سنغافوره

[بوشاهين2]

السلام عليكم .. حبيت أروح سنغافوره وبعدها ماليزيا ومعاي يهال .. كم يوم تكفيني بسنغافوره وأيش أفضل الفنادق الموجودين فيها عرب وقريبه منها الأكل الحلال وبعدها طالع ل ماليزيا بالمواصلات وأبي الأماكن القريبة من سنغافوره وصولاً للعاصمة علماً بأني مش رايح أي جزيرة مثلاً من بعد ماطلع من سنغافوره أبي أروح هالأماكن (صن واي لاقون - جنتج - العاصمة ) ألي أيعرف المسار وكم الوقت بينهم أيفيدني وشكراً.

[qatarman8008]

مرحبا اخوي.. بخصوص فنادق سنغافورة اذا تبي فندق قريب من الالعاب والفعاليات احجز في جزيرة سنتوسا..
اذا تبي شوبينق احجز في شارع اورشد..
اذا تبي قريب المطاعم العربية لكن بعيد عن الباقي خذ بوجيز هوتيل ..
سنغافورة يبي لك فيها 4 ليالي عالاقل..
وهي عالية لو بتقارنها بماليزيا..
طبعا اذا حبيت تروح لماليزيا بالسيارة قريب..
45 دقيقة بتصير في جوهور..
جوهور فيها ليجو لاند احجز فيها ثلاث ليالي..
بعدين روح ملاكا افاموسا واحجز فيها 3 ليالي ..
ثم روح كوالالمبور كمل باقي اجازتك هناك..
باقي الاماكن مثل جنتنق وسن وي لاجون وماينز بارك قريبة من كوالالمبور تروح بالسيارة الصبح الساعه 10 وترجع 7 الليل..
ما يحتاج تشد شناطك و تغير فنادق ..
اما عن الفعاليات ف كل مكان بتحصل فيه كتيبات عن الفعاليات الموجودة وانت رتب نفسك على حسب ضروفك..

[ذكي جدااا]

سنغافوره يفضّل السكن بجزيرة سنتوزا لوجود يونيفيرسال ستوديو فيها وبعض الأنشطة. طبعا سنغافوره صغيرة وين ماتقعد ماعندك مشكله. ممكن تروح يوم لليجو لاند بماليزيا بمنطقة جوهر تبعد فقط خمسين كيلو بس ماعندي فكره عن الدخول والجمارك لماليزيا ممكن تسأل الفندق. بس مااتوقع انك تحتاج تسكن في جوهر خلك بسنتوزا لان كثرة التنقلات متعبه. من سنتوزا لكوالالمبور 360 كيلو اسهل طريقه خذ طياره وفك عمرك تقريبا ساعه وحده بتكون بكوالالمبور.

[مجوهرات]

استغفر الله العظيم عدد خلقه

[SIMPLICITY]

بالتوفيق ان شاء الله

[القلم الصريح]

من سانغفوره تقريبا 5 ساعات بالباص كلالمبور العاصمة تقريبا 5 ساعات بالباص ، ومثل ماذكروا لك الاخوان سانغفوره صغيره فيها جزيرة سانتوزا فيها المدينة المائية وفيها ينفرسل استيديو وعندهم فندق مشهور مارينا باي ساندز جدا ممتاز ورائع ، وفي شارع اورشيد كلها اسواق والمجمعات ، واغلب الفاست فود هناك حلال تحت مظلة الجمعية الاسلامية السانغفورية

[TkTk]

موفق يا اخوي ومثل ما قالو الشباب في كولالمبور كلشي قريب منك وماتحتاج تغير مكانك ابعد منطقة تبعد ساعة بس

[شيزكيك]

العام رحنا مالييزيا سكنا في كوالا ورحنا يوم صن وي لاقون ويوم افاموسا اما العاب جتنق كانت مسكرة والماينز مارحنا له لان عادي زايرينه قبل والجرز بعد رحنا بيينغ قبل . عقب بالمني باص رحنا ولاية جوهور تقريبا ثلاث ساعات من كوالا حجزنا ليلتين في فندق الليغو اللاند علشان ملاهي الليغو وعقب مشينا لسنغافوره تقريبا نص ساعه الطريق وسكنا في فندق المارينا سند بي ورحنا سنتوزا بس حق اليونيفرسال ستديوز كانت عجيبه بس زحمه زحمه ناس من كل دول شرق اسيا يعني العيال ما العبوا الا في لعبه وحده من عقب انتظار ساعتين