+ انا اسف يا ادارة المرور +

[شبح الصمت]

السلام عليكم ورحمة الله وبركاته ..


الموضوع عن المخالفات المرورية ولا اقصد فيها مخالفة الرادار لانها واضحه وضوح الشمس ولا نستطيع التهرب منها ..


ولكن المخالفات من دون تصوير او اعطائك استيكر ..


تم تسجيل مخالفة مرورية ..

ربط حزام امان
التحدث بالهاتف

أياً كانت من المخالفات التي ترصد من قبل رجل المرور ومن غير تحرير استيكر مخالفة !!!



هل من قانون يجرمني اني ادفع هالمخالفة



صراحة انا ما راح ادفع مخالفه انا مدري متى جاتني والا اعرف وما اتذكر من عطيت موتري في اليوم الفلاني

الواحد ما يعرف شلي يسويه من اسبوع نبي نتذكر وين كنا وش سوينا !!


اتمنى انه يتم اعادة النظر في وضع العساكر الي يسجلون المخالفة


اخبر في سنه من السنين ما كنت رابط حزام الامان
وكان واقف على الدوار العميد سريع الكعبي ..

جاني واقف قدام موتري سجل لي المخالفة وهو ماسك دفتره وفتحت الجامه وعطاني المخالفة وحركت


الحين بس خل الزحمة وقعد سجل المخالفات تصيد حق العالم ..


وشكراً يا ادارة المرور ..


لن ادفع مخالفة من غير تحرير مخالفة مروريه تثبت اني على خطا
او تصوير فيديو

[الحياة الخالدة]

و عليكم السلام و رحمة الله .. و صبحك الله بالخير

كلامك فيه الكثير من الصحة .. شلون ندفع من غير دليل ملموس
و مو القصد التشكيك في نزاهة شرطي المرور .. لكن عفواً شنو اللي يضمن لنا أن المخالفة ما تسجلت كنوع من المزاجية أو سهواً أو غير ذلك

و نترك المجال لمن لديه علم يفيدنا إذا كان كلامنا خطأ

شكراً لك أخوي شبح

[ابن البيطار]

اوافقك في النقطه الاولى انه يجب وضع ملصق للمخالفه وتاريخها

وأخالفك في موضوع التصيد لان هذه هي احد واجبات رجل المرور .

[شبح الصمت]

و عليكم السلام و رحمة الله .. و صبحك الله بالخير

كلامك فيه الكثير من الصحة .. شلون ندفع من غير دليل ملموس
و مو القصد التشكيك في نزاهة شرطي المرور .. لكن عفواً شنو اللي يضمن لنا أن المخالفة ما تسجلت كنوع من المزاجية أو سهواً أو غير ذلك

و نترك المجال لمن لديه علم يفيدنا إذا كان كلامنا خطأ

شكراً لك أخوي شبح



العفو الحياه ..

صراحة انا مش ضد تسجيل المخالفات لكان عطني مخالفتي في وقتها ..

مب شرط يكون عندي مجموعة ارقام من غير انك تخلي الشخص مرتاح انه شافك وعطاك ..

اما تجيك بعد فترة وما تدرين متى واشلون

تدخلين في حيره صح والا لا

[شبح الصمت]

اوافقك في النقطه الاولى انه يجب وضع ملصق للمخالفه وتاريخها

وأخالفك في موضوع التصيد لان هذه هي احد واجبات رجل المرور .



كلنا متفقين على النقطة الاولى بلا شك ..

ونعرف انه واجب لكنه واجبه انه يسلمني مخالفتي في وقتها ..

مش شرط الكم في تسجيل المخالفات من غير ايقاف المخالف ..

[غير البشر]

مرحبا شبووح

انا معاك في هالنقطه وكلامك صحيح

لكن اختلف في موضوع الستيكر
انا عندي يعطوني مخالفه بدون مادري احسن من وضع الستيكر
لانه مزعج وقوي جدا ماينشال بسهوله وممكن يخرب لك الدريشه

اتمنى يتطورون نفس الدول الاوروبيه ويحطون المخالفه على مشاش ( مساح ) الجامه

[شبح الصمت]

مرحبا شبووح

انا معاك في هالنقطه وكلامك صحيح

لكن اختلف في موضوع الستيكر
انا عندي يعطوني مخالفه بدون مادري احسن من وضع الستيكر
لانه مزعج وقوي جدا ماينشال بسهوله وممكن يخرب لك الدريشه

اتمنى يتطورون نفس الدول الاوروبيه ويحطون المخالفه على مشاش ( مساح ) الجامه



مرحبتين يالغالي
ولك وحشه غيرووو


مش شرط يعطيك اياها يلصقها في الدريشه يعطيك اياها بيدي ..

فيس توفيس
اطالعه وهو يسلمني اياها

اريح من انه تجيني رسالة ما اعرف متى واشلون ..

[الحياة الخالدة]

العفو الحياه ..

صراحة انا مش ضد تسجيل المخالفات لكان عطني مخالفتي في وقتها ..

مب شرط يكون عندي مجموعة ارقام من غير انك تخلي الشخص مرتاح انه شافك وعطاك ..

اما تجيك بعد فترة وما تدرين متى واشلون

تدخلين في حيره صح والا لا

أكيد تدخل في حيرة .. و تقعد تفكر و تحلل و تحاول تتذكر : متى و وين و شلون ؟؟

[شبح الصمت]

أكيد تدخل في حيرة .. و تقعد تفكر و تحلل و تحاول تتذكر : متى و وين و شلون ؟؟


صحيح يا الحياه ..

وثاني شيء انا واقف فالزحمة ورابط حزامي والاشارة حمره وقاعد اتعبث فالتلفون ..

اشوي الا يعطيني بنظرة

انزين الاشارة حمره وان افتحت اكيد راح انزل التلفون وامشي

[الحياة الخالدة]

مرحبا شبووح

انا معاك في هالنقطه وكلامك صحيح

لكن اختلف في موضوع الستيكر
انا عندي يعطوني مخالفه بدون مادري احسن من وضع الستيكر
لانه مزعج وقوي جدا ماينشال بسهوله وممكن يخرب لك الدريشه

اتمنى يتطورون نفس الدول الاوروبيه ويحطون المخالفه على مشاش ( مساح ) الجامه

السموحة على تغيير الموضوع شوي
بس أنا متوهقة بستيكر حطوه لي عشان أدش شاليهات جراند حياة على جامة السيارة .. ييت بشيله ما ينشال
شلون أشيله ؟؟

[بعيد النظر]

عااااااااااااااادي انا موتري انطلب بحجة المخفي ..
والموتر على ما هو عليه من الـ 2013 !!


يعني سنتين وشوي محد كلمني ..
فجاة الا موترك مطلوب !!

[الحياة الخالدة]

صحيح يا الحياه ..

وثاني شيء انا واقف فالزحمة ورابط حزامي والاشارة حمره وقاعد اتعبث فالتلفون ..

اشوي الا يعطيني بنظرة

انزين الاشارة حمره وان افتحت اكيد راح انزل التلفون وامشي





صج ؟؟ يعني ممكن يعطينا المخالفة و احنا واقفين نشوف التليفون ننطر الإشارة تفتــــــح ؟؟

[شبح الصمت]

عااااااااااااااادي انا موتري انطلب بحجة المخفي ..
والموتر على ما هو عليه من الـ 2013 !!


يعني سنتين وشوي محد كلمني ..
فجاة الا موترك مطلوب !!



يلا خذ ينطلب وما عليه شيء ..

شتقول في هالشيء ..

ياخي بحد ذاتها رسالة انها تجيك مراجعة الادارة المختصة ..

تخليك تسال
وتتصل
وتشوف فلان وعلان

شالسالفه

اخرتها مسجلين عليك شيء بالغلط
ما نقول تحصل ..

بس اتمنى اي شيء يحصل في وقته لاجل ما يكون لي عذر ابطل حلجي

[بانغ بانغ]

هلا وغلا بو شبيح

اتفق معك مية مية

بعض رجال المرور بس تصيد ويوم ايشوفون اجانب او حريم والله انا اشهد انه محد ايخالفهم وصارت جدامي وبعض الاخوان تكلموا عن الشي

وبخصوص المخالفات العشوائية .. يجب ان تقنن وتكون رسمية

[شبح الصمت]

صج ؟؟ يعني ممكن يعطينا المخالفة و احنا واقفين نشوف التليفون ننطر الإشارة تفتــــــح ؟؟



توقعي يالحياه اي شيء دام مافي شيء يثبت شيء ملموس على انك كنتي ماسكته في هالوقت ..

[ابن البيطار]

السموحة على تغيير الموضوع شوي
بس أنا متوهقة بستيكر حطوه لي عشان أدش شاليهات جراند حياة على جامة السيارة .. ييت بشيله ما ينشال
شلون أشيله ؟؟

سهل جدا صبي على اللاصق كميه كبيره من البترول وولعي فيه وبهذه الطريقه يحترق اللاصق ثم بعد ذلك قومي بمسح الزجاج جيدا :)

[حرف]

و عليكم السلام و رحمة الله .. و صبحك الله بالخير

كلامك فيه الكثير من الصحة .. شلون ندفع من غير دليل ملموس
و مو القصد التشكيك في نزاهة شرطي المرور .. لكن عفواً شنو اللي يضمن لنا أن المخالفة ما تسجلت كنوع من المزاجية أو سهواً أو غير ذلك

و نترك المجال لمن لديه علم يفيدنا إذا كان كلامنا خطأ

شكراً لك أخوي شبح

شلون تقولين مو تشكيك في النزاهه بعدها تقولين مزاجية ! مافهمت



اخوي
انا اكثر عضو مخالف لقوانين المرور
ولكن خلاص عليك مخالفه لازم تدفعها
اعتقد كلامك ( لن ادفعها ) مخالف جداً لقوانين الدوله وانظمتها لذا اتمنى ان تتراجع وان تطالب بحذف موضوعك الي ربما يحسب عليك

[الحياة الخالدة]

توقعي يالحياه اي شيء دام مافي شيء يثبت شيء ملموس على انك كنتي ماسكته في هالوقت ..

أما عااااااد
عالأقل يصورني وانا ماسكة التليفون .. والا يفر كاميرا المراقبة صوبي :rolleyes2:

[شبح الصمت]

هلا وغلا بو شبيح

اتفق معك مية مية

بعض رجال المرور بس تصيد ويوم ايشوفون اجانب او حريم والله انا اشهد انه محد ايخالفهم وصارت جدامي وبعض الاخوان تكلموا عن الشي

وبخصوص المخالفات العشوائية .. يجب ان تقنن وتكون رسمية



هلا بك ياخوي ..

ياخي انا ارتااح يوم يجي ويعطيني اياهها خلاص عرفت غلطي
اما مخالفه تجيك لا تذكر ولا تعرف شيء ..

والحين يقولون في رادار يصور السرعة ومخالفة حزام الامان والتلفون

هل هذا الشيء صحيح
رادار امسيعيد وامس جاتنا رسائل عنه ..

