كم هي الميزانية التي تخصصها لمشروع عطلة الصيف وماهي الوجهة وعدد ايامها؟
عرض للطباعة
كم هي الميزانية التي تخصصها لمشروع عطلة الصيف وماهي الوجهة وعدد ايامها؟
يعتمد عدد الافراد واذ اوروبا والحجز المبكر يساعد في الحجوزارت بسعر معقول
غالبا اذ شخصين والمده اسبوع اوروبا ظ£ظ* لل ظ¤ظ¥ الف مع مشتريات
ما احدد مفتوحة واحسب بعد ما أرد
واعتقد تختلف من شخص لآخر وعلى حسب المقدرة
واحد بيسكن في شقة مع عائلته تكلفه اقل من الفندق
وواحد فندقه 5 نجوم وواحد 3 أكيد بتختلف الحسبة
2016 خذت سفينة سياحية كروز من ميامي الى الكاريبي
بحوالي 25000 للسويت الواحد
بينما كانت الغرفة الي ببلكونة 5000 فالي يحدد
الميزانية هو انت ورغبتك
تبي اقتصادي فيه تبي تفل نفسك
وتتمتع بعد في يدك
الى اوربا شهر عائلة من
زوج والزوجة وطفل او اثنين مش اقل من 150 الف
الى استراليا نفس العائلة 200 الف
نفس العائلة الى دول شرق اسيا 50 الف
عايلة كبيرة لمدة شهر لأوربا 500 الف
و 100 الف لاسيا
ترتفع وتنزل التكلفة على حسب
السكن والصرف والمشتريات
على حسب الوجهه والعدد والامكانيات
رحت المالديف سفره عائليه اسبوع ثلاث اشخاص , السكن حول 60 الف
ورحت اسبانيا اسبوعين اربع اشخاص وسكنا في شقق فندقيه لاجري سويت ب 15 الف
عن نفسي الميزانية مفتوحة باللي موفره و فالعاده ولا شي فإذا قررت اسافر اخلي عالأقل 40 ألف غير التذاكر و الفنادق و فأوربا للأسف تطير أغلبها عالمطاعم بس مثل ما ذكرو الأخوان و لاخوات فوق انت شنو تبي.
عن نفسي اذا اسافر اسبوع بالكثير حدي 10 ايام بس أفل نفسي و احس نفسي طلعت من كوكب و الأرض و ارجع للواقع
كروز او سويت مطاعم السيارة كلشي اخذ احسن شي اذا بروحي اذا مع الأهل غير اللي اهم يبونه
,
,
مرحبا
شكرا على الموضوع
اتفق مع اخوي naklan
الميزانيه تختلف من شخص الى شخص ومن عائله الى عائله وكل وله امكانياته
ممكن عائله صغيره تسكن بغرفه
وممكن عائله تحتاج 3 غرف نوم
التكلفه هنا ترتفع الى 3 اضعاف
سكن في فندق 3 نجوم
غير عن 5 نجوم
أيضا السكن في ( السنتر ) في المدن الاوربيه غالي جدا وفي اطراف المدينه نص التكلفه تقريبا
والغرفه غير عن السويت
تاجير سياره مع السائق مكلفه اذا المده طويله
بينما تاجير سياره بدون سائق اقل من نص التكلفه
اوربا غاليه وتحتاج ميزانيه
لندن على سبيل المثال
من 150 الف الى 350 الف لشهر
لو اخذنا شي في المتوسط فندق ( 4 نجوم ) والاعتماد على المواصلات العامه
من تكسي وباص او اندرجراوند
بتكون تكلفه معقوله
موضوع التكلفه هذا من اصعب المواضيع
المفيد فيها ناخذ ( نصائح ) لتقليل التكلفه مثل اختيار مطاعم معينه
ونوع السكن ودرجته
التسوق يكون في اخر الأيام
( الالتزم بمصروف يومي )
وما يكون الصرف مفتوح بدون تحديد
,
,
يجب ان تكون عند الواحد ثقافه سفر وهذي تتكون مع كثر السفرات والخبره والعلاقات،،،
ممكن تركب درجه اولى بنص السعر الي تشوفه في القطريه وممكن تاخذ فندق ايضا بنص سعر بوكنق وممكن تحدد اهداف سفرتك وتخطيطك لها بفتره اقل شي اسبوعين قبل السفره دايمن تحديد الاولويات والترتيب والتخطيط السليم يجنبك الخساير الغير متوقعه وتذكر دايمن انت مسافر رايح تستاتس وتوسع صدرك وتغير جو استرخاء استجمام تسليه ووناسه لاتخلي شي يكدرك ولا يضيق صدرك حط دايمن الباجت المناسب قبل تسافر مب الفيزا مفتوحه وعقب تحسب كم صرفت هذا ماينفع ... ورحله سعيده ان شاءالله
على حسب نوع السفره
كانت سريعه وعاديه او استرخاء ( اسبوع او اقل )
