.... على ماتربينا عليه، وعلى الي دخل وسطنا

[JN000N]

السلام عليكم ورحمة الله وبركاته



من فتره صار في نقاش بيني وبين وحده قطريه وبين اثنين مصاروه
وبحكم ان احنا قطريات وتربينا عالادب ويزاهم الله خير اهلنا الي علمونا الصح من الغلط من واحنا صغار كان اسلوبنا ف الكلام ستريت معاهم، في سلاسه ف التعامل مع الموظفين لكن بحدود الادب والاحترام

انفتح موضوع وقت كنا قاعدين ننتظر ميتنغ
وكان اسرع موضوع ينفتح الا وهو "دفاشتنا احنا القطريات الي ماعندنا اسلوب"

ما كان القصد من اي واحد فيهم هجوم كثر ما كان استفسار واستنكار
والموضوع كان

انتو اسلوبكم دفش ف الكلام مافيه ليونه، ويمكن هاي احد اسباب الي تخلي القطري يميل للزواج من دولة عربيه وماياخذ قطريه < طبعا لان قبلها سامعين عن واحد متزوج وحده عربيه
وقال واحد منهم
احنا اسلوبنا لين مع الكل ونعرف نقول كلام حلو ومعسول ونعرف نكون جادين ف نفس الوقت باسلوب وكلمات حلوه
ماتعرفون تقولون كلام حلو
مافيكم رومنسيه
يمكن مافي حنيه وانحس انكم قلوبكم قويه ومافيها لين

^
طبعا كل هالكلام كان وسط نقاش ماكان اتهامات بس انذكرت هالنقاط

عمرنا ماشفنا قطري ياكل زوجته ف مطعم
عمرنا ماشفنا واحد يضحك ويسولف مع زوجته ف الكورنيش او حديقة وماسك بيدها
مافي رومنسيه بينكم
يا هو قاعد ف القهوه يا هي مع العيال تربيهم
احنا ف مصر تشوفونهم كناري لسه عرسان جداد والست لما بتتكلم بيكون كلامها غير عنكو
انتو حتى كلامكم الشعبي دفش

على كل الكلام الي صار كان ف نقاش ودي مافي اي تجريح لاي طرف وكان يحتاج توضيح نقاط نعلم فيها العرب او الاجانب الي توهم جاو قطر ويكتشفون المجتمع الخليجي عامه والقطري خاصه

كان الرد عليهم

احنا ف مجتمع قطري يحكمه الاسلام اول شي وتحكمه العادات والتقاليد الي تربو عليها اهالينا وكان زمنهم قدوة لهالزمان وربونا عليها
الي داخل البيت يظل داخل حدود البيت ومايطلع لحد الا لربي
الرومنسية بين الزوج وزوجته ف البيت ماتطلع لحد لان علمونا ان عيب
تنادي الزوجه زوجها باحسن التسميات واكثرهم رومنسيه بينها وبينه
وقدام امه وخواته وهله تناديه باسمه او احتراما له ورفع لشانه وتقدير تناديه بو فلان

وفالشارع ف المجمعات مايطلع صوتها ولو بتناديه تقرب منه وتناديه بوفلان
ماتقوله حبيبي قدام العالم لان عيب

المراه الخليجيه والقطريه بشكل خاص اسلوبها ف البيت قمه ف الحنان والرومنسيه مع زوجها وبرا البيت قمه فالادب والجديه والاحترام

اعتبرها خصوصيه اعتبرها سور مايتعداه اي مخلوق ويهرف شيصير بين الزوج وزوجته
مب بس رومنسيتهم وحبهم ودلالهم لا!
حتى مشاكلهم ماتطلع لحد ولايدري بها غير الله سبحانه

مازلنا شعب محافظ ولا زالت تربية اهلنا تعتبر افضل تربيه واحسن جيل (جيل الطيبين)

الام تنادي ولدها حبيبي والا حبي الاول وتنادي بنتها حبيبتي او تدلعها باسمها
الابو ينادي بناته باحب اسماء الدلع لهم وينادي الاولاد باساميهم الصح لان الولد مايدلعه ابوه بالعكس يطرح فيه معاني الرجولة

يمكن فالظاهر وفالشارع نطلع بصورة القساة الي ماعندهم اسلوب (لين) يمكن مانقول تؤبرني فالشارع لاي حد
يمكن ماتتجرا الوحده فينا تقول لواحد مصري بص ياباشا حتى لو بغشمره لان مايحل لها ولا يحل له يقط الميانه بينهم

جافين برا البيت .. شعاد؟

على خطى موضوع تمسك يده ويمسك يدج

بدون ما اقتبس عشان ما اسبب احراج حد

بس لفتني قول ان شلهم خص الناس حلالي وريلي وكيفنا
ولفتني ازواج يحسسون زوجاتهم انهم برا البيت معاهم بعد
ولفتتني اشيا وايد

وطلعو فجاه اهلنا وتربيتهم معقده
وطلع الريال الي مايمسك يد زوجته معقد > مع ان قلنا يمسك يدها في حالات خاصه مب يمسكها ويتمشى كنه محد قدامه
مثل الزوجه الي ماتقول حبيبي قدام العالم جافه
وغيرها من الكلام المعسول والتصرفات الغريبه

لو بنمشي على هالتفكير
كأني شفت المستقبل قدام

كلام معسول ف الشارع بين زوج وزوجته بطريقه ملفته ف اي مكان (العذر بالحلال)
حركات اجرأ مثل مابدت ف دول مجاوره (العذر بالحلال)
وغيرها اشيا كثيييره مردها بتطلع ولو وقتها المنتدى لحين موجود بتنذكر وبيتم التناقش فيها وبيطلعون فئه معارضه وفئه موافقه
على فكره طلعت فئة الي تصور غرفة النوم حتى وهي مجهزتها ومرتبتها وتحطها ف انستقرام وشوفو ايش سويت لزوجي


افتخر كون اي اجنبي دش قطر قال ان احنا جافين فالمعامله
ليش؟
لان احنا مب رخاص ومب اي حد نكلمه باسلوب لين ولان قبل كل شي لنا دين يحكمنا وعادات تميزنا
افتخر كوني تعلمت احط حدود وحواجز للاسرار ف البيت وماسربها برا
افتخر اني لين طلعت ماحسب حساب اني امشي ف الشارع بروحي لا..حولي ناس ولهم الحشمه وماراح اتصرف جني قاعده ف بيتنا

واحلى شي.. اني اعرف متى اختار الكلمات الحلوه فالبيت ومتى اتكلم بجديه برا البيت وباسلوب لبق ومحترم

[فلتة زمانها]

كل الي ذكرتيه صحيح اختي
لكن عندي تعليق بسيط الناس فاهمين الرمانسيه غلط وبالاخص البنات
وما يفرقون بين اللطف في التعامل والجرأه

[مختلفة عقليا]

السلام عليكم .,

حلو النقاش ., مع ان شغلي كله مع اجانب كله يقولون لي القطريات دلوعات ,’

ومنصدمين مني لاني اعتمد علي نفسي في كل شي ., لانهم يجوفونا اتكاليات .,

اما موضوع الدفاشة ابدا ماله خص في الاسلوب .,

المياعه شي ., والذوق العام شي .,

يعني عيب والا حرام اقول لبنت (( هلا حبيبتي )) بس نادر هالشي يصير بين موظفة وعميله ,’ ليش !! لان مجتمع جاف .,

نرجع للبيوت ., عشان ما اظلم مجتمعي الجميل ., في عيلتنا كلها ., مافي ريال ينادي مرته (( هاني )) يعني حبيبتي ., الا واحد ., واحد !! اتكلم عن 1% ,’

في البيت الواحد ., لا صج من ينادي اخته من هو صغير ., بـ يالغاليه ,’ والا حبيبتي ,’ !! من ينادي مرته (( حياتي وعمري وقلبي )) قدام اعياله .,

من يلم مرته ., قدام اعياله ., ويتم يتغزل غزل بسيط قدامهم ,’ !!

من اتيب ماي واتنظف ريل ريلها !! واتكلمه علي طوووول بكلام حلو ومعسول ., قدام العيال ., !!

بس مثاليييييييييييييييييييييييييييه ,’ بس كذذذذذذذب .,

مجتمعنا جاااف كاااامل ,’ من الالف الي الياء ,’

الولد يصير عمره 15 يستحي يضم امه ,’ !! يستحي يتصل يقول يمه احبج وحشتيني .,

حتي بين الاخوان هالكلام يطلع بالزور ., من يقول لاخته احبج علي طول ,’ !! يمكن الفون ساعدنا نكتب هالكلام ., بس كلام فيس تو فيس ., (( نستحي )) ,’ !!

الريال يستحي يقول لمرته يالغاليه ,’ والا بروح للغاليه ., يقول للاهل ,!! حتي لو ماعنده اعيال .,

والمره شنو بيصير فيها لو قالت (( الغالي )) او حبيبي ., علي طول الريل ., الريل !!