حد ياكد لنا

[الحياة الخالدة]

سهل جدا صبي على اللاصق كميه كبيره من البترول وولعي فيه وبهذه الطريقه يحترق اللاصق ثم بعد ذلك قومي بمسح الزجاج جيدا :)

شكراً لك .. واضح إنك ماخذ السالفة مزح

[شبح الصمت]

شلون تقولين مو تشكيك في النزاهه بعدها تقولين مزاجية ! مافهمت



اخوي
انا اكثر عضو مخالف لقوانين المرور
ولكن خلاص عليك مخالفه لازم تدفعها
اعتقد كلامك ( لن ادفعها ) مخالف جداً لقوانين الدوله وانظمتها لذا اتمنى ان تتراجع وان تطالب بحذف موضوعك الي ربما يحسب عليك



ياخي ليش انا مب ضد القانون ..

بس مخالفة تجيني من غير استيكر من حقي اني ادخل على الضابط واطالب انه يشلي ايها .ز

مب شرط اني كتبت لن ادفع خلاص لن ادفع..

وشيء اكيد اذا طلب مني اني ادفعها راح ادفعها رغماً عني لاني انا الي في حاجة اني اجدد استمارة سيارتي والا راح اطالب بمسالة قانونيه


بس الواحد يبي الشيء يكون واضح قدامه ياخوي


يقولك لا تبوق ولا تخاف ..

[الحياة الخالدة]

شلون تقولين مو تشكيك في النزاهه بعدها تقولين مزاجية ! مافهمت



اخوي
انا اكثر عضو مخالف لقوانين المرور
ولكن خلاص عليك مخالفه لازم تدفعها
اعتقد كلامك ( لن ادفعها ) مخالف جداً لقوانين الدوله وانظمتها لذا اتمنى ان تتراجع وان تطالب بحذف موضوعك الي ربما يحسب عليك

أعتقد إني قلت عذراً قبلها .. يعني أنا وحدة في حيرة من أمري .. بتييني مخالفة ما اعرف عنها شي و من غير دليل يقنعوني فيه
ما يحق أسأل ليش و متى ؟؟
ليش احنا ما ندري إن في حالات شاذة يكون فيها الشخص حده مزاجي ممكن شكلك ما يعجبه .. سيارتك مو داشة مزاجه .. معصب من شي و يبي يطلع حرته في حد ؟؟
أنا ما قلت شرطي المرور جذي .. بس بعد ما ننكر وجود هالحالات في كل مكان .. سواء في الداخلية في المستشفى في البنك في أي مكان

[شبح الصمت]

واذا تبون مخالفه صح طلع دوريات عيل على الخطوط السريعه

وشوف العالم لا حزام امان ووالتلفون شاير تصور

اما في وسط الدوحة والسرعه ما تزيد عن الـ 100 كيلو
او واقف على دوار

من الاخطر يا حرف

الخطوط السريعه وكل شيء مفتوح لك ..
او الخطوط الداخليه
او انك واقف تنتظر اشارتك تفتح . !!

[ابن البيطار]

واذا تبون مخالفه صح طلع دوريات عيل على الخطوط السريعه

وشوف العالم لا حزام امان ووالتلفون شاير تصور

اما في وسط الدوحة والسرعه ما تزيد عن الـ 100 كيلو
او واقف على دوار

من الاخطر يا حرف

الخطوط السريعه وكل شيء مفتوح لك ..
او الخطوط الداخليه
او انك واقف تنتظر اشارتك تفتح . !!




الخطوط السريعه بها دوريات وتفتيش ولكن مالفائده فابمجرد ان نرى الزحمه نضع الجوال جانبا ونربط حزام الامان وما أن ننتهي من التفتيش نضع حزام الامان جانبا ونحمل الجوال

[حرف]

ياخي ليش انا مب ضد القانون ..

بس مخالفة تجيني من غير استيكر من حقي اني ادخل على الضابط واطالب انه يشلي ايها .ز

مب شرط اني كتبت لن ادفع خلاص لن ادفع..

وشيء اكيد اذا طلب مني اني ادفعها راح ادفعها رغماً عني لاني انا الي في حاجة اني اجدد استمارة سيارتي والا راح اطالب بمسالة قانونيه


بس الواحد يبي الشيء يكون واضح قدامه ياخوي


يقولك لا تبوق ولا تخاف ..





أعتقد إني قلت عذراً قبلها .. يعني أنا وحدة في حيرة من أمري .. بتييني مخالفة ما اعرف عنها شي و من غير دليل يقنعوني فيه
ما يحق أسأل ليش و متى ؟؟
ليش احنا ما ندري إن في حالات شاذة يكون فيها الشخص حده مزاجي ممكن شكلك ما يعجبه .. سيارتك مو داشة مزاجه .. معصب من شي و يبي يطلع حرته في حد ؟؟
أنا ما قلت شرطي المرور جذي .. بس بعد ما ننكر وجود هالحالات في كل مكان .. سواء في الداخلية في المستشفى في البنك في أي مكان

اذا انا وانت وانتي بنطالب بوضع الستيكر
في ظل هالزحمه الخانقه راح يترتب عليها تكدس وازدحام اكثر

[شبح الصمت]

الخطوط السريعه بها دوريات وتفتيش ولكن مالفائده فابمجرد ان نرى الزحمه نضع الجوال جانبا ونربط حزام الامان وما أن ننتهي من التفتيش نضع حزام الامان جانبا ونحمل الجوال



شفت اشلون
يعني مب يوم نطلع من بيوتنا رابطين احزمتنا ومتوكلين على الله ..


بس ان شفت الدورية ربطة حزامي وعلقة السماعة


ادارة المرور ادارة ما قصرت في كل شيء من توعية وامور كثيرة ..
بس يوم تكلمت عن الموضوع
لاني احس امكانياتها اعلى من هالشيء انه شخص يسجل مخالفات ويترك الزحمة وتحصله بس ماسك ورقة ويسجل اكبر عدد من السيارات ..

[شبح الصمت]

اذا انا وانت وانتي بنطالب بوضع الستيكر
في ظل هالزحمه الخانقه راح يترتب عليها تكدس وازدحام اكثر



اشلون تكدس
ياخي اذا انت ترضى انك تجيك مخالفه وفلوسك زياده
الله يبارك لك ياخوي وخالف على راحتك

احنا نطالب بشيء ونتمنى انه يصير الي نبيه
ما قلنا شيء غلط ..

والا بنجي ندش في عناد مع قوانين نحترمها ونحترم من سنها وطبقها ..

[عاشق العديد]

هلا ياشبح ..

والله نفس الحاله معطيني مخالفتين وماعرف ع أيش ,.؟

ومصر اني ما ادفع .. وبعترض عليها ..

[شبح الصمت]

هلا ياشبح ..

والله نفس الحاله معطيني مخالفتين وماعرف ع أيش ,.؟

ومصر اني ما ادفع .. وبعترض عليها ..



هلا بالغالي

شفت اشلون ما تقدر تتذكر متى واشلون صارت ..

مش الافضل انها تكون في حزتها خلاص لاجل ما يكون لي عذر ..

اكون مرتاح وعارف غلطي .

اما اتم في حيره واروح حق فلان وعلان وادش على هالضابط وذاك الضابط

واقعد اتكلم واحرج نفسي ليش ..

غلط سويته اتحمله

[الحياة الخالدة]

مع كامل احترامنا و تقديرنا لإدارة المرور .. و لجهودها المستمرة
رجال المرور جزاهم الله خير هالفترة متواجدين في كل مكان .. الله يعطيهم الصحة و العافية

[حرف]

اشلون تكدس
ياخي اذا انت ترضى انك تجيك مخالفه وفلوسك زياده
الله يبارك لك ياخوي وخالف على راحتك

احنا نطالب بشيء ونتمنى انه يصير الي نبيه
ما قلنا شيء غلط ..

والا بنجي ندش في عناد مع قوانين نحترمها ونحترم من سنها وطبقها ..

لا يا خوي اذا انا انسان محترم القوانين ورابط حزام الامان ما ارضى يجي قبلي انسان مستهتر ومايحترم القوانين وينتظر يجيه الشرطي يحط له ستيكر ويعطلني

[شبح الصمت]

مع كامل احترامنا و تقديرنا لإدارة المرور .. و لجهودها المستمرة
رجال المرور جزاهم الله خير هالفترة متواجدين في كل مكان .. الله يعطيهم الصحة و العافية



الله يجزاج خير يالحياه

ولعلمك انا من الناس الي ما كنت اربط حزامي والتلفون كنت امسكه ..
والحمد لله على ما سقت مخالفة حزام الامان ما جتني الا مرتين او ثلاث

ومخالفة التلفون والا مره .


وحالياً من فترة سنه يوم اطلع من بيتي اربط حزامي لاجل محد يكون له غلط علي ..
لكن شيء شفته وتكلمت عنه واتمنى انه يكون فيه توجيه له ..

[عاشق العديد]

هلا بالغالي

شفت اشلون ما تقدر تتذكر متى واشلون صارت ..

مش الافضل انها تكون في حزتها خلاص لاجل ما يكون لي عذر ..

اكون مرتاح وعارف غلطي .

اما اتم في حيره واروح حق فلان وعلان وادش على هالضابط وذاك الضابط

واقعد اتكلم واحرج نفسي ليش ..

غلط سويته اتحمله


هذا الي يبط الجبد ..

انا عن نفسي والله ماعرف لكن أتذكر اليوم التعيس هذا ..

فابروح وبشوف شسالفه ..


مع كامل احترامنا و تقديرنا لإدارة المرور .. و لجهودها المستمرة
رجال المرور جزاهم الله خير هالفترة متواجدين في كل مكان .. الله يعطيهم الصحة و العافية


أي الله يعطيهم العافيه ..

لكن من ناحيتي والله ماشفت شي لحد الحين ..

[شبح الصمت]

لا يا خوي اذا انا انسان محترم القوانين ورابط حزام الامان ما ارضى يجي قبلي انسان مستهتر ومايحترم القوانين وينتظر يجيه الشرطي يحط له ستيكر ويعطلني



الحين الكاميرات اتوقع ركبووا على جوانب الطرق يا حرف ..
وانا معاك انه شيء يرفع الضغط انه شخص يتجاوزني من اليمين او يدخل علي ..

يمكن هالشيء ينرفزني لكن في نفس الوقت انا ما اعرف هالانسان وش ظرفه احسن النيه .

