صفحة 1 من 2 12 الأخيرةالأخيرة
النتائج 1 إلى 10 من 17

الموضوع: خدمه نسمعك عشان أنطنشك من وزاره الصحه

  1. #1
    عضو
    رقم العضوية
    47705
    تاريخ التسجيل
    Jul 2014
    المشاركات
    70

    خدمه نسمعك عشان أنطنشك من وزاره الصحه

    السلام عليكم ورحمه الله
    بتكلم عن موقف يرفع الضغط صار لنا في المركز الصحي التابع لمنطقتنا وعند خدمه نسمعك الي المفروض تكون خدمه لتصحيح الأخطاء وتحسين الخدمة الصحيه لكن للأسف من الموقف الى صار معانا اقدر أقول ان طلعت بس اسم على الفاضي. السالفه اختي بسم الله عليكم تعبت جاتها دوخه وهبوط و حست بدوار و تحس بحراره بجسمها و ان جسمها متكسر عليها و تحس انها بترجع الله يعزكم اتصلت على و انا بالدوام استأذنت وجيت البيت وديتها المركز الصحي الساعه 11:30 الظهر عند الباب الممرضة الي تقيم الحالات سألت من شنو تشكي و قلنا لها عطتنا رقم و دخلنا غرفه القياسات شافوا الضغط والحرارة و هي المواضيع و قالت لي الممرضة روحي الاستقبال آخذي رقم للدكتوره و اخذنا رقم عشان دورنا في الاستقبال ونأخذ رقم للدكتوره انتظرنا الدور وجا دورنا الا موظفه الاستقبال تقول لي والله اليوم كرفنا كرف وااايد زحمه عندنا من الصبح واحنا نكرف قلت لها يعطيكم العافيه قالت ارقام الدكاتره الحريم وااايد زحمه وضغط عليهم روحي استقبال الرجال آخذي رقم عادي يشوفكم دكتور قلت لها اي اوكي رحت استقبال الرجال الا الموظفة الي هناك تعيد على نفس الأسطوانة ان كرفوا وأيد و وأيد زحمه رجعي استقبال الحريم رجعت لها قلت لها مارضت تعطيني رقم الا تقول لي آخذي موعد و تعالي اللحين السستم مايقبل اي مريض خلاص قلت لها المركز الصحي يسكر 2 و اللحين حتى وحده ماجات ايش هي السستم الى يسكر أوقات الدوام الرسمي الا فازعه لها موظفه ثانيه تقول لي زين آخذي موعد الساعه 4 العصر و تعالي قلت لها اختي تعبانه ليش أجي 4 و المركز لين اللحين ماسكر ماجات 2 الا تقول لي بكل جرائه حمدي ربج عطيناج موعد الساعه4 مستشفى الوكره يعطون موعد بعد شهر و ردت الثانيه الا تقول عادي بعطيج رقم كنه تتعطف علينا بعطيج رقم روحي انتظري عند باب الدكتوره بس اذا طلعت وخلتج ماشافتج كيفج بتشوفيها وهي طالعه ولا تقدرين تقول شئ عصبت قلت لها وين مسؤلتكم وين مكتب مدير المستشفى محد عبرني واتصل على خدمه نسمعك قال كلمي شكاوى مراكز الرعايه الصحيه الاوليه اتصلت قال لي دامج في المركز الصحي ما طلعتي روحي مكتب خدمه نسمعك سألت وين المكتب الا الأخت تقول لي اي السستم سكر اللحين وأي مريض بدخله موظفه الاستقبال في السستم بيسبب لها مشكله قلت لها وريني تعميم او كتاب يقول ان قبل الساعه 2 ما تستقبلون مرضى قالت لا مافي بس السستم بنفسه مايقبل انا بعطيج رقم اللحين و الساعه 12 يتغير الشفت و الساعه 4 بيجون الدكاتره وبندخلكم قلت لها شنو يعنى افهم من كلامج تبين نروح عياده خاصه ولا شنو قالت لا ماقلت بس انتظروا لين 4 وجايبه معاها موظف و موظفه من حمايه موظفين الأمن قلت لها هي اخر كلام عندج قالت اي لان الممرضة قيمّت الحاله ان مو طوارئ قلت لها اذا السستم مايقبل وإذا الممرضة قالت الحاله مو طوارئ ليش استقبلتونا من الاول وليش دخلنا المستشفى و ليش قسوا الحرارة وغيره و ليش تخلوني رايحه وراده من استقبال الحريم لين استقبال الرجال وضيعوا وقتنا وخذت اختي و رحنا طوارئ مستشفئ حمد استقبلونا وعطوا اختي أبره و دواء وحطوها تحت الملاحظة لين المغرب وعطوها ادويه مااعتقد ان مافيها شئ و ماتعتبر حاله طارئة هذي وبعدها اتصلت وقدمت شكوه وطرشوا لي مسج برقمه الشكوه واتصل بعدها بيوم او يومين موظف من قسم الشكاوى من بدا كلامه قال احنا أسفين وكلامك صح و بنغلق الشكوه و بنهتم بالموضوع قلت له شنو يعنى الإجراء الي بيصير قال بنتواصل مع المركز الصحي خلاص ايش رايج تغلقين الشكوه قلت له لا ابي الإجراء الي بيصير قال اوكي سكر التلفون دقيقتين ماخذ الا مرسلين لي مسج تم إغلاق الشكوه اتصلت اسأل ايش صار كيف حليتوا الموضوع قال لا المركز الصحي قال ان الحاله مو طوارئ قلت له وكلامهم عن السستم و اُسلوب الموظفة الى قالت احمدي ربج اذا عطناج موعد قال لا أكيد هذي موظفه جديده ماتعرف قلت له والله اذا جديده تأخذ دورات كيف تتعامل مع الناس و مايصير يألفون قصه السستم ان مايقبل مرضى انا ابي حل عدل للموقف عشان مايتكرر معاي ولا مع غيري قال اوكي بنفتح الشكوه مره ثانيه وجاني مسج برقم شكوه وبعدها بيومين أغلقوا الشكوه اتصلت سألت قال اللحين موظف بيكلمج واتصل لي واحد من جنسيه عربيه يتكلم وكنه نايم بياالله يتكلم الا يقول احنا نعتذر بس مثل مقالتي قبل المركز الصحي كان وأيد زحمه و وأيد ضغط عاد صج عصبت ايش هي الكذب و تحوير الكلام قلت له اعتقد مكالماتكم مسجله ارجع لها واسمع انا ايش قلت و المركز ماكان زحمه ولا شئ ولا جبت طاري ان زحمه وقلت له اعتقد خدمتكم بس نسمعك ونطنشك و خلاص ضيعت وقتي في الاتصالات وللاسف على الفاضي يعنى هي الخدمة بس حاطينها على الفاضي و لا مفعله ولا تقوم بدورها انا قلت لها والله الجرايد و الإذاعة و وسائل التواصل الاجتماعي تحل المواضيع أحسن من خدمتكم نسمعك و نطنشك و الله ارتفع ضغطي صج .

