بيت الأشباح .. قصص من الواقع ..

[بصمة قطرية]

بسم الله الرحمن الرحيم
السلام عليكم ورحمة الله و بركاته


صار لي موقف راح أقوله لكم ..
و بناءاً على هالموقف فتحت هالموضوع
اللي عنده قصة واقعة ( مرعبة ) يذكرها .. :secret:


اللي صار لي الله يسلمكم ..
هالفترة أدور بيت و رحت أشوف بيوت كثيرة
من كم رحت شفت بيت*
ما زلت متروعه من اللي صار .. :weeping:

كلمني راعي مكتب عقارات و قال لي البيت في هالمنطقة
أنا كنت قريب و هو يبي له ربع ساعه لين يوصل ..
قلت له أوصف البيت بنتظرك هناك
قال لي الباب مفتوح روحي شوفي البيت ..
رحت ووصلت وقفت قدام البيت و أنا أقول يارب ما يكون هالبيت ..
مظلم و كئيب شكله غلط بين البيوت ..
كلمته قلت له كم رقم البيت ..
نزلت مع ولدي الباب كان مردود
ولدي دز الباب و دخلنا و احنا مترددين والله البيت كئييييب من برع
أول ما دخلنا الحوش على اليسار باب خشب ابيض
الباب مرة وحدة إنفتح شوي شوي و تسكر
ثلاث مرات و الصوت كان والله نفس صوت الباب في الأفلام الرعب
قسم بالله صادتني قشعريرة و قعدت اسمي و اذكر الله :secret:
حسيت بخوف غير طبيعي
شوي واحنا واقفين صوت حد يضرب بشي من صوب باب الحوش
افتريت بسرعه اشوف الباب وراي مافي شي
والصوت مستمر وعالي ولدي يطالعني
يقول لي يمه شالسالفة .. !! :eek5:
و رجع صوت الباب مرة ثانية ثواني الا باب الصالة
حد يحرك المقبض من داخل يبي يفتحه ..
أنا وولدي ركض للسيارة ..
دقيقة إلا احنا طالعين من الفريج بكبره .. :weeping:
قسم بالله صادتني رجفه وولدي تروع .. :(
على طول اتصلت في اختي اقول لها لحقي علي
قالت لي اش فيج
قلت لها البيت مسكون .. :weeping:
الكل يقول لي يا شجاعة يا قوية
دام البيت من برع مبين مش طبيعي
و ما عجبج لييييش دخلتي .. :(
هاي آخرة اللقافة .. :( :weeping:

[Dana’1]

يمه مالومك تركضين هههههههه معليش والله تهيلت اشكالكم تركضون وضحكت،،، حاسه فيكم:shy:

[حليتان*]

ههههههههههه بيت الاشباح

[توشيبا]

وين مكان البيت فيه واحد اعرفه يبغي بيت للاجار

[بصمة قطرية]

يمه مالومك تركضين هههههههه معليش والله تهيلت اشكالكم تركضون وضحكت،،، حاسه فيكم:shy:

خخخخخخخ
مادري شلون وصلنا السيارة .. :shy:

[بصمة قطرية]

ههههههههههه بيت الاشباح


اي والله :(

[بصمة قطرية]

وين مكان البيت فيه واحد اعرفه يبغي بيت للاجار


خخخخخخخخخ
برسل لك العنوان :nice:
و لا اللوكيشن .. :telephone:
قول له البيت عجييييب ..
و بيسوون له دسكاونت في الأجار .. :tease:

[naklan]

بصمة مبين انج متقمصة دور أمير المحبة بهالمواضيع
انا بأفولج ألي حصل انتي خفتي من اول ما شفتي البيت
وهذا اثر عليج يوم دخلتي وصرتي تتخيلين الاشباح
وبعد ما شردتي انتي وولدج أكيد قعدتي تشوفين
المنضرة لأحد لاحقج صح ههههههههههه
هذا انا كنت هناك وحبيت امزح
معاكم ما صدقت يتشلون
عليه بهالسرعة

[النهار]

من 7 او8 سنوات شفت تقرير في جريدة الرايه مفاده
في بيت كل مايبون يهدمونه يسمعون صريخ واصوات وقربعه بس ماحددو المنطقه الي فيها البيت
http://store1.up-00.com/2016-02/145651930161361.gif (http://www.up-00.com/)[/URL]من ثلاث شهور كنت قاعد مع ولد جارنا اسأله عن بيتين في نفس شارع بيتنا اصحابها تاركينها انا صار لي 15 سنه في الفريج
ماشوف حد رمم البيتين قال لي في بيت منهم عليه مشاكل ورث والبيت الثاني مسكون والي ساكنينه قبيله جن http://store1.up-00.com/2016-02/14565193017233.gif (http://www.up-00.com/) ايش قبيلة جن من صجك قال اي صجي ياخي قول غيرها
والله الي قاعد اقوله صج انا اقول البيت على شارع رئيسي وفرعي وسعره مايقل عن 8 ملايين معقوله راعيه مهمله
انا دخلت البيت اكثر من مره باب البيت مفتوح انا من النوع الي مأخاف قلبي قوي سبحان الله كل مأدش هالبيت احس شعر جسمي يوقف وان في شي مهب طبيعي http://store1.up-00.com/2016-02/14565193016762.gif (http://www.up-00.com/)
بس اصوات ماسمعت قال لي اكثر من شركة ومقاول جاو يهدمون البيت اشردوا سألته ايش السبب قال في روايتين
وحده تقول بعد ماطلع راعي البيت اجر البيت على شخص من دوله معروفه كان يعمل طقوس السحر والشعوذه http://store1.up-00.com/2016-02/145651930161361.gif (http://www.up-00.com/)[URL="http://www.up-00.com/"]
والروايه الثانيه تقول راعي البيت باع البيت على واحد اجنبي والاجنبي سجله بأسم واحد يعرفه يبي يسترزق من ورا الايجار والشخص طمع في البيت وقام اجره لحسابه الخاص
اطرف الاول دعى عليه او سوا شي علشان الطرف الثاني مايستفيد من اليت الحين البيت له اكثر من 30 سنه فاضي

[بصمة قطرية]

بصمة مبين انج متقمصة دور أمير المحبة بهالمواضيع
انا بأفولج ألي حصل انتي خفتي من اول ما شفتي البيت
وهذا اثر عليج يوم دخلتي وصرتي تتخيلين الاشباح
وبعد ما شردتي انتي وولدج أكيد قعدتي تشوفين
المنضرة لأحد لاحقج صح ههههههههههه
هذا انا كنت هناك وحبيت امزح
معاكم ما صدقت يتشلون
عليه بهالسرعة

تصدق و انا أكتب الموضوع تذكرت أمير المحبة
الله يذكره بالخير ..
وينه لا يكون ربعه خاطفينه من زمان مختفي .. :secret:

صدقت إن إنت اللي في البيت و تخرعنا .. :rolleyes2:
الأصوات والحركات من ثلاث أماكن مختلفة .. :weeping:
كم بيت كان قلبي ينقبض
بس هاي غيييير ..
والله الوضع مش طبيعي .. :(

[بصمة قطرية]

من 7 او8 سنوات شفت تقرير في جريدة الرايه مفاده
في بيت كل مايبون يهدمونه يسمعون صريخ واصوات وقربعه بس ماحددو المنطقه الي فيها البيت
http://store1.up-00.com/2016-02/145651930161361.gif (http://www.up-00.com/)[/URL]من ثلاث شهور كنت قاعد مع ولد جارنا اسأله عن بيتين في نفس شارع بيتنا اصحابها تاركينها انا صار لي 15 سنه في الفريج
ماشوف حد رمم البيتين قال لي في بيت منهم عليه مشاكل ورث والبيت الثاني مسكون والي ساكنينه قبيله جن http://store1.up-00.com/2016-02/14565193017233.gif (http://www.up-00.com/) ايش قبيلة جن من صجك قال اي صجي ياخي قول غيرها
والله الي قاعد اقوله صج انا اقول البيت على شارع رئيسي وفرعي وسعره مايقل عن 8 ملايين معقوله راعيه مهمله
انا دخلت البيت اكثر من مره باب البيت مفتوح انا من النوع الي مأخاف قلبي قوي سبحان الله كل مأدش هالبيت احس شعر جسمي يوقف وان في شي مهب طبيعي http://store1.up-00.com/2016-02/14565193016762.gif (http://www.up-00.com/)
بس اصوات ماسمعت قال لي اكثر من شركة ومقاول جاو يهدمون البيت اشردوا سألته ايش السبب قال في روايتين
وحده تقول بعد ماطلع راعي البيت اجر البيت على شخص من دوله معروفه كان يعمل طقوس السحر والشعوذه http://store1.up-00.com/2016-02/145651930161361.gif (http://www.up-00.com/)[URL="http://www.up-00.com/"]
والروايه الثانيه تقول راعي البيت باع البيت على واحد اجنبي والاجنبي سجله بأسم واحد يعرفه يبي يسترزق من ورا الايجار والشخص طمع في البيت وقام اجره لحسابه الخاص
اطرف الاول دعى عليه او سوا شي علشان الطرف الثاني م


ايستفيد من اليت الحين البيت له اكثر من 30 سنه فاضي

يمااااا :weeping::eek5:
أدليك البيت تروحه شرايك ..؟

[حمد 2002]

الساعه 1:43 الحين ..

