الذهب وتعاملاتة و العملات و تحويلها

[سهم فضة]

السلام عليكم



هل هناك رقابة على سوق العملات و الذهب

مثلها مثل مخالفات حماية المستهلك و الغذاء و المطاعم


هناك فروقات كبيرة جدا في شراء الذهب


على سبيل المثال اشتريت لا اختك او زوجتك طقم عقد وزنه 100 جرام ، سعر الذهب فية 13100 على سعر اليوم لكن ليست هذه الاشكالية ، المصيبة تكمن في المصنعية ،،،


فا توصل المصنعية عندك من 20 ريال عالجرام ، مايعادل 2000 ريال !!! فالعقد مربح !!!

ولكن هناك محلات المصنعية بها عالية جدا تصل الى 50-45-60 ريال كالمحلات الكبيره مايعتب انه طلع منك فالعقد 5000-4500-6000 ريال مربح !!! مايعادل نصف سعره الا قليل ،،،


و العملات كذلك بالاخص باليورو و الفرنك السويسري

مثلا على سعر اليوم اليورو 4.07 تجده فالصرافة يتراوح بين 4.24 الى 4.17 فالشراء !!! وفالبيع يشترى منك اليورو بااقل من ذلك مايقارب 4.03 !!!


جرب انت او غيرك بتحويل مثلا 10000 يورو و رد اصرفها بعد ساعة الى ريال قطري ولاحظ الفرق المهول !!!


السؤال اين الراقبة واين الحد من الربح ومحدوديتة ؟

[sara jsm]

وعليكم السلام ...

اللي اعرفه انهم يحسبون حساب ايجار المحل ايضاً مش بس المصنعية ..
ولو تلاحظ محلات الهنود مصنعيتها اقل من محلات اليمنييين ..
عندي خصم في احد المحلات الكبيرة مرة نزلوا لي في سعر الطقم اكثر من 12 الف :nop:
بس انا متاكدة انهم ماخسروا ولا ريال وخذوا فايدتهم ومصنعيتهم بعد ..
:
اما العملات موضوع اخر ماافهم فيه :tooth:

[qatarman8008]

عندي ملاحظة عن الغش في بيع وشراء الذهب اكبر من المذكور اعلاه..
لما تشتري طقم ذهب يحسب لكم الوزن كله ويضربه في قيمة الذهب + قيمة المصنع..
لكن لو رحتوا تبيعون له نفس طقم الذهب بيطيح من قيمته اقل شي الربع..
لانه بيشيل عنه الجواهر والكريستالات وبيحسب سعر الذهب فقط..!!
يقول لك هذا مش ذهب..!!
طيب انا يوم شريته منك حسبته لي ذهب..!!

[سهم فضة]

عندي ملاحظة عن الغش في بيع وشراء الذهب اكبر من المذكور اعلاه..
لما تشتري طقم ذهب يحسب لكم الوزن كله ويضربه في قيمة الذهب + قيمة المصنع..
لكن لو رحتوا تبيعون له نفس طقم الذهب بيطيح من قيمته اقل شي الربع..
لانه بيشيل عنه الجواهر والكريستالات وبيحسب سعر الذهب فقط..!!
يقول لك هذا مش ذهب..!!
طيب انا يوم شريته منك حسبته لي ذهب..!!

صحيح ويوم تشتري تقول له اخصم لي سعر الجواهر اللي علية يقول لا هو جاي كذا وموزون ، طيب ليش مافي شهاده بوزن الذهب لحال وشهاده بوزن الذهب بعد هالكرستالات ، لا واللي يفقع الكبد ياريتها احجار ولا مرجان !!! تخيل كرستالات فساتيين ��

[سهم فضة]

وعليكم السلام ...

اللي اعرفه انهم يحسبون حساب ايجار المحل ايضاً مش بس المصنعية ..
ولو تلاحظ محلات الهنود مصنعيتها اقل من محلات اليمنييين ..
عندي خصم في احد المحلات الكبيرة مرة نزلوا لي في سعر الطقم اكثر من 12 الف :nop:
بس انا متاكدة انهم ماخسروا ولا ريال وخذوا فايدتهم ومصنعيتهم بعد ..
:
اما العملات موضوع اخر ماافهم فيه :tooth:


بعيدآ عن العنصرية ، انا لا اتعامل مع اليمنيين قطعآ فالذهب خصوصا . بسبب فرق و غلاء اسعار المصنعية عندهم ويوم تقول له هذاك المحل عطاني بكذا يطلع لك الف عله وعله في المحل الاقل سعرآ ، طبعا واللي اغلبهم هنود و باكستانيين .

