شحنات ارامكس و dhl محجوزه بالجمارك!!

[NeverLand]

السلام عليكم ورحمة الله وبركاته

اليوم كنت عند ارامكس عشان اسأل عن الشحنات اللي طلبتها من الانترنت بما اني مدمن تسوق من النت .. هالشحنات صار لها فوق الاربعة ايام واصله الدوحه .. لكن ارامكس مو قادرين يسلمونها لي لان الجمارك حاجز عليها مع طلبات كل الناس اللي يتعاملون معاهم .. ومو ارامكس بس .. حتى شركة الدي اتش ال!!

والسبب حسب كلام الموظفه بأرامكس هو لان الجمارك راح يصدر قانون جديد .. وماراح يفرجون عن اغراض الناس اللي طالبينها سواء عن طريق ارامكس او دي اتش ال الا بعد ما حضرت هالقرار الشيخ يطلع!! .. يعني صج شي يقهر .. فرضاً كنت طالب شوكولاته .. اخليها عند الشيوخ بالجمارك لين ماتخيس مثلاً وبعدين يتكرمون ويفرجون عنها؟!! .. مايصير هالقرار يطلع من غير لايحجزون اغراضنا؟؟

حبيت اعرف بس اذا في احد معانا شغال بالجمارك شسالفة اغراض الناس اللي طالبينها عن طريق أرامكس ودي اتش ال واللي مازالت محجوزه من ايام عندهم .. اسمحولي اذا الموضوع مكانه غلط او مكتوب بطريقه مو واضحه بس لاني مقهور الصراحه :rolleyes2:

[الموضوعي]

الجمارك القطرية من اذكى المؤسسات الحكومية في التاريخ فلا تقلق

[الألماسي]

من اسبوع تقريباً ارسلت غرض للكويت عن طريق الدي اتش ال . . قالولي بالمكتب ياخذ يومين عمل
المهم الغرض ما وصل الا عقب اسبوع للكويت و تم بجمارك الكويت 3 ايام عمل و الشحنه راحت عن طريق البحرين و . . و . . و . . الخ

عقب ما سويت تراك طلع لا يومين و لا شئ . .

[بولينجر]

حاس بقهرك.... بانتظار توضيح المختصين....

[وتبقى الدنيا حلوه]

اول مره اسمع هالشي

ليش انزين يحجزونها اذا مشتبهين بشي يشيكون عليه

مب يعطلون كل شي والا يمكن صايدين شي و مشددين الاجراءات الامنيه

[20qatar22]

اسمح لي اخوي.. كلامك مب صحيح..
اتبع التعليمات المطلوبه منك لاستلام الطرد وامورك بتكون فالسليم..
مافي اي بضاعه محجوزه والجمارك بتنطر الين تخيس او تخترب..

وسلامتك

[NeverLand]

الجمارك القطرية من اذكى المؤسسات الحكومية في التاريخ فلا تقلق

والنعم فيهم بس يعني عطني سبب عشان ما اقلق :( الشحنه صار لها اربعة ايام متنقعه عندهم مع شحنات الناس كلها بأرامكس :(

[NeverLand]

من اسبوع تقريباً ارسلت غرض للكويت عن طريق الدي اتش ال . . قالولي بالمكتب ياخذ يومين عمل
المهم الغرض ما وصل الا عقب اسبوع للكويت و تم بجمارك الكويت 3 ايام عمل و الشحنه راحت عن طريق البحرين و . . و . . و . . الخ

عقب ما سويت تراك طلع لا يومين و لا شئ . .

انا بعد من اسبوع ارسلت شحنه للسعوديه ووصلت بوقتها عن طريق دي اتش ال .. ومن اسبوع رحت استلم شحنه من ارامكس كنت طالبها من موقع ايباي واستلمتها بدون مشاكل ..

بس هالمشكله اول مره تصير معاي .. بصفحة التتبع على ارامكس شحنتي مكتوب انها واصله الدوحه من 4 ايام تقريبا .. لكنها بالجمارك!! .. والارامكس لما كلمتهم قالوا كل شحنات الناس موقفه من الجمارك والجمارك مو راضي يقولنا اي تفاصيل ثانيه غير ان في قانون جديد بيطلع!!!

انزين ومصالح الناس؟ في ناس طالبه اشياء ماتتحمل اي تأخير بتسليمها!! .. مايصير هالقانون يطلع من غير هالعفسه كلها؟

[NeverLand]

حاس بقهرك.... بانتظار توضيح المختصين....

اي والله منقهر عالاخر اخوي :( .. مالنا غير توضيح المختصين!!

[NeverLand]

اول مره اسمع هالشي

ليش انزين يحجزونها اذا مشتبهين بشي يشيكون عليه

مب يعطلون كل شي والا يمكن صايدين شي و مشددين الاجراءات الامنيه


هاي اللي قاهرني بالموضوع .. والمشكله مب يوم ولا يومين موقفينهم .. شوي ويكملون اسبوع!!

[NeverLand]

اسمح لي اخوي.. كلامك مب صحيح..
اتبع التعليمات المطلوبه منك لاستلام الطرد وامورك بتكون فالسليم..
مافي اي بضاعه محجوزه والجمارك بتنطر الين تخيس او تخترب..

وسلامتك

شلون يعني كلامي مب صحيح :eek5: .. شككتني بقواي العقليه :secret: .. الامس واليوم كل ما اتصل بارامكس يقولون لي الشحنات كلها محجوزه بالجمارك .. مو شحناتي انا بس .. وبعدين اي تعليمات هذي اللي اتبعها اخوي؟ .. مادري حسستني اني اول مره اطلب شي بحياتي :(

[الزلزال]

الله يكون في عنوك
انا نفس الشي طالب كوتينر
وحجزوه لين حضره المخلص يخلصه
مأساه الجمارك

[الجوهره 2012]

وي الله يعينكم

و يعين ناس اعرفهم بيموتون اللحين مساكين ههههههههههههآي

[fhd4]

Shop&Ship Update - Shipment Delivery will be Delayed due Pending Customs' Clearance


وأنا مثلك تماما ...

الأغراض وصلت الدوحة يوم الخميس ... وأرامكس لا حول لهم ولا قوة ... الجمارك مطلعين قوانين جديدة ما يندرى وش هي ... وملعوزين العالم ومعطلين مصالح الناس ... إن شاء الله ما يطلعون قرارات تخرب على خدمة أرامكس ...

الله يعين بس ...

[بوNasser]

اسمح لي اخوي.. كلامك مب صحيح..
اتبع التعليمات المطلوبه منك لاستلام الطرد وامورك بتكون فالسليم..
مافي اي بضاعه محجوزه والجمارك بتنطر الين تخيس او تخترب..

وسلامتك


لا للأسف الكلام صحيح

انا عندي اغراض طالبها من امازون عن طريق ارامكس، ووصلت الدوحة يوم الخميس الظهر بتاريخ 26/1/2012 وعادة استلمها في نفس اليوم الا هالمرة لين الحين ما استلمت شي

والأغراض عبارة عن هارد دسك يعني ما فيها شي يخضع للحجز او التفتيش!!!!

وجاني من ارامكس هذا المسج

" Shipment Delivery will be Delayed due Pending Customs' Clearance. "

والمعنى " سيتأخر تسليم الارسالية بسبب انتظار التخليص الجمركي. "
تحياتي للجميع

[airbus]

والله ادا الجمارك بتطلع قانون تمنع الاغراض الي نشتريها من النت او بيزيدوا السعر كلها على شان الهوامير نشتري اغراضهم الي موجود في الدوحه الي سعرها اكتر من الدبل والله مشكلة الصراحة انا كويس دخلت الحين على موضوعك كنت باخد تلفزيون ٦٥ بوصة والله بصبر لن نشوف شنوا السالفة

[doha_vip]

السلام عليكم ورحمة الله وبركاته

اليوم كنت عند ارامكس عشان اسأل عن الشحنات اللي طلبتها من الانترنت بما اني مدمن تسوق من النت .. هالشحنات صار لها فوق الاربعة ايام واصله الدوحه .. لكن ارامكس مو قادرين يسلمونها لي لان الجمارك حاجز عليها مع طلبات كل الناس اللي يتعاملون معاهم .. ومو ارامكس بس .. حتى شركة الدي اتش ال!!

والسبب حسب كلام الموظفه بأرامكس هو لان الجمارك راح يصدر قانون جديد .. وماراح يفرجون عن اغراض الناس اللي طالبينها سواء عن طريق ارامكس او دي اتش ال الا بعد ما حضرت هالقرار يطلع!! .. يعني صج شي يقهر .. فرضاً كنت طالب شوكولاته .. اخليها عند الشيوخ بالجمارك لين ماتخيس مثلاً وبعدين يتكرمون يفرجون عنها؟!! .. مايصير هالقرار يطلع من غير لايحجزون اغراضنا؟؟

حبيت اعرف بس اذا في احد معانا شغال بالجمارك شسالفة اغراض الناس اللي طالبينها عن طريق أرامكس ودي اتش ال واللي مازالت محجوزه من ايام عندهم .. اسمحولي اذا الموضوع مكانه غلط او مكتوب بطريقه مو واضحه بس لاني مقهور الصراحه :rolleyes2:


الله يعينك ويعينا معاك .. انا مثلك اخوي الخميس وصل لي غرض .. ونفس الشي يقولون محجوز عند الجمارك .. وطلبو مني ارسال صوره من البطاقة الشخصية .. ولي الحين ماتغير شي .. والمشكله اني بعد يومين مسافر .. عطلونه وعطلو مصالحنا :anger1:

[شميرام]

فدكس معهم??
طالبه اشياء ابغيهم يطرشنها لي اقولهم يطرشونها ولا وأي شركه اختار

[فيصـــل]

نفس المشكلة اللي حاصله معاك حاصله معي

طلبتلي معدات عن طريق ارامكس وهي الحين محجوزة فالجمارك

وقالي موظف ارامكس جيب لنا صورة من بطاقتك الشخصيه وامورك بتتيسر

بس المشكلة عيزان امرهم:rolleyes2:

فودلهم صورة من بطاقتك الشخصيه وشوف وشيصير معاك

[الخيالة]

وييييييي كنت ابي اطلب عيل مابطلب الحين عاد كنت بطلب شنط واكسسوارات ولييييييه مب حاله

[NeverLand]

حتى انتو ارامكس اطلبوا منكم صور من بطاقاتكم الشخصيه؟ حشا وين قاعدين!!! شهالتعقيدات؟! .. قالولي ارسل صوره عن بطاقتك الشخصيه عشان نخلصك بسرعه عن طريق الايميل .. بس مالي خلق اروح واسوي سكانر وسالفه .. وبعدين اخبر عندهم صوره من بطاقاتنا الشخصيه اول ماسجلنا عندهم .. ليش بعد يبون صوره ثانيه الحين؟!

الله يغربل ابليس اللي كان السبب .. لعووووزنا :(

[نتفـه]

صج قهر على جذي ما بطلب شي لين ينفك الحصار !!!!!!!!!!!!!!

[الزعفراني]

اخوي متى هالكلام لان انا واصلتني شحنة على حسابي في ارامكس يوم الثلاثاء اللي طاف 24 يناير واستلمتها يوم الخميس 26 الشهر

[M.Alkhater]

السالفه ومافيها قانون جديد في الجمارك

عشان يعرفون الأغراض واصله حق فلان بن فلان وهو طالب 20 شيء ومب استخدام شخصي ..

يعني حق اللي يبيعون بالنت والبلاك بيري والخ ...

راحت عليكم ياتجار المنتدى :d

[20qatar22]

سلامتك عقلك اخوي.. نفس ماقلت لك قبل اشوي اتبع التعليمات الصحيحه او المطلوبه منك لاستلام الطرد ومافي شي بيتأخر..
الكسل اخواني مب زين ..

المطلوب منكم بس بس بس بس بس بس بطاقتكم الشخصيه ..
وماتسوى عليك هل بالبله

[20qatar22]

السالفه ومافيها ان الطرود الشخصيه قبل تسلم لصاحبها ومن ثم يحضرون صورة من بطاقته.. اما الان العكس لا تسلم الطرود الشخصيه الا بصوره من بطاقة صاحب الطرد..

شدوووا حيلكم يا اخوان وكل واحد ياخذ بطاقته ويروح يستلم اغراضه خلال ربع ساعه..

الجمارك مع وليس ضد..

[عايش عمره]

^^^

كل مره بطلب فيها بيطلبون البطاقه ؟؟!!! سالفه هذي

[doha_vip]

انا ارسلت البطاقه امس وماستلمت الغرض ...واليوم العصر اتصلت ارامكس وقالو لي الحين مافي اي رد من الجمارك

[20qatar22]

اذا الشركه المخلصه عندهم صوره من بطاقتك خلاص تكفي..
اما التأخير اللي صاير مب من الجمارك لان اللي اوراقه مستوفيه ومب ناقصه شي خلال دقايق تطلع .. شيك مع الشركه اخوي

[NeverLand]

^
^

اخوي انت شكلك مو فاهم شسالفه .. احنا صار لنا سنييين نطلب ونستلم طلباتنا عادي من ارامكس .. الاسبوع اللي فات واللي قلبه واللي قبل قبله طلبنا واستلمنا اغراضنا

بس بهالاسبوع بالذات كـــــــــــــــــــــــل الناس اغراضهم انحجزت بالجمارك فجأه .. ومحد قادر يستلمها .. ومحد عنده خبر حتى ارامكس نفسهم متى راح ينفك الحجز!!!

[20qatar22]

اسمح لي اذا انا مب فاهم السالفه..
بس انت مب صريح اخوي..
في بداية الموضوع كتبت ان البضاعه محجوزه لحد صدور القرارت الجديده وهذي مستحيل تصير .. وبعدين لما ردوا عليك الاخوان ان عندهم نفس مشكلتك وان المطلوب بس ارفاق بطاقتك الشخصيه رديت عليهم ان مالك خلق وسالفه..!!!!!!!!!!!
اي نعم القانون جديد وعالكل يمشي ماتطلع البضاعه الا بصوره من البطاقه الشخصيه ..
شد حيلك اخوي وسو سكانر حق بطاقتك وطرشها للشركه

[NeverLand]

لاحول ولاقوة الا بالله العلي العظيم .. اخوي ترا اللي فيني مكفيني شنو اللي مب صريح!! .. البضاعه محجوزه بالجمارك اي محجوزه والكل عنده نفس المشكله .. موضوع البطاقه الشخصيه سواء جبته لارامكس ولا ماجبته ماراح يأثر عشان جذي ما اهتميت!! ولا حسيتها نقطه مهمه لازم تنذكر!! .. حتى الموظفه قالت عالعموم حتى لو ماجبت صورة من بطاقتك الشخصيه عادي لان احنا عندنا صوره منها يوم اشتركت بارامكس .. وبعدين عبالك هالخطوه بتحل المشكله؟ .. ماهو اكثر من واحد رد بالموضوع وقال جبنالهم صوره من بطاقتنا الشخصيه وماصار شي ومازالت شحنتنا عالقه!!

عالعموم يعطيك العافيه وشكراً على اهتمامك

[20qatar22]

^_^


هد اخوي السالفه ماتسوى تحرق اعصابك..
عالعموم انا موجود في وسط الحدث واقولك مافي اي حجز لاي بضاعه بدون سبب او انتظاراً لصدور قرار جديد..
اذا في شي ممكن اساعدك اخوي حياك عالخاص

[قطريه ماركه]

كلامك صحيح اخوي انا انتظر شحنتي من هارودز و فيها تشوكليت بعد :(

و بين عندي يوم شيكت عليها انها وصلت و كلمت موظفة الدي اتش ال و قالت لي من الجمارك

و لازم ترسلين ال اي دي و ارسلته و للحين انتظر منهم اتصال ............

