هل التسليف في زمنا نهايته الندم..

[أسد الجزيرة]

هل التسليف في زمنا نهايته الندم و هل حصل لك هذا.

آرائكم

[حسن]

والله يااسد الجزيره ضربت على الوتر الحساس وكنت اتجنب اكتب في مثل هذا الموضوع لخوفي زعل ناس اه وش اقول وش اخلي

للاسف الامانه ضيعت والوعود نقضت

مقوله الحياه مدرسه

لاكن وش تسويه عند الله مايضيع

اقرا ياللي عليك دين وتذكر

احييك على هذا الموضوع يالاسد

[Aaziz]

منهو في سنيننا الاخيره يتسلف من حد
البنوك موجودة

[عبدالعزيز الهتمي]

أصعَـب أنـواع الفـراق


أن يبتعِـد عنـك شخـص متسلّـف منـك ،،

المفروض قبل التسليف تأخذ شيك أو شيء يضمن لك حقكك حتى لو كان المتسلف أخوك ،،

إذا كان المتسلف غير قادر على إرجاع المبلغ بحكم ظروفه لا بالله أنا شخصيا أساعده وأوقف معاه ،،

ولكن القهر إذا كان مقتدر ولكن يماطل لأنه يدري انك مش محتاج للمبلغ أهني اتحس انك مقفل

[qatari911]

لا مو ندم
لان اصابع اليد ماهي سوى
بس في فئة من الناس تخليك تندم قدر شعر راسك
اتذكر مره سلفت اثنين واحد مبلغ 80000 الف والثاني سلفته 5000 ريال
توقع من الي قام يتهرب ويماطل؟؟؟

الي قام يتهرب واحيانا مايرد على التيلفون راعي 5000ريال
واما الشخص الاول رجع لي 80000الف بعد 6 شهور
شفت الفرق مع ان المفروض الثانيه هو الي يرجع الفلوس لانها قليله
بس ما اقول الا الله يهديه
بس حطيت في بالي شي اني ما اسلف الا الي يستاهل ورجال ويكون عند كلمته
اشكرك على فتح النقاش في هالموضوع
وياليت هالشخص يقرأ كلامي ^ـــ^

[ZURICH]

المتسلفين ثلاث فئات ..

فئة تتسلف وبعد فترة بسيطة يدخل الفلوس في حسابك بدون ماتطلب منة

وفئة اذا تسلفت مايعطيك فلوسك بالساهل ،، لازم يماطل معاك

فتظطر انك تحن علية وتطلع عيونه عشان يطلع فلوسك

الفئة الاخيرة وهذي اخطر فئة :)

ناس تتسلف بس انسى تشوف فلوسك منه .. ياخذ ومايطلع ابداً

هذا هو الي يحسسك في الندم

[المـــــ$$$ـــــتثمر]

شيء اسمة سلف ( الغيتة من قاموسي ) نهائي ..............
إلا إذا كان أحد من أهلي أو صديق عزيز جداً جداً وواثق فية وبيني وبينة عشرة عمر بعد ( بشرط واحد )
يكون فعلاً في أزمة ,,,,, غير كذا لا ,, وألف لا ,,,,, والله لو يكتب لي ملون شيك ,,,

ياما ناس في المحاكم أتدور على حقها ,,,,
والمشكلة إذا كان اقرب قريب (( وش تسوي ترفع علية قضية )) ترجع فلوسك وتخسر أقرب قريب ..

[حمد 2002]

لا مو ندم
لان اصابع اليد ماهي سوى
بس في فئة من الناس تخليك تندم قدر شعر راسك
اتذكر مره سلفت اثنين واحد مبلغ 80000 الف والثاني سلفته 5000 ريال
توقع من الي قام يتهرب ويماطل؟؟؟

الي قام يتهرب واحيانا مايرد على التيلفون راعي 5000ريال
واما الشخص الاول رجع لي 80000الف بعد 6 شهور
شفت الفرق مع ان المفروض الثانيه هو الي يرجع الفلوس لانها قليله
بس ما اقول الا الله يهديه
بس حطيت في بالي شي اني ما اسلف الا الي يستاهل ورجال ويكون عند كلمته
اشكرك على فتح النقاش في هالموضوع
وياليت هالشخص يقرأ كلامي ^ـــ^

سلفني 3 ملايين ريال ومب متهرب :shy: :secret:

مممم على حسب الشخص اذا كنت واثق فييه بسلفه عااااااادي

اما اذا كنت مب واثق فيييه مب سلفه ،،،، يعني على حسب معرفتي بالشخص

تحياتي لك على الموضوع الممتاز

[التيما]

والله في ناس سوو لي جميلة وانا كنت مسافرة وحاولت أردها لهم ورافضين مع ان المبلغ مب هين والله .. حاولت ارجع المبلغ معيين ياخذونه .. سبحان الله صج

[ريم الشمال]

بالنسبة للسلف فهو من قاموسي تم إلغائه نهائياً والله لا يحدنا على السلف
بالنسبه أني اسلف احد لا احب ذلك ولكن إذا كان قريب و قصدني فلا أرده بحسب توفر المبلغ عندي
ومثل ما قال الكثير وجود البنوك خفف هموم بعض الناس بدل من أن يسئلون الناس يذهب الي البنوك
والبنك ماخذ حقه ماخذه

ريم الشمال

[راشد محمد]

انا قاعدة التسليف اكس في حياتي..ما احب اسلف

[ودي أكون]

انا اسلف عادي .. واذا الشخص ردها ماخذه منه .. ماحب اخذ شيء طلع مني بطيب

لكن الشخص اللي اسلفه ويوعدني مثلاً فالشهر الفلاني يرده .. ولا يرده اهني اذكره .. يعني اذا انت نسيت تراني مانسيت .! وهالاسلوب كنت اتبعه مع وحده من خواتي .. مره ومرتين وثلاث .. فصرت يوم تحتاج اقولها ماعندي .. فصارت يوم تحتاج خلاص صكت عندها تحلف لي وتوعدني انها بترجعه واصدقها طبعاً وبالفعل صارت اترد لي السلف وانا اخذه منها طبعاً .. لاني عارفه انها بترد تطلب مني مره ثانيه :tease:


اما الشخص اللي يتسلف مني ومايرده حتى لو ذكرته .. ما ازعل .. لان اللي ياخذ فلوس الناس ومايردها راح يتعذب فالقبر لين مايرد هالفلوس ..! (( الدين ))

سبحان الله حتى على الريال الانسان راح يتحاسب .. وانا اللي غشني راح اخذ من حسناته فالاخره فليش افكر عالفلوس وهي ورق .. :)

[حمد 2002]

انا اسلف عادي .. واذا الشخص ردها ماخذه منه .. ماحب اخذ شيء طلع مني بطيبلكن الشخص اللي اسلفه ويوعدني مثلاً فالشهر الفلاني يرده .. ولا يرده اهني اذكره .. يعني اذا انت نسيت تراني مانسيت .! وهالاسلوب كنت اتبعه مع وحده من خواتي .. مره ومرتين وثلاث .. فصرت يوم تحتاج اقولها ماعندي .. فصارت يوم تحتاج خلاص صكت عندها تحلف لي وتوعدني انها بترجعه واصدقها طبعاً وبالفعل صارت اترد لي السلف وانا اخذه منها طبعاً .. لاني عارفه انها بترد تطلب مني مره ثانيه :tease:


اما الشخص اللي يتسلف مني ومايرده حتى لو ذكرته .. ما ازعل .. لان اللي ياخذ فلوس الناس ومايردها راح يتعذب فالقبر لين مايرد هالفلوس ..! (( الدين ))

سبحان الله حتى على الريال الانسان راح يتحاسب .. وانا اللي غشني راح اخذ من حسناته فالاخره فليش افكر عالفلوس وهي ورق .. :)


حتى لو المبلغ الماادي كان كبير بعد عاادي عندج اتنازلين عنه ؟!!! كلام غريب !!

[بيتي بوب 23]

انا سلفت واحد غالي على قلبي 200 الف وكانت كاش ولا قلتله متى بتردهم ولا شي

[ودي أكون]

حتى لو المبلغ الماادي كان كبير بعد عاادي عندج اتنازلين عنه ؟!!! كلام غريب !!

ليش غريب .. اللي يشوف الفلوس انها ورق والله معطيه الخير فليش اضيق على غيري :)

الحمدالله رب العالمين والسلف مو حق ناس غرب عشان استخسر عليهم طال عمرك :)

[حمد 2002]

ليش غريب .. اللي يشوف الفلوس انها ورق والله معطيه الخير فليش اضيق على غيري :)

الحمدالله رب العالمين والسلف مو حق ناس غرب عشان استخسر عليهم طال عمرك :)

اذا فلووسج زايده هاي شيء ثاني

تحياتي لج

[ضوى]

اني اتسلف من اشخاص وايد صعبه مع انه خواتي واخواني ووالديني رحمةالله عليهم ماقصروا معاي في بداية حياتي ، بس حاليا ماحب لو محتاجة كلش البنك مايقصر ، اني اسلف عادي ماعندي مشاكل

[ودي أكون]

اذا فلووسج زايده هاي شيء ثاني

تحياتي لج

لا زايده ولا شيء .. عادي احياناً اضيق على عمري واسلف اخوي والا اختي والا ربيعتي حتى .. مافيها مشاكل :)

اخر همي لفلوس :tease:

[المجدم]

بعض المحلات تكتب على الواجهة ا لأمامية لها هذه الكمات
داينة ....................... بفرح
أتركه ..................................... بطنش
اطلبه ............................................... بزعل
للأسف الشديد لما تسلف شخص خله يبوس ايدك
علشان لما تطالبه تبوس إيده
طبعاً للأسف الشديد هذا الكلام ينطبق على القلة القليلة والخير موجود في الناس ليوم الدين

[الأصيلة]

انصح ان يكون الدين والسلف عند الحاجة القصوى
ولامر ضروري وليس للكماليات ،،،
ومايكون من بنك والبعد عن الربا،،،
مادام فيه احد ثقة يقدر يداين الناس...
ولازم يعرفون الأغنياء والمقتدرين ،،،
ثواب وجزاء فك الكرب عن طريق إقراض المحتاج،،،

[ام السعف]

أصعَـب أنـواع الفـراق
:nop:

أن يبتعِـد عنـك شخـص متسلّـف منـك ،،

المفروض قبل التسليف تأخذ شيك أو شيء يضمن لك حقكك حتى لو كان المتسلف أخوك ،،

إذا كان المتسلف غير قادر على إرجاع المبلغ بحكم ظروفه لا بالله أنا شخصيا أساعده وأوقف معاه ،،

ولكن القهر إذا كان مقتدر ولكن يماطل لأنه يدري انك مش محتاج للمبلغ أهني اتحس انك مقفل

الله المستعان ،،

الحياة وتجاربها خلت الناس يكونون حذرين لأن القانون لا يحمي المغفلين

فاي سلف لازم يكون موثق علشان ما تعيشيون اصعب انواع الفراق :weeping:

[نتفـه]

مشكلتي ما ارد احد .. وكل مره ينسحب علي هههههه ومبالغ بعد .. يللا الشكوه لله ..
وياليت اتأدب بعد اسلف !!!!!!! وكل مره اقول توبه ومافي فايده .. وانا من النوع اللي ما يحن على فلوسه كلش !!!
اعتبر انه استغلال بصراحه بالذات اذا يدرون ان هالشخص طيب وعلى نياته وما يطالب بحقه لانه يستحي ..

[Google]

امانتكم أمانه لا تاخذون ديون من البنوك لانها ربا وربي اللي فوق سبع السموات ورب كل شيء ان القرض الربوي يمحق كل شيء في حياتكم وخصوصا في صحتك وفي علاقاتك مع البشر وفي عملك وفي عيالك وفي كل شيء متعلق في حياتك. الله الله بالصبر ولازم نعلم انفسنا شيء مهم الا وهو ادارة الوقت والحياة. لأن هالأدارة مفقوده عندنا في مجتمعنا ويمكن مايطبقها الا نص في المية وبدون مبالغة (0.5 %) للاسف. ولاتقول انا مجبور لانك لو ما عرفت تدير حياتك من البداية راح تتخذ طريق الكسل وهو الاقتراض عن طريق البنوك الربوية . يارب لك الحمد والشكر على ما انعمت علينا من صحة وراحة نفسية. الدين هم في الليل وذل في النهار. ويا ناس اللي الله معطيه يحاول يساعد اخوه المسلم ويوقف معاه مب شرط يكون عن طريق الاقراض او المساعده المالية ولكن يكون عن طريق تعليم اخيك المسلم شي ينفعه من اجل انه يقدر يدخل على نفسه مصروف يكفيه من سؤال الناس. والله في ناس تبي تعرف شي في التجارة بس ماعندهم خبره للاسف ومحد يبي يعلمهم مداخل التجارة الحلال.

:weeping: :weeping: :weeping: :weeping: :weeping:

[مضارب دوسري]

المشكله ياخوك لما تسلف واحد في مرحلة دراسته ويقولك لما اخلص دراسه بردها
ولما يخلص ويشتغل تلقاه راكب بورش وكل يوم قاعد معاك وانت تنحرج تطلب منه المبلغ
هذا وش الحل معاه ؟

[معماري قطري]

ليش غريب .. اللي يشوف الفلوس انها ورق والله معطيه الخير فليش اضيق على غيري :)

الحمدالله رب العالمين والسلف مو حق ناس غرب عشان استخسر عليهم طال عمرك :)

فديت الفلوس صج ورق بس ريحتها تدخل القلب :nice: سلفيني مليون بس وبارده لج بعد سنه بالضبط

[معماري قطري]

المشكله ياخوك لما تسلف واحد في مرحلة دراسته ويقولك لما اخلص دراسه بردها
ولما يخلص ويشتغل تلقاه راكب بورش وكل يوم قاعد معاك وانت تنحرج تطلب منه المبلغ
هذا وش الحل معاه ؟

طرش له مسج .. تعال تعال لتكون بس بورش ذهبية؟ انا مر علي مثل هالشخص وسلفته مبلغ بسيط نسيت والله كم وشفته مره راكب بورش ذهبية ومدلع نفسه واستحيت أذكره .. خذت تلفونه ولا تواصلت بعد معاه

[Class - Qtr]

أصعَـب أنـواع الفـراق

أن يبتعِـد عنـك شخـص متسلّـف منـك ،،





هذا شخص ردي ..

والفلوس اللي راحت له اعتبرها صدقه جاريه واللي مثل هالشكال ماينزعل على فراقهم

:victory:

[مضارب دوسري]

طرش له مسج .. تعال تعال لتكون بس بورش ذهبية؟ انا مر علي مثل هالشخص وسلفته مبلغ بسيط نسيت والله كم وشفته مره راكب بورش ذهبية ومدلع نفسه واستحيت أذكره .. خذت تلفونه ولا تواصلت بعد معاه

لا مب ذهبيه

[Qr07]

اتذكر سلفت واحد عزيز عليه حول 15الف ولين الحين مارجع لي اياهم يقول ان ماشتغل والمشكله ماعندي اثبات.. وصار له اكثر من 3 سنوات.. ونفس السالفه بس شوي غير.. عطيت واحد غزيز عليه دراجه قيمتها حول 8 الاف لكن للحين مارجعهم ولا يرد عليه.. وهم صار له اكثر من سنتين.. الله يسامحهم..

[طبيب قطري]

المشكله لما احد من اهلك يطلبك وما تقدر ترده طبعا وماتاخذ منه اي ورقه تثبت حقك .. وبعد كده ينام بالخط وانت تتلعوز وتتسلف من البنوك والأخ او الأخت نايمين بالخط ..
مافي الا انك تحتسب عند الله ..

[Chambray]

اخبر تعرفت على شخص من دولة خليجية .. وكان طيب معاي .. وعلاقتي معاه جداً ممتازة
يوم من الايام قالي ابي منك سلف

قلت له ابشر
( توقعت 100 يورو 200 بالكثير 400 يورو )
قالي ابي 2500 يورو !!!!!!!

نعم ! كم !
لا والله ماعندي هالمبلغ احين .. اسمح لي

ههههههههههه

ومن يومها وهو اذا شافني يسوي نفسه مايعرفني !!!

عيل 12 الف ريال وش بتسوي فيهم !!!! علاقتي معاك تراها بس من شهرين ههههههههه