اللي نزل راتبه قبل العيد ؟ مجرد سؤال؟

[مضارب دوسري]

السلام عليكم
اللي كان يطالب انه تنزل الرواتب قبل العيد
طبعا نزل الراتب للبعض او الاغلب ولكن ليس الكل

اللي كان يطالب بنزول الراتب قبل العيد
بصراحه !
هل اللي تبقى من الراتب بعد مصاريف العيد بيكفيك شهر سبتمبر ؟


وهل تتمنى الان انه ينزل بعد بكره ؟

[ROSE]

وعليكم السلام ورحمة الله وبركاته

موضوع جميل ،، نسوي عليه بحث ومفيد عشان نتعلم منه ،،

انا عن نفسي للحين ما زخيت الراتب مخليته لنهاية الشهر وكانه مانزل

[فلتة زمانها]

الحمدلله انه مانزل ^^
كل شيء في وقته حلو

[مضارب دوسري]

وعليكم السلام ورحمة الله وبركاته

موضوع جميل ،، نسوي عليه بحث ومفيد عشان نتعلم منه ،،

انا عن نفسي للحين ما زخيت الراتب مخليته لنهاية الشهر وكانه مانزل

مرورج الاجمل اختي روز

لاتنسين تستلمينه تاريخ 27 مب تنسين الراتب لين نهاية سبتمبر خخخخخخخ

[فلتة زمانها]

وعيد الاضحي بيكون في 26 اكتوبر تقريبا
يعني احتمال ينزلون الرواتب

[مضارب دوسري]

الحمدلله انه مانزل ^^
كل شيء في وقته حلو

انتي كنتي تبينه ينزل قبل العيد ومانزل ؟
ولا من زمان ماتبينه ينزل قبل موعده ؟

[مضارب دوسري]

وعيد الاضحي بيكون في 26 اكتوبر تقريبا
يعني احتمال ينزلون الرواتب

نقطه مانتبهت لها
شكرا التوضيح
عيل في هالحاله نلغي السؤال الاخير من الموضوع

[بوجبر]

نص الراتب طار لمصاريف العيد والمدارس ...باقي نص الراتب ان شاء الله يكفيني ...

[فارس قطر]

الحكومة مانزلت امر راتب

اشلون انزلت رواتبكم

ممكن تكونون قطاع خاص او مساعدة من البنوك.

[مضارب دوسري]

نص الراتب طار لمصاريف العيد والمدارس ...باقي نص الراتب ان شاء الله يكفيني ...

ان شاء الله

[مضارب دوسري]

الحكومة مانزلت امر راتب

اشلون انزلت رواتبكم

ممكن تكونون قطاع خاص او مساعدة من البنوك.

في جهات حكوميه كثيره نزلت رواتبها قبل العيد
اعرف واحد فالخارجيه نزل الراتب قبل العيد له
بس بس شركتنا مانزلت الرواتب
شركة اوركس مثلا نزلت الرواتب
في اماكن نزلت كثيره وفي اماكن ووزارات مانزلت للحين

[الزعفراني]

من اللي اشوفه حولي ولله الحمد محد معتمد ع فكرة ان الراتب بينزل قبل العيد والا بعده لأن كثير من الشباب والعوايل بعد الزيادات الاخيرة قامت تبرمج نفسها على توفير جزء من الراتب شهريا لمثل هالظروف او لمثل ظروف السفر وخلافه .. والدليل مع مصاريف رمضان ومصاريف العيد الناس مسافره دبي وتايلند وماليزيا وباريس ولندن .. والرواتب ما نزلت لهم .

فالحمدلله على النعمه .

[ضوى]

نزل لي بتاريخ ١٦ اغسطس ، لكن ماصرفت منه ولا ريال ، ولازال مثل ماهو في البنك وان شاء الله ماصرف لين ٣١ الشهر ، ماكان ودي ينزل خاصة لولدي لانه بيصرفه على بهانس والحمد لله مانزل له للحين

[غايه الطواش]

راتبي نزل تاريخ 13 اغسطس ومازخيته الا امس :)

[دااانة قطر]

الحمدلله مانزل شي
ولا احتجت له
والحمدلله اغلب اغرااض المدرسه والعيد خذناها من تركيا قبل رمضان
اللهم لك الحمد ولك الشكر

[سعادة الوزير]

