هذي القصة صارت في الدوحة قبل 9 شهور تقريباً الجزء الاول من القصة موجود على هذا الرابط
http://www.qatarshares.com/vb/showth...E1%CF%DD%E4%C9
القصة مثل ما سمعتها
------------------------------------------------------------------------------------
في يوم من الايام يات مره خليجية لمركز الشرطة
تقول اختي صار لها ثلاث شهور ما ارسلت لي فلوس
و صار لها سنين على هذي العادة
و انا ما ادل بيتها
فاستغربوا المحققين
و قالوا لها انتي تبين الفلوس و لا بيت اختج..
شيكوا و دلوا بيتها عن طريق الكمبيوتر..
راحوا البيت اخر الليل
طقوا الباب محد فتح
و طقوا و طقوا و لحد رد عليهم
قالوا ما في الا نكسر الباب
و كسروا الباب
و يوم جاوا يدخلون
اهجمت عليهم 7 كلاب بوليسية سودة
و كل ما حاولوا يدخلون امنعتهم الكلاب من الدخول
حاولوا
و حاولوا
و ما اقدروا
قالوا ما في الا نشكح الطوفة
صار نفس الشئ
اهجمت عليهم الكلاب و منعتهم
اخرتها ثوروا على الكلاب
و كل ما يثورون الكلاب ما تموت
يثورون و ما تموت
يثورون
و يثورون
و ما تموت
و تموا يثورون لين ماتت اخيرا..
و اخيرا دشوا البيت
حصلوا الوصاخة في كل مكان
دوروا على حد ما حصلوا حد
دوروا و دوروا البيت ظلام
و ما في اي ليت
قالوا ما في الا نرجع الصبح
و نشوف الموضوع
واحد من المحققين ما قدر يصبر
قال ما في الا اشوف ايش فيه البيت
راح بروحه و دش البيت
البيت ظلام
ما فيه و لا نور والع
دور على سويش الكهربة
ما حصل
دور و دور ما حصل
حتى ليتات ما في
الدرايش عليها جلاد اسود
البيت ظلام في ظلام
دخل للصالة و ايش حصل...
الصالة مليانة من القاذورات و الاوساخ و المخلفات البشرية..
مستوي كانه حمام وانتوا بالكرامة
و كانت المفاجأة..
جثة ميتة في الصالة
بدون ملابس
مشوهة
ماكلتها الكلاب..
طلع الدور الثاني
حصل جثة رجل بملابسه على السرير
و طبقة من الغبار متينة على السرير
تدل انه الجثة ميتة من سنين...
تم يدور في الغرفة
حصل كتاب بخط اليد مكتوب
و احد اشهر كتب السحر و العياذ بالله..
و دور و شاف سطل فوق الدولاب..
ايش تتوقعون شاف فيه ؟
شاف سطل فوق الدولاب نزله
شاف فيه ماي وسخ داخله قرآن..
قعد يدور في البيت و يدور
حصل صندوق كبير تحت الدرج
فتح الصندوق و كانت المفاجأة..
حصل قريب من الف صورة
لعرايس في اعراسهم
تعاويذ
طبوب
فتح احد الاعمال لقى مكتوب فيها
فلانة بنت فلان
مع التحقيقات اكتشفوا انه الرجل الميت متوفي سنة 1982
و انه الكتاب بخط يده من تأليفه
و الميتة زوجته
و كان الريال و مرته سحرة
و كانت المرة عقب المغرب تطلع السطح و تسب و تلعن..
و يوم شيك اسم فلانة بنت فلان في المحكمة طلعت تزوجت سنة 1987 و تطلقت بعدها بشهر
و الطامة الكبرى يوم شغلوا جوال الساحرة تلفونها ما وقف اتصالات من الحريم يطلبون سحور
حسبي الله و نعم الوكيل
|
رد مع اقتباس
المشاركة الأصلية كتبت بواسطة R 7 A L
