جاكيت فوق العباءة ..؟!!

[فارس الكلمة]

أخبرني أحد الأصدقاء عن تغير غريب بدأ يطرأ على نساء بلدنا .. خصوصاً هذا الشتاء ..

يقول هذا الصديق .. أنه شاهد بعض الفتيات و النساء في المجمعات و الأسواق .. و قد أرتدين الجاكيت فوق العباءة .. و أحيانا الشيلة و قد غطت أكتافها فوق العباءة ..

يقول هل خرج مفهوم العباءة عن أهدافها الداعية للحشمة و الستر.. إلى أدخال الموضة و الصرعات الغريبة و الحركات الغريبة علينا ..

فقلت له : ستجد العجب في المستقبل .. الله يستر ..

[Bently]

أخوي مافي شي غريب في هالزمن وياما بنشوف والله يستر على جميع بنات المسلمين

[qatari1]

أخبرني أحد الأصدقاء عن تغير غريب بدأ يطرأ على نساء بلدنا .. خصوصاً هذا الشتاء ..

يقول هذا الصديق .. أنه شاهد بعض الفتيات و النساء في المجمعات و الأسواق .. و قد أرتدين الجاكيت فوق العباءة .. و أحيانا الشيلة و قد غطت أكتافها فوق العباءة ..

يقول هل خرج مفهوم العباءة عن أهدافها الداعية للحشمة و الستر.. إلى أدخال الموضة و الصرعات الغريبة و الحركات الغريبة علينا ..

فقلت له : ستجد العجب في المستقبل .. الله يستر ..

هذا يسمونه الشال طال عمرك...
ولازم يكون بلون حلو مثل أحمر أو بني علشان يضفي الجمال على صاحبة الشال...
ولا حوة ولا قوة إلا بالله..

[الزاجل]

طبعا هذا ملاحظ في الفترة الأخيرة ..

الشال اذا كان لونه غامق ومب مزركش
اتغطي نفسها واتدفي نفسها ما فيها شي
ولكن
شال خفيف على انه اسمه شال تتزين فيه اكثر مما تدفي فيه
اهنيه ممكن الوحدة تراجع نفسها وتسألها
هل بالفعل الشال للدفى والا للزينة ..

اما الجواكيت بالفعل لاحظت هالشي
وخاصة من بنات في عمر الزهور
المشكلة ان مثل هالبنات
اتحصل امهاتهم متغطيتا ومنقبات وقفازات
ولكن البنات العبي مخصرة والكمام ضيقة
والجواكيت اتبين حدود المفاصل ..

فكل واحد عليه برتبية هله قبل ما ينتقد الاخرين
لأننا للأسف الشديد
هناك من ينتقد وهو ما يدري هله اشيلبسون
وهذا ما قمت الاحظه في الفترة الأخيرة ..

والله يهديهم ويهدينا
طق يا مطر طق
لأنه صوت رعود

[ضوى]

السلام عليكم

اسمحوا لي يا اخواني افهم منكم ليش الجاكيت فوق العباية غلط ؟؟؟

انا واحدة البس الجاكيت فوق العباية لاني ما اقدر البسه تحت العباية ينفخ االجسم ويخنق وين المشكلة في الموضوع ؟ البرد اللي جانا مب هين يعني لازم الواحد يلبس ويدفي روحه .

جاكيت قلتوا عيب وتقليد ؟ شال عيب ويلفت النظر وبعدين الواحد وش يلبس يعني ؟؟ كل شئ عيب ويلفت النظر ؟ الحين يعني الرياييل اللي يجذبهم اللي منحلة وتمشي بشعرها وماكياج كامل والا اللي لابسة جاكيت فوق العباية او شال ؟؟؟؟

شئ غريب والله وكأنه المظاهر الغلط بالديرة انتهت وما بقى الا الشال والجاكيت فوق العباية

وعلى فكرة أنا البس الجاكيت من سنين فوق العباية يعني مب تقليد واصلا وين التقليد اذا الاجانب ما يلبسون العباية اصلا

ارجوكم انتبهوا للي تقولونه ترا حنا بنات حمايل ولا نرضى احد يغلط علينا باشياء عادية ويتقول علينا كلام مهو عدل


شكرا

[Smart]

العولمة

[NYMEX]

السلام عليكم

اسمحوا لي يا اخواني افهم منكم ليش الجاكيت فوق العباية غلط ؟؟؟

انا واحدة البس الجاكيت فوق العباية لاني ما اقدر البسه تحت العباية ينفخ االجسم ويخنق وين المشكلة في الموضوع ؟ البرد اللي جانا مب هين يعني لازم الواحد يلبس ويدفي روحه .

جاكيت قلتوا عيب وتقليد ؟ شال عيب ويلفت النظر وبعدين الواحد وش يلبس يعني ؟؟ كل شئ عيب ويلفت النظر ؟ الحين يعني الرياييل اللي يجذبهم اللي منحلة وتمشي بشعرها وماكياج كامل والا اللي لابسة جاكيت فوق العباية او شال ؟؟؟؟

شئ غريب والله وكأنه المظاهر الغلط بالديرة انتهت وما بقى الا الشال والجاكيت فوق العباية

وعلى فكرة أنا البس الجاكيت من سنين فوق العباية يعني مب تقليد واصلا وين التقليد اذا الاجانب ما يلبسون العباية اصلا

ارجوكم انتبهوا للي تقولونه ترا حنا بنات حمايل ولا نرضى احد يغلط علينا باشياء عادية ويتقول علينا كلام مهو عدل


شكرا

يعجبني الاختلاف بين الاعضاء والود بينهم في المناقشات الي الامام باذن الله

مع تحفظي على بعض الاعضاء ليس في هذا الموضوع بل موضوع اخر عاب
على عادة من عادات وتقاليد المحمودة وليس المذمومة
سبحان الله حتى العادة المحموعة اصبحت تخلف في عيون البعض


فارس الكلمة اعجبتني كتاباتك السابقة في منتدى جامعة قطر مع
استغرابي من تصرف المشرفين في نهايات كتاباتك وخصوصا موضوع
ترك البريد الكتروني


NYMEX

[التيما]

اسمحولي اعلق باضافة عن البعض قد اتفق مع كثيرين وقد اختلف انا ما البس جاكيت او شال وارفض البسه فوق العبايه ولو تجمدت من البرد مو لسبب بس اشوف شكله بايخ بس مع ان البنت تلبس شال اسود وواسع ايييييييييي مافيها شي لكن اتفق مع النصف الثاني من الآراء اللي تقول ان في بنات يلبسون جاكيت ضيق ومره انا شفت وحده لابسه جاكيت جنز بس كتف طيب لابسته ليش؟؟ متعبه نفسها يا حليلها او وحده لابسه شال واذا حد طالعها تقول محترييييين ؟؟؟ من وشو ؟؟ من هبالتها يعني ولفت الانظار لها ؟؟ الله يستر على البنات من الغباء
وفي من يلبس جاكيت واسع على العباه وهاي مافيها شي وجهات نظر وانتو الرياييل تقدرون تلبسون جاكيتات ومافيها شي لو البنات البسوا شال وانطروا الفرو قادم ههههههههههههههههههه

[التيما]

طبعا هذا ملاحظ في الفترة الأخيرة ..