خفت :(:shy:

[Dana’1]

تصدقين بصمه
بنتي من كم يوم جايتني وتقول يمه والله البيت فيه شي قلت ليش قالت ساعة المنبه الي بغرفتي مو الي استخدمها الثانيه فجأه كذا رنت من نفسها مت من الخوف وطفيتها وعلى طول جيتك
عاد انا اذكر لونها ومكانها أخر مره ما حبيت أروعها
قلت لها إيه الي لونها اسود واطراف فضي واشرح مكانها
قالت إيه قلت هذي أنا أمس احوس فيها يمكن ضغطت شي او وقتها بالغلط
قالت آه ياقلبي أشوا الله يهديك يمه من جد تروعت
سميت عليها

وأنا بقلبي أقول الله يستر ويحفظها

[Dana’1]

أخوي بالأردن
إذا ما خانتني الذاكره
يقول كنت منسدح وأسمع صوت قمت اشوف مابه احد المهم كنت دايخ وابغى أنام
يقـول رديت انسدحت بفراشي الا الي يجر الفراش من جهة رجلي وانتو بكرمه
يقول وأنا أجره ماتوقعت ان فيه احد يمكن ناشب بطرف السرير كذا
يقول الا يسحب بقوه وانا اقوم .. اظن أخوي فتح الليت خافت يقووول بسم الله الرحمن الرحيم من إلي شفته
رجال قصيييير بإرتفاع السرير تقريبا كانه شايب وله زقم يقول الحين انا بالفراش أبغى أقرأ استغفر الله يقول نسيت سورة الإخلاص ونسيت المعوذات ولا عاد عرفت اقرأ قرآن
بس إني أقول بصوت عالي بوجه وأنا ادفع بيدي صوبه بالهوا بسم الله الرحمن الرحيم لا إله إلا الله أعوذ بالله لا إله إلا الله بسم الله وهكذا يقول راح يركض باب الغرفه مردود طبعا فطلع
قام أخوي بيشوف شسالفه وينه الحمدلله مالقاه
ولا عاد شافه أبدا أبدا مره ثانيه

[غير البشر]

عودا حميدا اخوي امير المحبه


ههههههههههههههههه اتغشمر


يا الهي يا بصمه يعني مب بدايته شفتيه كئيب وليش دخلتيه :rolleyes2:
بصراحه موقف مرعب لكم زين ماطلع لكم شي فجأه هههههههه

حاسبو اي مكان تشوفون كئيب او مشبوه لاتدخلونه
والافضل من هذا كله دايما شوفو البيوت في النهار وحمد 2002 هههه

لان بالنهار تشوفون البيوت بشكل احسن و اوضح
وبعد ماتشوفون اشياء ثانيه :nop:


الله يحفظكم وييسر اموركم ان شاء الله

[غير البشر]

أخوي بالأردن
إذا ما خانتني الذاكره
يقول كنت منسدح وأسمع صوت قمت اشوف مابه احد المهم كنت دايخ وابغى أنام
يقـول رديت انسدحت بفراشي الا الي يجر الفراش من جهة رجلي وانتو بكرمه
يقول وأنا أجره ماتوقعت ان فيه احد يمكن ناشب بطرف السرير كذا
يقول الا يسحب بقوه وانا اقوم .. اظن أخوي فتح الليت خافت يقووول بسم الله الرحمن الرحيم من إلي شفته
رجال قصيييير بإرتفاع السرير تقريبا كانه شايب وله زقم يقول الحين انا بالفراش أبغى أقرأ استغفر الله يقول نسيت سورة الإخلاص ونسيت المعوذات ولا عاد عرفت اقرأ قرآن
بس إني أقول بصوت عالي بوجه وأنا ادفع بيدي صوبه بالهوا بسم الله الرحمن الرحيم لا إله إلا الله أعوذ بالله لا إله إلا الله بسم الله وهكذا يقول راح يركض باب الغرفه مردود طبعا فطلع
قام أخوي بيشوف شسالفه وينه الحمدلله مالقاه
ولا عاد شافه أبدا أبدا مره ثانيه


الله يعينه اخوج موقف لايحسد عليه :(
مسكين ماينلام يوم نسى الايات والسور ههههههههه

[الحياة الخالدة]

سلامٌ قولاً من رب رحيــــــــم
الله يذكرك بالخير يا أمير المحبة .. ما يندرى أي جني حمله معه إلى غياهب الظلام

[white bird]

كيووت الموضوع 😭

[naklan]

الاخوان الأعضاء الكرام وكل من يسال عن أمير المحبة جزاكم الله خير
وتسال عنكم العافية ويسلم عليكم ويقول لكم انه مخطوف من الاشباح قسم داعش وطالبين
فدية 5 مليون دولار ويطلب منكم التبرع المطلوب انواط بو خمسمئة لكل من قطر والسعودية
ونوط بو 1000 للامارات وتسلم التبرعات للعضو الامين naklan حتى يعود للمشاركة
في أسرع وقت مع اخوانه الاعضاء وإلا سينفذون فيه الحكم الصادر بقطع اذانه
وستكون آذانه واذن المنفذ اربع لا اراكم الله مكروه في عزيز ولا خليل ولا ناصر
وسلموا واسلموا توزع نسخ على جميع الأعضاء
تحياتي للجميع ومنتضر التبرعات
على احر من الجمر

[الحياة الخالدة]

أنا ما سألت عنه

[naklan]

أنا ما سألت عنه

جوفي ما دام دشيتي جنح سالتي
وهو قايل لي لا تفرط في فلوس المشرفين
فلوسهم حلوة انواط يديده وريحتها
دهن عود متى بتدفعين

[النهار]

الاخوان الأعضاء الكرام وكل من يسال عن أمير المحبة جزاكم الله خير
وتسال عنكم العافية ويسلم عليكم ويقول لكم انه مخطوف من الاشباح قسم داعش وطالبين
فدية 5 مليون دولار ويطلب منكم التبرع المطلوب انواط بو خمسمئة لكل من قطر والسعودية
ونوط بو 1000 للامارات وتسلم التبرعات للعضو الامين naklan حتى يعود للمشاركة
في أسرع وقت مع اخوانه الاعضاء وإلا سينفذون فيه الحكم الصادر بقطع اذانه
وستكون آذانه واذن المنفذ اربع لا اراكم الله مكروه في عزيز ولا خليل ولا ناصر
وسلموا واسلموا توزع نسخ على جميع الأعضاء
تحياتي للجميع ومنتضر التبرعات
على احر من الجمر

مسكين الله يفك اسره منوووووووووو هاي امير المحبه معانا في المنتدى :eek5::tease:

[الحياة الخالدة]

جوفي ما دام دشيتي جنح سالتي
وهو قايل لي لا تفرط في فلوس المشرفين
فلوسهم حلوة انواط يديده وريحتها
دهن عود متى بتدفعين
منهو أمير المحبة ذي

[naklan]

الله اكبر الحين إنتي والنهار صرتو ما تعرفون أمير المحبة
هذا احنا يالعرب مشهورون بالهروب من الدفع الحين لو قايل
يسلم عليكم ومطرش لكم فلوس جان وصلت المشاركات
100 مشاركة وكله بس نسال عن أمير المحبة
قالها العربي الصديقي كل البلدان
،،،،،،،،،،،،،،،،،، الى الاخر

[بصمة قطرية]

الساعه 1:43 الحين ..

خفت :(:shy:

صج خفت .. ! :rolleyes2:

[بصمة قطرية]

تصدقين بصمه
بنتي من كم يوم جايتني وتقول يمه والله البيت فيه شي قلت ليش قالت ساعة المنبه الي بغرفتي مو الي استخدمها الثانيه فجأه كذا رنت من نفسها مت من الخوف وطفيتها وعلى طول جيتك
عاد انا اذكر لونها ومكانها أخر مره ما حبيت أروعها
قلت لها إيه الي لونها اسود واطراف فضي واشرح مكانها
قالت إيه قلت هذي أنا أمس احوس فيها يمكن ضغطت شي او وقتها بالغلط
قالت آه ياقلبي أشوا الله يهديك يمه من جد تروعت
سميت عليها

وأنا بقلبي أقول الله يستر ويحفظها


إن شاءالله تكون رحت بالغلط
و مافي شي ..
الله يحفظكم ..

