ناوي اسافر لميونخ ومنها لزلامسي وسالزبورغ
ومنها لزيورخ وانترلاكن
افيدوني بالتفاصيل
ما أفكر أقيم في سالزبورغ بروح لها يوم بس من زلامسي
زيورخ مابي أطول فيها يومين بالكثير وابي أطول في انترلاكن
وين تنصحوني اجر سياره من ميونخ او من الانترنت؟
والفنادق والتاشيره
العدد: 2 وياهل تحت السنتين
الأيام : 12 يوم
ممكن تحجز سياره من مطار ميونخ وتخبرهم انك بترجعها بمطار جنيف او زيورخ. بالنسبة للمدن بما انك حددت انك بتقعد بميونخ وزيلامسي فيبقى عندك سويسرا بالنسبة لسويسرا المسافه من زيلامسي لزيورخ تقريبا 450 كيلو الصراحة ماانصحك تروح لزيورخ دايركت اولا بعد المسافه وثانيا ممكن تخلي زيورخ وانت راجع للدوحه. اقترح من زيلامسي الى منطقه هايدي لاند تشوف القرى المناسبه هناك تبعد تقريبا 350 كيلو ممكن تقعد ليله او ليلتين ومنها الى انترلاكن مثل ما تحب انت وتقعد فيها حسب المده اللي تبيها وبالاخير من انترلاكن يا ترجع من زيورخ او جنيف وتقعد ليلتين.
في مدن مهمه تستحق الزياره راح تمر عليهم وممكن تاخذهم باعتبارك اثناء وضع المخطط مثلا قارمش إنسبورك سانت جلن سانت موريتز اذا بترجع من جنيف فكر ب مونتريه وشامونيه بفرنسا كلهم قراب من بعض.
نصيحه زيورخ مافيها شي ممله جدا ، انترلاكن خيار ممتاز ومنها تقدرتطلع وايد اماكن ، اذا معك اطفال فكر في مدينه رست صج وناسه ومنها تطلعون على مدينيتين فرنسيتين مب متذكرتهم اعتقد فرايبوغ ! مب متاكده وايد بتنطربون في رست
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
المشاركة الأصلية كتبت بواسطة ذكي جدااا
ذكي جدا تسلم ماقصرت شكلك كل سنه اهناك
عطنا تفاصيل اكثر
الفنادق ألزينه والأماكن الي تستأهل الزياره
زيورخ لآزم امرها مابي أسوِّق اكثر من ظ£ ساعات
تسلمين وبخلي لها يومين او يوم
يعني نقدر نقول انك بترجع من مطار زيورخ مش جنيف صح ولا. اذا تبي تشوف اعلى قمة جبال الالب مونت بلانك فهي توجد بشامونيه وتبعد ثمانين كيلو من جنيف. على العموم عندك ثاني اعلى قمة جبال موجوده بانترلاكن قمة ينفرو بس ياليت تحدد مطار الرجوع عشان نشوف المدن اللي ممكن تزورها على طريقك
مرحبا اخوي
ماقصرو الاخوان جزاهم الله خير
بس المشكله عدد الايام قليله وخاصه ان فيهم زيلامسي وانترلاكن
ومعاكم طفل اقل من سنتين
تقدري تلغي زيلامسي او مافي مجال !!
اقدر اضيفهم كلهم بس فيها تنقلات ومجهود عليكم اشوي
بالنسبه للتأشيره
راح تاخذها من الدوله الي راح تقعد فيها اكثر
واتوقع راح تكون من السفاره السويسريه
احددها لك بعد مانخلص تخطيط السفره وتقسيم الايام
بالنسبه للفنادق لاتشيل همها ان شاء الله
بس ابغي اعرف شنو تفضل بالسكن يهمك الفنادق راقيه بغض النظر عن سعرها
او اكواخ وشاليهات ومنتجعات وكذا يعني
متى سفرك بأي تاريخ
راجع لك ان شاء الله
بعطيك جدول ثاني .. وجوف اذا يصلحلك ..
تنزل ف فرانكفورت .. وتروح بادن بادن ..
3 ايام .. تروح ستارسبورغ يومين .. في فرنسا ..
عقب فرايبورغ او رست .. او انصحك تقعد يومين في اليوربا بارك
من فرايبورغ تروح زيورخ .. او اذا تبي خوش مكان ..
روح بحيرة كونستانز .. الجانب الالماني .. ومن هناك على قارمش ..
ومن قارمش لـ ميونخ .. وتعود من ميونخ ..
سويت هـ الجدول بالخريطة .. يعني كل شي على الخط .. والسواقة مب وايد ..
واذا تبي نصيحة .. قسم كل 4 ايام مكان .. وريح راسك من الدوارة لان معاك ياهل ..
وبالتوفيق
ما انصحك بسويسرا لانها تعتبر بعيدة عن الاماكن الثانية اللي حاب تزورها
انترلاكن تبعد عن زيلامسي حوالي 500 كيلو
اذا حاب ممكن تقسم الايام بين ميونخ وكابرون والمناطق القريبة
ممكن تنزل ميونخ وتطلع مباشرة على قارمش تقعد يومين ثلاثه - المسافة من ميونخ لقارمش حوالي 90 كيلو
من قارمش تنزل على زيلامسي تقعد لك يومين ثلاثة - المسافة من قارمش لزيلامسي حوالي 200 كيلو
من زيلامسي تنزل على منطقة جميلة اسمها هالستات = المسافة من زيلامسي لهالستات حوالي 100 كيلو
ومن هالستات تطلع على سالزبورغ ونصيحة اقضي فيها ليلة او ليلتين ترى جنبها اماكن وايد حلوة والمسافات قصيره تقدر تطلع تتمشى وتستكشف المناطق القريبة كم ساعة وترجع لسالزبورغ على وقت المغرب = المسافة من هالستات لسالزبورغ حوالي 80 كيلو
ومن سالزبورغ ترجع لميونخ تقعد لك يومين ثلاثه تريح وتسلم السيارة ومنها الرجعة بأذن الله = المسافة بين سالزبورغ وميونخ حوالي 150 كيلو
فالمخطط اعلاه اكثر مسافة بتقودها من قرية او مدينة للاخرى هي 200 كيلو
الريف النمساوي جميل وجدير بالاستكشاف
ارجاعك للسيارة في نفس المدينة او نفس نقطة استلام السيارة يوفر عليك مبلغ خدمة استلام السيارة في مكان اخر
وتروح وترجع بالسلامة ان شاء الله
إذا ما خلوتَ الدهر يومًا فلا تقل خلوتُ ، ولكن قل عليّ رقيبٌ ،
.................................................. .... و لا تحسبنَّ اللهَ يغفلُ ساعًة ، و لا أنَّ ما تُخفي عليه يغيبُ
ضوابط المشاركة
رد مع اقتباس
