عرض للطباعة
من زمان ودي افتح موضوع مثل هذا :
النيسان باترول واللاندكروزر ..ماهي الرغبه في شراء لاندكروزر من دون شراء نيسان باترول ..مع ان النيسان سعره اقل بكثير من التويوتا.وطبعا سعر اللاندكروزر صاير شي غير طبيعي
ماهي الاسباب؟
انا صراحه اشوف النيسان كشكل حلو ولو انه ضخم شوي.
ابي اراء لماذا الرغبه في تويوتا اكثر من النيسان في دوله قطر؟
ابي افهم صراحه …..
شكرا
من تجربة شخصية النيسان وايد مريح و من الداخل واسع و المكينة قوية .. مسألة ممكن يتكلم عنها البعض و هي سعر قطع الغيار فسعرها من الوكالة شبه ثابت و إن كان فيه تغيير بسيط لكن ما كلفتني سيارتي من 2013 و للحين إلا السفايف في 3 مرات تبديل و البلكات مع الكويلات من سنة jتقريبا و الزيت مع الفلتر للمكينة كل 10 آلاف و الجير لحد الآن مرة و هذا مب لأن السيارة تدوم و ما تخترب لكني محافظ عليها و اسوق سواقة بشر مب بقر!
أما بخصوص تساؤلك فالجواب هو عقلية المستخدم تاخذه لتقليد الغير دون تفكير و فكرة الشيك المضمون فكرة ناس ما شايفة خير لأن المفروض اني اشتري الشي اللي استخدمه مب ابيعه و اذا اني محتاج سعره فليش اشتريه من الاساس!
أدري في من بيخالفني الراي لكنه كيفه أو كيفها!
حاليا مع سعر التويوتا باخذ نيسان مواصفات وراحه وشكل مع انه سعره ارتفع شوي وليش الناس تاخذ تويوتا للاسف قناعه عندهم ويشوفون الناس كبير
النيسان موتر شرح ووسيع و مناسب للشباب و للعوائل وهو مرغوب اكثر من اللاند في بعض البلدان حوالينا مثل الامارات
لكن شخصيا لي تجارب سيئة جدا مع وكالة النيسان في قطر تجعلني ابتعد عن النيسان حتى لو بيعطوني اياه ببلاش.
وكالة النيسان بالنسبة لي ثقب اسود لفلوس ملاك السيارة
نصيحة لوجه الله .. اذا انت تعبان على فلوسك و ما تبي تخسرها.. ابتعد عن وكالة النيسان و حافظ على فلوسك اللي تعبت عليها
انا متاكد ان الشباب اللي اقتنوا نياسين و تعاملوا مع الصيانة في وكالة النيسان في قطر يفهمون اللي اقصده
انا اقصد الموديلات الحديثه 2022 -2023–6 سلندر بلاتنيوم …اي موديل اللي عندك كان ؟وايش كانت المشاكل مع الوكالة خل الكل يعرف ويستفيد ..قصدي ايش هو العطل اللي خلاك تكره الصيانه من الشركه ؟اقتباس:
المشاركة الأصلية كتبت بواسطة مواقف النجادة
موديل سيارتي طال عمرك نيسان بترول 2012 le v8اقتباس:
المشاركة الأصلية كتبت بواسطة style
استعمال حشمة .. الدريول يوصل العيال و الاهل المدرسة و الاسواق وبس .. لا طلعت فيه بر و لا عمري سافرت فيه .. اتابع سرفس الوكالة اول باول
فجأة لقيت اشارة المكينة مولعة عالطبلون .. وديتها لهم .. خلوها عندهم قريب اسبوع و رجعوها لي .. و خذوا مبلغ و قدره.
بعد كم يوم .. رجعت الاشارة نفسها .. رجعتها لهم .. خلوها عندهم فترة ثم قالولي ان في جزء من مضخة او شئ من هالقبيل انكسر و دش المكينة و سبب لها ضرر و ان المكينة تحتاج الى عمرة و تبطيل .. و دفعت قريب ال 40 الف ريال .. و تمت السيارة عندهم فترة طويلة .. ماعوضوني بسيارة بديلة خلالها ( مثل ما تفعل وكالة الجمس مثلا ) ثم رجعوها لي .. بعد يومين من استلامها .. الدريول يتصل الدوام و يقول لي المكينة تخر بترول مادري ايل .. جبت بريكدون و رجعتها لهم .. طلع الفني مالهم بعد ما بطل المكينة ما تيّت على البيبات و الاهواز .. و هذي حياتي مع هالوكالة التعبانة.. رايح و راد و السيارة ما تتصلح .. و ادفع يا صابر .
اخر شئ سديت الثقب الاسود في ميزانيتي اللي اسمه نيسان و بعتها باقل من تكاليف تصليحها. . و حلفت اني ما اتعامل مع هالوكالة التعبانة.
و بس..
ملاحضة: الفواتير مازالت عندي و جميع مراسلات الواتس مع قسم الصيانة سواء المكتوبة او المسموعة او الفيديوهات ما زالت في جوالي.
كلام واضح وشرح واضح ،، بس سؤال كمً كانت ماشيه السياره لما طلع هذا العطل ..وهل اشتريت السياره جديده ولا مستعمله؟ لان اذا مستعمله ماتدري المالك الاول او الثاني اوالثالث استعماله السياره شلون .. بس لو جديده هذا نقطه سلبيه كبيره في حق شركه النيسان .
اضافة على كلام اخوي بخصوص الصيانة انا كنت من محبي النيسان لكن بسبب الوكالة خلاص تركت الناس يعاملون ناس وناس يعني الهنود عندهم هم ملوك النيسان القطري مب معبرينه
هذا في عموم البلاد فما جات على النيسان!!اقتباس:
المشاركة الأصلية كتبت بواسطة Rider
اتفق معاك .. موديل 2012 كان فيه مشاكل كثيرة!اقتباس:
المشاركة الأصلية كتبت بواسطة مواقف النجادة
حالة والله .. ولدي وكالة المرسدس سووا صيانة وبدلوا آيل القير والدفرنش وسلموه السيارة يوم وصل البيت الا خرخشة فيه وطقطقة من تحت طلع الدفرنش ناسين يصبون فيه آيل وعطلوه لين يجيبون القطع وطلب القطع على حسابه في الدي اتش ال من الإمارات وركبوها وعوضوه فلوسه بس بعد لفة طويلة ما ادري ليش هالجهلاقتباس:
المشاركة الأصلية كتبت بواسطة مواقف النجادة
يعطيكم العافية جميعاََ، ابدأ باقتباس كلام اخونا ساوث ان بعض الناس هداهم الله يشتري عشان يبيع! او مصطلح التويوتا شيك ف الجيب، المشكلة مب انك غلط او صح من وجهة نظري، مشكلتي معك اني مستخدم موتري خمس سنين واحصلك صاف معي سرى في الوكالة السنة اللي حبيت اغير فيها، وصاف مع اخوي السنة اللي طافت.. يعني احسدك على محبة الوكيل لك.. احسدك هاي دعابة لاني ما ابي اكون مكانك ؛)
اما النيسان فلأنه يبين سبورت تحصل ماله قبول عند شريحة كبيرة بغض النظر عن اسعار القطع.
ولو تركز في قطع التويوتا، الأصلي الأصلي ما تفرق عن النيسان لكن التويوتا عندها قطع تكلفتها أرخص ومب شرط تكون سيئة لكن مب الدرجة الأولى.
أخيراََ ما اجد في نفسي حماس للحديث عن السيارات، لكن اللاندكروزر بكل مواصفاته.. كم راعي لاند كروزر راح فيه البر أو استخدم الفورويل أو غيره من المواصفات!
اذاََ نحن نستخدم اللاندكروزر في المدينة واغلب مواصفاته ما نحتاجها و كأننا نستخدم السيارة ف المكان الغلط او شيء من هذا القبيل!
التويوتا اكثر لانه صيانته اسهل ويتحمل الكرف والتزويد وسعره ما بعد البيع افضل بكثير من اانيسان اللي يطيح سعره وايد بعد البيع من الاخر الكروزر كرت فيزا لراعيه بحكم شعب يعتبر الكروزر جزء من هويته هههههه
النيسان افخم واريح والمكينه والداخلية وريافة السواقة افضل من الكروزر وارخص بكثير مقارنة بالمواصفات بالكروزر بس مشكلته محرقة بترول بشكل مب طبيعي وفي قطع غياره ومشاكل فنية غالبيتها كهربائية مثل ال abs وسنسورات وغيره بخكم تصميم السياره والانظمه اللي مسوينها غير المقصات والبوشات اللي ما تتحمل البر وهذي سياسة الشركة الجديدة .جودة القطع جيدة بس لها فترة محدودة
طبعا انا اتكلم عن الشكل الجديد اللي من 2010 مب الفتك وايضا طبيعة الاستخدام لها دور كبير
في جميع الأحوال الموترين ما عليهم كلام ومواتر استخدام يومي وسفر وبر عكس الالماني والامريكي بس الكروزر يفوز بسهولة الصيانته والتصليح وقطع الغيار الاصلي والتجاري .النيسان اذا ما تعرف كراج عنده خبره بالنيسان ومشاكله فعلا بتتلعوز مع خدمات وكالة المانع السيئة واستغلالها مثل ما ذكرو الاخوان
الكروزر بدون نقاش
العمر علمنا تجارب الموتريين
حتى مافي مقارنه بينه وبين الكروزر لان الكروزر يفوز بالف سنه ضوئيه من جميع النواحي حتى ربلة الباب فالنيسان اتنتف تذوب بهدلهم كارلوس الي شرد ارخص شي هههههههه
https://youtu.be/Ch-v08aIH3c
مقارنة بين العملاقين
الكروزر وايد مبالغ بسعره ضيق بالكرسي الخلفي و الصف الثالث ايضا
لكن يضل باعتمادية كبيره حتى لو لعنت شكله يستحمل
النيسان الجوده فيه منخفضه اكثر من اللزوم و تطلع فيه خرابات ما تطلع بالكروزر برمجه او راديتر او مكيف و حتى الربلات تتعب بسرعه
يعني تعطيه السايق و تفتح جيبك للمصاريف
لكن بالمقابل اوسع و اقوى
كلا الموترين مش رخاص و حتى لو رحت للامريكي بعد غالي و صيانته غاليه بالوكاله. حتى الليت الخلفي الصطابات ب 2700 ريال للبك اب.
شي مهم. ان النيسان بيتغير و هذا يخلي البعض يتردد شوي هالفتره
الخلاصه. شوف الي يخدمك بشكل افضل
بالتوفيق