري

امنزلين مجموعه غير معطره للحج
روعه والكل يمدح فيها

حجا مقبولا ان شاء الله


جملك الله برضاه

[فيزيائية]

ماقصروا العضوات
ونصيحتي...
استفيدي من كل لحظة ودقيقة هناك
فانها من اثمن اللحظات التي لن ترجع
وابتعدي عن مجالس النساء قدر الامكان
والله يوفقج .

[الماريّة]

الله يوفقكم وتحجون وترجعون سالمين غانمين لاهلكم وربعكم وناسكم


الله يجزاك خير على الدعاء

وعقبالك يارب

[الماريّة]

الله يوفقج يارب ويكتبها لج ان شاء الله

انا اخذت صابون وشامبو بزيت الزيتون من الجمعيات ، ومزيل العرق اخذت من الشايع مش معطر ، واخذت جلابيب وشيل خفيفة بدون اي نوعمن التطريز لا خفيف ولا ثقيل ، واخذ القبعات اللي تحت الشيلة حتى تثبت الشيلة ، واهم شي اخذي لج صراويل قطن تنفعج وايد . واخذت لي لحاف لانه في منى كان وايد برد على وقتنا بشهر واحد كان الحج.، بالنسبة للخمار لاني ماكنت منقبة ولا متغشية فكنت اشوف الناس تسدل يعني تقط الخمار من راسها لين صدرها وقالوا المشايخ مافيها شي لو صاد الويه ، وكنت اشوف بعد ناس تحط كبوس بارز وتقط الشيلة وبالتالي ماكان يصيد الويه ، ووديت معاي جلابيات خفيفة مع ايلال الصلاة عشان صلاتنا في السكن ؛ووديت ملافع ملونة لقعدتنا في السكن للغدا او العشا او الفطور عشان مالبس العباية، ووديت شامبو وصابون معطر وعطر خفيف عشان السبوح بعد طواف الافاضة ومقص عشان نتحلل التحلل الاصغر وجلابية عيد حليوة عشان قعدتنا ويا خواتنا في السكن ظهرية العيد والحمد لله الامور سهالات ،تذكرتودي معاج هاند باج صغيرة تحطين فيها اغراض منى وعرفة ومزدلفة اللي تحتاجينه من فرشاة ومعجون وصابون وديتول وخلافه

وياربي يكتب لج ويتقبل منج يارب*


مشكووورة فديتج ضوى

يعطيج العافية وويجزيج ربي كل خير ويطول وبعمرج
ماقصرتي

[الماريّة]

صيدليه boots
فيلاجيو .. احذى كارفور
واللاند مارك احذى .. بنك بري

امنزلين مجموعه غير معطره للحج
روعه والكل يمدح فيها

حجا مقبولا ان شاء الله


جملك الله برضاه


مشكووورة ياعمري
وصدقتي رحت لهم بعد ماعلمتني وحده من البنات
بس ماحصلت عندهم وقالت لي البايعه اذا جابوا بتكلمني

:)

[الماريّة]

ماقصروا العضوات
ونصيحتي...
استفيدي من كل لحظة ودقيقة هناك
فانها من اثمن اللحظات التي لن ترجع
وابتعدي عن مجالس النساء قدر الامكان
والله يوفقج .

ابشري فديتج

ومشكوووووووووورة على النصيحه الثمينه
:)

والله يرضى عليج ويرزقج الفردوس

[Miss]

الله يتقبل منا ومنج يا رب
بالنسبه للصابون وغيره ما قصروا البنات
مممممم اهم شي لافام الديتول لازم تاخذين لج كميات منه لانج بتحتاجيه في عرفه وفي منى
اخذي فااينات واخذي السائل ..
بالنسبه للخمار والغشوه عاادي تصيد الوجه بس الممنوع الربط مثل النقاب والبرقع وخلافه ..
انا كنت البس الشيله واغطي ويهي بها وعقب اخذ شيله قطعتها متينه شوي والبسها نفس الشيله بدون ما اغطي بها ويهي عشان اضمن انها ما تطيح كللش .. يعني بالشيله غطي ويهج وبالثانيه البسيها نفس الشيله عشان ما تحرك الشيله كلش ..
العبايه لا تخلينها طويله خليها لين اللوزه عشان محد يدوسهاا .. الجوارب السودا اخذي كميات منها لانها بتتقطع من المشي .. النعل وانتوا بكرامه اخذي الخفيفه واخذي طبيه عشان ما تتعبين
اخذي لج شنط يد صغيره لانج بتحطين فيها اغراضج وقت الروحه لعرفه ومنى
واذا تذكرت شي برجع لج هنيه :)
الله يوووفقج

[Amal_QTR]

الله يوفقك و يسهل عليك و يتقبل طاعتك
حبيت ازيد عليهم تاخذين الادويه اللي تحتاجينها مثل بندول و فايتمين سي و دواء الكحه
احنا كنا نلف في قطعه قماش شبه و سويده و نشمهم وقت الزحمه والله كانه مضاد حيوي .. و حمدلله ما مرضنا .. و في تجمعات الزحمه نلبس كمامات لان من الزحمه و كلن يعطس في وجهك الا تلقطين شي
و انصحك اذا عندك اي باد ولا اي جهاز الكتروني نزلي عليه برنامج القران و برامج المناسك و الادعيه
العبايه المسكره .. الله يعزك جوتي رياضه ابو لزقه علشان سهل يلبس .. نعال .. دلاقات .. كثري البجامات ..
و في الاخير انصحج تودين معاج شنطه صغيره فيها حلويات و بسكوتات لان انا ما عجبني الاكل و صرت عايشه على الاشياء اللي جبتها من قطر

لا تنسينا من دعائك

[بصمة قطرية]

الله يسهل لج و يتمم لج على خير يارب ..
و يرزق كل من يتمنى ..
ماشاء الله ما قصروا الاعضاء والعضوات ..

اخذي مني هالنصيحة ..
مري اي محل عطار ..
واخذي من عنده ( المُره )
و نقعيها في غرشة ماي صحة صغيره و شربيها على طول
لو رشفة كل مره ..
حاولي تداومين عليها ..
مضاد حيوي طبيعي .
ما تصدقين اذا قلت لج انا مناعتي معدومة و اتعادى بسرعة
اللهم لك الحمد والشكر داومت على المره في الحج
والحمدلله ما مرضت كل اللي معاي طاحوا علينا صخونة واحتقان ..

[الماريّة]

الله يتقبل منا ومنج يا رب
بالنسبه للصابون وغيره ما قصروا البنات
مممممم اهم شي لافام الديتول لازم تاخذين لج كميات منه لانج بتحتاجيه في عرفه وفي منى
اخذي فااينات واخذي السائل ..
بالنسبه للخمار والغشوه عاادي تصيد الوجه بس الممنوع الربط مثل النقاب والبرقع وخلافه ..
انا كنت البس الشيله واغطي ويهي بها وعقب اخذ شيله قطعتها متينه شوي والبسها نفس الشيله بدون ما اغطي بها ويهي عشان اضمن انها ما تطيح كللش .. يعني بالشيله غطي ويهج وبالثانيه البسيها نفس الشيله عشان ما تحرك الشيله كلش ..
العبايه لا تخلينها طويله خليها لين اللوزه عشان محد يدوسهاا .. الجوارب السودا اخذي كميات منها لانها بتتقطع من المشي .. النعل وانتوا بكرامه اخذي الخفيفه واخذي طبيه عشان ما تتعبين اخذي لج شنط يد صغيره لانج بتحطين فيها اغراضج وقت الروحه لعرفه ومنى
واذا تذكرت شي برجع لج هنيه :)
الله يوووفقج


مشكووورة مشكووورة فديتج اختي ميس

ربي يجزيج كل خير والله نفعني ردج وايد وان شاء الله بسوي الي قلتي عليه


ماتهونين فديتج :)

[الماريّة]

الله يوفقك و يسهل عليك و يتقبل طاعتك
حبيت ازيد عليهم تاخذين الادويه اللي تحتاجينها مثل بندول و فايتمين سي و دواء الكحه
احنا كنا نلف في قطعه قماش شبه و سويده و نشمهم وقت الزحمه والله كانه مضاد حيوي .. و حمدلله ما مرضنا .. و في تجمعات الزحمه نلبس كمامات لان من الزحمه و كلن يعطس في وجهك الا تلقطين شي
و انصحك اذا عندك اي باد ولا اي جهاز الكتروني نزلي عليه برنامج القران و برامج المناسك و الادعيه
العبايه المسكره .. الله يعزك جوتي رياضه ابو لزقه علشان سهل يلبس .. نعال .. دلاقات .. كثري البجامات ..
و في الاخير انصحج تودين معاج شنطه صغيره فيها حلويات و بسكوتات لان انا ما عجبني الاكل و صرت عايشه على الاشياء اللي جبتها من قطر

لا تنسينا من دعائك


مشكوووورة فديتج وسالفه المره والشبه والسويده اي قالت لي وحده من عجايزنا

تسلمين يالغاليه ولاهنتي على تعاونج معاي :)

[عاشق الشهادة]

حجا مبرورا اختي مقدماً ,
والفال حق الي في بالي



وهذه هديه متواضعه مدام انج نوييتي تحجين اختي,,
http://www.hajjmabror.com (http://www.hajjmabror.com/)

[بوحارب]

الله يوفقج ولاتنسينا من دعائج :)


ماعندي الا نصيحة وحده بس ( اخلصي النية لله )

[]ام جاسم[]

انا هم احب اشكركم لاني استدفدت من معلوماتكم خاصه اني بعد اول مره بحج الله يتقبل منا حجنا ومن كل المسلمين

[]ام جاسم[]

لافام فاتال اختي اي حمله ان شالله

[الماريّة]

الله يسهل لج و يتمم لج على خير يارب ..
و يرزق كل من يتمنى ..
ماشاء الله ما قصروا الاعضاء والعضوات ..

اخذي مني هالنصيحة ..
مري اي محل عطار ..
واخذي من عنده ( المُره )
و نقعيها في غرشة ماي صحة صغيره و شربيها على طول
لو رشفة كل مره ..حاولي تداومين عليها ..
مضاد حيوي طبيعي .
ما تصدقين اذا قلت لج انا مناعتي معدومة و اتعادى بسرعة
اللهم لك الحمد والشكر داومت على المره في الحج
والحمدلله ما مرضت كل اللي معاي طاحوا علينا صخونة واحتقان ..



ابشري فديتج وان شاء الله باخذ بنصايحج الغاليه

تسلمين ياعمري وماقصرتي وجعل ربي يجزيج كل خير

:)

[الماريّة]

حجا مبرورا اختي مقدماً ,
والفال حق الي في بالي



وهذه هديه متواضعه مدام انج نوييتي تحجين اختي,,
http://www.hajjmabror.com (http://www.hajjmabror.com/)


مشــكور اخوي عاشق الشهاده

والله يرزقك الشهاده يارب ويرزقك الفردوس الاعلى

بصراحه حلو الرابط الي حطيته جدا جدا رائع وبيفدني واجد

ربي يطول بعمرك الشيخ :)

[الماريّة]

الله يوفقج ولاتنسينا من دعائج :)


ماعندي الا نصيحة وحده بس ( اخلصي النية لله )


ووفقك اخوي

وان شاء الله بدعو لكم كلكم بالخير والحج

ومشكور الشيخ الله يطول بعمرك على دعائك لي

:)

[missperfect]

الله يتمم لنا الحج هالسنه ياااااارب
مع اي حمله بتروحين؟؟

[غرِيبهـ]

سلام عليكم

البنات كفو ووفو

انصحك تاخذين بطارية زيادة للجوال وتشحنينها لان في منى بتحتاجينها وفي عرفة

الله يثبتك على طاعته ويسر لكم حجكم ياارب

[سهم سهم]

الله يكتب لج الحج ان شاء الله

ويسهل كل الامور

ذكرتيني العام هالحزه كنت اتنافض لما يذكر على اني بروح الحج

بس الحمد لله رحت ورجعت واستانست واااايد وخاطري بعد اروح

احساس حلو في الحج وحلقات الذكر بعد كل صلاه وروحاتنا للمشاعر وجياتنا لها طعم حلو

وتعرفت على ناس وايد

واهم شي ودي معاج مره ونقعيها في غرشة ماي وغسلي بها اليد والانف فقط بيكون معطهر طبيعي

والحمد لله جميع الحملات بتوفر كلم كل شي حتي الجمرات بيجيبونها لكم ومصاحف ومساويك وكل شي

واهم شي تبتعدين من مجالس السوالف الي ما منها فايده والحش والنميمه

ونصيحه اختي يوم عرفه اول ما اتروحون المكان تذكرين وتدعين وتقرين قران لين مغيب الشمس وتكونين

لحالج وتبتعدين عن كل البشر لانه يوم عظيم جدا جدا ولا تنسيناااااا بالدعاء

والله اييسرلج الحج

ووييسر لكل من اراد حج بيت الله

[الماريّة]

ام جاسم[;7694365']انا هم احب اشكركم لاني استدفدت من معلوماتكم خاصه اني بعد اول مره بحج الله يتقبل منا حجنا ومن كل المسلمين


الحمدالله الي استفدتي اختي

والله يتمم لج ولي ولكل من ناوي يحج ويرزق

كل شخص يبي يحج يارب :)

[الماريّة]

الله يتمم لنا الحج هالسنه ياااااارب
مع اي حمله بتروحين؟؟

رديت عليج :)

[الماريّة]

سلام عليكم

البنات كفو ووفو

انصحك تاخذين بطارية زيادة للجوال وتشحنينها لان في منى بتحتاجينها وفي عرفة

الله يثبتك على طاعته ويسر لكم حجكم ياارب


ايه زين ذكرتيني الله يذكرج بالشهاده

اي والله ما جا على بالي هالشي تسلمين يالغاليه على التذكير :)

[sara_qatar]

شوفي فديتج اهم شي حطي في بالج انه رايحه عباده مب سياحه - انا رحت العام كانوا يقولون لي ودي معاج ملابس شتويه وملابس وايد ماراح تقدرين تغسلين راح تلبسين وترمين - هاي كله كلام فاضي- اهم شي ودي عبايات ساده مسكرين - وكاب اللي ينلبس تحت الشيله وكم شيله ساده - وبجاماتج وكم جلابيه وملابس داخليه - واخذي لج جلابيه حلو حق اول يوم -فلاتات -شبشب -
دلاغات - بعد رمي الجمره الاولى الكل يبدا يبارك بالعيد ويتكشخون - واداوتج الشخصيه بدون معطرات من الصيديليه - وترى مكه شهر 11 حرررررر - وشمس خلي ملابسج خفيفه - الله يكتب لي وللجميع بالحج مره ثانيه -

[حقيقه]

الحمله اتوفر لكم كل شيء تحتاجونه بس بعد لازم تاخذين احتياط بعض الشغلات

البرد بس في منى وقت الفجر واخر الليل

اهم شيء ملابس خفيفه مريحه واخذي جوتي رياضه حق منى

والشيله تكون خفيفه ومب من النوع اللي يطيح يعني دوري النوع الثابت
وفيه دانتيل خفيف وحلو ومب حار تحصلينه في سوق فالح تلبسينه
بدل القبعه اللي ساعات تكون قماشها ثقيل ويعور الراس بالربط

اذا العباه وسيعه وانتي ضعيفه مب شرط الخمار

واحسن شيء تبلسين تحت العباه بجامه او بنطلون
مريح تحملي من اللي يسوي كهرب للعباه وتلزق عليتس
ونظاره شمسيه
لاتلبسين بجامه كم طويل او لبس كمه طويل بيضايق خصوصا في الطواف والسعي
ويكون اللبس من عباه وغيره قصير وساتر عشان تقدرين تحركين بحريه وخفه
واخذي جلابيه اذا ماتحبين ترقدين بالبجامه قدام الحريم لانه بتكونون في مخيم كبير مع بعض

والشنطه الجانبيه اللي بتاخذينها معاتس في الطواف والسعي تكون خفيفه وصغيره تحتاجين معقم فيها وكلنكس وعلكه او حلوى يمكن تتعبين
وعدة النظافه من ديتول بخاخ وكمامات ومناديل الديتول والديتول السائل لانه حمامات منى تكون مب نظيفه من كثر الناس

وتحتاجين علاج لاحتقان البلاعيم وقطره للانف
في منى لانه يمكن يصيدك برد

وفي عرفه بيكون وقت الظهر حر والشمس قويه اهم شيء البسي شيء مريح عشان ماتحسسين

واهم شيء الكمامات لانه الريحه اعوذ بالله تسبب دوخه ولوعه

لاتنسين كشخة العيد


:nice:
والله يتقبل من الجميع بأذنه
وترجعون سالمين
ادعيلنا

[طموحي عالي]

ربي يتمم عليج حجتج

[missperfect]

http://www.naqatube.com/view_video.php?viewkey=5bb7fd0432f697bb08d9


http://www.islamweb.net/hajjflash/index.htm

[الماريّة]

مشكووووووووووووووورين كلكم

يعطيكم العافية على نصايحكم افدتوني وايد

[missperfect]

برنامج مجاني لمناسك الحج*
وهذا الرابط يوضح اماكن المناسك

http://hajjmabror.com/list/10
--------------------------

http://www.************/watch?v=1Te0h26BmHo&feature=youtube_gdata_player
طريقة الحج كامله وحجنا راح يكون تمتع
---------------------------
الحج المصور
فلااااش روعه بخطوات الحج بطريقه سهله

http://www.islamweb.net/hajjflash/index.htm
----------------------

‏​للحجاج :‬*
كتيب الحج من اسلام ويب ، نسخة *للهواتف النقالة‬ *
*PDF
*
فيه *( ملخص صفة الحج ، فتاوى مختارة في أحكام الحج ، أدعية السفر *الحج)
*
<http://www.islamweb.net/ahajj/Hajj_Final.pdf>
*

للتنقل بين الصفحات في البلاك بيري القديم اضغط منيو ثم*
*Next page

انشر حتي تصل للحجاج...

[بوحارب]

لاتنسين عدة الكرك :unsure:

[الماريّة]

برنامج مجاني لمناسك الحج*
وهذا الرابط يوضح اماكن المناسك

http://hajjmabror.com/list/10
--------------------------

http://www.************/watch?v=1te0h26bmho&feature=youtube_gdata_player
طريقة الحج كامله وحجنا راح يكون تمتع
---------------------------
الحج المصور
فلااااش روعه بخطوات الحج بطريقه سهله

http://www.islamweb.net/hajjflash/index.htm
----------------------

‏​للحجاج :‬*
كتيب الحج من اسلام ويب ، نسخة *للهواتف النقالة‬ *
*pdf
*
فيه *( ملخص صفة الحج ، فتاوى مختارة في أحكام الحج ، أدعية السفر *الحج)
*
<http://www.islamweb.net/ahajj/hajj_final.pdf>
*

للتنقل بين الصفحات في البلاك بيري القديم اضغط منيو ثم*
*next page

انشر حتي تصل للحجاج...


مشكووور مشكووووورة فديتج على الروابط المفيده

والله يسعدج دنيا واخره

:)


وترى مركز موزة بنت محمد مسوين معرض هلايام حاطين مجسمات الحج كامله

مكه وعرفه والجمرات والسعي ومقام ابراهيم ويعلمونا

الي حاب يروح ويستفيد

وفيه وقت لنساءء من 5 لين 7ونص

ولرجال من 8 لين 10

:)

[الماريّة]

لاتنسين عدة الكرك :unsure:

ان شاء الله مب محتاجته

مابي اتعود عليه ويعورني راسي :)