[doha_vip]

^_^


هد اخوي السالفه ماتسوى تحرق اعصابك..
عالعموم انا موجود في وسط الحدث واقولك مافي اي حجز لاي بضاعه بدون سبب او انتظاراً لصدور قرار جديد..
اذا في شي ممكن اساعدك اخوي حياك عالخاص


شفيك مب مصدق الرجال .. كلام الرجال صحيح واتصل اراميكس بنفسك .. وبيقولون لك ان كل الشحنات متوقفه في الجمارك .. وانا صايدتني نفس المشكله .. واذا انت وسط الحدث على ماتقول شوف شالمشكله في الجمارك

شوف الصوره للتوضيح .. وشوف تاريخ توقف الشحنه في الجمارك .. واظن الجميع توقفت شحناتهم في نفس التاريخ

http://www.m5zn.com/uploads2/2012/1/31/photo/0131121001008zej5u7w316rmqlyy1.jpg (http://www.m5zn.com)

[age]

Shop&Ship Update - Shipment Delivery will be Delayed due Pending Customs' Clearance

انا بعد عندي من اربع ايام
الجمارك هي السبب
ارمكس يمكن تغلق مثل washington movers

[موضي قطر]

اسمح لي اخوي.. كلامك مب صحيح..
اتبع التعليمات المطلوبه منك لاستلام الطرد وامورك بتكون فالسليم..
مافي اي بضاعه محجوزه والجمارك بتنطر الين تخيس او تخترب..

وسلامتك


الخبر صحيح انا بعد كنت اليوم الصبح في ارامكس بس استلمت اغراضي لأنها واصله قبل القرار بس فيه وحده محجوزة .. وسألت المصري والبنت التونسية على ماظن قالوا أن الجمارك طالبين أرقام البطقات الشخصية لأصحاب الشحنات بس ليش مايدري وينطرون التعليمات من الجمارك عن الاسباب :(

[عايش عمره]

ماشي على كل الشحنات ولا شحنات بريطانيا بعد ؟؟

[ضاحي]

ياأخوان اخذو الكلام الصحيح المشكله مو من الجمارك المشكله من شركات الشحن هي اللي معطله
مصالحكم لان لازم يكون بيان رسمي على كل شحنه للأغراض الشخصية فيها بيانات الشحنه والشخص
اللي طالبها من النت اوغيره مرفق معها صوره من بطاقته الشخصية لكن الشركات الشحن هي سبب
التأخير والتعطيل وشركة الشحن ارامكس عندها موظف اوموظفين يعبون اكثر من 500 بيان رسمي
لجميع الشحنات يوميآ لهذا السبب تتعطل الشحنات وقلة موظفيها يعملون من الساعه الواحده صباحآ
الى الواحد ظهرأ ومن الواحده ظهرآ الى الواحد صباحآ فترة راحه للموظفين لوكان هناك زياده في عدد
الموظفين في الفتره مابعد الظهر لتعبئة البيانات ( المنافيست ) ماكان اي تعطيل ولاتأخير للشحنات
وغيرها من الشركات والجمارك بريئه عن كل كلام انطرح في هذا الموضوع.

[fhd4]

^^^^
سؤال … أجل ليش المشكلة طلعت فجأة بين يوم وليلة … تونا الاسبوع الماضي استلمنا شحنات من امريكا وبريطانيا عن طريق ارامكس بدون تاخير وبدون مشاكل … وانا اتعامل مع ارامكس من سنة ٢٠٠٣ وما واجهت مشاكل مع الجمارك الا اذا كانت الشحنة تحتاج موافقة المجلس الاعلى للاتصالات

[%FTM%]

المشكلة موب بس مع الشحنات الشخصية حتى مع الموسسات
في موسسة طالبة كتب أكاديمية والكتب واصله من ذاك الاسبوع وللحين مشيرة في في الجمارك ... صراحة معاكم حق شي يحر *

[Chambray]

انا شحنت اغراض شخصيه 100% من فرنسا لعنواني في قطر
ودافع تكاليف الشحن كامله يمكن 1500 ريال في فرنسا وخالص
يوم جيت استلمها من الشحن الجوي
دفعوني القطريه 120 ريال
وقالولي لازم مخلص جمركي يخلص موضوعك ! انزين ليش انا موجود هني باخلص نفسي بنفسي
والمخلص ياخذ 80 و طوابع ب10 مادري ب 20 ريال!!
ونطره وسنداره !!!!!!!!!!
على كم غرض شخصي بسيط :(

[halcrow]

انا واحد من الاشخاص الي طلباتي متواصله من النت ودوم اتعامل من ارامكس وتفاجاءت بموضوعكم الي مطابق مع مشلكتي لاول مره تتاخر ارامكس عن تسليمي الاغراض ...... وحاولت استفسر وما وصلي توضيح. ياليت يكون في رد واضح من الجمارك وليش يطلبون متطلبات اضافيه مع ان سابقا كانت الامور ممتازه. ولا في توجه علي اغلاق التبضع من النت. لان انا واحد مستفيد من النت بشكل كبير. من قطع غيار للسيارات القديمه لحد تضبيطات البقيات وامور ماتنوجد في قطر

[20qatar22]

ياأخوان اخذو الكلام الصحيح المشكله مو من الجمارك المشكله من شركات الشحن هي اللي معطله
مصالحكم لان لازم يكون بيان رسمي على كل شحنه للأغراض الشخصية فيها بيانات الشحنه والشخص
اللي طالبها من النت اوغيره مرفق معها صوره من بطاقته الشخصية لكن الشركات الشحن هي سبب
التأخير والتعطيل وشركة الشحن ارامكس عندها موظف اوموظفين يعبون اكثر من 500 بيان رسمي
لجميع الشحنات يوميآ لهذا السبب تتعطل الشحنات وقلة موظفيها يعملون من الساعه الواحده صباحآ
الى الواحد ظهرأ ومن الواحده ظهرآ الى الواحد صباحآ فترة راحه للموظفين لوكان هناك زياده في عدد
الموظفين في الفتره مابعد الظهر لتعبئة البيانات ( المنافيست ) ماكان اي تعطيل ولاتأخير للشحنات
وغيرها من الشركات والجمارك بريئه عن كل كلام انطرح في هذا الموضوع.


يعطيك العافية اخ ضاحي عالتوضيح..

[NeverLand]

يعطيك العافيه ضاحي ..

بس مثل ماقالوا الاخوان اشمعنى الحين؟ .. ما اطلعت هالمشكله الا فجأه الاسبوع اللي فات!!! .. وين الجمارك طول هالسنين .. شنو قاعدين يسوون؟

بصراحه لو كان هذا عذرهم بيكون عذر اقبح من ذنب ..

الناس توقفت مصالحها ومب بس الناس الموضوع طال بقية مؤسسات الدوله .. من المسؤول عن كل هاللخبطه اللي صايره!!!

توهم الجمارك يصحون من نومهم؟!!

انا ابي استلم اغراضي اليوووم قبل بكره :( والمشكله بعد في طلبيه طالبها عن طريق الدي اتش ال واليوم او بكره بتوصل .. مالت على حظي بس طالبها عن طريق الدي اتش ال ودافع اكثر عشان استلمها اسرع .. مادريت اني بتنقع .. والمشكله مانعرف متى هالموضوع بيخلص يعني!!! ماعندنا موعد معين ننطره!!!

[الزعفراني]

مشكور الأخ ضاحي على التوضيح ، وكذلك الاخ 20qatar22 وللأمانة رجال الجمارك وموظفي الجمارك يستحقون الشكر وكل تقدير واحترام على مرونتهم في التعاون الدائم مع الجميع .

[fhd4]

سبحان الله …

هذي مشكلة الجمارك وبعض الهيئات الثانية …

عمرهم ما يتكلمون عن اساس المشكلة …

وبعدين يجيك اللي يرفع والثاني يكبس …

[أمل الإمارات]

الحين شالحل معاااااااهم :omg::omg::omg::omg:



انا طالبه كاميرا والحين محجووووزه :eek5::eek5::eek5:



شسوي الحين انااااا بساااافر ابي الكيمراااا :anger2::anger2::eek3::eek3:

crazy

[طماطه]

زين قلتولي .. توني كنت ناويه اتسوق ( وكنسلت ) ^^

[jojo]

وانا اقول شسالفه

لاني طلبت طلب من امازون من اسبوعين وللحين ماوصل غريبه

[Al-Kuwari]

الله يعينك يابو عبدالله ويسهل لك ويفرجون عن بضاعتك من الحبس :tease:

[بنت امي]

انا كلمت ارامكس وقالوا لي طرشي لنا رقم البطاقه الشخصيه ورقم الشحنه وبنطلع لج اغراضج من الجمارك

لانه الاغراض وايد في الجمرك ويبون يخلصونها بسرعه

[qrt_trading]

أنا اليوم كلمت ارامكس قالولي طرشي لنا صورة من البطاقة على الايميل صراحة مالي خلق على السكانر فقلت لهم راح أجيب لكم صورة وبكلتى الأحوال أنا طالعة طالعة بمر واعطيهم الصورة وراح أتشوق شنهو أخرتها هل راح يفرجون عن الشحنات ولا لا.

اما بالنسبة للجمارك فالموضوع صحيح في اجراءات جديدة عندهم وهم طالبين صور من البطاقات الشخصية للأفراد من شركات الشحن، اعتقد والله اعلم ان صارت عندهم مشكله بخصوص شحنة وهالاجراء لحماية الناس من السرقة.

[NeverLand]

انا اليوم بعد مريت على ارامكس عشان ياخذون صوره من بطاقتي الشخصيه لانه مالي خلق اقعد اسوي سكانر واطرش عالايميل وسالفه

المهم قالت لي الموظفة هناك ان احتمال كبير بكره تكون كل الشحنات واصلتهم من الجمارك .. فان شاء الله خييير ..

[%FTM%]

ان شاء الله تنتهي الأزمة ويخلصونا ... لأني ابي كتبي ضروري

[NeverLand]

توهم ارامكس مطرشين لي رسالة عالايميل يقولون فيها لازم الكل يرسل لهم صوره عن بطاقتهم الشخصيه حسب متطلبات قانون الجمارك الجديد

Hello,
As per Qatar’s new customs law, all shipments require National ID or Passport copy for processing and clearance. To avoid any delays in the clearance of your packages, please follow these steps below in order to submit and update your National ID or Passport copy on your SnS profile:

Step1= Log in to your Shop and Ship account via shopandship.com

Step 2= Click on My Profile

Step 3= Click on Edit My profile

Step 4= Click on "Change any of the disabled details"

Step 5= Please attach your National ID or Passport copy

If you have already submitted your National ID or Passport copy please disregard this message. Thank you and for any further assistance, please email doh@shopandship.com

Shop and Ship Doha

[NeverLand]

اللي ناطر اغراضه ومحتاجهم ضروري يروح الحين يرسل لهم صوره عن الاي دي ماله او يروح للوير هاوس عندهم وهم بياخذون صوره من بطاقته ..

انا كنت متكيسل اسوي هالشي واحسبها خطوه مو مهمه >_>

[20qatar22]

الحمدالله عالسلامه اخوي..
ولاتيكسل مره ثانيه وخلك نشيط ^_*

[NeverLand]

^
^

ان شاء الله عمي :shy:

[عايش عمره]

سويت الخطوات الي فوق تكفي ولا في ايميل معين ارسل عليه ؟

[بومحمد المطاوعه]

السلام عليكم ورحمه الله وبركاته

تسعى دولة قطر إلى تحقيق التنمية الاقتصادية المستدامة من خلال أجهزتها ومؤسساتها المختلفة وتقوم الإدارة العامة للجمارك بدور بارز على الصعيد الأمني والاقتصادي في دولة قطر ، بتطبيق أفضل الممارسات للارتقاء بالعمل والنظم والإجراءات الجمركية للوصول إلى المستوى المنشود ووضع دولة قطر على الخارطة الاقتصادية للعالم كشريك فعال في تسهيل حركة التجارة العالمية وتوفير بيئة جمارك تتسم بالشفافية الكاملة . وفي سبيل ذلك تبذل الإدارة العامة للجمارك أقصى الجهود من أجل حماية المجتمع القطري والاقتصاد الوطني ، وتحرص على توفير خدمات متميزة للمستوردين والمصدرين وتسهيل التبادل التجاري وتشجيع الاستثمار و المساعدة في تعزيز قدرة الصناعة الوطنية على المنافسة في ظل اقتصاد عالمي حر

الله يسلمك الجمارك ترى حريصه على كل شي

اولا لحمايه دوله قطر من اي ضرر لاقدر الله

وبعض البضاعات توصل للشحن بدون المانيفست

وهذا اهم شي الي اهو بيان الحموله


بيان الحمولة ((المانيفست)) : المستند الذي يتضمن وصفاً شاملاً للبضائع المشحونة على وسائل النقل المختلفة .

ولاتحاتي الاجرائات ماشيه ولله الحمد

انا دوم اطلب من امريكا ومن النت قطع غيار للسيارات

واغراض تزويد وغيرها واغراض عاديه

والحمدلله الامور ماشيه بس يبيلها صبر ولازم كل شي موضح ف الشحنه

ولك جزيل الشكر

[بنت المزن]

انا ارسلت id للدي اتش ال امسس .وصلولي الشحنة اليوم:)

[20qatar22]

انا ارسلت id للدي اتش ال امسس .وصلولي الشحنة اليوم:)

الحمدالله عالسلامه اختي ..

[فلان]

تم وصول عدد كبير من طلبات عملاء الأرامكس لمقر الشركة اليوم الساعة 8 مساءً

[بولينجر]

زين الحين عرفنا منكم مشكورين حل المشكلة مع Aramex و DHL .... كيف الوضع بالنسبة لباقي الشركات؟ مثلا UPS و FedEx ؟ والبريد الممتاز بعد كيف؟ كلهم بالبطاقة لازم؟

[20qatar22]

زين الحين عرفنا منكم مشكورين حل المشكلة مع aramex و dhl .... كيف الوضع بالنسبة لباقي الشركات؟ مثلا ups و fedex ؟ والبريد الممتاز بعد كيف؟ كلهم بالبطاقة لازم؟

القانون يشمل جميع الشركات ..

[NeverLand]

تم وصول عدد كبير من طلبات عملاء الأرامكس لمقر الشركة اليوم الساعة 8 مساءً

الله يبشرك بالخييييييييير .. يعني كلام موظفة ارامكس لي صح بأن الشحنات كلها بتكون موجوده عندهم الخميس بكره :victory:

بس على الله تكون شحنتي بينهم


زين الحين عرفنا منكم مشكورين حل المشكلة مع Aramex و DHL .... كيف الوضع بالنسبة لباقي الشركات؟ مثلا UPS و FedEx ؟ والبريد الممتاز بعد كيف؟ كلهم بالبطاقة لازم؟

كلهم نفس الاجراء لازم ترسل لهم صوره من الاي دي

انا عاد عندي 3 شحنات ناطرهم يوصلون هاليومين على ارامكس و دي اتش ال وفيديكس

ان شاء الله ما اتلعوز على ما استلمهم ..

[%FTM%]

ان شاء الله تنتهي الأزمة

[عايش عمره]

احين شوف الزحمه الي بتصير فأرامكس طوابير :(

[الخزرجي قطر]

الله يعينكم وتتسهل اموركم مع الجمارك

[doha_vip]

حد استلم شي من ارامكس ؟؟

[مريه.كوم]

هالموضوع أنا بعد صار معاي.. كنت أنتظر شحنة من الكويت طلبتها الخميس وقالوا dhl الكويت إني راح أستلمها الأحد الصبح.. ولما كلمت dhl قطر قالوا فيه قانون جديد في الجمارك إنتظري شوي.. وبعدين كلموني وقالوا أرسلي لنا صورة من البطاقة الشخصية.. بصراحة استغربت وتعرفون صعبة إن نعطي أحد صورة من مستند رسمي ولكن في النهاية اضطريت وطرشت صورة بطاقتي الشخصية بالايميل للشخص المسؤول في dhl.. لأنهم يقولون إن القرار الجديد ينص على إذا الطلب جاي بإسم شخص لازم صورة بطاقته.. بصراحة كلش ماله داعي.. والله يعطيهم العافية موظفي الجمارك بس عاد خفوا علينا شوي.

