100% وعلى مسؤوليتي

[اوف ليميت]

السلام عليكم ورحمة الله وبركاته


بكل صدق وأمانه..أقولها للمصلحه العامع..لأخواني وأخواتي اللي يبي ينزل وزنه من غير كتب ومراكز حميه وكذب ولعب فالناس ومرض وتعب وخرابيط الاعلام والدكاتره اللي يقصون عالناس بهالكلام والعمليات


فاكهه تسمى lichi fruit

ومجربه فالخارج شرقا وغربا والحين انتبهوا عليها الدكاتره فالخارج

هالفاكهه تنقص 8 كيلو من الوزن في شهر للي ياكل حبه فقط كل يوم
واللي ياكل 3 حبات الى 5 يوميا..يطيح من وزنه 18 كيلو فالشهر

بس اول ماتنقص وزنك..لاتستمر عليها..خلاص..عقب ابدأ بتعديل نشاطات حياتك وخلك رياضي شوي

ماذا تفعل الفاكهه:

أولا الفاكهه طبيعيه 100% ويتم انتاجها في غابات أفريقيا المطرية
ومتوفره في الولايات المتحده حسب المعلومات اللي اوصلتنا

وثانيا: تنضم طبيعيا البروتينات والكربوهيدرات اللي فالجسم

ثالثا: تقوم بإذابة الدهون بمستويات قليله من فتره لفتره بمايتناسب مع حجم جسمك

رابعا: لا تأثر أبدا على الجهاز المناعي للجسم او اي صله له

مش مطول بالموضوع ..

صور للفاكهه عشان اذا حد يعرف وين يلاقيها

http://im21.gulfup.com/2012-07-18/1342615709201.jpg (http://www.gulfup.com/show/X9de0ozui7ows8k)

http://im21.gulfup.com/2012-07-18/134261570912.jpg (http://www.gulfup.com/show/X9de0p69bqjokcw)

http://im21.gulfup.com/2012-07-18/1342615709733.jpg (http://www.gulfup.com/show/X9de0p9jmhdcs0g)

http://im21.gulfup.com/2012-07-18/1342615709804.jpg (http://www.gulfup.com/show/X9de0pdt6tj400g)

http://im21.gulfup.com/2012-07-18/1342615709975.png (http://www.gulfup.com/show/X9de0phcw2348s0)

[حسن]

موجوده هذه تنزل الوزن مادري ولا لايكون تبي تفود التجار

[امـ حمد]

بارك الله فيك على الوصفه

وجزاك ربي جنة الفردوس

[شيزكيك]

هاذي الفاكهه موجوده عندنا وعيالي يحبونها

[intesar]

جزيت خيرا..

[ريتويت]

حلوه بس طعمها يضايق

[حسن]

اليوم بتلقى الهجوم عليها في المجمعات وخصوصا من الحريم

[آنــه]

الفاكهه وايد لذيذة وانا اكلها من زمان
ههههههههه ما شفت فايده كان نزلت كيلو ع الاقل

[حسن]

الفاكهه وايد لذيذة وانا اكلها من زمان
ههههههههه ما شفت فايده كان نزلت كيلو ع الاقل

وشهد شاهد من اهلها

[اوف ليميت]

موجوده هذه تنزل الوزن مادري ولا لايكون تبي تفود التجار

لاني بتاجر ولا لي علاقه في شي

السالفه بدت من 4 شهور..اخ عزيز علي سافرت معاه لألمانيا لانهم لاعبين بمخه وقاصين عليه بما يسمى (عمليات جراحيه)
واجتهاد مني..بحثت وتواصلت مع ناس فالخارج بعد ماردينا..وفقط شخص واحد رد علي من سانتا مونيكا في كاليفورنا..وهو دكتور ومختص غذائي وأكدلي فائدة هذه الفاكهه ولو اني انا شخصيا ماكان عندي اي علم بها خير شر

وكلمت رفيجي وقلت له يجربها .. وللأمانه جربها الى الان لمدة أسبوعين و 4 أيام فقط .. ويوم جينا ناخذ وزنه..نقص 1.6 كيلو .. والخصر عنده صار اصغر ب 0.2 سم .. يعني 2 مليميتر

صحيح اننا توقعنا تنزله باسبوعين مايعادل 4 كيلو عالاقل..ولكن تفاجئنا فقط حوالي الكيلو ونصف كما ذكرت من شوي