[sara jsm]

يقول لك هذا مش ذهب..!!
طيب انا يوم شريته منك حسبته لي ذهب..!!

حسبه لك مع المصنعيه .. حاجتتهم مرة بهالنقطه .. قالي هذا زجاج ماله قيمة والذهب اللي معاه الماس طبعا سعر الالماس يطيح عالاخر .. ماادري ليش نشتريه غالي وايد وينباع بارخص الاسعار !!؟

:


بعيدآ عن العنصرية ، انا لا اتعامل مع اليمنيين قطعآ فالذهب خصوصا . بسبب فرق و غلاء اسعار المصنعية عندهم ويوم تقول له هذاك المحل عطاني بكذا يطلع لك الف عله وعله في المحل الاقل سعرآ ، طبعا واللي اغلبهم هنود و باكستانيين .

مافيها عنصريه يااخوي .. انا نهائيا ماادخل عندهم رغم ان بضاعتهم حلوة ..
بس غالي وايد وانا اقدر اخذ من الهندي بارخص وتقدر تكاسره في المصنعيه ..

[معماري قطري]

ليش للذهب لو بياته التجارية ؟

لهذي الأسباب جنسيات معينة تموت على الغش

[سهم فضة]

ليش للذهب لو بياته التجارية ؟

لهذي الأسباب جنسيات معينة تموت على الغش


مثلة مثل لوبيات الحجر والجنسية العربية

[BoFahed]

ليش للذهب لو بياته التجارية ؟

لهذي الأسباب جنسيات معينة تموت على الغش
معروف الهنود كانوا مسيطرين على سوق الذهب عندنا والسنوات الاخيرة جوا كم تاجر يمنيين كانوا بالسعودية وفتحو محلات عندنا باسامي سعودية وتوسعوا وشاركوا قطريين ( هوامير )علشان الاسم

اتفق مع صاحب الموضوع بانه مصنعيتهم اعلى من الباقيين ويغلون بالاسعار بس المنافسة لصالح الزبون وطبيعة القطري الطيبة المسالمه تخليهم ( البعض )يرفعون ويغشون مثلهم مثل غيرهم

جنسيتين تتنافس اكثر من جنسية واحدة مسيطرة على السوق ولنا قي سوق السمك والملابس والبقالات والمعدات الثقيلة اكبر مثال

[qatarman8008]

بخصوص سبيك الذهب ..
ولامحل بالدوحة يبيع لك بسعر الذهب اليوم..
رغم ان السبيكة مافيها اي قيمة مضافة مثل المصنعية..
يعني لو سعره 150 تروح تشتريه ب 165 اذا انت محظوظ..
ويشترون منك ب 150..
لكن الشي الحلو في الذهب هو ان سعره فيه ..
لاني اشوف الاسهم هذي سعرها مو فيها كلش وشيئ غير ملموس ولا موجود سوى بالرمز مثل العملات الافتراضية..
النقود الورقية ايضا سعرها طالع نازل وكل تغير في الوضع الاقتصادي يلعب بالسعر بشكل كبير..
مثال الباوند الانجليزي اليوم صار سعره 4.2 بعد ماكان 7.2 هذا كله بسبب قرب خروج بريطانيا من الاتحاد الاوروبي ويمكن بعد الخروج ينزل اكثر حتى تستقر الامور الله اعلم..
الذهب مستحيل ان تقل قيمته فجاة او ان ينهار فهو الاستثمار الامن ولكن ليس الامثل لان سعره لا يتغير بسرعه ف ماتعرف تضارب فيه مثل الاسهم ..

[nooora]

مثلا اذا نزلت الاسعار الذهب تروح تشتري يقولون لك مافي ،،، احتكار ما خلص

[سهم فضة]

المحلات الكبيرة ام الديكورات ، المصنعية فيها لاتقل عن -35-40 ريال الى 55-60 ريال ...

مثال

ذهب 100 جرام سعر الذهب لوحده 13200 ريال على سعر اليوم اذا مصنعيتة 60 ريال فالجرام يطلع مربحة من الذهب المباع : 6000 ريال !!! هل هذا منطقي قريب من نصف قيمة الذهب ، يعني يطلع سعر الذهب مع المصنعية 19200 !!

[qatarman8008]

السعر ارتفع من 149 الى 155 في كم يوم..
..
https://3.top4top.net/p_1252ctroy0.jpg (https://up.top4top.net/)

[ابو عبدالله.]

هذه التجاره خصوصا بها امور مخفيه الذهب و العملات

لان اغلب المجتمعات لا تفهم بها كثيرا

حالها حال الربا بالبنوك لا تفهم بس توقع

المطلوب تدخل حمايه المستهلك بوضع لائحه باسعار المصنعيه المتوقعه و نسبه فروقات صرف العملات

اسعار استرشاديه او سقف وحد اقصى للمصنعيه و صرف العملات

لانها غير منظمه ولا اسعار واضحه وقد يحدث تلاعب على اي زبون وانا شفت حالات ينزل لك من قطعه و يرفع بقطعه ثانيه بحجه المصنعيه اكثر على القطعه الثانيه خصوصا اذا الزبون اعجب بقطعه و البائع يلاحظ هذا الشيء

وعن دخول جنسيات عربيه و غزوها لسوق الذهب انا اعرف موضوعهم ومن دخلهم و بدون ما اسأله ليش جبتهم بهذا العدد. اكيد بيقول. صار لكم عشرات السنين محتكرينكم الباكستانيين و الهنود محد انتقد وهذولا لما جوكم قلتوا ترسوا السوق. ع الاقل هذولا عرب مثلكم وانتوا شوفوا السعر الي يناسبكم والسوق منافسه

للعلم. زبونه طلبت ذهب بكم الف و دفعت 500 مقدم لين يصنعه وضيعت الوصل ولما جاته قال لها ما يبين عندي انك دفعتي مقدم. قالت له شوف تصوير الكاميرا من اربع شهور جيتك. قال التصوير الي مضروف علينا من الدوله لمده 120 يوم فقط ومب راجع اكثر من هذا العدد من الايام. مع ان التصوير عنده لمده اطول

يبي يضيع حقها. بعد الاسيويين لهم حركات فلا ننتقد العرب فقط

الاسيوي عنده شبكه محلات مب محل صغير وبس. يعني المفروض يخاف على سمعته وما يسوي هالسوالف


بالنهايه. نبي اسعار استرشاديه للمصنعيه و صرف العملات

[qatarman8008]

السعر ارتفع من 149 الى 155 في كم يوم..
..
https://3.top4top.net/p_1252ctroy0.jpg (https://up.top4top.net/)

ومن 155 الى 166 في غضون ايام ايضا..
..
https://2.top4top.net/p_1272we5us1.png (https://up.top4top.net/)

[يمامـة]

ليش للذهب لو بياته التجارية ؟

لهذي الأسباب جنسيات معينة تموت على الغش

موضوع الغش تلقاه عند اي جنسية..

لكن المشكلة لما القانون يسمح للتاجر يبيعني
عقد مرصع بفصوص و ينحصب علي وزن الفصوص
لكن لما ابي ابيع ينحسب وزن الذهب بس..

ليش يحسبون علي وزن اللولو الصناعي بوزن
غرام الذهب.. و لما ابي ابيعه يسقطون وزن اللولو الصناعي.

اعتقد المشكلة في القانون مب في الغش.

[qatarman8008]

اعتقد ان المشكلة هي قي ثقافة ووعي المستهلك..
لما المستهلك يشوف ان طقم الذهب هذا اللي نصه فصوص قزاز وبلاستيك ينباع بسعر الذهب يتركه ومايشتريه..
ولا اي قانون يقدر يانه يحدد كم سعر الذهب بفصوص وكم بدون فصوص وييلزم التاجر انه يمشي عليه..
قس على هذا جميع البضائع الاستهلاكية يعني انا شفت محل يسوي اطقم خرز يشتريهم من الرونق بخمس ريال يبيع الطقم بسبعمية واابمات يشترون ماشالله..!!

[يمامـة]

اعتقد ان المشكلة هي قي ثقافة ووعي المستهلك..
لما المستهلك يشوف ان طقم الذهب هذا اللي نصه فصوص قزاز وبلاستيك ينباع بسعر الذهب يتركه ومايشتريه..
ولا اي قانون يقدر يانه يحدد كم سعر الذهب بفصوص وكم بدون فصوص وييلزم التاجر انه يمشي عليه..
قس على هذا جميع البضائع الاستهلاكية يعني انا شفت محل يسوي اطقم خرز يشتريهم من الرونق بخمس ريال يبيع الطقم بسبعمية واابمات يشترون ماشالله..!!

مرة اصريت يفصل لي سعر الذهب من اللولو
حلف بالله انه ينحسب عليه في الجمارك او في وزارة التجارة صوب الختوم
سعر الذهب مع اللولو..

