هل الي ياخذ بيت جاهزعن طريق بنك التنمبة تروح ارضه

[خشوف]

:(

انا زوجي من المفروض تطلع ارضه من زماااان بس الي ماعنده واسطه ضايع حقه بقطر

قررنا ندور على البيوت ونشتري بيت وندخله على بنك التنميه لقينا البيت المطلوب وقررنا نشتريه بس سؤالي اذا شرينا البيت هل بتروح ارضنا الي للحين ما اطلعت او الا

لانه حنا نبغي نسكن مؤقت الى ان تتطلع ارضنا ونبنيها على راحتنا

[R 7 A L]

الى اذكرة
ان الى يشتري بيت او أرض يعوضونه بمبلغ مالي من غير لايكون له أرض في المستقبل

تقدرين تسجلين البيت الى بتشترونه بأسمك وخلي معاملة زوجك مثل ماهي لين ربي يفرجها

[سيف الحرية]

تأكدي عدل قبل الندم

[مستجدة]

الى اذكرة
ان الى يشتري بيت او أرض يعوضونه بمبلغ مالي من غير لايكون له أرض في المستقبل

تقدرين تسجلين البيت الى بتشترونه بأسمك وخلي معاملة زوجك مثل ماهي لين ربي يفرجها




صح كلام اخوي رحال :nice:

[doha70999]

اللي اعرفه انه بيكون في تعويض مالي على الارض


بالتوفيق

[متداول عالمي]

اللي اعرفه انه بيكون في تعويض مالي على الارض


بالتوفيق

يا اخوي التعويض المالي قيمة 800 الف بس بشرط تجيب ارض مساحتها الف متر واذا قلت المساحه قل المبلغ


حسبي الله على ادارة الاراضي الي تماطل الناس في حقوقهم

[قطر دزاين]

اختي فيه تعويض اذا انتو شريتو الارض بس ترى بتشترون الارض غاليه وتعويض بيكون اقل من قيمه الارض

وفيه ناس وايد في لسته مو هين العدد بالالف وهذا كلام واحد شغال في الاراضي يعني السالفه مطوله

والله يفرجها عليكم ان شاء الله

[بطل الفريج]

قولي حق زوجك يشتري بيت عن طريق البنك احسن ( علشان كل يوم عندهم قانون جديد )

[خشوف]

يعني عادي يشتري بيت والارض ينتظرها لين تنزل ؟؟

[قطر دزاين]

اشتري بيت اختي ترى بطولون في الانتظار

[خشوف]

الارض مارح تروح اذا شرا البيت ؟؟ هو يبغي الارض يبينها عللى كيفه

اخاف نشتري البيت وتروح علينا الارض

[: بوحمود :]

الارض مارح تروح اذا شرا البيت ؟؟ هو يبغي الارض يبينها عللى كيفه

اخاف نشتري البيت وتروح علينا الارض

اذا شرا البيت ودخله على نظام الاسكان عطوه مليون وميتين وبالطريقه هذي يعتبر مستفيد من نظام الاسكان وتروح عليه الارض بس اذا شرا ولا خذا المبلغ المذكور يستحق الارض والقرض

[خليفـة]

السلام عليكم

حسب علمي ان الي يشتري بيت جاهز ويدخله على بنك التنمية ماله أرض مستقبلاً
وذلك لسبب بسيط جداً :
لان لو خذت المليون وميتين .. اسمي بيكون مسجل كمنتفع بقرض الأسكان
وانتهى الأمر
الأرض تصرف لغير المنتفعين فقط .

اما مسألة البدل .. اعتقد والله اعلم ان هناك شروط يجب توفرها لصرف البدل
كاحضار ارض اخرى بديلة عن ارض الدولة وبشروط ومساحة معينة

انا من رايي اختي خشوف .. لو لقيتوا بيت جاهز وبمواصفات طيبة
تتوكلون على الله وتشترون وخلاص
لان الانتظار لأرض الدولة بياخذ وقت طويل للأسف .. وما يندرى وين بيكون مكانها
وفوق هذا كله :
مؤشر اسعار مواد المقاولات .. في ارتفاع متواصل

واخيراً
الاستخارة خير عمل في مثل هذه الأمور


خليفـــة
:)

[صفقه]

طيب واللي عطوه ارض بس مايبي يبني ويبي يشتري بيت جاهز بقيمة القرض .. يقدر ولا لا ؟؟؟
ولا بياخذون منه الأرض بعد ؟؟

[كراج فورملا1]

يالربع أنا سمعت فيه توزيع اراضي اخر الشهر

[خشوف]

طيب بس المليون و200من بنك التنمية الي نبيها باقي الفلوس ندفعها من جيبنا

مانبي تعويض الارض نبي الارض تتطلع لنا نبي نبني بتينا على راحتنا

[مضارب دوسري]

الى اذكرة
ان الى يشتري بيت او أرض يعوضونه بمبلغ مالي من غير لايكون له أرض في المستقبل

تقدرين تسجلين البيت الى بتشترونه بأسمك وخلي معاملة زوجك مثل ماهي لين ربي يفرجها

شلون تسجله باسمها اخوي ؟
اصلا البنك ماراح يدفع الا لزوجها
وزوجها بعد مايشتري البيت ماراح يقدر ينقله باسم زوجته لان باختصار البيت بيكون مرهووون للبنك

[بوالبيض]

ما له ارض رحال كلامه صحيح بس عاد تحملي تاخذين اليبت عن ريلج وتبعينه ههههه
موفقه خشوف

[حمد بن سعد]

حسبي الله ونعم الوكيل
حسبي الله ونعم الوكيل
حسبي الله ونعم الوكيل

[بوحمد1]

طيب واللي عطوه ارض بس مايبي يبني ويبي يشتري بيت جاهز بقيمة القرض .. يقدر ولا لا ؟؟؟
ولا بياخذون منه الأرض بعد ؟؟


سؤال مهم اتمنى الاجابه الشافية

[خشوف]

يعني ادور ايجار ابرك؟؟

[مضارب دوسري]

اختي خشوف
البيوت الحين في متناول اليد
بعد كم سنه
بيكون صعبه تلقين لج مسكن
كل شي بيطير
كل ما يقترب كاس العالم بترتفع الاسعار

واوردي بدت الزياده في كم صنف من مواد البناء
وهذا يرفع اسعار العقارات

انا اشوف تصلون استخاره انتي وزوجج
وبعدها تقررون

[بوعمير]

تقدرين تشتري بيت عن طريق بنك التنتمية مع الاحتفاظ بالارض في حالة :

أولاً: تكون الارض مملوكة لشخص وفي حوزتة وقت شراء البيت.
ثانياً: تقديم طلب إلى الجهه الاختصاص موضحاً فيها رغبة شراء هذه الارض من الدولة، مع الانتفاع بقرض الاسكان المقدم للمستفيد وذلك لشراء بيت جاهز للسكن.

ويمكنك الاتصال ببنك التنمية وسؤال عيسى الكواري المسؤل عن مثل هذه الامور.

وموفقة خير.

[خشوف]

تقدرين تشتري بيت عن طريق بنك التنتمية مع الاحتفاظ بالارض في حالة :

أولاً: تكون الارض مملوكة لشخص وفي حوزتة وقت شراء البيت.
ثانياً: تقديم طلب إلى الجهه الاختصاص موضحاً فيها رغبة شراء هذه الارض من الدولة، مع الانتفاع بقرض الاسكان المقدم للمستفيد وذلك لشراء بيت جاهز للسكن.

ويمكنك الاتصال ببنك التنمية وسؤال عيسى الكواري المسؤل عن مثل هذه الامور.

وموفقة خير.

عندك رقم عيسى الكواري المكتب

[زمان]

اختي شوفي القانون رقم (2) لسنة 2007 بنظام الأسكان

في المادة (3)
استثناء من الأحكام المنصوص عليها في المادة السابقة ، يجوز منح المنتفع المبلغ المخصص لشراء الأرض ، وقرض الإسكان ، في حالة قيامه بتوفير مسكن أو وحدة سكنية ، وذلك وفقاً للقواعد والإجراءات التي يصدر بها قرار من مجلس الوزراء ، بناءً على اقتراح الوزير .


وقرار مجلس الوزراء رقم 4 لسنة 2008 بقواعد وإجراءات منح المنتفع بنظام الإسكان المبلغ لشراء الأرض وقرض
ينص صراحه في المادة (2)
يجوز منح المنتفع بنظام الإسكان المبلغ المخصص لشراء الأرض ،وقرض الإسكان في حالة قيامه بتوفير مسكن أو وحدة سكنية وذلك وفقاً للشروط الواردة بهذا القرار.