شلون ممكن أرمي الأثاث القديم والأغراض كبيرة الحجم

[::محمد::]

السلام عليكم ورحمة الله وبركاته

:nice:

< مدري ليش حطيته بس عجبني


لو سمحتوا عندي أثاث حجمه كبير جداً وصعب ينرمي في درامات الزبالة أجلكم الله
ولو خليته جمب الدرامات عليها مخالفة بلدية ..
كيف ممكن أتصرف ؟ أغلبها قطع أثاث مفككة (خشب) وحجمها كبير ..

ويعطيكم العافية :)

[سعود.]

شوف ( الوسيط ) الشرق

فية محلات تطلب اثاث مستعمل

[::محمد::]

تسلم عزيزي، بس بعضها أخشاب وقطع سجاد ما تعتبر حتى أثاث مستعمل يعني ما لها غير النفايات أجلك الله ..

[مختلف جداََ]

خله جنب درامات الزبالة و انت بكرامة.
لما تمر سيارة البلدية ، هم بيبلغون المشرف مالهم و هو بيطرش سيارة ثانيه( شاحنة) وبيحملون الخشب فيها.

[ya3coub]

تقدر تتواصل مع البلدية و يطرشونلك سيارة كبيرة أو

اذا عندك بيك اب توديهم لأقرب زبالة كبيرة و انت بكرامه بأغلب المناطق السكنية كل خمس إلى سبع فرجان في الحاوية الكبيرة أخوي
هاي مسموح تحط فيها بس تحتاج عمال و بيك اب من البيت لين اقرب زبالة من الحجم الكبير

[النهار]

ياخوي حطه جنب الزباله بشكل مايعيق حركة الماره
انا دوم اشياء وايد احطها جنب الزباله ان كانت غساله او ثلاجه اوكنب او زل
كل يومين تمر سياره كبيره مع شيول يحملون الاشياء الموجوده الي مكب النفايات

[النهار]

خله جنب درامات الزبالة و انت بكرامة.
لما تمر سيارة البلدية ، هم بيبلغون المشرف مالهم و هو بيطرش سيارة ثانيه( شاحنة) وبيحملون الخشب فيها.

هههههههههههههههههههه
من سنه نفس الاخ ماذكر كانت عندي اشياء وايد ابي حد يشيلهم ويوديهم لمكب النفايات الصلبه
حصلت بيكم من الاطوال قلت ابيك تشيلهم وتويدهم للمكب قال لي بعيد بس بأخذ عليك 300 ريال قلت ماعندي مانع
الهيس حملهم من البيت وراح ألفريج الثاني ونزل كل الاغراض جنب درام الزباله وفل

[نَقــوَه]

انت حطهم جنب الزبالة كرمك الله
قبل لاتجي سيارة البلدية بيجونك الجاليات الباكستانية والفلبينية وغيرهم
بيعانون اللي يبون وبياخذون اللي يجوز لهم منه حتى لو مكسر
غمض فتح اغراضك محد

[Riku3]

البلدية ما يقصرون عندهم خدمة تجي سيارة ثانية مع شيول ويشيلون حتى لو مخلفات كثيرة وكبيرة ما عليك دام استخدام منزل عادي مافيها مخالفة .. المخالفات على المقاولين الي يقطون وصاختهم عند الزبالة .

[وليف الشوق]

وزارة البلديه مشكورة ماقصرت في هالموقف اللي صار معاي من فترة وخدماتها كثيرة وفي متناول الجميع وبكل سهوله ومن خلال تطبيق الوزارة على الجوال
كان عندي اثاث وقامت احدى سيارات البلديه الكبيرة بحملها والتصرف من قبلهم بها
لكن اذا مستعجل ماراح تكلف شي ولا اهي صعبة وجرت معاي كثير وبكل راحه .. روح جيب لك عمال مع سيارة بيك اب كبيرة وخلهم يودون الاثاث لمجمع النفايات اعتقد في امسيعيد واهم يعرفون وين يتخلصون من الاثاث واذا بعض الاثاث صالح اعطهم الاثاث واحتسب اجرك عند الله وهذي القصه ياخوي وبالنسبة للبيك اب تقدر اي مكان تشوف الاخوان واقفين اما عند دوار الفروسيه او عند سوق الحراج بنجمه او اي مكان انت تعرف تواجد السائقين ونصيحه ثانيه ان جميع التكاليف من فك وحمل ونقل الاثاث مايتجاوز الـ 300 ريال

[بصمة قطرية]

البلدية ما يقصرون عندهم خدمة تجي سيارة ثانية مع شيول ويشيلون حتى لو مخلفات كثيرة وكبيرة ما عليك دام استخدام منزل عادي مافيها مخالفة .. المخالفات على المقاولين الي يقطون وصاختهم عند الزبالة .
بالضبط ..
و أنا ما كنت عارفة هالشي ..
جبت سيارة مازدا و دفعت له 300 عشان يشيلهم ..
القطع الكبيرة ما تنحط عند درام الزبالة و إنتو بكرامة ..
البلدية مب مقصرين في سيارات خاصة
تجي لين البيت و تشيل كل شي ..
عرفت هالشي من فترة بسيطة ..