اولا : السلام عليكم ورحمة الله وبركاتـه .....

مما جاد به قلمـي في هذه اللحظات .. اقـدم اليكـم قصيـدتي المتواضعة بعنـوان ( غلطـة اطفـال ) .....


اتمنـى ان تحـوز على اعجابـكم مع خالـص تقديـري لمروركم مسبقـا ,,,,


















لا جرحت القلب وش يفيده الاعتـذار
بيظل الجرح جرح والخطيه خطيـّه





كل مره نبدى بجرح وننتهي بانكسـار

ينكسر قلبي ولا يشفق قلبك عليّـه





اقولها يا من صدقني بالخفا والجهـار
صادك غرور وطغت بك هالعنجهيـّه





لو حسبت غلطاتي ترى ماهي كثـار
المشكله لا صارت غلطاتك هي الخفيـّه





نسيت اني كتلة احاسيس انكوت نـار
ونسيت مهما صمدت في النهاية بنيّـه





يا ربوع الحزن يا جنون الاحتضـار

يا تخاريف عاشق يا جروحي النديـّه





وش اسميك!! اترك لك ذا الاختيـار

سم عمرك وانا بحكـم في ذي القضيـّه





قلت وشو!! اسمك ماهو بقـرار!!
اجل تمعـن بـوقع ظلمك ذا شويـّـه!!





الحين اعترضـت وعاملتنـي بكل احتقـار

وما رضيت لنفسك غير تبقى ابيّـه





لا ترضى على غيرك فرض هذا الحصـار
واقتنع ان كل انسان طايح ببليـّه



بشر مابنا معصوم .. واللـه الغفـار

مشرعه ابوابه لكل صنوف البريّـه



خلك اكبر من خطا بوقت الانهيـار
وخلنا نتسم لحظه بشوية واقعيـّه





تراك غلطت بحقي وطال الانتظـار
ماني ناطرة الا نكمل هالمسرحيـّه





لا ابي اسف ولا ابي كلمة اعتـذار
بس تعال بالحال بنفسٍ رضيّـه





احنا فوق الزعل.. ايضا ناسٍ كبـار
وان كان يرضيك هاك قلبي لك هديـّة !!





الهدية لا تُرد ..و حكايتنا باختصـار
اطفالٍ تزاعلوا .. والسبب غلطة غبيـّه







وسلااامـتــكم ....