[NeverLand]

احين شوف الزحمه الي بتصير فأرامكس طوابير :(

انا هاي اللي شايل همه :weeping: .. بروحه ارامكس بالايام العاديه تحصل الناس عنده طوابير شلون الحين؟ .. الامس الوير هاوس يصفرررر مافيه احد كلش


هالموضوع أنا بعد صار معاي.. كنت أنتظر شحنة من الكويت طلبتها الخميس وقالوا dhl الكويت إني راح أستلمها الأحد الصبح.. ولما كلمت dhl قطر قالوا فيه قانون جديد في الجمارك إنتظري شوي.. وبعدين كلموني وقالوا أرسلي لنا صورة من البطاقة الشخصية.. بصراحة استغربت وتعرفون صعبة إن نعطي أحد صورة من مستند رسمي ولكن في النهاية اضطريت وطرشت صورة بطاقتي الشخصية بالايميل للشخص المسؤول في dhl.. لأنهم يقولون إن القرار الجديد ينص على إذا الطلب جاي بإسم شخص لازم صورة بطاقته.. بصراحة كلش ماله داعي.. والله يعطيهم العافية موظفي الجمارك بس عاد خفوا علينا شوي.

انا خايف بس ان كل مره بنتخذ هالاجراء .. يعني مثلا كل مايوصلني شي عن طريق دي اتش ال لازم ارسل صورة من بطاقتي الشخصيه للدي اتش ال وبعدين يروحون يطلعون الشحنه من الجمارك وبعدييييين اجي استلمها .. يعني سالفه طويله عريضه مايسوينا علينا .. بيطلعون هالطلبات اللي نطلبها من النت من عيونا :( .. يابخت الوضع قبل تتبع الشحنه عن طريق الموقع واول ماتوصل تروح وتستلم عادي بنفس اليوم .. لازم يعفسونا هالجمارك

[NeverLand]

حد استلم شي من ارامكس ؟؟

ارامكس لحد الحين على ماظن محد استلم منهم شي .. خذو بطاقات الناس الشخصيه وخلاص

الدي اتش ال انشط منهم .. في كذا واحد بالموضوع استلموا طلباتهم

[doha_vip]

ارامكس لحد الحين على ماظن محد استلم منهم شي .. خذو بطاقات الناس الشخصيه وخلاص

الدي اتش ال انشط منهم .. في كذا واحد بالموضوع استلموا طلباتهم




الحمد لله وصلت الشحنه ارامكس .. وباقي بس استلمها

بالتوفيق

[المتحدث الرسمي]

.....

وصلني مسج منهم باستلام كل الشحنات المحجوزه

وطرشت المسج للدريول خل يستلمهم قبل الزحمه escape

.....

[بنت امي]

وانا بعد توه واصلني مسج بستلام الشحنات

[NeverLand]

يسسسسسسسسسسس

حتى انا شحنتي شرفت اخيراً عندهم .. باروح اخذها اليوم ان شاء الله

الحمدلله ان هالكابوس انتهى :victory:

[fhd4]

الحمدلله ... إفراج بعد حجز لمدة أسبوع كامل ...

الله يعين على الزحمة الحين ... المفروض أرامكس يشتغلون 24 ساعة ...

[airbus]

يعني الامورة طيبة الحين

اطلب ولا بنطر بشوف شنوا بيصير

حتى في السعودية تغير القانون عندهم بعد

[BIG-VEGA]

الجمارك وغيرهم
اذا تم تغيير القوانيين او تعديل في المستندات المطلوبه ... ليش مايتم تبليغ وتنبيه الناس قبل !!!!

لازم الناس تتعطل مصالحم ويحتارون عقب نبلغهم ان القانون تغير !!!!

[NeverLand]

http://img440.imageshack.us/img440/1619/9787980890.jpg

توني راد من ارامكس .. زحمه زحمه زحمه!!! انكسرت ريلي على ماوصل دوري .. بس اهم شي استلمت اغراضي :D

الحين ناقص اروح الدي اتش ال وفيديكس وافتــــــــك من هالحوسه اللي حطونا فيها الجمارك

[NeverLand]

الجمارك وغيرهم
اذا تم تغيير القوانيين او تعديل في المستندات المطلوبه ... ليش مايتم تبليغ وتنبيه الناس قبل !!!!

لازم الناس تتعطل مصالحم ويحتارون عقب نبلغهم ان القانون تغير !!!!

انا ضحكني رد واحد بمنتدى سعودي على قانون الجمارك الجديد


باقي يطلبو خطاب مصدق من الغرفه التجاريه ووزارة الخارجيه انك بتشتري غرض من الانترنت

تعقيدات مالها أي داعي !!

يعني فعلا هذا اللي ناقص!!

الحين صفحة التتبع عندي بالدي اتش ال وفيديكس كاتبين لازم اعطيهم صوره من بطاقتي الشخصيه

ان شاء الله كل مايوصلني شي عن طريقهم لازم اسوي جذي؟

ارامكس لاني مشترك معاهم فمره وحده اعطيهم صوره من بطاقتي وخلاص بس ذيلا مب مشترك معاهم وباضطر كل مره اعيد نفس المنوال

[mr_qtr]

شروط جمركية جديدة للشحنات المتوجهة للمملكة العربية السعودية

اعتباراً من الأول من يناير/كانون الثاني 2012، وبتوجيه من مصلحة الجمارك السعودية، على كل الشحنات الواردة الى المملكة العربية السعودية، والتي تقدر قيمتها بـ 100 دولار أمريكي فأكثر، الامتثال بالشروط التالية:

• على جميع الشحنات الموجهة للشركات والمؤسسات داخل المملكة العربية السعودية، لابد من تحديد رقم السجل التجاري للشركة كتابةً (طباعةً) على بوليصة الشحن الخاصة بأرامكس أو على ملصق الشحنة.

• على جميع الشحنات الموجهة لأفراد داخل المملكة العربية السعودية، لابد من تحديد الإسم الكامل للمستلم، والرقم الوطني (للمواطنين السعوديين)، أو رقم وثيقة الإقامة (لغير السعوديين)، أو رقم جواز السفر (لأعضاء دول مجلس التعاون الخليجي)، وذلك كتابةً (طباعةً) على بوليصة الشحن الخاصة بأرامكس أو على ملصق الشحنة.

يرجى تحديد رقم السجل التجاري، والرقم الوطني، أو رقم وثيقة الإقامة، أو رقم جواز السفر، داخل خانة "معلومات المستلم" (Receiver’s Reference) على بوليصة الشحن.

اذا قمت بإرسال شحنة الى المملكة العربية السعودية، يرجى التأكد من إدخال المعلومات السابق ذكرها بشكل واضح ودقيق، لضمان تسليم شحناتك ضمن الوقت المحدد وبدون تأخير.

اذا كنت بانتظار استلام شحناتك داخل المملكة العربية السعودية، يرجى التأكد من إعلام المرسل بكتابة المعلومات السابق ذكرها بشكل واضح ودقيق.


يمكن هالخبر يخص موضوع جمارك قطر بعد!!

يعطيكم العافيه

[qtr.wolf]

خبر اكيد

وصلني خبر اكيد من رفيجي وهو يشتغل في الجمارك و يقول لي ان قامو يخلصون شحنات ارامكس بس اللي جايه الدوحه و كلها شخصيه الشحنات اللي طلب شي يراجع ارمكس لان الخبر اكيد 200 %

[NeverLand]

توني راد من الدي اتش ال وفيديكس .. خذو صوره من بطاقتي ويوم السبـــــــــــــــــــــــــــــــــــــــــــــت بيسلموني شحنتي وهي واصله من ايام .. وياليت هالاجراء اسويه مره وحده .. يقولون لازم كل مره يوصلني طلب منهم اعطيهم صوره من الاي دي وبعديييين يقدرون يطلعون الشحنه من الجمارك!!

يعني انتو متخيلين الوضع شلون الحين!!

الطلبيه اللي نطلبها من النت من بريطانيا مثلاً وماتاخذ الا يومين عن طريق الدي اتش ال من بريطانيا لقطر صارت اقصر من الوقت اللي تاخذه الطلبيه على ماتطلع من الجمارك في البلد اللي انا فيها واستلمها .. يومين من بريطانيا لقطر .. ويومين اذا مب اكثر من الجمارك القطريه لصاحب الشحنه!!!

يعني لتهونا صج!!! قبل كنت استانس على شي اسمه تسوق من النت الحين بديت استثقله والسبب اجراءاتهم اللي مالها داعي!!

[%FTM%]

ساعات مثل هالاجراءات تكون فترة بسيطة وتتغير ويرجع الوضع الطبيعي

[qrt_trading]

أنا بعد رحت استلمت شحناتي وعطيتهم بطاقتي علشان يصورونها لكن قالولي خلاص مافي داعي مايحتاجونها خلاص سألتها عن الشحنات الجاية اذا يحتاجون الصورة قالت لا خلاص مافي داعي لها.

[NeverLand]

^
^

وين هاي ارامكس ولا دي اتش ال ولا فيديكس؟؟؟

لانهم للحين يطالبوني بصورة من بطاقتي الشخصيه الله ياخذ بشار

واللي باط جبدي الفيديكس متصلين فيني الحين يقولون تعال وجيب معاك عشر ريال عشان نعطيك شحنتك .. اول مره يدفعوني بالعاده ادفع ثمن توصيلهم للغرض من الموقع اللي اشتري منه وخلاص .. الحين طالبين عشر حق شنو ان شاء الله؟

غير الانتظار اللي دام ايااام والشحنه في قطر من الاسبوع اللي فات!!

نفس الشي الدي اتش ال متلعوز معاهم الحين .. شحنتي اللي واصله الاسبوع اللي فات مو راضيين يجيبونها من الجمارك ويخلصوني مع انهم خذو صورة من بطاقتي الشخصية من يوم الخميس

افففف من هالسالفه اللي مو راضيه تخلص .. صج صج لااااااااااااااعت جبدي منهم

ارامكس طلع احسن منهم كلهم

وهالجمارك ماقول غير الله يسامحهم على دوخة الراس اللي سببوها للعالم من ورا هالاجراءات المعقده

[umabdulla77]

بالنسبة لي شحناتي توصل عالوقت ولله الحمد

من يومين وصلت اغراضي وماخذت الا اربع ايام واليوم بعد وصلتني شحنة وعن طريق ارامكس (توهم مكلميني بوصولها )

كلمهم اخوي وجوف شالمشكلة

[مافيا الاسهم]

الشحنة واصلة من يوم الجمعة وما طلعت من دي اتش ال في العادة 3 ايام كلها ع بعض
الحين وصلت 5 ايام وما ادري متى تطلع
اتصلت قالوا في الجمارك
ما ادري ايش السالفة ... الاخوان اللي في الجمارك اللي عندهم خبر يقولون لنا ايش السالفة؟؟
جزاكم الله خير

[NeverLand]

^
^

نفس الشي .. الدي اتش ال حالتهم حاله!!!

اليوم اتصلت فيهم قالوا للحين ماخذنا شي من الجمارك .. مو من عادتهم يتأخرون هالكثر :(

ارامكس

الحين صاروا ممتازين وشحناتي توصل واخذها بلا مشاكل

فيديكس

اليوم كنت عندهم وبعد تأخير استلموا شحنتي من الجمارك ودفعوني 10 ريال وعطوني ورقه من الجمارك اول مره اخذها

الله يخليكم يا الجمارك الغوا هالنظام المعقد وخلونا مثل قبل :(

[ابوالكلام]

مافي شي اليوم مستلم شحنة لي من ارامكس

[do7ani]

لعملاء ارامكس
ارسلو صوره البطاقه الشخصيه
على هالايميل واموركم في السليم
وفي نفس اليوم بتستلمون اغراضكم

dohsnsteam@aramex.com

الموضوع كله تنظيم لاأكثر

[سعادة الوزير]

لا حول ولا قوة الا بالله ، عندي شحنة صار لها يومين محجوزة في الجمارك عن طريق dhl وكل ما اتصل لهم يقولون مانعرف هي ليش محجوزة ، بنبلغك اذا جانا من الجمارك خبر!!

ماشاء الله تبارك الله !!! .. وصلنا الى قمة التطور والازدهار!!! .. عسى بس ماتكون هاذي جزء من رؤية قطر 2030؟؟

[الزعفراني]

ياجماعة الخير انا ما صار وياي كل اللي تقولونه ، طلبت شحنتين من أمريكا من أمازون بتاريخ 01/02/2012م ووصلوا أمس 06/02/2012م ، وتم الاستلام ولله الحمد لا اطلبوا مني بطاقة شخصية ولا قالوا لي جمارك ولا هم يحزنون :)

[NeverLand]

لا حول ولا قوة الا بالله ، عندي شحنة صار لها يومين محجوزة في الجمارك عن طريق dhl وكل ما اتصل لهم يقولون مانعرف هي ليش محجوزة ، بنبلغك اذا جانا من الجمارك خبر!!

ماشاء الله تبارك الله !!! .. وصلنا الى قمة التطور والازدهار!!! .. عسى بس ماتكون هاذي جزء من رؤية قطر 2030؟؟

اهلا وسهلا في قطر 2012 .. شحنتك مع dhl صار لها بس يومين محجوزه عند الجمارك .. عيل شقول انا اللي شحنتني بتكمل اسبوعين وهي متنقعه عند الاخوان بالجمارك!!!

الامس من الحره اللي فيني اتصلت بـ dhl وقلتلهم حولوني على المسؤول عندكم وهذي اخر مره اشحن عندكم ومادري ايش .. اوكي صح ادري ان الجمارك هو اللي عافسهم .. بس شحنتي عن طريق ارامكس وفيديكس كلهم استلمتهم يوم الخمس والسبت .. الا الـ dhl !!!!

فياهم مش متابعين موضوعهم عدل بالجمارك او في مشكله بين الجمارك وال dhl بالتحديد واحنا مانعرفها

بس جد جد جد قمممممة القهر لما تطلب شي عن طريق شركة توصيل تعتبر هي الاغلى نسبياً بين الشركات الثانيه وتدفع اكثر عشان توصلك الشحنه بسرعه واخرتها تتأخر عليك هالكثر

[محمد]

انا طلبت شحنتين من اسبوع واستلمتهم اول امس من اراميكس بدون اي مشاكل .. واصليني على حساب امريكا مب بريطانيا ..

[حمد بن سعد]

وان اتصل في الريال وغاسله مابقى كلمة ماقتله اخر شي طلع من الجمارك والله اني ضلمته.


الله المستعان

[سعادة الوزير]

الظاهر ان هوامير قطر مب عاجبتهم قصة ان الناس يشترون من النت ، يبون يجبرونا نرجع نشتري بضايعهم المغشوشة بأسعارهم الفلكية.

[airbus]

الي يقول ماحد كلمني وقاله عطني البطاقة الشخصية لانه مافي مشاكل على الاغراض الي سعرها اقل من 100$ دولار

[سعادة الوزير]

الي يقول ماحد كلمني وقاله عطني البطاقة الشخصية لانه مافي مشاكل على الاغراض الي سعرها اقل من 100$ دولار

والي جايب قطعة قيمتها 150 دولار؟؟ ، يعني خلاص حكمنا على هل قطر انهم مايشترون شي قيمته اكثر من 100 دولار؟؟؟ ، والله انها لمصيبة لو كان هذا الكلام صحيح!