[ولد العرب]

انتظروني خصوصا مقناص والبران:eek5:

[النهار]

يمااااا :weeping::eek5:
أدليك البيت تروحه شرايك ..؟

عادي مافي مشكله انا من يومي عايش في فريج الخرايب الي في منطقتنا الخرايب اكثر من البيوت الي كنا نسكنها
ياما شفنا بلاوي زرقه

[مهرة]

..

يالله حيهم ارحبووووا حولنا وحوالينا لا تأذونا ولا نأذيكم بس نحب نسمع سوالفكم :nice:

توقعتج أشجع يابصمة :eek5:

وسالفة انه نشوف اشكال واجسام وهيئات مختلفة احسها (مغلوطة) على كلام أغلب علماء ومشايخ الدين انه مانقدر نشوفهم بس هم يتهيؤن بشكل حيوان او شخص نعرفه والله تعالى أعلم وحتى صفات أهل ياجوج وماجوج كثير علماء اختلفوا فيه وصاروا أساطير كل من جا يزيد بوصفهم أما الدابة الجساسة وصفها اجمعوا عليه وخاطري أشوفها.!!

وسلامنا لأمير المحبة وان شاءالله انه بخير وماعليه شر .,

*ملاحظة:

ترا ضوى عندها ياهوووو سوالف اختصاصها هالمواضيع وللحديث بقية.!

[@north_star@]

http://www.majaless.com/up/get-2-2016-ikkkz2wp.jpg (http://www.majaless.com/up)

[مهرة]

..

لاحد يطلع بدري من الدوام اليوم .!

ميتنج مع قريني,, بس اتأكد من تواريخ الأحداث واسردها .!!

:telephone: بصمة ؟؟

[naklan]

..

لاحد يطلع بدري من الدوام اليوم .!

ميتنج مع قريني,, بس اتأكد من تواريخ الأحداث واسردها .!!

:telephone: بصمة ؟؟


معليش اختي مهرة أنا مشغول شوي
بس بخلي قريني هنيه عاشان يوصلي القصة
متى يبدأ العرض ههههههه

[غير البشر]

..

يالله حيهم ارحبووووا حولنا وحوالينا لا تأذونا ولا نأذيكم بس نحب نسمع سوالفكم :nice:

توقعتج أشجع يابصمة :eek5:

وسالفة انه نشوف اشكال واجسام وهيئات مختلفة احسها (مغلوطة) على كلام أغلب علماء ومشايخ الدين انه مانقدر نشوفهم بس هم يتهيؤن بشكل حيوان او شخص نعرفه والله تعالى أعلم وحتى صفات أهل ياجوج وماجوج كثير علماء اختلفوا فيه وصاروا أساطير كل من جا يزيد بوصفهم أما الدابة الجساسة وصفها اجمعوا عليه وخاطري أشوفها.!!

وسلامنا لأمير المحبة وان شاءالله انه بخير وماعليه شر .,

*ملاحظة:

ترا ضوى عندها ياهوووو سوالف اختصاصها هالمواضيع وللحديث بقية.!


مرحبا مهره

بس انا وضعي غير مع الي كان يركض معاي بالبر :(
كتبت القصه مره بالمنتدى عنه

[مهرة]

^^

الصورة مازالت في ذاكرتي تخيلته مثل باتمان بس بدون قناع كله كله اسود في اسود,, وسوالف البران أغلبها حقيقيه

[Charisma]

لاحظت ان أغلب اللي يمرون بهالمواقف ، كانوا كثير التفكير والربط فيهم ، لأي حركه او صوت ، ( اوهام وتخيلات ) .

لاتصرقعون خلق الله .

[naklan]

مرحبا مهره

بس انا وضعي غير مع الي كان يركض معاي بالبر :(
كتبت القصه مره بالمنتدى عنه

اكتبها مره ثانية أنا ما قريتها
من زمان وانا شاك ان غيرالبشر يطير ههههههه
والحين تاكدت قاعد يتسابق مع الجني
تصخين وبعدين يطيررررر
هههههههههههههه

[مهرة]

..

بايلوت ,, ناكلان .. استمعوا للتالي:


*صرقعة نمبر 1


احقد هالقصة من كان عمري 9 سنين كنت أشوف ظل رجال أسود في أسود من الدريشة كنه واقف ولمن اتم أناظره يختفي او كأنه يمشي وربي على ماقول شهيد وكانت الوالدة الله يحفظها تدري بهم ولمن نقول لها تضحك علينا وتقول تخيلات بس هي تدري وتشغل القرآن وترقد معانا:weeping:


http://store2.up-00.com/2016-03/14569033134481.jpg (http://www.up-00.com/)

وعقبها تعودت عليه وصرت افتح الستارة مش الدريشة وعلى جنب بعد عشان ماتخرع عدل ,,لمن اشوف المنظرة اشوفه وراي من الدريشة يوم ايه واسبوع لاء .!!

[غير البشر]

اكتبها مره ثانية أنا ما قريتها
من زمان وانا شاك ان غيرالبشر يطير ههههههه
والحين تاكدت قاعد يتسابق مع الجني
تصخين وبعدين يطيررررر
هههههههههههههه



هههههههههه ان شاء الله

هالسالفه من زمان في التسعينات
كنا في بر الشحانيه نتنور حق الجرابيع
كانت الساعه تقريبا 1 ونص بالليل

شفنا جربوع وتبعنا انا قاعد بالكرسي الوراني ورفيجي بالصوب الثاني
واحنا الاثنين عندنا خيازرين

قلت له انا بنزل له على اساس الحقه والسياره تكون وراي تنور لي الطريق
طبعا ايامها كنا حجريين ههههههه
يعني نركض ورى الجرابيع بالبر حفاه :rolleyes2:
نزلته واركض وراه والسياره تتبعني
ووصلت عند خربه وقدامي ردم السياره ماتقدر تدخل
شقحت الردم وكملت اركض
السياره راحت عني الصوب الثاني مسافه مش قريبه يعني
وقتها وانا اركض احس على يساري حد معاي
اسمع شهيق وزفير من الجري
التفت عليه
الا واحد لابس ثوب ابيض وقحفيه بيضه
وبشرته سمره وويركض بنفس سرعتي ويشوفني ويبتسم
ماحطيت له بال توقعت سوداني ويستعبط مايدري شسالفه
لحظات وصلت السياره ووقفت التفت ماكان موجود بأي مكان
والمكان بكبره مافي عزب ولا شي

[غير البشر]

الله يعينج يا مهره
موقف مرعب وخاصه في السن الي كنت فيه
يعني ممكن يلازمج هالشعور والمنظر لفتره طويله

[naklan]

هههههههههه ان شاء الله

هالسالفه من زمان في التسعينات
كنا في بر الشحانيه نتنور حق الجرابيع
كانت الساعه تقريبا 1 ونص بالليل

شفنا جربوع وتبعنا انا قاعد بالكرسي الوراني ورفيجي بالصوب الثاني
واحنا الاثنين عندنا خيازرين

قلت له انا بنزل له على اساس الحقه والسياره تكون وراي تنور لي الطريق
طبعا ايامها كنا حجريين ههههههه
يعني نركض ورى الجرابيع بالبر حفاه :rolleyes2:
نزلته واركض وراه والسياره تتبعني
ووصلت عند خربه وقدامي ردم السياره ماتقدر تدخل
شقحت الردم وكملت اركض
السياره راحت عني الصوب الثاني مسافه مش قريبه يعني
وقتها وانا اركض احس على يساري حد معاي
اسمع شهيق وزفير من الجري
التفت عليه
الا واحد لابس ثوب ابيض وقحفيه بيضه
وبشرته سمره وويركض بنفس سرعتي ويشوفني ويبتسم
ماحطيت له بال توقعت سوداني ويستعبط مايدري شسالفه
لحظات وصلت السياره ووقفت التفت ماكان موجود بأي مكان
والمكان بكبره مافي عزب ولا شي

خخههخخخخخخ يساعدك الجني
مرة على خط الخور في اليل شفت جربوع
وحولت اركض وراه الجربوع ما شرد تم يطير
نص متر وينهاوش قلت هذا من ربع أمير
المحبه خليته ورحت عنه هههههه

[naklan]

مهرة استمري بوركتي يا اختاه
قصص رومانسية جميلة وتساعد على
السكينة والاسترخاء

[بانغ بانغ]

مشكوورة عالموضوع وتوي انتبه له مع اني كنت ناوي انزل موضوع بعنوان ( بيتي مسكون ) وذلك لعامة المشاركين

منطقة بيتنا يوم سكنت كانت بر وصحراء قاحلة ( طبعا احين عمران وبيوت ومدارس وجمعية )

الحمدلله بيتي كله سماعات وقرآن والبيت مفتوح على بعض مافي اسقف نفس الفنادق ودار مادار درابزين ( احب هالديزاين )

اليهال ما يستوحشون وكل واحد يقدر ايشوف الثاني من فوق او تحت وفيه نوع من الريلاكس

كنت احب اقعد في البيت يوم يطلعون اليهال بيت جدهم مع امهم في الويكند

عندي خدامات في البيت ولهم ملحق خاص

البيت فيه كيمرات اكثر من المصرف المركزي ( مادري ليش طبعا )

جت فترة ... ما قمت ارتاح اكون بروحي وكأنه حد يتنفس / يتنهد قريب مني ( طبعا معاي الكيمرات في نظام الجوال ) احاول اشوف من في الغرفة المجاورة يمكن خدامة نايمة او شي .... مافي شي كلهم برع

الحمد لله انا مثل النهار قلبي قوي وما اخاف وياما حضرت جلسات طرد ارواح في السعودية والامارات وقطر عند امطاوعه حق شباب اعرفهم

كل كم يوم اسمع صوت خرخشة في الغرف ... اروح ادرعم فيها ولا اشوف شي

عقب سألت شيخ دين وقالي البيت يمكن فيه عين وفيه زوايا وايد وبعض الاقسام والسويتات اللي فيه مهجورة ... ( طبعا كلامه صح )

الا يوم من الايام والله سبحانه الشاهد على ما اقول وبدون مبالغة ..