لا تسأل هني ، روح اسأل الناس الي معاشاتها على قدها وعندها مسؤولية بيت وعيال ومصاريف مالها اول من آخر ، مشكلتنا انه احنا ناخذ الامور من منظور واحد فقط ، الي مرتاح مادياً مب متقبل فكرة نزول الراتب قبل موعده لانه عمره ماجرب حاجة الراتب ، لكن الفقير بالنسبة له نزول الراتب قبل موعده فيه سد حاجه ملحة هذا الوقت بالذات (وقت العيد ومصاريف العيد) ، وبعدها ممكن انه يصبر فترة ماعنده مشكلة ، مصاريف العيد مب بس لبس ، ممكن انه يبي يطلع عياله ، يشتري لهم هدايا ، يوديهم ملاهي ، شاليهات ... الخ ، ياخوي لا تحاول تفكر بتفكير الغني وتحاول تطبق هالتفكير على الفقير ، ترى الظروف تفرق ، والمعيشة تفرق ، والحاجة تفرق. وبعدين الي معترض على نزول الراتب قبل موعده يروح يشتكي على الحكومة ، طول عمرها تنزل الراتب قبل موعده في كثير من الاحيان ، او انك اعتبر ان الراتب مانزل وخله في حسابك ولا تلمسه.

[رجل الجزيرة]

وكيوتل نزلت رواتبها قبل العيد.

[للصبر اخر]

موضوع متالق
انا ماكنت ابيه ينزل صراحه بس نزل
ومازخيته لين الحين
يعني كانه مانزل

[qrt_trading]

الحمد لله لا نزل الراتب ولا شي كل شي في وقته حلو، مع اني فلست على الآخر بسبب اني حبيت اني إفك عمري خذت لنفسي ولعيالي لعيد الفطر والأضحى مره وحده يعني ما راح اتلعوز وأدور لعيد الأضحى شي

[ريتويت]

نزل الراتب اليوم

[basma222]

نص الراتب طار وباقي النص

[مضارب دوسري]

من اللي اشوفه حولي ولله الحمد محد معتمد ع فكرة ان الراتب بينزل قبل العيد والا بعده لأن كثير من الشباب والعوايل بعد الزيادات الاخيرة قامت تبرمج نفسها على توفير جزء من الراتب شهريا لمثل هالظروف او لمثل ظروف السفر وخلافه .. والدليل مع مصاريف رمضان ومصاريف العيد الناس مسافره دبي وتايلند وماليزيا وباريس ولندن .. والرواتب ما نزلت لهم .

فالحمدلله على النعمه .

الحمدلله رب العالمين
ولكن لا يزال هناك ناس كثيرون لا يزالون يعانون من مرض سوء التصرف
تلقى واحد راتبه فوق الستين وفي اخر الشهر مفلس

[الدوحي7]

انا نزل قبل العيد ولاسحبت منه ريال لان المصرف انتهت بطاقتي ولازم اروح اخذ الجديده وبشوف يوم من الايام بروح لهم،، لان الحين اصرف العيديه الى جاتني والحمد لله ،،

[مضارب دوسري]

لا تسأل هني ، روح اسأل الناس الي معاشاتها على قدها وعندها مسؤولية بيت وعيال ومصاريف مالها اول من آخر ، مشكلتنا انه احنا ناخذ الامور من منظور واحد فقط ، الي مرتاح مادياً مب متقبل فكرة نزول الراتب قبل موعده لانه عمره ماجرب حاجة الراتب ، لكن الفقير بالنسبة له نزول الراتب قبل موعده فيه سد حاجه ملحة هذا الوقت بالذات (وقت العيد ومصاريف العيد) ، وبعدها ممكن انه يصبر فترة ماعنده مشكلة ، مصاريف العيد مب بس لبس ، ممكن انه يبي يطلع عياله ، يشتري لهم هدايا ، يوديهم ملاهي ، شاليهات ... الخ ، ياخوي لا تحاول تفكر بتفكير الغني وتحاول تطبق هالتفكير على الفقير ، ترى الظروف تفرق ، والمعيشة تفرق ، والحاجة تفرق. وبعدين الي معترض على نزول الراتب قبل موعده يروح يشتكي على الحكومة ، طول عمرها تنزل الراتب قبل موعده في كثير من الاحيان ، او انك اعتبر ان الراتب مانزل وخله في حسابك ولا تلمسه.