ولكن الحمدلله...انفعت..ومن غير آثار أو تعب
وللعلم الشخص ياخذ مرات حبه ومرات حبتين ياكلهم
ومامارس اي نوع من انواع الرياضه..اتوقع لو يمارس رياضه ايضا ممكن تساعد اكثر..لو عالاقل نصف ساعه مشي مش اكثر

زين يبه انها بدت تجيب نتايج له عالاقل شي مجرب مصدق وطبيعي 100% ولا اشخاص بمسميات دكاتره يلعبون في حسبته المسكين والله العالم شبيصيده عقب..خله يواضب عليها ومش مشكله عيل بدال الاسبوعين خلهم اربع عشان ينزل ال 4 كيلو..العوض ولا القطيعه

والصبر زين

:]

[GENIUS]

هذه الفاكهة متوفرة في اسواقنا ومصدرها الرئيسي دول شرق آسيا ذات المناخ الاستوائي وخاصة تايلند والفلبين واندونيسيا وماليزيا وما جاورهم من بلدان. ومعروف عن اغلب الفواكه الاستوائية فوائد غذائية عديدة ومنها الأناناس الذي يحرق الدهون بشكل عجيب

[Al-Kuwari]

شسم هالفاكهه ؟

[حسن]

بمبر اسيوي بس ذرب

[GENIUS]

اسمها ليشي ومتوفرة في اغلب محلات بيع الفاكهة وكذلك في السوق المركزي وايضا قسم الفواكه في اغلب المجمعات التجارية

[اوف ليميت]

هذه الفاكهة متوفرة في اسواقنا ومصدرها الرئيسي دول شرق آسيا ذات المناخ الاستوائي وخاصة تايلند والفلبين واندونيسيا وماليزيا وما جاورهم من بلدان. ومعروف عن اغلب الفواكه الاستوائية فوائد غذائية عديدة ومنها الأناناس الذي يحرق الدهون بشكل عجيب

المشكله ياخوك نبي شبابنا وبناتنا يجربون الفاكهه بشكل منتظم وينوعون فيها
مش شرط هذي..اي شي عاجبهم..عالاقل طبيعي وصحي..اللي مب فايدهم مايضرهم..ومستحيل اي فاكهه ماتساعد في تنظيم سيستيمك او ماتنفعك بشي ولو بسيط
والله وعقب بيشوفون شلون الصحه والجسم ان شاءالله

اعرف شخص توفى بسبب عمليات نقص وزن .. وشخص ثاني مسوي عمليه وعقب 7 شهور رجع وزنه مثل اول وزاد بعد 6 كيلو فوقها

لكن مايسمعون..خبرك الكلام العذب والأماني اللي تنحك بين السطور في حديث (الدكاتره) تغريهم اكثر..لانهم دكاتره ويتفلسفون ويصدقونهم (هذا دارس طب وهذا مش عارف ايش) ياخي دارس طب ومش عارف ايش اوكي بس عندنا وين جرب وين طبق..واللي جايين من برع..صايدته ضائقه ماديه وقال خلني اجي هني الخليج اجمعلي بيزتين وحرك اعدل وضعي

[GENIUS]

أحسن نظام او اسلوب لخفض الوزن هو التحكم في نوعية الأكل وليس التقليل منه فقط. وأسوأ شيء هو اللجوء للعمليات مثل ربط المعدة او تصغيرها او شفط الدهون لكن للأسف الجماعة عندنا يبحثون عن الحلول التي لا تحتاج لأي جهد يعني يدورون الراحة فقط

[ابن الجزيرة]

اولا انا لست من مؤيدي العمليات الجراحية الا في اضيق الحدود


ثانيا الاطباء في الغالب لا ينصحون بالعمليات الا لاوزان محدودة وهي وصول الشخص الى البدانة المرضية

وبداءت مضاعفاتها مثل السكر والضغط


ثالثا لا تعجبني المواضيع الغير مقترنة بدراسات علمية ..مثل هذا الموضوع كلوا فاكهة وعلى مسوليتي؟؟

اخي الكريم نحن في عالم افتراضي ولا نعلم من انت؟؟فكيف تريدنا ان نصدق كلاما من مجهول؟؟


قد ياتي اخر ويقول على مسؤليتي ويصف لنا فاكهة يتعارض اكلها مع امراض مثل السكري مثلا

الموضوع باختصار

تجنب الاكل الغير صحي والمليء بالدهون واكربوهيدرات ومارس رياضة المشي على الاقل 45 دقيقة يوميا

وعش حياتك

ولاجل صحتك شاهد الفيديو

http://www.************/watch?feature=player_embedded&v=69F_7Fimf2c

[قطريه ماركه]