  2. #2
    عضو
    رقم العضوية
    26538
    تاريخ التسجيل
    Jun 2009
    المشاركات
    198
    الله يشفي اختك ولا الومك وحبيت ارد عليك قبل لايردون الطبقه المخملية ويقولون لك استعجلتي وكان قدمتي شكوى حق الي اكبر منهم وتحمدين الله على مستشفياتنا غيرك مايحصلون الي عندنا انا بلخص لك بكلمة وحده الصحة عندنا والله ابسط دكتور في الهند يفهم احسن من الي عندنا كلهم على ابوهم يعني لاتحزنين دخلتي على الدكتور او لا والله نفس الشي مراح تستيفدين شي لو عندهم ضمير وهذي متطلبات الصحه لو قبل دقيقه من العمل يخلص يدخلونك بس اسف نسيت هاي في الدول الي تحترم انسانية المريض مب عندنا المريض ملف ورقم

  3. #3
    تميم المجد
    رقم العضوية
    34399
    تاريخ التسجيل
    Sep 2010
    المشاركات
    5,084
    كل شي بدأ يتطور في بلادنا الا الصحة

  4. #4
    عضو مؤسس
    رقم العضوية
    37874
    تاريخ التسجيل
    May 2011
    المشاركات
    1,499
    للأسف أصبحت مواعيد الاسنان بالمراكز الصحيه بالشهور

  5. #5
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    يمكن اللي وضعه طاريء للحين ما تعلموا يعطونه أولوية وخصوصاً لو قطري أو قطرية ولو كبير سن أو طفل والعيب من الإدارة

    لكن مواعيد عادية ومتابعة انا ما يقصرون معاي .. آخر طلب كان تحويل لدكتور عظام وتحولت وخلصت اجراءاتي وتشخيصي في يوم وحولوني علاج طبيعي وتم الاتصال بي بسرعة وتحديد الموعد بسرعة ورحت اليوم وكان علاجهم واهتمامهم ممتاز

    مواعيد الأسنان توفقت في علاج اللثة أما التركيبات يتملصون بطريقة غريبة شكلهم ما يحبون القطري ويحبون الكتري