وان فتحت لشخص واحد مفروض افتح للي وراه

انا ما احب هالحركة كلش واحاول قد ما اقدر اني ما اسويها
لكن بعض الاحيان تحترم الطريق وتمشي بنظام في ناس ما تعطيك مجال تحاول انك تزرق موترك اشوي
ليس عناد ولكن احتراما لي ضارب اشارة وما حبيت ادخل الا بعد اذنك عطني مجال الشيخ ادخل

والله يجزاك خير

[النهار]

مهب دفاع عن المرور ولا اعمل في السلك العسكري نسبة الخطاء عندهم قليله جدا لاتذكر
انت تقول انك ماتدري بوقت المخالفه او من كان يقود السياره في ذلك الوقت طالما السياره بأسمك انت المسؤل الاول والاخير
لوجينا للواقع عندنا مخالفات بالهبل وبشكل يومي
السواقه برعونه السواقه ببط عدم استخدام حزام الامان رمي المخلفات في الشارع التجاوز الخاطئى السرعه قطع الاشاره استخدام الهاتف لوكانت مكالمه تهون
ولكن المصيبه تحصله وهو يسوق عين على الشارع والعين الاخرى على الهاتف جالس يطرش حق ربعه هذي النماذج تمر علي يوميا
ياريت تغليظ العقوبه على مستخدمي الجوال عند السواقه انا عتبرها شروع في قتل
عيل ايش بتقول لو تم انجاز العمل بكميرات الشوارع شرط لوما تسنعنا من الحين معاشتنا ماتكفينا حق المخالفات
ههههههههههههههه
هدي نفسك شبوح ومر على عبدي ترى محله موجود لين الحين

[شبح الصمت]

مهب دفاع عن المرور ولا اعمل في السلك العسكري نسبة الخطاء عندهم قليله جدا لاتذكر
انت تقول انك ماتدري بوقت المخالفه او من كان يقود السياره في ذلك الوقت طالما السياره بأسمك انت المسؤل الاول والاخير
لوجينا للواقع عندنا مخالفات بالهبل وبشكل يومي
السواقه برعونه السواقه ببط عدم استخدام حزام الامان رمي المخلفات في الشارع التجاوز الخاطئى السرعه قطع الاشاره استخدام الهاتف لوكانت مكالمه تهون
ولكن المصيبه تحصله وهو يسوق عين على الشارع والعين الاخرى على الهاتف جالس يطرش حق ربعه هذي النماذج تمر علي يوميا
ياريت تغليظ العقوبه على مستخدمي الجوال عند السواقه انا عتبرها شروع في قتل
عيل ايش بتقول لو تم انجاز العمل بكميرات الشوارع شرط لوما تسنعنا من الحين معاشتنا ماتكفينا حق المخالفات
ههههههههههههههه
هدي نفسك شبوح ومر على عبدي ترى محله موجود لين الحين



هاهاي

ياخي مهدي والله
والموضوع ترى ما فيه شيء
مناقشة ودراسة امر المخالفه من غير استيكر ..

او تصوير في الجوال هالشيء دارج ..

يا النهار عبدي يسلم عليك ويقولك مر عليه
ولا توقف عيل على جمب مطعهم لانه عليه مخالفه وهذا طريق عام ومافي خطوط تجبرك انك توقف ..

ها وش قلت لو وقفت ونزلت تاكل وجيت حصلت استيكر


مخالفه بـ 500 ريال

واكلك من عبدي ما تجاوز 15 ريال


هاهاي

جلطه في نص الكبده

[عثرة جواد]

السلام عليكم

ذكرتني من فتره كنت امشي ف الولوة

الاجاني مسج تسجيل مخالفة ..من دون سبب لاسرع والا وقوف خطاء

والا شي

قلت يمكن امنعو الدخول وانا مش منتبهه ...


عساك ع القوة

[شبح الصمت]

السلام عليكم

ذكرتني من فتره كنت امشي ف الولوة

الاجاني مسج تسجيل مخالفة ..من دون سبب لاسرع والا وقوف خطاء

والا شي

قلت يمكن امنعو الدخول وانا مش منتبهه ...


عساك ع القوة



وعليكم السلام ورحمة الله وبركاته ..

ممكن نعرف شلي سويتيه يا عثرة

دفعتي المخالفه والا راجعتي سبب المخالفه ايش كان ..

[مختلف جداََ]

صباح الخير

الأفضل تتسلم المخالفة باليد

محدثكم

من قلب دوار مدماك :nice:

[شبح الصمت]

صباح الخير

الأفضل تتسلم المخالفة باليد

محدثكم

من قلب دوار مدماك :nice:



الله يحفظك يا مختلف ..

[مختلف جداََ]

الله يحفظك يا مختلف ..





وياك مسيو شبح

[حرف]

الحين الكاميرات اتوقع ركبووا على جوانب الطرق يا حرف ..
وانا معاك انه شيء يرفع الضغط انه شخص يتجاوزني من اليمين او يدخل علي ..

يمكن هالشيء ينرفزني لكن في نفس الوقت انا ما اعرف هالانسان وش ظرفه احسن النيه .

وان فتحت لشخص واحد مفروض افتح للي وراه

انا ما احب هالحركة كلش واحاول قد ما اقدر اني ما اسويها
لكن بعض الاحيان تحترم الطريق وتمشي بنظام في ناس ما تعطيك مجال تحاول انك تزرق موترك اشوي
ليس عناد ولكن احتراما لي ضارب اشارة وما حبيت ادخل الا بعد اذنك عطني مجال الشيخ ادخل

والله يجزاك خير

يتذكر الواحد قبل يطلع يدعي دعاء الركوب ويربط حزامه ويحذف الجوال على جنب ويحترم القوانين والله الحافظ
صحيح بعض القوانين تحتاج الى اعادة نظر بس مانقدر انعارض دفع مخالفات لقوانين موجودة حتى لو كانت محتاجة لاعادة نظر
الله يحفظ الجميع ويسهل الامور

[شبح الصمت]

يتذكر الواحد قبل يطلع يدعي دعاء الركوب ويربط حزامه ويحذف الجوال على جنب ويحترم القوانين والله الحافظ
صحيح بعض القوانين تحتاج الى اعادة نظر بس مانقدر انعارض دفع مخالفات لقوانين موجودة حتى لو كانت محتاجة لاعادة نظر
الله يحفظ الجميع ويسهل الامور



الحمد لله نقوله ونربط الحزام ونتوكل على الله
نوصل عيالنا
ونروح دواماتنا ياخوي ..

وهذه مب حجه ياخوي هذا مطلب صار صار ما صار ..
قلت لك وعيد وكرر راح ادفع وانا اضحك لاني انا في حاجتهم ..

محد راح يخالف قلت لك قوانين عليا ..

بس نتمنى اعادة النظر في المخالفات من غير دليل
كصورة
استيكر ..

حرف علي مخالفات انا وثلاثة من ربعي اش رايك تدفعها عنا ياخوي دامك كله مخالفات وراء بعض ..

:shy:

[حرف]

الحمد لله نقوله ونربط الحزام ونتوكل على الله
نوصل عيالنا
ونروح دواماتنا ياخوي ..

وهذه مب حجه ياخوي هذا مطلب صار صار ما صار ..
قلت لك وعيد وكرر راح ادفع وانا اضحك لاني انا في حاجتهم ..

محد راح يخالف قلت لك قوانين عليا ..

بس نتمنى اعادة النظر في المخالفات من غير دليل
كصورة
استيكر ..

حرف علي مخالفات انا وثلاثة من ربعي اش رايك تدفعها عنا ياخوي دامك كله مخالفات وراء بعض ..

:shy:

الحمدلله ماعندي اي مخالفه لانه ماهمني تعتفس الغترة وانا رايح الدوام اهم شي احترم قوانين وضعتها جهه حكومية لازم نحترمها

[شبح الصمت]

شلون تقولين مو تشكيك في النزاهه بعدها تقولين مزاجية ! مافهمت



اخوي
انا اكثر عضو مخالف لقوانين المرور
ولكن خلاص عليك مخالفه لازم تدفعها
اعتقد كلامك ( لن ادفعها ) مخالف جداً لقوانين الدوله وانظمتها لذا اتمنى ان تتراجع وان تطالب بحذف موضوعك الي ربما يحسب عليك


الحمدلله ماعندي اي مخالفه لانه ماهمني تعتفس الغترة وانا رايح الدوام اهم شي احترم قوانين وضعتها جهه حكومية لازم نحترمها



ياخوي اشفيك تنسى الي تكتبه والا شالسالفه !!

وكلنا نحترم القوانين

هاهاهي

الله يعينك يا حرف شكله من الكبر ياخوي ..

[ام اصائل]

يعطيك العافية على الكلام الطيب
انا معاك اخوي وبالقوة
ماراح تصدق ان عطوني مخالفة في شهر 6 مرات
نفس الشهر
مااعرف ايش اسوي فيهم
لن ادفع مخالفة خلاص تعبت منهم

[حرف]

ياخوي اشفيك تنسى الي تكتبه والا شالسالفه !!

وكلنا نحترم القوانين

هاهاهي

الله يعينك يا حرف شكله من الكبر ياخوي ..


ياخوي انا ما اقصد اني اخالف قوانين المرور انا اقصد اني معترض على بعض القوانين اتمنى فهمت

[شبح الصمت]

يعطيك العافية على الكلام الطيب
انا معاك اخوي وبالقوة
ماراح تصدق ان عطوني مخالفة في شهر 6 مرات
نفس الشهر
مااعرف ايش اسوي فيهم
لن ادفع مخالفة خلاص تعبت منهم



يعافيج ام اصائل ..

6 في شهر ..
انا سبب نفسي بنفسي

بس شفتي اشلون الحاله يوم ما تعرفين متى واشلون
عكس انه مخالفه يوم تروحين تشوفينها تصوير ما تقدرين تحاججين احد والا تكلمين

خلاص شيء سويته خلاص ارضى فيه ..
الله يعينج يا ام اصائل

[شبح الصمت]

ياخوي انا ما اقصد اني اخالف قوانين المرور انا اقصد اني معترض على بعض القوانين اتمنى فهمت



لا للاسف ما فهمت اشلون مخالف وملتزم في نفس الوقت ..

اشرح لي ترى فهمي على قدي يا حرف ..

لاجل استوعب اكثر وافهم بارك الله فيك

ومعترض على بعض القوانين
وطالبني اني احذف موضوعي لانه بيدخلني في مسائلة الي فهمته منك ..!!!

[حرف]

لا للاسف ما فهمت اشلون مخالف وملتزم في نفس الوقت ..

اشرح لي ترى فهمي على قدي يا حرف ..

لاجل استوعب اكثر وافهم بارك الله فيك

بعطيك مثال انا مخالف بعدم سجن المخالفين لبعض القوانين مثل الاستعراض والتلاعب والاكتفاء بحجز المركبة ودفع مخالفة مالية فقط وانا اشوف هالقانون محتاج الى اعادة نظر
اما اني مثلاً تجيني مخالفه على احد السيارات الي بأسمة بمخالفه تلاعب واقول لا موب دافع مايصير هذا قانون وموجود لازم احترمه

[شبح الصمت]

بعطيك مثال انا مخالف بعدم سجن المخالفين لبعض القوانين مثل الاستعراض والتلاعب والاكتفاء بحجز المركبة ودفع مخالفة مالية فقط وانا اشوف هالقانون محتاج الى اعادة نظر
اما اني مثلاً تجيني مخالفه على احد السيارات الي بأسمة بمخالفه تلاعب واقول لا موب دافع مايصير هذا قانون وموجود لازم احترمه



اخوي انا ما تكلمت عن الاستعراض

لا تحور موضوعي ودخلنا في موضوع آخر
لو سمحت

والا صدقني ادش لك من الشاشه ازنط لك
هاهاي

:shy:

موضوعي واضح كان عن المخالفات العاديه
حزام امان
والهاتف

وتسجيل بدون اعطاء ما يثبت اني مخالف ..

