يوتيوبيات البناء .. مقاطع تثقيفية متجددة

[معماري قطري]

[معماري قطري]

[معماري قطري]

منسوب البيسمنت على شارعين كل منسوب يختلف .. هذا أشوفه مشكلة جائز تنفجر في أي لحظة لو نزل مطر قوي وشفناها في بيوت الكويت الله يعينهم لازم يكون فيه تصريف خارجي للشوارع بعيد عن منطقة البيوت ممكن يرتفع الماء 20 سم ويدخل من العتبات البسيطة

[معماري قطري]

على طاري المنسوب المناسب لدخول السيارة للبيسمنت نسوي رامب متدرج أول قسم بطول 3 أمتار لو أمكن وممكن ننزل لمترين لأن غالبية السيارات محور الإطارات بهذي الحدود .. الجزء الأول نسوي سلوب 15% ونقدر نقلل لو عندنا مسافة تكفي .. هشكل نكون نزلنا من صفر لين ناقص 0.45 متر .. القسم الثاني نسوي شوي ميلان أعلى 30% مثلاً والطول نخليه حول 5 متر أو 6 لو ممكن ونقلل السلوب عن 30% ممكن 25% يكون اريح .. 30% على 5 متر نهبط 1.5 متر و 25% على 6 متر بعد نهبط 1.5 متر .. القسم الأخير يكون بعد 3 وبسلوب 15% بيكون عندنا ارتفاع للباب لو سوينا جسر محاذي لمستوى ال 0 بيكون 2.25 هذا مناسب لكل السيارات تقريباً

الجزء الأخير عندنا لفة الرامب والفتحة نسويها 5 متر بتكون أنسب لدخول وخروج السيارة مثل هذي الصورة



يعني ممكن نسوي الرامب في الإرتداد ال 3 متر ولو سوينا 4 متر الإرتداد بنكون نقدر نسوي تمديد الصرف الصحي كذلك تقدر نسويه في الثلاثة متر معلق في الجسر

[معماري قطري]

يعني بيكون عندنا طول الرامب والمدخل حول 18 متر مناسب حق أغلب البيوت والأراضي ووضحت الجسر بخط مقطع

[معماري قطري]

هذي صورة موضح دخول السيارة والمنحنى كيف مناسب والجسر فوق وضحته بخطوط متقطعة

[معماري قطري]

فلل مبنية بالطراز اليوناني وهذا النوع أول مرة أشوفه في الخليج بابدأ الفيديو ببعض الصور

هذي صورة الشكل الخارجي حبيته بس ناقصه اللون الأزرق فوق في الجزء الداخل داخل من سور السقف وهو لون دائم متواجد في أسقف المباني اليونانية وفي بعض القطع الحديدية والأبواب أوقات



هنا استخدموا اللون للباب فقط ولو مستخدمين درجة ثانية للجزء المضاء من سور السقف بيطلع أحلى



التقويسات للزوايا الحادة طالعة حلوة وتعتبر ميزة لا تكسر ولا تنكسر



المجلس بسيط وحميمي وجميل التلفزيون كأنه جزء من الجدار



أول مرة أشوف مكيف معلق للمطبخ بهذا الجمال



تابعوا الفيديو فيه تفاصيل كثيرة

[معماري قطري]

عرض آخر لنفس البيت السابق بصوت انثوي .. عندي تساؤل من يرغب في تصميم داخلي مميز ممكن ياخذ عناصر من هذا التصميم ويطبقها على بيت كبير وعلى مستوى بس بطريقة مقاربة من حيث تنسيق الألوان والنمط

[معماري قطري]

مصطلح Dry Wall هذا مصطلح بديل وحديث للبلاستر التقليدي قديماً ومن زمان تغير في أمريكا وفي بعض الدول بعد استخدام ألواح الجبس والألواح الخشبية المكبوسة .. هذا منتج حديث من البلاستيك ومناسب ونظيف وسهل تركيبه للجدران
الداخلية

[معماري قطري]

هذي صورة موضح دخول السيارة والمنحنى كيف مناسب والجسر فوق وضحته بخطوط متقطعة

بخصوص الطرق عندنا ستاندرد لطرق الجيش إن ما خانتني الذاكرة حول 2.7 متر لكل مسار وفي الغالب مسار لكل اتجاه وطرق طويلة أوقات وتكون عليها خطورة كبيرة وأوقات حوادث مميتة .. هذا تقريباً نفسه ستاندرد الطرق الريفية في ألمانيا اللي سرعتها 100 كيلومتر في الساعة تنزل لين 50 في المناطق المأهولة والتجاوز فيها صعب الا بحذر شديد وفي أماكن معينة مخططة بخطوط متقطعة وبلادهم شاسعة وطرقاتها الريفية كثير أطول من طرقاتنا بس نادرة الحوادث عندهم بسبب الإلتزام من الكل والقيادة الآمنة وكذلك طرقهم فيها انحناءات كثيرة وأشجار قريبة وبعضها غزلان تقفز أمام السيارات لكن مجهزة جيداً بوسائل رؤية جيدة حتى في المطر القوي تشوف أعمدة انعكاس انارة السيارات الصغيرة والرخيصة وهذي المفروض مركبة عندنا

القصد فقط لتأييد سالفة الثلاثة متر كافية وزود