اي مجتمع (( رومنسي )) بس في البيوت يالشيخه ., !! انا ماجفت هالبيوت اسمحيلي .,

بيتنا الوحيد تقريبا اللي انقول لبعض هالكلام علي طوووول ., واندز مسجات ., وطاقه ايجابيه والحمدالله .,

كل رفيجاتي والبنات بصفه عامه ., يستغربون من علاقتنا ., يشفونها (( غلط )) .,

يا انا عايشه في الشمال وماعرف عن اهل الدوحه ., يا في شي انا ما جفته لحين .,

اخيرا .,

العيال بيتعلمون من وين الرومنسية ., وثقافة (( الليونه )) ., اذا ما جافوها في امهم وابوهم ., من صجي اسال !!

من اماكن غلط للاسف ., ويترتب عليه ., تصرف خاطي ., ويترتب عليه مالا يحمد عقباه .,

ويسلموو .,

[QATAR 77]

قال الله تعالى (( فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا ))

قولوا لهم مب شغلكم

[QATAR 77]

هذي اخرة الاختلاط شوي شوي يتدخلون في الخصوصيات و في الاخير يتكلمون في الامور المحرمة

[حسن]

كل الي ذكرتيه صحيح اختي
لكن عندي تعليق بسيط الناس فاهمين الرمانسيه غلط وبالاخص البنات
وما يفرقون بين اللطف في التعامل والجرأه

الصراحه قريت نصف الموضوع ووقلت باكمل الباقي بعدين

شقت صطر وصطرين مثل بوحارب وبعد ماخلص

ههههههه

حنون لا تعصبين خخخخ


انا من راي بخصوص ردك يافلته هو تاثير مانشاهده من مسلسلات
اللي ترسم صوره غير حقيقيه نقول او مبالغ فيها
فالعاقل مثلي يقدر يقدرها ويعرف يميزها ولكن اللي شوي ماعنده خبره وثقافه واطلاع
وتجارب ورجاحه عقل مايقدر يشوف او يميز منهم الصح

وبالنسبه اللي اشوفه البنات اكثر تاثرا بهذه المسلمسلات بحكم تواجدهم في البيت

وذكرتيني بصديقات العمر ونجول على قوله بوحارب انا مالي خص

:(

[بشائر]

وعليكم السلام ورحمة الله وبركاته
اشكرج عزيزتي نجوم على طرح هالموضوع الحساس للغاية
هالفئة بالذات رافعة ضغطي مادانيها الله المستعان ..
والمفروض إننا ناخذ الحذر منهم ونعاملهم بطريقة معينة حنا مساكين مافركتنا الحياة ولتهتنا مثلهم
البعض يبون الحال يوصل في قطر مصخرة ( وفري) مثل بعض الدول وهالشي بإذن الله ما راح يكون
ماغير هابين على شبابنا ليه ماتمسكون يد حريمكم وليه ما تشربوهم عصير وليه وليه وكلام فاضي يدل على قلة الحياء
لأنه لو الشاب القطري تجرأ شوية في هالأمور هم عاد بيفرشون البساط الأحمدي في الشوارع اللهم ياكافي .. ووقتها محد بيلومهم
لله الحمد والمنة بلدنا للحين فارض احترامه وبقوة على كل اللي عايشين فيه ..والمنكر مانرضى فيه

وعلى فكرة هم على قد ماهم بارعين بالكلام الحلو باحترافية -على قولتهم - بعد قادرين على الكذب باحتراااف كبير
ولا حتى يبين عليهم انهم يكذبون الله المستعان ..
مرة كنت في كارفور وكان بعدي واحد من بلد عربي وكان الوقت الساعة 10 الصبح الكاشير اللي جنبي سكر على حظ الشخص العربي اللي وقف قدامه
وقال الهندي : خلاص سكر روح المكان الثاني وأشر له أنه يكون بعدي
وأخينا ذا عصب وقال له بصوت عالي : ليش لما أنا يجي انت يسكر افتح مافي على كيفك ...ويضرب باب الكاشير الصغير اللي تحت بقوة لين روعني !! وانا معطيته ظهري ماشفته
طبعا اندهشت من الصوت وماعرفت وين مصدره وإيش سببه شي غريب ماتعودنا عليه !
التفت على الشخص العربي ودار بينا هالحوار :

- لو سمحت أنت اللي ضربت الباب وطلعت هالصوت؟
- أي صوت يافندم أنا ماسمعتش حاقة (بابتسامة ووجه تنط الطيبة منه نط حتى ظنيت إني قاعده على البحر بنظارة شمسية وبيدي قلاص عصير بو مظلة )
- بس أنا سمعت صوت ضربة قوية الحين تو صارت !!
- أبدا واللهي مفيش صوت خالص وهو انا حكدب على حضرتك ليه ! ( للحظة شكيت بعمري وقلت يمكن تهيئات شكله أبد ما يوحي بإنه كاذب )
رديت والتفت للكاشير أدفع الحساب لكن ماطاوعني قلبي لأني متأكدة إني سمعت الصوت رديت صوب الهندي وسألته بسرعة انت سمعت صوت ؟؟
قال الهندي أي ويأشر على الأخ العربي !!
هناا عااد صدته !
- تعال تعال وتقول واللهي ماسمعتش؟ تكذب بعد وانت رجال كبير مب عيب ؟؟
- لأ يافندم انا بس فتحتو بشويش هو الباب اللي خربان أعمل إيه أنا بأه ؟! !
- أقول تحمل !! تراك في بلد فيه قانون وماعندنا هالفوضى وهالحركات النص كم احترم البلد اللي انت فيه ولا تعيدها وإن تكرر منك هالتصرف ببلغ عنك الأمن ..
خاف طبعا ومشى من جنبي بهدوء كإنه قملة مقصوعة المهم إني بردت خاطري فيه .. حسبي الله عليه
الحذر ثم الحذر من هالفئة العربية لأنها والله العظيم مب هينة !

[k.fatma]

مرحبا

صحيح احنا مجتمع (( شبه جاف )) وما تعودنا ولا عودونا اهالينا نقول كلام حلو وغزل حتى مع اخوانا في البيت يمكن خذوها من حديث الرسول (( فرقوهم في المضاجع)) وعلى هالاساس خلوا حدود بينا

وهذا الشي لازم نفتخر فيه لانه حلات البنت يكون فيها حيا حتى مع ابوها واخوها

ضنج اذا صرنا نفس اللي في الشارع نمشي وانقط كلام حلو الدنيا بتصير بخير (( يطمع الذي في قلبه مرض))

مشكله هالعرب يبون الناس تشوفهم انهم رومانسيين وفي البيت الله بالخير

حب المظهر شي اساسي عندهم ومافيهم غيره على أهلهم

عكس الخليج غيرة واحترام وحب من قلب الى القلب وهذا هو الدين الصح

الكلام المعسول اذا انقال 24 ساعه ماله طعم ولا معنى

هذا الفرق اللي مب راضيين تفهمونا ((( جيل يخوف )))

[JN000N]

كل الي ذكرتيه صحيح اختي
لكن عندي تعليق بسيط الناس فاهمين الرمانسيه غلط وبالاخص البنات
وما يفرقون بين اللطف في التعامل والجرأه

الاحترام واللطف والموده بحدود بين الزوجين موجوده عند الكل
مانطالب يكون شديد ولا يكون لين وايد
الوسطيه والاعتدال بحدود الاخلاق والدين
مايجافيها قدام الناس ويصير جنه مستحي يمشي حذاها ولا يستوي جنه متخرع طالع معاها يمكن فالبيت مايسوي الي يسويه ف الشارع

[qatari 111]

في عضوه هنا في قمة التناقض

[همر]

نعم نعم يا روح --طووووووط-- احنا برضو اللي ناشفين ومبنعجبشي ؟!! حئه بطلووو دا واسمعوووووو دااااااا ....



يا الهي لا اتصور كمية " الرومنسيه " اللي هم عايشين فيها !!!



لا لا صج طع بس طع من يتكلم !!! :eek5:

[Aaziz]

سبحان مقلب القلوووب

اكتشفت ان اسمج يا جنون يقرض اللسان و يغير من التوجهات و الاراء و التعبير ،، شويه نزاهه ياخلق الله
عيب و طر جيب

[sweet qatar]

صدقتي جنون

تربينا على الجدية والرسمية في التعامل مع الآخر

هذا دينا و عاداتنا الي خذناها من الدين

[يمامـة]

القطريات بشكل عام ما ربتهم الأفلام ولا بيئة مختلطة تحتاج الى تزيين القول والفعل لجذب الفعل الآخر..

لكن حاليا الوضع تغير يا جنون،، المياعة والدلع والتغنج ينقطون من كثيرات في مواقع مختلطة
وهن قطريات ،،

فالاختلاط والتربية في وسط هذا الاختلاط شي طبيعي يولد خبرة في التعامل مع الرجل
سواء كان بالنظرات او بالغمزات او الحركات او التحرش المباشر..