[alfahad1]

انا دائما اشتري شغلات غاليه من برع

هم ياخذون نسبة الجمارك اعتقد 3 بالميه

[al-sadd]

انزين يا جماعة الخير انا طالب شغلتين من امازون على ارامكس صارلهم اسبوع
تهقون وصلو؟
وطلبت كافي من موقع هارودز وحطيت بريد واحد من الربع بس الي ف ارامكس المهم ان الكافي صارله حول خمس ايام من يوم طلبته
تهقون وصلو؟

[محمد]

الي يقول ماحد كلمني وقاله عطني البطاقة الشخصية لانه مافي مشاكل على الاغراض الي سعرها اقل من 100$ دولار

انا اخر طلبيه خذتها الي قلتها في ردي السابق سعرها 500 دولار تقريبا ..
وماطلبوا مني اي شي ..
مع ان شباب وايد طلبوا منهم البطاقة الشخصية


:nice:

[الزعفراني]

الي يقول ماحد كلمني وقاله عطني البطاقة الشخصية لانه مافي مشاكل على الاغراض الي سعرها اقل من 100$ دولار

غريبة أخوي ، لأن الشحنتين اللي استلمتهم وحده منهم كان السعر 110 دولار ، ومع ذلك ما اطلبوا مني البطاقة الشخصية .

http://im15.gulfup.com/2012-02-08/1328684859541.jpg

[الزعفراني]

انزين يا جماعة الخير انا طالب شغلتين من امازون على ارامكس صارلهم اسبوع
تهقون وصلو؟
وطلبت كافي من موقع هارودز وحطيت بريد واحد من الربع بس الي ف ارامكس المهم ان الكافي صارله حول خمس ايام من يوم طلبته
تهقون وصلو؟


أخوي شيك إيميلك العادة يطرشون لك ع الايميل ، وشيك جوالك لأن بعد يطرشون مسج ع الجوال :)

وعندك التراك نمبر ( رقم التتبع ) ادخل هالموقع حط الرقم في المستطيل اللي ظاهر في الصفحة واضغط على track وبيظهر لك كل شي عن الشحنة :

http://www.shopandship.com/default.aspx

[قطريه ماركه]

و اخيرا بعد تأخير اسبوعين وصلت شحنة هارودز من الدي اتش ال ...

[سعادة الوزير]

و اخيرا بعد تأخير اسبوعين وصلت شحنة هارودز من الدي اتش ال ...

الى الأمام يا قطر!!!

[اعالي الجنان]

ياجماعه الكلام للحين وله المشكله انتهت
المفروض بكره استلم طرد من الدي اتش ال وقريت الكلام وخفت تتاخر علي
اللي عنده خبر يطمنا

[NeverLand]

ياجماعه الكلام للحين وله المشكله انتهت
المفروض بكره استلم طرد من الدي اتش ال وقريت الكلام وخفت تتاخر علي
اللي عنده خبر يطمنا

والله انا نسيت موضوع شحنتي بال dhl او بالاحرى غسلت يدي اني استلمها .. بس اول ماشفت ردك قلت خلني اتصل واشوف شصار معاهم .. والحمدلله قالولي اليوم بالليل بيستلمونها مع باقي الشحنات الموجوده بالجمارك واحتمال بكره اخذها من عندهم

اخيراً بستلم شحنتي من عندهم بعد اسبووووعين من الانتظار .. ماقول الا الله يسامح الجمارك وراعي هالقرار على البهدله اللي بهدل فيها الناس والعالم خلال هالاسبوعين!!!

[اعالي الجنان]

والله انا نسيت موضوع شحنتي بال dhl او بالاحرى غسلت يدي اني استلمها .. بس اول ماشفت ردك قلت خلني اتصل واشوف شصار معاهم .. والحمدلله قالولي اليوم بالليل بيستلمونها مع باقي الشحنات الموجوده بالجمارك واحتمال بكره اخذها من عندهم

اخيراً بستلم شحنتي من عندهم بعد اسبووووعين من الانتظار .. ماقول الا الله يسامح الجمارك وراعي هالقرار على البهدله اللي بهدل فيها الناس والعالم خلال هالاسبوعين!!!

الحمدلله الحمدلله .. الله يجزاك خير

[%FTM%]

أنا بعد أخيرا وصلت اغراضي

[ومن الغباء ماقتل]

ياريت كل من تأخرت شحنته ولحقه ضرر من هذا التأخير الغير مبرر بالمرة من الجمارك ، انه يتصل او يرسل فاكس او مسج الى برنامج وطني الحبيب بكره ، يا اخوان احنا دافعين فلوس في الشحن والاغراض مب محصلينها في الشارع عشن الجمارك يلعبون علينا بهالشكل الغير حضاري.

انا عن نفسي بكره باذن الله راح ابعث فاكس شكوى ، اذا بنتم ساكتين على هالتعليمات الجديدة الي مافيها الا المضرة للناس ، كل مرة راح يتمادون.

[NeverLand]

انا طرشت مسجااات لوطني الحبيب من اول مانزلت الموضوع من كثر ماكنت منقهررر .. لكن طنشو وماقروا الرسايل كلها .. بكره برسل لهم دام انت بترسل فاكس .. يمكن يحسون ان الوضع جدي شوي!!

[مضارب جديد]

للأسف هذة الادارة تنتمي لعصور الضلام

و سأقول تجربتي:

من حوالي شهر كان فيه اغراض في جمارك المطار و تعطلت لحجج مختلفه ، وكل يوم يطلبون ورقة جديدة ! ( ولا أعرف هل يوجد نظام أم أن العملية اجتهادية)

المهم ، خلصنا كل الطلبات وبقت الشحنة متعطلة لدرجة أني شكيت أن مندوب شركة الشحن يكذب . فطلبت أن اكلم موظف الجمارك المسؤول عن الشحنة .. واستلمت أغرب رد كنت أتوقعة من موظف مسؤول .. قال لي بالحرف : أخوي ليش مستعجل ! هو مش اسكريم و خايف يذوب ؟؟؟؟

طبعا الشحنة طلعت بجهود الاجواد في الجمارك و لكن رد الموظف يدل على نوعية لا استطيع أن اجد لها وصف يليق .

[NeverLand]

^
^

يا مبرد اعصابه هالموظف @@ .. لو انا منك مادري شلون برد عليه لانه واضح انه ماعنده احساس كلش .. يعني افرض شي ضروري متوقف عليه مستقبلي كله

فعلا هالاداره تنتمي لعصر الظلام صدقت والله

[NeverLand]

الحمدلله الحمدلله .. الله يجزاك خير

ويجزاك خير يالغالي ولاتخاف يعني شحنتك مردها بتوصل لك ان شاء الله وين بتروح يعني :)

اليوم الدي اتش ال المتفغرين مطرشين ايميل عشان اقيمهم مو كأني مهاوشهم من يومين .. بس حرام داري ان هذي مو غلطتهم غلطة الجمارك الله يغربل ابليسهم

[سعادة الوزير]

اليوم اتصلت في مدير الجمرك وقال لي ان النظام الجديد مايفرق بين الشحنات السريعة الي عن طريق الفيديكس و ال dhl وبين شحنات الكونتينرات ، ويقول لي حتى لو جايب سي دي واحد لازم المخلص يقعد بالدور ويسجل له بيان ويدفع له رسوم!! .. يخرب بيت هالمنطق الاعوج!!!

لا ويبون يستضيفون 2022 بعد!! .. والله اقطع يدي اذا هالعقليات تقدر على الاحداث ، الله يخلي لنا الاجانب بس!

[R 7 A L]

انا طالب طلبية من مصر
ورحت لهم فرع سلوى
قالوا لي عند الجمارك في المطار
صار لي قريب شهر
الخلل اعتقد من ربعنا في الجماركـ

[NeverLand]

سعادة الوزير اففف قهرني مدير الجمارك اللي كلمك :( .. مادري شيحسون فيه؟ .. عبالهم جذي تطور؟

اليوم اتصلت بال dhl قلت يمكــــن كلامهم لي الامس صح واني باستلم شحنتي منهم اليوم .. جان انصعق بالرد المعتاد .. شحنتك للحين بالجمارك!!! .. ياربي بموت شتسوي عندهم كل هالمده!!! .. الحمدلله اني ماطلبت شي كبير مجرد كم غرض بسيط من امازون الياباني وناطرهم يوصلون ولا جان احتريت اكثر!!! .. الحين بدت شحنتني تدخل اسبوعها الثالث وهي بالجمارك وشوي بتكمل شهر .. حشا !!!

فديت ارامكس بس توني راجع من عندهم ومستلم شحنات جديده طالبها من النت بأول هالاسبوع .. اليوم الصبح وصلت الدوحه واستلموها على طول من الجمارك ..

انا شاك ان في (((إنه))) بالموضوع بين ال dhl والجمارك!!

[اتعبني غروري]

الموضوع انه الجمارك بتصير تاخذ 3000 ريال على الشحنات ....شوفو المرفق

[qatari911]

الموضوع انه الجمارك بتصير تاخذ 3000 ريال على الشحنات ....شوفو المرفق

عسى ماشر ان شاء الله
3000ريال
:eek5:
يعني طلبي 500ريال ادفع فوقها 3000:eek5:؟
شهالتخلف
ناس تخطو خطوه قدام
وربعنا في الجمارك 1000 خطوه وراء:rolleyes2:
جد الله يعينا على هالتخبطات اقصد هالقرارات الجديده:weeping:

[بولينجر]

مكتوب في المرفق ان الشحنات اللي قيمتها تتجاوز قيمتها 800 دولار او 3000 ريال عليها ضريبة جمركية (غير محددة القيمة)....

[airbus]

مكتوب في المرفق ان الشحنات اللي قيمتها تتجاوز قيمتها 800 دولار او 3000 ريال عليها ضريبة جمركية (غير محددة القيمة)....

هدا من قبل موجود هدا القانون تقريبا 10 في المية ادا مب غلطان

[البوررصة]

اخوي راجع خاص

[ومن الغباء ماقتل]

ابشركم اني اليوم (وبعد عناء وانتظار طويل!!) استلمت نص شحنتي ، ودفعوني عليها جمارك ، مع العلم ان قيمتها 700 دولار بس!!

الى الامام يا ادارة الجمارك ، ومشكورين على خدماتكم الجليلة للشعب القطري!!

انا خاطري افهم شي واحد ، ليش كل قانون وكل اجراءات جديدة في قطر ، بدال ماتكون اسهل تكون اصعب؟؟؟ ، ليش ما يكون التغيير يصب في مسار تسريع المعاملات والتسهيل على المواطنين؟؟

[OREO]

سالفة الشحنات اللي فوق الــ ٣٠٠٠ ريال فهي قديمه،،،

لكن الجديد في الموضوع ،، الاشخاص اللي شحناتها تحت الــ ٣٠٠٠ ريال ،، لازم يدفع ١٠ ريالات عباره عن رسوم تخليص و الخ ،،،


تفاجأت في الشي هذا يوم الخميس كانت لي شحنه و استلمتها بعد دفع قيمة الـــ ١٠ ريالات ،،

اذا الدولة قاعدة تنصب علينا ،، ايش تنتظرون من التجار ؟؟

بإختصار ،، المواطن بين نارين ،، نار الحكومة و نار التجار ،، لا مفر يا المواطن المسكين ،،


قال ايش !!! قال المواطن القطري صاحب اعلى دخل و لازم نقصبه اليوم قبل باجر ،،،

[NeverLand]

عشااااااااااان جذي الفيديكس دفعوني 10 ريال وشحنتي كلها كانت عباره بس عن 4 افلام بلوراي!!!

شسالفه؟! الدول تتقدم وتكون اجرائاتها اسهل واحنا نرجع الف خطوه ورا كل مره!!! والله صج شي يقهر!!!

وطبعا شحنتي مع الـ dhl اليوم دخلت اسبوعها الثالث وماستلمتها .. يعني شهر الا :)

الى الامام يا ادارة الجمارك الموقره .. جد رفعتوا راسنا بخدماتكم الجليله وماحرقتوا قلبنا كلش!!!

[NeverLand]

اخوي راجع خاص

تم الرد .. تسلم والله اخوي حدي مستحي منك الصراحه ومابي اتعبك معاي

[وتبقى الدنيا حلوه]

شدعوه كل غرض بندفع له شحن 10 ريال !! يعني احنا بندفع راتبهم بدل الدوله ؟

و شي ثاني انا طالبه فستان ب1300$ ليش ادفع عليه جمارك

بفلوسهم و الا بفلوسي ليش ادفع لهم مب مجبوره

و غير جي انا طالبه كم غرض المفروض يوصلون عن طريق البريد العادي شكلهم مو واصلين الا بعد ما خلاص ما احتاجهم

و كنت طالبه توزيعات ولاده حق اختي الظاهر مب واصلين الا بعد مايصير عمر البيبي سنه !!

[ومن الغباء ماقتل]

سالفة الشحنات اللي فوق الــ ٣٠٠٠ ريال فهي قديمه،،،

لكن الجديد في الموضوع ،، الاشخاص اللي شحناتها تحت الــ ٣٠٠٠ ريال ،، لازم يدفع ١٠ ريالات عباره عن رسوم تخليص و الخ ،،،


تفاجأت في الشي هذا يوم الخميس كانت لي شحنه و استلمتها بعد دفع قيمة الـــ ١٠ ريالات ،،

اذا الدولة قاعدة تنصب علينا ،، ايش تنتظرون من التجار ؟؟

بإختصار ،، المواطن بين نارين ،، نار الحكومة و نار التجار ،، لا مفر يا المواطن المسكين ،،


قال ايش !!! قال المواطن القطري صاحب اعلى دخل و لازم نقصبه اليوم قبل باجر ،،،

انا شحنتي كانت اقل من 300 ، حوالي 2500 ريال ومع ذلك دفعوني عليها جمارك تقريبا 200 ريال!

[خشوف]

انا اغراضي للحين ما استلمتها
احسن حل تشحن الحسا او الامارات

[bojassem911]

انا مدمن طلبيات واتعامل مع فيديكس واراميكس ويو بي اس
عندي اكثر من خمس شحنات متوزعة بين شركات الشحن اعلاه
لها حاليا اسبوعين واصلة الدوحة ولحين ماطلعت من الجمارك .. !!

والله ياشباب احنا نشارك في سباق الزوارق وخسرت الحين اكثر من جولة
وكل هذا بسبب ان الاغراض واقفة فالجمارك .. حسبنا الله ونعم الوكيل ....


واشرايكم اني يوم الجمعة طالب غرض وشحنته حق واحد فالامارات ..
استغربت اليوم مكلمني قالي ترى كلموني ups وقالولي تعال استلم اغراضك بكرة الصبح .......!!!!!!!!!!!!


الصورة تتحدث .. شوفو التاريخ


!

[ام السعف]

الحين على قولة أحدى الصديقات المرسل له لازم اتحط رقم بطاقته الشخصية
ان كانت البضاعة اكثر من 1000 ريال قطري ،، السعودية طبقت هالقرار ،،

تقول اضطريت انزل من قيمة البضاعة علشان ما انتظر استفسر
عن رقم البطاقة الشخصية :omen2:

الحين ليش كل هالتعقيدات ؟

واشلون جمارك على التبضع الانترنتي؟

لا يكونون العرب يشحنون كونتيرات من النت

الووو يا جمارك شسالفة ممكن تصريح رسمي :telephone:

[R 7 A L]

حسبي الله ونعم الوكيل

صار لي حوالي شهر ماقدرت أستلم ( مستحضر طبي للوالدة )

[سعادة الوزير]

ياريت الكل فينا يتصل على وطني الحبيب ويقدم شكواه لهم ، صدقوني الجمارك راح يعيدون النظر لان هالوضع صار غير محتمل ، طالب ملابس اطفال حق بناتي من امازون بسبب ان كل ملابس الاطفال الي في قطر يا اما غاليه على الفاضي او الكواليتي رايح في عينها ، وصار لها اسبوعين محجوزة في الجمارك ، انا ابي افهم ، هل الحكومة قاعدة تعاقبني لاني ما شريت من تجار النصب والغش الي في قطر؟؟؟ ، انا اتصلت على البرنامج واشتكيت وياريت الكل فينا يشتكي ، ياريت نكون يد وحده وما نخلي هالتجار يلعبون فينا.