او طويله عاديه او طويله واسترخاء وشوبينق ( اسبوعين الى شهر )
في سفرات سريعه تكلف بحدود 5000ريال للشخصين ( اوروبا )
مثال : تذكره درجه سياحيه وفندق جيد جدا بغرفه ديلوكس
وفي سريعه تكلف 20 الف لشخصين ( اوروبا )
مثال: تذكره سياحي او بزنس وفندق مع اطلاله على بحيرة او شاليه مع بركه خاصه
وفي طويله تكلف 20 - 80 الف ل4 اشخاص ( اوروبا )
مثال : تذكره سياحي او بزنس مع سكن فندق بوسط المدينه بغرفه ديلوكس
وفي طويله تكلف 150 الف ل4 اشخاص ( حاليا انا مسافرتها )
مثال : تذكرة بزنس مع سكن شقق كبيره بعدة غرف وصاله ومطبخ او استئجار فيلا خاصه ، والتنقل لعدة مدن اخرى
دوم الفرق يكون في نوع السكن كان عادي او فخم ودلع
أول مرة اكون متحمس للسفر وباقي أفراد العائلة مرتبطين بدراسة أو بشغل
عن الميزانية انا بعد ما اخلص التذاكر والسكن احط في اعتباري 1000 ريال لليوم مصاريف بس بعض أفراد العائلة يخربون الخطة بصرفهم من عندهم يعني ميزانية السفرة تكون مجهولة .. طبعاً هذا اللي يكون عليه الحساب الجاري أما الكردت يكون مبلغ احتياطي للحاجات الطارئة
سفراتي بنفسي اسوي كنترول أفضل بوايد حتى التذكرة اخذها سياحية لو المسافة معقولة
وفق الله الجميع في حلهم وترحالهم
والله يحفظ قطر
والله يهدي وزارة الخارجية تنظر لنا بعين العطف ويخلصونا من الفيز اللي ما لها طعم ولا نكهة
الصرف السخي يقابله راحة وفخامة
مره خذت سويت في احد الدول الآسيوية بحوالي 400 دولار
لليلة مساحته 135 متر وعندي خدم على مدار الساعة وعصاير
وقهوة وحلويات وفواكه وحتى وانتم كرامة الحمامات والمسابح
في كل صوب والمسابح منفصلة والبانيو مطل على المدينة
تتنقع في الصابون وتتفرج على المطر هههههههه
ومقعدة الحمام توتو الالكترونية قيمتها 25 الف
وفيها دفاية للجلوس عز يامال العز
صراحة ما يصير تطلع من بيتك ويكون مستواه 5 نجوم على سفره
وتعذب نفسك في فندق ردي تخترب السفرة كاملة لذالك عليك بالسويت
يرد روحك ويرسم الابتسامة على محياك اذكر من كثر الخدمة الجرس
ما يسكت مره بسكوت ملون ومرة بقلاوة من كثر الخدمة مره
طلعت له بالروب وخبركم الروب الاسيوي صغير علينا
زين ما طلعت الأغراض وانا افتح الباب ههههه
ههههههه انا جننتهم كله اقول له يكفيني خشاش الأرض ما ادري وين جايبهااقتباس:
المشاركة الأصلية كتبت بواسطة naklan
شوف الله يسلمك .. أوقات تحصل شيء راقي وزين وبسعر معقول بس خل عندك ميزة التفاوض والطلب لترقية بعد ما تحجز وفاوض على السعر .. اللي لاحظته غالبية الفنادق وشركات السيارات وحتى المطارات والمناطق السياحية يلينون بالابتسامة والكلمة الطيبة ويساعدونك .. ولو معاك حد على كرسي متحرك الكل يتعاطف معاك وأُمورك غصب تتيسر .. أوقات اللي معاك مستعد يمشي بس تصر عليه يرتاح وانت ترتاح من سهولة التعامل
لو حريمنا بس يلينون روسهم ويسمعون الكلام كان بنكون بخير .. أوقات يلبسون ساعات تبرق وياخذون شناط مالت أعراس مب مالت سفرة لدولة غالبية شعبها محتاج وكثير لصوص
هههههههه معماري كلنا نبي خشاش الارض بس وين تحصله
وسط أكلهم بخصوص ترقية السكن دايما اعمل هالطريقة بس عيب
السكن الكشخة ما يخليك تتسيح وكله تبي تتم في الفندق الغرفة
خرافية والبانيو تشوف منه كل المدينة وتحس وانت تتسبح
انك اسكوبار زعيم المافيا ولا كلنت ستود في افلام
الكوبوي
اما سفرة مع العائلة لازم تدبل الوقت علشان
تقسم الوقت بين السياحة ومشتريات لودام ( المدام )
اذا الوقت ضيق بتعصب ويمكن تطرش لودام
بصاروخ سكود للفضاء :funny: