ابي نصيحتكم ايش اخذ

[مدغشقر]

السلام عليكم ورحمة الله وبركاته

ابي اشتر سيارة تكون حلوة ومناسبة للبنت اللي توها مخلصه جامعه وعمرها صغير وفلوسي 150 الف ومحتار ايش اخذ وابي اخذ رايكم

وشاكر لكم

[blueZircon]

لكزس es

[qtr qtr]

لكزس rx 350

[اللوز]

اهم شي في اﻻختيار انه ما تحوج الصيانة لشركة وحدة فقط واتكون تحت رحمتهم
انا انصحك بلكزس rx350 اللون اللؤلؤي واخذ اللي مواصفاتها النص اوبشن وبالتوفيق

[سعود.]

( افالون ) تويوتا سيارة روعة وغير ( ملفته للنظر ) !!

[.قطر.]

وعليكم السلام ورحمه الله وبركاته
عندك اللكزس rx بس بينزل شكل يديد نهايه السنه
وعندك اللكزس. Nx بس اصغر من الـ rx شوي

واذا صالون لكزس es بس بعد نهايه السنه بتنزل بفيس لفت

[مدغشقر]

مشكورين البنت اعجبتها موديل لكزس rx

[جاسم الدوحة]

بالمناسبة أخوي مدغشقر

الـ rx جاية بجيل جديد نهاية هالسنة (موديل 2016) :

فيها سرعات الجير صارت 8 بدل 6 سابقاً
والقوة صارت 300 حصان بدل 271 سابقاً
وأضافوا (بدّال الجير) ورا السكّان ..

أدري هالأمور التقنية بعيدة عن اهتمام أخواتنا
بس الاختيار حلو في هالوقت ، وسيارة عالية ووسيعة وعملية جداً ..

وبالبركة مقدماً .

[CH Engineer]

Rx اغلى من السعر الي حاطه وظ¢ظ*ظ،ظ¦ تغير بشكل كامل

[ya3coub]

أخوي انت ما ذكرت اذا تبيها جديدة او لا.

بس عندك وايد سيارات بهالفئة

للبنات انصحك بالــــsuv ما تحاتي حكات الرصيف نفس بالصوالين و سيارات لا اهي عالية ولا نازلة يعني مطب او حادث ان شاء الله الحافظ الله و هالسيارات لها دور.


عندك الأودي q3,q5 الأنفنتي fx,ex صار اسمهم الحين qx70,qx50 الــــqx60 وسيعه حق يهال ما تنفع كثير

مستعمل و بحدود سعرك و مناسب للبنات رنج إيفوك تحت الضمان , عندك الـــبي ام اكس 3, x1, x4.

تويوتا الي يقولون عنها شيك برادو او لكسز gx او rx نفس ما ذكرو الشباب فوق بس بيتغير شكلها و تعديلات بتنزل عليها و بيطيح سعرها.

الفولكس ويجن توقان, جيب كومباس او شيروكي حتى الرانجلر معنه شبابي يحبونه البنات, نيسان جوك يمكن ما تعجبك

اذا ما عجبها شي من هالسيارات ميني كوبر او بيتل الجديدة بس نازلين


أغلب الي فوق ممكن تلقان جديد او مستعمل على خفيف المهم انه يكون تحت الضمان الوكالات وايد و جرب اخذ لفه عليهم و الف مبروك تخرج البنت أخوي مدغشقر

[ابوالعبد]

انصحك بما انها توها متعلمه سواقه لاتحط لها موتر خشن بقيمته شوف لها كامري لما تتدرب زين وتتقن السواقه دور لها لكزس واالاختيار لك

[مجلان]

لكزس جي اس ثبات وتحكم ممتاز

[المخفي]

دامها جديدة على السواقة خل تاخذ كامري حتى لو كسرتها تصليحها ما يكلف لين ما تتمكن