انا نبضك ! انا قلبك! انا احساسك الدافي
كذبتي ما خبرت اني لمحت الحب في عينك
تقولين الهوى خالد ونورك يعكس اطيافي!
من يصدق بحر حبك وكل امواجه اتدينك
انا ماني على خبرك هذاك الشاعر الوافي
حرقت اجمل كتاباتي عشان يموت تلحينك
حنون القلب!والطيب !ما عادت تحمل اوصافي
غديت اشبهك للاخر عقب ما كنت مسكينك!
تعلمت الجفى منك الين احتل اطرافي
خذيت الملك من هجرك ودانت لي سلاطينك
محال ارجع مثل اول اشيلك فوق ! اكتافي!
كسرت بداخلي لوحة متيم عاف تلوينك
خضعت وقلت حبيني ! بكيت وصحت بك كافي!
نسيت وقلت لك اسف!رجعت وقلت يا شينك!
وش الانسان لا صارت حياته مبعد ولافي!
دعيت الله وانا صادق يفرق بيني وبينك
زمان الوصل لا ترجع ! سقمت البلسم الشافي
خفوقٍ ذاب في حبك شطب من صفحته وينك
غروب الشمس مجدافك ! شروق الشمس !مجدافي !
ومثل ما هنت لك عاشق ! يجيك الظلم ويهينك !
وانا عمرك !وانا روحك !وانا احساسك الدافي !
مشاعر زيف ما تمشي على من شاف!تكوينك !
كتبها : شبيهك : كش ملك !!
|