لا ادخلني يالغالي في الاستعراضات لانهم اخطر من الي نتكلم عنهم بعض الاحيان ..

شكلك مب انت وانت يوووعان ..

[ولد الرياان]

المرور مشكلتهم معا لاندكرزور والنيسان بترول لاشاف وحده من السيارتين هذي شغل الزووووم

قبل كم شهر وانا رايح الدوام تجيني مخالفة حزام واليوم الثاني حزام وجوال واليوم الثالث جوال في معيذر شارع ام الدوم
المهم جاني فضول وين هذا الشرطي لي يخالفني وينه وخبركم يلعب معاي لعبة خشيشة وين منخش وفي الاخير حصلته سيارة مدنية مخفي كامل حتى الزجاج الامامي موقف قدام وقت الشاي يتقهوى وطايح في الناس هذا الشي ماهو بحرام اولاً سيارته مخالفة ومخفي كامل لتبعيد الظن من انها سيارة حكومة لا ويغير بعد ومن بعدها كل مامر عليه اطق له هرن ارويه الحزام ويدي مافيها جوال واسبوع على هذا الحال لين اختفى هههههههههه وعلى فكرة الدورية يكون فيها اثنين واحد محرر المخالفة والثاني شاهد يعني انسى
وطايح في الناس

[حرف]

اخوي انا ما تكلمت عن الاستعراض

لا تحور موضوعي ودخلنا في موضوع آخر
لو سمحت

والا صدقني ادش لك من الشاشه ازنط لك
هاهاي

:shy:

موضوعي واضح كان عن المخالفات العاديه
حزام امان
والهاتف

وتسجيل بدون اعطاء ما يثبت اني مخالف ..

لا ادخلني يالغالي في الاستعراضات لانهم اخطر من الي نتكلم عنهم بعض الاحيان ..

شكلك مب انت وانت يوووعان ..

ياخوي انا معطيك مثال مثل ماطلبت وعادي هذا انت حورت الموضوع يوم قلت لي اذا عندك فلوس زيادة ادفع
عموماً انا منصح لك وابي لك الخير ومابي تجيك مشاكل قانونية وتدمت بود

[شبح الصمت]

ياخوي انا معطيك مثال مثل ماطلبت وعادي هذا انت حورت الموضوع يوم قلت لي اذا عندك فلوس زيادة ادفع
عموماً انا منصح لك وابي لك الخير ومابي تجيك مشاكل قانونية وتدمت بود



حياك الله يالغالي
ومناقشه عامه ياخوي ..

والموضوع موضوعك يا حرف قول الي في خاطرك بس في صلب الموضوع

والله يسهل لك امورك يا حرف وان شاء الله نصير انا وانت من الناس الملتزمين وننصح غيرنا من الشباب يلتزمون ..


شكراً حرف ..

[غير البشر]

المرور مشكلتهم معا لاندكرزور والنيسان بترول لاشاف وحده من السيارتين هذي شغل الزووووم



غير العلامه حط علامه التيما راح تمشي الامور :rolleyes2:

[غير البشر]

السموحة على تغيير الموضوع شوي
بس أنا متوهقة بستيكر حطوه لي عشان أدش شاليهات جراند حياة على جامة السيارة .. ييت بشيله ما ينشال
شلون أشيله ؟؟


ادري ان صعب وقوي
ودي اسألهم عن السوبر قلو حق بيبات الحمام مكرم السامع

الطريقه شوفي حطي ماي على المكان وحكيه بقطعه بلاستيك نفس الي يستخدمونها حق المخفي

[مختلف جداََ]

ادري ان صعب وقوي
ودي اسألهم عن السوبر قلو حق بيبات الحمام مكرم السامع

الطريقه شوفي حطي ماي على المكان وحكيه بقطعه بلاستيك نفس الي يستخدمونها حق المخفي

من صجكم
لا تبلشون مشرفتنا

اخذي مني ، أقرب محل زينة سيارات بيشلونه وانتي تشربين كرك

[شبح الصمت]

المرور مشكلتهم معا لاندكرزور والنيسان بترول لاشاف وحده من السيارتين هذي شغل الزووووم

قبل كم شهر وانا رايح الدوام تجيني مخالفة حزام واليوم الثاني حزام وجوال واليوم الثالث جوال في معيذر شارع ام الدوم
المهم جاني فضول وين هذا الشرطي لي يخالفني وينه وخبركم يلعب معاي لعبة خشيشة وين منخش وفي الاخير حصلته سيارة مدنية مخفي كامل حتى الزجاج الامامي موقف قدام وقت الشاي يتقهوى وطايح في الناس هذا الشي ماهو بحرام اولاً سيارته مخالفة ومخفي كامل لتبعيد الظن من انها سيارة حكومة لا ويغير بعد ومن بعدها كل مامر عليه اطق له هرن ارويه الحزام ويدي مافيها جوال واسبوع على هذا الحال لين اختفى هههههههههه وعلى فكرة الدورية يكون فيها اثنين واحد محرر المخالفة والثاني شاهد يعني انسى
وطايح في الناس


اشلون واقف ويعطيك العالم مخالفات !!

اش سويت عقب

[مختلف جداََ]

انزين اقتراح

ليش ما يطرشون المسج بعد المخالفة بخمس دقايق .
ساعتها محد بينكر وبيكون الشخص عارف انه خالف أو لا.

[شبح الصمت]

انزين اقتراح

ليش ما يطرشون المسج بعد المخالفة بخمس دقايق .
ساعتها محد بينكر وبيكون الشخص عارف انه خالف أو لا.


صحيح بس ما يمديه ياخي يسجل المخالفه في الجهاز ..
ويمكن يدق رقم بالغلط


الاسرع على ورقة وعقب ينزل الارقام في دفتر المخالفات ..

لانه لو قعدت يطقط على الجهاز يمكن ما يصيد وايد

فرق انه يسجل في ورقه اسرع اسرع

[ولد الرياان]

اشلون واقف ويعطيك العالم مخالفات !!

اش سويت عقب

ماسويت شي صرت كل يوم امر عليه وطق له هرن ورويه الحزام

رحت المرور ابي اقابل اللجنة المخالفات قالو لي استمارة جديدة ومانقدر اندخل مخالقاتك عليهم الا قبل تنتهي الاستمارة بشهر

والله يعينا اذا مانزلوها ندفعها حكومة واش نقول

[الحياة الخالدة]

ادري ان صعب وقوي
ودي اسألهم عن السوبر قلو حق بيبات الحمام مكرم السامع

الطريقه شوفي حطي ماي على المكان وحكيه بقطعه بلاستيك نفس الي يستخدمونها حق المخفي


من صجكم
لا تبلشون مشرفتنا

اخذي مني ، أقرب محل زينة سيارات بيشلونه وانتي تشربين كرك

ههههههههه
غير البشر يزاك الله خير وين أروح أدور قطعة البلاستيك

شفت شلون يا مختلف ..لا و أول واحد الله يسامحه يحب لي الخير وايد يبيني أحرق سيارتي و احترق معاها ( أحب لأخيك ما تحب لنفسك )

مافي إلا أقردن واحد من إخواني يوديها محل الزينة و أعطيه فلوس الكرك بعد

[شبح الصمت]

ماسويت شي صرت كل يوم امر عليه وطق له هرن ورويه الحزام

رحت المرور ابي اقابل اللجنة المخالفات قالو لي استمارة جديدة ومانقدر اندخل مخالقاتك عليهم الا قبل تنتهي الاستمارة بشهر

والله يعينا اذا مانزلوها ندفعها حكومة واش نقول



الله يعينك ياخوي ..

وجزاته هالشخص عند رب العالمين
قول
حسبي الله ونعم الوكيل ..

[توشيبا]

السلاك عليكم ورحمه الله وبركاته


استغرب جدا جدا من وضع مخالفات ربط الحزام داخل الدوحه

اولا الشارع طوله مايجي نص كيلو + ردار ثابت وردار متحرك والسرعه متجاوز 80

من غير التحويلات والزحمه المروريه

لو تطلع من الريان الى راس بو عبود الساعه سبع صباح سرعتك ماتجاوز 60 وكثرت الوقوف والدليل على هذا تاخذ اكثر من ساعتين لين توصل المكان


تفرق رجل المرور لمخالفه ربط حزام الامان وترك المخالفات الاكثر اهميه مثل تجاوز من اليمين وطلعو فوق الرصيف ودخول الشاحنات في اوقات غير مخصص لها وتزاحمها معنا قدام رجل المرور المخصص فقط فقط لمخالفه ربط الحزام

[غير البشر]

ههههههههه
غير البشر يزاك الله خير وين أروح أدور قطعة البلاستيك

شفت شلون يا مختلف ..لا و أول واحد الله يسامحه يحب لي الخير وايد يبيني أحرق سيارتي و احترق معاها ( أحب لأخيك ما تحب لنفسك )

مافي إلا أقردن واحد من إخواني يوديها محل الزينة و أعطيه فلوس الكرك بعد



ههههه عادي انا والله حاكه بمفتاح :secret:

[شبح الصمت]

ههههههههه
غير البشر يزاك الله خير وين أروح أدور قطعة البلاستيك

شفت شلون يا مختلف ..لا و أول واحد الله يسامحه يحب لي الخير وايد يبيني أحرق سيارتي و احترق معاها ( أحب لأخيك ما تحب لنفسك )

مافي إلا أقردن واحد من إخواني يوديها محل الزينة و أعطيه فلوس الكرك بعد



الحياه صبي ماي حار على اللزقه لين تذوب ..

وعقب نظفي المكان بالمعقم مال اليد الديتول تمي رشيء عليها وافركي ..

وراح يروح

او نفس ما قال مختلف محالات الزينه او محل بوليش احسن لج بيشله لج وعطيه 20 ريال

[شبح الصمت]

السلاك عليكم ورحمه الله وبركاته


استغرب جدا جدا من وضع مخالفات ربط الحزام داخل الدوحه

اولا الشارع طوله مايجي نص كيلو + ردار ثابت وردار متحرك والسرعه متجاوز 80

من غير التحويلات والزحمه المروريه

لو تطلع من الريان الى راس بو عبود الساعه سبع صباح سرعتك ماتجاوز 60 وكثرت الوقوف والدليل على هذا تاخذ اكثر من ساعتين لين توصل المكان


تفرق رجل المرور لمخالفه ربط حزام الامان وترك المخالفات الاكثر اهميه مثل تجاوز من اليمين وطلعو فوق الرصيف ودخول الشاحنات في اوقات غير مخصص لها وتزاحمها معنا قدام رجل المرور المخصص فقط فقط لمخالفه ربط الحزام


الله يعين ياخوي ..
شوف شوارع كثيرة تصير فيها الزحمة ويوم توصل الدوار تحصل واحد ماسك دفتره وقاعد يسجل ومعتمد اعتماد كلي على اشارات الدواوير ..