وايد احب هالفاكهه على ما اعتقد استوائية لأننا شفنا منها وايد في
جنوب شرق اسيا

لذيذة

[كايدهم قطر]

اتوقع انه الموضوع عامل نفسي :)


والله يووفق الجميع يارب ولاهنت على المعلومه الطيبة


والي يبي يخف يروح سباير او الكورنيش وشوي رياضة مع رمضان وشوف كم بينزل في العيد


قبل رمضان وبعد رمضان يشوف بس يخف يده عن الاكل



وكل عام وانتم بخير

[النهار]

وانا اقول ليش وزني ينزل هههههههههههههه كلام فاضي هذه الفاكه انا اموت فيها وزني لازاد ولانقص
اشتريها من فاملي فود سنتر من زمان
مصدرها جنوب شرق اسيا

[وحيد-الشوق]

اسمحلي ياخوي بس ما اعتقد الكلام صحيح

[الخزرجي قطر]

الله يجزيك الخير

[مرتبش]

شدعوة
الفاكهة السحرية هذي... ليش للحين في ناس متان في الدنيا والحل سهل لهالدرجة.

كثر المعلومات السحرية عن الرجيم امر محبط

[mariamaziz]

وييييه من صجك ... أبوي كان يشتريها و تعفن عندنا و نقطها ...

سبحاان الله ....

[خالد_قطر]

هاي فاكهة معظم الي راح تايلند يشوفها وياما كلناها ما سوت شي واسمها ليجي

[Dexter]

مع احترامي لك, مافيه اي اكل في الدنيا بينزلك 10 كيلو في شهر بدون ما تسوي شي.. اذا تبي تضعف لازم تتحرك وتسوي رياضة وتخفف من اكلك وبتشوف النتيجة مع الوقت :victory:


اولا انا لست من مؤيدي العمليات الجراحية الا في اضيق الحدود


ثانيا الاطباء في الغالب لا ينصحون بالعمليات الا لاوزان محدودة وهي وصول الشخص الى البدانة المرضية

وبداءت مضاعفاتها مثل السكر والضغط


ثالثا لا تعجبني المواضيع الغير مقترنة بدراسات علمية ..مثل هذا الموضوع كلوا فاكهة وعلى مسوليتي؟؟

اخي الكريم نحن في عالم افتراضي ولا نعلم من انت؟؟فكيف تريدنا ان نصدق كلاما من مجهول؟؟


قد ياتي اخر ويقول على مسؤليتي ويصف لنا فاكهة يتعارض اكلها مع امراض مثل السكري مثلا

الموضوع باختصار

تجنب الاكل الغير صحي والمليء بالدهون واكربوهيدرات ومارس رياضة المشي على الاقل 45 دقيقة يوميا

وعش حياتك

ولاجل صحتك شاهد الفيديو

http://www.************/watch?feature=player_embedded&v=69F_7Fimf2c


عين العقل :victory:

والفيديو عجيب الله يجزيك خير

[Qt.1]

الله يعطيك العافيه اخوي والله يجزاك خير , لكن في معلومه اتوقع البعض مايدري عنها , تركيبة جسم الاانسان تفرق من شخص لاخر , مثلا ممكن انا اجرب شي معين وينفع معاي وايأثر علي , وفي المقابل انت مثلا تستخدم نفس الي استخدمته وبنفس الطريقه لكن ماتشوف اي تاثير حق هالشي عليك.

[ريتويت]

العمليات مثل ربط المعده هي حل امن وسريع وفعال في تخفيف الوزن وأعاده هيكله الجسم ونشاطه وحيويته

[بوخالد911]

تسلم للنقل

[آنــه]

العمليات مثل ربط المعده هي حل امن وسريع وفعال في تخفيف الوزن وأعاده هيكله الجسم ونشاطه وحيويته

للمعلومية فقط ان عملية ربط المعهد او التحكيم ما هي الا اعادة تنظيم
لأكل وجدولة نظام جديد للأكل وليس اكثر و من المفترض ان يعتاد المريض على اعادة هيكلة وتنظيم غذائية في غضون سنتين الى ثلاث سنوات ومن ثم يتم ازالة الجهاز من الجسم


ثانيا عن التغيرات من جسم عم الجسم الاخر فهناك عدة أمور منها سرعة حرق الدهون في الجسم و كتلة الجسم وكتلة العضلات في الجسم فالأحكام تختلف كثير من شخص للآخر كما تم ذكر هذه التقطه في احد الردود


كل التقدير والاحترام

[LiL iNVe$ToR]

Placebo effect :)

[المزمجرر]