كنت قاعد في الصالة فوق يوم الجمعة الضحى قبل الصلاة ....الا اشوف ظل يمشي على الطوفة المجاورة للمكان اللي انا كنت فيه ( البيت مفتوح والواجهات كلها زجاج ) ... حكيت عيني مثل مسلسلات الكرتون ابغي اتأكد اذا حد كان يمشي وبسرعة دش الغرفة ..

ما كان ظل بمعنى ظل ... الا واحد كان يمشي ولمحت طرف منه بعد ما شفت ظله وانا متيقن اني شفته ( ما كانت اوهام ) .... لان الخدامات كانوا ايقولون للمرة انهم يسمعون اصوات ناس فوق واحنا مش في البيت ...

سألت الاهل واليهال اللي قاعدين تحت هل حد من اليهال ركب الدور الثاني ودخل الغرفة الفلانية

قالوا لا ! انزين حد من الخدامات ركبت فوق ... قالوا لا !!

لاني كنت اشوف الجوال ولمحت الحركة والظل بعيني بس قلت يمكن حد دش وما انتبهت له ..... الدرابزين كانت بينا ..

بسرعة خذت الايباد اشوف الكيمرات اللي اموزعها في البيت ورجعت ربع ساعة ورا في التوقيت عشان اشوف من ركب وانا غفلت عنه .....

للحديث بقية لانها بالفعل كانت صدمة اللي شفته في االايباد وسألت مشايخ عليها وعطوني بعض الأدلة عليها ..............

[بعيد النظر]

تشوووووووووووووووووووووووووووووووووووووووويق يا بو فييصل كمل ياخوي ترا دوامي لي 6 @@

[بانغ بانغ]

قسما بالله اني ما اكذب على اللي شفته

سألت مشايخ دين لاحقا على الموضوع وقالوا لي ان الجن والعفاريت قد لا يؤذون لكن يتطفلون .. اما المردة منهم ... فيؤذون

المهم قالوا لي المشايخ ان كونهم مخلوقين من نار فهذا ... قد ايكون له دور في الصورة اللي شفتها

ما رأيت ؟؟؟؟








تقريبا خلال نفس الدقيقة اللي كنت اشوف فيها المقطع اللي كنت ادور عليه .... التسجيل شغال واليهال كلهم تحت والاهل تحت والخدامات برع ( فوق ال12 كيمرا عندي واشوفهم اي وقت )

في نفس اللحظة اللي كنت اشوف نفسي في التسجيل وانا اكلم اليهال عما إذا احد ركب فوق او لا واشوف نفسي احوس من غرفة لين غرفة ....

ينقطع التسجيل قبلها وايشوش 6 او 8 ثواني ويرجع من جديد التسجيل طبيعي

عرفت ان يمكن الاشعة الحرارية اللي في ليزر الكيمرا ما يمسكهم اي الجن ....

هذا والله اعلم ...

حسب كلام المشايخ لان دعيت واحد من اللي يقرون عالناس في البيت .... وقالي اياها كاش .. بيتك مش مريح

هاي من سنة اما الحين الحمدلله هدوء تام

[بعيد النظر]

الحمدلله جاات سليمة ..


والله يديم عليك الهدوء ويبعددهم عنكم ..
صراحة شي يخوف @@

[بانغ بانغ]

الحمدلله جاات سليمة ..


والله يديم عليك الهدوء ويبعددهم عنكم ..
صراحة شي يخوف @@

امين وياك طال عمرك
بس لازم الاذكار والقران شغال كل مكان

[بانغ بانغ]

حسب كلام المشايخ والمختصين في علم الروحانيات ويمكن مافي مصدرثابت لذلك

ان اذكى الجن هم من في نفس ذكاء طفل بعمر عشر سنوات

فيجب التحرى والتيقن من ازعاجهم او مضرتهم مثل سكب ماء في زرع او رش ماء في زوايا البيت او ما شابه بدون ذكر اسم الله

[naklan]

اخوي بانغ بانغ
ثبت ان الكيمرة تصيدهم
انت ما تشوفهم بس السيسي تيفي
يطلعهم واضحين دش يوتيوب بتلقى
لقطات من كيمرات ثابته بالهبل

[النهار]

حسب كلام المشايخ والمختصين في علم الروحانيات ويمكن مافي مصدرثابت لذلك

ان اذكى الجن هم من في نفس ذكاء طفل بعمر عشر سنوات

فيجب التحرى والتيقن من ازعاجهم او مضرتهم مثل سكب ماء في زرع او رش ماء في زوايا البيت او ما شابه بدون ذكر اسم الله

هههههههههههههههههههههه
لاتخاف وانا اخوك ان خفت خوفك بزياده الله يعزك ويعز البقيه الجن نفس الكلب اذا خاف الانسان يحس فيه
لان مع الخوف الجسم يفرز مادة الادريالين وهي تعني علامة الخوف الرزيل يستانس ويقعد يطمش عليك وانت خايف دش عليه بقلب جامد تحصله يطقع
صار معاي موقف كنت مدوام زام الليل ومكتبنا الدور الثالث وفي مخرج طواري على الشارع الرئيسي
في حدود الساعه 30/2 الفجر والجو بديع والدنيا ربيع كانت عندي كاميرا فلاشها قوي
كل ماشفت واحد مكيل من هالهليق اشغل الكميراء مع الفلاش هههههههههههههه تحصله مخفف ويطالع وراه والي وراه يخفف عباله رادار
سويت الحركه اكثر من 20 مره قمت حطيت الكيمراء في درج المكتب ونسيت
بعد فتره يمكن 3 شهور طلعت الكميراء وجرجتها قاعداشوف الصور بعد زام الليل الا اشوف 3 صور غريبه طالعه ابيض واسود
المفروض تطلع الصور ملونه ياربي انا متى صورت هالصور ووين الميزه ان الصور عليها الوقت والتاريخ ارجع بذكرياتي الي الوراء
اي صج انا هاليوم كنت زام الليل كنت قاعد اخرع العالم معاي سوداني اول ماشاف الصور قال لي هاي صور جن
والله يابوفيصل واحد وحده ملامحهم غير واضحه وشعورهم ليف بس الصور الثلاثه اشكالهم مسجمه مثل الانسان
قلت حق رفيجي ياخوي هذول ايش الي جابهم في الصور ههههههههههه قال فضولهم خلالهم يبون يعرفون ايش هالفلاشات الي قاعده تنضرب ونصادوا

[بانغ بانغ]

اخوي بانغ بانغ
ثبت ان الكيمرة تصيدهم
انت ما تشوفهم بس السيسي تيفي
يطلعهم واضحين دش يوتيوب بتلقى
لقطات من كيمرات ثابته بالهبل

انا ما اصدق اللي يطلع في يوتيوب في هيئاتهم لانهم ارواح بس يتمثلون في اشياء .....اللله اعلم

[بانغ بانغ]

هههههههههههههههههههههه
لاتخاف وانا اخوك ان خفت خوفك بزياده الله يعزك ويعز البقيه الجن نفس الكلب اذا خاف الانسان يحس فيه
لان مع الخوف الجسم يفرز مادة الادريالين وهي تعني علامة الخوف الرزيل يستانس ويقعد يطمش عليك وانت خايف دش عليه بقلب جامد تحصله يطقع
صار معاي موقف كنت مدوام زام الليل ومكتبنا الدور الثالث وفي مخرج طواري على الشارع الرئيسي
في حدود الساعه 30/2 الفجر والجو بديع والدنيا ربيع كانت عندي كاميرا فلاشها قوي
كل ماشفت واحد مكيل من هالهليق اشغل الكميراء مع الفلاش هههههههههههههه تحصله مخفف ويطالع وراه والي وراه يخفف عباله رادار
سويت الحركه اكثر من 20 مره قمت حطيت الكيمراء في درج المكتب ونسيت
بعد فتره يمكن 3 شهور طلعت الكميراء وجرجتها قاعداشوف الصور بعد زام الليل الا اشوف 3 صور غريبه طالعه ابيض واسود
المفروض تطلع الصور ملونه ياربي انا متى صورت هالصور ووين الميزه ان الصور عليها الوقت والتاريخ ارجع بذكرياتي الي الوراء
اي صج انا هاليوم كنت زام الليل كنت قاعد اخرع العالم معاي سوداني اول ماشاف الصور قال لي هاي صور جن
والله يابوفيصل واحد وحده ملامحهم غير واضحه وشعورهم ليف بس الصور الثلاثه اشكالهم مسجمه مثل الانسان
قلت حق رفيجي ياخوي هذول ايش الي جابهم في الصور ههههههههههه قال فضولهم خلالهم يبون يعرفون ايش هالفلاشات الي قاعده تنضرب ونصادوا

فينا انشوف الصور يالعميد لو مازالت عندك

[Charisma]

..