[عثرة جواد]

وعليكم السلام ورحمة الله وبركاته ..

ممكن نعرف شلي سويتيه يا عثرة

دفعتي المخالفه والا راجعتي سبب المخالفه ايش كان ..

ااي راجعت ويوم سالت عن المخالفة ضحك الضابط

وقال حتى المسمى مافهمت ...

كلام طويل والي فهمناه تعرض للخطر وصعود الى الاعلى

هههههههههههه

المهم انشالت المخالفة

[شبح الصمت]

ااي راجعت ويوم سالت عن المخالفة ضحك الضابط

وقال حتى المسمى مافهمت ...

كلام طويل والي فهمناه تعرض للخطر وصعود الى الاعلى

هههههههههههه

المهم انشالت المخالفة



يمكن كان يقصدون سواقه برعونه وتعرض الاخرين للخطر ..

المهم انشلت عليج والحمد لله

[توشيبا]

الحياه اقرب محل زينه سيارات وانتي في سيارتج قولي شيلها

واذا مب مركبه عازل او تغيم في الجامه موس من الدكان وحكيه


جاتني مره مخالفه وانا واقف في ساحه بر مب مخططه ولا فيه اي علامات او اشارات تنبهيه

رحت المرور سويت لهم فلم اكشن صارو يبغون الفكه مني عشان ماعرف اسم الشرطي اللي عطاني المخالفه في هالمكان

[مختلف جداََ]

الحياه صبي ماي حار على اللزقه لين تذوب ..

وعقب نظفي المكان بالمعقم مال اليد الديتول تمي رشيء عليها وافركي ..

وراح يروح

او نفس ما قال مختلف محالات الزينه او محل بوليش احسن لج بيشله لج وعطيه 20 ريال


عشرة ريال و يحب يده مقلوبة

[السيف5]

السموحة على تغيير الموضوع شوي
بس أنا متوهقة بستيكر حطوه لي عشان أدش شاليهات جراند حياة على جامة السيارة .. ييت بشيله ما ينشال
شلون أشيله ؟؟

صادني من زمان بستكر دعاية لوقود وتوهقت فيه
صعب شيله مريت فيه على كذا مغسلة وفي الاخير
قالي واحد روح البيت سخن ماي حار وصب عليه يلين وعقب حكه
وفعلا نجحت الطريقة

[السيف5]

اخوي مرة صكوني المرور مخالفة عدم التقيد بالعلامات الارضية
عند دوار المناصير ومعروف كان في شرطي بذاك الوقت قريب المغرب
يقعد المغرب ويشخط له كم دفتر...المهم عطاني المخالفة تقريبا على السبع مساء
وهو وقت دخولي من مركز بوسمره والله لو اطير مااوصل اشارة المناصير الا بساعة على الاقل

المهم رحت المرور وكلمت الضابط المسئوول وقلت وتفهم وألغى المخالفة
وقال تحصل خطا بشري ...يعني أنا لو ماكنت توني داخل من مركز بوسمرة
كان ماعندي اثبات

[الحياة الخالدة]

يزاكم الله خير .. بجرب طريقة الماي الحار أول شي . . بدال ما اخسر عشر أو عشرين ريال :nice:

[مختلف جداََ]

يزاكم الله خير .. بجرب طريقة الماي الحار أول شي . . بدال ما اخسر عشر أو عشرين ريال :nice:


وبدال ما تخسرين كرك بعد :anger1:

[عثرة جواد]

يمكن كان يقصدون سواقه برعونه وتعرض الاخرين للخطر ..

المهم انشلت عليج والحمد لله

ااي رعونة الله يسلمك امشي بكل هدواء

[شبح الصمت]

اخوي مرة صكوني المرور مخالفة عدم التقيد بالعلامات الارضية
عند دوار المناصير ومعروف كان في شرطي بذاك الوقت قريب المغرب
يقعد المغرب ويشخط له كم دفتر...المهم عطاني المخالفة تقريبا على السبع مساء
وهو وقت دخولي من مركز بوسمره والله لو اطير مااوصل اشارة المناصير الا بساعة على الاقل

المهم رحت المرور وكلمت الضابط المسئوول وقلت وتفهم وألغى المخالفة
وقال تحصل خطا بشري ...يعني أنا لو ماكنت توني داخل من مركز بوسمرة
كان ماعندي اثبات




يشهد الله وكلمة حق تنقال انهم متفهمين من بوسعد الله يحفظه وهالانسان اكن له كل احترام
وشخص سلس فالتعامل وفي بشاشة الوجه وما يرد احد للامانة

ومكتبه مفتوح والله يعينه ..


بس الي نتمناه انه مخالفة سجل الرقم في ورقه وعقب نزلها وما تدري من العجله الرقم صح والا خطا

انه يخففون منها وتختفي وتكون مخالفه نفس الدول الي برى اوقفك وعطيك مخالفتك في يدك ..

[شبح الصمت]

ااي رعونة الله يسلمك امشي بكل هدواء



الحمد لله جات سليمه عيل يا عثرة ..

[المحاميه]

ماعتقد حد بيتبلى عليك
الا اذا سجلها بالغلط

بس اكيد انت مخالف ولا ليش بيقولون عليك كذا وكذا؟

[المحاميه]

الحياه صبي ماي حار على اللزقه لين تذوب ..

وعقب نظفي المكان بالمعقم مال اليد الديتول تمي رشيء عليها وافركي ..

وراح يروح

او نفس ما قال مختلف محالات الزينه او محل بوليش احسن لج بيشله لج وعطيه 20 ريال

وديها المحل احسن من عوار الراس

[شبح الصمت]

ماعتقد حد بيتبلى عليك
الا اذا سجلها بالغلط

بس اكيد انت مخالف ولا ليش بيقولون عليك كذا وكذا؟



صحيح

الي واثق من نفسه ما راح ينزل موضوع تقصدين هالكلام صح ..

انا اكلمج عن نظرة عامه

من الاحسن اني اخالف شخص واعطيه الاستيكر في وقتها والا تجيك مخالفه بعد اسبوع والا اسبوعين وانتي ناسيه شلي صار ..
وتدخلين في تفكير وترجعين الذاكره للخلف عشان تقدرين توصلين للوقت الي خالفتي فيه ..


انتي تسوقين
والا لا ..

سؤال سريع فقط

[شبح الصمت]

وديها المحل احسن من عوار الراس


واشفيها اذا جربت الشيء بنفسها

ترى التجربه جميلة ..

يوم تجرب شيء جديد وتنجزه
اهي مب خسرانه شيء ماي حار

بس وتبتعد عنه وتصبه على الاستيكر .

وخلاص

[ya3coub]

السلام عليكم ورحمة الله وبركاته ..


الموضوع عن المخالفات المرورية ولا اقصد فيها مخالفة الرادار لانها واضحه وضوح الشمس ولا نستطيع التهرب منها ..


ولكن المخالفات من دون تصوير او اعطائك استيكر ..


تم تسجيل مخالفة مرورية ..

ربط حزام امان
التحدث بالهاتف

أياً كانت من المخالفات التي ترصد من قبل رجل المرور ومن غير تحرير استيكر مخالفة !!!



هل من قانون يجرمني اني ادفع هالمخالفة



صراحة انا ما راح ادفع مخالفه انا مدري متى جاتني والا اعرف وما اتذكر من عطيت موتري في اليوم الفلاني

الواحد ما يعرف شلي يسويه من اسبوع نبي نتذكر وين كنا وش سوينا !!


اتمنى انه يتم اعادة النظر في وضع العساكر الي يسجلون المخالفة


اخبر في سنه من السنين ما كنت رابط حزام الامان
وكان واقف على الدوار العميد سريع الكعبي ..

جاني واقف قدام موتري سجل لي المخالفة وهو ماسك دفتره وفتحت الجامه وعطاني المخالفة وحركت


الحين بس خل الزحمة وقعد سجل المخالفات تصيد حق العالم ..


وشكراً يا ادارة المرور ..


لن ادفع مخالفة من غير تحرير مخالفة مروريه تثبت اني على خطا
او تصوير فيديو

توني دافعهم من اسبوعين + طلب السيارة للحجز و تجاوز من اليمين و تعبت معاهم لا من ضباط ولا من موظفين ولا من ادارة و ايميلات و يجيك الرد من الدوريات بأن المخالفه صحيحة هاي طبعا بعد ايميلات رسمية معاهم على

TRAFFIC@MOI.GOC.QA

مهما تحاول اذا ما عدك شخص تعرفه معرفه شخصية عندهم بيدفعونك اياها و لأن اول مرة بيطيح عنك طلب السيارة للحجز و توقع تعهد و انت مو غلطان هاي الشي سجلت شكلت الشرطي و الوقت تحديدا عندي بالنوته لأنه شفته يكتب رقم سيارتي علباله اني متجاوز يمين اي سيارة يشوفها تروح يمين و ترجع يسار يسجل رقمها علطول.

طيب يا اخي "زرقاء اليميامط" من نقطه وقوفك ليس بامكانك انك تعرف مسافة السيارة ولو تقديريا و بنائا عليه انت ما تعرف اذا اهو تجاز قاطعها الخط النمتصل او غير مسارة "بالخطوط المتقطعه المسموحة" و رجع غير راية.


سجلت اعتراض و طرشولي بمطراش بانه تم تسجيل الإعتراض و الرد خلال يومين و مرت فوق الــ3 ايام و صار التواصل معاهم بالإيميل الرسمي لأن التلفون محد بيعطيكم شي

و بعد ما جا رد الإيميل للأسف رحت نزلو الطلب بعد ما كلمت احد الظباط الي اعرفه معرفه شخصية وانا موب راضي بهالطريقة
طيحو الطلب و خلوني ادفع المخالفات كلها الصحيحة و الي غلط لأن رد الدوريات كان بأن المخالفة صحيحة !!!!

الحين في كيمرات cctv منتشرة صارلها شهى و نص باغلب شوارع الدوحة و الرئيسية الخارجية طلبت انه يستخدمونهم.

الشرطي مصدق على اسا انه باقي المتضررين يكذبون ؟!!

[ya3coub]

انا مع الأيستكر و المخالفات السابقة.

بس توفيرا للوقت و التعطيل حسب كلامهم فقط تسجيل ارقام و امش

اكثر مخالفه ما فهمتها الخطوط البيضاء

طيب وين و اشلون و متى و على اي اساس اذا انا متأكد انه مافي شرطي و ما اتذكر اني سويت شي غلط هالتحريات او الشرطي او الخ الي خالفني لازم يبلغني او يأشرلي بأنه بيخالفني و اخذ رقم السيارة ابسطها.


للأسف بهالطريقه يرجع المفهوم الخاطئ السابق بأن ادارة المرور ادارة ربحية و همها التجميع أكثر من التوعية.


