السلام عليكم
ماعليكم امر ممكن تنقلون لنا تجاربكم بخصوص الداكت سبليت من ناحية افضل الشركات, الاسعار, التركيب والصيانة الدورية ..الخ
وهل تنصحون في الداكت سبلت عن المكيف السبليت العادي.؟!!
تحياتي للجميع
عرض للطباعة
السلام عليكم
ماعليكم امر ممكن تنقلون لنا تجاربكم بخصوص الداكت سبليت من ناحية افضل الشركات, الاسعار, التركيب والصيانة الدورية ..الخ
وهل تنصحون في الداكت سبلت عن المكيف السبليت العادي.؟!!
تحياتي للجميع
والله يا اخوي الغالي اول وآخر المسألة ذوق واختيار ... انا عن نفسي مب مقتنع بالدكت سبلت وهذا رأي الشخصي وادري انه كثير يعارض رأي ....بس لو تسال ليش يعجبك الدكت بيقول شكل وديكور .... انا اشوفه اول شي يشغل حيّز سواء بالداخل من حيث عمل حساب الدكت في الارتفاع وفِي بعض الأحيان يعيق عليك تنفيذ فكرة معينة في الديكور ... وكذلك الحيّز اللي تشغله المكاين في السطح تذبح السطح من وجهة نظري أحب السطح ....ومن الأسباب بعد هي صعوبة الصيانة مب اَي حد يسويها ... ارتباط كذا غرفة او مكان بماكينة واحده يعني اذا اخترب في هالغرفة سكر في الغرفة اللي جنبها ..... وبعد في شي مهم جدا ترى استهلاكة عالي للكهرباء ع ما اعتقد .... اما السبلت يخترب تقطه وتاخذ غيرة ع طول خليفة المكيف الويندو بوحنه هههههه ..... يمكن أسبابي مب مقنعة بالنسبة لك اخوي ويمكن ما أقنعك .... بس تصدق أني غيرتي رأي بمجرد أني شفت حجم المكائن و احتلالها لمساحة السطح عند قريب لي ....مع العلم ان تكلفة عدد اليسبلت يونت اللي تعاقدت عليها كان ممكن أزيدها شي بسيط وأخذ دكت ... بعد في سبب ان الصوت ينتقل مابين الدكت ..... دمت بود عزيزي
انا لو باركب دكت سبلت باركبه في أضيق الحدود وفي مناطق معينة كغرفة النوم الرئيسية والمجلس ويمكن المجلس الخارجي لأني مفكر في ديكور معين داخلي ما ابغي أخربه
ومن تجارب الربع المقربين لاحظت إنهم تعبوا مع شركاتنا التعبانة وأغلبهم ما حصل اللي متوقعه وانغش في الشركة وفي العقد
اللي بيركب انصحه يعمل دراسة من البداية ويعمل تصميم تكييف ما يغيره اللي بينفذ ويسعر على أساسه .. تصميم بمواصفات وعن طريق مختص يعني ينزل مناقصة وممكن يسعرونه عدة مقاولين لكن ما ينفذون الا التصميم كما هو ما يلعبون على كيفهم
يفرق يا اخوي حول الضعفين للثلاثة أضعاف لو المواصفات جيدة لكن لو بتقارن أرخص مواصفات دكت سبلت وأعلى مواصفات سبلت بتحصل الفرق حول الضعف للدكت سبلتاقتباس:
المشاركة الأصلية كتبت بواسطة $الملياردير$
السلام عليكم ورحمة الله وبركاته ..
والله ياخوي الدكت سبليت افضل لتوزيع الهواء والبرودة فالفيلا, انا حاليا مركب دكتات (كارير) وبصراحة احس كل مكان بالفيلا بارد، مع اني مشغل عدد بسيط جدا من المكيفات ..
هو فعلا ياخذ حيز من ارتفاع السقف ( نص متر تقريبا ) ولكن تتغلب عليه اذا كان سقف بيتك مرتفع، وبإمكانك توزع الدكتات في اطراف السقف وتسوي الجبس 2 ليفل ..
انا سويته فالسقف للصالات والاماكن المفتوحة, وسويته فالحائط تحت الجسر للغرف، والحمدلله في كل الحالتين احس ان المكيف مغطي كامل المنطقة ..
عيب الدكت في صيانته لأنها أعلى تكلفة من السبليت رغم انها بسيطة ومش معقدة، ولكن السبب إن اللي يشتغلون فيه عددهم محدود وماتلقى ناس وايد تتجرأ وتشتغل عليه، وواجهت أيضا مشكلة المكثف (كاباسيتر) وهو اللي يشغل المكيف، اكثر من مرة اخترب علي في معظم الوحدات الخارجية وتصليحه سهل جدا والقطعة رخيصة ولكنهم مبالغين بسعر التركيب ..
وبالنهاية اذا عندك قدرة على تركيب دكت سبليت أو دكت مركزي فـ توكل على الله، وإذا احتجت أي مساعدة أنا حاضر وبالخدمة ..
مرحبا اخوي الملياديراقتباس:
المشاركة الأصلية كتبت بواسطة $الملياردير$
انا ناوي ان شاءالله اركبه في الصالات المفتوحة والمجالس فقط. أما الغرف راح اركب السبلت العادي.
فعلا اتفق معاك بالنهاية هي ترجع للذوق وكل شي له ايجابيات وسلبيات.
تحياتي
يامرحبا اخوي بوعبداللهاقتباس:
المشاركة الأصلية كتبت بواسطة معماري قطري
اتفق معاك انا ناوي اركبه بس في الصالات والمناطق المفتوحة, وفعلا لازم تعمل حسابك مثل ماتفضلت في الخرائط عشان نتفادى المشاكل.
حاليا قاعد اشوف الاسعار وادرسها عشان اشوف اذا السالفة تسوى او لا.
عليكم السلام اخوي السهماقتباس:
المشاركة الأصلية كتبت بواسطة الســـهم
واحد نصحني في مكيفات كارير , ممكن تقولي شرايك فيها ومن وين خذتها هل من الوكيل او الموزع؟ كم سنة صارلك تستعملها؟
الربع بعد نصحنوني في مكيات تدمر اسمها دايكن, وفي بعد جي اي وكيلهم المانع في طريج سلوى, وفي بعد شركة ميستوبيشي وكيلهم اعتقد التيسير.
في كذا شركة بس الواحد مب عارف شنو افضل شي وشنو الاشياء او الامور الي لازم يركز عليها بخلاف السعر.
السلام عليكم ورحمة الله وبركاته ..اقتباس:
المشاركة الأصلية كتبت بواسطة بوجاسم_قطر
انا تعاملت مع شركة الكترو سيتي (مدينة الكهرباء) ومحلهم موجود تحت فندق جنة الخليج في شارع الخليج (آخر محل)، صاحب الحلال (تيسير) شخص محترم جدا ونصوح، ولما قررت اشتغل معاه كان هو صاحب أفضل سعر وخيرني بين مكيفات (كارير سعودي) أو (يورك بحريني) واخترت الأول والحمدلله توفقت فيه، قوة دفع الهواء والبرودة ماعليها كلام، ومثل ماقلتلك سابقا إني عانيت مع كثر تغيير المكثف (كباسيتر) واتوقع بسبب إن المتوفر فالسوق كله إما صناعة هندية أو صينية، وحاليا دخلت في السنة الثالثة من سكنت بيتي بدون أي مشاكل تذكر مع التكييف والحمدلله من قبل ومن بعد.
يامرحبا اخوي سهم..اقتباس:
المشاركة الأصلية كتبت بواسطة الســـهم
يعني انت تعاملت مع موزع مب الوكيل مباشرة, لانه واحد من الربع قالي كارير مكانهم في سلوى واسم الوكيل Metco. هل الموزعين يعطونك سعر احسن من الوكيل؟!!
راح امر ان شاءالله عن محلك الكترو سيتي واشوف بعد اسعارهم والله يسهل الامور.
تسلم اخوي على المشاركة..
اشلون اتواصل معاك؟؟اقتباس:
المشاركة الأصلية كتبت بواسطة الســـهم
مساكم الله بالخير جميع..
مريت اليوم على المحل الي نصحنا فيه السهم مدينة الكهرباء. مدير المحل قالي خذ الميستوبيشي ومتوفر عنده كارير بعد.
الميستيبشي الي عنده غير عن ألي في التيسير بس على قولته من نفس المصنع وتجميع تايلندي .
مريت على كارير ألي بطريق سلوى وعطيتهم السكتش عشان يقدمون لي العرض. راح اشوف اكثر من عرض وبعدين نقرر باذن الله.
السلام عليكماقتباس:
المشاركة الأصلية كتبت بواسطة بوجاسم_قطر
بالنسبه لمكيفات الدكت سبليت هي الافضل طبعاً للتكييف، حيث تعطي بروده متجانسة لكامل الغرفه والمنزل ايضاً، الصيانه تكون في الحمامات وليس في الغرف، طبعاً عدم نسيان الهدوء الكامل في كل البيت وخصوصاً في غرف النوم
https://www.facebook.com/unitcoqatar/
تقبل التحية