هل صحيح الانترنت الغير محدود ،محدود؟

[heart]

السلام عليكم احد الاصدقاء لديه صديق في كيوتل واخبره بأنه لايوجد انترنت غير محدود وطبعا المقصود اللي ندفع عليه 400 ريال وقال بأنه محدود بـ 150 جيجا واذا انتهت يتم احتساب الميجا بـ55 درهم هل هذا صحيح وشكرا

[airbus]

والله ادا محدود ماحصلت القهاوي تعطي نت ببلاش لانهم بيفسلوا بعدها. !

وادا تقصد البرودباند والله مادري لانه من الصعب تخلص ١٥٠ قيقا

[moh5773]

السلام عليكم
بالنسبة للانترنت اللامحدود للبروندباند هو ١٥ قيقا .. بس هاي رقم حاطينه كيوتل عشان الاستخدام العادل واذا عديت ال ١٥ قيقا عادي وما ينحسب عليك اي شي وانا مجرب هالشي

[بورصواوي]

شدعوه تستعمل 150 جيجا في الشهر ههههههههه قطعه البرود باند بتحترق حتى لو في مقهى ولا مجلس فيه 10 شباب بعد مايخلصونها الا في حاله وحده اذا 10 لابتوبات تحميل على طول كليوم ينزلون 100 فلم

[ellezeem]

السلام عليكم احد الاصدقاء لديه صديق في كيوتل واخبره بأنه لايوجد انترنت غير محدود وطبعا المقصود اللي ندفع عليه 400 ريال وقال بأنه محدود بـ 150 جيجا واذا انتهت يتم احتساب الميجا بـ55 درهم هل هذا صحيح وشكرا


نعم صحيحححححححححح

[ellezeem]

نعم صحيحححححححححح

[Rosso]

هو يسمونه الغير محدود بس هو محدود ب 15 جيجا
كالعاده كيوتل ونصبها عالشعب مستحيل يعطونك عرض صريح
لازم يكون في لف ودوران

[تاسيتوس]

مافي شيء بالدنيا غير محدود للاسف,دوم في العروض دور اشارة(*).

[الزعفراني]

على مدى التاريخ المعاصر ما اذكر كيوتل دفعت حد فلوس زيادة على الانترنت الغير محدود .. لسبب ان الناس استخدامها محدود في عرض الانترنت الغير محدود ( يعني في متوسط الاستخدام ) .. وحتى لو كان استخدامك غير محدود .. فيتم اشعارك وتنبيهك للاستخدام .

وفي بنود شروط الحصول على الخدمات ، بغض النظر عن نوع الخدمة ، في بند يحق لكيوتل اتخاذ اي اجراء بشأن الخدمة سواء الايقاف او التعديل او التنبيه ( ما يحضرني النص ) بس فيه بند يعطي الحق لكيوتل في كل شيء :rolleyes2:

[intesar]

محدود.. نعم محدود..

[كبير المتداولين]

ألانترنت غير محدود اخي الكريم يخضع في كيوتل وفودافون لنظام الاستخدام العادل


ويكون رقم معين من الاستخدام يبدى الخصم من بعد هذه القيمه

ومستحيل تتجاوز هالاستخدام الا اذا كنت ناوي النيه قاعد ومتحبل لهم

[FCB 123]

من بيخلص 150 جيجا في الشهر ...

أنا عن نفسي انزل افلام وبرامج كبيرة الحجم والحمد لله مادفعت شي زيادة

بس عمري مانزلت تقريبا في الشهر اكثر من 10 او 20 جيجا ........ 150 جيجا .. مستحيل تخلصها في شهر

بالتوفيق للجميع

[faisalqatar]

بحكم شغلي في قسم الاتصالات في شركة راس غاز
انا عندي تعامل مباشر مع كيوتل و ناخذ منهم البرودباند
هو مذكور انه لا محدود و مذكور في الشروط والاحكام ان له لمت معين
ولكن الى الان ما طبقوا موضوع اللمت و هذا ما اكده لي موظف كيوتل

بس يمكن يوم من الايام يطبقون النظام

[الخزرجي قطر]

الله يسلمك مابغيت الا كيوتل تعطيك خدمه الانترنت الغير محدود

[fhd4]

المقصود بالاستخدام العادل انهم ماراح يحاسبونك اذا استخدامك طبيعي وشخصي …

لكن اللي يصير ان بعض الاجانب في الخور او الصناعية مثلا … يشترك في الخدمة ويبيعها لالف واحد غيره …

كأنه فاتح انترنت كافيه …