بخصوص الزحمة الوضع صار لا يطاق

[LSBU]

الان اصبح همي هي الزحمة فقط لو تطلع متى بعد بتتاخر شوارع صارت تجيب الضغط والزحمة خاصة منطقة الابراج من اشارات البريد لين دوار التلفزيون :cry2:

مافي حل يعني لو على الاقل يوزعون الناس على فترتين عمل يمكن شوي اهون.

[بانغ بانغ]

احما دوامنا من 10 - 3

هدوء منطقي الصبح من طريق الوكرة لكن زحمة العصر .... الكورنيش كانه شوارع القاهرة .

[qr95]

بعض الوزارات من ثلاث سنوات كانت ساعات العمل عندهم في رمضان اختياريه
تبدأ من 8_1 او من 9_2 والموظف يختار ويكون ثابت طول الشهر وكان ذلك أفضل
وأمس كاتبين في جريده الشرق ومدعومه بصور شوارع الدوحه خاليه في الصباح
ولا يوجد فيها زحام ولكن الشي اللي لفت نظري من أ طلع من البيت الصباح للعمل
وحين العوده من العمل لم ارى سياره شرطه واحده والزحمه شي عجيب ورهيب
خصوصاً اشارات التلفزيون والمرخيه وبرزان وإشارات الاقتصاد والجليعه ودحل الحمام
ومنطقه الابراج في الخروج شي لايوصف نهائياً غير عن السنه الماضيه ولكن لن يوجد
سوى تغيير ساعات العمل على مرحلتين او ثلاث 7 _ 12 و 8_ 1 و9_2

وأسال الله ان يتقبل منا ومنكم صالح الاعمال

[سالم الزهران]

أشهد بالله انكم مظلومين من هذه الناحية

انا كنت اناظر بعين فاحصة للزحمة وسببها و اذا سلمنا ان الزحمة في النهار بسبب الدوامات

فالزحمة في الليل اكثر بكثير و اغلبها سيارات يسوقها نساء عربيات ورايحات مولات بل عندهم دوام في المولات للأسف. و الفلبينيات بعد ما يقصرون

اي شريحة من الشرائح هذي اجزم ان عددهم اكثر من عدد المواطنيين . لذلك اللي تحتاجه المؤسسات في قطر من ها المقيمين يفترض ما تعطى رخص قيادة للتابعين له من افراد الأسرة

مجرد اقتراح

[Rider]

ياخوي كلنا نعاني من زحمه منطقة الابراج ودوار التلفزيون وطبعا كل سنة تزيد الزحمه بسبب انتقال بعض الوزارات والهيئة الي منطقة الابراج والسنة الجايه بتكون أسؤ
لازم يكون الدوام مرن دوام 8 تطلع 1 دوام 9 تطلع 2 بعدين المفروض غير المسلمين يداومون دوام عادي ليش يطلعون معانا واخر شي معلقين التيس

[الاعرابي]

تعال انزل في زحمة معيذر ولا الريان ولا بني هاجر ولا ابو اسدرة ان تكره عيشتك
خص مابعد الفطور بنص ساعة
شارع معيذر التجاري تبي شغلة بسيطة عادي تاخذ 45 دقيقة فيه المواتر على طوله صدام بصدام لازقين في بعض
غير الي يعرقل السير واحد داش عليك من يمين والثاني من وراء والثاني عاكس السير


شوارعنا مأساة
لازم يكون فيه تتدخل وتشوف لها حل مع هالزحمة
هرررررررمنا والله من هالزحمة وعادنا شباب
والسالفة ترا ماهي بسالفة دوامات ولا زحمة الابراج
الزحمة في كل شبر من الدوحة حتى المناطق الخارجية الي ماحولك احد ازدحمت


ما اقول الا السين على سنغافورة بسس
جلست فيها اسبوع ولادريت ان سكانهم 5 مليون الا اخر يوم وذلك لانسيابية الحركة وزين الشوارع عندهم وكبرها

وهي مساحتها 700 كيلو متر مربع
يعني اصغر من قطر ب 16 مرة !

[Qtr37]

مافي هدوء الا يمكن وقت الفطور!!
انا من اول رمضان طلعت في اوقات مختلفة 9 الصبح ، 10 او 9 ونص، ورجعت 1 او 1 ونص وكل هالاوقات زحمة اكثر من قبل رمضان، الكورنيش لا يطاق زحمة من اول اشارات بو عبود
حتى الساعة 3 العصر طبعا غير بعد التراويح

[captin]

صارت الزحمة عندنا 24/7

واي من الحلول المذكورة بتغيير ساعات الدوام لن تجدي والسبب
ان تعداد السكان وصل الى 2.7 مليون وعدد السيارات تجاوز مليون سيارة
والشوارع والبنية التحيتة كما هي منذ 15 سنة .

[ثابت]

بسبب الزحمة انا اصلي الظهر في منطقة الابراج و اوصل البيت مع صلاة العصر بسبب الزحمة صراحة تمل وانت تنتظر خاصة اشارات البريد لدوار التلفزيون زحمة طول الخط والسيارات ما تتحرك
يليت يشوفون لنا حل بصراحة الواحد تعب من الزحمة

[نيساني]

صارت الزحمة عندنا 24/7

واي من الحلول المذكورة بتغيير ساعات الدوام لن تجدي والسبب
ان تعداد السكان وصل الى 2.7 مليون وعدد السيارات تجاوز مليون سيارة
والشوارع والبنية التحيتة كما هي منذ 15 سنة .


