هل هذا صنم ... او انا غلطان

[بانغ بانغ]

تفاجأت بوجود مجسم غريب امام مطافي على هيئة صنم نفس اللي كنا ندرسه في الكتب مالت قريش

هل هو صنم او مجسم ديكور او ماذا

وين المسئولين

حاولت انزل اكثر من الصورة وما قدرت ....

95154

[بانغ بانغ]

في صورة على جنب واضحة بس بحاول انزلها

[بانغ بانغ]

95155

[Dana’1]

أما هُبل عندنا !

ممكن تكون حوائط خراسانيه لزوم التدريب أو غيره بس صنم أتوقع قويه وفي جهة مثل هذي ( الدفاع المدني)

[بانغ بانغ]

والله واضح اشكره كنت هناك وصورته .... خرسانة

مثل ما جابوا مرة كم مجسم وشلوهم على طول ....

[لبيبة]

السلام عليكم ورحمة الله وبركاته،

اي هذا الصنم شفته وصورته،

هذي صورته يمكن أوضح

ومكتوب مقر الفنانين

http://i.imgur.com/29kg31C.jpg

[المخفي]

هذا صوب مطافي وادي السيل

[<اضرب واشرد>]

السلام عليكم

الصنم: التمثال يُعبد من دون الله
هذا تمثال وليس (صنم)

لكن لا أظنه من التصاوير المحرمة فشكله مشوه ووجهه مشقوق ومافيه عين وملامح

[بانغ بانغ]

اي

الظاهر يبونه حق عمل فني

يعني ايدرسون اعيالنا ابوجهل وهوبل وعبدمناف

واهني يعرضونه لهم

[بومحمد المطاوعه]

ههههه

مادري شنو ذي

لكن شيء يضحك الصراحه

عيالنا فاضييين يطالعون طوفه:nice:

[Dana’1]

والله واضح اشكره كنت هناك وصورته .... خرسانة

مثل ما جابوا مرة كم مجسم وشلوهم على طول ....

صادق من غير حلفان إن شاءالله ،، بس ظنيتها خرسانه مصفوفه بطريقه معينه لين وقت التركيب !! صورك ماكانت واضحه جدا

[وحيد-الشوق]

شكله خايس انا مستغرب ليش يحطون هالسوالف الواحد يبتعد عن الشبهات أفضل وأأمن

[مختلف جداََ]

مشكلة الديناصورات

شفهمكم انتوا
اقول صفوا على جنب بس

اللي ما تعرفونه يا أعداء العلم الحديث

إنه كل العلوم الحديثة موجودة في هذا الصنم ، قصدي المجسم الحليو هذي .

اللي يبي ولده يطلع فلتة رياضيات يخليه كل يوم يطالع مخ المنحوته . شهرين إلا هو آينشتاين .

أما اللي يبي ولده يطلع طبيب بس الولد يطالع ويه هذا مدري شنو ، وسيييييده وايل كورنيل أمريكا .

و بعدين تعالوا ، أساسا الهدف من هالتمثال إنهم يعطون الجيل الجديد فكره عن تماثيل أول شلون شكلها :shy:

أقول قوموا توضوا شوي و بيأذن المغرب

أستغفر الله العظيم

[حمد 2002]

وين هاي يالربع اي منطقه

[بانغ بانغ]

المطافي صوب وادي السيل

لايكون هالووووووين مالكم

[qatara]

هذا هبل

هههههههههههههههه


بس بحداثه

استغفر الله

[PathFinder]

يبدو انه من اقارب هبل.. يمكن يجهزو لفيلم جديد مثل الرسالة

[monatee]

مطافي وادي السيل مقر هيئه المتاحف حالياً

ياخوفي شارينه بالملاييين بس

[aloosh]

نعم صنم واضح

اي مجسم لشي حي يعتبر صنم

[بانغ بانغ]

هل هي من علامات الساعة ... عودة الاصنام والتماثيل لجزيرة العرب من باب التحف والمقتنيات الخاصة

قريت في كذا موضع عن ان اخر الزمان سيعودون الناس لعبادة الاوثان والاصنام

لا نعرف من وراء هذه الاثار والمقتنيات المشكوك فيها

طبعا مجرد رائي شخصي ... ومعظم الضرر ( النار ) من مستصغر الشرر

والله من وراء القصد واللي بيمر من ذاك المكان يمعن النظر .... مقزز

[<اضرب واشرد>]

يبدو انه من اقارب هبل.. يمكن يجهزو لفيلم جديد مثل الرسالة

تقطيعات جسم التمثال تقول أنه مجرد "عمل فني"
إلا إذا كانت هذه القطع يُعاد تركيبها لشكل آخر


نعم صنم واضح
اي مجسم لشي حي يعتبر صنم

إذن هناك "أصنام" في بيتك لو تبحث منها باربي