اخبر اصحاب الدراجات الدوريات يمرون بين السيارات على 22 فبراير و يأشرون لقائدي المركبات بان يحطون حزامهم. و كان الأغلب علطول يسلم عالشرطي و يحط الحزام.

[الحياة الخالدة]

واشفيها اذا جربت الشيء بنفسها

ترى التجربه جميلة ..

يوم تجرب شيء جديد وتنجزه
اهي مب خسرانه شيء ماي حار

بس وتبتعد عنه وتصبه على الاستيكر .

وخلاص

زين ما بتتلعوز السيارة من داخل ؟؟ أو بتتأثر من الماي الحار ؟؟
والا أحط فوط في كل مكان والا شالدبرة :shy:

[شبح الصمت]

توني دافعهم من اسبوعين + طلب السيارة للحجز و تجاوز من اليمين و تعبت معاهم لا من ضباط ولا من موظفين ولا من ادارة و ايميلات و يجيك الرد من الدوريات بأن المخالفه صحيحة هاي طبعا بعد ايميلات رسمية معاهم على

TRAFFIC@MOI.GOC.QA

مهما تحاول اذا ما عدك شخص تعرفه معرفه شخصية عندهم بيدفعونك اياها و لأن اول مرة بيطيح عنك طلب السيارة للحجز و توقع تعهد و انت مو غلطان هاي الشي سجلت شكلت الشرطي و الوقت تحديدا عندي بالنوته لأنه شفته يكتب رقم سيارتي علباله اني متجاوز يمين اي سيارة يشوفها تروح يمين و ترجع يسار يسجل رقمها علطول.

طيب يا اخي "زرقاء اليميامط" من نقطه وقوفك ليس بامكانك انك تعرف مسافة السيارة ولو تقديريا و بنائا عليه انت ما تعرف اذا اهو تجاز قاطعها الخط النمتصل او غير مسارة "بالخطوط المتقطعه المسموحة" و رجع غير راية.


سجلت اعتراض و طرشولي بمطراش بانه تم تسجيل الإعتراض و الرد خلال يومين و مرت فوق الــ3 ايام و صار التواصل معاهم بالإيميل الرسمي لأن التلفون محد بيعطيكم شي

و بعد ما جا رد الإيميل للأسف رحت نزلو الطلب بعد ما كلمت احد الظباط الي اعرفه معرفه شخصية وانا موب راضي بهالطريقة
طيحو الطلب و خلوني ادفع المخالفات كلها الصحيحة و الي غلط لأن رد الدوريات كان بأن المخالفة صحيحة !!!!

الحين في كيمرات cctv منتشرة صارلها شهى و نص باغلب شوارع الدوحة و الرئيسية الخارجية طلبت انه يستخدمونهم.

الشرطي مصدق على اسا انه باقي المتضررين يكذبون ؟!!



شفت اشلون

انت تعنيت بس بخصوص الحجز صح

لو مب الحجز يمكن كنت دفعت وريحت راسك ..


اما عن الكاميرات فهي موجودة وما لنا حجه انه احنا نقول لا مهب غلطانين ..
بس كلنا نعرف انها لمراقبة امن الشوارع والحوادث الي تصير

اما المخالفات ما اتوقع انها تقدر تغطي كم المخالفات والتجاوزات من اليمين وتمسك التلفون وربط حزام الامان ..

الله يقويهم ويعطيهم الصحة والعافيه ..
وحنا مع القانون قلباً وقالبا ولا احنا بضده

لكن عندها بعض النقاط نتمنى انه ينظرون لها وهي مخالفتي وانا مدري ..

هوبا

شك بك

تفتح الرسائل الا مخالفه ..
تقدر تحفرررررر دخل المخ لين تجد انك اها في ذاك اليوم كنت مب رابط الحزام ..

وبس

[الحياة الخالدة]

اممممممم
يمكن الحل إنك تحط كيمرا تصورك و انت في سيارتك
عشان لو تسجلت عليك مخالفة في يوم من الأيام .. تروح تشوف التصوير بهالتاريخ .. و ما يحتاي تعصر مخك عشان تتذكر

شرايكم بالاقتراح ؟؟

[شبح الصمت]

انا مع الأيستكر و المخالفات السابقة.

بس توفيرا للوقت و التعطيل حسب كلامهم فقط تسجيل ارقام و امش

اكثر مخالفه ما فهمتها الخطوط البيضاء

طيب وين و اشلون و متى و على اي اساس اذا انا متأكد انه مافي شرطي و ما اتذكر اني سويت شي غلط هالتحريات او الشرطي او الخ الي خالفني لازم يبلغني او يأشرلي بأنه بيخالفني و اخذ رقم السيارة ابسطها.


للأسف بهالطريقه يرجع المفهوم الخاطئ السابق بأن ادارة المرور ادارة ربحية و همها التجميع أكثر من التوعية.


اخبر اصحاب الدراجات الدوريات يمرون بين السيارات على 22 فبراير و يأشرون لقائدي المركبات بان يحطون حزامهم. و كان الأغلب علطول يسلم عالشرطي و يحط الحزام.



صحيح ياخوي ..

ادارة المرور ادارة توعوية ومش ربحية ..


ونفس ما تفضلت توعيني وتخليني انشر الوعي

وابلغ العالم انه في مخالفات وترى كل شيء سهل الحين بتصير حملة ترسل وتس اب انتبهوو ترى في حمله في هالمكان الفلاني على الحزام او الجوال .

او الرادار في هالمكان الفلاني ..

كانوا يطرشون بس مدري الحين الشباب اشفيهم اركدو

شكلهم خلاص خالف تستاهل الي يجيك

هاهاي

[المحاميه]

صحيح

الي واثق من نفسه ما راح ينزل موضوع تقصدين هالكلام صح ..

انا اكلمج عن نظرة عامه

من الاحسن اني اخالف شخص واعطيه الاستيكر في وقتها والا تجيك مخالفه بعد اسبوع والا اسبوعين وانتي ناسيه شلي صار ..
وتدخلين في تفكير وترجعين الذاكره للخلف عشان تقدرين توصلين للوقت الي خالفتي فيه ..


انتي تسوقين
والا لا ..

سؤال سريع فقط


تحليلك غلط
خطا ماقصد الكلام اللي كتبته انت

انا اقولك يعني من باب الواقع
اكيد انت او غيرك مخالف ولا جان ماوصلتك مخالفه
يعني مب رابط حزام وصادك وسجل عليك مخالفه
ليش بعدين تزعلون؟
الجزاء مقابل الخطأ ..

لا سلامتك ماسوق ...





واشفيها اذا جربت الشيء بنفسها

ترى التجربه جميلة ..

يوم تجرب شيء جديد وتنجزه
اهي مب خسرانه شيء ماي حار

بس وتبتعد عنه وتصبه على الاستيكر .

وخلاص


لا سالفه ويمكن ماتضبطه
عط الخباز خبزه يبه
اشلها بتلغلغ

[شبح الصمت]

اممممممم
يمكن الحل إنك تحط كيمرا تصورك و انت في سيارتك
عشان لو تسجلت عليك مخالفة في يوم من الأيام .. تروح تشوف التصوير بهالتاريخ .. و ما يحتاي تعصر مخك عشان تتذكر

شرايكم بالاقتراح ؟؟



سالفة الكاميرا بس مب شيء تصور كل شيء وانتي مع اهلج

عقب تضيع والا الممري يضيع

والا اهي فكرة طيبه ترى ..

وبخصوص سيارتك ما يصيدها شي لانه اللزقه من خارج السيارة ولا تحطين فوطه ولا شيء ..

بس بالغوري ووخري بعيد اشوي وصبي عليها لين تلين وعقب لو عندك موس صغير اشوي اشوي بس مب بالقووو تشمخين الجامه

تشلينه ..

[أم محمد 90]

هلا أخوي شبح ’

اتمنى الرقابة . وايد ناس لاعبين لعبتهم .

[شبح الصمت]

تحليلك غلط
خطا ماقصد الكلام اللي كتبته انت

انا اقولك يعني من باب الواقع
اكيد انت او غيرك مخالف ولا جان ماوصلتك مخالفه
يعني مب رابط حزام وصادك وسجل عليك مخالفه
ليش بعدين تزعلون؟
الجزاء مقابل الخطأ ..

لا سلامتك ماسوق ...






لا سالفه ويمكن ماتضبطه
عط الخباز خبزه يبه
اشلها بتلغلغ



يا بنت الناس لو انتي تسوقين وجاتك مخالفه بدون ما احد يوقفك ..

طبعاً غير الرادار

هل كنت راح تسكتين وتدفعينها والا بتقولين متى واشلون ..

سؤال لو واحد كل يوم في نفس المكان وكل يوم يسجل عليج مخالفات وانتي ما تشوفينه ..

شنهي راح تكون ردة فعلج .. !!!

[الحياة الخالدة]

سالفة الكاميرا بس مب شيء تصور كل شيء وانتي مع اهلج

عقب تضيع والا الممري يضيع

والا اهي فكرة طيبه ترى ..

وبخصوص سيارتك ما يصيدها شي لانه اللزقه من خارج السيارة ولا تحطين فوطه ولا شيء ..

بس بالغوري ووخري بعيد اشوي وصبي عليها لين تلين وعقب لو عندك موس صغير اشوي اشوي بس مب بالقووو تشمخين الجامه

تشلينه ..



اللزقة من داخل :weeping:

[مختلف جداََ]

اللزقة من داخل :weeping:


:funny::funny::funny:

[المحاميه]

يا بنت الناس لو انتي تسوقين وجاتك مخالفه بدون ما احد يوقفك ..

طبعاً غير الرادار

هل كنت راح تسكتين وتدفعينها والا بتقولين متى واشلون ..

سؤال لو واحد كل يوم في نفس المكان وكل يوم يسجل عليج مخالفات وانتي ما تشوفينه ..

شنهي راح تكون ردة فعلج .. !!!

ردت فعلي ياطويل العمر
بالبس الحزام
ومب ماسكه الفون
ومب متجاوزه من اليمين
ومب لافه على حد
الخ

اذا مب ملتزمه مالي حق اتكلم بادفع المخالفه وانا ساكته
لكن اذا ملتزمه وحد متبلي علي لا اهني كلام ثاني

[شبح الصمت]

ردت فعلي ياطويل العمر
بالبس الحزام
ومب ماسكه الفون
ومب متجاوزه من اليمين
ومب لافه على حد
الخ

اذا مب ملتزمه مالي حق اتكلم بادفع المخالفه وانا ساكته
لكن اذا ملتزمه وحد متبلي علي لا اهني كلام ثاني



اوكي بس انتي وبتحليلي لج اهنيه وجذيه شرارة

عيل لو تسوقين اتوقع بتركبين صدام حديد وبتدعمين العالم

:secret:

[المحاميه]

اوكي بس انتي وبتحليلي لج اهنيه وجذيه شرارة

عيل لو تسوقين اتوقع بتركبين صدام حديد وبتدعمين العالم

:secret:


هههه والله جايز
عشان جذي ماتسوى علي اسوق
واخذ ذنوبكم

[شبح الصمت]

هههه والله جايز
عشان جذي ماتسوى علي اسوق
واخذ ذنوبكم



شفتي اشلووون اعترفتي بنفسج

يعني لو تسوقين شيء ثاني ..