الله المستعان

عطوني موعد علاج طبيعي في اسبيتار وسحبت عليهم لاني ما اضمن الطريق من الزحمه و3 ايام في الاسبوع يعني مافي امل

الله كريم

[ضوى]

مب خوش خبر

باداوم الاسبوع الجاي يعني بتلوع جبدي من الزحمه !؟

[ذكي جدااا]

مع الوتس اب والتليقرام وتويتر وانستجرام وفيس بوك وسناب شات ماحس بالزحمه كلش وبما إنه رمضان ممكن الواحد ينزل القران على الجوال ويقرأ كم أية.

[بورصجي_جديد]

الحل هو كالاتي الاسراع بتنفيذ المتيرو ثانيا تسفير اي اجنبي يكون خبرته بسيطه وحعل الكفاءات فقد كذا يقل سكان وبتخف الزحمه الاجانب عددهم كبير جدا

[networker]

شي خيالي

[قلب صادق]

الحمدلله في المناطق الخارجية لا نحس بالزحمة التي يعني منها كل أهل قطر في داخل الدوحة فمثلا في دخان لا نعرف ما معنى الزحمة ولله الحمد
ولكن عندما تفكر فقط في الذهاب الى الدوحة فان الاكتئاب والهموم تحاصرك والسبب هو الزحمة التي سوف تواجهك عند دخولك لحدود الدوحة

[طلعة الروح]

الحمدلله افتكيت من منطقة الابراج وخط الكورنيش الي صاير زحمه في اخر فتره خصوصا في فترة الذروة، بس انا اقول خل نعطيهم فرصه يمكن اشغال او المرور يبتكرون حركه جديده تسلك الطريق ولا ننسى ان اول ايام رمضان الناس اكثرها تقضي اغراض في الجمعيات : يعنى عشان تحسب نسبة الزحمه : اضرب زحمة يوم عمل عادي x زحمة يوم حدث مهم نفس الويكند او العيد ...

والله يفرجها على منتصف الشهر.

[قطر خضراء]

لا حل لمأساة الزحمة في قطر إلا بالاعتذار عن تنظيم كأس العالم
أما بقية الاقتراحات والنظريات فهي جميعا مجرد مسكنات

[عازف]

مملكة البحرين على صغر مساحتها شوف الزحمة عندهم اقل من عندنا بوااااايد او يعتبر مافي زحمة مافي ارتباك حتى لو في زحمة بس سلك،،،

[<اضرب واشرد>]

مع الوتس اب
والتليقرام
وتويتر
وانستجرام
وفيس بوك
وسناب شات
ماحس بالزحمه كلش

:omg:

[وحيد-الشوق]

نظرتي جداً تشاؤمية للزحمة ما اعتقد بتنحل حتى مع القطار عدد السكان كبير عندنا ونسبة الوافدين طغت على المواطنين بعشرات المرات والتخطيط فاشل واول مسبب رئيس للزحمة هي أشغال :)

[Dana’1]

فيه شخص تركي متابعته بسناب ...جاي سياحه لقطر ... يقول إيش هالزحمه .. بتقولو استنبول زحمه لا والله ماعنا زحمه !
يعني حتى هو على زيارة كم يوم لاحظ الزحمه غير طبيعيه.. صارت سمه من سمات البلد يذكرونها السياح:)

تدري انا شفت زحمه بتايلاندا عادي 13كم تاخذه من ساعتين لثلاث على قولة التاكسي
بس بعد مو مثل الدوحه !

للأسف مالها حل... بس بعطيك بصيص أمل بعد أسبوع اجازة الطلاب وإن شاءالله تخف الزحمه عليكم كموظفين


ماجورين:)

[ابوالكلام]

سبب رئيسي بعد الملاحظة للزحمة وعرقلة السير. الهنود الهنود الهنود. اتمنى ادارة المرور تشوف لهم حل مثلاً دبابة تدعمهم من ورا ناس بليدين مايهتم الا في نفسه. عذرا اعزائي الهنود ليس تجريحاً بكم ولاكن هذا واقع

[.قطر.]

خل يشلون الاشارات وبتكون الامور تمام :omen2:

[Qtr37]

^
انا دوم اقول الناس البطيئة تسبب زحمة اكثر من غيرهم،، تحرك دام الشارع فاضي قدامك خلنا نتيسر !!!!
بعض الجنسيات فعلا كأن الشارع لهم ><

[القلب المؤمن]

سؤال صريح : يعني لما تكتبون مواضيع عن الزحمة بشكل متكرر هل تظنون انه في حل ؟
طبعا مافي فريحوا راسكم وارضوا بالواقع ....

[طلعة الروح]

مب خوش خبر

باداوم الاسبوع الجاي يعني بتلوع جبدي من الزحمه !؟

الله يعينج ويساعدج ويوفقج

[طلعة الروح]

^
انا دوم اقول الناس البطيئة تسبب زحمة اكثر من غيرهم،، تحرك دام الشارع فاضي قدامك خلنا نتيسر !!!!
بعض الجنسيات فعلا كأن الشارع لهم ><

أحيان الشارع تكون تركيبته غلط ومربكه لصحة السير مثل أغلب الشوارع المجدده حاليا وكذلك توزيعات الاشارات اللي تم اعادة ضبطها بس محد استفاد منها الا الضيق وزيادة الربكة والمعاناه والtail back مثال على ذلك اشارات الكورنيش واللفات اللي تكتض عندها المواتر وتسد الطرق الاخرى من اليسار
في أحسن الحالات، زد على ذلك لو كان هناك ضغط ع الشارع وقت الذروة.

