استفسار عن الوكاله العامه

[كلاسيك قطر]

شباب عندنا في قطر وكاله عامه

هو يدير عني في كل شي حتى في امور البنك

[ضوى]

ايه عندنا ، وانا مسوية وكالة عامة لزوجي للتصرف بكل شي وهو مسوي لي وكالة عامة للتصرف بكل شي

[ضوى]

تتوثق الوكالة في المحكمة ووزارة العدل كلا فيما يخصه

[كلاسيك قطر]

حتى في امور البنك

المفروض يسحب المبلغ وانا اوقع

[Aaziz]

البنك لا
الوكاله العامه تاخذها من وزاره العدل ، و انصحك تبحث عدل في صيغه الوكاله. لان بعض ربعنا في بعض الدوائر الحكوميه يخافون من يشوفون توكيل و يعطلون الامور هذا احيانا.
في البنك تروح انت و الشخص للبنك و تعمل له توكيل خاص في البنك على حسابك. تسويه في نفس البنك الموظف يسويه

[لاجئ عاطفي]

الوالده امسويه لي وكالة عامه هذي تاخذها من وزارة العدل في طباعين تحت عندهم الفورمه جاهزه قولهم وكالة عامه يكتبون فيها هم كل شي واتروح فوق ومعاك اللي بتسوي له الوكاله وبطاقاتكم الشخصيه وعقب تدفع رسوم ويعطونك 3 نسخ ..لاتروح المحكمه لان المحكمه وكالاتها لامور معينه مثل التركات فقط

[خزامئ]

حتا البنك يسير
تروحين للبنك ويوقع الي تبين جنب توقيعش
في ذي الحاله يقدر يسحب بدون انتي ماتكونين موجوده