الدين او السلف

[بوحارب]

السلام عليكم ورحمه الله وبركاته

الدين او السلف هو: الدين هو أخذ مال بمقدار محدد مع رد نفس المال دون زيادة أو نقص فى موعد معلوم

بعض الأحيان اصدقاء من زمن بعيد وسنين كثيره يفترقون بسبب المال

طبعا اللوم هنا يكون على الذي اخل بالوعد

سواء اللي كان ماخذ السلف واخلف في كلامه ولم يسدد في الوقت المحدد

او في راعي الفلوس اللي طلب فلوسه قبل موعدها بس ظرف طارئ حصله

بأختصار بعض الأحيان الواحد وده ما يسلف اي حد يعرفه او حد من قاريبه حتى لايخسره يوم من الأيام

السؤال اشرايك في اللي ياخذ السلف ومايرده في وقته مع العلم انه عنده القدره على تسديده؟؟
او اشرايكم في اللي يسلف ويطلب فلوسه قبل الموعد المحدد !!

واللي له تجارب مع الدين يتحفنا بمشاركته وتحياتي :nice:

[حمد 2002]

http://www.qatarshares.com/vb/showthread.php?t=541328

مكرر :secret: ،،

تحياتي لك

[سداوي&مدريدي]

مكرر يا بوحارب :telephone:

المهم ماعلينا

بوحارب ممكن سلف 15 ألف ابي اشتري طراد حمد 2002 وبرجعهم لك بعدين

[حمد 2002]

مكرر يا بوحارب :telephone:

المهم ماعلينا

بوحارب ممكن سلف 15 ألف ابي اشتري طراد حمد 2002 وبرجعهم لك بعدين

:secret: تبي بوحارب ايسلفك هههه

[بوحارب]

بااااال ماضبط معاي الحظ هالمره في الموضوع ههههه

سداوي لو تهلك ما سلفتك ريال خخخ


خلاص يالأدارة ودوا الموضوع البلدية:(

[النهار]

{وَذَكِّرْ فَإِنَّ الذِّكْرَى تَنْفَعُ المُؤْمِنِينَ}

في وايد مواضيع مكرره بشكل اواخر

واحد طلب من واحد سلف قال له الي يبي يسلفه حب على ايدي
رده عليه صديقه افا ياخوي اشلون تبيني احب على يدك
رد عليه علشان ترد الفلوس في الوقت المحدد مو احب على يدك لازم احب على ريولك

ياخوي نرجع للموضوع
السلف انواع
اما من صديق اوبنك او تشتري اي شي اقساط
انا خسرت صداقة واحد بعد 25 سنه
اخذ مني سلف سنة 1990 ... 160 الف ريال مع العلم راتبه اقوى من راتبي
عطاني شيك بدون تاريخ وكتب على نفسه ورقه بالمبلغ مع 2 شهود
اخذ يماطل بالدفع حتى وسطت الشهود اكثر من مره ماعنده غير ان شاءالله بدفعهم لك بأسرع وقت
حتى قلت له ياخوي عطني ياهم بناقص مش مهم كله انشاءالله بأسرع وقت
وكل سنه يسافر اكثر من مره للوناسه ويصرف اكثر من هالمبلغ
عموما سنة 2008 عطيته مهله اسبوع لرد المبلغ ولا الشيك في العاصمه معطيني الاذن الصمخه
رحت البنك وصدقت الشيك ان ماعنده رصيد بعد اسبوع قدمت الشيك مع الورقه
بعد مانسحب للعاصمه ثاني يوم جايب المبلغ واستلمته كاش في العاصمه

بوحارب تسلفني :(

[ودي أكون]

شكلها الناس مفلسه هالشهر :tease:

[العلم]

جدا ..:nop:

[مستوى الدعم]

في بعض الدول العربية.. يعلق أصحاب البقالات لوحة مكتوب عليها:

سلفناه انبسط....تركناه نسي....طالبناه زعل

أعتقد أن سبب عدم سداد بعض الناس لمديونياتهم رغم قدرتهم على السداد يمكن تفسيره حسب الدورة التالية:

شعر بالحاجة > بحث عن وسيلة مريحة للحصول على المال وهي السلف > استخدم المال للوصول للغرض الذي يريده > شعر بالرضا ومتعة الاقتناء > أصبح لديه أموال أخرى (راتب مثلاً) > وضع خطة لاستغلال هذا المال في حاجات شخصية أو متعة ما > يأتي صاحب المال ويطلب مستحقاته > ينزعج المدين لأن سداد المال يعني تأجيل متعته التي خطط لها لذلك يقاوم السداد ويحاول تأجيله باختلاق أعذار مثل عدم توفر المبلغ حالياً...

[حسن]

يقولون السلف تلف

[غرِيبهـ]

يقولون لما الواحد يفلس يدور في دفاتره القديمة
من سنوات سلفت وحطه معاي بالشغل وردت المبلغ بس ناقص منه
وكذلك زميل عمل احين مطرب مشهور وكان رده لما سالته صديقتي
ليش مارديت المبلغ كامل قال عندها فلوس وايد .

لما احتاج اتذكرهم واقول الله لا يسامحهم
ويوم تصير حمطوه غنية اقول الله يسامحهم ههههه

السلف يبين معادن الناس

[bos3eed]

الشرهه مب على اللي يستلف الشرهه على اللي يسلف وهو ماحيلته شي

[معماري قطري]

{وَذَكِّرْ فَإِنَّ الذِّكْرَى تَنْفَعُ المُؤْمِنِينَ}

في وايد مواضيع مكرره بشكل اواخر

واحد طلب من واحد سلف قال له الي يبي يسلفه حب على ايدي
رده عليه صديقه افا ياخوي اشلون تبيني احب على يدك
رد عليه علشان ترد الفلوس في الوقت المحدد مو احب على يدك لازم احب على ريولك

ياخوي نرجع للموضوع
السلف انواع
اما من صديق اوبنك او تشتري اي شي اقساط
انا خسرت صداقة واحد بعد 25 سنه
اخذ مني سلف سنة 1990 ... 160 الف ريال مع العلم راتبه اقوى من راتبي
عطاني شيك بدون تاريخ وكتب على نفسه ورقه بالمبلغ مع 2 شهود
اخذ يماطل بالدفع حتى وسطت الشهود اكثر من مره ماعنده غير ان شاءالله بدفعهم لك بأسرع وقت
حتى قلت له ياخوي عطني ياهم بناقص مش مهم كله انشاءالله بأسرع وقت
وكل سنه يسافر اكثر من مره للوناسه ويصرف اكثر من هالمبلغ
عموما سنة 2008 عطيته مهله اسبوع لرد المبلغ ولا الشيك في العاصمه معطيني الاذن الصمخه
رحت البنك وصدقت الشيك ان ماعنده رصيد بعد اسبوع قدمت الشيك مع الورقه
بعد مانسحب للعاصمه ثاني يوم جايب المبلغ واستلمته كاش في العاصمه

بوحارب تسلفني :(


زين سويت وما يستاهل هذا يكون صديق

انا تسلفت مره 100 ألف من ولد عمي وكتبت له شيك بعد 15 يوم زعل ياخذه مني لأنه جاب الفلوس لي كاش وبسرعه، وتميت وراه أحاول أعطيه فلوسه وهو يماطل .. صراحة حسيت بتعب نفسي لأن الدين أمانه وخفت أصرف الفلوس غصب عني .. وفي النهاية بعد محاولات لمدة 3 شهور تقريبا رضى ياخذها.

ومره سلفت شخص مبالغ على دفعات وصلت يمكن لعشرة آلاف من حول يمكن 10 سنين وكان يقول لو مت انا عيالي بيردونها لك لأنها مسجلة ولتهتم باعطيك فلوسك بسرعه، وكل شوي يجيني يبي يزيد الدين بدال ما يسدد، وطلع متسلف من كم شخص ومبالغ أكثر من اللي خذها مني، فحاولت معاه آخر محاولة ورفض قلت له خلاص بانسى الموضوع وانسى اني سلفتك أو باسلفك مره ثانية، والعجيبة إني تناسيت وهو نسى إنه تسلف مني وكل شوي يجي يبي بعد سلف.

[بوخالد911]

هلا

ابي سلف لتأثيث بيتي

الغوووووووووث
العووون

[تغلبية]

ما احب اسلف ولا اتسلف

ولكن طحت في الغلط مرتين .. خذتني الشيمه والحياء

سلفت ثنتين من ربعي من الكبارية اغنى مني بمراااااحل

وحدة 30 الف 2009 والثانية 13الف 2011

وكل ما كلمتهم .. اما مايردون او قريب قريب .. او اووووه نسيت!!
وهم روحات وجيات وسفرات والماسات وولا عليهم !!!
حسسوني انا المتسلفة منهم مب هم :(

شي عجيب والله .. مادري شلون يخلون في ذممهم مبالغ يقدرون يردونها ..
ولكن الفلوس عندهم أحب من كل شي .. المال عديل الروح لي قالوا !!!

[qatari 111]

عنده البنووك يتسلف منهم .. ومره سلفت وتوبه اسلف ..

اما اذا كان اخوي لو يطلب عيوني اعطيه بس من غير سلف

[<<روز>>]

اماااسوالف السلف مممممممم
مره في سفره تلاقيت مع وحده واعزمتني في شقتها (الملك) يعني مش مأجره وماقصرت اكرمتني وماشاء الله قاعده شهرين وكله ضيفان وتكرم يعني ماعليها قصور ومع السوالف تقول نزلت اسحب وماطلعت البطاقه قلت ها حاضرين وماعندي الا حلالج قالت لا لي قصرت باكلمج واول ماوصلت الفندق دقت علي اذا تقدريبن تعطيني 15000 اقزر بها قلت لها ان شاء الله وبعد يومين رجعت الدوحه كلمتني تبي 3000 دولار وتقول كم يوم وبرجع غ طول بعرجعها لج وارسلت لها وبعدها بكم يوم طلبت وتعذرت منها لاني مسافره ومن بعدها ماترد ع اتصالاتي تحسب ان بكلمها على موضوع الفلوس وصار للموضوع سنه لا لقيت الصاحبه ولا الفلوس

[Locale]

وحده اطلبت مني اشتري لبنتها كيمرا هدية نجاحها على اساس بترجعها لي

والحين كل عقب فتره اتقولي ااووه ليش ماتذكريني ارجعلج ترى انا انسى
الحين صارلها حول السنه مارجعتهم وقدراتها الماليه احسن مني بمراااحل

[ام السعف]

عادي اتسلف واسلف وما عندي مشاكل..........> ومفلسة لحد يطلب سلف :(


ولكل انسان ظروفه اللي تحده انه يتسلف
لكن اللي يتسلف وما يرد وهو قادر على رد السلف
هذا حسابه عند رب العالمين لأنه اخلف وعده ،،