[شيخ الديرة]

الأمر يتجه الى ان يكون الازدحام اسوأ كل سنة بسبب ازدياد عدد السكان والسيارات وتمركز الخدمات والاسواق وسط المدينة

يجب تفادي الرحلات التي ليست ضرورية, وأختزال الرحلات المتكررة الى رحلات ذات جدوى مضاعفة, يعني وانت رايح لفلان مكان مر على فلان مكان بطريقك, بدل ان تطلع مرة ثانية

أختيار الوقت مهم كذلك, لا تفكر مثل ما يفكر الأخرين بالذهاب الى لولو يوم السبت العصر ... وهكذا

[Dana’1]

الحل ناخذ رخصة طيران.. ونستخدم هذا

http://i.imgur.com/fndPzm2.jpg

http://i.imgur.com/BT6oNxO.jpg


http://i.imgur.com/hcnaT7r.jpg

http://i.imgur.com/Dp1DKv5.jpg

http://i.imgur.com/4Rele7D.jpg

http://i.imgur.com/5aWl3z7.jpg

http://i.imgur.com/ttKRucp.jpg

http://i.imgur.com/xhFsz1h.jpg


غير كذا مافيه

[بوخالد911]

توصلني نشرات شهرية من وزارة التخطيط
اتفاجأ واأبطل عيوني لما اقرى بأن عدد السكان بشهر 4 زاد بنسبة 30000 وافد!!!!!!
بمعدل الف وافد يوميا!!!!!
وحتى بشهر خمسة عدد اللي ادخلوا 28000 !!!!!
شنو هالتخبط الغير العقلاني واللامدروس!؟!؟!؟

لين وين يبون سكان قطر !؟!؟!؟!؟
والضحية احنا القطريين بس!!!

[معماري قطري]

في تامبا - فلوريدا من سنتين كانوا الناس يشتكون من الزحمة ودورتها حصلتها زحمة حلوة والسيارات تمشي ما توقف الا قليل عند الاشارات

الحكومة هناك تسوي حلول وتوسعات وتقاطعات غير طبيعية وتامبا ثالث مدن فلوريدا من حيث المساحة وعدد السكان .. فيها ثلاث مطارات دولية غير عن قاعدة عسكرية جوية كبيرة لو اشتغلت بالكامل بتأثر شوي على حركة الطيارات الأُخرى .. شوارعها واسعة وشغل البنيان وتسكير الطرق يكون جزئي وأثناء الليل من 10 لين قبل الصبح ووقت بداية المرور الصباحي تكون الشوارع مفتوحة بالكامل ويوقف الشغل

المواقف في كل مكان وأدوار تعال ووقف وخلص شغلك .. حتى المطار 9 أدوار مواقف ملتصقة فيه .. مب المكتب الهندسي الخاص سوى لنا مواقف تحت الأرض درجة حرارتها عالية ومحكورة .. ذيك مفتوحة بالكامل من الجوانب للتهوئة .. الكروس فنتليشن ( cross ventilation ) شوفوا اعرف انجليزي المهم يدخل قلبك .. مب حر وحكرة .. انا انقل تجربتي بخصوص مواقف حديقة الشيراتون غير ما جربت

[معماري قطري]

سبب رئيسي بعد الملاحظة للزحمة وعرقلة السير. الهنود الهنود الهنود. اتمنى ادارة المرور تشوف لهم حل مثلاً دبابة تدعمهم من ورا ناس بليدين مايهتم الا في نفسه. عذرا اعزائي الهنود ليس تجريحاً بكم ولاكن هذا واقع

يا اخوي بليدين .. تحسه يطالع فوق السكان ويمشي شوي شوي ومعرقل السير .. ذيلا ليش ما يخالفونهم مع الكاميرات اللي حاطينها .. ما يشافون الناس تسوي هرنات تشجعه يمشي وهو ما يحس

[بوخميس]

يا اخوي بليدين .. تحسه يطالع فوق السكان ويمشي شوي شوي ومعرقل السير .. ذيلا ليش ما يخالفونهم مع الكاميرات اللي حاطينها .. ما يشافون الناس تسوي هرنات تشجعه يمشي وهو ما يحس

وأكثر شي يبط الجبد لما يدوس بريكات ومحد قدامه

ودك تنزل تطعنه :anger1:

[معماري قطري]

الحمد لله الله رحمني السنة والعام واول العام من زحمة رمضان .. العام مسافر وأول العام دوام خفيف والسنة 0 دوام والله لا يغير علي

[بوخالد911]

وأكثر شي يبط الجبد لما يدوس بريكات ومحد قدامه

ودك تنزل تطعنه :anger1:


وغير اللي لما يغير من مسار لمسار ثاني يضرب بريك !!!!!

ودك تفجر رااااسه.