فاذا كلامه صحيح .. و الدولة تاخذ على التاجر
سعر الفصوص او سعر اللولو الصناعي بسعر غرام الذهب
و غير عم المصنعية اللي تختلف باختلاف بلد المنشأ.
اشلون ممكن المستهلك يقدر يوقف في وجه التاجر؟
و اذا كان التاجر يكذب

ليش الفواتير الجديدة لمحلات الذهب ما فيها
خيار وزن الذهب من غير الفصوص او اللولو؟

[qatarman8008]

لو تدخلت لجنة من وزارة التجارة يمكن يكون اقصى شي تقدر تسويه انها تلزم التاجر يحط في هذا الطقم كم وزن الذهب وكم وزن الفصوص والمجوهرات اللي عليه..
يعني مثلا نفرض ان طقم ذهب فيه شوية زمرد واشياء ثانية وزنه 200 جرام..
يلزمون التاجر انه يحط وزن الذهب عيار 21 : 150 جرام..
وزن الزمرد: 30 جرام
فصوص اخرى : 20 جرام..
وعلى هالاساس يحسبون سعر الذهب بقيمته والزمرد بقيمته وباقي الاشياء اللي مالها قيمه يطلعونها من الحسبة..

[سهم فضة]

لو تدخلت لجنة من وزارة التجارة يمكن يكون اقصى شي تقدر تسويه انها تلزم التاجر يحط في هذا الطقم كم وزن الذهب وكم وزن الفصوص والمجوهرات اللي عليه..
يعني مثلا نفرض ان طقم ذهب فيه شوية زمرد واشياء ثانية وزنه 200 جرام..
يلزمون التاجر انه يحط وزن الذهب عيار 21 : 150 جرام..
وزن الزمرد: 30 جرام
فصوص اخرى : 20 جرام..
وعلى هالاساس يحسبون سعر الذهب بقيمته والزمرد بقيمته وباقي الاشياء اللي مالها قيمه يطلعونها من الحسبة..

يارجل بعضهم صار يحط فصوص خياط لماعة ياريت زمرد او ياقوت او فيروز

[يمامـة]

لو تدخلت لجنة من وزارة التجارة يمكن يكون اقصى شي تقدر تسويه انها تلزم التاجر يحط في هذا الطقم كم وزن الذهب وكم وزن الفصوص والمجوهرات اللي عليه..
يعني مثلا نفرض ان طقم ذهب فيه شوية زمرد واشياء ثانية وزنه 200 جرام..
يلزمون التاجر انه يحط وزن الذهب عيار 21 : 150 جرام..
وزن الزمرد: 30 جرام
فصوص اخرى : 20 جرام..
وعلى هالاساس يحسبون سعر الذهب بقيمته والزمرد بقيمته وباقي الاشياء اللي مالها قيمه يطلعونها من الحسبة..

هو علشان نكون حقانيين.. ما في شي ماله قيمة
حتى في الاكسسوارات و ما بالك في الذهب..

كل فص او خرزة تنحط مدفوع قيمتها..

لكن من غير المعقول ينحسب الجرام منها
بسعر غرام الذهب!!
و لا هو معقول بعد تصنيع و طرق و سحب وتفصيل
الذهب سعر مصنعيته ينحسب بسعر تركيب هالفصوص.

و فوقه حتى بعض المحلات بحكم موقعهم
مسموح لهم يرفعون من سعر غرام الذهب
فتلقى سعر الغرام ظ،ظ£ظ* في سوق واقف و سوق الذهب
لكن تعال المحلات في اللولو تلقى سعر الجرام اعلى.

و هالشي شفته شخصيا و قدمت شكوى

بس ما اخبر عطوني رد حسب ذاكرتي مع انهم
سجلوا الشكوى.

[qatarman8008]

صحيح.. واللي يقارن اسعار محلات سوق الذهب بالمحلات اللي شايلة اسم ماركة يلاقي فرق كبير ..
السبب غير واضح..
ومرات يقول مسويين خصم خاص نفس اللي سووه قبل عيد الفطر ويوم حسب لي سعر الجرام طلع اغلى اغلى اغلى من سوق الذهب..
طبعا لما سالته الا يقول ماركة ومصنعيته مختلفة طيب خله عندك..

[qatarman8008]

ترى والله ما احد ممشي سوقهم غير اللي يشترون بدون تدقيق ولا وعي..
بس اذا عجبه شي يشتريه ولا يسال عن قيمته الحقيقية ولا عن جودته..