بالنسبه للاجنبيه الي دخلت الاسلام .. فالله يثبتها ومحد يخرب عليها ويغير رايها..واتوقع دامها حديثه في الدين الاسلامي فالمفروض التشجيع خاصه من المسلمات الي حولها ..
اذا اجانب وديانا ثانيه يسخرون او ينقدون ويقطون كلام عليها فاتوقع امر طبيعي .. لكن مسلمه وتقط كلام على وحده توها معلنه اسلامها؟ قويه فالله يهديهم .. بالعكس اصلا اذا سمعنا فلانه الي تشتغل في المكان الفلاني او فلان دخل الاسلام على طول نظرره تعجب و وناسه تبين على الويه .. وكلمه الحمدلله على طول تنقال من الكل

لكن بخصوص بنات الجامعه. اتوقع بين الربع مب سخريه مجرد دعابه و وناسه.. يعني حتى لو كان العكس وحده ملتزمه و بيوم وليله شفناها يايه لا حجاب وسفور وكانت تلبس عبايه طول الوقت و نشوفها مثلنا من غير عبايه في الجامعه ؟؟ اكيد فيها شي؟بعد بتحصل نفس الجمل ونفس الكلام بس العكس.. وين الطوع راح..؟ليش فصختي الحيا؟ حرام شسالفتج انتي ؟ الدين لعبه عندج على كيفج يعني.. وواايد جمل
بالاخير محد بيقط كلام عليها الا الكلووووووووز فرد ويكون من باب الغشمره ومب الاستهتار. واذا تكلموا جد بالعكس بيقولون الله يهدينا احنا بعد وماشالله عليج...

يعني مب بس على الي تطوعت على طول والتزمت.. و بالاخير الجامعه فيها اماكن للبنات وياخذون راحتهم. على ايامي بعد الحين مادري شلون الوضع بصراحه...

ثانكيو على الموضوع