الشال اذا كان لونه غامق ومب مزركش
اتغطي نفسها واتدفي نفسها ما فيها شي:app: :app:
ولكن
شال خفيف على انه اسمه شال تتزين فيه اكثر مما تدفي فيه
اهنيه ممكن الوحدة تراجع نفسها وتسألها
هل بالفعل الشال للدفى والا للزينة ..:looking:

اما الجواكيت بالفعل لاحظت هالشي
وخاصة من بنات في عمر الزهور
المشكلة ان مثل هالبنات
اتحصل امهاتهم متغطيتا ومنقبات وقفازات
ولكن البنات العبي مخصرة والكمام ضيقة
والجواكيت اتبين حدود المفاصل ..

فكل واحد عليه برتبية هله قبل ما ينتقد الاخرين
لأننا للأسف الشديد
هناك من ينتقد وهو ما يدري هله اشيلبسون
وهذا ما قمت الاحظه في الفترة الأخيرة ..:app: :app: :app:

والله يهديهم ويهدينا
طق يا مطر طق
لأنه صوت رعود



:app: :app: :app: :app: :app:

[شـــوق]

الله يهدي الجميع

[المزن الرياني]

أما مره شفت وحده لابسه بشت فوق العبايه
وعمامه ونقاب

تصدقون ... ماعرفت هي رايحه والا جايه :looking:

[جود]

والله المبدأ هو ان يكون كل شي واسع شال, جاكيت , برنوص
كيفناااااااااااااااااااااااااااا



اما الترصص والألوان مرفووووووووووووووض قطعاً

[jalnaimi]

المزن الرياني حلوة والله بها وينراحيه البر ولا مجلس
المهم زبدة الموضوع كالتالي :
المقصوووود منه الحشمة والستر وعدم فتن الشباب والرجال من دافع ديني او دافع غيره
ثالث شي هو ليش تلبس تحت الجاكيت او الشال تحت العباة لنه يكون ضيق مطرز ملفت لنظر اذا هو وسيع والعابة نص ونص وش بيسوي للجسم وخاصة من الخصر والمتون انا اقول اذا الجاكيت سادة و وسيع والعابة وسيعه عادي اما اذا نص ونص والعباة وسيعه شلون بيكون الشكل مدري كيف احس انه غلط
الموضوع كله ستر وحشمة بس وعدم اغراء وتجنب مايغضب الله وكلن عنده على العرف والمعرفه قدة وكلن راضي بسنعه واهل قطر فيهم ميزه تعبـــــــــــــــــــــــــــــــــــــــــــــــ ـــــــــــــــــــــــــــــــــــانه فلان شافني وفلان بيقول والناس وش يقلون يعني همهم المجتمع وللسنه و الدين مرتبه ثانيه الله يصلح الاحوال وعلى فكررررررررررررررررة اذا الكل بيقول شوف فلان وشوف الاجانب ليش مانقول شوف لي تروح دور حفظ القران ليش مانقول شوف ام عباة راس ولا العباة الفضفاضه ليه مانقول شوف ام نقاب يمة انا البنات وشوفي وشوفي العله والبلا كله من شوفي حب التقليد طبعن انا ماقصد بكلامي الجنس لطيف او النسوان والبيات لاكن احبيت اتكلم عنهم لنهم عيونى والعين حساسه اي شي يعميها والشباب فيهم بلاهم شوف وشوف دواره سباق تمشي سفاه امور كثيرة والدافع شوف وشوف واشياء كثيرة واتمنى ان نتكب في الموضوع كامل ونوجه الانتقاد لكل مو بس لبنات حواْْء فديتهم عيونى وشرفنى

[فارس الكلمة]

بنتلي ..

تحية لتشريفك للموضوع ..

هذا زمان عجيب .. و غريب ..

[فارس الكلمة]

قطري1

صحيح شال .. أو شيلة بالرغم من التشابه بينهما ..

شكرا لحضورك .. و مداخلتك ..

[عيون الدوحه]

اسمحولي اعلق باضافة عن البعض قد اتفق مع كثيرين وقد اختلف انا ما البس جاكيت او شال وارفض البسه فوق العبايه ولو تجمدت من البرد مو لسبب بس اشوف شكله بايخ بس مع ان البنت تلبس شال اسود وواسع ايييييييييي مافيها شي لكن اتفق مع النصف الثاني من الآراء اللي تقول ان في بنات يلبسون جاكيت ضيق ومره انا شفت وحده لابسه جاكيت جنز بس كتف طيب لابسته ليش؟؟ متعبه نفسها يا حليلها او وحده لابسه شال واذا حد طالعها تقول محترييييين ؟؟؟ من وشو ؟؟ من هبالتها يعني ولفت الانظار لها ؟؟ الله يستر على البنات من الغباء
وفي من يلبس جاكيت واسع على العباه وهاي مافيها شي وجهات نظر وانتو الرياييل تقدرون تلبسون جاكيتات ومافيها شي لو البنات البسوا شال وانطروا الفرو قادم ههههههههههههههههههه




انا مع اخت التيما و الزاجل ..... انا اوافق الوحده تلبس شى واسع مو ضيق نفس هالبنات الحين ويكون لون غامق مب لون كانها تقول تعالوا شوفوني :con2:

[الزاجل]

السلام عليكم

اسمحوا لي يا اخواني افهم منكم ليش الجاكيت فوق العباية غلط ؟؟؟

انا واحدة البس الجاكيت فوق العباية لاني ما اقدر البسه تحت العباية ينفخ االجسم ويخنق وين المشكلة في الموضوع ؟ البرد اللي جانا مب هين يعني لازم الواحد يلبس ويدفي روحه .

جاكيت قلتوا عيب وتقليد ؟ شال عيب ويلفت النظر وبعدين الواحد وش يلبس يعني ؟؟ كل شئ عيب ويلفت النظر ؟ الحين يعني الرياييل اللي يجذبهم اللي منحلة وتمشي بشعرها وماكياج كامل والا اللي لابسة جاكيت فوق العباية او شال ؟؟؟؟

شئ غريب والله وكأنه المظاهر الغلط بالديرة انتهت وما بقى الا الشال والجاكيت فوق العباية

وعلى فكرة أنا البس الجاكيت من سنين فوق العباية يعني مب تقليد واصلا وين التقليد اذا الاجانب ما يلبسون العباية اصلا

ارجوكم انتبهوا للي تقولونه ترا حنا بنات حمايل ولا نرضى احد يغلط علينا باشياء عادية ويتقول علينا كلام مهو عدل


شكرا

ضوى

جاكيت عن جاكيت يختلف ..

لما تلبس الوحدة جاكيت راص عليها ويا الله هبابه تتسكر زرايره
او سحابه اهنيه المقصد من الجاكيت اللي فوق العباية ..
لأن اصل العباية الستر ..
ولكن لما الجاكيت يبرز المفاتن اكثر من العباية الراصة
هذا هو الانتقاد ..

يحق لك الدفاع عن الجاكيت اللي ما يفصل ولا يبرز المفاتن
اما غير ذلك اسمحي لي يا ضوى
ان نعترض على الجواكيت الضيقة اللي هابين فيها البنات ..

تحية لك

[الزاجل]

والله المبدأ هو ان يكون كل شي واسع شال, جاكيت , برنوص
كيفناااااااااااااااااااااااااااا



اما الترصص والألوان مرفووووووووووووووض قطعاً

اما برنوص؟!!:funny:

خاطري اشوف وحدة امبرنصة:looking:

[شاهيناز]

عادي انا يوم اروح الجيم البس الجاكيت فوق العبايه

اكشخ وخاصه الجاكيت الجينز مب حلو تحت العبايه
ليش مب حرام لابسه العبايه والشيله والجاكيت وين الغلط؟:looking:

[البيرق]

اذا كان الستر هو الهدف فانا معاهم
اما اذا كان في الموضوع اظهار مفاتن او محاولة التغيير لموضة جديدة فعليهم الاثم واثم من عمل هذا العمل ولاحول ولا قوة الا بالله

[جود]

اما برنوص؟!!:funny:

خاطري اشوف وحدة امبرنصة:looking:


البرنوص احد طقوس التنقيب عن الفقع :looking:

[جود]

اذا كان الستر هو الهدف فانا معاهم
اما اذا كان في الموضوع اظهار مفاتن او محاولة التغيير لموضة جديدة فعليهم الاثم واثم من عمل هذا العمل ولاحول ولا قوة الا بالله


اايد كلامك اخوي ,, جاكيت اسود يخفي اكثر من هو يظهر ما عليه مشكلة
والنية مطلوبة في كل شي

[الزاجل]

البرنوص احد طقوس التنقيب عن الفقع :looking:
برنوص وفقع ؟:looking:

اخبر البرنوص مرتبط بفوق السطوح حزة ما اتبند الكهربة ؟
وكشخة الافغان في ربوع افغانستان..:p

اشيابه حق الفقع؟:looking:

[رايق]

برنوص وفقع ؟:looking:

اخبر البرنوص مرتبط بفوق السطوح حزة ما اتبند الكهربة ؟
وكشخة الافغان في ربوع افغانستان..:p

اشيابه حق الفقع؟:looking:




خبرك السحالي اذا يدورون فقع و الهوا شمالي مالهم الا البرنوص .. طقوس قديمة .. طبعا التماسيح عطه بس غترة يتلطم فيها ما عنده مشكله ...

[جود]

برنوص وفقع ؟:looking:

اخبر البرنوص مرتبط بفوق السطوح حزة ما اتبند الكهربة ؟
وكشخة الافغان في ربوع افغانستان..:p

اشيابه حق الفقع؟:looking:



امممم اشجابه؟؟

يدفي زين وانا اختك

[الزاجل]

خبرك السحالي اذا يدورون فقع و الهوا شمالي مالهم الا البرنوص .. طقوس قديمة .. طبعا التماسيح عطه بس غترة يتلطم فيها ما عنده مشكله ...
سحلية وبرنوص ؟:eek2:
عزة الله انسدحت مكانها وما اقدرت تتنفس :funny:

[جود]

خبرك السحالي اذا يدورون فقع و الهوا شمالي مالهم الا البرنوص .. طقوس قديمة .. طبعا التماسيح عطه بس غترة يتلطم فيها ما عنده مشكله ...

جبتها :eek2:

[الزاجل]

امممم اشجابه؟؟

يدفي زين وانا اختك
والله يا بنت الناس
طقوسكم غريبة عجيبة :con2:
بس عسى البرنوص من النوع الخفيف بو خيوط مرصوصة
والا بو شعر ؟

[جود]

سحلية وبرنوص ؟:eek2:
عزة الله انسدحت مكانها وما اقدرت تتنفس :funny:

خلاص خربنا موضوع الرجال من السوالف :rolleyes:

[جود]

والله يا بنت الناس
طقوسكم غريبة عجيبة :con2:
بس عسى البرنوص من النوع الخفيف بو خيوط مرصوصة
والا بو شعر ؟

مال كارفور بو 10 :p يمدحونه

[jalnaimi]

شانهاز اتمنى تسلين شيوخ الدين ولا اي شيخ وافضل لو تسلئين لي برى قبل لي داخل واذا سئلتي اسئلي 5 مو واحد لي متمركز في المقدمة لنه في نظري عنده اخطاء و وجه له انتقاد من مشايخ السعودية وتكفي حركته بالاسهم والفتوتين

[الزاجل]

شانهاز اتمنى تسلين شيوخ الدين ولا اي شيخ وافضل لو تسلئين لي برى قبل لي داخل واذا سئلتي اسئلي 5 مو واحد لي متمركز في المقدمة لنه في نظري عنده اخطاء و وجه له انتقاد من مشايخ السعودية وتكفي حركته بالاسهم والفتوتين
؟؟؟؟؟؟
؟؟؟؟؟؟؟؟
؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟

[رايق]

سحلية وبرنوص ؟:eek2:
عزة الله انسدحت مكانها وما اقدرت تتنفس :funny:

هههههههههه لا لا .. هذيلا سحالي ايام المجاعة قبل .. الحين السحلية الوحده تنلف ببرنوصين ويالله بعد :looking:

[شاهيناز]

شانهاز اتمنى تسلين شيوخ الدين ولا اي شيخ وافضل لو تسلئين لي برى قبل لي داخل واذا سئلتي اسئلي 5 مو واحد لي متمركز في المقدمة لنه في نظري عنده اخطاء و وجه له انتقاد من مشايخ السعودية وتكفي حركته بالاسهم والفتوتين


شانهاز:looking:

ليش اسئل شيخ دين
ياخي اذا انامغطيه شعري وملابسي محتشمه وين الخطئ
المشكله تبون كل شي مثل اول
اول الحريم يحطون العبايه على الراس ويشيلونها لين الخصر محد اعترض
الحين العبايه محتشمه اكثر من اول صح فيه بعضها مخصر
بس مب مثل اول تنشال لين الخصر
مادري ليش تدققون على كل شي
اوكي جاكيت فوق العبايه حلو مافيهاشي
انا حابه الحركه تغير ونيولوك حلو
بعدين الشتا قصير الي مب حاب الحركه
ينتظر لين الصيف مابيشوفها:looking:

[الزاجل]

هههههههههه لا لا .. هذيلا سحالي ايام المجاعة قبل .. الحين السحلية الوحده تنلف ببرنوصين ويالله بعد :looking:
لا تكون سحلية من فصيلة الضب المنتفخ المتورم المتفلطح ؟:looking:

[رايق]

خلاص خربنا موضوع الرجال من السوالف :rolleyes:

فعلا ..