ياخوي محد فكرباسلوب الغني هني
ولكن نزول الراتب قبل موعده يعرض العايله والاسره اللي تتكلم عنها انها تبقى 45 يوم من غير راتب
وكثير من هؤلاء تلقاه صرف نص راتبه خلال ال 10 ايام اللي فاتت
هل هذا شي صحيح وصحي
انا ماعترضت على نزول الراتب قب موعده انا كنت من الناس اللي تقول اذا نزل ماراح استخدمه ولا راح اصرفه لين يجي موعده
الحين المحتاج اللي صرف راتب شهر خلال 10 ايام وجدامه 30 يوم بنص راتب
هل هذا شي صحي له ولعائلته
انا الحمدلله لاغني ولا فقير عايش عالراتب ولله الحمد
ولكن سوء التدبير مشكله تفاقم حاجة الشخص المحتاج
يعني المحتاج اللي صرف نص راتبه مثلا تتوقع الحين هو مستانس وفرحان انه صرف نص راتبه خلال 10 ايام
صدقني اخوي تلقاه متنرفز لما ينطلب منه طلب لانه يشوف قدامه المدارس عقب اسبوع وش بيسوي ؟
بيصرف النص الثاني وبيحط يده على خده لين اخر سبتمبر
صدقني ياخوي في ناس رواتبها فوق الخمسين وتفلس نص الشهر
وناس يصفى لها من الراتب 10000 ريال وتكفيه لين اخر الشهر وتزيد
لازم كل واحد يكون تفكيره اعيش على قدي
كل واحد لازم يمد رجوله قد لحافه
ترى هذا المثل مب مسبه او شتيمه
بس كل واحد لازم يعيش على قد امكانياته المتوفره
عشان مايعرض نفسه للضيق والنرفزه لما ينزل راتبه قبل موعده
انت عارف مسؤلية اللي عنده عايله ويونسهم بنص راتبه 10 ايام
تتوقع لما يكون شهر كامل بنص راتبه الشهري بيقدر يوفر احتياجات اسرته الشهريه ؟
اذا هو فالشهور المعتاده يكون عليه ضغط فما بالك بالضغط اللي بيكون عليه لما يكون شهر بنص راتب ؟

اذا الحكومه تبي تقدم هديه للشعب بنزول الراتب قبل موعده كان من الاولى انه تنزل نص راتب ولا حتى ربع راتب هديه
اما اذا نزلت الراتب قبل موعده بتضيق على الناس 45 يوم
فمن الرحمه بالناس انه ماتنزل الراتب قبل موعده

[ام ناصر1]

الحمد لله نزل اليوم ...بس بالنسبة لي اجهز نفسي بادخار راتب شهرين للمصاريف اذا مش متاكدين
من نزول الراتب وقت الحاجة

[وحيد-الشوق]

الحمدلله راتبي اليوم نزل قرار غير صائب صدور الراتب قبل العيد 45 يوم واغراض عيد ومدارس الله يعين المتزوجين والي عندهم عيال لو انا مكانهم احس بستخف هههههههههههه

[bohilal191]

راتبي نزل قبل العيد بس ماصرفت منه واليوم بديت اصرف منه لأن اليوم هو موعد نزوله المعتاد

[كيت كات قطر]

رحنا نسحب مافي شي قالو البنك لحد الان مانزل شيء نبي انسافر مع اليهال على الاقل اسبوع اليوم الاحد قالو مافي شيء قلت كشف احساب بعد قالو لحد الان ماوصلت الرواتب لصرفها الله المستعان شنهو الحل

[الدوحي7]

الله يفرج عنكم يارب،،

[mubarak750]

على هالطاري أرجو أن كل من في المنتدى يبارك لي وحبيت كل اللي في المنتدى يشاركوني هالفرحة بهالراتب , لا كل قطر,لا كل العالم, تدرون ليش لأنه مع راتب هالشهر باكون سددت أخر قسط من سلفيتي اللي خذته أول ماشتقلت واللي أبتدت ب20000 ريال سنة 1993 مع بنك الدوحة ووصلت ألى 300000, ثم مصرف الريان 200000 سنة 2006 . بس سبحان الله يا جماعة الخير شعور أتمنى كل قطري يحسه أن ما عليه قسط , ورب الكعبة شعور لايوصف, والفال حق كل اللي في المنتدى وأهل قطر كلهم.

[f111242]

الحمدلله انا راتبي نزل قبل العيد تقريبا في ١٢-٨ وماصرفت منه ولاشي لحد الحين وانا متزوج بوعيال ومسافر معاهم اوروبا وماعندي مدخول غير راتبي

اللي يعرف يوفر راتبه ماراح يتضرر ان شاء الله

التوفيق للجميع

[البحار00]

الحمدلله

متزوج وعندي بيت وعيال

من جات الزياده قبل سنه تقريبا

قدرت او فر من راتبي مايقل عن 120 الف ريال

ولا قصرت لا على نفسي ولا بيتي وعيالي

سفرتهم سفرتين معاي والحين هم مسافرين

وراتبي مايتعدى 30 الف