[معماري قطري]

وأكثر شي يبط الجبد لما يدوس بريكات ومحد قدامه

ودك تنزل تطعنه :anger1:

قبل يا بو خميس مسموح التسطر الخفيف ألحين وين .. لف علي واحد على الدوار من أقصى اليمين لأَقصى اليسار وفاتن كل اللي اقدر اسويه اعلق على الهرن ابط اذنه .. أمس مدخل فريجنا الضيق اللي مسمينه يديد من 50 سنة شاحنة في الزحمة يدوس لها ويقرب من صدام اللي جدامه ويدخل مواجه السير المقابل .. هذا قبل توقف جدامه وتكفخه ويتسفر وهو يضحك .. شهر 10 القادم بيكون أصعب .. حد عنده رشاش لي للدفاع عن النفس

[معماري قطري]

وغير اللي لما يغير من مسار لمسار ثاني يضرب بريك !!!!!

ودك تفجر رااااسه.

زين تعال للي يبي يلف يمين ومعطي اشارة والسيد يمين مفتوح ما يدخل فيه الا لين وصل آخر شيء وهو حاكر اللي وراه ما تاخذ لف فجأة .. يا اخوي نشوف غباء سواقة فريد من نوعه عندنا

[.قطر.]

وأكثر شي يبط الجبد لما يدوس بريكات ومحد قدامه

ودك تنزل تطعنه :anger1:
يقعد يضرب 145543775466545 بريك ف الدقيقه انزين ليش :anger1:

[alfaisaly]

سوء تخطيط ياجماعه لكن اشغال والبلديه مايبون يسمعون اخرتها راح ياخذون اراضي خاصه بالشعب ويقيمون عليها الازالة الموضوع والله سهل اذا الدولة بتخسر سنويا مئات الملايين وقد تكون الوف الملاييين اي مليارات عشان الانشاء والصيانه الدورية وما الى ذلك ليش ما تشتري منهم هالبيوت وهالعماير وتوسع الشوارع على الناس ونرتاح احنا في المقابل وبعدين المناطق السكنيه كلها على بعضها لو تجمعها في مكان واحد ماتجي نص قطر ليش مب راضين يتوسعون ونتوسع احنا في هالشوارع بعد شيء غريب تشوف الدول صاحبة الامكانيات المتواضعه والميزانيات الصغيره مقارنة مع ديرتنا تنجز وتنشط وتتطور احسن منا وين الخلل عندنا شنو هالمشكله الي ماتبي تخلص ؟؟ اما انه فيه اختلاسات للمال العام ومافيه علوم تطلع والا ان الجماعه مايعرفون يشتغلون بشكل سلس ومبسط بحيث ان الشغل ينجز بأسرع وقت ممكن

[qatarman8008]

سبب الزحمة الرئيسي انه لا يوجد اي بديل عن استخدام السيارة اولا..
ثانيا كل المرافق الحيوية متجمعه في الدوحة..
تخيل كم وزارة في منطقة الابراج ؟؟
وكم مول جمب بعض في طريق الشمال..؟؟

[khaldoon]

يا جماعه راح تظلوا تتكلموا بهذا الموضوع بلا فائده....شوفوا كم واحد جديد يدخل البلد و كم رخصة سواقة تصدر كل يوم و قارنوها بالوضع الحالي و بتعرفوا انه عدد الزيادات في السكان و الرخص اكثر بكثير من البنيه التحيته للبلد و لشوارع البلد و ساعتها بتعرف انه في فائض كبير و الشوراع ما راح تقدر تلبي و لا تغطي هالعدد المهول

اللي يقول البحرين ما فيها زحمة نسبيا....البحرين عدد سكانها تقريبا 800 الف مب مثل عدد سكان قطر تقريبا مليونين و نص فكيف نقارن بينهم

[ثابت]

بصراحة انا اشوف سبب الزحمة بعض الاجانب والغباء عندهم بالسواقة يمسك لك الخط السريع ويجلس يتسحب مثل السلحفاء تضرب لة ليتات هرن تطلع لة من الدريشة مافي فايدة يتم ماسك لك الخط ولا يفتح ويسبب زحمة مش طبيعية والله انة الشاحنات على الجهة اليسار يطوفونة اضطريت اني اتجاوزة من يسار و امشي وراء الشاحنات الوضع زحمة بروحة يرفع الضغط يجيك هذا السلحفاء ويرفع ضغطك زيادة

يليت ينزل قانون بالسماح بتسطير هذي النوعية في الطريق لو تعرضنا لهم لنهم زادوا بصراحة

وعندك بعد الي يصير لة حادث بسيط ويوقف يعطل السير مثل هذا الي بالفيديو

https://www.youtube.com/watch?v=3zfYkbShmX8

[شيخ الديرة]

نعم اتفق معك، هناك مجموعة من العوامل اجتمعت وخلقت الازدحام المروري في الدوحة.
ولكن، هناك امور لا يمكن تغييرها، لذلك المطالبة بتغيير الشوارع او وقف استيراد العمال هي غير منطقية.

وعليه يجب التعامل مع الامر بعملية وواقعية

ماهي الامور التي يمكن لنا نحن مستخدمي الطرق القيام به ؟ او حتى ماهي المطالب المنطقية التي يمكن اقتراحها وتسويقها الى الجهات المسؤولة؟

يجب ان نقبل انه الواقع، وننظر الى المستقبل.

المدينة تتوسع وتكبر والله يديم عليها الامن والامان، والازدحام ضريبة التطور حالها حال كل مدن العالم.