لاني بتاجر ولا لي علاقه في شي

السالفه بدت من 4 شهور..اخ عزيز علي سافرت معاه لألمانيا لانهم لاعبين بمخه وقاصين عليه بما يسمى (عمليات جراحيه)
واجتهاد مني..بحثت وتواصلت مع ناس فالخارج بعد ماردينا..وفقط شخص واحد رد علي من سانتا مونيكا في كاليفورنا..وهو دكتور ومختص غذائي وأكدلي فائدة هذه الفاكهه ولو اني انا شخصيا ماكان عندي اي علم بها خير شر

وكلمت رفيجي وقلت له يجربها .. وللأمانه جربها الى الان لمدة أسبوعين و 4 أيام فقط .. ويوم جينا ناخذ وزنه..نقص 1.6 كيلو .. والخصر عنده صار اصغر ب 0.2 سم .. يعني 2 مليميتر

صحيح اننا توقعنا تنزله باسبوعين مايعادل 4 كيلو عالاقل..ولكن تفاجئنا فقط حوالي الكيلو ونصف كما ذكرت من شوي

ولكن الحمدلله...انفعت..ومن غير آثار أو تعب
وللعلم الشخص ياخذ مرات حبه ومرات حبتين ياكلهم
ومامارس اي نوع من انواع الرياضه..اتوقع لو يمارس رياضه ايضا ممكن تساعد اكثر..لو عالاقل نصف ساعه مشي مش اكثر

زين يبه انها بدت تجيب نتايج له عالاقل شي مجرب مصدق وطبيعي 100% ولا اشخاص بمسميات دكاتره يلعبون في حسبته المسكين والله العالم شبيصيده عقب..خله يواضب عليها ومش مشكله عيل بدال الاسبوعين خلهم اربع عشان ينزل ال 4 كيلو..العوض ولا القطيعه

والصبر زين

:]

يعني 18 يوم ونقص 1.6 كيلو

شنو هذا

[كبير المتداولين]

الحين العلماء اكدو ان مشروبات الدايت تزيد من الوزن . عن طريق حس التذوق في اللسان وتواصلها مع الدماغ .



العامل النفسي والرياضه الحل رقم واحد لانقاص الوزن ؟

[كازانوفا]

وانا اقول ليش وزني ينزل هههههههههههههه كلام فاضي هذه الفاكه انا اموت فيها وزني لازاد ولانقص
اشتريها من فاملي فود سنتر من زمان
مصدرها جنوب شرق اسيا



اكييييييييييييد مش مقصر بحق نفسك بالعشى :rolleyes2:

[الكونتيسه غلا]

تسلم على المعلومه

[رُفق المجنّا]

الى الكبره escape

[شبيه الريح]

جزاك الله خير ياخوي

ولازم يكون بعض الناس ماتناسبه وتسبب له مضره مثل اهل السكر

لازم يكون لها دراسه شامله

[وطن]

أجرب ولا ما أجرب الحين

احترت من الردود

:rolleyes2:




الحين العلماء اكدو ان مشروبات الدايت تزيد من الوزن . عن طريق حس التذوق في اللسان وتواصلها مع الدماغ .



العامل النفسي والرياضه الحل رقم واحد لانقاص الوزن ؟

أنا اللي قريته ان المحليات الصناعية مثل السكرين و غيره
لانها مركبات كيماوية يصعب على الجسم تحليلها
و يتوهق فيها
و تصير خربطة في النظام وما يدري كم دخل الجسم من سعرات حرارية ولا يدري شكثر يحرق

:nice:

[أبو راكان]

اللي يبي يخس عليه بالزنجبيل الزنجبيل الزنجبيل وبس

[مضاربه]

حلوه ولذيذه بس ماشوف نفسي ضعفت منها التايلنديين ياكلونها مثل المصريين وهم ياكلون الحب ههههه

[ms-qtr]

وين يبيعونها في قطر؟؟؟

[مساهم فنان]

أنا أحب الليش من زمان وأخبر من كم سنة قعدت في لندن حوالي الشهر وكانت اتجي هناك طازجة ولذيذة أحلى من اللي في الدوحة وكل يوم اشتري منها وايد واقعد آكل منها ... ما شفت إن وزني خف بس اللي شفته سببت لي حساسية في الصدر وصرت أكح لما تركتها راحت الحساسية ... ومن يومها أخاف آخذ منها وايد

[بحرقطر]

عليكم بالمشي كل يوم
نص ساعه قبل الفطور

[حقيقه]

يالله إش ورانا خل انجرب مع أني ماحب طعمها