بايلوت ,, ناكلان .. استمعوا للتالي:


*صرقعة نمبر 1


احقد هالقصة من كان عمري 9 سنين كنت أشوف ظل رجال أسود في أسود من الدريشة كنه واقف ولمن اتم أناظره يختفي او كأنه يمشي وربي على ماقول شهيد وكانت الوالدة الله يحفظها تدري بهم ولمن نقول لها تضحك علينا وتقول تخيلات بس هي تدري وتشغل القرآن وترقد معانا:weeping:


http://store2.up-00.com/2016-03/14569033134481.jpg (http://www.up-00.com/)

وعقبها تعودت عليه وصرت افتح الستارة مش الدريشة وعلى جنب بعد عشان ماتخرع عدل ,,لمن اشوف المنظرة اشوفه وراي من الدريشة يوم ايه واسبوع لاء .!!

انا مامريت بأي تجربة في هالموضوع ، وأغلب الأمور اللي ترعب الشخص يطلع مصدرها شي "طبيعي" أمثله :


ثوب معلق والهوا يلعب فيه .
صوت تمدد وانكماش ( كبت ، طاوله ، تلفزيون ..إلخ ) بفعل الحراره والبروده.
أصوات تنتقل من التمديدات الداخليه للبيت .
الظل ممكن يكون ناتج عن أي شيء ( حيوان ، طير ، كرتون ..إلخ ) وعلى حسب الأضاءاه والزاويه ممكن يكون الظل بشكل اخر واكبر .
الأرهاق والتعب والوسوسه ، تخلي الشخص يسرح بخياله .




الزبده ياجماعة ، لاتصرقعون خلق الله ، مثل هالمواضيع " وتعذرني بصمه " ، مامنها فايده ، ماغير وسوسة وزرع للخوف ، خصوصا وان الموضوع ممكن يقرونه مراهقين " قراء " ، وحتى بعض الكبار يتأثرون بمثل هالقصص ، وتشغل بالهم وأفكارهم .

[R 7 A L]

مره طلعنا رحله بريه شبابية في دخان قبل عشرين سنه
المهم صليناالعشا الا اثنين من الشباب قاعدين عند الضو
وحنا نصلي وهم قريب منا الا نسمع صوت شي يركض كنه صوب حوافر حصان
بسرعة والا الربع قامو يركضون صوبنا وهم خايفين وصلوا معنا كنا في اخر ركعت
بعد ماسلمنا سألناهم وش فيكم قالوا مر بيننا شي له ميل راس الحمار وجسمه من تحت جسم انسان
شغلنا ليتات السيارة وفريناها يمين يسار ولا نحصل اثار شي ضارب في الارض بقوه
وقبل لا انطفي الليت شفنا شي مثل العيون

[بصمة قطرية]

انا مامريت بأي تجربة في هالموضوع ، وأغلب الأمور اللي ترعب الشخص يطلع مصدرها شي "طبيعي" أمثله :


ثوب معلق والهوا يلعب فيه .
صوت تمدد وانكماش ( كبت ، طاوله ، تلفزيون ..إلخ ) بفعل الحراره والبروده.
أصوات تنتقل من التمديدات الداخليه للبيت .
الظل ممكن يكون ناتج عن أي شيء ( حيوان ، طير ، كرتون ..إلخ ) وعلى حسب الأضاءاه والزاويه ممكن يكون الظل بشكل اخر واكبر .
الأرهاق والتعب والوسوسه ، تخلي الشخص يسرح بخياله .




الزبده ياجماعة ، لاتصرقعون خلق الله ، مثل هالمواضيع " وتعذرني بصمه " ، مامنها فايده ، ماغير وسوسة وزرع للخوف ، خصوصا وان الموضوع ممكن يقرونه مراهقين " قراء " ، وحتى بعض الكبار يتأثرون بمثل هالقصص ، وتشغل بالهم وأفكارهم .


بتجاوز كل المشاركات عشان أرد على الكابتن ..
أولاً حياك الله في الموضوع ..
ثانياً الحمدلله إنك ما تعرضت لهالمواقف ..
ثالثاً ..
الموضوع مب جديد و النت مليان مواضيع
و سوالف أخس من اللي إنذكرت هني ..
واللي ما يبي مب مجبور يدخل و يقرا
عشان يكون هالموضوع سبب لخوف أي شخص ..
و حياك الله مرة ثانية ..0

[white bird]

ما توقعت القصص تخوف جذي😡
عيوني قامت تدمع مادري ليش ههههههه

أكمل أقرا ولا خلاص :(!
فيني فضووول

[بصمة قطرية]

ما توقعت القصص تخوف جذي��
عيوني قامت تدمع مادري ليش ههههههه

أكمل أقرا ولا خلاص :(!
فيني فضووول

روحي نامي
و إقري المعوذات و آية الكرسي
ونامي على جنبج اليمين ..

بكرة في النهار إقريها :)

[بعيد النظر]

فينا انشوف الصور يالعميد لو مازالت عندك

والله لو انا من النهار ما اشغل الكيمرا مرة ثانية ..
ولا افكر احط اصورهم في أي مكان |!

[بانغ بانغ]

اسمعوا القصة ذي اللي صارت معانا في عام 1994 في بني ياس قريب ابوظبي ....

واحد من الربع كان فيه مس من الجن وخذوه حق كم شيخ في الخليج والرجال كان مسحور سحر شديد ... انا حضرت معاه كم جلسة مع المطاوعة ... وكان الخبيث يتكلم بلسانه وايقول ان السحر مدفون في قاع بحر او بطن سمكة او في جذع شجرة .... بس ما يقدر ايقول لان الساحر ماسك عياله ( حسب كلامه طبعا واكثرهم كاذبين )

الرجال كان متدين لأقصى درجة وكان هاي ابتلاء من الله له .... للأسف بعض الناس ينكرون تلبس الجن للأنس لدرجة خذوه للقرضاوي وبعض المشايخ الكبار في الدوحة وقالوا هذي حالة نفسية شديدة ... المهم ما حبينا انطول معاهم .. اما مشايخ السعودية والبحرين ما قصروا فيه مشايخ كبار ومشاهير منهم قروا عليه في الرياض ومكة بس مافي فايدة لان كان مربوط .

سمعنا عن رجل دين في بني ياس وقلنا انجرب حظنا مع صاحبنا .... هذا الرجال كان في قطر وايقولون انطرد او بلغوه يطلع من قطر ايام الشيخ خليفة الله يعطيه العافية اواخر الثمانينيات ...

المهم خذنا العنوان ومشينا من ابوظبي ودخلنا الفريج .. كان فريج تعيس بحكم حجم ومكانة المنطقة ... سألنا كم واحد في الشارع عن بيت الشيخ حسن ال------ وكان البعض يمتعض في الرد علينا والبعض يمشي بدون رد والبعض ايحاول يتجنب الرد ..

حسينا الموضوع فيه "إن" لين ما حصلنا واحد ارشدنا للبيت وحصلنا البيت اخيرا بعد عناء واحنا صراحة اوجسنا في انفسنا خيفة لكن لان تعنينا وجينا كل هالمسافة قلنا انشوف حظنا الرجال مع الرجال مع ان هالرهبة كانت من خلال ردة فعل الناس .

حصلنا البيت ( نفس المواصفات اللي اذكرتها بصمة ) بيت قديم في منطقة قديمة .... عند مسجد اثناء صلاة العصر ... ضربنا الجرس والا وحدة من ورا الباب اترد ... قلنا هاي بيت الشيخ حسن .... قالت اي بس هو في المسجد ايصلي وبيجي ...... اوووووووووووووووف ارتحنا كلنا وكأنه حد صاب ماي بارد وارتحنا ان الرجال امصلي وراع بيت وعنده اسرة واعيال ( لان سمعنا ان بني ياس فيها مشعوذين وايدين ) وهاي كان مطرود من قطر بس ما نعرف ليش ..