رقم البرنامج 44875888

ياريت نسمع شكاويكم اليوم عسى الله يفكنا من هالازمة!!

[ام السعف]

ياريت الكل فينا يتصل على وطني الحبيب ويقدم شكواه لهم ، صدقوني الجمارك راح يعيدون النظر لان هالوضع صار غير محتمل ، طالب ملابس اطفال حق بناتي من امازون بسبب ان كل ملابس الاطفال الي في قطر يا اما غاليه على الفاضي او الكواليتي رايح في عينها ، وصار لها اسبوعين محجوزة في الجمارك ، انا ابي افهم ، هل الحكومة قاعدة تعاقبني لاني ما شريت من تجار النصب والغش الي في قطر؟؟؟ ، انا اتصلت على البرنامج واشتكيت وياريت الكل فينا يشتكي ، ياريت نكون يد وحده وما نخلي هالتجار يلعبون فينا.

رقم البرنامج 44875888

ياريت نسمع شكاويكم اليوم عسى الله يفكنا من هالازمة!!

مافي إيميل للشكوى ؟:shy:

[ماريسا]

اتصلت بالدي اتش إل لأن عندي شحنة فيها أدوية و مكملات غذائية و محتاجتها بأقرب وقت و هي واصلة قطر من تاريخ 5 فبراير قال لي الموظف اذا محتاجة الشحنة بأقرب وقت روحوا على مكتب الكارجو بشارع المطار و جيبوا البطاقة الشخصية و نكلم موظفين الدي اش إل هناك و بيخلصونكم بسرعة لأن قال لو انتظرنا عادي الموضوع يوصل لشهر و أكثر
أنا ماجربت لأني ماعرف المكان بالضبط و ماعندي سيارة أحين بس حبيت أفيدكم و خصوصاً الي مستعجلين و طالبين أدوية أو مستحضرات طبية
حسبي الله ونعم الوكيل عطّلونا و خسّرونا أحين احنا ندفع مبالغ كبيرة حق شركات الشحن عشان محتاجين البضاعة بسرعة و يسوون فينا جذي

[موضي قطر]

الحين اطلب اغراض ولا لأ :telephone:


والله ودي آخذ لي كم غرض من مواقع امريكية وخايفة اتوهق :(


الحمدلله اني استلمت اغراضي قبل التخبط :rolleyes2:

[ام السعف]

الحين اطلب اغراض ولا لأ :telephone:


والله ودي آخذ لي كم غرض من مواقع امريكية وخايفة اتوهق :(


الحمدلله اني استلمت اغراضي قبل التخبط :rolleyes2:

تهيّدي،، خلينا انعرف شسالفة قبل ما تاخذين لي هالأغراض :shy:

[موضي قطر]

تهيّدي،، خلينا انعرف شسالفة قبل ما تاخذين لي هالأغراض :shy:



:(


طرى علي التلحين اليومي عن تفضيل سعادتكم لـ قلوب Tiffany ومفاتيحهم :rolleyes2:

[تحداني]

خاطري أشتكي بس ما أعرف شاقول .. ابي شي بالتفصيل الممل
عشان ما اتوهق

وايد انتظرتوا الصراحه



جملكم الله برضاه

[نتفـه]

اناا بعد ابي اطلب شالحل الحين لين متى ننطر ؟؟
الحين عن طريق ارامكس اسهل ؟؟ والا كلهم بيتعطلون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ام السعف]

:(


طرى علي التلحين اليومي عن تفضيل سعادتكم لـ قلوب Tiffany ومفاتيحهم :rolleyes2:

لا ما احب هالسوالف ....> اطلب لي أكل :shy:

[تحداني]

اناا بعد ابي اطلب شالحل الحين لين متى ننطر ؟؟
الحين عن طريق ارامكس اسهل ؟؟ والا كلهم بيتعطلون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



لا تطلبين .. خل توصل اغراض الاخوان والخوات بالأول ونطمن بعدين اطلبي
مب كافي مشكلتهم بعد اتصير عندنا مشكله ازياده الي هي مشكلتج

شنو تبين تطلبين ؟؟ ملابس ولا الكترونيات ؟؟ ولا اثاث ؟؟
آسفه على السؤال


جملك الله برضاه

[نتفـه]

تحداني طايحه لج على اغراض من الكويت كريمات وصوابين صنع يدهم هاي للاسف موقفين التوصيل يقولون بسبب الاوضاع اللي في الخليج بس مادري شدخل التوصيل ف السالفه طبعا قصدي بارامكس !!!!!! قهرررررررررررررررر والله استخدمتهم ونفعوا معاي :(
ادور حد يجيبهم لي من الكويت والله يسهل ..
غير جذي ابي من امازون اغراض مثل سيروم يطول الرموش فعال جدا .. وابي بعد ريفلون اللي يسوي الشعر ويفي روعه هههههه .. اممم بعد يمكن اطلب منتجات انواع الزبدة للجسم مثل الشيا والمانجو والليمون والافوكادو وغيرها ..
وبس انطر متى ينفك الحصار !!!
وبعد جان عندكم نصايح قولوا خل اشتري @_@

[تحداني]

تحداني طايحه لج على اغراض من الكويت كريمات وصوابين صنع يدهم هاي للاسف موقفين التوصيل يقولون بسبب الاوضاع اللي في الخليج بس مادري شدخل التوصيل ف السالفه طبعا قصدي بارامكس !!!!!! قهرررررررررررررررر والله استخدمتهم ونفعوا معاي :(
ادور حد يجيبهم لي من الكويت والله يسهل ..
غير جذي ابي من امازون اغراض مثل سيروم يطول الرموش فعال جدا .. وابي بعد ريفلون اللي يسوي الشعر ويفي روعه هههههه .. اممم بعد يمكن اطلب منتجات انواع الزبدة للجسم مثل الشيا والمانجو والليمون والافوكادو وغيرها ..
وبس انطر متى ينفك الحصار !!!
وبعد جان عندكم نصايح قولوا خل اشتري @_@




لا تطلبين هالأشياء .. ترى يقصون عليكم والله انا ما اثق فيها ابدا
وبعدين انتي من صجج في شي يطول الارموش .. كلام فاضي .. حطي مسكرا وانتهى الموضوع ..

الكويت عندهم شغلات حلوه .. حسبالي طالبه اثياب .. ولا شنط .. ولا حلويات واكل :)
كريمات لا مالي خاطر
اخذي لج شي طبي وريحي راسج .. او مري المحلات الي عندنا وتكون عالميه ..
ترى لا تلعبين في صحتج مع هالاشياء ..كاني قلت لج


والله انا شفت قبل فتره ألعاب حق اليهال .. ودي اشتري لهم بس أخاف من إمهاتهم يهاوشوني
يقولون لي خربتي إعيالنا ..

وشفت بعد " بازل حلووو " وايد معقد ووايد صعب ..
بس اخاف اتصير عندي مشكله مع هالمشاكل القائمه حاليا بنتظر اشوي

وشفت بعد الكترونيات للحين ما قررت .. لج خاطر ؟؟ :)


جملك الله برضاه

[نتفـه]

تحداني انا اطلب هالكريمات كلها طبيعيه خلطة زبدة الشيا مع المانجو وغيرها يعني 100% طبيعي لاني من النوع اللي ما يصدق .. وهاي بصراحه انا شفت الخطوط تروح من جسمي بشكل وااااااااااااااضح خبرج خطوط التمدد اللي تحر بس نمتن شوي ونضعف انا خفت مني بنسبة 60% ههههه وعيوني @_@ جذي
لو ما نفع ما اشتريت بس انا شفت نتيجه مع ان جلدي كنت اقول جلد تمساح ما يأثر فيه شي هههههههههههههههه بس هاي عجبني .. مثل ما قلت كله زبدات مخلوطه وزيوت طبيعيه .. لو عندي ما تعنيت وطلبت .. وبالنسبة للرموش شفت شكثر في يو تيوب ريفيوز عن المنتج فقررت اجربه @_@ هههههه نركض ورا الزين احنا .. ههههههههههه

[ماريسا]

تحداني انا اطلب هالكريمات كلها طبيعيه خلطة زبدة الشيا مع المانجو وغيرها يعني 100% طبيعي لاني من النوع اللي ما يصدق .. وهاي بصراحه انا شفت الخطوط تروح من جسمي بشكل وااااااااااااااضح خبرج خطوط التمدد اللي تحر بس نمتن شوي ونضعف انا خفت مني بنسبة 60% ههههه وعيوني @_@ جذي
لو ما نفع ما اشتريت بس انا شفت نتيجه مع ان جلدي كنت اقول جلد تمساح ما يأثر فيه شي هههههههههههههههه بس هاي عجبني .. مثل ما قلت كله زبدات مخلوطه وزيوت طبيعيه .. لو عندي ما تعنيت وطلبت .. وبالنسبة للرموش شفت شكثر في يو تيوب ريفيوز عن المنتج فقررت اجربه @_@ هههههه نركض ورا الزين احنا .. ههههههههههه

من اي موقع اشتري زبدة الشيا :( ؟؟

[S A L M A N]

انا صارت لي نفس الشي

فيه غرض شخصي خذته من تركيا وسئلت عن اسرع شحن وخذت الدي اج ال خدمة 24 ساعه

ودفعت على اساس 24 ساعه استلمها من الدوحة

لكن للاسف اوصلت خلال يومين .. وعقب اسبوع سلموني اياها !!!!!!

وكنت محتاج هالغرض ضروري لدرجة اني دفعت زيادة بشرط استلمها خلال يوم واحد !!

ومت قهر

اعتقد قرار سخيف من الجمارك

وشحنات الناس كلها متأخره .. شوفوا دبي لما توصلهم بضاعه في المطار عقب ساعتين بالكثير يستلمها الزبون

[ابوالكلام]

إحنا مب كفو نوصل مواصيل دبي على الوضع الحالي

[موضي قطر]

تحداني طايحه لج على اغراض من الكويت كريمات وصوابين صنع يدهم هاي للاسف موقفين التوصيل يقولون بسبب الاوضاع اللي في الخليج بس مادري شدخل التوصيل ف السالفه طبعا قصدي بارامكس !!!!!! قهرررررررررررررررر والله استخدمتهم ونفعوا معاي :(
ادور حد يجيبهم لي من الكويت والله يسهل ..
غير جذي ابي من امازون اغراض مثل سيروم يطول الرموش فعال جدا .. وابي بعد ريفلون اللي يسوي الشعر ويفي روعه هههههه .. اممم بعد يمكن اطلب منتجات انواع الزبدة للجسم مثل الشيا والمانجو والليمون والافوكادو وغيرها ..
وبس انطر متى ينفك الحصار !!!
وبعد جان عندكم نصايح قولوا خل اشتري @_@


عرفت من وين :shy:


شوفي يالغالية .. فيه واحد كويتي يجي قطر كل اسبوع ويوصل أغراض الناس لهم .. اول امس توني ماخذه اغراضي منه :)

اذا تبين رقمه بطرشه على الخاص :telephone:

[تحداني]

عرفت من وين :shy:


شوفي يالغالية .. فيه واحد كويتي يجي قطر كل اسبوع ويوصل أغراض الناس لهم .. اول امس توني ماخذه اغراضي منه :)

اذا تبين رقمه بطرشه على الخاص :telephone:


صديقتي تبي رقمه بعد اذنج :shy: هاذي هوايتها اغراض من كويت

جزاك الله كل خير وجملك الله برضاه

[سعادة الوزير]

سؤال : من مصلحة من تعطيل الشحن السريع وفرض رسوم وضرائب على المواطنين عند الشراء من خارج قطر؟؟؟؟

اعتقد ان الوضع مع تجار "لف الذراع" وتجار "تشتري مني غصب ولا طيب" و تجار "عنز لو طارت" زاد عن حده ، يبيلنا نتكاتف والكل فينا يرسل رسائل بالفاكس او نصية او الافضل مكالمة هاتفية لبرنامج وطني الحبيب ، صدقوني باذن الله سيتم تصحيح هالاوضاع الزفت مع الجمارك.

اتذكر حصل هالوضع منذ 10 سنوات تقريباً مع احد وكلاء السيارات المعروفين جدا جدا ، حيث استطاع هذا الوكيل بنفوذه ان يضغط على الجمارك ويمنع استيراد اي قطعة غيار لسياراته من الخارج ، وكذلك استطاع ان يمنع اصحاب المعارض من استيراد سياراته من الشارجه ، حيث كانمت التعليمات تنص على السماح باستيراد سيارة واحده فقط للشخص خلال سنة اظن ، ولكن بعد ظهور معارضة شديدة من الناس تم الغاء هذا القرار الجائر.

[بوحارب]

والله العالم شغالين طلبات من كل مكان وانا حدي سوق العلي :(

عصفور في اليد ولا عشره هناك فوق كااااك

[موضي قطر]

سؤال : من مصلحة من تعطيل الشحن السريع وفرض رسوم وضرائب على المواطنين عند الشراء من خارج قطر؟؟؟؟

اعتقد ان الوضع مع تجار "لف الذراع" وتجار "تشتري مني غصب ولا طيب" و تجار "عنز لو طارت" زاد عن حده ، يبيلنا نتكاتف والكل فينا يرسل رسائل بالفاكس او نصية او الافضل مكالمة هاتفية لبرنامج وطني الحبيب ، صدقوني باذن الله سيتم تصحيح هالاوضاع الزفت مع الجمارك.

اتذكر حصل هالوضع منذ 10 سنوات تقريباً مع احد وكلاء السيارات المعروفين جدا جدا ، حيث استطاع هذا الوكيل بنفوذه ان يضغط على الجمارك ويمنع استيراد اي قطعة غيار لسياراته من الخارج ، وكذلك استطاع ان يمنع اصحاب المعارض من استيراد سياراته من الشارجه ، حيث كانمت التعليمات تنص على السماح باستيراد سيارة واحده فقط للشخص خلال سنة اظن ، ولكن بعد ظهور معارضة شديدة من الناس تم الغاء هذا القرار الجائر.




