تضخم الغدة الدرقية !!

[العلياا]

السلام عليكم ورحمة الله وبركاته


اختي عندها تضخم في الغدة الدرقية يعني حجمها كبير راحت سوت تحاليل في الاهلي وبعدها في حمد وكلهم قالوا لها ان الهرمون منتظم فما يحتاج تاخذ ادوية واذا شكلها مب عاجبها ممكن تطلب تدخل جراحي !!

بغيت اوديها عند دكتور مختص في هالسوالف عشان يتابع حالتها لان الدكاترة قالوا ممكن تصاب بخمول الغدة الدرقية لانها وراثه عندنا ( اختي العودة فيها خمول فالغدة )


ف وين تنصحوني اخذها ؟ اسم الدكتور او العيادة ؟

وشاكرة لكم مقدماً

[عطر فرنسي]

انا الصراحه ماعندي فكره ربي يشافيها ويعافيها يارب

بس انصح بسفر لي تايلند هناك اختصاصيون بكثر ومايكلف احسن من اهني كل واحد يقول شي

لك تحيه

[حمد 2002]

الله يشفيها يارب ..

وان شاء الله الاخوان ايفيدونج ..

[Princess-style]

عندج بمستشفى حمد كذا دكتور ،،
امير الجيوسي ،، وابراهيم الجناحي ،، ومحمد رزعي

بالاهلي عندج عبدالعظيم
وابعدي من دكتور اسمه نبيل النسعه ما يعرف شي بيجرب عليها الادوية


واعتقد ان بالمركز الصحي الي هي تابعه له يتابعون حالتها ..

[عاشق العديد]

واحد من ربع فيه والله العظيم من ابرد ماخلق ربي باررررد جدا جدا
اذا قدرتي تلحقين عليها الحقي

[العلياا]

عندج بمستشفى حمد كذا دكتور ،،
امير الجيوسي ،، وابراهيم الجناحي ،، ومحمد رزعي

بالاهلي عندج عبدالعظيم
وابعدي من دكتور اسمه نبيل النسعه ما يعرف شي بيجرب عليها الادوية


واعتقد ان بالمركز الصحي الي هي تابعه له يتابعون حالتها ..

حمد كانت عند دكتورة اسمها هاله او من الهيل بصراحة تعاملها مريح
والاهلي اظن نبيل ماذكر اسمه بس عندهم اثنين ومحد عطاها ادوية

المشكلة انا حسيت انها بدات تتضايق من حجمها والكل ملاحظ ما ابيها تدخل تسوي عملية جراحية وهي مجرد تجميلية فقط وفي شي حساس
عشان جذي ابي تحاليل دقيقة ..




اخوي عطر تكاليف السفر مقدور عليها لكن صعب نضبط لنا محرم :(

حمد يزاك الله خير

عاشق العديد
الموضوع مب خطير اصلا سواء اصيب بعيد الشر بخمول او نشاط الغدة كل مافي الموضوع حبة ياخذها يومية تنظم الهرمون
اللي في اختي ان هرمونها منتظم ولله الحمد لكن حجم الغدة كبير بحيث رقبتها بارزة من جدام

[sweet qatar]

تضخم والتحاليل سليمة .. لازم تعرفون سبب التضخم
حاولتي تبحثين في المواقع الطبية عن حالة تشبه حالة اختج ؟


الله يشافيها ويعافيها من كل شر

[النهار]

اختى الله يشفي مريضكم استشيري اختنا بصمه
بالنسبه للتضخم هل تم اخذ عينه وعمل التحاليل لان بعضها يكون حميد وبعضها خبيث

[العلياا]

سويت قطر
ايي كل التحاليل تقول ان هرموناتها منتظمة وبصراحة فتحت هالموضوع مع بنات الدوام وسمعت عن حالات مشابهة ما تسر حالها :(

النهار
لا ما خذوا عينات ولا شي بحكم ان مافي شي يستدعي وبخصوص يكون حميد والا لا مانعرف يعني صج خرعتوني

وان شاءالله بصمة تشوف هالموضوع وتفيدنا

في ناس امدحت لي دكتور ايمن الجيوسي فالخور حد يعرفه ؟

[w.qatar]

دكتور ايمن ممتاز

انا اتابع مع الجناحي في العيادات الخارجيه ممتاز بعد

بس اختج الله يشافيها دام الغده تضخمت عندها لازم تشيلها و تعتمد ع الحبوب و خلاص لان شفت فالنت صور تخرع

[النهار]

سويت قطر
ايي كل التحاليل تقول ان هرموناتها منتظمة وبصراحة فتحت هالموضوع مع بنات الدوام وسمعت عن حالات مشابهة ما تسر حالها :(

النهار
لا ما خذوا عينات ولا شي بحكم ان مافي شي يستدعي وبخصوص يكون حميد والا لا مانعرف يعني صج خرعتوني

وان شاءالله بصمة تشوف هالموضوع وتفيدنا

في ناس امدحت لي دكتور ايمن الجيوسي فالخور حد يعرفه ؟

اختي زوجتي تعاني من الغده تتعالج منه في الاهلي من فتره طلبوا منها تسوي اشعه طلع عندها مثل الورم متضخم
بس ولله الحمد تم اخذ عينه وطلعت النتيجه ان الورم حميد ولايوجد داعي لازالته او القلق منه
ارسلي حق بصمه رساله على الخاص وحطي لها رابط الموضوع ان شاءالله هي ماتقصر معاج

[بصمة قطرية]

مساء الخير ..
جزاك الله خير النهار ..
العليا حبيبتي ..
بعطيج رقم دكتور في البحرين
ممتاز و يسوي كل الفحوصات اللي تحتاجها ..
النتايج كلها تطلع في نفس اليوم
ما عدا تحليل واحد اللي يطول لين ثاني يوم
اللي هو تحليل الأورام الله يكافينا و اياكم الشر و لا يبلانا ..
ممكن تسوي تحليل الغدة الروتيني من الدوحة
و تاخذه معاها ..
يفضل تاخذ كل الفحوصات التحاليل و الالتراساوند ..
التخضم له أسباب كثيرة ممكن ما لها علاقة بالغده ..
و لازم مراقبة الحجم هل يزيد و لا واقف على حجم معين ..
و ممكن يحتاج الدكتور ياخذ عينه ( خُزعه ) ..

من بديت أتابع في البحرين و أموري مستقرة الحمدلله
سنين و أنا أتعالج في الدوحة ما استفدت شي من علاجهم للأسف ..
بالعكس كنت آخذ حبوب ما لها لزمة من وقفتها و أنا بخير الحمدلله
بس لازم متابعه كل ست شهور ..


بتأكد من المستشفى إذا الدكتور موجود
آخر مرة رحت له بلغوني إن الدكتور بيترك المستشفى
و لحد الحين مب عارفين وين بيروح ..

[العلياا]

اختي زوجتي تعاني من الغده تتعالج منه في الاهلي من فتره طلبوا منها تسوي اشعه طلع عندها مثل الورم متضخم
بس ولله الحمد تم اخذ عينه وطلعت النتيجه ان الورم حميد ولايوجد داعي لازالته او القلق منه
ارسلي حق بصمه رساله على الخاص وحطي لها رابط الموضوع ان شاءالله هي ماتقصر معاج

الله يشافيها ويعافيها يارب ويخليها لك
سوت اشعة قالوا مافي شي وسوتها فالاهلي اذا ممكن بغيت اعرف اسم الدكتور اللي فالاهلي ؟

[العلياا]

مساء الخير ..
جزاك الله خير النهار ..
العليا حبيبتي ..
بعطيج رقم دكتور في البحرين
ممتاز و يسوي كل الفحوصات اللي تحتاجها ..
النتايج كلها تطلع في نفس اليوم
ما عدا تحليل واحد اللي يطول لين ثاني يوم
اللي هو تحليل الأورام الله يكافينا و اياكم الشر و لا يبلانا ..
ممكن تسوي تحليل الغدة الروتيني من الدوحة
و تاخذه معاها ..
يفضل تاخذ كل الفحوصات التحاليل و الالتراساوند ..
التخضم له أسباب كثيرة ممكن ما لها علاقة بالغده ..
و لازم مراقبة الحجم هل يزيد و لا واقف على حجم معين ..
و ممكن يحتاج الدكتور ياخذ عينه ( خُزعه ) ..

من بديت أتابع في البحرين و أموري مستقرة الحمدلله
سنين و أنا أتعالج في الدوحة ما استفدت شي من علاجهم للأسف ..
بالعكس كنت آخذ حبوب ما لها لزمة من وقفتها و أنا بخير الحمدلله
بس لازم متابعه كل ست شهور ..


بتأكد من المستشفى إذا الدكتور موجود
آخر مرة رحت له بلغوني إن الدكتور بيترك المستشفى
و لحد الحين مب عارفين وين بيروح ..

سلامتج يالغالية
بصراحة السفر وايد صعب بالنسبة لنا بس لو الدكتور يقول لنا شنهي التحاليل اللي يبيها ونسويها اهنيه ونطرشها له بالدي اتش ال او اي طريقة تناسبه والعلاج اكيد بيكون متوفر عندنا !!
واكيد حقه بيوصله

[العلياا]

وياليت حد يفيدني بخصوص الدكتور امين الجيوسي فالخور ؟

[بصمة قطرية]

سلامتج يالغالية
بصراحة السفر وايد صعب بالنسبة لنا بس لو الدكتور يقول لنا شنهي التحاليل اللي يبيها ونسويها اهنيه ونطرشها له بالدي اتش ال او اي طريقة تناسبه والعلاج اكيد بيكون متوفر عندنا !!
واكيد حقه بيوصله

الله يسلمج حبيبتي ..
والله مادري انا دوم أروح له ..

بجيب لج رقم الدكتور محمود زرعي
في مستشفى حمد ..
كلمي الدكتور و اشرحي له الحاله
و راح يعطيج موعد ..

[قطري 777]

السلام عليكم ورحمة الله وبركاته


اختي عندها تضخم في الغدة الدرقية يعني حجمها كبير راحت سوت تحاليل في الاهلي وبعدها في حمد وكلهم قالوا لها ان الهرمون منتظم فما يحتاج تاخذ ادوية واذا شكلها مب عاجبها ممكن تطلب تدخل جراحي !!

بغيت اوديها عند دكتور مختص في هالسوالف عشان يتابع حالتها لان الدكاترة قالوا ممكن تصاب بخمول الغدة الدرقية لانها وراثه عندنا ( اختي العودة فيها خمول فالغدة )


ف وين تنصحوني اخذها ؟ اسم الدكتور او العيادة ؟

وشاكرة لكم مقدماً
سلامتها ولاباس عليها اتمنى من الربع يفيدونج .

[العلياا]

الله يسلمج حبيبتي ..
والله مادري انا دوم أروح له ..

بجيب لج رقم الدكتور محمود زرعي
في مستشفى حمد ..
كلمي الدكتور و اشرحي له الحاله
و راح يعطيج موعد ..

جزاج الله الف خير وان شاءالله في ميزان حسناتج
بانتظار رقم الدكتور اللي في حمد وما قصرتي فديتج

قطري
الله يسلمك ما قصرت

[وليف الشوق]

سؤالي اهو والاهم كم عمرها اختك ؟

[Aaziz]

السلام عليكم

ماعليكم شر. ليش ماشخصتو الحاله برى ؟

الحل هو استشاره اكثر من طبيب. انصح بالسعوديه او البحرين. ولكن ماعندي شخص ارشحه

[وليف الشوق]

سؤالي أهو : الكل رده ليش ماتفحصون برى في السند ولا الهند واللي يقول احنا عايشين في صحراء ومانملك مراكز متخصصه في التحاليل واعلى مستوى الا اذا كان العلاج غير موجود في الداخل !!! انا ممكن ويحق لي اختيار المركز المتخصص او المستشفى لعمل فحص في الحاله واللي اشوفه مناسب واستشارة متخصص وتتنوع الفحوصات من مركز لمركز بشرط اذا الطبيب حدد نوع الفحص وانا من واقع تجربه واقولها بكل امانه ان في اطباء في مستشفى حمد بكل كفاءه ويفوقون اطباء العالم وعلى مقدرة تامه بتشخيص الحاله وتحديد العلاج المناسب لها .. اما اذا رأى الطبيب او الاستشاري من عدم قدرته لمعاجله المريض بعد اعطائة جرعات الدواء المناسب فسوف يضطر تحويله للجنه الطبيه للعلاج بالخارج لان المستشفيات بالخارج لديها ابحاث مستمره في البحث عن اعراض والقضاء على المرض بعون من الله واردت المولى سبحانه وتعالى .. مني لصاحب / صاحبة المرض اللجوء اولا الى الله بالدعاء ثم طلب التحويل لمستشفى حمد ومقابله الاستشاري لكي يقوم بالتوجيه الصحيح لعمل الفحص المعين لهذه الحاله ومن ثم تحديد نوع العلاج وبالنسبه للهرمونات فلدى احد عائلتي نفس المرض فهم ياخذ الان علاج يسمى ثيركسيد 50 ملم ومنها ملم غرام حسب تقييم وطلب الطبيب فهو علاج ياخذ اعوام وسنين وليس بأيام

[النهار]

سؤالي اهو والاهم كم عمرها اختك ؟

اخوي وليف انت سألت عن العمر ابي اعرف السبب هل العمر له دور في تطور المرض

[العلياا]

سؤالي اهو والاهم كم عمرها اختك ؟

ثلاثة وعشرين سنة

عزيز
مثل ما قلت لبصمة والاخ اللي سبقها ان السفر للخارج سواء علاج او سياحة صعب
واصلا لين قبل كم يوم ما شكينا باي شي او ما واجهها اي عارض يقول ان فيها شي خارج عن المالوف ف ما فكرنا في هالحل

[العلياا]

سؤالي أهو : الكل رده ليش ماتفحصون برى في السند ولا الهند واللي يقول احنا عايشين في صحراء ومانملك مراكز متخصصه في التحاليل واعلى مستوى الا اذا كان العلاج غير موجود في الداخل !!! انا ممكن ويحق لي اختيار المركز المتخصص او المستشفى لعمل فحص في الحاله واللي اشوفه مناسب واستشارة متخصص وتتنوع الفحوصات من مركز لمركز بشرط اذا الطبيب حدد نوع الفحص وانا من واقع تجربه واقولها بكل امانه ان في اطباء في مستشفى حمد بكل كفاءه ويفوقون اطباء العالم وعلى مقدرة تامه بتشخيص الحاله وتحديد العلاج المناسب لها .. اما اذا رأى الطبيب او الاستشاري من عدم قدرته لمعاجله المريض بعد اعطائة جرعات الدواء المناسب فسوف يضطر تحويله للجنه الطبيه للعلاج بالخارج لان المستشفيات بالخارج لديها ابحاث مستمره في البحث عن اعراض والقضاء على المرض بعون من الله واردت المولى سبحانه وتعالى .. مني لصاحب / صاحبة المرض اللجوء اولا الى الله بالدعاء ثم طلب التحويل لمستشفى حمد ومقابله الاستشاري لكي يقوم بالتوجيه الصحيح لعمل الفحص المعين لهذه الحاله ومن ثم تحديد نوع العلاج وبالنسبه للهرمونات فلدى احد عائلتي نفس المرض فهم ياخذ الان علاج يسمى ثيركسيد 50 ملم ومنها ملم غرام حسب تقييم وطلب الطبيب فهو علاج ياخذ اعوام وسنين وليس بأيام

انا اثق في المستشفيات الحكومية اكثر من الخاص للامانه
واول شي تحاليلها كان في المركز. الصحي اللي تابعين له ( الريان ) وبعدها رحنا حمد سوينا اشعة وفحص دم والدكتورة سوت فحص موضعي وقالت مافيها اي شي وقالت عشان نتابع الحالة كل شهرين لثلاثه سوي فحص وتعالي لي وعقب رحنا الاهلي وكانت نفس الاجراءات الروتينيه فحص + اشعة قالوا مافيها لكن بما ان في حد فالعايلة فيه ممكن تصاب بالمرض اللي يتطلب اخذ حبوب معينه وتتم مستمرة عليها سنين ..


كل اللي مزعج الوالد ان التضخم صار فجاة من تقريبا ثلاث او اربع سنين يعني مب واهي صغيرة اهنيه يوم سالنا الناس قالت لا اكيد في شي لان مب طبيعي اللي مطمني فالوقت الحالي انها ما تسبب لها ضيق تنفس او صعوبه في البلع والدورة عندها منتظمة وهذي هي اهم الاعراض اللي ممكن تصيب الشخص المريض ..

قرات كثير عنها لكن ما زلت اجهل الكثير والسبب تضارب الاقوال :(

[بصمة قطرية]

وليف الشوق ..
إكتفينا من التشخيص الخاطيء ..
إكتفينا من المواعيد البعيدة ..
إكتفينا من العلاج الخاطيء ..
إكتفينا من التجارب ..

إذا كنت ما جربت شي من هالأشياء
إحمد ربك لأن غيرك إكتفى منها ..

لما آخذ علاج لسنين بدون تحسن بالعكس
الحالة تسوء ..
و أروح برع قطر و تضبط أموري من أول مرة
و أروح مراجعه و أتطمن أكثر ..
وقتها تلومني ليش أتعالج برع ..


لما يكون عندنا قطاع صحي ناجح
ايش اللي يجبرنا ندفع و نخسر و نروح نتعالج برع ..!!

لما يصر الدكتور هني إني محتاجة عملية
و أروح تايلند و البحرين و التشخيص يبين اني مب محتاجة عملية
أثق في مين ..!!!

أخطاء و إهمال و شغلات كثيرة نفرتنا من المستشفيات
الحكومية بالذات ..

[معاند احساسه]

ماتشوفون شر ان شاء الله

[العلياا]

اخواني واخواتي شاكرة لكل من مر واعطاني نصيحته

اتمنى ما تحطوني في مأزق ثاني وحيرة اكثر من اللي انا فيه سبق وذكرت لاسباب خاصة مماقدر اسافر برا اكيد لكل منا تجربة هنا او برا سواء جيدة او سيئة والله يكتب اللي فيه الخير لكم ولنا

الاخت بصمة اشكرج على مشاركتج وكلامج الطيب والشكر موصول للاخ النهار

انا اليوم وديتها للاهلي عشان تسوي التحاليل مرة ثانية لانها في حالة ونفسية سيئة جدا
قابلت الدكتور نبيل اطلع ع الاشعة الاخيرة وقال مافيها اي شي يستدعي الخوف من ناحية الاورام الاشعة كانت في فبراير بس بيرجع يسوي تحليل الدم مرة ثانية وراح اخذ نسخة من الاشعة والتحاليل اطرش نسخة لمصر والثانية لامريكا ونشوف اراءهم ..

[sara jsm]

ماتشوفون شر اختي ..
يفضل ياخذون عينه من الورم ..
:
اربع سنين اتعالج من خمول الغده
وعقب ماخذوا مني العينه طلع فيني شي غير :rolleyes2: ..

[ضوى]

ان شاء الله يوم الاحد اجيب لج رقم محمود زرعي وايميله بعد ،وايد انسان خلوق واكيد بيساعدج ان شاء الله

ماتشوفون شر ان شاء الله

[العلياا]

ماتشوفون شر اختي ..
يفضل ياخذون عينه من الورم ..
:
اربع سنين اتعالج من خمول الغده
وعقب ماخذوا مني العينه طلع فيني شي غير :rolleyes2: ..

مافي ورم اختي هاي اللي قالوا لها
آخر نتيجة قالوا لها تاخذ حبوب حقت الخمول

[العلياا]

ان شاء الله يوم الاحد اجيب لج رقم محمود زرعي وايميله بعد ،وايد انسان خلوق واكيد بيساعدج ان شاء الله

ماتشوفون شر ان شاء الله

بصمة قطرية طرشت لي رقمه بس لو اطرشين لي الايميل بكون شاكرة وممنونه لج وبيكون اسهل لي اشرح له الوضع مع ارفاق التقارير الطبية

يزاج الله خير

[لبيبة]

الله يشافيها ويعافيها

د. أمين الجيوسي ممتاز، اللي أعرفه إنه في مستشفى حمد مب الخور

[العلياا]

اللهم امين

انا قالوا لي ناس مقربين منه انه يداوم فالخور وعنده عيادة خاصة

ان شاءالله لنا زيارة قريبة له

[مــاي ورد]

في موقع في النت

http://www.greenlife-herbal.com/thyroid-throu-c-80.html

الموقع صيني لكنه يبيع علاج وايد ممتاز لمشاكل الغدة عموما وفي دكتور يتابع الحالة ويجاوب على اسالة الناس

في وحده ماخذه علاجه وتعدل عندها خمول الغدة من 125جرعة في اليوم الى 75 في اليوم

بس لو عندج لغة وممكن تشرحين له التفاصيل عالموقع بيعطيج رد مناسب طبعا مع نتايج التحاليل وصورة تلفزيونية للغدة وعموما العلاج اعشاب محطوطة بكبسوله صج ان ممكن تاخذ ست شهور لكن باذن الله في نتيجة الى جانب تحسين وظائف الجسم كلها وعن تجربة ما منه مضار نهائيا وخاصة ان الغدة عندها سليمة الحمدلله ان شاء الله بتتعالج بسرعه

[ضوى]

شيكي الخاص اختي

[العلياا]

في موقع في النت

http://www.greenlife-herbal.com/thyroid-throu-c-80.html

الموقع صيني لكنه يبيع علاج وايد ممتاز لمشاكل الغدة عموما وفي دكتور يتابع الحالة ويجاوب على اسالة الناس

في وحده ماخذه علاجه وتعدل عندها خمول الغدة من 125جرعة في اليوم الى 75 في اليوم

بس لو عندج لغة وممكن تشرحين له التفاصيل عالموقع بيعطيج رد مناسب طبعا مع نتايج التحاليل وصورة تلفزيونية للغدة وعموما العلاج اعشاب محطوطة بكبسوله صج ان ممكن تاخذ ست شهور لكن باذن الله في نتيجة الى جانب تحسين وظائف الجسم كلها وعن تجربة ما منه مضار نهائيا وخاصة ان الغدة عندها سليمة الحمدلله ان شاء الله بتتعالج بسرعه

ما فتح الموقع عندي لكن ان شاءالله بجرب افتحه من البيت
جزاك الله خير




اختي ضوى
ما قصرتي وكثر الله خيرج حبيبتي

[وزارة الصحة العامة]

يرجى التواصل مع قسم رضا العملاء في المجلس الأعلى للصحة على الأرقام التالي :
44070233 - 44070270