دخلنا مجلس طرف البيت ... 4x4 وفاضي ولا فيه اي شي الا كراسي وطاولة في النص ......... ويا ريتنا ما شفنا الطاولة واللي فوق الطاولة !!!!

قسما بالله تيبسنا وما قدرنا نتحرك وحسينا المجلس في حد غيرنا .... الظاهر كان عندهم party خاص ههههههه ...

هدوء تام ولا في حس ان البيت في اعيال او ناس غيرنا لان صوت السيارات كان ينسمع من داخل المجلس .... بيت صغير نفس بيوتنا اول بس مخيف ..

بغينا نطلع لان بالفعل البيت ما كان مريح بس ما قدرنا ... قلنا خل انشوف الرجال حتى لو ساحر ... بنتفق معاه وبنرجع مرة ثانية .... عقبها بنشل عليه الدوحة ههههههههههههه

***** ملاحظة ***** من خلال حضورنا لجلسات طرد الارواح عند المطاوعة كانوا دايما ايبلغونا ان انكون متوضين وما نشبك ايادينا مع بعض ... يعني كل يد اتكون هدد مب ماسكة اليد الثانية اثناء الرقية او القراية على المريض الملبوس .... مادري ليش

المهم ايش اللي كان فوق الطاولة !!!!!!!!!!!!!!! نص بطيخة ( نص جحة )

وما كانت للضيوف لان ما كان فيه صحون او سكاكين او شي يوحي للضيف انها للضيافة

((( كانت قربان ))) الظاهر

كل هالكلام كان في عشر دقايق من لحظة دخولنا ... الا صوت الشيبة داخل بعصاته ....

يحليله شيبة يمكن كان عمره 75 ذيك السنة ( توفى الرجال مثل ما سمعنا بعدها بسنة )

دخل وسلمنا عليه وحبيناه فوق راسه " نبي انضبط معاه احين " هههههههههههههههههههههه من الخوف

قال وين المريض .. قعدناه عنده ... واسأله كم سؤال .... اشفيك ومن متى وايش اتحس وكم سؤال ما اتذكرهم ....

عقب راح داخل ... الشيبة مسكين شكله حليو وفقير وقلنا يمكن راح اينادي الخدامة اتجيب فاله او عصير لنا .... قسما بالله قعدنا انطالع بعض مثل الميانين ومصدومين لان البطيخة خرعتنا بوجودها كقربان ومن الشيبة ..... اول مرة اشوف قربان

دخل ومعاه دفتر مثل مال المدارس ....

****** قال له شسم أمك ******

اسقط في يدنا وعرفنا انه ساحر وما قدرنا انقول شي لانه خلاص احنا في بيته ....

المريض تردد وسوا نفسه بطنه ايعوره عشان ما يقول اسم امه ... الشيبة قاله ايوا اسم امك فلانة ( وكان صحيح )

قرأ كم شغله بصوت غير معروف وثار صاحبنا .... ( مافي داعي اذكر القصة بتفاصيلها لانها مب هدفي من طرح هالمشاركة )

اللي ودي اقوله اني حضرت كثير من جلسات القراية على مرضى وكان الملبوس صوته يتغير واقسم بالله احلف بالله شفت كم واحد الثوب ينشق من الكلر لين نص الثوب ( من يقدر ايشق كلر ثوب )

بس هذي كانت اول مرة اشوف مشعوذ في حياتي والشيبة كان جدا محترم صراحة وما قصر وعذب الروح الخبيثة بقرايته بس كانت سحر وهاي حرام وصاحبنا ما يدري ....

عقب ما خلصنا .. عطيناه حسابه ومسكين رفض ياخذ اي درهم من عندنا وعقب جاب لنا عصير ( شربناه غصبا عنا ههههههه وطعمه كان حلو )

القصد ان الواحد لازم ايحاسب عند من ايروح وفعلا البيت ما كان مريح ابدا ابدا .... اصلا حتى البنت اللي ردت علينا ... شكينا انها انسية او بنت فعلا لو مب جنية بس ما شفناها طبعا

للأسف في ناس ايكذبون تلبس الجن للأنس او المس الشيطاني ولكن هذي حقيقة فعلا ....

نعم في اوهام وفي توجسات وحالات نفسية خطيرة اتخلي الواحد كأنه ملبوس فعلا لكن في تلبس .... وهاي نتيجة جهل الناس في هالامور

فالواحد ايحاسب ايدش خرابه او ايصب ماي على جيفة نتنة في بر او يجلس وقت طويل عند نار مشتعله او ايكون في بر وهو على نجاسة / جنابة مثلا ...

الله يحفظنا واياكم ....

اسفين راعية الموضوع على الاطالة واكتفي بهذه المشاركة في هذا الموضوع المهم .

[ولد العرب]

ما توقعت القصص تخوف جذي��
عيوني قامت تدمع مادري ليش ههههههه

أكمل أقرا ولا خلاص :(!
فيني فضووول

http://www.blsoar.com/images/Wonders/15/9/صور-مخيغة3.gif

[مهرة]

^^

لا والله .!! :thumbdown:

بايخة شوف غيرها

[مهرة]

..

اخوي بانغ هذي مو شيخ هذا منجم ويمكن ذيك الجلسة مش لطرد الأرواح بل لجمع الأرواح يناديهم يعني ويعرف شغلة يعرف متى يجمعهم ويعرف متى يفرقهم وترا هم يعرفون أقرانا ويكلمونهم قبل مايجونا اذا كنا احنا الموجودين في الحلقة وبعد يكلمونهم بوجودنا وصدقوني بتحس باشياء غريبة مو شرط اتشوف اجسام واشكال يكفي الأنكماش والكتمة وبعد تحس بعيون تناظرك من كل مكان بس انت ماتشوفها وكأنك نجم هوليودي وموجه عليك كل الكاميرات واضرب يافلاااااش.!!

الوصف هذا عرفته من جدي الله يرحمه لأنه حضر كم جلسة :secret:

[بانغ بانغ]

..

اخوي بانغ هذي مو شيخ هذا منجم ويمكن ذيك الجلسة مش لطرد الأرواح بل لجمع الأرواح يناديهم يعني ويعرف شغلة يعرف متى يجمعهم ويعرف متى يفرقهم وترا هم يعرفون أقرانا ويكلمونهم قبل مايجونا اذا كنا احنا الموجودين في الحلقة وبعد يكلمونهم بوجودنا وصدقوني بتحس باشياء غريبة مو شرط اتشوف اجسام واشكال يكفي الأنكماش والكتمة وبعد تحس بعيون تناظرك من كل مكان بس انت ماتشوفها وكأنك نجم هوليودي وموجه عليك كل الكاميرات واضرب يافلاااااش.!!

الوصف هذا عرفته من جدي الله يرحمه لأنه حضر كم جلسة :secret:

صادقة ... تجميع الارواح ...

الله يرحمه جدك الظاهر عارف لهم ...

المشكلة بين الواحد يتدبس فيهم ما يقدر يطلع ...

[ولد العرب]

^^

لا والله .!! :thumbdown:

بايخة شوف غيرها

:(:(:(

[بصمة قطرية]

أخوي بالأردن
إذا ما خانتني الذاكره
يقول كنت منسدح وأسمع صوت قمت اشوف مابه احد المهم كنت دايخ وابغى أنام
يقـول رديت انسدحت بفراشي الا الي يجر الفراش من جهة رجلي وانتو بكرمه
يقول وأنا أجره ماتوقعت ان فيه احد يمكن ناشب بطرف السرير كذا
يقول الا يسحب بقوه وانا اقوم .. اظن أخوي فتح الليت خافت يقووول بسم الله الرحمن الرحيم من إلي شفته
رجال قصيييير بإرتفاع السرير تقريبا كانه شايب وله زقم يقول الحين انا بالفراش أبغى أقرأ استغفر الله يقول نسيت سورة الإخلاص ونسيت المعوذات ولا عاد عرفت اقرأ قرآن
بس إني أقول بصوت عالي بوجه وأنا ادفع بيدي صوبه بالهوا بسم الله الرحمن الرحيم لا إله إلا الله أعوذ بالله لا إله إلا الله بسم الله وهكذا يقول راح يركض باب الغرفه مردود طبعا فطلع
قام أخوي بيشوف شسالفه وينه الحمدلله مالقاه
ولا عاد شافه أبدا أبدا مره ثانيه


بسم الله .. :eek5:

[بصمة قطرية]

عودا حميدا اخوي امير المحبه


ههههههههههههههههه اتغشمر


يا الهي يا بصمه يعني مب بدايته شفتيه كئيب وليش دخلتيه :rolleyes2:
بصراحه موقف مرعب لكم زين ماطلع لكم شي فجأه هههههههه

حاسبو اي مكان تشوفون كئيب او مشبوه لاتدخلونه
والافضل من هذا كله دايما شوفو البيوت في النهار وحمد 2002 هههه

لان بالنهار تشوفون البيوت بشكل احسن و اوضح
وبعد ماتشوفون اشياء ثانيه :nop:


الله يحفظكم وييسر اموركم ان شاء الله
خخخخخخخ
من عقب هالبيت مستحيل أشوف بيت الليل ..
النهار ومرات تحس بخوف شلون الليل ..

إلا صج وينه أمير ..!!

[مهرة]

الله يعينج يا مهره
موقف مرعب وخاصه في السن الي كنت فيه
يعني ممكن يلازمج هالشعور والمنظر لفتره طويله

..

فعلآ اخوي صادق تمت ملازمتني لفترة طويلة والدليل وانا اكتبها لكم تذكرت كل تفاصيلها وكل شي كان بالغرفة

*صرقعةنمبر 2

هذي الحادثة صارت وانا بعمر ال15 في ليلة من الليالي وقت النوم بعد ما الوالدة الله يحفظها تشيك علينا وتطفي الليتات وتروح اطلع المسجل من تحت المخدة مع السماعات وذاك الشريط الغاوي واسمع لا لستي فاتنتي ويعورني قلبي وارد اسمعها واقلب عالوجه الثاني واتم الأغاني للأسف باذوني لين ارقد وفي ليلة مثل هالليلة وانا منسجمة مع ذاك الصوت الصداح ومغمضة عيوني مستطربة وطبعا الغرفة مظلمة حسيت بحد مشى على رجولي حركتهم عادي انه يوخر هالشي مش فاضية له واشويات حسيت بهوا حاااااار قرب من وجهي وكاني قربت وجهي من شولة او شمعة ،،فتجمدت مكاني وماقدرت احرك يدي عشان اسكر المسجل تقريبا دقيقتين فتحت عيوني وقمت شغلت الليت وهاوشت اختي ومن مسوي هالحركات بس كانت في سبات عميق ولا كأنه صاير شي رحت اشوف وجهي بالمنظرة وعادي مافي شي ومن يومها توبة ماحط أغاني باذوني بس نحط قرآن والله ان القصة حقيقية.

[العقل المدمر]

قصصكم تينن بصراحة خصوصا هالحزة :shy:

[مهرة]

..

اعترف على هالجو تذكرت ربعنا :secret: عاد مع أصوات المطر والرعد تحلى سوالفهم.!

[ضوى]

..

فعلآ اخوي صادق تمت ملازمتني لفترة طويلة والدليل وانا اكتبها لكم تذكرت كل تفاصيلها وكل شي كان بالغرفة

*صرقعةنمبر 2

هذي الحادثة صارت وانا بعمر ال15 في ليلة من الليالي وقت النوم بعد ما الوالدة الله يحفظها تشيك علينا وتطفي الليتات وتروح اطلع المسجل من تحت المخدة مع السماعات وذاك الشريط الغاوي واسمع لا لستي فاتنتي ويعورني قلبي وارد اسمعها واقلب عالوجه الثاني واتم الأغاني للأسف باذوني لين ارقد وفي ليلة مثل هالليلة وانا منسجمة مع ذاك الصوت الصداح ومغمضة عيوني مستطربة وطبعا الغرفة مظلمة حسيت بحد مشى على رجولي حركتهم عادي انه يوخر هالشي مش فاضية له واشويات حسيت بهوا حاااااار قرب من وجهي وكاني قربت وجهي من شولة او شمعة ،،فتجمدت مكاني وماقدرت احرك يدي عشان اسكر المسجل تقريبا دقيقتين فتحت عيوني وقمت شغلت الليت وهاوشت اختي ومن مسوي هالحركات بس كانت في سبات عميق ولا كأنه صاير شي رحت اشوف وجهي بالمنظرة وعادي مافي شي ومن يومها توبة ماحط أغاني باذوني بس نحط قرآن والله ان القصة حقيقية.


قصتج هذي بالضبط صارت مع بنتي ، وقلت لها من الاغاني والطرب اللي مشغلته وهم يستانسون عالدمبك دمبك ، ودايما اقولها غرفتج مليانه جن من المسخرة اللي تسمعينها ، تخاف كم يوم وتهدا وترد تسمع اغاني ، الله يهديها ويصلحها وجميع بنات المسلمين

[بريق الحق]

انا اذكر كان سريري يهتز قبل اذان الفجر بدقايق

[مهرة]

انا اذكر كان سريري يهتز قبل اذان الفجر بدقايق


جميل جداً ,, بالعكس هذول اتحبهم وتتمسك فيهم مبين عليهم مسلمين وحبوبين والدليل يقعدونك على صلاة الفجر جزاهم الله كل خير

[مهرة]

قصتج هذي بالضبط صارت مع بنتي ، وقلت لها من الاغاني والطرب اللي مشغلته وهم يستانسون عالدمبك دمبك ، ودايما اقولها غرفتج مليانه جن من المسخرة اللي تسمعينها ، تخاف كم يوم وتهدا وترد تسمع اغاني ، الله يهديها ويصلحها وجميع بنات المسلمين


توبة:weeping: بس ضوى قولي لهم عن ذاك الي كان يطق باب بيتكم ويناديكم بالأسم مو متذكره عدل بس عندج قصص كثيرة وحلوة:ok:

[بريق الحق]

اختفو بعدها بفتره
بس في اشيا ثانيه اسمعها وجميله الصراحه

[مهرة]

^^

مثل؟؟

[ضوى]

بو مهرة

عاد ارميله مشهورة بسكن الجن فيها

اتذكر العيوز يوم شدينا من بيتنا واقفه بوسط الحوش وتودعنا سبحان الله كنا صغار عبالنا اوادم مثلنا

[JN000N]

اكتبها مره ثانية أنا ما قريتها
من زمان وانا شاك ان غيرالبشر يطير ههههههه
والحين تاكدت قاعد يتسابق مع الجني
تصخين وبعدين يطيررررر
هههههههههههههه

ههههههههههههههههههه
ردك فجرني من الضحك

[JN000N]

اسمعوا القصة ذي اللي صارت معانا في عام 1994 في بني ياس قريب ابوظبي ....

واحد من الربع كان فيه مس من الجن وخذوه حق كم شيخ في الخليج والرجال كان مسحور سحر شديد ... انا حضرت معاه كم جلسة مع المطاوعة ... وكان الخبيث يتكلم بلسانه وايقول ان السحر مدفون في قاع بحر او بطن سمكة او في جذع شجرة .... بس ما يقدر ايقول لان الساحر ماسك عياله ( حسب كلامه طبعا واكثرهم كاذبين )

الرجال كان متدين لأقصى درجة وكان هاي ابتلاء من الله له .... للأسف بعض الناس ينكرون تلبس الجن للأنس لدرجة خذوه للقرضاوي وبعض المشايخ الكبار في الدوحة وقالوا هذي حالة نفسية شديدة ... المهم ما حبينا انطول معاهم .. اما مشايخ السعودية والبحرين ما قصروا فيه مشايخ كبار ومشاهير منهم قروا عليه في الرياض ومكة بس مافي فايدة لان كان مربوط .

سمعنا عن رجل دين في بني ياس وقلنا انجرب حظنا مع صاحبنا .... هذا الرجال كان في قطر وايقولون انطرد او بلغوه يطلع من قطر ايام الشيخ خليفة الله يعطيه العافية اواخر الثمانينيات ...

المهم خذنا العنوان ومشينا من ابوظبي ودخلنا الفريج .. كان فريج تعيس بحكم حجم ومكانة المنطقة ... سألنا كم واحد في الشارع عن بيت الشيخ حسن ال------ وكان البعض يمتعض في الرد علينا والبعض يمشي بدون رد والبعض ايحاول يتجنب الرد ..

حسينا الموضوع فيه "إن" لين ما حصلنا واحد ارشدنا للبيت وحصلنا البيت اخيرا بعد عناء واحنا صراحة اوجسنا في انفسنا خيفة لكن لان تعنينا وجينا كل هالمسافة قلنا انشوف حظنا الرجال مع الرجال مع ان هالرهبة كانت من خلال ردة فعل الناس .

حصلنا البيت ( نفس المواصفات اللي اذكرتها بصمة ) بيت قديم في منطقة قديمة .... عند مسجد اثناء صلاة العصر ... ضربنا الجرس والا وحدة من ورا الباب اترد ... قلنا هاي بيت الشيخ حسن .... قالت اي بس هو في المسجد ايصلي وبيجي ...... اوووووووووووووووف ارتحنا كلنا وكأنه حد صاب ماي بارد وارتحنا ان الرجال امصلي وراع بيت وعنده اسرة واعيال ( لان سمعنا ان بني ياس فيها مشعوذين وايدين ) وهاي كان مطرود من قطر بس ما نعرف ليش ..

دخلنا مجلس طرف البيت ... 4x4 وفاضي ولا فيه اي شي الا كراسي وطاولة في النص ......... ويا ريتنا ما شفنا الطاولة واللي فوق الطاولة !!!!