السؤال المهم هل من حقهم في القانون انهم يفرضون علينا قرارات تعسفيه لإجبارنا على الشراء من تجارنا اللي مايشبعون اذا كان هذا هو الهدف من الموضوع ؟:telephone:

[غايه الطواش]

توي طالبه مكياج من اسبوع واليوم ياني مسج الاستلام عاد مادري بستلمه بكره والا لا؟؟

[غايه الطواش]

غير جذي ابي من امازون اغراض مثل سيروم يطول الرموش فعال جدا ..@_@

طرشي لي لينك السيروم :shy:ماعليج امر

[al-sadd]

انا مستغرب من كلامكم؟
انا طلبت كذا شغله بسيطه من امازون
والحمدلله وصلو ومافي اي مشاكل
وطلبت اغراض من هارودز واضن بتوصل يا باجر يالي بعده بالكثير

[بلوتنيوم]

والله العالم شغالين طلبات من كل مكان وانا حدي سوق العلي :(

عصفور في اليد ولا عشره هناك فوق كااااك

الكلام الى يتردد حاليا
ان الخطط المستقبلية الغاء الاسواق
يعني
تفتح كمبيوترك تدش حسابك
تختار اغراضك
تدفع ببطاقتك
توصلك اغراضك لين البيت :)

[ماريسا]

انا مستغرب من كلامكم؟
انا طلبت كذا شغله بسيطه من امازون
والحمدلله وصلو ومافي اي مشاكل
وطلبت اغراض من هارودز واضن بتوصل يا باجر يالي بعده بالكثير

اعتقد المشكلة الي توصل اغراضهم عن طريق شركات الشحن السريعة مثل أرامكس دي اتش إل فيديكس و يو إس بي

[al-sadd]

اعتقد المشكلة الي توصل اغراضهم عن طريق شركات الشحن السريعة مثل أرامكس دي اتش إل فيديكس و يو إس بي

اوكي انا طالب من عن طري ارامكس :nice:

[al-sadd]

والله العالم شغالين طلبات من كل مكان وانا حدي سوق العلي :(

عصفور في اليد ولا عشره هناك فوق كااااك

صدقني يابوحارب لو تحسبها بتطلع ربحان
تشتري لاغراض من برى بنص سعره ف الدوحه ويوصلك في 3-4 ايام بالكثير ! :victory:
لو تحسبها على مده سنه ولا سنتين بتلاحظ انك موفر كثييييييير :nice:

نصيحة اخو يابوحارب خل كل شي تبيه من برى !! وبترتاح
انا قمت حتى لاتفه الاسباب اطلب من برى !!
اوراق جوكر اطلبها من امازون ! على الاقل اوراق محترمه مب نفس التعبانه الي تنباع ف الدوحه
لا وارخص بعد :omen2:

[سعادة الوزير]

صدقني يابوحارب لو تحسبها بتطلع ربحان
تشتري لاغراض من برى بنص سعره ف الدوحه ويوصلك في 3-4 ايام بالكثير ! :victory:
لو تحسبها على مده سنه ولا سنتين بتلاحظ انك موفر كثييييييير :nice:

نصيحة اخو يابوحارب خل كل شي تبيه من برى !! وبترتاح
انا قمت حتى لاتفه الاسباب اطلب من برى !!
اوراق جوكر اطلبها من امازون ! على الاقل اوراق محترمه مب نفس التعبانه الي تنباع ف الدوحه
لا وارخص بعد :omen2:

الله وكيلك صار لي اسبوعين انطر شحنتي توصل من dhl ، وقبل كنت آخذها بعد ماطلبها ب 5 ايام بالكثييييييير ، والحين صار لها واصله من اسبوعين وهي طايحه في الجمارك!! ، والمصيبة ان كلنا ندفع رسوم الشحن السريع مبالغ مب بسيطة ، ماقول الا في ذمة الجمارك الى يوم الدين.

[نتفـه]

من اي موقع اشتري زبدة الشيا :( ؟؟

عادي امازون اكتبي shea butter بيطلع لج واطلبي

[تحداني]

سمعت والله أعلم إلي طالب اي مستحضر كان كريم ولا سائل ولا عطورات ولا شي من هالأشياء هي الي محجوزه بسبب قوانين الصحه في الفحص والمختبر اما باقي الامور كل شي على ما يرام


هذا الي سمعته


بس الي اوصلت أغراضهم هالفتره ايش كانوا طالبين ؟؟ عشان نقارن بين الواصل والمتعطل


جملكم الله برضاه

[ومن الغباء ماقتل]

سمعت والله أعلم إلي طالب اي مستحضر كان كريم ولا سائل ولا عطورات ولا شي من هالأشياء هي الي محجوزه بسبب قوانين الصحه في الفحص والمختبر اما باقي الامور كل شي على ما يرام


هذا الي سمعته


بس الي اوصلت أغراضهم هالفتره ايش كانوا طالبين ؟؟ عشان نقارن بين الواصل والمتعطل


جملكم الله برضاه

الشيخ انا كل الي طالبه وصارلها الشحنه محجوزه على مايزيد على 3 اسابيع في الجمارك عبارة عن ملابس اطفال و الله يعزك جوتيين ، السالفة اني مليت من الغش الي قاعدين يعرضونه علينا في المحلات والغلا الي غير مبرر وقعدت اطلب من امازون ، لكن الظاهر ان الربع صادوا الحركه والحين يبون يضيقون علينا عشان نرجع مره نشتري منهم.

[تحداني]

الشيخ انا كل الي طالبه وصارلها الشحنه محجوزه على مايزيد على 3 اسابيع في الجمارك عبارة عن ملابس اطفال و الله يعزك جوتيين ، السالفة اني مليت من الغش الي قاعدين يعرضونه علينا في المحلات والغلا الي غير مبرر وقعدت اطلب من امازون ، لكن الظاهر ان الربع صادوا الحركه والحين يبون يضيقون علينا عشان نرجع مره نشتري منهم.


3 أسابيع وايد والموضوع كله ملابس واحذيه اجلك الله .. الغريب يا اخوي في ناس اوصلت أغراضهم واستلموها قبل يومين وثلاث وفي ناس نفس حالتك صار لهم فتره طويله .. اهني الواحد يستغرب السالفه فيها إن إشمعنى ناس وناس
مع العلم الموقع واحد والشركه وحده ولو يبون بطاقه شخصيه ما راح تبخلون عليهم


وبعدين التجاره الالكترونيه مب من حق اي انسان او جهه تمنعها على المستهلك ايا كان لان البدائل كثيره

في شي غريب



جملك الله برضاه

[ومن الغباء ماقتل]

3 أسابيع وايد والموضوع كله ملابس واحذيه اجلك الله .. الغريب يا اخوي في ناس اوصلت أغراضهم واستلموها قبل يومين وثلاث وفي ناس نفس حالتك صار لهم فتره طويله .. اهني الواحد يستغرب السالفه فيها إن إشمعنى ناس وناس
مع العلم الموقع واحد والشركه وحده ولو يبون بطاقه شخصيه ما راح تبخلون عليهم


وبعدين التجاره الالكترونيه مب من حق اي انسان او جهه تمنعها على المستهلك ايا كان لان البدائل كثيره

في شي غريب



جملك الله برضاه

البطاقه الشخصية انا ماعطيهم اياها بعد ماوصلت الشحنه بيوم حسب تعليماتهم ، ماقول الا حسبي الله على الي كان السبب ، والله يجعل كل من تسبب علينا انه يعاني وينذل مثل ماهم مخلينا نعاني وذالينا بفلوسنا وحلالنا.

[NeverLand]

اي والله حسبي الله على اللي كان السبب .. دعوه طالعه من قللللللللبي والله!

انا طلبي كله عباره عن فلم واحد بلوراي من امازون اليابان .. وللحين مو قادر استلمه من dhl ..

ارامكس فديتهم اليوم رايح ومستلم طلباتي كلها اللي طلبتهم من امريكا ..

البلا كله الحين مع الـ dhl !!!

[NeverLand]

سؤال : من مصلحة من تعطيل الشحن السريع وفرض رسوم وضرائب على المواطنين عند الشراء من خارج قطر؟؟؟؟

اعتقد ان الوضع مع تجار "لف الذراع" وتجار "تشتري مني غصب ولا طيب" و تجار "عنز لو طارت" زاد عن حده ، يبيلنا نتكاتف والكل فينا يرسل رسائل بالفاكس او نصية او الافضل مكالمة هاتفية لبرنامج وطني الحبيب ، صدقوني باذن الله سيتم تصحيح هالاوضاع الزفت مع الجمارك.

اتذكر حصل هالوضع منذ 10 سنوات تقريباً مع احد وكلاء السيارات المعروفين جدا جدا ، حيث استطاع هذا الوكيل بنفوذه ان يضغط على الجمارك ويمنع استيراد اي قطعة غيار لسياراته من الخارج ، وكذلك استطاع ان يمنع اصحاب المعارض من استيراد سياراته من الشارجه ، حيث كانمت التعليمات تنص على السماح باستيراد سيارة واحده فقط للشخص خلال سنة اظن ، ولكن بعد ظهور معارضة شديدة من الناس تم الغاء هذا القرار الجائر.


ياخي انت فظيع .. والله حسيتك قلت كل اللي خاطري اقوله

وطني الحبيب باطين جبدي ترا .. ولا 10 رسايل ارسلتها لهم عن هالموضوع وكلهم ماقروها .. احسهم يقولون شهالموضوع السخيف نتكلم عن شحنات الجمارك والتأخير .. بس والله صج ماتخيلت ان الكل يعاني من هالمشكله لهالدرجه!! انا بنفسي متفاجئ من الردود اللي قاعد اقراها بالموضوع!!

لازم لازم لازم كلنا نوقف يد وحده ضد هالقرار التعسفي ونحاول نوصل صوتنا غصب طيب للجرايد ووطني الحبيب .. مو حاله هذي!!

[تحداني]

اتصلوا وطني الحبيب ما ينفع رسايل يمكن لو ما قروا الا يسمعون
او وصلوا الشكوى للجرايد


صج مب حاله

انا لو عندي طلبيه والله ما اسكت



جملكم الله برضاه

[بوحارب]

الكلام الى يتردد حاليا
ان الخطط المستقبلية الغاء الاسواق
يعني
تفتح كمبيوترك تدش حسابك
تختار اغراضك
تدفع ببطاقتك
توصلك اغراضك لين البيت :)
مالهم حل تطوروا العالم :telephone:


صدقني يابوحارب لو تحسبها بتطلع ربحان
تشتري لاغراض من برى بنص سعره ف الدوحه ويوصلك في 3-4 ايام بالكثير ! :victory:
لو تحسبها على مده سنه ولا سنتين بتلاحظ انك موفر كثييييييير :nice:

نصيحة اخو يابوحارب خل كل شي تبيه من برى !! وبترتاح
انا قمت حتى لاتفه الاسباب اطلب من برى !!
اوراق جوكر اطلبها من امازون ! على الاقل اوراق محترمه مب نفس التعبانه الي تنباع ف الدوحه
لا وارخص بعد :omen2:

زين وش تنصحني اشتري من برع مثلا:shy:

[حياة]

اهلين
انا بنتي طالبه من موقع بريطاني اغراض
ومن شهر 12 ألين الحين ماوصل
والموقع يقول اطلعت من ثاني يوم!!!
وماحد اتصل لي لاجمارك والا البريد ولا dhl
ومادري شسوي... ممكن تساعدوني!!!
واوله العام طالبه ساعه ب1500 والي ساعتكم
ماعرف وين ولا ايش صار والموقع قال لي
المشكله من عندكم وعجزت وانا ادور وادور
وعقب هونت والله يعوضني بخير..
المشكله اني من شهر طالبه من امازون اغراض
لبيتي الجديد بحدود 800 دولار
وبعد ماحد اتصل ولا كلم ولاارسل ايميل
وش الحل ؟ وين اسئل ؟
والله انها مشكله بصرااااااحه

[captin]

الناس برع وين واحنا وين احنا قاعدين نرجع للوراء
بسبب بعض المسؤولين المنغلق على نفسة ومب عارف العالم برع شلون يشتغلون.

يعني مصدر القرار مب عارف يميز بين اغراض شخصية
واصلة بإسم مواطن او مقيم وأغراض بإسم شركة بغرض المتاجرة

يا اخي انا حاب التسوق من النت واطلب اغراض شخصية سواء ملابس او الكترونيات
او أكل او قطع غيار لسيارة او دراجة او سكوتر او طراد انت وشدخلك في الموضوع.
يا اخي ما أبي اشتري شي من سوق قطر من عند التجار والوكلاء هو بالقوة.

مثال
اخذت عرض سعر لقطع غيار حق سيارتي ماركة أمريكية من الوكيل المحلي اطلعت القيمة 32000 ريال ورحت السعودية جبتها من الوكيل هناك بسعر 8500 ريال فقط لاغير اذا ليش تفرض علي انا كمواطن وتلزمني اشتري من الوكيل المحلي واربحه بالقوة من جيبي وتفرض على رسوم جمارك لأغراض شخصية ما راح ابيعها أو اتاجر فيها هي مجرد استخدام شخصي .


يا هيئة الجمارك اصحوا وشوفوا العالم برع شلون يتعامل في مثل هالامور لازم تميزون بين اغراض شخصية للأستهلاك الشخصي مهما كان نوعها ومواد وسلع للمتاجرة عشان تحجزونها وتطلبون عمل بيان جمركي لها.

[NeverLand]

بسم الله قطع غيار من 32000 لين 8500 ريال؟ والله صج ماتنلامون!!

انا مشترياتي اعتبرها خفيفه .. وكل اللي اخذه مو موجود عندنا عشان احصل بديل بسوق قطر .. عشان جذي محترررق قلبي عاللي قاعد يصير .. يعني الله يهداهم بعض المسؤولين بالجمارك احسهم للحين عايشين بالعصر الحجري على هالاجراءات السخيفه اللي مطلعينها ..

وطبعا للحين شحنتي مع ال dhl ماوصلت .. يا ليل مطولك :(

[بـوصـالـح]

انا طالب اغراض من امازون
خلال اسبوع وهم فالدوحه .. واستلمت الاغراض قبل يومين من ارامكس
ومافي اي مشاكل او اي تعقيد

ما ادري وين الخلل الي تتكلمون عنه

[ومن الغباء ماقتل]

انا طالب اغراض من امازون
خلال اسبوع وهم فالدوحه .. واستلمت الاغراض قبل يومين من ارامكس
ومافي اي مشاكل او اي تعقيد

ما ادري وين الخلل الي تتكلمون عنه

فعلا انا ملاحظ ان شحنات ارامكس فقط هي الي تخلص بسرعة ، لكن الشركات الثانية كلها متعطلة.

[airbus]

انا طلبت امس اغرض بي ١٥٠ دولار لغرض التجريب فقط اشوف شنوا المشكلة بظبط وادا مرت من الجمارك ممكن تكون من الشركات التانية !!



بالله عندي سؤال ادا ابي اشتري من ikea السعودية كيف توصلي الاغراض لي قطر لان الصراحة الاثاث اهني ازبالة اكرمكم الله وغالي ولا الحلوا بي ٢٠ الف وطالع !! ومتأكد السعر الي برا ارخص بي اربع اضعاف

[محمد11]

وانا بعد نفس المشكله

[عكاس]

انا طلبت امس اغرض بي 150 دولار لغرض التجريب فقط اشوف شنوا المشكلة بظبط وادا مرت من الجمارك ممكن تكون من الشركات التانية !!



بالله عندي سؤال ادا ابي اشتري من ikea السعودية كيف توصلي الاغراض لي قطر لان الصراحة الاثاث اهني ازبالة اكرمكم الله وغالي ولا الحلوا بي 20 الف وطالع !! ومتأكد السعر الي برا ارخص بي اربع اضعاف

ikea دبي يوصلون لين الدوحة وسعرهم حلو

[airbus]

ikea دبي يوصلون لين الدوحة وسعرهم حلو

شلون الطريقة لانه في بس توصيل الى دبي وابوظبي فقط

[النهار]

اليوم وصلتني رساله من فدكس على الجوال يطلوبون صورة البطاقه الشخصيه
هل حدث هذالشي مع اي واحد منكم

نص الرساله
please frwd me your qatari copy by
email mohammad.zohaib@flacongroup
for fedx airway bill

ياجماعه ارسل له صورة البطاقه ولالا
لان طلبيتي 2000 دولار

[airbus]

اليوم وصلتني رساله من فدكس على الجوال يطلوبون صورة البطاقه الشخصيه
هل حدث هذالشي مع اي واحد منكم

نص الرساله
please frwd me your qatari copy by
email mohammad.zohaib@flacongroup
for fedx airway bill

ياجماعه ارسل له صورة البطاقه ولالا
لان طلبيتي 2000 دولار


اكيد ارسل البطاقة او روح لي اقرب فرع

[تحداني]

اليوم شريت عطر والمفروض استلمه من ارامكس .. بشوف متى راح استلمه .. ولا حالي راح يكون من حالكم ... الله يستر



جملكم الله برضاه

[النهار]

اليوم شريت عطر والمفروض استلمه من ارامكس .. بشوف متى راح استلمه .. ولا حالي راح يكون من حالكم ... الله يستر



جملكم الله برضاه


عليك ان تصبر صبر ايوب انا بضاعتي من يوم تم ارسالها لها اكثر من اسبوعين اليوم طرشوا لي مسج يبغون صورت البطاقه الشخصيه ومادري بعد مارسل لهم البطاقه تأخذ كم
بس اقول حسبنالله ونعم الوكيل

[airbus]

اليوم شريت عطر والمفروض استلمه من ارامكس .. بشوف متى راح استلمه .. ولا حالي راح يكون من حالكم ... الله يستر



جملكم الله برضاه

تقريبا العطور من الممنوعات من ارامكس صح!؟

[تحداني]

عليك ان تصبر صبر ايوب انا بضاعتي من يوم تم ارسالها لها اكثر من اسبوعين اليوم طرشوا لي مسج يبغون صورت البطاقه الشخصيه ومادري بعد مارسل لهم البطاقه تأخذ كم
بس اقول حسبنالله ونعم الوكيل



في ناس اطلبت قبل اسبوع واستلمت من ارامكس
وفي ناس صار لها اسبوعين وللحين ما إستلمت .. وكل حد مستغرب من الثاني


الله يستر


جملك الله برضاه

[تحداني]

تقريبا العطور من الممنوعات من ارامكس صح!؟




اول مره اجرب عن طريقهم ومتعمده ... الله اعلم اتوقع نعم بس ضروري اتأكد




جملك الله برضاه

[20qatar22]

راجع الرابط



http://www.qatarshares.com/vb/showthread.php?p=8002099#post8002099

[ماريسا]

اليوم شريت عطر والمفروض استلمه من ارامكس .. بشوف متى راح استلمه .. ولا حالي راح يكون من حالكم ... الله يستر



جملكم الله برضاه

العطور و المواد السايلة من ممنوعات أرامكس اختي
مرة طلبت كريمات و أرامكس رجعتها للتاجر

[نتفـه]

انا ارامكس كنت اطلب كريمات عادي ما كان في اي مشكله مادري عاد جان اطلب الحين وينكبوني !!!!!