احسن لج لا تسوقين خلج وراء السياق احسن ..

تحممملي

[المحاميه]

^
ايه اعترفت لو سقت كلام ثاني
بس باتحمل مخالفاتي
مب اخالف واقول ليش ومتى
عرفت ياباشا :secret:

[شبح الصمت]

^
ايه اعترفت لو سقت كلام ثاني
بس باتحمل مخالفاتي
مب اخالف واقول ليش ومتى
عرفت ياباشا :secret:


صح يقولج

لا تبوق ولا تخاف ..

بحكم طبيعة عملج كمحاميه اذا انتي محامية صدق مب اسم مستعار ..

هل يحق لي اني ارفع تظلم على المخالفه بناءً على انها تسجلت من غير تحرير مخالفه في وقتها ..

ممكن تفيدينا

[المحاميه]

صح يقولج

لا تبوق ولا تخاف ..

بحكم طبيعة عملج كمحاميه اذا انتي محامية صدق مب اسم مستعار ..

هل يحق لي اني ارفع تظلم على المخالفه بناءً على انها تسجلت من غير تحرير مخالفه في وقتها ..

ممكن تفيدينا

نعم ممكن

[شبح الصمت]

نعم ممكن



انزين بيقولون لي لا هذه شغله وهو مصدق ..
واحنا مكلفينه

وانا كمتضرر ابي شيء اثبات يثبت لي اني خالفت

صورة
استيكر

شيء من هالاشياء لاجل اسكت وادفع

[بوخميس]

على ايام مخالفة الحزام كانت 100 ريــال، سويت حادث بسيط ورحنا المرور قالوا عليك مخالفة حزام ادفعها عشان نعطيك ورقة التصليح.

قلت لهم متى المخالفة ووين، قالوا لي في سوق واقف الساعة 7 الصبح!!

شيوديني سوق واقف وهالحزة، وسيارتي محد يسوقها غيري، انا متأكد 100% ان المخالفة خطأ، يمكن يكون رقم خاص يشبه رقم موتري. لكن دفعت شاسوي

[شبح الصمت]

على ايام مخالفة الحزام كانت 100 ريــال، سويت حادث بسيط ورحنا المرور قالوا عليك مخالفة حزام ادفعها عشان نعطيك ورقة التصليح.

قلت لهم متى المخالفة ووين، قالوا لي في سوق واقف الساعة 7 الصبح!!

شيوديني سوق واقف وهالحزة، وسيارتي محد يسوقها غيري، انا متأكد 100% ان المخالفة خطأ، يمكن يكون رقم خاص يشبه رقم موتري. لكن دفعت شاسوي



بندفع ياخوي ما قلنا مهب دافعين ..

بس لصقها لي عطيني اياها فيس توفيس مع ابتسامة ..

جذيه اكون انا مرتاح نفسيا وانت نفسك تكون مرتاح انك ابتسمت لي وعطتني اياها فيس توفيس ..

والا اش رايك بوخميس
:shy:

[مختلف جداََ]

طيب
كيمرات المراقبة اللي في الشوارع
يسوون زوم على المخالف .

و أي واحد يعترض يخلونه يشوف الفيديو.

و خلاص

[شبح الصمت]

طيب
كيمرات المراقبة اللي في الشوارع
يسوون زوم على المخالف .

و أي واحد يعترض يخلونه يشوف الفيديو.

و خلاص



بس هل تتوقع لو الكاميرات خصصت لحزام الامان والتلفون

ياخي كم هائل اتوقع بيحصلوون

هاهاي

:secret:

[مختلف جداََ]

بس هل تتوقع لو الكاميرات خصصت لحزام الامان والتلفون

ياخي كم هائل اتوقع بيحصلوون

هاهاي

:secret:

صدقني لو يطبقون نظام الكيمرات في مخالفات الحزام

غير راعي السيكل يركب له حزام
ههههه

[بصمة قطرية]

بس هل تتوقع لو الكاميرات خصصت لحزام الامان والتلفون

ياخي كم هائل اتوقع بيحصلوون

هاهاي

:secret:

والله مشروع
بشتري كيمرة و بأجرها على المرور ..
و بطلبها بمواصفات خاصة
يعني لو تفر عينك يمين صورت عينك :)

[مختلف جداََ]

والله مشروع
بشتري كيمرة و بأجرها على المرور ..
و بطلبها بمواصفات خاصة
يعني لو تفر عينك يمين صورت عينك :)


ما يبون كيمرتج :omen2:عندهم كيمرات مدوره ؟

[السمسمه]

بخصوص الاعتراض على المخالفات يقدر اي شخص مواطن او مقيم يعترض على المخالفات ويصير فيها تحقيق على ذلك في المرور وانا شفت بعيني في ناس معترضين على مخالفات التي سجلت ،،،وانا من وجهة نظري البعض وليس الكل ماشي بدون حزام واستخدام الهاتف وحاط الياهل جدام بدون حزام ،،،،
وبخصوص رجل المرور يوقف المخالف ويخالفه ويعطيه الاستكر انا اشوف بالنسبه لي مضيعه للوقت لشخص المخالف يمكن رايح الطواري او رايح حق هله فيهم شي ،،،

[معماري قطري]

حسب معرفتي حطوا كاميرات على تقاطعات معينة العام في أمريكا .. تقاطعات إشارات وصادت ناس كثيرين متعدين الحمرا بعد تحولها من الأصفر .. واشتكوا الكثيرين وتم الغاء جميع المخالفات واعتماد التصوير للتجاوز المقصود وأثناء الحوادث لتحديد من المخطيء .. الناس ناقشوا الوضع بالقانون حيث كان قبل اللي في التقاطع يكمل مروره .. وهذا وضع فيه تصوير.

أي مخالفة ثانية لازم يحررها الشرطي بعد ما يوقفك وممكن ينذرك ويسامحك حسب التكرار أو تقدير لبعض الظروف .. عندنا لعبة صراحة وجاتني مخالفتين وكنت خارج قطر وبسيارتي يوم رحت لهم طلبوا تاريخ خروج ودخول السيارة من الجمارك .. طلعت مخالفة بعد ما دخلت سيارتي بيومين وقالوا لازم تدفعها مع إني متأكد 100% إني ما رحت المكان اللي مكتوب إني مخالف فيه.

بعد السؤال والتحري عرفت إن فيه أشخاص في نظام كمبيوتر المرور يشيلون المخالفة من سيارة ويقطونها على سيارة.

[معماري قطري]

بخصوص الاعتراض على المخالفات يقدر اي شخص مواطن او مقيم يعترض على المخالفات ويصير فيها تحقيق على ذلك في المرور وانا شفت بعيني في ناس معترضين على مخالفات التي سجلت ،،،وانا من وجهة نظري البعض وليس الكل ماشي بدون حزام واستخدام الهاتف وحاط الياهل جدام بدون حزام ،،،،
وبخصوص رجل المرور يوقف المخالف ويخالفه ويعطيه الاستكر انا اشوف بالنسبه لي مضيعه للوقت لشخص المخالف يمكن رايح الطواري او رايح حق هله فيهم شي ،،،

نظام عالمي وقانون عالمي وقفه وخالفه حتى تكون المخالفة رادعة .. أما جمع فلوس ما ينفع

[qatara]

واين الدليل
نني لم اربط الحزام او اتحدث بالهاتف

اذا كان ضبط المخالفه في لحظتها نعم او دليل مصور

لاكن مخالفه بدون دليل عجبي

[A-Alansari]

والله كلامك صحيح

انا مره انطلب موتري للحجز

ويوم راجعت قالولي سرعه قلت لهم في صورة من الرادار؟

قالولي لا تحريات شافك

قلت له وشلون عرف اني مسرع وهو ماعنده رادار في سيارتة

قالي يقدر يعرف

قلت مب مشكله كم السرعه مسجله

قالي 170

هني ضحكت عقب قلت له من صجك يعني حاط سرعه وهو ماعنده رادار

قالي عادي يقدر يلحقك ويقدر السرعه

قلت له دام لحقني لين 170 ليش ماوقفني وعطاني مخالفه

قالي ماعرف شنو ظروفه يمكن جاله بلاغ او شي

قلت له زين الحين لو صايدني رادار بدفع مخالفه سرعه شحقه موتري يروح الحجز

قالي خلاص وده الحجز وبكره راجعنا صرفني ههههه

[نورث يورك]

انا مع تشديد المخالفات لحماية ارواح الناس... اما المخالفة من خلال كاميرات تبث صور حية للشوارع موجود في كل دول العالم وفعال جدا. الملتزم ما بياخذ مخالفه ولو اجت بالخطأ اعتبرها دعم لوطنك...

[شبح الصمت]

بخصوص الاعتراض على المخالفات يقدر اي شخص مواطن او مقيم يعترض على المخالفات ويصير فيها تحقيق على ذلك في المرور وانا شفت بعيني في ناس معترضين على مخالفات التي سجلت ،،،وانا من وجهة نظري البعض وليس الكل ماشي بدون حزام واستخدام الهاتف وحاط الياهل جدام بدون حزام ،،،،
وبخصوص رجل المرور يوقف المخالف ويخالفه ويعطيه الاستكر انا اشوف بالنسبه لي مضيعه للوقت لشخص المخالف يمكن رايح الطواري او رايح حق هله فيهم شي ،،،

ياخوي الي عنده ظرف طارئ ياخي بيضرب الدنجر وبيطير اتوقع الشرطي بيفهمها وحنا الي مب عساكر بنفهمها

ولعلمك لو تمت تسجيل مخالفه عليك وانت تسعف احد تقدر تجيب اورقه من المستشفى عقب اثبات ..

انا اتكلم عن شيء معين ياخي اشوفه انه المفروض نفس قبل كان موجود وقلت لك انه انا تمت مخالفتي عند الدوار عدم ربط حزام امان وعطاني العميد سريع الكعبي مخالفتي بيدي ..

[شبح الصمت]

حسب معرفتي حطوا كاميرات على تقاطعات معينة العام في أمريكا .. تقاطعات إشارات وصادت ناس كثيرين متعدين الحمرا بعد تحولها من الأصفر .. واشتكوا الكثيرين وتم الغاء جميع المخالفات واعتماد التصوير للتجاوز المقصود وأثناء الحوادث لتحديد من المخطيء .. الناس ناقشوا الوضع بالقانون حيث كان قبل اللي في التقاطع يكمل مروره .. وهذا وضع فيه تصوير.