قسما بالله تيبسنا وما قدرنا نتحرك وحسينا المجلس في حد غيرنا .... الظاهر كان عندهم party خاص ههههههه ...

هدوء تام ولا في حس ان البيت في اعيال او ناس غيرنا لان صوت السيارات كان ينسمع من داخل المجلس .... بيت صغير نفس بيوتنا اول بس مخيف ..

بغينا نطلع لان بالفعل البيت ما كان مريح بس ما قدرنا ... قلنا خل انشوف الرجال حتى لو ساحر ... بنتفق معاه وبنرجع مرة ثانية .... عقبها بنشل عليه الدوحة ههههههههههههه

***** ملاحظة ***** من خلال حضورنا لجلسات طرد الارواح عند المطاوعة كانوا دايما ايبلغونا ان انكون متوضين وما نشبك ايادينا مع بعض ... يعني كل يد اتكون هدد مب ماسكة اليد الثانية اثناء الرقية او القراية على المريض الملبوس .... مادري ليش

المهم ايش اللي كان فوق الطاولة !!!!!!!!!!!!!!! نص بطيخة ( نص جحة )

وما كانت للضيوف لان ما كان فيه صحون او سكاكين او شي يوحي للضيف انها للضيافة

((( كانت قربان ))) الظاهر

كل هالكلام كان في عشر دقايق من لحظة دخولنا ... الا صوت الشيبة داخل بعصاته ....

يحليله شيبة يمكن كان عمره 75 ذيك السنة ( توفى الرجال مثل ما سمعنا بعدها بسنة )

دخل وسلمنا عليه وحبيناه فوق راسه " نبي انضبط معاه احين " هههههههههههههههههههههه من الخوف

قال وين المريض .. قعدناه عنده ... واسأله كم سؤال .... اشفيك ومن متى وايش اتحس وكم سؤال ما اتذكرهم ....

عقب راح داخل ... الشيبة مسكين شكله حليو وفقير وقلنا يمكن راح اينادي الخدامة اتجيب فاله او عصير لنا .... قسما بالله قعدنا انطالع بعض مثل الميانين ومصدومين لان البطيخة خرعتنا بوجودها كقربان ومن الشيبة ..... اول مرة اشوف قربان

دخل ومعاه دفتر مثل مال المدارس ....

****** قال له شسم أمك ******

اسقط في يدنا وعرفنا انه ساحر وما قدرنا انقول شي لانه خلاص احنا في بيته ....

المريض تردد وسوا نفسه بطنه ايعوره عشان ما يقول اسم امه ... الشيبة قاله ايوا اسم امك فلانة ( وكان صحيح )

قرأ كم شغله بصوت غير معروف وثار صاحبنا .... ( مافي داعي اذكر القصة بتفاصيلها لانها مب هدفي من طرح هالمشاركة )

اللي ودي اقوله اني حضرت كثير من جلسات القراية على مرضى وكان الملبوس صوته يتغير واقسم بالله احلف بالله شفت كم واحد الثوب ينشق من الكلر لين نص الثوب ( من يقدر ايشق كلر ثوب )

بس هذي كانت اول مرة اشوف مشعوذ في حياتي والشيبة كان جدا محترم صراحة وما قصر وعذب الروح الخبيثة بقرايته بس كانت سحر وهاي حرام وصاحبنا ما يدري ....

عقب ما خلصنا .. عطيناه حسابه ومسكين رفض ياخذ اي درهم من عندنا وعقب جاب لنا عصير ( شربناه غصبا عنا ههههههه وطعمه كان حلو )

القصد ان الواحد لازم ايحاسب عند من ايروح وفعلا البيت ما كان مريح ابدا ابدا .... اصلا حتى البنت اللي ردت علينا ... شكينا انها انسية او بنت فعلا لو مب جنية بس ما شفناها طبعا

للأسف في ناس ايكذبون تلبس الجن للأنس او المس الشيطاني ولكن هذي حقيقة فعلا ....

نعم في اوهام وفي توجسات وحالات نفسية خطيرة اتخلي الواحد كأنه ملبوس فعلا لكن في تلبس .... وهاي نتيجة جهل الناس في هالامور

فالواحد ايحاسب ايدش خرابه او ايصب ماي على جيفة نتنة في بر او يجلس وقت طويل عند نار مشتعله او ايكون في بر وهو على نجاسة / جنابة مثلا ...

الله يحفظنا واياكم ....

اسفين راعية الموضوع على الاطالة واكتفي بهذه المشاركة في هذا الموضوع المهم .

صح في ناس وايد يكذبون تلبس الجن
وفالمنتدى شكثر
واذكر اني قلت لهم يارب تجوفونه قدامكم ويصيدكم عشان تعرفون ان الله حق خخخ
انا جفت ناس متلبسين بجن مسلمين
وجفت وحده متلبسها جني كافر وتبهدلت
الله يعينهم

[بصمة قطرية]

صادقة جنون
للأسف وايد يستهزؤون بهالشي
و يتطنزون أذا سمعوا سالفة ..
في فترة من الفترات كنت أروح لمطاوعه يقرون علي
بسبب حالة مرضية جاتني و مالها علاج طبي ..
بإختصار ..
شفت أشياء والله العظيم كنت أحس الدم ينشف من عروقي
واختم القرآن من الروع ..
أول مرة طلعت وانا أصيح وماقدت أنام الليل ..
المرات اللي بعدها ماقدر أتحكم في عمري لا شعورياً
أصيح واموت خوف من حالات التلبس اللي أشوفها ..
الله يشفيهم ولا يبلانا يارب ..

[بريق الحق]

الي يشك في هذي الامور
عندي واحد من المشايخ مسافر حاليا خله يروح معاه وبعرف بعدها (:

[مهرة]

^^

المس والتلبس موجودين والي يبي يشوف ويتأكد يروح مع المشايخ مش يفتح اليوتيوب أغلبه خرط وهرج مامنه فايده.!

واغلب حالات المس تكون بالبر صوب سيلين الغارية مثلاً وخاصة اذا طلع حد فيكم بعد نص الليل يلبي نداء الطبيعة او يصب ماي حار تحملوا لازم تسمون وتذكرون الله عشان يسمعونكم ويشردون لا تستهينون بالموضوع اذا قد صارت معاكم اكثر من مرة وشفتوا انه عادي ممكن يصير شي لا قدر الله المرة الجاية.!!

[بريق الحق]

في سالفه صارت صوب البشيريه او ام الحول اهل الوكره يعرفون السالفه عدل

شاب كت ماي حار فلليل بدون مايذكر اسم الله وهم كانو يطبخون الا يسمعون حد يصارخ نفس الشاب قال حق ربعه بجوووف شسالفه او ماراح الا اي موتر يصفقه وسمعو صوت يقول لهم سوينا فيه نفس ماسويت فينا

[مهرة]

^^

سلام قول من رب رحيم .. وترا مايطلعون بسرعة من الواحد وخاصة اذا كانت مره ياويل حاله والله يعينه انا شفت هالحاله بعد سنه تقريباً اطلعت وبعد عدة جلسات ومشايخ.!

[مهرة]

..

بما انه مزاجي سيئ بقول لكم قصة تزيد من الحالة سوءاً،،

صرقعة نمبر 3

عادي جدآ تقوم من نومك وتسمي وتشرب ماي وترجع تنام وتحس بإحساس مريح وطبعاً تشيك عالساعه بس صادف ليلة من الليالي الي مافيها خسوف قمت تشرب ماي ولقيته مخلص يوووووه الحين وين تنزل تحت المطبخ تشرب ماي.!!

يالله شتسوي بعد نلبس السليبر ونمشي هدا هدا عالدرج وأخيراً باب المطبخ وتاخذ جيك الماي وتشرب والباقي بتطلعه معاك وانت بتلف تطلع من الباب الا ابوك واقف وراك ويناظرك بطريقة غريبة وانت اول ماجت عينك بعينك حسيت بشي غريب كأن وجهه متغير وشعر جسمك واقف وحرارتك ترتفع من القاع لييييييين قمة راسك بس لحظة الوالد ليش يقلب راسه كأنه يطرقع رقبته ويخزني بعيونه حتی ثوبه لونه غريب ماقد شفت ابوي بهالألوان.!! ولا قال كلمة وانا حاولت افتح حلجي ماقدرت تلعثم لساني علی طول صديته عنه وسميت وطلعت من المطبخ وانا احس بثقل في أطرافي لين وصلت الصاله طليت وراي مالقيت ابوي (الي عبالي ابوي) وتأكدت انه من ربعنا بس متهيأ بصورة الوالد.! ثاني يوم الصبح أسأل ابوي عن سالفة أمس قال لي: لو انك مصلي الفجر ماكان ألفت هالسوالف قهوينا بس .!!

[محب قطر 64]

حرام ارعبتمونا
انا الان لوحدي نص عتمة ونص نور