[عازف]

طلعت من الدوام الساعة 2 أوصل البيت الساعة 3,30:eek5:

[البيت القديم]

الي يبي يعرف سبب الزحمة ياخذ له لفة كل يوم على مدارس تعليم السواقة
شوفو كم واحد مقدم على ليسن
وكم واحد قاعد يسوي فحص نظر
وكم واحد ينطر دورة حق لتراي
وكم واحد ناجح ف لتراي ويبي ياخذ الليسن
وبعدين بتعرفون سبب الزحمة

[qatara]

معليه تحملتو قبل الاسياد لاجل الاسياد

الحين تحملو شوي عشان 22 شوي

[asulaiti]

اللي يقولون نستحمل لين الله يفرجها والدولة تخلص البنية التحتية أقول لهم .. إنسى !!

ماراح ينصلح حال الدوحة من الزحمة لأن الزيادة الآن في عدد السكان وصلت (( فقط )) 2.7 مليون ..
وحال شوارع الدوحة في إزدحام غير طبيعي ولا تقل الزحمة في خارج أوقات الذروة !! إنزل الدوحة مساءاً وتمشى وشوف بنفسك ..

هذا حالنا الآن .. فما بالك لما يصل تعداد السكان 5 ملايين في المستقبل القريب ؟؟

كثرة الإشارات .. والتقاطعات .. وقلة الجسور والأنفاق .. سبب هذه الإزدحامات ...

شوفوا دبي كمثال .. منطقة ديرة دبي ما اقدرت حكومة دبي تصلح وضع الشوارع هناك .. فهذه المنطقة تبقى زحمة فيها حتى يقوموا بإزالة الأبراج والأسواق القديمة ويعاد تخطيطها من جد وجديد ..
لكن هذه مستحيلة .. لذا تعلمت حكومة دبي من الدرس وخططت وأصلحت المشكلة في القسم الثاني من دبي والذي يسمى ( بر دبي ) ..
جسور وأنفاق .. جسر فوق جسر .. نفق يتفرع إلى أنفاق .. والكل ماسك مساره من نقطة " أ " إلى النقطة " ب " دون توقف .. إلا فترات قليلة ..

فأتمنى من التخطيط يتعلم الدرس من دبي اللي فازت وأخدت الأولى على العالم في تخطيط الشوارع .. ويستاهل بو راشد ويستاهلون هل الإمارات هذا الإنجاز وعليهم بالعافية ..

المطلوب من الدولة الآن أن تستثمر الفرص كلما سنحت الميزانية لها أن تقوم بإصلاح بعض المناطق الداخلية في الدوحة .. وخاصة في الأماكن التي يمكن أن تستملكها الدولة في سبيل
توسعة الشوارع .. خاصة اللي حوالين شارع 22 فبراير وتبدأ في التوسعة في الشارع وفي المداخل والمخارج لأن هذا الشارع حيوي جداً ويربط الشمال بالجنوب .. وقريب من الدوحة ومناطقها المهمة ..
أما في ضواحي الدوحة في المناطق الشمالية والغربية والجنوبية .. فأتمنى أن لاتمنح تراخيص عشوائية لمولات تكون بجنب بعض والشوارع حواليهم ضيقة .. مثل المنطقة التي تحتوي على مول الخليج وإزدان مول ومجمع اللولو والمول ... الخ
يعني مثلاً إذا أنا قصدي إزدان مول .. لازم أدخل وأبتلش بزحمة إشارات الغرافة علشان إما أجي المول من الخلف .. أو أمر وأدخل زحمة مول الخليج علشان أوصل لإزدان مول !!

مب طبيعي التخطيط عندنا !!!!!

[شيخ الديرة]

.
.
.
مب طبيعي التخطيط عندنا !!!!!
.
.
.


التخطيط يستوجب استمرارية في الخطة, واستمرارية الجهة المخططة لمدة 20 سنة على الأقل, ولكن مع الأسف خطة الدوحة ضاعت بسبب انتقال ملفاتها بين البلدية وأشغال والتخطيط العمراني وأخيرا وزارة المواصلات والأتصالات, وكلما انتقلت المسؤولية من جهة الى أخرى ضاعت شروط الخطة الأساسية

https://supaness.files.wordpress.com/2015/02/episode-5-holey-bucket.png

[GENIUS]

مشكلتنا انهم يفكرون لحلول مشاكل الوقت الراهن وليس للمستقبل البعيد على سبيل المثال وضع إشارات جديدة عبارة عن تخدير مؤقت ثم نرى فشلها على أرض الواقع كما هو حاصل على طريق الكورنيش والدائري الثالث والرابع واستغرب بالذات من الطريق الدائري الرابع الذي كان مخططا لجسور وانفاق خاصة إشارات التضامن والمول والمطار ثم استبدلت بإشارات زادت الطين بلة وخلطت الحابل بالنابل وهاهم يحاولون يتداركون هذا الخطأ بتوسيع الشوارع بإضافة حارات جديدة ونفس العملية تخدير مؤقت وهلم جرا.

الوضع أفضل مستقبلا خارج الدوحة بمشاريع الطرق الخارجية جنوبا وشمالا مع الطرق المدارية الجديدة لكن داخل الدوحة الله يعين الجميع.

[معماري قطري]

سبب الزحمة الرئيسي انه لا يوجد اي بديل عن استخدام السيارة اولا..
ثانيا كل المرافق الحيوية متجمعه في الدوحة..
تخيل كم وزارة في منطقة الابراج ؟؟
وكم مول جمب بعض في طريق الشمال..؟؟

غير عن المطالبة بقدومك لأتفه الأسباب والشغلة اللي تمشي الكترونياً يطلبون لها ألف ورقة موقعة

[معماري قطري]

نعم اتفق معك، هناك مجموعة من العوامل اجتمعت وخلقت الازدحام المروري في الدوحة.
ولكن، هناك امور لا يمكن تغييرها، لذلك المطالبة بتغيير الشوارع او وقف استيراد العمال هي غير منطقية.

وعليه يجب التعامل مع الامر بعملية وواقعية

ماهي الامور التي يمكن لنا نحن مستخدمي الطرق القيام به ؟ او حتى ماهي المطالب المنطقية التي يمكن اقتراحها وتسويقها الى الجهات المسؤولة؟

يجب ان نقبل انه الواقع، وننظر الى المستقبل.

المدينة تتوسع وتكبر والله يديم عليها الامن والامان، والازدحام ضريبة التطور حالها حال كل مدن العالم.

لو تفكير كل دول العالم بهذي الأُمور إنه لا يمكن تغييرها ما تطورت كل الدول وبتحصل الزحمة أكثر وأكثر .. هي صح الفرصة تصعب مع مرور الزمن لكن الإستملاك والتوسعة وبنيان دور ثاني طريق كلها أُمور ممكنة

[معماري قطري]

مشكلتنا انهم يفكرون لحلول مشاكل الوقت الراهن وليس للمستقبل البعيد على سبيل المثال وضع إشارات جديدة عبارة عن تخدير مؤقت ثم نرى فشلها على أرض الواقع كما هو حاصل على طريق الكورنيش والدائري الثالث والرابع واستغرب بالذات من الطريق الدائري الرابع الذي كان مخططا لجسور وانفاق خاصة إشارات التضامن والمول والمطار ثم استبدلت بإشارات زادت الطين بلة وخلطت الحابل بالنابل وهاهم يحاولون يتداركون هذا الخطأ بتوسيع الشوارع بإضافة حارات جديدة ونفس العملية تخدير مؤقت وهلم جرا.

الوضع أفضل مستقبلا خارج الدوحة بمشاريع الطرق الخارجية جنوبا وشمالا مع الطرق المدارية الجديدة لكن داخل الدوحة الله يعين الجميع.

المشكلة يا اخوي حتى تخطيط المشاريع الحديثة مثل سوق واقف ومشيرب تحصل البنيان على الرصيف ما خلوا مجال للتوسعة نهائياً ولا استحدثوا طرق ثانوية

الكورنيش كم مرة ذكرت بأن توسعته جهة البحر موضوع مهم ومنطقي وأسهل من الخرابيط اللي يسوونها .. يقدرون يخططون صح بمسارات بدون اشارات كلش وجسور تودي الاتجاهات الثانية ونستفيد من ممشى راقي على البحر فيه كل الخدمات .. دفنوا المواقف تحت واستوت حارة ومحكورة وللحين ما جانا الحر القوي ولا انترست المواقف سيارات دخانها سام وحرارة مكاينها تزيد الجو حرارة

هذا مبنى متعدد الأدوار كموقف للسيارات .. وهذي النوعية منتشرة بكثرة حتى للجامعات وقرب كل بزنس في أمريكا .. كلها مفتوحة وبدرابزين قوي يمنع السقوط للسيارة والأشخاص وبتهوية طبيعية تطرد دخان السيارات وتمنع تكدس الحرارة

http://i.imgur.com/2EJY85F.jpg

[شيخ الديرة]

لو تفكير كل دول العالم بهذي الأُمور إنه لا يمكن تغييرها ما تطورت كل الدول وبتحصل الزحمة أكثر وأكثر .. هي صح الفرصة تصعب مع مرور الزمن لكن الإستملاك والتوسعة وبنيان دور ثاني طريق كلها أُمور ممكنة
لا يمكن ان تقنعني ان تقاطع السودان على سبيل المثال يمكن تطويره اكثر مما هو عليه الآن، لان نفس المحددات التي كانت لازالت

[بـن عدوان]

الوضع كلش كلش !!!!

[aloosh]

السؤال
هذي الزحمه صار لها 20 سنه ولم تحل حتى بوضع كباري علما ان الكباري اللي تعتبر بعض الخطوط فيها سريعه تجدها زحمه مثلا جسر صوب سوق العلي

زين 20 سنه ما انحلت المشكله
سؤالي
اذا جاء كاس العالم المتوقع 2 مليون ونص اذا مو اكثر وراح يكون فيه تاجير سيارات هذا اذا لقيت سياره فاضيه في المكاتب
واللي نعرفه ان اي مترو يجب تجربته لمده سنه من الشركه المستلمه المشروع نفرض عطل المترو ايش البديل مواصلات عامه عندنا صفر بمعنى الكلمه

هل معضله صار لها 20 سنه راح تنحل في بضع سنين

[طلعة الروح]

السؤال
هذي الزحمه صار لها 20 سنه ولم تحل حتى بوضع كباري علما ان الكباري اللي تعتبر بعض الخطوط فيها سريعه تجدها زحمه مثلا جسر صوب سوق العلي

زين 20 سنه ما انحلت المشكله
سؤالي
اذا جاء كاس العالم المتوقع 2 مليون ونص اذا مو اكثر وراح يكون فيه تاجير سيارات هذا اذا لقيت سياره فاضيه في المكاتب
واللي نعرفه ان اي مترو يجب تجربته لمده سنه من الشركه المستلمه المشروع نفرض عطل المترو ايش البديل مواصلات عامه عندنا صفر بمعنى الكلمه

هل معضله صار لها 20 سنه راح تنحل في بضع سنين

انا اشوف ان بداية الزحمه وتزاحم الطرق بالسيارات بدت سنة 2003-2004 وبعدها واظن ان زادت وتفاقمت مع سنة الأسياد وطالع.

[aloosh]

انا اشوف ان بداية الزحمه وتزاحم الطرق بالسيارات بدت سنة 2003-2004 وبعدها واظن ان زادت وتفاقمت مع سنة الأسياد وطالع.

عندي اقتراح للمواصلات
يكون الخط الايمن لباصات نقل حتى ما يكون فيه تاخير اثنا تنقل بالمواصلات وتكون اماكن الباصات مكيفه ويوجد بها خارطه لمسار الباص وين يوقف وين يوصل
يكون فيه شركه ثانيه غير كروه ويشدد عليها ان تنقل الجميع وتكون مربوطه بتطبيق الخرائط اي حد يتصل يحدد مكانه واقرب سياره توجه له

هذا معمول به في جميع انحاء العالم الدول الفقيره لديها مواصلات افضل منا ودوله اكبر مساحه بعشرات المرات عنا

[معماري قطري]

لا يمكن ان تقنعني ان تقاطع السودان على سبيل المثال يمكن تطويره اكثر مما هو عليه الآن، لان نفس المحددات التي كانت لازالت

تقاطع السودان أهون بكثير من تقاطع مدماك .. وما يحتاج اقناع بتعيش إن شاء الله وبتشوف تطوير له واستملاكات بسيطة .. هم بدوا التطوير باغلاق مسار مربك وتضبيط الاشارات

اللي يذكر قبل أيام جسر الجيدة يوم بنوه طلع مرتفع ويكشف البيوت اللي قربه وزعل أحد الملاك واشتكى ورفع قضية .. لذلك صار التوجه بإخفاء الشوارع تحت الأرض ( مثل طريق سلوى ) .. الحل الأسهل رفع الطرقات وعمل جسور واغلاق الحوائط الجانبية لها بخرسانات أو بخرسانات فوقها حديد أو أي مادة عازلة للرؤية وحامية في نفس الوقت

[معماري قطري]

السؤال
هذي الزحمه صار لها 20 سنه ولم تحل حتى بوضع كباري علما ان الكباري اللي تعتبر بعض الخطوط فيها سريعه تجدها زحمه مثلا جسر صوب سوق العلي

زين 20 سنه ما انحلت المشكله
سؤالي
اذا جاء كاس العالم المتوقع 2 مليون ونص اذا مو اكثر وراح يكون فيه تاجير سيارات هذا اذا لقيت سياره فاضيه في المكاتب
واللي نعرفه ان اي مترو يجب تجربته لمده سنه من الشركه المستلمه المشروع نفرض عطل المترو ايش البديل مواصلات عامه عندنا صفر بمعنى الكلمه

هل معضله صار لها 20 سنه راح تنحل في بضع سنين

حلها مب مهم الأهم توصيل الجماهير حتى لو تنشرى لهم كل سيارات الوكالات الجديدة

[بوخالد911]

غير الأنفاق والجسور لن تحل المشكلة.

[معماري قطري]

عندي اقتراح للمواصلات
يكون الخط الايمن لباصات نقل حتى ما يكون فيه تاخير اثنا تنقل بالمواصلات وتكون اماكن الباصات مكيفه ويوجد بها خارطه لمسار الباص وين يوقف وين يوصل
يكون فيه شركه ثانيه غير كروه ويشدد عليها ان تنقل الجميع وتكون مربوطه بتطبيق الخرائط اي حد يتصل يحدد مكانه واقرب سياره توجه له

هذا معمول به في جميع انحاء العالم الدول الفقيره لديها مواصلات افضل منا ودوله اكبر مساحه بعشرات المرات عنا

هذا المفروض بس عندنا الباص يوقف جدام فيلاجيو يمين الطريق ويحمل من فئة العمال وينشعه وهو دايس متجه لأقصى اليسار ( ويا ويل من يعترض طريقه ) يبغي يدخل من شارع العزيزية ويلف يمين على شارع الصنع ويتجه لين تقاطع خالد بن محمد الغانم والشارع ضيق حق سيارة وحدة .. وأوقات تكون عليه زحمة خيالية .. بعد شارع في فريج ليش يكون محوري وأساسي وليش يتصميم بمسار لكل اتجاه ولا تتم توسعته من البداية

تعال للطرق في عين خالد اللي تعتبر منطقة حديثة .. تحصلها كلها نفس الشيء .. الرئيسي شوي يفرق بس مسارين لكل اتجاه والفرعي مكسر ومسار واحد

مر صوب العزيزية وشوف دواعيسها والحفريات اللي فيها صار لها سنين يشتغلون قطعة قطعة .. صدقني لهم 10 سنين ما خلصوا .. شهالأشغال اللي تشتغل حصية على حصية طول هالسنوات؟

[شيخ الديرة]

لان اللي يخطط زين ويعرف يسوق سيارة يريد راتب اكثر، اما المخططين الحاليين هم من قل ثمنه، واقرب علاقه له بهندسة الطرق هو ابن عمه يسوق سيكل بقرية ثانية.

قد نجد بعض التحسن في الفترة الاخيرة بسبب متطلبات دولية ومستوى سلامة مطابق للفيفا، ولكن لازالت تحت المتوقع.

هناك دعم فني كبير وخاصة من خبراء استراليين بالفترة الأخيرة، ولكن اجدهم نمطيين جداً ويفتقرون الى الابداع، لو كم صيني او كوري يمخمخوها فعلاً يسوون شغل وخاصة المشاكل القديمة.

[JN000N]

انا دوامي من 9-2
ماروح على هالوقت
اطلع 7 ونص او ابكر
واوصل 8 واطلع 1
الفرق لين رحت الوضع سهالات بس لين طلعت زحمه

[شيخ الديرة]

هم بدوا التطوير باغلاق مسار مربك وتضبيط الاشارات
تناقض واضح في التحليل، كيف تطوير لما يغلق مسار ؟ ما هو تطوير وانما تقليل الغلط، واللي يريد يروح سيدا يضطر يروح لاشارات الوعب ويرجع ويروح يسار بالاشارة الاصلية...

تقبل مني كل الود

[ya3coub]

صباح الخير و أشلونكم مع زحمة اليوم الصبح ؟ :)


مافي اي حل حاليا إلا بالمشاريع الي موجودة و وقف اي مشاريع مستقبلية للطرقات.


مراقبة مشاريع الطرق و "المساعدة" في اجحتياز الأزمة و الإنتهاء من المشروع قبل التاريخ المحدد و ليس متابعه المشروع من اجل ابراز الأخطاء و التأخير و إلقاء اللوم على المقاول او من يبني معاه.

لما المالك و الهيئة الإستشارية و المقاول الرئيسشي يقعدون على طاولة وحدة و كلهم يفهمون بعض و تكون الشفافية موجودة بين الكل بدون غموض و اجندات مخفية المشاريع كلها بتخلص بيسر و سهولة.


بسنا إغلاقات ما منها فايدة, يكفي المرور في بعض الأحيان بكل بساطة يسكرون مخارج او مداخل للناس يغيرون مسارهم و لفتهم تصير اطول على اساس خففو الزحمة.


نبي المشارية الحالية و التحويلات للطرقات الي تبتدي على قدم و ساق و مرة وحدة مافي عمال لا ليل ولا نهار. لا نبي انشوف نفس الحضور و الإجتهاد إلى ان يخلص المشروع او التحويلة و يمشون للي بعدها

[ضوى]

الحمد لله وصلت الدوام والوضع كان سهالات ، ان شاء الله الظهر يكون سهالات بعد ، الله المستعان

[بوحارب]

والله الواحد وده يقعد في البيت ولا يداوم بسبب هالزحمه اللي تجيب الهم :(

[fooz55]

سبب رئيسي بعد الملاحظة للزحمة وعرقلة السير. الهنود الهنود الهنود. اتمنى ادارة المرور تشوف لهم حل مثلاً دبابة تدعمهم من ورا ناس بليدين مايهتم الا في نفسه. عذرا اعزائي الهنود ليس تجريحاً بكم ولاكن هذا واقع

هههههههههههههههههههههههههههههههههههههههههههههههههه ههههه :thumbup::thumbup:

[شبح الصمت]

صج زحمة وغثى وتعديلات وناس تسوق وناس توها تتعلم..

بس في الاول والاخير نقول الحمد لله

مواتر زينه
وجالس في المكيف


ومفروض الدوام في هالوقت الصباحي يعطي الموظف استثناء ..
او احنا نفسنا نقوم من وقت
والحين عندنا وقت الي بيرقد عقب الفجر بيشبع رقاد ويقدر يصحصح قبل الدوام بنص ساعة والا ساعة الا ربع ..

يتجهز ويحرك ..

طبعاً كشباب امورنا طيبه شور سريع واطلع
اما البنات وضعهم يمكن يختلف عنا ..


اما اذا بنتكلم عن الزحمة العادية في الاسواق فكلنا عارفين السبب

رمضان
والعيد جاي
وناس بتسافر

عوامل كثيرة تسبب هالزحمة وبعد رمضان راح نشوف الزحمة راح تخف وتخف .

والله يحفظ الجميع

[معماري قطري]

تناقض واضح في التحليل، كيف تطوير لما يغلق مسار ؟ ما هو تطوير وانما تقليل الغلط، واللي يريد يروح سيدا يضطر يروح لاشارات الوعب ويرجع ويروح يسار بالاشارة الاصلية...

تقبل مني كل الود

القصد إنهم حاولوا يرقعون المشكلة بحلول ترقيعية بس فيه خطة بيسوونها شوي شوي لين مقاولهم يفضى .. أو أهم شيء الطرق اللي صوب الملاعب

متقبل منك إخوي شيخ الديرة .. شغل أشغال للأسف تجزئة المشاريع لعدة جزئيات صغيرة ولا يطالعون الصور الشاملة والوقت يمر بسرعة والانجاز بطيء جداً والمشروع لو تم يحتاج مشروع صيانة وتطوير يعادله أو يزيد

[ضوى]

الحمد لله طلعت من الدوام ثنتين الا خمس والامور سهالات وماصادفت زحمه وهذا بفضل ومنه من رب العالمين