سجل المطبة التي لا تخضع للمواصفات

[الرئيس التنفيذي]

السلام عليكم ورحمة الله وبركاتة

نعلم ان للمطبات الصناعية في الطرق فوائد تخفيف السرعة الا ان الكثير من المطبات لا تخضع لمواصفة واحدة

في مطبات صغيرة ومتوسطة وكبيرة جدا واخرى مصنوعة بالانترلوك

لذا نطاب بتوحبد مواصفات المطبات

انا عن نفسي عانيت من وجود اكثر من مطبة وبخاصة بعد ما شريت سيارة سبورت مما اضطرني الى بيع

السيارة واستبدالها الى فورويل بسبب المطبات

واهم مطبة كانت معدتني واتفادة المرور من الشارع مطبة العزيزية بجانب مجمع القرية الشرقية ومطعم بتزاهت

لذا اطلب من اشغال توحيد المواصفات

وطلب منكم ذكر المطبات التي لم تركب حسب المواصفات

[بوحارب]

اخوي اي مطبة تشوفها غير قانونية اتصل على المرور وثاني يوم يشلونها

في القانون لازم وجود لافتة قبل المطبة في الاتجاهين تنبه بوجود مطب

وإذا ما حصلت الافته اعرف ان المطبة مب من تصميم المرور

قبل فترة اشتكيت على واحد حاط مطبتين قدام بيته

وبين الاولى والثانية اقل من عشر أمتار !!!

وارتفاعها والله تقول حزم ههههه

وبعد فترة تم إزالتهم من قبل المرور

[Charisma]

والله ياخوي موضوعك من اروع مايكون .. لكن بنسجل شنو وبنخلي شنو
اذا الدوحه بكبرها عايشه عالمطبات ..

[العنيده]

المطبه :)
شريت صالون قالو لي لما تشوفين مطبه روحي شوي يمين وعقب شوي يسار وبهدوء نزلي بس انا في لحظه حسيتها شالتني من الارض :omg:
ياريت والله يوحدون ارتفاعها لان السيايير ترى مب رخيصه :eek5:

[طلعة الروح]

اقترح ان الواحد ما يسجل الا في الشديد القوي مثل ( مطبة ارتفاعها مب طبيعي) وهاي الشي ينعرف من أول نظرة بانه وجودها غير قانوني،
وكذلك المطبات اللي ما عليها اضاءات ولا علامات تحذيرية، عليها 100 علامة استفهام.

[Wolf 91]

في فريجنا فوق 31، مطبه اذا ابي اطلع من الفريج لازم اعدي من 6 مطبات هذا اقل شي

والمطبات عاد خذ وهات كل مطبه اعلى من الثانيه ، الحين لاشعوريا يوم تجيني مطبه اتكلم مع نفسي

واقوول يلا هاا يالربع بنصصصعد بنصعد .. خلوني اكلم روحي بسبت هالمطبات حسبي الله عليهم

[وطن]

فريج سلطة اكره اروحه بسبب المطبات
و الأحجام العشوائية

[ANONYMOUS]

تقول : وطلب منكم ذكر المطبات التي لم تركب حسب المواصفات


عطنا المواصفات اولا ..

بعدين الكل مابيقصر.. وبيتعاون معاك

[بريق الحق]

اااخ يالسي 7 مع المطبات الله كريم

[تغلبية]

تقول : وطلب منكم ذكر المطبات التي لم تركب حسب المواصفات


عطنا المواصفات اولا ..

بعدين الكل مابيقصر.. وبيتعاون معاك



معماري قطري :telephone:



المطبات صايرة عشوائية .. ومالها نظام واضح

كل من يبي يحمي بيته طلب تستوي له مطبات انزين .. يعني مو معقول شارع مسفلت علشان تمشي عليه السيارة بسهولة يكون كله مطبات

عيل خلوا شوارع الفرجان مثل ارضية سوق واقف وطبيعي السائقين بيهدون السرعة !


مطبات الانترلوك مثالية حتى الان على الاقل الصعدة والنزلة مريحة .. ياليت تتعمم ...

[نور الحور]

اشكرك على الموضوع يالرئيس التنفيذي ..

صراحة أنا وحدة عانيت بسبة هالمطبات ..

إما أطييييير ..

أو لو عندي شراب ولا أكل بيدي يطيح على عبايتي وتروح فيها :(

أو ظهري يعورني ....الخ

أسوأ الإصابات اللي سمعت عنها هي (تسقيط الحامل) بعيد الشر ..

خاصة في الشهور الأولى ..أو أحياناً لو مطبة مفاجئة فيها ضرر على الحامل والجنين ولو كانت بالشهور الأخيرة ..

المزعج في الموضوع هو مثل ما تفضلت مافي مواصفات وأحياناً تكون المطبة مفاجئة .. خاصة لو كان الشارع مظلم

وبدون أي إضاءات أو عاكسات تبين مكانها ..

أسوأ مطبات مرت علي بصراحة في مواقف السيتي سنتر ...

أتمنى أنزل أمشي لين البوابة ولا أمشي عليها بالسيارة :anger1:

[alsoq]

مطبات الانتر لوك الكبيره افضل من الصغيره
لان الصغيره تحك فيها سياره وبعضها شوي ويحك فيها لاند كروزر

المرور المفروض ينبه عن المقسات والارتفاع والعرض

[شيخ الديرة]

مطبات الانتر لوك الكبيره افضل من الصغيره
لان الصغيره تحك فيها سياره وبعضها شوي ويحك فيها لاند كروزر

المرور المفروض ينبه عن المقسات والارتفاع والعرض

صدقت, على المرور أن تعتمد مواصفات معينة للمطبات, وأي مطب لا يطابق يزال (أسم رائحة مقاولة كبيرة أوي)

http://ladpw.org/tnl/ntmp/images/speed-hump-plan.gif

[مساهم متوهق]

تسلم اخوي على الموضوع
بعدين بخصوص لدريوليه اللي يمشون فوق الــ 100 في المناطق السكنيه وفوق هذا يضرب المطبة ولا عنده مشكله ولا يحاسب ولا شي انا لو علي احط جبل مب مطبه خصوصا لها الادريوليه مع اني ماحب المطبات واذا دشيت المنطقه تقولي كاني ادور كنز من كثر ماعندنا مطبات ....

تذكرت مثل يوم شفت هالدريول (( جنب ماهو بجنبك حكه على الشوك))

[مختلفة عقليا]

السلام عليكم .،

اي مطبه بدون لافته ابلغ عليها ✌ï¸ڈ

اكره مطبه اللي في كليه الاطلنطي .، عقدتني والله .،

زين ابلغ المرور علي اي رقم !؟

ويسلموو .،

[وطن]

معماري قطري :telephone:



المطبات صايرة عشوائية .. ومالها نظام واضح

كل من يبي يحمي بيته طلب تستوي له مطبات انزين .. يعني مو معقول شارع مسفلت علشان تمشي عليه السيارة بسهولة يكون كله مطبات

عيل خلوا شوارع الفرجان مثل ارضية سوق واقف وطبيعي السائقين بيهدون السرعة !


مطبات الانترلوك مثالية حتى الان على الاقل الصعدة والنزلة مريحة .. ياليت تتعمم ...

جربي مطبات الانترلوك اللي في سلطة
حول النادي العربي

:rolleyes2:

بتغيرين رايج أكيد

[النهار]

ياخوي في ثلاث مطبات جدام مرور المعموره اثنين واضحين والثالث غير واضح صبغه طاير صاير لونه من لون الشارع
مع العلم انا امر من هالشارع بشكل دائم ساعات انسي ان فيه مطب ماحس نفس الا ضارب المطب
معقوله مطب جدام المرور ماحد انتبه له غير واضح المعالم ؟؟؟؟؟؟؟؟؟

[وحيد-الشوق]

طيب واخر طريق الوكير قبل الخراره مطبات خايسه والشارع بدون انارة في الليل ماتبين المطبات من المسؤول عن وضعها بشكل عشوائي كم مره ضربتها وبقوه بعد القهرررر هو الطريق الوحيد الاقرب للدوام :(

[جوال 11]

أعتقد سيارات المرور تلف الشوارع كل يوم ويمكنها الابلاغ عن المطبات ومطبات الدوحة أغلبها لا تحمل المواصفات ولا مطبة عليها لون فسفوري والاشكال مختلفة في منطقة الغراقة شارع 300 متر وبه اكثر من خمس مطبات خلف اللولو

[R 7 A L]

فيه مطبات حتى ماتصلح للتريلات
وين اقدر ابلغ عليها ؟
كم الرقم ؟

[بيرق_المجد]

على طاري المطبات عندنا تقاطع شبه يومٍ حوادث وللاسف المرور كل يوم جاي رايح على هتقاطع وحل المشكله بسيط حط لك كم مطبه وراح تخلص الناس من خطر التقاطع

[R 7 A L]

الحين اي واحد يقدر يجيب طابوق وسمنت ويحط مطبة ؟

[MAZEN37]

احسنت بموضوعك
اتمنى يشوفوا المطبات ومقايسها الي موجوده بالبحرين
افضل مطبات اشوفها بحياتي لو طلعتها ببطئ كانك ماشي على الشارع ولو مريت عليها بسرعه تكون مزعجه نوعا ما وتبطئ مشيك

[وطن]

احسنت بموضوعك
اتمنى يشوفوا المطبات ومقايسها الي موجوده بالبحرين
افضل مطبات اشوفها بحياتي لو طلعتها ببطئ كانك ماشي على الشارع ولو مريت عليها بسرعه تكون مزعجه نوعا ما وتبطئ مشيك

ايه والله صادق

أحلا مطبات في البحرين

[بوخالد911]

واللي يبي يحط مطبة
بلاش ولا ؟!

[النهار]

مريت اليوم من جدام مرور المعموره الحمدلله المطبات الثلاثه تم صبغهم وتشوفهم شوفت العين
قبل ماتوصل لهم اكيد اصبوغهم امس
شكرا مرور المعموره

[النهار]

شارع وعب تحفه في ابوهامور توجد مطبتين ولاتوجد لوحات تحذيريه بوجد المطبات
شارع الي فيه ميرة ابوهامور
بعد افتتاح الاشاره الجديده اصبح هذالشارع بمثابة شارع رئيسي لانه يختصر المسافه الي شارع مسيمير
همتكم يامرور المعموره

[شبيه الريح]

والله فيه مطبات غير صالحه للسيارات الصغيره مادري هل يعتقدون انه ماراح يجيهم الا السيارات الكبيره او يبون يسون حضر للسيارات الصغيره

والمطبات موجوده في ابو سمره

1 - عند الخروج مطبه صغيره ومرتفعه يعني السيارات الصغيره بتتعلق فيها بالذات اذا معك احد في السياره
2- بعد في ابو سمره في الدخول للدوحه عند الاعمده الحديديه مطبات صغيره ومرتفعه جدا

اتمنى يشوفون لها حل
انا مع المطبات في ابو سمره ولكن يحطون شي معقول

[khalid525]

اعتقد احنا محتاجين شركة مساهمة بس تسجل المطبات المخالفة

[طلعة الروح]

فيه مطبات حتى ماتصلح للتريلات
وين اقدر ابلغ عليها ؟
كم الرقم ؟

المسؤول عن تقييم وازالة المطبات المخالفة هم قسم التخطيط المروري في مدينة خليفة ، دوامهم الصبح.
تقدر تتصل ع المرور ويحولونك عليهم.

[QtrGate]

مطبات السفير
الي ورى سامكو

شفت موتر شبه معلق
نص الموتر تحت ونصه فوق
وصوت حكة الموتر كان مزعج

[الزعفراني]

أخس مطبة اللي تجيك صغيره وشكلها مثلث ومن الاسمنت والكنكري .. اذا كلتها وانت ماتدري .. على طول تدمر لك الجانبينات .. طبعا ذي راعي البيت يكون مسويها قدام بيته لا ترخيص ولا بطيخ .. لا ويقهرك يحط حصى يمين ويسار المطبه عشان ما يمديك تطنش لها

:rolleyes2:

[معماري قطري]

معماري قطري :telephone:



المطبات صايرة عشوائية .. ومالها نظام واضح

كل من يبي يحمي بيته طلب تستوي له مطبات انزين .. يعني مو معقول شارع مسفلت علشان تمشي عليه السيارة بسهولة يكون كله مطبات

عيل خلوا شوارع الفرجان مثل ارضية سوق واقف وطبيعي السائقين بيهدون السرعة !


مطبات الانترلوك مثالية حتى الان على الاقل الصعدة والنزلة مريحة .. ياليت تتعمم ...

:telephone: زين وصلني الاتصال بعد 4 أَيام

المطبات اختي تغلبية قبل لتكون لها مواصفات محددة لها أَيضاً قوانين محددة وأَماكن ممكن تنحط فيها وأَماكن مستحيل تنحط .. عندنا الشغلة مزاجية وبدون تخطيط صح ولا تستغربين بكرة في شارع رئيسي تشوفين مطب وحسب شخصية الهامور اللي ساكن جنبه تشوفينه مرتفع .. في معيذر شفنا مطب ورادار ورا بعض وكان الرادار يكفي للي بيسرع.

بالنسبة للمدارس مثلاً بعضهم ممكن نتبع نظام السرعة المنخفضة جداً وقت خروج ودخول الطلاب وبكميرات خاصة ومراقبين لو احتجنا .. وللفرجان انا شفت بعيني مطب يتفادونه " البشمرقة " و " اللوياجرقا " بالتجاوز في المسار المعاكس وبسرعة جنونية والمطب سهل .. والمفروض يكون غير موجود والموجوده كاميرات ترصد التجاوزات وتصور تصوير حي ومركز المراقبة يحدد رقم السيارة وسرعتها والمخالفة وتجيه على مطراش في ثواني من المخالفة وإِن زادت عن حدود معينة ينطلب ويتحاسب حساب أَكبر.

الشرطة عندهم احصائيات ويعرفون كل شيء بس حركتهم بطيئة وأَسهل الحلول استوت المطبات وكلٍ يزيد في ارتفاعها .. وينا عن حديث نبينا الكريم محمد صلى الله عليه وسلم .. إِماطة الأَذى عن الطريق صدقة.

تكلمت مره عن تكنولوجيا حديثة للمطبات .. مطب حديدي يرتفع حسب سرعة السيارة بس هذي تكنولوجيا بتوصل بنغلاديش بعدين بتوصلنا .. والمطب مخفي يعني أَرضية سيدة وفيه جهاز يقيس سرعة السيارة وحسب سرعتها يرتفع ولو تحت السرعة المسموحة ما يرتفع نهائياً.

[معماري قطري]

بعدين إِخواني شهالأُسلوب العقيم تعال صور وطرش واشتك .. هم شيسمونهم عايشين في كوكب ثاني ولا من كبر قطر .. يركب كلٍ منهم في سيارته البورش ويلفون قطر وشوارعها وبيعرفون الناس شتتكلم عنه .. والبورش يطلبونها من الحكومة لزوم الشغل أَعلاه ولا ينوعون بورش ولمبرغيني وفراري .. إِستووا ربعنا الخبراء الأَجانب يدورون هذي السيارات ويركبونها على الأَقل نسوي شيء يرضيهم ولا زعلهم علينا بيكون صعب.

[معماري قطري]

صدقت, على المرور أن تعتمد مواصفات معينة للمطبات, وأي مطب لا يطابق يزال (أسم رائحة مقاولة كبيرة أوي)

http://ladpw.org/tnl/ntmp/images/speed-hump-plan.gif

طلعت المواهب المخشوشة يا شيخ الديرة .. هذي مواصفات أَمريكية حتى الكورفيت ما تحك في المطب .. عاد ربعنا يعرفون كورفت .. بيطلع لك واحد يقول شحاده يشتري كورفيت سوزوكي 1979 أَحسن له ولا عراوي بدون جامبينات مالت قفز الحواجز .. تحصلها بعد فترة تنط قبل المطب حسب التعود .. 3 إِنش أَعلى شيء ومتدرج يعني يقل عن 8 سم .. يعني شوي أَرفع من سمك حبة الإِنترلوك .. شهالدلال هنيه فسقة يا اخوي كل شيء بزود .. حتى لو تقول المشروع هذا بمليار حرام عليكم في دول ثانية يسونه بعشر ملايين رجموك وأَقاموا عليك حد الردة.

شفت المقطع ب - ب .. هذا تفصيل حق ضمان تصريف مياه المطر .. عندنا شفت يخلون فتحة ضيقة أَو بيب أَو ما يهتمون للمطر.

[شيخ الديرة]

طلعت المواهب المخشوشة يا شيخ الديرة .. هذي مواصفات أَمريكية حتى الكورفيت ما تحك في المطب .. عاد ربعنا يعرفون كورفت ..
'
'
'
شفت المقطع ب - ب .. هذا تفصيل حق ضمان تصريف مياه المطر .. عندنا شفت يخلون فتحة ضيقة أَو بيب أَو ما يهتمون للمطر.



تلمييزك يا بيه :con2::con2:

والله شي يقهر أن اللي ينصرف على شوارع ومشاريع حتى فلينستون ما يقبل بيها

حطوا كم مطب هنا عندنا في الريان, والله شي راقي ومرتب, ولكن ينقصها العاكسات الليلية تكون بمستوى الشارع ومحفورة داخل المطب لكي تدوم فترة طويلة

ماهو أختراع شي جديد, وأنما بقرار مستعجل بدون تفكير, ممكن أشغال او البلدية تقول كل المطبات تتبع معيار 123 البريطاني او الأمريكي او الماليزي, والدنيا ثاني يوم تشرق لسواق الكورفيت.

[شيخ الديرة]

أخس مطبة اللي تجيك صغيره وشكلها مثلث ومن الاسمنت والكنكري .. اذا كلتها وانت ماتدري .. على طول تدمر لك الجانبينات .. طبعا ذي راعي البيت يكون مسويها قدام بيته لا ترخيص ولا بطيخ .. لا ويقهرك يحط حصى يمين ويسار المطبه عشان ما يمديك تطنش لها

:rolleyes2:

بعض السواق خاصة وقت العصر يجبرك أن تستخدم مطبات مثل هذي


http://www.youtube.com/watch?v=_5ZwbDj7sQM

[hanayen]

ام صلال على كل شارع في اربع الى خمس مطبات بصراحه عذاب وشارعها محفره ما تقول انها منطقه جديده
ما راح نتطور بعدد المطبات غير ان سيايرنا تكسرت ما يكفي الشوارع اللي كلها حفر

[معماري قطري]

تلمييزك يا بيه :con2::con2:

والله شي يقهر أن اللي ينصرف على شوارع ومشاريع حتى فلينستون ما يقبل بيها

حطوا كم مطب هنا عندنا في الريان, والله شي راقي ومرتب, ولكن ينقصها العاكسات الليلية تكون بمستوى الشارع ومحفورة داخل المطب لكي تدوم فترة طويلة

ماهو أختراع شي جديد, وأنما بقرار مستعجل بدون تفكير, ممكن أشغال او البلدية تقول كل المطبات تتبع معيار 123 البريطاني او الأمريكي او الماليزي, والدنيا ثاني يوم تشرق لسواق الكورفيت.


العين متعلاش عالحاقب يا باش مهندس

يا اخوي ربعنا ما يعرفون إِن فيه نظام في الكرة الأَرضية وهم بس اللي صح .. عيل الخرسانات اللي حول الإِشارات ليش؟ ومن مقترحها .. هم يحاولون يعيدون إِختراع العجلة .. They're trying to reinvent the wheel

[شيخ الديرة]

يا اخوي ربعنا ما يعرفون إِن فيه نظام في الكرة الأَرضية وهم بس اللي صح .. عيل الخرسانات اللي حول الإِشارات ليش؟ ومن مقترحها .. هم يحاولون يعيدون إِختراع العجلة .. They're trying to reinvent the wheel

صدقني اللوم ليس كله على ربعك, اللوم عل اللي يشتغلون تحت ربعك ممن يعرفون الصح من الغلط على المستوى الفني.

ولكن هناك ثقافة معروفة, اذا المدير قابل بالشغل المخربط, لا داعي أسوي شغل عدل.

والله مرات أشوف عمال وسط شغل مبين غلط وخاصة في الشوارع والأرصفة, أود أنزل من السيارة وأبهذل الفورمان, لكن أرجع وأقول المسكين عمره ما شايف شارع أو سايق سيارة, شنو ذنبه. أسبوعين وقاموا بأزالة الرصيف المثلث لأنه يعيق الأستدارة مثل ما توقعت.

[معماري قطري]

صدقني اللوم ليس كله على ربعك, اللوم عل اللي يشتغلون تحت ربعك ممن يعرفون الصح من الغلط على المستوى الفني.

ولكن هناك ثقافة معروفة, اذا المدير قابل بالشغل المخربط, لا داعي أسوي شغل عدل.

والله مرات أشوف عمال وسط شغل مبين غلط وخاصة في الشوارع والأرصفة, أود أنزل من السيارة وأبهذل الفورمان, لكن أرجع وأقول المسكين عمره ما شايف شارع أو سايق سيارة, شنو ذنبه. أسبوعين وقاموا بأزالة الرصيف المثلث لأنه يعيق الأستدارة مثل ما توقعت.

في منطقة سكنية في فلوريدا سووا دوار صغير وحتى ينركب على الرصيف .. بس تسبب في حوادث لأَن تقاطعاتهم شكل + ولكل طريق اشارة قف ومن يوصل أَول ويوقف أَول يعني تاير السيارة يوقف لو ثانية هو له الحق يمشي بس يكون منتبه للطريق ليجي حد غافل ويدعمه .. وهذا اللي متعودين عليه أَما دوار وإِشارة إِفسح الطريق تسببت في حوادث كثيرة وكان فيه تقرير تلفزيوني واتجاه لعمله تقاطع عادي واحتمال إِشارات.