أي مخالفة ثانية لازم يحررها الشرطي بعد ما يوقفك وممكن ينذرك ويسامحك حسب التكرار أو تقدير لبعض الظروف .. عندنا لعبة صراحة وجاتني مخالفتين وكنت خارج قطر وبسيارتي يوم رحت لهم طلبوا تاريخ خروج ودخول السيارة من الجمارك .. طلعت مخالفة بعد ما دخلت سيارتي بيومين وقالوا لازم تدفعها مع إني متأكد 100% إني ما رحت المكان اللي مكتوب إني مخالف فيه.

بعد السؤال والتحري عرفت إن فيه أشخاص في نظام كمبيوتر المرور يشيلون المخالفة من سيارة ويقطونها على سيارة.



ياخوي معماري المخالفات في امريكا لو انك مخالفه يوقفك ويحرر لك المخالفه ..

مب شرط اني اقدر اجمع عدد كبير فاليوم من المخالفات

بعكس اني اوقف الشخص ووعيه بالخطأ الي اهو مرتكبه

[شبح الصمت]

واين الدليل
نني لم اربط الحزام او اتحدث بالهاتف

اذا كان ضبط المخالفه في لحظتها نعم او دليل مصور

لاكن مخالفه بدون دليل عجبي




هذا اهو ياخوي الي نتكلم عنه ..
مش انه مشككين في الي بيسجل المخالفه ..

الخطأ وارد في كل شيء ..

لكن ياخي ريحيني وعطني المخالفه في ايدي ووعوني بالخطأ الي اانا سويته
يمكن سبحان الله كلامك يكون سبب في اني اتغير ..

بس طبعاً بابتسامة والكلمة الطيبه
مب هوااش
هاهاي

[شبح الصمت]

والله كلامك صحيح

انا مره انطلب موتري للحجز

ويوم راجعت قالولي سرعه قلت لهم في صورة من الرادار؟

قالولي لا تحريات شافك

قلت له وشلون عرف اني مسرع وهو ماعنده رادار في سيارتة

قالي يقدر يعرف

قلت مب مشكله كم السرعه مسجله

قالي 170

هني ضحكت عقب قلت له من صجك يعني حاط سرعه وهو ماعنده رادار

قالي عادي يقدر يلحقك ويقدر السرعه

قلت له دام لحقني لين 170 ليش ماوقفني وعطاني مخالفه

قالي ماعرف شنو ظروفه يمكن جاله بلاغ او شي

قلت له زين الحين لو صايدني رادار بدفع مخالفه سرعه شحقه موتري يروح الحجز

قالي خلاص وده الحجز وبكره راجعنا صرفني ههههه



حلوه ذي يلاحقني قاعد يتسابق معاي ..

والمشكلة لي مر عليكم واحد رزيل وسجل مخالفه سباق وانت داعس في حالك تبي توصل وجاك ذي لاجل يثبت سرعتك يدعس وراك .. !!


شيء غريب ياخي
انزين ما عجبني شكلك صكيت مخالفه وما عندي ضمير
من المتضرر انا والا انت ..

[شبح الصمت]

انا مع تشديد المخالفات لحماية ارواح الناس... اما المخالفة من خلال كاميرات تبث صور حية للشوارع موجود في كل دول العالم وفعال جدا. الملتزم ما بياخذ مخالفه ولو اجت بالخطأ اعتبرها دعم لوطنك...



كلنا مع تشديد المخالفات وقبل المخالفات التوعيه ..

انا قبل لا اخالفك اوعيك بالخطأ

انا عندي اقتراح ويجب ان يفعل هالاقتراح واتمنى انه يتفعل قدر المستطاع اذا نبي نقلل من الحوادث وغيرها ..

اي شخص تتجاوز مخاالفته عدد معين في السنه او خلال 4 شهور ينرسل له مسج انه يحضور دورات ..

وهالدورات تكون توعويه واجبارية واذا حضرها اطيح عنه نص المخالفه ..


في الحالتين انا ضربت عصفورين بحجر واحد ..

خليته يحضر محاضرات توعوية ووعيته بالخطأ وحببته في المكان
وفي نفس الوقت طيحت عنه جزء من المخالفات او نزلت في سعرها ..


صدقوني راح تنجح الفكره

[qatara]

هذا اهو ياخوي الي نتكلم عنه ..
مش انه مشككين في الي بيسجل المخالفه ..

الخطأ وارد في كل شيء ..

لكن ياخي ريحيني وعطني المخالفه في ايدي ووعوني بالخطأ الي اانا سويته
يمكن سبحان الله كلامك يكون سبب في اني اتغير ..

بس طبعاً بابتسامة والكلمة الطيبه
مب هوااش
هاهاي

وين مجلس الشورى في الدفاع عن حق المواطن

مهب هو الي يقر هلقوانين ويوقع عليها ولا مامر عليه هلقانون العجيب

ووين دوره

[لـبـيـه]

اخر شي دافعين دافعين

[المحاميه]

^

جبت الزبده

[السكين]

قبل كم يوم كنت رايح البريد، صادتني مخالفة عدم اتباع الارشادات الارضية، المكان راس ابو عبود ، انا ما أخالف ، محتار اي خط اللي ما اتبعت ارشاداته وانا طريقي كان من المطار للبريد؟؟؟

دفعتها اول أمس وأنا أضحك ، لأنه نفس ما قلتوا مافي دليل وصعب اراجع فيها.

[شبح الصمت]

وين مجلس الشورى في الدفاع عن حق المواطن

مهب هو الي يقر هلقوانين ويوقع عليها ولا مامر عليه هلقانون العجيب

ووين دوره



ان شاء الله يتم النظر في النقاط الي انذكرت ..

[شبح الصمت]

اخر شي دافعين دافعين



صدقت بس بعد ما نبي ندفع واحنا حاسين انه احنا مهب غلطانين ..

انا ذكرت فوق بعض النقاط وهي كالتالي ..

1- تحديد وقت للمخالفات من 6 شهور إلى سنه
2- تنظيم دورات للمخالفين اجباريه
3- عمل اختبارات للاخوة المخالفين
4- اسقاط بعض المخالفات على من ينجح في الاختبار او اسقاط جزء او اي شيء يفيده ..


بالتالي راح اساعد صدقني على التقليل من الحوادث والتوعية بمخاطر الطرق .

[شبح الصمت]

^

جبت الزبده


لا مخليها فالثلاجه ما جابها خاف تذوب

:secret:

[شبح الصمت]

قبل كم يوم كنت رايح البريد، صادتني مخالفة عدم اتباع الارشادات الارضية، المكان راس ابو عبود ، انا ما أخالف ، محتار اي خط اللي ما اتبعت ارشاداته وانا طريقي كان من المطار للبريد؟؟؟

دفعتها اول أمس وأنا أضحك ، لأنه نفس ما قلتوا مافي دليل وصعب اراجع فيها.




اهم شيء عطيتهم ابتسامة هوليود

شفت كلنا نقول هالكلمة دفعناها واحنا نضحك
وانت في نفسك تقول انك مب غلطان ..
وما تبي تروح للضابط الفلاني وتكلمه ويمكن يشلها ويمكن يحرجك ..

فتفادى كل هالاشياء وتقول الله كريم بدفعها والله يعوضني ..

غير انه يوم يعطيك اياها في يدك وانت تكون مرتاح لانك عرفت خطاك وراح تحاسب في المرات الجايه ..

بس اذا انزلت لك من غير ما تدري ما راح تحاسب وراح نفس الشيء

وتيتي تيتي مثل ما رحتي ما جيتي

هههه

[نورث يورك]

كلنا مع تشديد المخالفات وقبل المخالفات التوعيه ..

انا قبل لا اخالفك اوعيك بالخطأ

انا عندي اقتراح ويجب ان يفعل هالاقتراح واتمنى انه يتفعل قدر المستطاع اذا نبي نقلل من الحوادث وغيرها ..

اي شخص تتجاوز مخاالفته عدد معين في السنه او خلال 4 شهور ينرسل له مسج انه يحضور دورات ..

وهالدورات تكون توعويه واجبارية واذا حضرها اطيح عنه نص المخالفه ..


في الحالتين انا ضربت عصفورين بحجر واحد ..

خليته يحضر محاضرات توعوية ووعيته بالخطأ وحببته في المكان
وفي نفس الوقت طيحت عنه جزء من المخالفات او نزلت في سعرها ..


صدقوني راح تنجح الفكره

كلام واعي وفكرة خلاقه جدا... يا ريت يتطبق

[شبح الصمت]

كلام واعي وفكرة خلاقه جدا... يا ريت يتطبق



نتمنى ياخوي ..

التوعيه اهم من كل شيء ..

[حرف]

الف مبروك
صوتك انسمع ياخوي

[أم محمد 90]

تم التطبيق ياخوي

شرايك بالخبر

[شبح الصمت]

الف مبروك
صوتك انسمع ياخوي


تم التطبيق ياخوي

شرايك بالخبر



وووين وين

الله يجزاهم ويجزاكم خير ..

[أم محمد 90]

جريدة االرايه اليوم روح اقراها

[شبح الصمت]

جريدة االرايه اليوم روح اقراها


إن شاء الله ..

[حمد بن سعد]

الموضوع صار تحصيل فلوس فقط

[شبح الصمت]

الله يجزاهم خير ..

الدوحة - الراية:

علمت الراية أن الإدارة العامة للمرور أصدرت قراراً بعدم تحرير أي مخالفة مرورية إلا بتسجيل الرقم الشخصي للمخالف.

وشدّدت الإدارة على المعنيين بتحرير المخالفات ضرورة إيقاف السائق المخالف وإشعاره بالمخالفة مستثنية من ذلك مخالفة المعاقين أو حالة "التسكير" في حال عدم وجود السائق فقط.

وأكدت مصادر مطلعة بالإدارة العامة لـالراية أن القرار من شأنه القضاء على مشكلة كثرة الاعتراضات التي كان يبديها الكثير من أصحاب السيارات لاسيما الشركات التي لديها أعداد كبيرة من السائقين وكذلك مكاتب تأجير السيارات وكذلك الأفراد العاديين الذين لديهم سائقين.

وأشارت المصادر إلى أن القرار سيعزّز حماية حقوق السائقين في التأكد من صحة ارتكابهم الخالفة، فضلاً عن تحديد الشخص المخالف لأن المخالفة سوف يتم تسجيلها باسم الشخص المخالف فقط وفي هذه الحالة سيتحمّل المخالف مسؤولية مخالفته.

وأكدت المصادر أن البعض كانوا يفاجؤون بعد سفر سائقيهم بوجود مخالفات على سياراتهم فيضطرون إلى دفع غراماتها بدلاً من مرتكبيها الحقيقيين، في حين أنه بعد تطبيق قرار ربط تسجيل المخالفة بالرقم الشخصي فإن أي مخالف سوف يجد نفسه مطالباً بضرورة مراجعة الإدارة العامة للمرور عند تقدّمه للحصول على إذن الخروج.

وأكدت المصادر أن القرار سوف يحفظ كذلك حقوق أصحاب محال تأجير السيارات الذين كانوا يفاجؤون بوجود مخالفات على السيارات الموجودة لديهم ولا يعرفون مرتكبها.

..