  6. #6
    عضو مؤسس الصورة الرمزية qatarman8008
    رقم العضوية
    26161
    تاريخ التسجيل
    Jun 2009
    المشاركات
    8,976
    لابس اشلون مايعطون ارقام والساعة للحين ماصارت وحدة الظهر..
    هم يداومون لي ثنتين يعني المفروض وحدة ونص يوقفون توزيع الارقام..
    وبعدين ترى في المستشفى لما يجيك مريض وانت طبيب صعب تقول له تعال اربع العصر وايضا صعب عليه يطلع يروح الطواري..
    هذي مريض وقاعد يعاني من المرض المفروض من الناحية الانسانية يكون هناك مراعاة لهالمريض..
    الملاحظة الثانية اللي هي اسلوب تعامل موظفين الاستقبال هذا الشي لو كان فعلا يصير ف لازم يتم محاسبتهم ..
    الملاحظة الثالثة نبي نعرف كيف تتعامل خدمة نسمعك مع الشكاوي..

  7. #7
    عضو مؤسس الصورة الرمزية الدوحه1
    رقم العضوية
    30670
    تاريخ التسجيل
    Feb 2010
    المشاركات
    3,261

    الدكتور في المركز الصحي طلب تحويلي لعيادة الاذن ,,
    اقسم بالله العظيم ان عطوني موعد بعد سنه !!!!!!!!



  8. #8
    تميم المجد الصورة الرمزية qatari911
    رقم العضوية
    30223
    تاريخ التسجيل
    Jan 2010
    المشاركات
    2,590
    اقتباس المشاركة الأصلية كتبت بواسطة الدوحه1 مشاهدة المشاركة

    الدكتور في المركز الصحي طلب تحويلي لعيادة الاذن ,,
    اقسم بالله العظيم ان عطوني موعد بعد سنه !!!!!!!!


    من غير ما تقسم
    انا عندي مشكله بالاذن من 2012 الى 2014 وماعرفو شنو الي فيني كلها قايمه على تخمين المرض عدم اتزان في الوقوف دوخه صداع طنين في الاذن واخر شي اكتشف ان الدكتوره ماعطتها كل النتايج وبعد ثلاث سنين ونص لغاية 2015 قالو عندي الاذن الوسطى ولازم ما اجهد نفسي
    شعقبه بعد ماتسحبت
    سحبت عليهم والى الان عندي طنين بالاذن ودوخه اذا اجهد نفسي في اقل شي

    بعض الناس أفواههم اكبر من عقولهم
    يتحدثون وكأنهُم حُكماء ولكن للأسف جهله
    أطفال غير ملومين فالننظُر إليهم كأننا نشاهد
    الطفل عندما يقول " لعبوني وإلا بخرب "
    كفى بالمرء كذباً أن يحدّث بكل ما سمع .

  9. #9
    عضو مؤسس الصورة الرمزية الدوحه1
    رقم العضوية
    30670
    تاريخ التسجيل
    Feb 2010
    المشاركات
    3,261
    اقتباس المشاركة الأصلية كتبت بواسطة qatari911 مشاهدة المشاركة
    من غير ما تقسم
    انا عندي مشكله بالاذن من 2012 الى 2014 وماعرفو شنو الي فيني كلها قايمه على تخمين المرض عدم اتزان في الوقوف دوخه صداع طنين في الاذن واخر شي اكتشف ان الدكتوره ماعطتها كل النتايج وبعد ثلاث سنين ونص لغاية 2015 قالو عندي الاذن الوسطى ولازم ما اجهد نفسي
    شعقبه بعد ماتسحبت
    سحبت عليهم والى الان عندي طنين بالاذن ودوخه اذا اجهد نفسي في اقل شي

    والله ياخوي انا مثلك عندي طنين في الاذن من اكثر من 10 سنوات ومب عارفين السبب ؟؟؟؟؟؟


  10. #10
    تميم المجد الصورة الرمزية كشمه
    رقم العضوية
    48607
    تاريخ التسجيل
    Mar 2015
    الدولة
    دولة تميم المجـد
    المشاركات
    182
    كل الوزارات والأقسام والهيئات الحكومية بدأت تتطور وتتسنع الا الصحة والمراكز الصحية يفشلون من قلب
    أكرر اللي في الإستقبال يشتغلون يبيلهم دورات في خدمة العملاء من شركات عالمية
    وبمعايير عالية علشان نتخلص من الأنفة الزايدة اللي موجودة والضحك والإستهتار اللي ما تغير من التسعينات

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •