كيف نعالج ضعف قوة الماء (البرشر) ؟؟

[الـخـور]

السلام عليكم ورحمة الله

انا عندي مشكلة ان ماي البيت ضعيف
وخاصتا اذا حد يستعمل الماء من اكثر من مكان مثل دورة المياة و مطبخ في نفس الوقت
كنت اضن ان فيه ليك ...وعالجت الليك حتى صارت الدينما تسكر بروحها لو ماحد فتح اي انبوب

رحت شريت دينمة غالية شوي من تدمر قوتها 1.2 حصان لكن ماحصلت فرق واضح

هل في حل اخر عندكم او جهاز يقوي الماء بحيث مايتاثر قوة الماء عند استخدام كذا شخص للماء في نفس الوقت

او هل محتاج اغير الدينمة الجديدة لدينما اقوى .. ايش مقترحاتكم وجزاكم الله خير

[الفني]

مرحبا اخوي مشكلة ضعف الماي ان البرشير الي انت مركب هو 1 بار وهاي برشير زين حق البيوت الشعبية اما بالنسبة للفلل ركب برشير 3 بار وان شاء الله كل شي اوكي لان في الوضع الحالي اذا في المطبخ الماي شغاله وانت ريحت تبي تستعمل في الحمام فاكيد بقل الضغط لان توزع على مكانين ونفس الشي اذا كان اكثر من مكان .

[معماري قطري]

فيه نوع يشتغل حسب الحاجة وكلما فتحت الماي في أَماكن زيادة يزيد الضغط وهذي نوعية حساسة وقوية وفي نفس الوقت الصوت تقريباً معدوم ما تحس باشتغاله الا لو رحت قريب منه .. بعدين لو كل ولف مسكر تحصله هو على ضغط خفيف ومن تفتح يبدأَ يزيد في الضغط بدون تقطع وبدون ما تلاحظ ضعف في قوة الضغط .. الإِسم ما اذكره بس موجود عند تدمر أَكيد وعند الطيب والباقيين من المختصين

[معماري قطري]

اللي يعطيك 3 بار زين وقوي بس لو فتحت وايد يخف الضغط وتلاحظ تقطيع في الضغط لو انفتح الماي من كم مكان .. والمشكلة إِن بعضهم يتمون ضاغطين على طول ويتسببون في تلف البيبات من قوة الضغط على عكس اللي يعطيك متدرج من نص بار مثلاً ستاند باي الى 3 بار وقت ما تفتح كم مكان

[الـخـور]

اخوي الفني اشكرك على النصيحة .. هل عندك اسم المكينة او موديل معين تفيدني به

اخوي معماري قطري ...
انا كنت عند تدمر مانصحني بالمكينة الي تقول عنها .. وخت مكينة بس مافادتني بعد
عندك اسم معين او شركة معينة اروح اشوف النوعية الي تقصدها
جزاك الله خير

[Azizuk]

مر على محل عربي في شارع الهندسة مع لفت دخول فريج نجمه قبل محطة التيسير على الزاوية

عندهم مضخات ( دينمات ) إيطالية نوع ريش استنل أستيل

ونوع ريش من حديد

والاستنل أستيل أغلا في السعر وأخف في الدوران والصوت

في هندي اسمه bushmon ممتاز

رقم المحل 44417976/55750085 والرقم المجاني 8004450

وعندك البحرية بعد ممتازين عندهم مضخات ( دينمة ) فرنسية الصنع والماني

انا طبعي اذا ابي اعرف جودة المنتج اروح الورشة واسأل عن مشاكل المنتج وشنو النوع الأحسن

ورشة عربي موجوده خلف مطبعة جريدة الراية في الصناعية مب متذكر رقم الشارع بس يمكن شارع رقم 2 او 3 اول الصناعية

اخوي معماري قطري ( محل الطيب ) وقف التعامل مع المضخات والسخانات

[معماري قطري]

مر على محل عربي في شارع الهندسة مع لفت دخول فريج نجمه قبل محطة التيسير على الزاوية

عندهم مضخات ( دينمات ) إيطالية نوع ريش استنل أستيل

ونوع ريش من حديد

والاستنل أستيل أغلا في السعر وأخف في الدوران والصوت

في هندي اسمه bushmon ممتاز

رقم المحل 44417976/55750085 والرقم المجاني 8004450

وعندك البحرية بعد ممتازين عندهم مضخات ( دينمة ) فرنسية الصنع والماني

انا طبعي اذا ابي اعرف جودة المنتج اروح الورشة واسأل عن مشاكل المنتج وشنو النوع الأحسن

ورشة عربي موجوده خلف مطبعة جريدة الراية في الصناعية مب متذكر رقم الشارع بس يمكن شارع رقم 2 او 3 اول الصناعية

اخوي معماري قطري ( محل الطيب ) وقف التعامل مع المضخات والسخانات

معلوماتي يبي لها تحديث .. بس سووا صيانة من فترة لفلتر الماي

الأَخ الخور هم يبيعون نظام كامل .. ما ادري إِذا مكينة بروحها يمكن عندهم نوع أَصغر .. إِنت اطلب اللي بموازن ضغط وأَكيد بتحصلها في كم مكان وتجي معاها مثل الكورة كبيرة وسيفتي .. وللي يبنون جديد يحاولون يبعدون بوكس الكهرب عن داخل غرفة الخزان اللي فوق السطح ولو يخلونه مسكر ومثبت في الحائط ومظلل فوقه عن المطر والغبار أَحسن .. أَو يقسم الغرفة لقسمين قسم لصندوق الكهرب ويكون صغير وقسم لباقي التجهيزات.

[معماري قطري]

اخوي الفني اشكرك على النصيحة .. هل عندك اسم المكينة او موديل معين تفيدني به

اخوي معماري قطري ...
انا كنت عند تدمر مانصحني بالمكينة الي تقول عنها .. وخت مكينة بس مافادتني بعد
عندك اسم معين او شركة معينة اروح اشوف النوعية الي تقصدها
جزاك الله خير

انا الله يسلمك وصفها لي الاستشاري وكان وايد شاطر في شغل الميكانيكا والكهرب .. شوف بتحصلها في المواصفات في موضوع العقود اللي في توقيعي .. والحمد لله انا عندي 10 سنين ما واجهت مشاكل غير تنظيف الفلتر مره بس.

[اللوز]

شوف محل البحرية
لكن لازم اتعرف كم الضغط في البايبات يستحمل
وهناك طريقة ثانية والله يعينك
لبان تعمل تقسيم للحمامات على مكينتين

[alshobaki7]

نصيحة لا تشتري الا مضخة انجليزية وأفضل نوع (جراند فوس) مركبها أكثر من عشر سنوات ولا شكيت منها ابدا والحمدالله

[عيد بن شاكر]

نصيحة لا تشتري الا مضخة انجليزية وأفضل نوع (جراند فوس) مركبها أكثر من عشر سنوات ولا شكيت منها ابدا والحمدالله

أعتقد الشركة دنماركية بس من أفضل الشركات

[الـخـور]

اشكركم جميعا على النصائح .. راح أحاول امر عليهم واشوف شالحلول الي بيوفرونه لي

[الـخـور]

نصيحة لا تشتري الا مضخة انجليزية وأفضل نوع (جراند فوس) مركبها أكثر من عشر سنوات ولا شكيت منها ابدا والحمدالله

شكرا على النصيحة بس منهو وكيلها؟؟
وهل ضخها قوي للماء لما شور حمامين يشتغلون في نفس الوقت

[معماري قطري]

غراندفوس أَكيد تشتري ماركة معروفة بس للماركة ذي كم موديل ولكل موديل مواصفات معينة وانت ركز على نقطة الضغط المتغير حسب الحاجة حتى تضمن ضغط متساوي لعدد معين من الحمامات في وقت واحد .. طبعاً بيجيك وقت طبيعي لو انفتح عدد معين بتلاحظ ضعف .. لكن 2 أَو 3 المفروض ما تلاحظ وتكون القوة متساوية .. ولو الكل مسكر يكون الضغط خامل حتى ما يؤثر على البيبات .. تبيه يزيد لحظة الفتح ويكون أَقوى ما يمكن لو تم فتح 4 حنفيات في نفس الوقت مثلاً.

[almaf1a]

انصحك بمحل عبيدان الي بشارع الهندسه
البرشر مع الدينمه تقريبا ب 900 ريال
ماركة معروفه وماراح تندم ان شاء الله
خذ ال2 بار

[بوNasser]

شكرا على النصيحة بس منهو وكيلها؟؟
وهل ضخها قوي للماء لما شور حمامين يشتغلون في نفس الوقت


عبيدان هو وكيل جرانفوس ، ومكانه كما في الرد التالي، في شارع الهندسة، تقريبا قبل اشارات الهوندا سابقا.


انصحك بمحل عبيدان الي بشارع الهندسه
البرشر مع الدينمه تقريبا ب 900 ريال
ماركة معروفه وماراح تندم ان شاء الله
خذ ال2 بار

[مهاجر]

Grundfos وبس