[JN000N]

السلام عليكم .,

حلو النقاش ., مع ان شغلي كله مع اجانب كله يقولون لي القطريات دلوعات ,’

زين على اساس شنو حكمو ان دلوعات؟
ومنصدمين مني لاني اعتمد علي نفسي في كل شي ., لانهم يجوفونا اتكاليات .,

اما موضوع الدفاشة ابدا ماله خص في الاسلوب .,
يا نقول دفاشه يا نقول حزم وجديه يا نقول جامدين مع الاغراب
المياعه شي ., والذوق العام شي .,
ماقلنا شي عن المياعه
يعني عيب والا حرام اقول لبنت (( هلا حبيبتي )) بس نادر هالشي يصير بين موظفة وعميله ,’ ليش !! لان مجتمع جاف .,
بالعكس!! من وين يبتي هاللكلام؟ بينا وبين بعض يا نقول حبيبتي يا الشيخه
وليش تقولين مجتمع جاف هل انتي تعانين من هالجفاف؟
نرجع للبيوت ., عشان ما اظلم مجتمعي الجميل ., في عيلتنا كلها ., مافي ريال ينادي مرته (( هاني )) يعني حبيبتي ., الا واحد ., واحد !! اتكلم عن 1% ,’

في البيت الواحد ., لا صج من ينادي اخته من هو صغير ., بـ يالغاليه ,’ والا حبيبتي ,’ !! من ينادي مرته (( حياتي وعمري وقلبي )) قدام اعياله .,

من يلم مرته ., قدام اعياله ., ويتم يتغزل غزل بسيط قدامهم ,’ !!

من اتيب ماي واتنظف ريل ريلها !! واتكلمه علي طوووول بكلام حلو ومعسول ., قدام العيال ., !!

بس مثاليييييييييييييييييييييييييييه ,’ بس كذذذذذذذب .,

مجتمعنا جاااف كاااامل ,’ من الالف الي الياء ,’

الولد يصير عمره 15 يستحي يضم امه ,’ !! يستحي يتصل يقول يمه احبج وحشتيني .,

حتي بين الاخوان هالكلام يطلع بالزور ., من يقول لاخته احبج علي طول ,’ !! يمكن الفون ساعدنا نكتب هالكلام ., بس كلام فيس تو فيس ., (( نستحي )) ,’ !!

الريال يستحي يقول لمرته يالغاليه ,’ والا بروح للغاليه ., يقول للاهل ,!! حتي لو ماعنده اعيال .,

والمره شنو بيصير فيها لو قالت (( الغالي )) او حبيبي ., علي طول الريل ., الريل !!

اي مجتمع (( رومنسي )) بس في البيوت يالشيخه ., !! انا ماجفت هالبيوت اسمحيلي .,

تناقض بين الكلام فوق وبين هالسطر تحت !! قمة فالتناقض


بيتنا الوحيد تقريبا اللي انقول لبعض هالكلام علي طوووول ., واندز مسجات ., وطاقه ايجابيه والحمدالله .,

كل رفيجاتي والبنات بصفه عامه ., يستغربون من علاقتنا ., يشفونها (( غلط )) .,

يا انا عايشه في الشمال وماعرف عن اهل الدوحه ., يا في شي انا ما جفته لحين .,

اخيرا .,

العيال بيتعلمون من وين الرومنسية ., وثقافة (( الليونه )) ., اذا ما جافوها في امهم وابوهم ., من صجي اسال !!

من اماكن غلط للاسف ., ويترتب عليه ., تصرف خاطي ., ويترتب عليه مالا يحمد عقباه .,

ويسلموو .,

شوفي يالطيبه
الحين بقولج ردج شنو

اولا يوم تقولين مجتمعنا جاف فالتعامل انتي غلطانه لان الشباب بينهم وبين بعض ينادون بعضهم يالشيخ
ولو في اي مكان شاف واحد عالاقل فالشارع وشاف عليه غلط بيقوله يالشيخ او يالطيب وهاي ان دل دل على الذرابه
ونفس الشي بالنسبه للبنات
دايما حبيبتي والشيخه والطيبه
ونفس الشي ان دل دل على الذرابه

بالنسبه للكلام المتناقض
حبه حبه
اولا اذا ف مجتمعج ف بيتكم ماعندكم حد ينادي هاني .. >> هاني شنو خخخخ
زين حبيبتي او الغاليه او حياتي هاي اذا ما نقال اكثر
ليش ماينقال ومن يقول ان ماينقال
انا اخواني الله يحفظهم عمره الواحد فيهم ما ناداني الا يالحب او الغاليه او باسمي ويدلعونه
الوالد يعلنا مانخلا من حسه اذا مانادانا باسامينا دلع يقول هلا بنتي الغاليه هلا بام الزين وخذي باقي الكلام

حق الوالده مب بس ف بيتنا لااا
مجتمعنا احنا مب المجتمع المتناقض انا اقصد المجتمع اللي عندنا الصح
الدلع حق الوالده من احب انواع الدلع لها وحق الاب نفس الكلام
وضم؟؟ ولم؟ مايحتاي اعطي تفاصيل
بالعكس هالشي جفته ف مجتمعنا ف بيتنا وف بيوت غيرنا

وبعدين عن سالفة انج عايشه ف الشمال خخخ مب حولج كلش تكونين منهم لان لو كنتي نهم بيكون كلامج نفس كلامي :)

بالنسبه لخارج اسوار المنزل ...

ونجي للكلام الصج
شفتي كللللل هذول الي قدام العالم ماسكين يد بعض اتحدى اذا كان بينهم ف البيت موده مثل ماهي قدام الناس

ان يات على غيره يغارون علينا
وان يات على احترام يعاملونا باحترام وموده
وان يات على سنع
حتى الاغراض مايثقلون علينا يشلونها منا
وان مر حذانا غريب وقفو بينا وبينه
وان يينا بنطوف مسكونا من يدنا وطوفونا

^ هني الخوف والحب يبين ف هالمواقف
مب ف مجرد تمشي ويد ب يد

شوفي من بعيد لا تشوفين من وجهة مظاهر



وحياج الله
راجعي تعليقاتي ف اقتباسج :)

[JN000N]

قال الله تعالى (( فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا ))

قولوا لهم مب شغلكم

تقدر تقول مب شغلكم
وتخليها ف باله

لكن تقدر انك تعلمه احنا شنو وتسكته

[JN000N]

هذي اخرة الاختلاط شوي شوي يتدخلون في الخصوصيات و في الاخير يتكلمون في الامور المحرمة

لا الاختلاط عمره ماكان مشكله

الناس معادن واللي معدنه اصلي مايتغير ب اي تاثير حوله

انا اشتغل ف مكان خلط وسبق قلتها مب كفو حد يتجرأ علي
لكن لما يجي استفسار او كلام من اي اجنبي ماصارله وايد ف قطر
ليش ماجاوبه؟ ليش ابين له ان احنا حجر؟؟ لا والله
بالعكس ارد ب سلاسه واعلمه عاداتنا وتقاليدنا
وشدراك؟ يمكن تصرفي علمه حدوده وخلاه قبل يتكلم مع اي بنت قطريه ف الدوام يحسب حساب انها قطريه مب مثل جنسيته ولازم يحاسب ف الكلام

[مختلفة عقليا]

شوفي يالطيبه
الحين بقولج ردج شنو

اولا يوم تقولين مجتمعنا جاف فالتعامل انتي غلطانه لان الشباب بينهم وبين بعض ينادون بعضهم يالشيخ
ولو في اي مكان شاف واحد عالاقل فالشارع وشاف عليه غلط بيقوله يالشيخ او يالطيب وهاي ان دل دل على الذرابه
ونفس الشي بالنسبه للبنات
دايما حبيبتي والشيخه والطيبه
ونفس الشي ان دل دل على الذرابه

بالنسبه للكلام المتناقض
حبه حبه
اولا اذا ف مجتمعج ف بيتكم ماعندكم حد ينادي هاني .. >> هاني شنو خخخخ
زين حبيبتي او الغاليه او حياتي هاي اذا ما نقال اكثر
ليش ماينقال ومن يقول ان ماينقال
انا اخواني الله يحفظهم عمره الواحد فيهم ما ناداني الا يالحب او الغاليه او باسمي ويدلعونه
الوالد يعلنا مانخلا من حسه اذا مانادانا باسامينا دلع يقول هلا بنتي الغاليه هلا بام الزين وخذي باقي الكلام

حق الوالده مب بس ف بيتنا لااا
مجتمعنا احنا مب المجتمع المتناقض انا اقصد المجتمع اللي عندنا الصح
الدلع حق الوالده من احب انواع الدلع لها وحق الاب نفس الكلام
وضم؟؟ ولم؟ مايحتاي اعطي تفاصيل
بالعكس هالشي جفته ف مجتمعنا ف بيتنا وف بيوت غيرنا

وبعدين عن سالفة انج عايشه ف الشمال خخخ مب حولج كلش تكونين منهم لان لو كنتي نهم بيكون كلامج نفس كلامي :)

بالنسبه لخارج اسوار المنزل ...

ونجي للكلام الصج
شفتي كللللل هذول الي قدام العالم ماسكين يد بعض اتحدى اذا كان بينهم ف البيت موده مثل ماهي قدام الناس

ان يات على غيره يغارون علينا
وان يات على احترام يعاملونا باحترام وموده
وان يات على سنع
حتى الاغراض مايثقلون علينا يشلونها منا
وان مر حذانا غريب وقفو بينا وبينه
وان يينا بنطوف مسكونا من يدنا وطوفونا

^ هني الخوف والحب يبين ف هالمواقف
مب ف مجرد تمشي ويد ب يد

شوفي من بعيد لا تشوفين من وجهة مظاهر



وحياج الله
راجعي تعليقاتي ف اقتباسج :)

هلا .,

لا للشخصنه .,

انا قلت رايي في الموضوع ., وانتهي الموضوع بالنسبه لي .,

مو لازم اقنعج او تقنعيني .,

الله يخليلج اخوانج وهلج .,

ويسلموو .,

[JN000N]

الصراحه قريت نصف الموضوع ووقلت باكمل الباقي بعدين

شقت صطر وصطرين مثل بوحارب وبعد ماخلص

ههههههه

حنون لا تعصبين خخخخ


انا من راي بخصوص ردك يافلته هو تاثير مانشاهده من مسلسلات
اللي ترسم صوره غير حقيقيه نقول او مبالغ فيها
فالعاقل مثلي يقدر يقدرها ويعرف يميزها ولكن اللي شوي ماعنده خبره وثقافه واطلاع
وتجارب ورجاحه عقل مايقدر يشوف او يميز منهم الصح

وبالنسبه اللي اشوفه البنات اكثر تاثرا بهذه المسلمسلات بحكم تواجدهم في البيت

وذكرتيني بصديقات العمر ونجول على قوله بوحارب انا مالي خص

:(

:waiting:

وحنون بعد مب جنون

اللي تربى صح وكبر وسط بيئه صح ما تاثر فيه المسلسلات

[JN000N]

وعليكم السلام ورحمة الله وبركاته
اشكرج عزيزتي نجوم على طرح هالموضوع الحساس للغاية
هالفئة بالذات رافعة ضغطي مادانيها الله المستعان ..
والمفروض إننا ناخذ الحذر منهم ونعاملهم بطريقة معينة حنا مساكين مافركتنا الحياة ولتهتنا مثلهم
البعض يبون الحال يوصل في قطر مصخرة ( وفري) مثل بعض الدول وهالشي بإذن الله ما راح يكون
ماغير هابين على شبابنا ليه ماتمسكون يد حريمكم وليه ما تشربوهم عصير وليه وليه وكلام فاضي يدل على قلة الحياء
لأنه لو الشاب القطري تجرأ شوية في هالأمور هم عاد بيفرشون البساط الأحمدي في الشوارع اللهم ياكافي .. ووقتها محد بيلومهم
لله الحمد والمنة بلدنا للحين فارض احترامه وبقوة على كل اللي عايشين فيه ..والمنكر مانرضى فيه

وعلى فكرة هم على قد ماهم بارعين بالكلام الحلو باحترافية -على قولتهم - بعد قادرين على الكذب باحتراااف كبير
ولا حتى يبين عليهم انهم يكذبون الله المستعان ..
مرة كنت في كارفور وكان بعدي واحد من بلد عربي وكان الوقت الساعة 10 الصبح الكاشير اللي جنبي سكر على حظ الشخص العربي اللي وقف قدامه
وقال الهندي : خلاص سكر روح المكان الثاني وأشر له أنه يكون بعدي
وأخينا ذا عصب وقال له بصوت عالي : ليش لما أنا يجي انت يسكر افتح مافي على كيفك ...ويضرب باب الكاشير الصغير اللي تحت بقوة لين روعني !! وانا معطيته ظهري ماشفته
طبعا اندهشت من الصوت وماعرفت وين مصدره وإيش سببه شي غريب ماتعودنا عليه !
التفت على الشخص العربي ودار بينا هالحوار :

- لو سمحت أنت اللي ضربت الباب وطلعت هالصوت؟
- أي صوت يافندم أنا ماسمعتش حاقة (بابتسامة ووجه تنط الطيبة منه نط حتى ظنيت إني قاعده على البحر بنظارة شمسية وبيدي قلاص عصير بو مظلة )
- بس أنا سمعت صوت ضربة قوية الحين تو صارت !!
- أبدا واللهي مفيش صوت خالص وهو انا حكدب على حضرتك ليه ! ( للحظة شكيت بعمري وقلت يمكن تهيئات شكله أبد ما يوحي بإنه كاذب )
رديت والتفت للكاشير أدفع الحساب لكن ماطاوعني قلبي لأني متأكدة إني سمعت الصوت رديت صوب الهندي وسألته بسرعة انت سمعت صوت ؟؟
قال الهندي أي ويأشر على الأخ العربي !!
هناا عااد صدته !
- تعال تعال وتقول واللهي ماسمعتش؟ تكذب بعد وانت رجال كبير مب عيب ؟؟
- لأ يافندم انا بس فتحتو بشويش هو الباب اللي خربان أعمل إيه أنا بأه ؟! !
- أقول تحمل !! تراك في بلد فيه قانون وماعندنا هالفوضى وهالحركات النص كم احترم البلد اللي انت فيه ولا تعيدها وإن تكرر منك هالتصرف ببلغ عنك الأمن ..
خاف طبعا ومشى من جنبي بهدوء كإنه قملة مقصوعة المهم إني بردت خاطري فيه .. حسبي الله عليه
الحذر ثم الحذر من هالفئة العربية لأنها والله العظيم مب هينة !

اي هذي الفئة اللي تدس السم ف العسل
ومعاي شكثر منهم ف الدوام وقدامج حليوين ومن وراج لانج قطريه اشتغلو عليج
وحتى سواله وكلامه ان يطلعنا جافين وماعندنا اسلوب لين مثل بناتهم او بنات الدول المجاوره لهم كان يستوجب ان احنا نرد عليه برد يعلمه هو وين وشنو عادات هالبلد
وان احنا مب بسيطات واذا هم علني وقدام العالم ومافي خصوصيه
احنا قدام الناس غير وف بيوتنا غير

[JN000N]

مرحبا

صحيح احنا مجتمع (( شبه جاف )) وما تعودنا ولا عودونا اهالينا نقول كلام حلو وغزل حتى مع اخوانا في البيت يمكن خذوها من حديث الرسول (( فرقوهم في المضاجع)) وعلى هالاساس خلوا حدود بينا

وهذا الشي لازم نفتخر فيه لانه حلات البنت يكون فيها حيا حتى مع ابوها واخوها

ضنج اذا صرنا نفس اللي في الشارع نمشي وانقط كلام حلو الدنيا بتصير بخير (( يطمع الذي في قلبه مرض))

مشكله هالعرب يبون الناس تشوفهم انهم رومانسيين وفي البيت الله بالخير

حب المظهر شي اساسي عندهم ومافيهم غيره على أهلهم

عكس الخليج غيرة واحترام وحب من قلب الى القلب وهذا هو الدين الصح

الكلام المعسول اذا انقال 24 ساعه ماله طعم ولا معنى

هذا الفرق اللي مب راضيين تفهمونا ((( جيل يخوف )))

بالعكس الحنيط موجوده والموده بين الاخوان موجوده
وشوفي البنت الصغيره لو طاحت شلون يحوفها حوف اخوها الي اكبر منها ب شوي

والكلام المعسول يعتبر خصوصيات مب قدام العالم
في امهات وابهات مايبينون غزلهم قدام عيالهم لكن بينهم وبين بعض غير
وهالشي عشان مايفتحون عيون عيالهم على اشيا اكبر منهم

[چواهر]

الرقة والنعومة ولا الدفاشة والخشونة ما تختص بلد دون الآخر ؛
فيه بنات تتصنع الرقة والنعومة وناس تتصنع الدفاشة والقوة وكل وحدة لها هدف من التصنع .

أما إنهم يخصصون القطريات بالخشونة فهذا راي يجانب الصواب وكلامهم مردود عليه لأنهم يقارنون مياعتهم وتصنعهم بالثقل عند القطرية .
القطرية الشريفة والعفيفة مالها حاجة تتصنع الدلع مثل غيرها فتصطاد الأزواج بالميوعة والتصنع وإذا القطري خذ أجنبية هذا لأنه القطري يشوف الموضوع من زاوية الغلا والرخص ولا الأجنبية إذا خذت القطري مب عشان عاشقة عيونه !
وشوفي الأم القطرية شلون حنونة على عيالها وقارنيها بهالجنسيات .
والزوجة القطرية قارنيها بغيرها بتشوفين إنه الدلع والليونة شي يتلاشى عند عطاء القطرية لبيتها وزوجها وعيالها وحتى أهل زوجها .
وما عليكم من المواضيع إلي تنطرح هني وتشنع في القطرية هذي نسبة مالها قيمة عند الأغلبية المتربية على الحب والعطاء والتضحية لبيتها .. القطرية حنونة على أهلها قبل وبعد الزواج ما تتخلى عنهم ولو القطرية دفشة جان ما استغلوا طيبتنا الأجانب وخذوا منا إلي ما يقدرون ياخذونه من ابناء جلدتهم .

[JN000N]

في عضوه هنا في قمة التناقض

الله يهديهم

[JN000N]

نعم نعم يا روح --طووووووط-- احنا برضو اللي ناشفين ومبنعجبشي ؟!! حئه بطلووو دا واسمعوووووو دااااااا ....



يا الهي لا اتصور كمية " الرومنسيه " اللي هم عايشين فيها !!!



لا لا صج طع بس طع من يتكلم !!! :eek5:



ههههههههههههههههههههه
لا انت مافهمت
هم رومنسيتهم مياعه وقلة حيا
يراعه ومافي حدود
ف هو يقصد هالشي بس بين السطور

لكن ان شاء الله كلامي الي حاليا ينطبق على معظم القطريات مايتغير ونجوف هالفئة نادره

[JN000N]

صدقتي جنون

تربينا على الجدية والرسمية في التعامل مع الآخر

هذا دينا و عاداتنا الي خذناها من الدين

والي تربينا عليه كنز نفتخر فيه

[توشيبا]

نمت وانا اقراء موضوعج الحين قعدت اصلي العصر وبرد امخمخ واكمل القراءه والردود

[بنت الجزيرة]

انا ما أحب أتناقش في هالمواضيع كتابياً
لكن “ لو اللي موجه لنا النقد جنسية ثانية فعلا تتميز باللطف واللين في الكلام كنت برد عليهم وبدافع عن مجتمعنا وعاداته ومبادئه
أما اللي ينتقد وهو اصلا عايش جو الدفاشه في مجتمعهم ولا اشوف فيه أي نوع من اللطف واللين المبالغ في وصفه

[JN000N]

القطريات بشكل عام ما ربتهم الأفلام ولا بيئة مختلطة تحتاج الى تزيين القول والفعل لجذب الفعل الآخر..

لكن حاليا الوضع تغير يا جنون،، المياعة والدلع والتغنج ينقطون من كثيرات في مواقع مختلطة
وهن قطريات ،،

فالاختلاط والتربية في وسط هذا الاختلاط شي طبيعي يولد خبرة في التعامل مع الرجل
سواء كان بالنظرات او بالغمزات او الحركات او التحرش المباشر..

في.. والوضع من جريء الى اجرأ
والاشيا العيب صارت عاديه ف هالوقت ولين قلنا عيب قامو يحاججون انه تعصب قديم ف العادات
بس هالمرحله لو رضينا فيها بتودينا مرحله ثانيه ادمر
خلنا متمسكين بتربية اهالينا الاوليين وخلنا نقول العيب عيب ولا نحاجج فيه
لانفتح عيون الصغار عالعادي ولين كبرو قلنا عيب

[JN000N]

هلا .,

لا للشخصنه .,

انا قلت رايي في الموضوع ., وانتهي الموضوع بالنسبه لي .,

مو لازم اقنعج او تقنعيني .,

الله يخليلج اخوانج وهلج .,

ويسلموو .,

خخخخخخخخخخخخخخخخ
حياج الله يالطيبه

[R 7 A L]

شيبون يعني ؟


يبونكم تصيرون نفسهم ههههههههههه
سبحان الله هم مو مقتنعين بمجتمعاتهم
وعاداتهم وتقاليدهم ولا يقدرون يغيرونها ويبون كل الناس مثلهم

معصي
شتب يور ماوس اوباما

[ضوى]

عجبني الموضوع يا جنون واتفق معاج تماما في اللي قلتيه ، والله يا انه ابوي رحمة الله عليه يوم تزعل امي تضيق فيه الدنيا ومايرتاح الا اذا رضاها ومعانا حنون وماينادينا الا بالدلع ، والاولاد لا كان خشن معاهم ، واخوانا الله يرحم اللي راح منهم كانوا يدلعون خواتي اللي جو على كبر عمرهم دلع ماقد شفته انه وةحتى وهم كبار يشيلونهم على ظهرهم ،وحبه الخشم واللمه في الطلعه والدخله ، قال ايه قال جفاف عاطفي ، يعني اذا مامارست الرومانسيه جدام الناس وخلق الله خلاص اعاني من جفاف عاطفي ، والله يا انه عيالي ماينادوني الا حبيبتي يمه عمري يمه حياتي حتى الصغيرة الله يحفظها تعلمت منهم ما تناديني الا يمه حبيبتي لازم تشبكها بلقب ، واخوانها مع اختهم ينادونها بدلع ودلال ، اللي ماعاش الرومانسيه بحياته لا يتفلسف ويقول جفاف عاطفي الحمد لله على ما انعم الله علينا من حب ومودة

[حسن]

شيبون يعني ؟


يبونكم تصيرون نفسهم ههههههههههه
سبحان الله هم مو مقتنعين بمجتمعاتهم
وعاداتهم وتقاليدهم ولا يقدرون يغيرونها ويبون كل الناس مثلهم

معصي
شتب يور ماوس اوباما

عجبني توقيعك يارحال

:victory:

[النهار]

متابع الموضوع جذبني صراحه

[نوور الدووحه]

ونجي للكلام الصج
شفتي كللللل هذول الي قدام العالم ماسكين يد بعض اتحدى اذا كان بينهم ف البيت موده مثل ماهي قدام الناس


لا لا جنوووون اسسفه اقولج شطحتي وااايد !! شنو يعني يمثلون عالعالم !

اوفر هالحجي..؟ كيفه الي يبي يمسك ايد مرته حلاله واعيد واكررها حلاله اي حلاله !موذنب عشان الواحد يتكلم عن هالموضوع!
احترم رايج بالي ذكرتيه.. ولي عوده ثانيه عقب ماطلع من الطواري ان شاء الله:(

[Charisma]

الثبات على القيم والمبادىء والعادات الحميده يلزمها ناس واعيه وعاقله ماتنجر ورى القيل والقال
ولاتستنسخ عادات وثقافات دخيله ولاتحاول تفرض العيب والخلل في عاداتنا .. لان ولله الحمد متماسكين
متآلفين .. ومتحابين .. كلن يسند الثاني وكلن قلبة على الثاني .. طريقة التعبير تختلف من شخص لاخر
في من يبينها بنطاق المتعارف عليه وفي من يكتمها لكن المضمون واحد حب وألفه وخوف ومسؤوليه وغيره
وهذا اللي يميزنا ومخلي مجتمعنا وبين قوسين من افضل المجتمعات المتماسكه في ظل المتغيرات والعادات الدخيله
مهما انتقدوا واطعنوا في عاداتنا ومبادئنا .. الا ان الثبات والاستقرار عندنا ولله الحمد.

[الدمعه]

جنون كلامج كله بلسم ودوا ،،،

بس عندي تعليق ولاتزعلين مني ،،، شلون سمحتي لهم يتناقشون معاج في هالموضوع ،،، ليش ماتناقشوا فيه مع قطريين ( رجال ) ،، حاسبي منهم الله يحفظج

[JN000N]

الرقة والنعومة ولا الدفاشة والخشونة ما تختص بلد دون الآخر ؛
فيه بنات تتصنع الرقة والنعومة وناس تتصنع الدفاشة والقوة وكل وحدة لها هدف من التصنع .

أما إنهم يخصصون القطريات بالخشونة فهذا راي يجانب الصواب وكلامهم مردود عليه لأنهم يقارنون مياعتهم وتصنعهم بالثقل عند القطرية .
القطرية الشريفة والعفيفة مالها حاجة تتصنع الدلع مثل غيرها فتصطاد الأزواج بالميوعة والتصنع وإذا القطري خذ أجنبية هذا لأنه القطري يشوف الموضوع من زاوية الغلا والرخص ولا الأجنبية إذا خذت القطري مب عشان عاشقة عيونه !
وشوفي الأم القطرية شلون حنونة على عيالها وقارنيها بهالجنسيات .
والزوجة القطرية قارنيها بغيرها بتشوفين إنه الدلع والليونة شي يتلاشى عند عطاء القطرية لبيتها وزوجها وعيالها وحتى أهل زوجها .
وما عليكم من المواضيع إلي تنطرح هني وتشنع في القطرية هذي نسبة مالها قيمة عند الأغلبية المتربية على الحب والعطاء والتضحية لبيتها .. القطرية حنونة على أهلها قبل وبعد الزواج ما تتخلى عنهم ولو القطرية دفشة جان ما استغلوا طيبتنا الأجانب وخذوا منا إلي ما يقدرون ياخذونه من ابناء جلدتهم .



جزاج الله خير
مثل ماقلتي مالنا حاجه لا نتصنع دلع ولا حتى نبين الدلع قدام اي حد غريب

كان الغرض يمكن من سواله ليش الجفاف ف التعامل مع الموظفين ف بالتالي كان الرد ان احنا مب رخاص نفتحها مع كل من هب ودب وفي قواعد وعادات واسس نمشي عليها علمتنا ان محد غريب يستاهل يشوف الجانب اللين ف اي بنت وهالجانب اهلها احق فيه وزوجها وعيالها بس

[JN000N]

نمت وانا اقراء موضوعج الحين قعدت اصلي العصر وبرد امخمخ واكمل القراءه والردود
ها لحين راقد
صليت؟

[JN000N]

انا ما أحب أتناقش في هالمواضيع كتابياً
لكن “ لو اللي موجه لنا النقد جنسية ثانية فعلا تتميز باللطف واللين في الكلام كنت برد عليهم وبدافع عن مجتمعنا وعاداته ومبادئه
أما اللي ينتقد وهو اصلا عايش جو الدفاشه في مجتمعهم ولا اشوف فيه أي نوع من اللطف واللين المبالغ في وصفه

اي هم عندهم قمة الدفاشه والقساوه بين القلوب
والغريب والقريب واحد
المعامله وحده فالشارع فالبيت
لكن مهما كان الغرض من اي سوال لازم الجواب يكون فخر ان احنا تربينا هالتربيه
وخل يقولون جفاف وخل يقولون ناشفين
اهم شي ف بيوتنا بين اهلنا وحبايبنا قمة الحنان واللطف

[JN000N]

شيبون يعني ؟


يبونكم تصيرون نفسهم ههههههههههه
سبحان الله هم مو مقتنعين بمجتمعاتهم
وعاداتهم وتقاليدهم ولا يقدرون يغيرونها ويبون كل الناس مثلهم

معصي
شتب يور ماوس اوباما

ههههههههههههههههههههههههههههه
هم يفسرون مرات ان الشاب القطري يتوجه للزواج من هالجنسيات لان القطريه تفتقر للاسلوب الحسن ولان هم حكمو عليها من اسلوبها معاهم ف الشغل او ف اي مكان
لكن لازم نعلمهم بالضبط ان القطريه شخصيتها ف الشغل غير وفالبيت غير
وتوجه الشاب القطري مثلا للزواج منهم ماله دخل ف التعامل

[R 7 A L]

عجبني توقيعك يارحال

:victory:

شكراً شكراً بوعلي

[بوخالد911]

بورك فيكِ
أجديتي فيهم
:nice:

[وحيد-الشوق]

شتب يور ماوس اوباما

هههههههههههههه والله ضحكتني يارحال اما هالانسانة صارت نكته

صج كلن يرى الناس بعين طبعه الواحد يختصر الحوار :)

واذا على مجتمعنا عندنا جفاف وايد وعندنا دفاشه بعد بس لا للتعميم

ملاحظة اتمنى الابتعاد عن بعض المصطلحات الانجليزية في الموضوع وشكرااا

:)

[qtr qtr]

يا اخت جنووون في عضوه هنا المفروض تنصحينها بان عيب المره تترادد وتكلم وتعصب على رجال غريب

[JN000N]

عجبني الموضوع يا جنون واتفق معاج تماما في اللي قلتيه ، والله يا انه ابوي رحمة الله عليه يوم تزعل امي تضيق فيه الدنيا ومايرتاح الا اذا رضاها ومعانا حنون وماينادينا الا بالدلع ، والاولاد لا كان خشن معاهم ، واخوانا الله يرحم اللي راح منهم كانوا يدلعون خواتي اللي جو على كبر عمرهم دلع ماقد شفته انه وةحتى وهم كبار يشيلونهم على ظهرهم ،وحبه الخشم واللمه في الطلعه والدخله ، قال ايه قال جفاف عاطفي ، يعني اذا مامارست الرومانسيه جدام الناس وخلق الله خلاص اعاني من جفاف عاطفي ، والله يا انه عيالي ماينادوني الا حبيبتي يمه عمري يمه حياتي حتى الصغيرة الله يحفظها تعلمت منهم ما تناديني الا يمه حبيبتي لازم تشبكها بلقب ، واخوانها مع اختهم ينادونها بدلع ودلال ، اللي ماعاش الرومانسيه بحياته لا يتفلسف ويقول جفاف عاطفي الحمد لله على ما انعم الله علينا من حب ومودة

هلا بالغاليه ضوى

اي والله هالموده والرحمه بينهم شفناها من شيبانا وعيايزنا قبل امهاتنا وابهاتنا
الله يرحم اللي مات منهم وينور قبره
ويخليلكم اللي موجودين فيهم البركه ولايحرمكم من بعض

تعالي علميهم
فاهمين الرومنسيه قدام الناس بس
ال ايه ال حلالي وعادي مب حرام

[TRAVELLER]

رد أكثر من رائع ورقي في التواصل وفخر لنا

وللإضافة بأن الشعب المصري عموماً شعب أغلبه مسلم لكن تم تشويهه بإعلام مسخ على مدى أكثر من ستون عاماً،، وحالياً هم في مأساة فكرية

جزاك الله خير

[Dana’1]

انا مكانك اعطية من الرد المختصر المفيد الدفش على اصولة
عاد بالذات هم لهجتهم بالدلع والرومانسية تجيب المغص.. لهجتهم تضبط لعيارة واللعب عالذقون مثل الكلام الي يطلع من بعضهم يعزز بس من غير قلب ( مثل الي يقولونه للخليجين هناك) الي راح لهم فاهم شقصد ههه ويصلح للنكتة لاي شي ثاني غير الدلع والرومانسية الحقيقية*-*

[موظف ((حكومي]

دفاشه عندهم بناتنا

[شيخ الديرة]

قلة أدب منهم, وقلة البداهة والخبرة في الرد السريع والقاسي من جهتك يا جنون.

لو شيخة الديرة عندها حساب في المنتدى كانت حطتلك الموضوع في سطرين على طبق من ذهب.

لا تمل تمدح في شياكة الرجل القطري وأناقته ومشيته الراقيه في الأمان العامة, ونظافة المرأة القطرية وحذرها التام من أن يكون الأقتراب المسافي من الأخرين يترك أثر طيب عندهم.

ولا تمل تذم الجانب الأخر من سوء التصرف وبذائة النفس, وقلة أستخدام مستلزمات النظافة الشخصية.

حسد وغيرة لا أكثر ولا أقل, واللي ما عاجبه, المطار الجديد يوسع فيل.

[راعي ال VXR]

كنت في حديث منذ ايام مع اخي الاصغر مني
يقول كيف لزوجه من الجنسيات العربيه تتمشى مع الديوث زوجها في المجمعات وهي لابسه بنطال شديد الضيق ويصف كل جسمها امام ابنائها وبناتها وامام المجتمع
اين الحشمة والحياء والدين كما يدعون انهم مسلمين هل هذ من الاسلام وتجي بعضهم في قمة السفاهه تقول انا مؤمنه وبحب ربنا اووووي اوووي ولبسها شبه دعاره ....

اهذا هو الاسلام يا امة محمد

[JN000N]

عجبني توقيعك يارحال

:victory:
صباح الخير

متابع الموضوع جذبني صراحه
لا بعد شارك

لا لا جنوووون اسسفه اقولج شطحتي وااايد !! شنو يعني يمثلون عالعالم !

اوفر هالحجي..؟ كيفه الي يبي يمسك ايد مرته حلاله واعيد واكررها حلاله اي حلاله !موذنب عشان الواحد يتكلم عن هالموضوع!
احترم رايج بالي ذكرتيه.. ولي عوده ثانيه عقب ماطلع من الطواري ان شاء الله:(

اي حلاله عادي يسوون اي شي فالشارع خبرج حلاله
شعليه من الناس
خل يمشي ف الشارع جنه مافي الا هو وجنه مافي ناس حولهم ف قلوبهم مرض
مع ان ماقلت جفا بينهم بالعكس لو قاريه ختى ردي على مختلفه بتعرفين قصدي
من واقع تجارب قلت هالكلام يالطيبه
اشكرج عالرد

[JN000N]

الثبات على القيم والمبادىء والعادات الحميده يلزمها ناس واعيه وعاقله ماتنجر ورى القيل والقال
ولاتستنسخ عادات وثقافات دخيله ولاتحاول تفرض العيب والخلل في عاداتنا .. لان ولله الحمد متماسكين
متآلفين .. ومتحابين .. كلن يسند الثاني وكلن قلبة على الثاني .. طريقة التعبير تختلف من شخص لاخر
في من يبينها بنطاق المتعارف عليه وفي من يكتمها لكن المضمون واحد حب وألفه وخوف ومسؤوليه وغيره
وهذا اللي يميزنا ومخلي مجتمعنا وبين قوسين من افضل المجتمعات المتماسكه في ظل المتغيرات والعادات الدخيله
مهما انتقدوا واطعنوا في عاداتنا ومبادئنا .. الا ان الثبات والاستقرار عندنا ولله الحمد.

مرحبا الطيار

صح الثبات على القيم يبيلها اساس قوي وتربيه صالحه ف بيئه صالحه
كل شعب يمكن يشوف الي عنده احسن
مع التطور والتغييرات وخاصه الدول العربيه متاثرين بالغرب واايد
حتى مفهوم الغيره بينهم غير عنا
لكن عاداتنا وتقاليدنا مستمده من الدين وهالشي يدل على قوة تمسكنا به وعدم تاثرنا باللي حولنا
لكن الخوف من الاجيال القادمه

[JN000N]

جنون كلامج كله بلسم ودوا ،،،

بس عندي تعليق ولاتزعلين مني ،،، شلون سمحتي لهم يتناقشون معاج في هالموضوع ،،، ليش ماتناقشوا فيه مع قطريين ( رجال ) ،، حاسبي منهم الله يحفظج

فديتج
شوفي هم لاحظتهم لازم يقطون شي ف اي فرصه
وللاسف شغلنا مافي قطريين وايد رياييل يمكن ثلاث او اربع وواحذ منهم الي دايما موجود الباقي مشغولين ودورات الخ الخ
بعدين لين تقكرين فيها لما بس ريال يرد بيقولون عنه يتحكم او انه حجري والبنات مساكين مغلوب عليهم
لكن لين يشوفون بنت ترد عليهم ومقتنعه بردودها وراضيه بوضعها هني ما اح يفكرون لن هالشي غصب مثل ماهم مفكرين
مب بس الغيره والاسلوب حتى الطلعات والسفر للبنات بروحهم والعبايه وكل شي
مب بس العرب غيرهم بعد ف لازم احنا نرد عليهم اصحاب الشأن ونبين مدى رضانا وفخرنا

[نور الحور]

حلو موضوعج جنون ..

وحلو الواحد يناقش وياخذ ويعطي تجاه أي تهمة موجهه لأهل بلاده حتى نبين لهم ..

أو على الأقل نفهم شلون هم يفكرون تجاهنا ..

الانطباع العام اللي عرفته عند الأجانب عموماً تجاه أهل قطر .. إن احنا ناس (متحفظين) ..

ولا أقصد محافظين فقط ..

أقصد أنهم لا يقبلون كثيراً على الانفتاح على الآخر والتعاطي بين الثقافات ..

^

طبعاً هذا الانطباع من عدة أجانب من دول أوروبية ..


نجي للعرب ..

بعضهم ممكن ياخذ هالانطباع من بعض الناس اللي تعاملهم بفوقية ..

أو بطريقة التعامل الجافة (ولا أعني الرسمية ولكن التي تفتقد للتهذيب) ..



لكن عموم أهل قطر معروف عنهم نساء ورجالاً أنهم أهل الذرابة والسنع وقبل ذلك التواضع والبساطة مع الآخر ..

أفكر حزات .. لو كان وضعنا معكوس وكنا احنا اللي نشتغل ببلادهم ..

تتوقعون شلون بتكون معاملتهم لنا ؟

نرد ونقول .. المجتمع القطري مجتمع محافظ .. ومتحفظ .. قد تعوزنا قليلاً لغة المشاعر (وأقصد بها الليونة قليلاً) ..

لكن ليس معنى ذلك أننا شعب قاس أو لا يعرف لغة المشاعر أو (دفش) !!

ومع احترامي للمصريين .. أراهم دون تعميم طبعاً ومن وجهة نظر خاصة جداً لي

من الشعوب التي تنتشر بها (الدفاشة) بشكل كبير جداً ..

وذكرتيني جنون بموقف معي مع مصري يبيع بأحد المحلات في معرض ..

وصف أطفال قطر بوصف غلى فيه الدم في العروق ..

وفي المقابل وصف لي طريقة تربيتهم لأبنائهم وكأنهم الملائكة المنزهين ..:anger1:


المهم أن انطباعاتهم تعنيهم .. نناقشها معهم نعم .. نبين خطأها نعم ..

نعترف بما لدينا من عيوب ممكن ..

لكن أن تتحول المسألة لتناسي طبيعتهم هم أو رفع شأنهم على حسابنا..

أو الإساءة لنا فهذا ما نقول له لاااااا وبأعلى صوت ..:nice:

[طير حوران]

اختي العزيزه / جنون

مع كل الاحترام والتقدير لشخصك الكريم وماقمتي به وبحسن نيه من دفاع مستحق عن بني جنسك وجنسيتك

الا انني اتحفظ من حيث المبدأ في سماحك لنفسك بمجادلة مثل هؤلاء المتطفلين ليتحقق لهم كسر خصوصيتك وشخصيتك الملتزمه فهذا أقصى مايشبعون به فضولهم أن يغتنموا من فرصة للحديث والمجادله مع محتشمة مثلك

اختي المسلمه

عندما يكون هناك نص قرأني او سنة مؤكده فلم يعد للمسلم الخيرة من أمره

قال الله تعالى (( فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا )) صدق الله العظيم

القول المعروف هنا المقصود به الكلام المحدد المعلن بقدر الكفايه فقط وليس الاستفاضه

انتي هنا تتحدثين مع مسلمين وعرب أيضا قد تكون معرفتهم أكثر مماتظنين وقد يعلمون أكثر مما تعلمين فهم يختلطون بأبناء جنسهم من القطريين ويتحادثون معهم كما يتحادثون معك

كل التحيه والتقدير

[طير حوران]

حلو موضوعج جنون ..

وحلو الواحد يناقش وياخذ ويعطي تجاه أي تهمة موجهه لأهل بلاده حتى نبين لهم ..

أو على الأقل نفهم شلون هم يفكرون تجاهنا ..

الانطباع العام اللي عرفته عند الأجانب عموماً تجاه أهل قطر .. إن احنا ناس (متحفظين) ..

ولا أقصد محافظين فقط ..

أقصد أنهم لا يقبلون كثيراً على الانفتاح على الآخر والتعاطي بين الثقافات ..

^

طبعاً هذا الانطباع من عدة أجانب من دول أوروبية ..


نجي للعرب ..

بعضهم ممكن ياخذ هالانطباع من بعض الناس اللي تعاملهم بفوقية ..

أو بطريقة التعامل الجافة (ولا أعني الرسمية ولكن التي تفتقد للتهذيب) ..



لكن عموم أهل قطر معروف عنهم نساء ورجالاً أنهم أهل الذرابة والسنع وقبل ذلك التواضع والبساطة مع الآخر ..

أفكر حزات .. لو كان وضعنا معكوس وكنا احنا اللي نشتغل ببلادهم ..

تتوقعون شلون بتكون معاملتهم لنا ؟

نرد ونقول .. المجتمع القطري مجتمع محافظ .. ومتحفظ .. قد تعوزنا قليلاً لغة المشاعر (وأقصد بها الليونة قليلاً) ..

لكن ليس معنى ذلك أننا شعب قاس أو لا يعرف لغة المشاعر أو (دفش) !!

ومع احترامي للمصريين .. أراهم دون تعميم طبعاً ومن وجهة نظر خاصة جداً لي

من الشعوب التي تنتشر بها (الدفاشة) بشكل كبير جداً ..

وذكرتيني جنون بموقف معي مع مصري يبيع بأحد المحلات في معرض ..

وصف أطفال قطر بوصف غلى فيه الدم في العروق ..

وفي المقابل وصف لي طريقة تربيتهم لأبنائهم وكأنهم الملائكة المنزهين ..:anger1:


المهم أن انطباعاتهم تعنيهم .. نناقشها معهم نعم .. نبين خطأها نعم ..

نعترف بما لدينا من عيوب ممكن ..

لكن أن تتحول المسألة لتناسي طبيعتهم هم أو رفع شأنهم على حسابنا..

أو الإساءة لنا فهذا ما نقول له لاااااا وبأعلى صوت ..:nice:

وانتي الصادقه يانور ماتنتشر فيهم ليست الدفاشه وحدها بل التطفل والفضول واختراق خصوصية الاخرين بكل صفاقه ولقافه وقلة حياء

وكل ذلك باءسم خفة الدم التي لاتخلوا من خفة العقل والدين والضمير

[العنيده]

ونعم الرد الله يجزاج خير ان شاء الله

لان بكل بساطه لكل مكان حالته الخاصه , البيت او الشغل او المجمعات او مع صديقاتي
محترمه امام الناس , خلوقه في العمل , جاده في المجمعات , وانا بكل طبيعتي في البيت بنظري هذا الصح وكل له رايه :victory:

اي صح ومع ربعي مجنونه :tease:

ولله الحمد العادات والتقاليد فينا وقبلها دينا والحمدلله ..

تقبلي مروري وفعلا موضوع مميز ..

[@north_star@]

الادب والاخلاق وووووو الخ ليس مقتصر على جنسية أو فئة معينة والانسان على حسب ما تربى عليه من دين وأخلاق وانا أؤيد اخوي طير حوران بتعليقه على الموضوع ويعطيج العافية اختي جنون

[imation]

،


(بَلِ الْأِنْسَانُ عَلَى نَفْسِهِ بَصِيرَةٌ وَلَوْ أَلْقَى مَعَاذِيرَهُ)
، (القيامة، 14-15)


،

[سـ ع ـود]

لحظه لحظه لحظه

بغض النظر عن الموضوع كله واسف على التدخل

بس على اي اساس تم النقاش بينكم وبينهم وفاتحين حوار عن الجفاف العاطفي والرومنسيه وين قاعدين؟؟؟؟؟

كان بالمره جلستو في كوفي شوب هادي وكملتو حواركم الهادف !!!!

سؤال واتمنى اختي كاتبة الموضوع تجاوبني عليه ((قلت صاحبة الموضوع بالذات ماقلت احد غيرها يتكلم بدالها ))

هل لو كنتي مع زوجج او اخوج او ابوج كنتي بتقعدين تتكلمين مع الشباب المذكورين في الموضوع عن الجفاف العاطفي والحده في اسلوب في المراه القطريه بوجود احد محارمج وياج؟؟؟

اتمنى تجاوبين .... بنتظار ردج

ملاحظه : الاختلاف في وجهات النظر لايفسد في الود قضيه ... اتمنى عدم الانزعاج .
:)

[w.qatar]

من صجج قاعده تسمعين كلامهم و ساكته
انا لو مكانج بقول الله يرحم اللحين المصاروه عصافير ولسه متجوزين ومادري وشو عجل الحريم اللي عندهم اللي مثل شخصيه فيفي عبده في مسلسل كايداهم وين راحوا
تمسك الرجال تضربه ضرب لين يعض الارض مافي ادفش من المصريات خلي عنكم المياعه و الدلع والنعومه اللي يطلعونها في بعض مسلسلاتهم الوصخه واقعهم غير

[دااانة قطر]

ان يات على غيره يغارون علينا
وان يات على احترام يعاملونا باحترام وموده
وان يات على سنع
حتى الاغراض مايثقلون علينا يشلونها منا
وان مر حذانا غريب وقفو بينا وبينه
وان يينا بنطوف مسكونا من يدنا وطوفونا

^ هني الخوف والحب يبين ف هالمواقف
مب ف مجرد تمشي ويد ب يد
)

:nice::nice::nice:




وما عليكم من المواضيع إلي تنطرح هني وتشنع في القطرية هذي نسبة مالها قيمة عند الأغلبية المتربية على الحب والعطاء والتضحية لبيتها .. القطرية حنونة على أهلها قبل وبعد الزواج ما تتخلى عنهم ولو القطرية دفشة جان ما استغلوا طيبتنا الأجانب وخذوا منا إلي ما يقدرون ياخذونه من ابناء جلدتهم .


:nice::nice::nice:



في.. والوضع من جريء الى اجرأ
والاشيا العيب صارت عاديه ف هالوقت ولين قلنا عيب قامو يحاججون انه تعصب قديم ف العادات
بس هالمرحله لو رضينا فيها بتودينا مرحله ثانيه ادمر
خلنا متمسكين بتربية اهالينا الاوليين وخلنا نقول العيب عيب ولا نحاجج فيه
لانفتح عيون الصغار عالعادي ولين كبرو قلنا عيب

هذا بسبب تواافد الجنسيات والثقافات المختلطه فصار التأثر بها شي طبيعي
ولا وين كنا قبل 20 سنه ووين صرنا خربوا عقول اجياالنا بثقافتهم المنفتحه



كنت في حديث منذ ايام مع اخي الاصغر مني
يقول كيف لزوجه من الجنسيات العربيه تتمشى مع الديوث زوجها في المجمعات وهي لابسه بنطال شديد الضيق ويصف كل جسمها امام ابنائها وبناتها وامام المجتمع
اين الحشمة والحياء والدين كما يدعون انهم مسلمين هل هذ من الاسلام وتجي بعضهم في قمة السفاهه تقول انا مؤمنه وبحب ربنا اووووي اوووي ولبسها شبه دعاره ....

اهذا هو الاسلام يا امة محمد

اي مو عاادي عندهم يعزمون ضعيفي الايمان عندهم بالبيت ويوفرون لهم الشيشه والسهرات
لا حياء ومستحى ولا غيره ولا هم يحزنون بمقاابل ماادي

[JN000N]

شكراً شكراً بوعلي
صباح النور رحال

بورك فيكِ
أجديتي فيهم
:nice:
شوقرن :shy:

شتب يور ماوس اوباما

هههههههههههههه والله ضحكتني يارحال اما هالانسانة صارت نكته

صج كلن يرى الناس بعين طبعه الواحد يختصر الحوار :)

واذا على مجتمعنا عندنا جفاف وايد وعندنا دفاشه بعد بس لا للتعميم

ملاحظة اتمنى الابتعاد عن بعض المصطلحات الانجليزية في الموضوع وشكرااا

:)
ان شاء الله واسفه بس خانني التعبير خخخخخ

يا اخت جنووون في عضوه هنا المفروض تنصحينها بان عيب المره تترادد وتكلم وتعصب على رجال غريب

القطو العود ماينتربى ياقطر

[JN000N]

رد أكثر من رائع ورقي في التواصل وفخر لنا

وللإضافة بأن الشعب المصري عموماً شعب أغلبه مسلم لكن تم تشويهه بإعلام مسخ على مدى أكثر من ستون عاماً،، وحالياً هم في مأساة فكرية

جزاك الله خير

الله يجزيك بمثله
اشكرك على ردك الايجابي
وفعلا الشعوب العربيه مسلمه لكن كان التاثير عليها وايد سهل
والله يستر على الشعب الخليجي

[الجوهرة الثمينة]

الموضوع ملخبط ....ليش ماتختصرينه

[JN000N]

انا مكانك اعطية من الرد المختصر المفيد الدفش على اصولة
عاد بالذات هم لهجتهم بالدلع والرومانسية تجيب المغص.. لهجتهم تضبط لعيارة واللعب عالذقون مثل الكلام الي يطلع من بعضهم يعزز بس من غير قلب ( مثل الي يقولونه للخليجين هناك) الي راح لهم فاهم شقصد ههه ويصلح للنكتة لاي شي ثاني غير الدلع والرومانسية الحقيقية*-*

احنا نبي نعدل مانبي نزيد الطين بله
واللي سالو ماخذ لهم اكثر من اربع او ست سنين ف قطر وكبار مش صغار واحد منهم اكبر من ابوي بسنه
ف عشان وقتها حسيت نفسي امثل كل بنت قطريه ينقال عنها جافه فالتعامل وماعندها اسلوب لزوم اني ارد باسلوب لبق وراقي وابين لهم العكس وافهمهم ليش احنا نتصرف مع الاغراب باسلوب فيه حواجز بحيث محد يتعداها

[JN000N]

دفاشه عندهم بناتنا

شكرا على المرور

[فلتة زمانها]

توني استوعب انه الحوار كان مع رجال وليسوا بنات
حوار جريء !!!

[JN000N]

قلة أدب منهم, وقلة البداهة والخبرة في الرد السريع والقاسي من جهتك يا جنون.

لو شيخة الديرة عندها حساب في المنتدى كانت حطتلك الموضوع في سطرين على طبق من ذهب.

لا تمل تمدح في شياكة الرجل القطري وأناقته ومشيته الراقيه في الأمان العامة, ونظافة المرأة القطرية وحذرها التام من أن يكون الأقتراب المسافي من الأخرين يترك أثر طيب عندهم.

ولا تمل تذم الجانب الأخر من سوء التصرف وبذائة النفس, وقلة أستخدام مستلزمات النظافة الشخصية.

حسد وغيرة لا أكثر ولا أقل, واللي ما عاجبه, المطار الجديد يوسع فيل.

لاا يمكن انت ماقريت ردودي على اللي قبلك

شوف يالشيخ
مساله اني ارد عليهم باسلوب قاسي وجامد هذي بتنعكس ضدي وضد اي بنت قطريه تنقصد بكلامهم
وكلامهم ابدا ماكان هجوم ولا حتى ان يحطون العيب فينا
بالعكس هو فكر منتشر وياو وشافوه وحسوه بس مب فاهمين ليش
ف ليش انا بطريقة قاسيه وجافه ارد عليهم وما احل الموضوع او اغير وجهة نظرهم
اذا انا اقدر اغيرها ليش لا؟
ماراح ادخل ف نيته ولا افسر قصده
بس ارد عليه برد يخليه يفكر فيه سواء اقتنع فيه او لا

[JN000N]

قبل اكمل ردودي على باقي الاعضاء

في شي لازم تفهمونه

انا دمجت الموضوع الي صار مع الموظفين مع الفكر المنتشر ف قطر مع وجهة نظري ف مواضيع انتشرت هني
بداية الموضوع خذتها ك مقدمه عن الموظفين
وصار فعلا الرد عليهم
لكن الرومنسية والجفاف العاطفي ماتعمقنا فيها ابدا واعرف حدودي قبل ان حد ينبهني عليها او ينتقد تصرفي
لكم الحق ف الانتقاد بس بعد قرايه الموضوع بتأني وفهم المغرى والهدف منه
فعلا قالو القطريين يتزوجون من برا لان القطريات يفتقرون لاشيا وايد موجوده عند العرب
بس ابدا ماكان فيها تفاصيل
ولو نرجع شوي لورا لمواضيعنا عن التعدد والزواج من برا بنلاقي ان القطريين نفسهم يقولون هالكلام
ف ليش استنكرتوه لما جا من واحد اجنبي؟

ليش لبنانيه ماقالت لنا شبابكم يحبون اللبنانيات لانهم غنوجات والخ الخ والقطري مايتم عند زوجته لان ماعندها اسلوب

شدعوه انتو بس اللي تتكلمون! ترى يايبين الكلام لنفسكم اجانب يتكلمون مثل ماتتكلمون
وعلى فكره الي قرا الموضوع عدل بيعرف ان المقصد ماكان قصتي مع الموظفين وزميلتي القطريه لا.. كان له معنى الي فهم بيرد عليه
الموضوع مدموج ومثل ما قلت بعد قرايته ب تأني يرجى الرد وعدم الاستعجال

شكرا

[sweet qatar]

تدرين ايش الغريب في الموضوع يا جنون

ان المصري تذكر رومانسية المصرية ورقتها
ونسى طول لسانها وجرأتها وقوتها !!!

اما القطري .. ما يحتاج أقول .. :(