نرجع لصلب الموضوع ..

انا الصراحة أشوفها حرية شخصية ... اذا اللبس مطابق للشريعة الأسلامية و للعادات و التقاليد .. مافيها شي .. تلبس جاكيت فوق العباه .. تحت العباه .. نفس الشي

على فكرة .. العادات و التقاليد تختلف من ناس ال ناس ..اللي انت تشوفه غلط غيرك ممكن يشوفه مب غلط ..

[ROSE]

انا البس شال على العباية

برد ياعالم والثياب ماتدفي شنسوي يعني :looking:


بعدين مافيها شي لو الوحده تكون مرتبه يعني الشال يكون شكله حلو

:p

[الأختصاصي]

من بعد عبايات الجنز وعبايات الرسومات والتشكيلات
الواحد مايستبعد يشوف جاكيتات جنز فوق العبايه
وكما يقال هذي موضه


في مجتمعنا الخليجي اول من يقوم بعمل شي غريب خارج
عن العادات والتقاليد يقولون له عيب بااال وش مسوي
وبعدها تشوف الناس كلها ركضت وراه وسوت مثله واكثر
واخرتها تطلع موضه

[قناص قطر]

ماكووووووو عذر يا بنات

الركن الرياضي عنده ملابس داخلية قطنية وبسعر مغري 55 ريال

وادفىء من الشال والجاكيت

والحين عندهم تنزيلات 50%

مافي اعذار يا بنات لاجاكيت ولا شال


يلا بعد الصبح مايطلع نجري ونشتري من الركن الرياضي

[جود]

ماكووووووو عذر يا بنات

الركن الرياضي عنده ملابس داخلية قطنية وبسعر مغري 55 ريال

وادفىء من الشال والجاكيت

والحين عندهم تنزيلات 50%

مافي اعذار يا بنات لاجاكيت ولا شال


يلا بعد الصبح مايطلع نجري ونشتري من الركن الرياضي


ما يكفي والله
لازم شال او جاكيت
انا ضد الألوان والبهرجة
ولا ينفع غير الأسووووووووووووووود مثل العباية
بس سؤال :
البنت وين قاعدة تلبس الجاكيت في المولات والسناتر؟؟؟؟
ما عندها سالفة لأنه دفى هناك

اما في الشوارع ما عندنا بنات يمشون في الشوارع
يا اما بتكون لابسته في السيارة او رايحة الدوام او مشوار
اما تمشي :con2: ما راح تتمشى الا في السوق
عند هالنقطة نقوووووول ستووووووب

[شاهيناز]

انااشوف انه حريه شخصيه
والبنت حره تلبس الي تبيه
دامه مايتعدى حدود الدين

ليش نلبس مثل مايوبنا الناس
الناس تبي نتم مثل اول
والزمن يتغير
ولازم مانحاول نرضى الاخرين

اناالي البس الي ابيه
ولايهمني رضى الناس ولا زعلهم
اهم شي في مافيها ابتذال
بعدين كل وقت له اذان مثل مايقولون المصرين
يعني كل يوم بتشوفون تغير
تعودو عليه:looking:

[<<روز>>]

السلام عليكم
انا ضد من يلبس جاكيت او شال على العبايه . المرأه فتنه ولبس الشال والجاكيت على العبايه ملفت للنظر والبرد موحجه .في مليون حاجه تدفي تنلبس تحت العبايه غير الشال والجاكيت
ولماذا نبعدها عن بناتنا اصلا كل شي شفناه فالدنيا تبرج وعبي مخصره وشعر طالع وينهم عن الدين وعن العادات والتقاليد
للاسف نتهاون في كثير من الامور بانها امور تافهه والتافهه تجرنا اللى امور اكبر واعظم
واخيرا حبيت اضيف شيء ليس من الاناقه لبس الجكيت او الشال على العبايه
اختاري واحد يا عبايه او جاكيت
واسمحوا لي على الاطاله

[ريانة العود]

انا البس الجاكيت تحت العبايه وشكلي يصير غلط كأني مصارع

والله مره بنات تمو يضحكون علي بس انا ما يهمني اي شي غير اني اكون مرتاحه ,,

ومستحيل البس جاكيت فوق العبايه لانه يفصل الجسم ,.

وبعدين في اختراع اسمه بجامه داخليه من واحنا بزران نلبسها تحت هدومنا ., وانا للحين

البسها..

[المزن الرياني]

انا البس الجاكيت تحت العبايه وشكلي يصير غلط كأني مصارع

والله مره بنات تمو يضحكون علي بس انا ما يهمني اي شي غير اني اكون مرتاحه ,,

ومستحيل البس جاكيت فوق العبايه لانه يفصل الجسم ,.

وبعدين في اختراع اسمه بجامه داخليه من واحنا بزران نلبسها تحت هدومنا ., وانا للحين

البسها..



الصراحه ماقصرتي ...
كان ودي أرد على اللي تتكلم وتفاخر بهالشي بس قلت أنطر وأشوف الأراء...
واللي ودها تحشم نفسها وتحشم أهلها بتحصل ألف طريقه ...

مب تسوي مثل اللي راح المسجد ولقاه مبند ... قال زين اللي جات منك :funny:

[التيما]

الصراحه ماقصرتي ...
كان ودي أرد على اللي تتكلم وتفاخر بهالشي بس قلت أنطر وأشوف الأراء...
واللي ودها تحشم نفسها وتحشم أهلها بتحصل ألف طريقه ...
:anger2: :anger2:
مب تسوي مثل اللي راح المسجد ولقاه مبند ... قال زين اللي جات منك :funny:

المزن الرياني البنت ماكفرت لما قالت رايها ومو تتفاخر هي قصدها توضح رايها لانها من هالفئة وبعدين مو كل البنات اللي يلبسون جاكيت او شال فوق العبايه معناته انهم ما يحشمون اهاليهم :anger2: :anger2: احنا اعتراضناعلى الجاكيت الضيق او القصير اي بس بعد مو بهالطريقه لانهم بعد بنات حمايل وشوفات ناس ودام اهلهم راضيين احنا مالنا الا النصيحه وان طحت فيني يا ويلك :anger2: :anger2: :anger2:

[خاربه خاربه]

لو أموت من البرد مالبست شي فوق العبايه

والحمدالله مستوره والحمدالله

وعندي نصيحه ليش ماتسون لكم عبايه شتويه صوف يعني مافيها شي صح

وشي ثاني بردنا هاي السنه يقولون نفس برد اول يعني تهقون يدتي

او امها البسوا جاكيت فوق العبايه

لو بلندن وفينا ما افصخوا عباية الراس

يابنات اللي ميته من البرد تستحمل وبعدين انتوا من السياره للبيت

او المكان اللي بتنزلون له صح والا لا فليش الجاكيت او الشال كله

حركات كل وحده ماتبي تخش شنو عندها واي ماركه لابسه او بكم شالها

لحد يطقني بس والله يدتي مالبست جاكيت ولا شال :shy:

[التيما]

انااشوف انه حريه شخصيه
والبنت حره تلبس الي تبيه
دامه مايتعدى حدود الدين

ليش نلبس مثل مايوبنا الناس
الناس تبي نتم مثل اول
والزمن يتغير
ولازم مانحاول نرضى الاخرين

اناالي البس الي ابيه
ولايهمني رضى الناس ولا زعلهم
اهم شي في مافيها ابتذال
بعدين كل وقت له اذان مثل مايقولون المصرين
يعني كل يوم بتشوفون تغير
تعودو عليه:looking:

اختي الكريمه شاهيناز مع احترامي لرايج بس علي ملاحظات بسيطه خذيهم بروح رياضيه او قطيهم البحر :
1- من حقج تلبسين اللي تبين لا اعتراض لكن من غير ابتذال ؟؟ للعلم ممكن اشياء انتي تشوفينها عاديه غيرج يشوفها مبتذله ؟؟ يعني الموضوع نسبي حسب المزاج والدين يفصل فيه هاي ماعليها خلاف ما يجوز لبس الضيق او الملفت او ما يبرز مفاتن المرأة ( شدخل الأوليين )

2- اختي الكريمه اللي ماله اول ماله تالي ؟؟

3- في مثل يقول كل اللي يعجبك والبس اللي يعجب الناس ؟؟

4- كلامج ان كل وقت وله اذان معناه ان باجر اذا صار لبس المايوه والقصير عادي بنلبس مثلهم وبنقول عادي لوكان ( جدام الحريم ) شوي شوي الناس بتتعود وبنعلنها علن ؟؟؟ مثل الحاصل الحين في العبايات المخصرة اول شي الناس استنكروا والحين صار عادي ؟؟ اسمحيلي اذا كانت حشمتي ووقاري جدام الناس تعتبرينها مال اول فهاي شرف ما انكره واللبس نابع من حشمه مو من عادات وتقاليد ولو مره راقبتي بعضمو الكل بعض لحد يطيح فيني مافيني شده الراييل والهنود والبتان شلون يطالعون الحريم بنظرات كريهه صدقيني ماراح تعيدينها راقبيهم واحكمي ...
اخيرا اختلاف الراي لا يفسد للود قضيه

[المزن الرياني]

المزن الرياني البنت ماكفرت لما قالت رايها ومو تتفاخر هي قصدها توضح رايها لانها من هالفئة وبعدين مو كل البنات اللي يلبسون جاكيت او شال فوق العبايه معناته انهم ما يحشمون اهاليهم :anger2: :anger2: احنا اعتراضناعلى الجاكيت الضيق او القصير اي بس بعد مو بهالطريقه لانهم بعد بنات حمايل وشوفات ناس ودام اهلهم راضيين احنا مالنا الا النصيحه وان طحت فيني يا ويلك :anger2: :anger2: :anger2:


ياألتيما ... كم مره أقولج لبسي التلسكوب قبل لا تقرين شي :deal:
انا مع ريانه العود بكل اللي قالته شفيج تتلحطمين :anger2:

الصراحه ... الله يعين الطلاب :deal:

[البارع]

اسمحولي ايذلم يرق كلامي لكم لسبب او لاخر اهي فنهاية وجهة نظر والله من ورا اقصد
ارا ان حوا اسما واغلا من التفهات من بعض شراذم المجتمع من الجنسين فهي الام ولاخت
والبنت والزوجة .وهاولا الشراذم المستشرين فينا استشرا النار في الهشيم هم ضحاضيح
مستنقعات نتنه على الارض ولابد ماتضمحل تلك التلك المستنقعات واتندثران شاء الله
وانتو اعضا والزوار هذه الواحة الغناء محشومين من هاولا الشراذم والذين قلت في حقهم من وجة نظري ماهم اهلا له .كثير مانشوف هذه الفئه في الاماكن العامه بحثامنهم لمأربهم الدنيئه
نشوف شباب لابسين الضيق والمخصر وكأنه هيكل عضمي طامسا بذالك كل ماعلم الرجوله فيه ويبحث على منهم على شاكلته من الجنس الاخر اي حوا التي ترب هذه الاماكن بحثا عنظالتها المتمثله في ذالك المنحط وهي لابسه كل ماهو جاذب وفتان ومستعينه بحركات اقل
مايقال عنها مقرفه
ولكن والشهاده لله لم ارا وحده محترمه او مصطنعه الحترام وحد يراكض وراها ولايضايقها
بعكس تلك المنحطه الدنيئه التي لم يكن لها رادع من خلق ولامندين والعياذ بالله,.,,,
اسف على الاطاله وعلى الالفاض السوقيه :)ودمتم

[شاهيناز]

اختي التيما

ولا يهمك قولي الي تبينه نحن في ساحه نقاش
والنقاش في كل الاحوال هناك معارض
انا لااتفاخر بلبس الجاكيت فوق العبايه
ولا ارضى بالخطئ
لكن قلت كل شي في حدود الدين مب حرام ولا خطئ
مافي نص ديني يقول حرام لبس الجاكيت فوق العبايه
كل لبس محتشم لكن مايرضى الاخرين وعاجبني بلبسه
ولايهمني رضى الاخرين
انا مره كنت جايه من الجيم وحاطه الجاكيت على كتفي
فوق العبايه
شافني اخوي ورغم انه متشدد لكن ماقال شي
لانه عرف من وين جايه واني ماستعرض
لكن الدنيا برد وش اسوي:looking:

المشكله عند بعض البنات انهم يحاولون يرضون الرجال
وهذا على حساب مايريدون يعني هي خاطرها لكن تخاف من
نظره الرجل لها تضل عمرها خاطرها في شي
بس خايفه الناس تتكلم وتنتقد لين اخر العمر خلهم
ولايهمني نظرتهم اهم شي رضى الله
اذا مافيها اي ابتذال وحركه جديده
ليش مب تفاخر ولا مجاهره
لكن ارد ااكد انها في اطار الدين والحشمه
وبس:looking:

[ضوى]

ضوى

جاكيت عن جاكيت يختلف ..

لما تلبس الوحدة جاكيت راص عليها ويا الله هبابه تتسكر زرايره
او سحابه اهنيه المقصد من الجاكيت اللي فوق العباية ..
لأن اصل العباية الستر ..
ولكن لما الجاكيت يبرز المفاتن اكثر من العباية الراصة
هذا هو الانتقاد ..

يحق لك الدفاع عن الجاكيت اللي ما يفصل ولا يبرز المفاتن
اما غير ذلك اسمحي لي يا ضوى
ان نعترض على الجواكيت الضيقة اللي هابين فيها البنات ..

تحية لك

اخوي الزاجل

انا ضد البهرجة والزينة واللبس الملفت للنظر
انا لما قصدت الجاكيت والشال قصدت المريح والواسع مو الضيق ولا الجينز اللي يحدد مفاتن الجسم
مو معقولة البس جاكيت يفصل الجسم على بو برد طبعا لا هذا مرفوض تماما عندي ولا اقبله بس بشكل عام الجاكيت والشال اللون الغامق لا عيب ولا حرام خاصة مع ايام البرد الشديد



لك الف تحية

[عساف]

الله يسترنا ويستر ذرياتنا

[جود]

المشكله عند بعض البنات انهم يحاولون يرضون الرجال
وهذا على حساب مايريدون :looking:

انا معاج والله في هالنقطة

في ناس تنتقد صح , لكن انا ما يهمني وانا لابسة جاكيت الحين فوق العباية
بررررررررد موووت ومشغلين المكيفات في الدوام
freeze chicken

[بنت الدوحة]

أخوي فارس الكلمة ..

أشكرك على موضوعك المميز

أنا بصراحة ضد الجاكيت اللي فوق العباية ...لانه ملفت للنظر بشكل كبير ..

اللي تبغي تتدفى تلبس لها بلوفر من تحت العباية ..

لكن بيردون وبيقولون لك بتبين العباية منتفخة أو الجسم مب مرتب ..

تعرف ليش ؟؟..

لان العباية ضيقة من جذيه الجسم بيبين مب مرتب ..

لكن لو العباية واسعة كان عادي ..

واذا نصحتهم وقلت لهم (ولا يبدين زينتهن الا ما ظهر منها) ...

عطوك الف رد و رد ...لكن كما قال الرسول عليه الصلاة والسلام ( خيركم من ترك الجدال ولو كان محقاً )

اليوم لبسوا جاكيت فوق العباية وبكرة بيشيلون العباية ...

وهذا اعتبره كله تمهيد للقضاء على العباية مثل ما حدث في بعض البلدان العربية ...

الله يستر علينا وعلى بناتنا يارب

[سيف قطر]

أخوي فارس الكلمة ..

أشكرك على موضوعك المميز

أنا بصراحة ضد الجاكيت اللي فوق العباية ...لانه ملفت للنظر بشكل كبير ..

اللي تبغي تتدفى تلبس لها بلوفر من تحت العباية ..

لكن بيردون وبيقولون لك بتبين العباية منتفخة أو الجسم مب مرتب ..

تعرف ليش ؟؟..

لان العباية ضيقة من جذيه الجسم بيبين مب مرتب ..

لكن لو العباية واسعة كان عادي ..

واذا نصحتهم وقلت لهم (ولا يبدين زينتهن الا ما ظهر منها) ...

عطوك الف رد و رد ...لكن كما قال الرسول عليه الصلاة والسلام ( خيركم من ترك الجدال ولو كان محقاً )

اليوم لبسوا جاكيت فوق العباية وبكرة بيشيلون العباية ...

وهذا اعتبره كله تمهيد للقضاء على العباية مثل ما حدث في بعض البلدان العربية ...

الله يستر علينا وعلى بناتنا يارب

معاك في كلامك اختي بنت الدوحة .... احسنتي

....شكرا لك اخوي فارس الكلامة

[سيف قطر]

أخوي فارس الكلمة ..

أشكرك على موضوعك المميز

أنا بصراحة ضد الجاكيت اللي فوق العباية ...لانه ملفت للنظر بشكل كبير ..

اللي تبغي تتدفى تلبس لها بلوفر من تحت العباية ..

لكن بيردون وبيقولون لك بتبين العباية منتفخة أو الجسم مب مرتب ..

تعرف ليش ؟؟..

لان العباية ضيقة من جذيه الجسم بيبين مب مرتب ..

لكن لو العباية واسعة كان عادي ..

واذا نصحتهم وقلت لهم (ولا يبدين زينتهن الا ما ظهر منها) ...

عطوك الف رد و رد ...لكن كما قال الرسول عليه الصلاة والسلام ( خيركم من ترك الجدال ولو كان محقاً )

اليوم لبسوا جاكيت فوق العباية وبكرة بيشيلون العباية ...

وهذا اعتبره كله تمهيد للقضاء على العباية مثل ما حدث في بعض البلدان العربية ...

الله يستر علينا وعلى بناتنا يارب

معاك في كلامك اختي بنت الدوحة .... احسنتي

....شكرا لك اخوي فارس الكلامة:strong

[بن علان]

جزاك الله خير اخوي على الموضوع .. في ميزان حسناتك

أنا رأيي يجب أن تعلو العباءه ولا يعلا عليها وإلا ما فائدتها

من المؤكد أن يتم التجاوز لو سمحنا بالجاكيت فوق العباءه

المرأه تمتلأ وتسمن والجاكيت محلك سر وهنا تحددت مفاتن الجسم

فإذا الأخوات هنا التزمن بالجاكيت الفضفاض ولا أدري كيف يكون الجاكيت فضفاض

فلن تلتزم بقية النساء وستكون سنة الجاكيت فوق العباءة وزرا على من سنته

هذا والله أعلم

[السهم الذهبي 2007]

دام فيه تستر وحشمه لا داعي من لبس الجاكيت تحت او فوق العبائه ولكن المنظر احلى وارقى عندما يكون الجاكيت فوق العبائه .
ويعطيكم العافيه

[غالية ياقطر]

أخبرني أحد الأصدقاء عن تغير غريب بدأ يطرأ على نساء بلدنا .. خصوصاً هذا الشتاء ..

يقول هذا الصديق .. أنه شاهد بعض الفتيات و النساء في المجمعات و الأسواق .. و قد أرتدين الجاكيت فوق العباءة .. و أحيانا الشيلة و قد غطت أكتافها فوق العباءة ..

يقول هل خرج مفهوم العباءة عن أهدافها الداعية للحشمة و الستر.. إلى أدخال الموضة و الصرعات الغريبة و الحركات الغريبة علينا ..

فقلت له : ستجد العجب في المستقبل .. الله يستر ..



ياجماعة الخير شصار يعني وحدة والبست جاكيت والا لبست شال شفيها ياخي برد والله العظيم برد وانتوا تدرون ان محد كان مستعد لهالبرد ومفصل ثياب وليش انفصل واحنا نعرف ان الشتا عندنا مدته قصيرة
وعلى فكرة اخوي واسمحلي بس ربيعك اللي قالك عن هالتغيير الظاهر كان فاضي وماعنده سالفة والا شعليكم انتوا تتكلمون هاي شلابسة وهاي شحاطة :anger2:
ومعلش اخوي باسألك ليش ماعلقتوا على عودة الشباب للثوب الطويل اللي يسحب والا الثوب المخصر والا الشعر الطويل والمدرج والمستشور اللي صرنا نجوفه هالأيام والا بس البنات اللي الله يحاسبهم والشباب لا؟
واسمحلي على الاطالة

[فارس الكلمة]

شكرا للجميع .. على هذه الردود التي تضاربت و تصارعت و تلاقت ببعضها

و أصدمت بالبعض الآخر .. و هذه هي طبيعة البشر ..

كل ينطلق من توجهاته و أفكاره و تربيته و ثقافته .. و علينا جميع أحترام هذه الآراء .. رغم أختلفنا أحيانا معها ..

[بدور]

الصراحه

الصراحه

الصراحه

انا شفت هالحالات واستغربت ما اعتقد اني بسويها وبلبس الشال للتقليد

فيه شيء اسمه اندر وير من الصوف الناعم والقطن الثقيل يدفي حيييييييل

مافيه داعي للبس الشال والتمشي في المجمعات يعني شوفوني بردانه

[بيبي هامور]

الصراحه

الصراحه

الصراحه

انا شفت هالحالات واستغربت ما اعتقد اني بسويها وبلبس الشال للتقليد

فيه شيء اسمه اندر وير من الصوف الناعم والقطن الثقيل يدفي حيييييييل

مافيه داعي للبس الشال والتمشي في المجمعات يعني شوفوني بردانه
:nice: :nice:

[على قد حالها]

ياجماعة الخير شصار يعني وحدة والبست جاكيت والا لبست شال شفيها ياخي برد والله العظيم برد وانتوا تدرون ان محد كان مستعد لهالبرد ومفصل ثياب وليش انفصل واحنا نعرف ان الشتا عندنا مدته قصيرة
وعلى فكرة اخوي واسمحلي بس ربيعك اللي قالك عن هالتغيير الظاهر كان فاضي وماعنده سالفة والا شعليكم انتوا تتكلمون هاي شلابسة وهاي شحاطة :anger2:
ومعلش اخوي باسألك ليش ماعلقتوا على عودة الشباب للثوب الطويل اللي يسحب والا الثوب المخصر والا الشعر الطويل والمدرج والمستشور اللي صرنا نجوفه هالأيام والا بس البنات اللي الله يحاسبهم والشباب لا؟
واسمحلي على الاطالة



طبعا محد بيرد عليج الحين , لأن لما يجي النقد والعيب على الصبيان كلن يحط لسانه في لهاته ويسوي روحه مامر على هالموضوعcrazy

ياخي كيفهم البنات لبسوا ولا فصخوا عندهم رب يحاسبهم اتركوا المخلوق للخالق:anger2:
واتمنى منكم انتوا يالشباب بالذاااااااااااااااات لو تغضون النظر عن البنات ولا عن اي حد يكون افضل وعشان نظركم مايضعف من كثرة القززززززز في بنات الناس:anger2:

[alanood]

انااشوف انه حريه شخصيه
والبنت حره تلبس الي تبيه
:looking:
...ممكن ارد بس بدون زعل...
كنت متوقعه ان في رد بيكون حول الحرية الشخصية لان الكلمه مرت علي...
واذا الامر كذلك فليكن...
بس لحد يقول الناس لبعضها...
و نصير مثل الاجانب...حرية شخصية واذا حد طاح في الشارع محد درا به لو كان حذاه...مايشوف!!لانها حرية شخصية!!ليش اساعد اي حد!!انا حر مابي اساعد!!
و اللي عرفناه من سنين ان العباة هي اخر قطعه او طبقه تغطي الجسم...ماهو حشوة الساندويش بين الثياب تحته شي و فوقه شي...
على الاقل يا ناس خلو العباة فحالها...ما بقى شي ما لعبتوا فيه....
اللي بعدنا شبيسوون؟!؟؟!
وان كان برد اللي تحت العباة يدفي...طالما ان العباة مش مخصره ما بتحدد الجسم اللي نافخه الجاكيت تحت العباة...
ولا اقول................هي بالفعل حرية شخصية...
بس عندنا في بيتنا...لأ كلنا عيلة وحده..قطر كلها و جيراننا...كل يهمه امر اخوه و اخته...وانا ما ارضى على بناتنا...
الله يهديهم ....الله يهديهم...

[alanood]

طبعا محد بيرد عليج الحين , لأن لما يجي النقد والعيب على الصبيان كلن يحط لسانه في لهاته ويسوي روحه مامر على هالموضوعcrazy

ياخي كيفهم البنات لبسوا ولا فصخوا عندهم رب يحاسبهم اتركوا المخلوق للخالق:anger2:
واتمنى منكم انتوا يالشباب بالذاااااااااااااااات لو تغضون النظر عن البنات ولا عن اي حد يكون افضل وعشان نظركم مايضعف من كثرة القززززززز في بنات الناس:anger2:
اسمحي لي و من غير زعل..فالاختلاف في الرأي لا يفسد للود قضيه...انا اللي قاعدة اشوفه الحين..الاكثرية البنات هم اللي يقزون!!لا حيا ولا مستحى...!!والله عجب...ولو بتعينين حد من هالشباب اللي يقز...من شي يشوفه...ولا اللي فحالها ولا مفتكرين فيها عندهم اللي كاشفه شيبون في الستيره يقزونها!!الا البعض...ما تحلا له الا المتغطيه...بس بصفة عامة انا لاحظت البنات تجرؤوا!!الله يهدينا كلنا...اكرر ياريت ما تزعلين من اختج...رايج ونحترمه لو اختلفت معاج:)

[بن عفيشه]

هل المسلمات اللاتي لا يلبسن العبايه يختلف أجرهن عن أجر الخليجيات اللاتي يلبسن؟؟؟
يعني اللي تلبس عبايه مثلا في الدوحه أجرها عند الله سبحانه وتعالى أكبر من المسلمة اللي في البلدان الغربية التي اسلمت عن اقتناع والتي لاتكون فيها العباية موروث ولا هم حسابهم غير؟؟؟
( ليش حاطين العباية مقياس للدين .. أبي افهم ) :con2:

[بن علان]

هل المسلمات اللاتي لا يلبسن العبايه يختلف أجرهن عن أجر الخليجيات اللاتي يلبسن؟؟؟
يعني اللي تلبس عبايه مثلا في الدوحه أجرها عند الله سبحانه وتعالى أكبر من المسلمة اللي في البلدان الغربية التي اسلمت عن اقتناع والتي لاتكون فيها العباية موروث ولا هم حسابهم غير؟؟؟
( ليش حاطين العباية مقياس للدين .. أبي افهم ) :con2:

يا خوي اللي شفته ان الجاكيت يوصل للارداف يعني يخصر الجسم ويفتن

وبعدين اخفاء الزينه من الدين والمفروض العبايه تخفي الزينه اللي تحتها

في نقطه هامه وهي ان الجاكيت اذا صار فوق العبايه اليوم وبحشمه تأكد راح

يتم التجاوز في حشمته قريبا لذا نقول من باب الأحوط الالتزام بان تكون العبايه

آخر ما يُلبس ..

قال رسول الله صلى الله عليه وسلم

"من سن في الإسلام سنة حسنة ، فعمل بها بعده ، كتب له مثل أجر من عمل بها . ولا ينقص من أجورهم شيء . ومن سن في الإسلام سنة سيئة ، فعمل بها بعده ، كتب عليه مثل وزر من عمل بها ، ولا ينقص من أوزارهم شيء"

[الزاجل]

هل المسلمات اللاتي لا يلبسن العبايه يختلف أجرهن عن أجر الخليجيات اللاتي يلبسن؟؟؟
يعني اللي تلبس عبايه مثلا في الدوحه أجرها عند الله سبحانه وتعالى أكبر من المسلمة اللي في البلدان الغربية التي اسلمت عن اقتناع والتي لاتكون فيها العباية موروث ولا هم حسابهم غير؟؟؟
( ليش حاطين العباية مقياس للدين .. أبي افهم ) :con2:

العباءة مب مقياس للدين ..

بس لازم اتحط في بالك ان من شروط لباس المرأة المسلمة

ان ما ترتديه يكون
فضفاض لا يشف ولا يفصل ولا يخصر
وان لا يكون بالوان زاهية تلفت الأنظار وباشكال مزركشة
تسرق القلوب ..

وبما ان الدول العربية اتخذوا الجلباب
عندنا في الخليج خذوا العباية الوسيعة للستر
وفي دول الاسلامية الثانية مثل الهند وباكستان
اتحصل الملتزمين بالدين حريمهم ملابسهم وسيعة فضفاضة ..

فلو عدنا لمحور حديثك الا وهي العباية

شنهي فايدة العباية اذا كانت اتفصل واتخصر الجسم ؟
افقدت شرط اللباس الإسلامي الصحيح ..

فالبنت اللي بتلبس العباية مخصرة علشان
تقول :
يا عالم تراني مسلمة الإسلام بريء من لبسها
فهي تخدع نفسه قبل ما تخدع غيرها ..

لأن متى ما دخل الإيمان الحقيقي في قلبها
مستحيل تعرض مفاتنها للآخرين عن طريق قطعة سودة مخصرة عليها
او تلبس عباية مزركشة ومنقشة وتقول انا لابسة عباية وسيعة ..

فالعباية مب مقياس للدين
ولكن مقياس للباس الإسلامي الصحيح ..

لأن ممكن اتشوف وحدة لابسة عباية وسيعة وحاطتها على الراس
وما في قلبها ذرة ايمان وتتعامل مع السحر والعياذ بالله ..

[alanood]

لا و لكنه مقياس للالتزام بالعادات و التقاليد !!!لاننا دون هذه العادات شيئا فشيئا

سنستبدل عادادتنا بعادات الغرب و يجر ذلك ديننا بدين الغرب...لان هناك ترابط ما بين عاداتنا و

الدين الاسلامي....وكذلك عادات الغرب و دينهم الكتابي...

[شاهيناز]

اختي العنود يعني احنا مب احرار
علينا نكون مثل مايريد المجتمع والعادات والتقاليد
ومايرضى الرجل؟؟؟؟؟؟؟؟:looking:

انا ارى ان الوحده تلبس ماتريده حريه شخصيه دام ماتعارض فيه الدين
واهلها راضين
الي يرضي ديني وهلي انا حره فيه لكن مايهمني رضى الاخرين
اذا شفتي وحده لابسه جاكيت فوق العبايه وقلتي لها خطئ
بتقول كيفي
كيفي تعني انااحره لان الانسان حر اذا مايتعدى على حقوق الاخرين
وحقوق الاخرين تقف عند حدود الدين
والعادات والتقاليد امور متغيره ومتعبه لان كل يوم لنا شي مختلف
اول العادات العبايه فوق الراس وخشنه
وكانت البطوله موجوده
الحين صار النقاب واشياء كثيره
تغيرت

[alanood]

تغيرت اي...بس لوين بتوصل؟هذا الخوف اختي الموضوع اكبر من كونه جاكيت !!!هو بداية التحول و التمرد على العادات و الدين...ليش ديننا امرنا بالابتعاد عن الاختلاط بالرجال؟هل كلنا بنستخف لا شفناهم ولا هم لا قربوا منا بيفتنون في دينهم؟!؟لا..ولكن ما نحط الكبريت جنب الغاز...يعني نتحاشى الامور التي يمكن تقطنا في التهلكة...
ولا كان قعدنا عالمنتدى و شغلنا المايك و تكلمنا مع بعض اسرع من الكتابه...ولكن لان الصوت عورة و تجر الى امور اخرى...هذا المغزى..وليس القصد ان بنت الجاكت ساقطة و بنت عباة الراس فوق الراس! ما نحكم على الناس بالشكل يا الغالية ولكننا نبتعد عن الشبهات والله انها عند الله عظيمة الاجر...واحتسبيها عندالله...تقربا اليه و ترك الشبهات له...وربك و ربي اجدر بترك كل مغريات الدنيا لاجل الامتثال لاوامره و جزاؤه لا تضاهيه مغريات الدنيا لو تضاعفت مئات المرات...تقبلي مني شكري لك على التحاور و النقاش الراقي...

[العـوا]

تركنا القضايا المهمه وردينا على اللبسس

عجيب غريب

[alanood]

تركنا القضايا المهمه وردينا على اللبسس

عجيب غريب
ومن في نظرك مهتم؟؟!!؟كل شيء متروك...اخوي...
خلينا نحاول باضعف الايمان...ايش اللي يضايق:con2:

[الزاجل]

تركنا القضايا المهمه وردينا على اللبسس

عجيب غريب

العجيب والغريب
لما نتهاون في الأمور الصغيرة اللي نتايجها بتكون كبيرة ومصايبها اكبر ..

لكل رجل عاقل وما يحب يخدع المرأة

اشلون تجذبك المرأة ؟

هل لما تكون لابسة فضفاض ووسيع
والا لما البست المخصر المفصل ؟

هل تلفت نظرك البنت او المرأة اللي لابسة جاكيت قصير
و اكمامه ضيقة والا بتلفت نظرك البنت اللي لابسة عبايتها
كما تعارفنا عليه من زمن الأولين ؟

المرأة بالذات هي عنصر الجذب وتحريك الغرائز

فلحد يقص على نفسه
ويقول دام اني واثقة من نفسي ما علي من غيري

ما في شي اسمه الفت النظر واحرك الغرائز واقول
دام اني واثقة من نفسي ما علي من غيري ..

اهنيه تكمن مشكلة الملبس يا الاقتصادي القطري ..

[ام سعود]

اصلا شكله غلط ويين الذوق فييييييه

[فارس الكلمة]

تحية لكم و لمشاركتك الحلوة ..

شكرا لهذه المداخلات .. و دائماً نكرر ..

أختلاف الرأي لا يفسد للود قضية ...