[NeverLand]

من اسبوعين طلبت من امريكا سيف لكن مش حقيقي مجرد سيف ديكوريشن .. ولما وصل لحسابي بأرامكس امنعوه وقالوا يا نطرشه على عنوان ثاني يا نتلفه لك

قلت لهم ليش؟ السيف مب صج مجرد ديكوريشن!! .. قالوا لا .. السيف يعتبر من المواد الحاده الممنوعه :(

[al-sadd]

مالهم حل تطوروا العالم :telephone:



زين وش تنصحني اشتري من برع مثلا:shy:

كل مايتمناه قلبك :nice:
تبي ملابس عطور ونظارات
اكسسوارات للهدد :victory:
هدرز فلتر
اي شي تبيه
ياخوي لو تبي موتر تقدر تشتريه !
يارجال اللكزس في الدوحهوصل حول 410 ان ماخاب ظني
في امريكا بنفس المواصفات بالضبط مع الشحن حول 330 الف !! :eek5:

:nice:

[شميرام]

لا حول الله
من 12/2 الاغراض في الدوحه
Feb 12, 2012 11:47 AMClearance delay - ImportDOHA QAA specialized form/statement is required for clearance from recipient.

Feb 12, 2012 4:00 AMIn transitDOHA QAPackage available for clearance
متى باخذها تمللت من تلفوني

[إينشتاين]

شلون الطريقة لانه في بس توصيل الى دبي وابوظبي فقط



تلقى عند الكاشير مكتب الديلفري هناك يتعاملون مع شركة اراميكس للتوصيل للدوحة ،، سعر الشحن يبدأ من 300 ريال لغاية وزن 1500 كغ وكل كيلو زيادة هناك مبلغ معين بالإضافة ، لــ 150 ريال للتغليف.

[ام السعف]

العطور و المواد السايلة من ممنوعات أرامكس اختي
مرة طلبت كريمات و أرامكس رجعتها للتاجر

بالفعل العطورات ممنوعة في ارامكس حتى لو كانت تستر صغيرون
:telephone:

[شميرام]

افففففف بعدين معهم ذيلا تلفوني خربان ابغي الجديد والجديد في جمارك

[مثمن معتمد]

ان زاد الراتب يزيد الايجار والرسوم واسعار السيارات وكل شي حتى فكرة زيادة القروض بتزيد اسعار الفلل وبنلحق سراب
المواطن القطري موصل ممتاز للمال

[تحداني]

العطور و المواد السايلة من ممنوعات أرامكس اختي
مرة طلبت كريمات و أرامكس رجعتها للتاجر


بالفعل العطورات ممنوعة في ارامكس حتى لو كانت تستر صغيرون
:telephone:


:weeping:

:(

[airbus]

تلقى عند الكاشير مكتب الديلفري هناك يتعاملون مع شركة اراميكس للتوصيل للدوحة ،، سعر الشحن يبدأ من 300 ريال لغاية وزن 1500 كغ وكل كيلو زيادة هناك مبلغ معين بالإضافة ، لــ 150 ريال للتغليف.

مشكور ياخوي وبارك الله فيك

[ماريسا]

:weeping:

:(

معلش :(
راسلي التاجر و قوليله يشحنهم لج على عنوانج بقطر مباشرة و غالباً بيطلب فلوس الشحن مرة ثانية

[خشوف]

تنبيه

امس استلمت شحنه من dhl ولادفعونا ولا ريال قلنا لهم ليش التنقيع وليش طلبتوا بطاقة الشخصية قال الجمارك كانت تبي تسوي نظام بالسستم وغيروا رايهم اول مره اشوف dhl زحمة والحمدلله استلمنا اغراضنا الي ما استلموا يروحون لهم

[20qatar22]

الحمدالله

[تحداني]

معلش :(
راسلي التاجر و قوليله يشحنهم لج على عنوانج بقطر مباشرة و غالباً بيطلب فلوس الشحن مرة ثانية




:)
طلبتها من الإعيله وبدون تفكير .. قلت بس ابي اجرب
حاضر راح اسوي الي قلتيلي عنه


الله يرضى عليج ويجملك برضاه

[ومن الغباء ماقتل]

يعني العباقرة الي في الجمارك اخيراً رد فيهم العقل واعرفوا ان الي سووه كان غلط؟؟؟؟ .. ياليت والله!!

[بوحارب]

كل مايتمناه قلبك :nice:
تبي ملابس عطور ونظارات
اكسسوارات للهدد :victory:
هدرز فلتر
اي شي تبيه
ياخوي لو تبي موتر تقدر تشتريه !
يارجال اللكزس في الدوحهوصل حول 410 ان ماخاب ظني
في امريكا بنفس المواصفات بالضبط مع الشحن حول 330 الف !! :eek5:

:nice:

زين عطني المواقع اللي الواحد يطلب منها لأني ماعرف الا سوق العلي ههههههههههه :secret:

[انصار جليري]

تنبيه

امس استلمت شحنه من dhl ولادفعونا ولا ريال قلنا لهم ليش التنقيع وليش طلبتوا بطاقة الشخصية قال الجمارك كانت تبي تسوي نظام بالسستم وغيروا رايهم اول مره اشوف dhl زحمة والحمدلله استلمنا اغراضنا الي ما استلموا يروحون لهم



نفس اللي صار لي بالضبط مادفعنا شي والحمدلله التأخير كان 3 ايام بس

[ومن الغباء ماقتل]

المضحك ان الجمارك كانت قد استعانت "بأحد بيوت الخبرة العالميين" لتطوير العمل بها!! ، وهي شركة BOOS ALLEN HAMILTON والله العالم كم من الملايين الي تم صرفها عليهم ، طبعا الخبر من موقعهم :

http://img822.imageshack.us/img822/8508/cus1y.png

وكان من اهم الاهداف هو "التسريع" بعملية التخليص ، وجعل نسبة المعاينة اقل من 5 بالمئة!! ، كلام مفرح جداً جداً!!

http://img641.imageshack.us/img641/9308/cus2.png

لكن المصيبة انه بعد صرف كل هالملايين ، وهدر وقت الموظفين والمواطنين والمقيمين ، تم تقليص الوقت المطلوب للتخليص من اقل من يوم واحد قبل تطبيق هذا النظام ، الى ثلالث أسابيع فقط لا غير ، وهي كما تلاحظون فترة قياسية جدا ، تجعل قطر (وكما هو الحال دائماً وأبداً) أحد اكثر الدول تطوراً ، والاولى على مستوى العالم في مجال التخليص الجمركي ،، ورقصني يا جدع! (الاخيرة هاذي لجرايدنا المحلية!).

أرجوا من قياديي الجمارك أخذ هذه الملاحظات على محمل الجد ، ومحاسبة كل من تسبب في هذه الجراءات السخيفة التي أدت الى تعطيل مئات الالوف من الشحنات الشخصية بدون أي سبب ، ومحاسبة شركة الاستشارات العالمية هذه لانها وبكل بساطة فشلت في مهمتها.

[NeverLand]

قسم بالله بموووت قهر شحنتني مع dhl للحين مب راضيه تطلع من الجمارك ..

حشا شهالاجراء اللي ياخذ شهررررر!!!

ماقول الا الله ياخذ اللي طلع هالقرار

ماحب ادعي على احد بس والله هالمره طالعه من قلبي ماقدر امسكها .. الله ياخذه ويفكنا منه ومن تخطيطه الفاشل

محد رجعنا ورا غير هالاشكال

[airbus]

تم استلام الشحنه بدون مشاكل من ارامكس والمشكلة للحين في dhl

[airbus]

قسم بالله بموووت قهر شحنتني مع dhl للحين مب راضيه تطلع من الجمارك ..

حشا شهالاجراء اللي ياخذ شهررررر!!!

ماقول الا الله ياخذ اللي طلع هالقرار

ماحب ادعي على احد بس والله هالمره طالعه من قلبي ماقدر امسكها .. الله ياخذه ويفكنا منه ومن تخطيطه الفاشل

محد رجعنا ورا غير هالاشكال


ادا انا نفسك لا اطلب بي تعويض

[OREO]

طلبيتي اوصلت من اسبوعين على فيديكس و استلمتها بنفس اليوم و طلبوا مني البطاقه الشخصيه و عشرة ريالات و الرجال اثبتلي بأوراق و قوانين صادره من الجمارك و موقع عليها مدير الجمارك و اسم التعميم ( بيان ) و مكتوب فيه الرسوم و الخ ،،، يجوز التأخير في بقية الشركات كانت بسبب هذا الموضوع ،، يعني فيدكس انرضخت و ادفعت الرسوم اما البقيه اطلعوا افهم و اصبروا لان عادتا الشركات هذه لها الالاف الشحنات و تقدر حصيلة العشرة ريالات بملايين الريالات ،، فلذا اظاهر الغوا الرسوم او اوقفوها من تذمر الناس و الشركات ،،

للمعلوميه ،، لزيادة التأكيد اذا حاب اي واحد يتأكد يمر على مبنى فيدكس اللي خلف اللولو و ياخذ نسخه من التعميم و يتأكد ،، لاني شخصياً قاري التعميم هذا و دفت المبلغ و انا اضحك لان ما راح استلم الشحنه و الا انا دافع الرسوم و هذا بأمر من مدير الجمارك و انا مسؤول عن كلامي اذا كلامي مهب صحيح او فيه تبلي على هيئة الجمارك ،،

موفقين ان شاءالله ،، و مبروكين على وصول شحناتكم بعد خراب بصرة ،، :rolleyes2:

[OREO]

ادا انا نفسك لا اطلب بي تعويض

جرب اطلب تعويض ،، صدقني بيحطونك في قائمة المطلوبين الــ ٢٥ ،، بيطلع عليك اكثر من بيع السوق ،،

يا رجال خلها على الله ،، اغراضي دوم توصل يا امها مفكوكه بطريقه همجيه او منثره في ضرف الشركه اللي شحنت لي ،، للاسف هيئة الجمارك ما تتابع موظفينها و اسلوب الجنقليه اشوي بحقهم ،،

الدوله صارفه عليهم ملايين الملايين و ترسلهم دورات داخليه و خارجيه و موفره لهم احسن الاجهزه لفحص البضايع و في الاخير يجونك اشوية جناقل مالهم في الغنم تيس و يشيك على اغراضك كأن بايق حلال ابوه و الا جده ،،


اسف اني وصفتهم بوصفهم ،، لان هذه الحقيقه اللي قاعديين نواجهها و اتمنى تتم اعادة هيكلة الهيئه عن بكرة ابيها لاجل الناس ترتاج من همجيتهم و غطرستهم ،،

[fhd4]

شحنت اغراض بنفسي من الامارات للدوحة عن طريق الـ dhl بالبر …

خلونا نشوف اللي راح يصير معاهم هالاسبوع يوم توصل الاغراض … للعلم كلها اغراض شخصية …

[ماريسا]

استلمت اغراضي من الدي اتش ال يوم الخميس الي اصلاً واصلة قطر بتاريخ 5 فبراير
معقولة لحّين في ناس ماستلموا من الدي اتش ال؟؟

[بورش2008]

يعطيك العافية وتحياتي

[fhd4]

شحنت اغراض بنفسي من الامارات للدوحة عن طريق الـ dhl بالبر …

خلونا نشوف اللي راح يصير معاهم هالاسبوع يوم توصل الاغراض … للعلم كلها اغراض شخصية …

الحمدلله ... استلمت الأغراض اليوم بدون أي مشاكل ...

[بوعيسى]

السلام عليكم

رد الادارة العامه للجمارك على شكاوي البريد السريع
حيث ان شركات البريد السريع لاتوفر موظفين لتخليص البضائع
وموظفين الجمارك يعملون 24 ساعه في اليوم وشركات البريد السريع لا تلتزم بهذا النظام حيث انها لا تعمل 24 ساعه

http://www12.0zz0.com/2012/02/21/05/864183917.jpg (http://www.0zz0.com)

[بولينجر]

وش معنى أن البضائع الشخصية ما تتجاوز قيمتها 3000 ريال حسب القانون الجمركي الخليجي الموحد؟ يعني ما أقدر أشتري لابتوب مثلا؟

[بوعيسى]

وش معنى أن البضائع الشخصية ما تتجاوز قيمتها 3000 ريال حسب القانون الجمركي الخليجي الموحد؟ يعني ما أقدر أشتري لابتوب مثلا؟

اذا قيمه الشي الى مشتريه تتجاوز 3000 ريال تدفع رسوم جمركيه قدرها 5 % من قيمه البضاعه

[بولينجر]

اذا قيمه الشي الى مشتريه تتجاوز 3000 ريال تدفع رسوم جمركيه قدرها 5 % من قيمه البضاعه
كل 10000 عليها 500 ريال. الله يعين. ضرايب من كل صوب. وتسلم على التوضيح

[ومن الغباء ماقتل]

كلامك مأخوذ خيره يا مبارك المعاضيد!! ، الحين تبريت من المشكلة وقطيتها على شركات الشحن؟؟؟ ، اتقوا الله في فلوسنا ، احنا ندفع الالاف عشان توصل اغراضنا بسرعة ، وانت تقول ان البعض يسيء استغلال تسهيلات الشحن السريع؟؟ ليكون على بالك ان الشحن السريع ابلاش بس؟؟؟ يبا احنا ندفع الالاف عشان هالشحن السريع ، وانتوا تعطلونه عندكم بالاسابيع وتقول لي اسائة استغلال التسهيلات؟؟؟ ... لا حول ولا قوة الا بالله ، الله يعين هالبلد!!

