السلام عليكم

شحالكم .. والله جالس اليوم .. ماشوف الا طلعت في بالي فكره .. وحبيت اطرحها على اعضاء المنتدى قبل الاداره ..

اولا وش نقول غير ان .. ماشاء الله تبارك الله .. المنتدى ذاع صيته ..

يعني وين ماروح .. واشوف واحد له خبره بالاسهم .. اساله وش اسم المنتدى الي تدشه ..

يعددلي اسامي .. ولازم يكون منها منتدى الاسهم القطريه ...

فحبيت اطرح فكره ..

الفكره حلوه .. يعني تمشي على كل حال .. حبايبنا بالمنتدى يقدرون يطبقونها على الواقع ..

طبعا الكل عارف ان في قطر يتم انشاء معارض اقتصاديه .. ومعارض مختصه بالاقتصاد والاسهم وغيره من هذي الامور ..

تتواجد بها شركات من قطر ومن خارج الدوله ..

ففكرتي تقول .. يعني ليش ما يكون هناك تواجد حي للمنتدى في هذي المعارض ..

يكون مثل قسم (( ولو انه صغير )) او مثل مانقول مكتب صغنون << حلوه هذي صغنون

يتواجد فيه على الاقل 2 او 3 من ربعنا بالمنتدى ..

مع شويت ارشادات وتوضيحات عن المنتدى وعن انجازاته (( يعني من هل الخرابيط )) ..

ومنها ايظا توزع كتيبات صغيره ( تشرح عن المنتدى بشكل عام ) ..

يعني بالعربي .. ننقل المنتدى من الوسط الالكتروني .. الى الوسط الحي ! ..

وبكذا .. تزداد سمعه المنتدى .. ويزداد رواده .. خاصه من خارج الدوله .. الي لهم ألمام بالاقتصاد القطري .. وحابين انهم يتعرفون عليه ..

وطبعا مايحتاج .. ثقه المنتدى (( في اخباره , ومصداقيته , وتصديه للاشاعات .. )) اكيد بتخلي الناس تحط انظارها عليه .. اكثر ! ..

هذي مجرد فكره .. .. ان شاء الله تحوز على اعجابكم ورضى الاداره بشكل اساسي ..

وتحياتي لكم .. المخلب ..