السلام عليكم
طالع إجازة مع العيال ع ألمانيا لمدة 10 أيام في شهر يونيو بإذن الله وباستأجر سيارة
هل أحتاج أطلّع ليسن دولي ولا أكتفي بالليسن القطري؟
اللي عنده خبرة يفيدنا جزاكم الله خير
عرض للطباعة
السلام عليكم
طالع إجازة مع العيال ع ألمانيا لمدة 10 أيام في شهر يونيو بإذن الله وباستأجر سيارة
هل أحتاج أطلّع ليسن دولي ولا أكتفي بالليسن القطري؟
اللي عنده خبرة يفيدنا جزاكم الله خير
لازم رخصة دولية والمانيا جدا شديدة بخصوص الاطفال اذا اطفالك صغار لما تاجر السيارة اطلب كراسي اطفال
ورخصة الدولية سهله جدا من السفريات
وسفرة سعيده
,
,
مرحبا
انا مره مكتب التاجير طلبوا الليسن الدولي مع القطري
ومره ما طلبوا شي
الاحسن يكون الاثنين معاك
الدولي طلعته من سفريات ريجنسي 150 ريال
خلال دقايق يجهز خذ معاك صوره شخصيه
وتقدر تطلعه عن طريقا لانترنت كثير شركات تعمل
سفره سعيده
والسواقه هناك ممتعه خاصه الأرياف واطراف المدن
اما في العاصمه فزحمه ومافي باركنج تصير السواقه مزعجه
,
,
انا مأجر مرات عديدة ولا طلبوا الليسن الدولي القطري يكفي
ورايح إن شاء الله السبت القادم ولا سويت دولي
نصيحة سو حجز قبل لو لأقل فئة ولين وصلت تقدر تسوي ابغريد وتاخذ فئة أفضل بسعر أفضل
حق العوائل يصلح المرسدس الفان أو الفولكس واغن اسمها مآلتي فان واسعة ومريحة وسواقتها سهلة وبعدين تقريباً كل السيارات فيها جي بي اس لتاخذ جي بي اس من الموقع يطلع أغلى
جرب sixt خدمتهم زينة ولهم مواقع كثيرة في ألمانيا وبالتوفيق لك
لو بتروح ميونخ أعرف شخص عربي ممكن يساعدك بس ياخذ مبلغ عن أي مساعدة وإذا تتكلم انجليزي لا تهتم أُمورك تمشي وإبعد عن العرب
بالنسبة للمواقف إخوي شموخ كثيرة ومتمركزة حول كل منطقة وغالبيتها متعددة أدوار ودوم التكلفة أقل من 10 يورو .. حتى مناطق التسوق تقرر وين أقرب موقف للمحلات اللي بتروحها بالجي بي اس وتوقف قريب .. واللي ما يعرف يستخدمه مثلي أول مرة كنت اخليهم يعلموني عليه شوي وبعدين استوى كل شيء سهل
صج السواقة متعة بس لازم الالتزام بقوانين المرور ولازم تخلي المسار اليسار في الخطوط السريعة فاضي مهما كانت سرعتك
يطلبون الاثنين. الليسن يأخذ منك عشر دقايق بسفريات ريجنسي
مو خسران شي اذا سويته.
انا مرات ما يطلبون مني لا القطري ولا غيره مادري اشلون التأجير عندهم و مرات القطري يكفي بس للإحتياط الدولي لا قدر الله للشرطة و ليس للتأجير للمخالفات خصوصا امريكا و سحب الليسن خل يسحبون الدولي.
بيض الله وجهكم جميع على ردودكم وتجاربكم القيمة في موازين حسناتكم
بإذن الله فحط هالتفاصيل في الاعتبار .. وبطلع ليسن دولي من باب الاحتياط مادام موضوعه كم ريال ودقايق
والله يوفقكم جميع
السلام عليكم ورحمة الله وبركاته ..
أنا رأيي من رأي أخوي شموخ دائم، فعلا السواقة داخل المدينة في أوروبا مزعجة جدا وراح تلقى نفسك دوم مبركن الموتر ولا لك خاطر تسوقه ..
متعة السواقة في أوروبا إنك تتنقل بين الأرياف، أما داخل المدينة فتحتاج تدور مواقف عامة والانتباه للخطوط الأرضية وكيفية التعامل مع الإشارات والسرعة ماتتعدى 30 كيلو في بعض الشوارع الرئيسية بوسط المدينة ..
استخدم المترو وإذا ماتحب تركبه فعندك تطبيق أوبر أفضل مليون مرة من التكاسي والتكلفة أقل بكثير..