[نتفـه]

ابي اطلب عن طريق ارامكس الحين نقدر نطلب والا بيعقدونا واغض البصر؟؟؟؟

[موضي قطر]

ابي اطلب عن طريق ارامكس الحين نقدر نطلب والا بيعقدونا واغض البصر؟؟؟؟



توني مستلمة اغراض انا طلبت ... وبنت اختي طلبت بعد :nice:


والأغراض كلها لي بصراحة :shy:


الدفعة الأولى 1800 ريال

والثانية 2200 ريال

تعمدت اسوي هالحركة لأنه مب معقولة ادفع 500 عن كل 10000 ريال :anger1:

والباقي جايين في الطريق بعد من كان له حيله فليحتال

علمتني الحركة وحدة امريكية :victory:

[نتفـه]

ههههههههههههه جزاج الله خير طمنتيني يعني اقل من 3000 ماعليهم ضرايب؟

[موضي قطر]

ههههههههههههه جزاج الله خير طمنتيني يعني اقل من 3000 ماعليهم ضرايب؟


عني مادفعت ولا شي زيادة .. وحده من شوي مكلمتني بالصدفة اقولها عن غرض عجبني من الأغراض اللي استلمتها طلعت هي جايبه اغراض بالهبل هي وخواتها وحريم خوانها :tease:

يعني وزعت الطلبيات على الأسماء اللي عندها بس فيه نقطة كل وحده بفيزتها وهي ترد لهم فلوسهم :)

[ام السعف]

عني مادفعت ولا شي زيادة .. وحده من شوي مكلمتني بالصدفة اقولها عن غرض عجبني من الأغراض اللي استلمتها طلعت هي جايبه اغراض بالهبل هي وخواتها وحريم خوانها :tease:

يعني وزعت الطلبيات على الأسماء اللي عندها بس فيه نقطة كل وحده بفيزتها وهي ترد لهم فلوسهم :)

يعني الحين لو طلبنا شي قيمته فوق 3000 ريال ندفع ضريبة ؟

طيب ليش ما يوضحون لنا شنهو سوء استخدام التسهيلات اللي يقولون عنها ؟

:telephone:

[بولينجر]

المشكلة ان فكرة توزيع الأغراض على أسامي مختلفة لا يمكن تطبيقها غالبا على الالكترونيات..... تخيلوا ايباد والا لابتوب مفكك.... وطبعا بيجي اللي بيقول مادام عندك هالفلوس تشتري بها أجهزة (ترفيهية) فما يمنع تدفع فلوس زيادة فوقها للجمارك... وهذا كلام مردود عليه لأن اللي متعب نفسه يطلبها من بره وهي متوفرة في البلد عنده ما طلبها إلا لأنه شارد من غلاء سعرها في قطر... والموضوع واضح فيه تعاون لوبي التجار مع الجمارك..... وكلام أخوي ومن الغباء ماقتل صحيح.... احنا ندفع لسرعة الشحن وهم يعطلون مصالح الناس..... والله الواحد صار يتردد كثير إذا بيطلب بسبب قوانينهم وتعطيلهم........

[موضي قطر]

يعني الحين لو طلبنا شي قيمته فوق 3000 ريال ندفع ضريبة ؟

طيب ليش ما يوضحون لنا شنهو سوء استخدام التسهيلات اللي يقولون عنها ؟

:telephone:



والله مادري ماجربت من يوم وقفوا الشحنات اشتري شي بهالمبلغ .. انا الله رحمني قبلها كنت طالبة اغراض ووصلت بعدها على طول وقفوا الشحنات وحجزوها في الجمارك .. بس المره هذه ماحبيت اغامر .. وبعدين ليش ادفع لهم وانا شارية من كيسي ومن حلالي :telephone:


وبالنسبة شنهو سوء استخدام التسهيلات اللي يقولون عنها ؟

اتوقع عذر واهي كالعادة :omen2:

لأنه اللي مشترب بضاعة بتكون على حسابه وان كان فيها وزن طبيعي بيدفع .. وين استغلال التسهيلات :rolleyes2:


بالعربي ياسعوفه يبون ينفعون التجار اللي نهبونا ويتعذرون بالعذر هذا والدليل ماقدموا دليل واضح وبالبينه واليقين :rolleyes2::(

[ام السعف]

والله مادري ماجربت من يوم وقفوا الشحنات اشتري شي بهالمبلغ .. انا الله رحمني قبلها كنت طالبة اغراض ووصلت بعدها على طول وقفوا الشحنات وحجزوها في الجمارك .. بس المره هذه ماحبيت اغامر .. وبعدين ليش ادفع لهم وانا شارية من كيسي ومن حلالي :telephone:


وبالنسبة شنهو سوء استخدام التسهيلات اللي يقولون عنها ؟

اتوقع عذر واهي كالعادة :omen2:

لأنه اللي مشترب بضاعة بتكون على حسابه وان كان فيها وزن طبيعي بيدفع .. وين استغلال التسهيلات :rolleyes2:


بالعربي ياسعوفه يبون ينفعون التجار اللي نهبونا ويتعذرون بالعذر هذا والدليل ماقدموا دليل واضح وبالبينه واليقين :rolleyes2::(

مرات تكون هدايا اتطرش عن طريق الشركات هذي
مب كفاية الشركة تشفط بعد صادتهم الغيرة ؟ :telephone:

[موضي قطر]

المشكلة ان فكرة توزيع الأغراض على أسامي مختلفة لا يمكن تطبيقها غالبا على الالكترونيات..... تخيلوا ايباد والا لابتوب مفكك.... وطبعا بيجي اللي بيقول مادام عندك هالفلوس تشتري بها أجهزة (ترفيهية) فما يمنع تدفع فلوس زيادة فوقها للجمارك... وهذا كلام مردود عليه لأن اللي متعب نفسه يطلبها من بره وهي متوفرة في البلد عنده ما طلبها إلا لأنه شارد من غلاء سعرها في قطر... والموضوع واضح فيه تعاون لوبي التجار مع الجمارك..... وكلام أخوي ومن الغباء ماقتل صحيح.... احنا ندفع لسرعة الشحن وهم يعطلون مصالح الناس..... والله الواحد صار يتردد كثير إذا بيطلب بسبب قوانينهم وتعطيلهم........


ترفيـــــــــــهيـــــــــــــــــــــــــه :omg:


ياويل حال المواطن يعني لاب توب ولا آي باد ترفيه :(


لو انه في يخت في الكوت دازور .. ولا ماربيا

وش بيسمونها .. ولا وشو القرار الجديد اللي ممكن يطلعونه :shy:



مرات تكون هدايا اتطرش عن طريق الشركات هذي
مب كفاية الشركة تشفط بعد صادتهم الغيرة ؟ :telephone:


مثل المنشار يابنت الحلال :secret:

[بولينجر]

ترفيـــــــــــهيـــــــــــــــــــــــــه :omg:


ياويل حال المواطن يعني لاب توب ولا آي باد ترفيه :(


لو انه في يخت في الكوت دازور .. ولا ماربيا

وش بيسمونها .. ولا وشو القرار الجديد اللي ممكن يطلعونه :shy:






هههههه لاحظي حطيتها بين قوسين..... لأنهم مستكثرين علينا كل شي ويعتبرونه ترفيه زيادة عن اللزوم......

[20qatar22]

الكمبيوترر والايباد والايفوون ماعليه جماارك .. يعني لو شريت ب ٣٠٠٠ ريال ماتدفع غير ١٠ ريال

^_^

[موضي قطر]

الكمبيوترر والايباد والايفوون ماعليه جماارك .. يعني لو شريت ب ٣٠٠٠ ريال ماتدفع غير ١٠ ريال

^_^


أكيد هالكلام ...... لحد يطلب ويتوهق :(

[asulaiti]

يبدو أن التجار بدأوا يشنوا حرب علينا .. ويمكن لهم يد في هذا التأخير
أو هذه القوانين الجديدة .. لإجبارنا على الشراء منهم غصب ..

طيب .. أنا أقول قبلت هذه الحرب .. سأشتري من النت حتى لو كان أغلى منكم ..
وخل فلوسي لبرى مش لكم .. لأني جربتكم ومافيكم فايدة .. ولا أنا مستفيد منكم ولا من خدمة ما بعد البيع !!

ليش اشتري منكم بعد ؟؟
سعر دبل !! وما يندرا أصلي ولا تقليد .. والاغلب هو الاخير ،،

اشتري من الخارج حتى لو طلع أغلى علي .. وأرد الحرب هذه على هالتجار واخلي البضاعة تخيس عندهم !!

عيل منعتوا نشتري العطور علشانها سوائل قابلة للاشتعال ؟؟
الله اكبر !!

طيب والخمر يا القطرية ؟؟
علينا ؟؟

ويوم إنها فعلاً خطر على الطيران .. ليش ما تم المنع في باقي طيرات منطقة الخليج ؟؟
أنا ربعي من السعودية والامارات يقولون لي لين الحين يشترون عطورات عادي !!
السعودية بس صار لها طريقة في الشحن .. تغلف العطورات بتغليف اضافي فقط !!

لكن الظاهر يوم شافوا أنها زادت عن حدها .. قاموا وحطوا هالسبب علشان يخفون الحقيقة !!

أنا ٦٠٪ من أغراض بيتي وملابس العيال .... من النت !!
قاعد في البيت شارب ماكل مرتاح .. والنت شغال عندي وأنا والاهل نختار من هالملابس والالعاب ..
وندفع بالبطاقة .. وكلها اسبوع والبضاعة عندك !!

ولا ذلة الشوارع والزحمة والمواقف .. ولا .. ما في طلعة لك للسوق إلا والمرور صاكينك مخالفة !!
لو ادفعها للشحن السريع أبرك ..

بالتوفيق اخواني .. واقترح زيادة موظفي الجمارك ..

بالصراحة ماكنت أدري ان نسبة كبيرة من هالقطر يشترون من النت .. وأقول كفو والله ..
والعملية سهلة وممكن أي واحد يتعلمها بكل سهولة ..

بالتوفيق للجميع ..

[موضي قطر]

يبدو أن التجار بدأوا يشنوا حرب علينا .. ويمكن لهم يد في هذا التأخير
أو هذه القوانين الجديدة .. لإجبارنا على الشراء منهم غصب ..

طيب .. أنا أقول قبلت هذه الحرب .. سأشتري من النت حتى لو كان أغلى منكم ..
وخل فلوسي لبرى مش لكم .. لأني جربتكم ومافيكم فايدة .. ولا أنا مستفيد منكم ولا من خدمة ما بعد البيع !!

ليش اشتري منكم بعد ؟؟
سعر دبل !! وما يندرا أصلي ولا تقليد .. والاغلب هو الاخير ،،

اشتري من الخارج حتى لو طلع أغلى علي .. وأرد الحرب هذه على هالتجار واخلي البضاعة تخيس عندهم !!

عيل منعتوا نشتري العطور علشانها سوائل قابلة للاشتعال ؟؟
الله اكبر !!

طيب والخمر يا القطرية ؟؟
علينا ؟؟

ويوم إنها فعلاً خطر على الطيران .. ليش ما تم المنع في باقي طيرات منطقة الخليج ؟؟
أنا ربعي من السعودية والامارات يقولون لي لين الحين يشترون عطورات عادي !!
السعودية بس صار لها طريقة في الشحن .. تغلف العطورات بتغليف اضافي فقط !!

لكن الظاهر يوم شافوا أنها زادت عن حدها .. قاموا وحطوا هالسبب علشان يخفون الحقيقة !!

أنا ٦٠٪ من أغراض بيتي وملابس العيال .... من النت !!
قاعد في البيت شارب ماكل مرتاح .. والنت شغال عندي وأنا والاهل نختار من هالملابس والالعاب ..
وندفع بالبطاقة .. وكلها اسبوع والبضاعة عندك !!

ولا ذلة الشوارع والزحمة والمواقف .. ولا .. ما في طلعة لك للسوق إلا والمرور صاكينك مخالفة !!
لو ادفعها للشحن السريع أبرك ..

بالتوفيق اخواني .. واقترح زيادة موظفي الجمارك ..

بالصراحة ماكنت أدري ان نسبة كبيرة من هالقطر يشترون من النت .. وأقول كفو والله ..
والعملية سهلة وممكن أي واحد يتعلمها بكل سهولة ..

بالتوفيق للجميع ..



:(


خلاص عرفوا سبب جفائنا لسلع التجار المسؤولين :rolleyes2:


النــــــــــــــــــــــــــــــــــــت :(


ابشركم بيحجبون كل مواقع التسوق :weeping::anger1:

[غايه الطواش]

:shy:




:(


خلاص عرفوا سبب جفائنا لسلع التجار المسؤولين :rolleyes2:


النــــــــــــــــــــــــــــــــــــت :(


ابشركم بيحجبون كل مواقع التسوق :weeping::anger1:

فال الله ولا فالج يا موضي والله تشري النمت مريحني انا واختي وايد
في الدولحه شغلات بسيطه الي نشتريها ...
حتى لو شفنا شي على نقايس واحفظ الماركه وعلى طول النت ....
حتى معدات التصوير واكسسواراتها الي اشتري من النت ب 8000 القاه في الدوحه ب 13000
وتوني شاريه ثياب للليهال فساتين البنات
شفتها فالسلام على 400 خذتها من النت ب 32 دولار تخيلي
تشري النت حلو بس علمني ع الكسل

كفايه موقع جدا ممتاز وعن اشتري منه فجاه ومن دون سابق انذار بلوك ع الموقع ويوم اتصلت اسال الا يقولون الموقع يبيع ملابس مخله بالاداب ؟؟؟؟
وكلمه مني كلمع منهم اكتشفت ان يقصدون الملابس النسائيه الخاصه ؟؟؟الحين هالملابس صارت مخله..
؟؟\يالله امنا بالله وقلنا مخله حجب الموقع كامل ليش؟؟؟

والله يا اختي القطعه الي اخذها ب 30 دولار والله نفسها شايفتها ب 600 ريال :anger1:

[asulaiti]

النــــــــــــــــــــــــــــــــــــت :(


ابشركم بيحجبون كل مواقع التسوق :weeping::anger1:[/size]
الكل عارف شلون يفتح المواقع المحجوبة

الحل الوحيد اللي امامهم هو منع الانترنت عن هالقطر !!

[ام السعف]

الكل عارف شلون يفتح المواقع المحجوبة

الحل الوحيد اللي امامهم هو منع الانترنت عن هالقطر !!

:anger1:

[غايه الطواش]

الكل عارف شلون يفتح المواقع المحجوبة

الحل الوحيد اللي امامهم هو منع الانترنت عن هالقطر !!

شلون :shy:

[asulaiti]

شلون :shy:
بيني وبينك الحين ما عرف !!
:nice:

اذا بكره احجبوا مواقع الشراء مثل Amazon أو ChildrenSalon ..
باتعلم الطريقة وباقولك :telephone:

[OM_OMAR_QATAR]

الله يعين ؟؟؟؟

[بو سالم]

السلام عليكم عندي استفسار

إذا طلبت ٤٨ قلادة وما يتجاوز سعرهم ١٥٠٠ بيدفعوني مبلغ غير اللي دافعه للموقع ?
والشحن عن طرق فيدكس

وهل بيتم حجز البضاعة لانها كمية تجارية ؟

الرجاء الرد وجزاكم الله خير

[ماريسا]

السلام عليكم عندي استفسار

إذا طلبت ٤٨ قلادة وما يتجاوز سعرهم ١٥٠٠ بيدفعوني مبلغ غير اللي دافعه للموقع ?
والشحن عن طرق فيدكس

وهل بيتم حجز البضاعة لانها كمية تجارية ؟

الرجاء الرد وجزاكم الله خير

اذا الكمية تجارية رح يخلوك تدفع رسوم جمركية 5% من قيمة البضاعة

بالتوفيق

[بو سالم]

اذا الكمية تجارية رح يخلوك تدفع رسوم جمركية 5% من قيمة البضاعة

بالتوفيق

الف شكر

[h9466]

اذا الكمية تجارية رح يخلوك تدفع رسوم جمركية 5% من قيمة البضاعة

بالتوفيق

طيب السؤال هنا اختي ماريسا ماهو مقياسهم للكمية التجارية؟فرضا طلبت 10 قمصان او تيشرتات هل هذا العدد بيعتبرونه كمية تجارية؟

[jaf111]

كلام سليم

الشحنات قامت تتاخر 3 ايام فالجمارك !!

شمعنى الحين وقفتوا البضايع وضيقتوا علينا ؟

[ابوالكلام]

كفؤ عليكم يلي تطلبون من برع تصرف سليم